Siyakuvumela okuqukethwe kwabantu abadala ku-Blogger, okuhlanganisa izithombe noma amavidiyo aqukethe ubunqunu noma izenzo zocansi. Uma ibhulogi yakho iqukethe okuqukethwe kwabantu abadala, sicela uyimake ngokuthi 'okwabantu abadala' kuzilungiselelo zakho ze-Blogger. Singase futhi simake amabhulogi ngokuthi awabantu abadala lapho abanikazi bengenzanga kanjalo. Wonke amabhulogi amakwe ngokuthi 'okwabantu abadala' azobekwa ngemuva kwesikhala sesixwayiso esithi 'okwabantu abadala'. Uma ibhulogi yakho inesikhala sesixwayiso, sicela ungazami ukusishintsha noma ukhubaze isixwayiso - sikhona ukuze kuvikelwe wonke umuntu.

Kukhona okuthile okuhlukile kunqubomgomo yokuqukethwe yomuntu omdala:

• Ungasebenzisi i-Blogger njengendlela yokwenza imali kokuqukethwe komuntu omdala. Ngokwesibonelo, ungawasunguli amabhulogi aqukethe izikhangiso noma izixhumanisi zamasayithi adayisa izithombe zocansi.
• Asikuvumeli okuphathelene nezocansi olungekho emthethweni, okuhlanganisa isithombe, ividiyo noma okuqukethwe kombhalo okubonisa noma okukhuthaza ukudlwengula, ukulala nesihlobo, ukulala nesilwane, noma ukulala nesidumbu.
• Ungathumeli noma usabalalise izithombe noma amavidiyo obunqunu ayimfihlo noma aveza ucansi ingcaca ngaphandle kwemvume yombambiqhaza. Uma othile ethumele isithombe noma ividiyo yakho yobunqunu yangasese, ebeka obala ezocansi, noma isithombe noma ividiyo yokusondelana okungabeki obala kanye nocansi, sicela usibikele lapha.

Ungasunguli, ulayishe noma usabalalise izinto ezihlukumeza noma eziganga ngezingane ngokocansi. Lokhu kufaka zonke izinto zokuhlukumeza ngokocansi izingane Ukubika izinto emkhiqizweni we-Google okungenzeka ziganga ngezingane, chofoza Bika ukuhlukumeza. Uma uthola iznto kwenye indawo khona ku-inthanethi, sicela uxhumane neziphathimandla ezifanele ezweni lakho ngqo.

Ngendlela ebanzi, i-Google iyakwenqabela ukusetshenziswa kwemikhiqizo yethu ukuze kufakwe izingane engozini. Loku kufaka phakathi futhi akupheleli ekuzuphatheni ngendlela enokuganga okubhekiswe ezinganeni okufana nokuthi:

• ‘Ukulungiselela ingane umsebenzi othile’ (isibonelo ukwakha ubungani nengane ku-intanethi ngenhloso yokuqhuba imisebenzi yezocansi kuxhunywe noma kungaxhunyiwe ku-inthanethi noma kungaxhunyiwe, ukushintshisana ngokocansi noma ngezithombe zocansi nengane);
• ‘Ukuqola ngokocansi'; (isibonelo, ukusabisa noma ukusongela ingane ngokusebenzisa ukufinyelela ezithombeni zayo inqunu noma ezithombeni okungezona ezayo);
• Ukuguqula ingane uyenze isigqila socansi (isibonelo, izithombe ezikhombisa neziphromotha ukuhlukunyezwa kwezingane ngokocansi okungaholela ekuhlunyezweni kwezingane ngokocansi);
• Nokushushumbisa ingane (isbonelo, ukukhangisa noma ukuthengisa izingane ngenhloso yokuzuza imali nokuhlukumeza ngokocansi).

Sizokususa okuqukethwe okunjalo futhi sithathe isinyathelo esifanele, esingase sihlanganise ukubikela i-National Center for Missing & Exploited Children, ukungena okulinganiselwe ezicini zomkhiqizo, kanye nokukhubaza i-akhawunti. Uma ukholelwa ukuthi ingane isengozini noma iye yahlukunyezwa, yaxhashazwa, noma yashushunjiswa, xhumana namaphoyisa ngokushesha.

Ungasebenzisi lo mkhiqizo ukuzibandakanya nezenzo ezingekho emthethweni noam uku ukuphromotha lezo zenzo, imikhiqizo, amasevisi noma ulwazi olungalimaza abanye futhi lubasabise kanye nezilwane. Noma sivumela ulwazi oluvamile ngezizathu zokufundisa, zokugcina emiqulwini, zesayensi, noma zobuciko ngalolu hlobo lokuqukethwe, sidweba phansi uma loko okuqukethwe kulimaza noma kugqugquzela izenzo ezingekho emthethweni. Sizothatha izinyathelo ezifanele uma saziswa ngezenzo ezingekho emthethweni, okungafaka phakathi ukukubika kwiziphathimandla ezifanele.

Ungahlukumezi, ungabi nobuxhwanguxhwangu kwabanye, noma ubasongele. Futhi asivumeli lo mkhiqizo ukuthi usetshenziselwe ukubandakanye noma ukwenza abanye ukuthi babe ingxenye kule misebenzi. Loku kufaka phakathi ukubandlulula omunye ngenhloso yokumuhlukumeza, ukumusongela omunye ngokumulimaza, ukwenza omunye isigqila socansi ngendlela engafuneki, ukuveza imininingo yaloyo muntu ngendlela engasetshenziselwa ukumusongela, ukumubandlulula nokumehlisa isithunzi salabo ekuqondiswe kubo udlame noma ubungozi, ukugqugquzela abanye ukuthi benze lezo zenzo noma ukuhlukumeza abanye ngezinye izindlela. Khumbula njalo ukuthi ukuhlukumeza abanye abantu ku-inthanethi akukho emthethweni ezindaweni eziningi futhi kungaba nemiphumela emibi ezindaweni zangempela kuwe ohlukumezayo kanye naloyo omuhlukumezayo. Singenza isenzo esifanelekile uma saziswa ngezinsongo zokulimaza noma ezinye izimo ezinobungozi, ezingafaka ukukubika kwabasemagunyeni abafanelekile.

Ungazibandakanyi kunkulumo enenzondo. Inkulumo enenzondo okuqukethwe okuphromotha futhi kukhuthaze ubandlululo noma ukuthatha kancane komuntu oyedwa noma iqembu ngokuya ngohlanga lwabo noma umsuka wendabuko, inkolo, ukukhubazeka, iminyaka yobudala, ubuzwe, isimo somakadebona, umumo wezocansi, ubulili, ubunikazi bobulili, noma ezinye izici ezihlotshaniswa nokubandlululwa kwesistimu noma ukwehliselwa phansi

Ungazenzi umuntu noma inhlangano ongayena noma uhlanekezele amaqiniso ngawe. Lokhu kubandakanya ukuzenza noma yimuphi umuntu noma izinhlangano ongazimelele; ukunikeza ulwazi oludukisayo olumayelana nomazisi womsebenzisi/wesayithi, ukufaneleka, ubunikazi, injongo, imikhiqizo, amasevisi, noma ibhizinisi;.
Lokhu kuphinde kubandakanye okuqukethwe noma ama-akhawunti ahlanekezela amaqiniso noma afihla ubunikazi bawo noma injongo yawo eyinhloko njengokuhlanekezela amaqiniso noma ukufihla ngamabomu izwe odabuka kulo noma eminye imininingwane ebalulekile emayelana nawe lapho uqondisa imininingwane emayelana nepolitiki, izinkinga zezenhlalo, noma izindaba ezikhathaza umphakathi ezweni okungelona elakho. Siyayivumela ipharodi, i-satire, kanye nokusetshenziswa kweziteketiso noma amagama okudlala - kodwa gwema okuqukethwe okungase kudukise izithameli zakho ngokuthi ungubani ngempela.

Ungadluliseli uhlelo olungayilungele ikhompuyutha noma okunye okuqukethwe okulimaza noma okuphazamisana nokusebenza kwamanethiwekhi, amaseva, amadivayisi omsebenzisi, noma enye ingqalasizinda. Lokhu kufaka ukusingathwa okuqondile, ukushumeka, noma ukudluliswa kohlelo olungayilungele ikhompyutha, amagciwane, ikhodi emoshayo, noma enye isofthiwe enobungozi noma engadingeki noma okuqukethwe okunjalo. Lokhu kuphinda kufake okuqukethwe okudlulisela amagciwane, kubangele ama-pop-up, imizamo yokufaka isofthiwe ngaphandle kwemvume yomsebenzisi, noma uma kungenjalo okuba nomthelela kubasebenzisi ngekhodi enobungozi. Bona Izinqubomgomo Zokuphequlula Okuphephile zethu ukuze uthole olunye ulwazi.

Ungasakazi okuqukethwe okukhohlisayo, okudukisayo, noma okudida abasebenzisi. Lokhu kubandakanya:

Okuqukethwe okudukisayo okuhlobene nezinqubo zomphakathi nentando yeningi: okuqukethwe okusobala ukuthi kungamanga futhi okungase kubukele phansi ngokuphawulekayo ukubamba iqhaza noma ukwethenjwa kwezinqubo zomphakathi noma zentando yeningi. Lokhu kubandakanya ulwazi olumayelana nezinqubo zokuvota zomphakathi, ukufaneleka kwekhandidethi yezepolitiki ngokusekelwe kubudala / indawo yokuzalwa, imiphumela yokhetho, noma ukubamba iqhaza ekubalweni kwabantu okuphikisana namarekhodi kahulumeni asemthethweni. Kuphinde kubandakanye nezimangalo ezingeyikho zokuthi othile wezepolitiki noma isikhulu sikahulumeni sishonile, sibhekane nengozi yemoto, noma siphethwe ukugula okubucayi okungalindelekile.

Okuqukethwe okudukisayo okuhlobene nemibono yozungu olulimazayo: okuqukethwe okukhuthaza noma okufakazela ubuqiniso bezinkolelo ezithi abantu ngabanye noma amaqembu enza ngokuhleliwe izenzo ezibangela umonakalao obanzi. Lokhu okuqukethwe kuphikiswa ubufakazi obuningi futhi kuphumele ekutheni kube nobudlova noma kuyabukhuthaza.

Okuqukethwe okudukisayo okuhlobene nezinqubo zokwelapha ezilimazayo: okuqukethwe okudukisayo kwezempilo noma kwezokwelapha okuphromotha noma kukhuthaze abanye ukuthi bazibandakanye emikhutsheni engase iholele ekulimaleni kanzima ngokomzimba noma ngokwegqondo kwabantu ngabanye, noma ukulimala komphakathi kanzima.

Imidiya eshintshiwe: imidiya ekhohlisiwe ngandlela thize noma ehlanekezelwe ngendlela edukisa abasebenzisi futhi ingase ibangele ingozi ebucayi yokulimala okushaqisayo.

Okuqukethwe okudukisayo kungase kuvunyelwe kumongo ofundisayo, idokhumentari, kwezesayensi, noma ngokwezobuciko, kodwa sicela uqaphele ukuthi unikeza ulwazi olwanele ukuze usize abantu baqonde lo mongo Kwezinye izimo, alikho inani elanele lomongo elizovumela ukuthi lokhu okuqukethwe kuhlale ezinkundleni zethu.

Ungagcini noma usabalalise izithombe zobunqunu izithombe namavidiyo ocansi eziveza konke obala ngaphandle kwemvume yalowo oshuthiwe. Uma othile ethumele isithombe noma ividiyo yakho yobunqunu yangasese, ebeka obala ezocansi, noma isithombe noma ividiyo yokusondelana okungabeki obala kanye nocansi, sicela usibikele lapha.

Ungagcini noma usabalalise imininingwane yabanye abantu yobumfihlo ngaphandle kwemvume yabo. Loku kufaka phakathi imininingwane efana nezinombolo ze-U.S. Social Security, izinombolo zama-akhawunti asebhangi, izinombolo zamakhadi wesikweletu, izithombe zamasiginisha kanye namaphepha ezempilo. Kuzimo eziningi lapho lolu lwazi lutholakala ngokusabalele kwenye indawo ku-inthanethi noma kumarekhodi asesidlangalaleni, njengakuzinombolo ze-ID kazwelonke ezifakwe kuwebhusayithi kahulumeni, ngokuvamile asicubunguli izenzo zabomthetho.

Ukweba imininingwane ebucayi: Ungasebenzisi lo mkhiqizo ngenhloso yokweba imininingwane ebucayi. Loku kufaka phakathi ukufuna noma ukuqoqa imininingo ebucayi efana namaphasiwedi, imininingwane yezezimali kanye nezinombolo zomazisi.

Ungathengisi, ungakhangisi, noma uhambise ukuthengiswa kwezimpahla namasevisi alawulwayo. Izimpahla namasevisi alawulwayo zifaka utshwala, ukugembula, okwamakhemisi, izisizi ezingavunyelwe, ugwayi, iziqhumane, izikhala, noma amadivayisi ezempilo/ezokwelashwa.

Ungenzi ungaxekile. Lokhu kungafaka okuqukethwe okungadingeki kwamaphromoshini noma kwentengiso, okuqukethwe okungadingeki okudalwa uhlelo oluzenzakalelayo, okuqukethwe okungadingeki okuphindayo, okuqukethwe okungenangqondo, noma yonke into ebonakala ifuna okukhulu.

Izinhlangano ezimelene nohulumeni ezaziwayo kanye namaqembu azivunyelwe ukusebenzisela lo mkhiqizo noma iyiphi injongo. Ungasabalalisi okuqukethwebute okuqondisa noma okukhuthaza imisebenzi yalawa maqembu, njengokuqasha, ukuqondisa imisebenzi eku-inthanethi noma engaxhunyiwe ku-inthanethi, ukwabelana ngamamanyuwali noma ezinye izinto ezingabangela ukulimala, ukukhuthaza izimfundiso zezinhlangano ezimelene nohulumeni ezinodlame, ukukhuthaza izenzo zobushokobezi, ukugqugquzela udlame, noma ukubhiyozela ukuhlasela kwezinhlangano ezimelene nohulumeni ezinobudlova. Kuye ngokuqukethwe, singase siphinde sithathe isinyathelo ngokumelene nomsebenzisi. Okuqukethwe okuhlobene nezinhlangano ezimelene nohulumeni ezinobudlova kungavunyelwa ngomongo wokufundisa, wobufakazi obulotshiwe, wezesayensi, noma wezobuciko, kodwa sicela unake ukuthi unikeza ukwaziswa okwanele ukusiza abantu ukuqonda umongo.

Ungagcini noma usabalalise izithombe zezingane ngaphandle kwemvume yabazali bengane noma labo abayiqaphile ngokusemthethweni. Uma kukhona ogcine noma osabalalise isithombe sengane ngaphandle kwemvume efanelekile sicela ukubike kithi.

Ungagcini noma usabalalise okuqukethwe okunodlame noma igazi okufaka phakathi abantu bangempela noma izilwane ngenhloso yokuthusa nokuhlasimulisa umzimba. Loku kufaka phakathi okuqukethwe okuhlasimulisa kakhulu okufana nokuhlinzwa noma izithombe zezidumbu ezihlinziwe noma ezithusayo okufana nokuqukethwe okunegazi. Okuqukethwe okudukisayo kungase kuvunyelwe kumongo wezokufundisa, wedokhumentari, wezesayensi, noma wobuciko, kodwa sicela uqaphele ukuthi unikeza ulwazi olwanele ukuze usize abantu baqonde lo mongo. Kwezinye izimo, okuqukethwe kungaba nodlame kakhulu noma kuthuse kuze kungabi khona inani lokuqukethwe elizovumela lolo hlobo lokuqukethwe ukuthi luhlale kuzingxenyekazi zethu. Okokugcina, asikhuthazi abanye ukuthi benze izenzo zodlame ezithile.

Kuyinqubomgomo yethu ukuphendula izaziso ezicacile ezimayelana nezinsolo zokwephulwa kwe-copyright. Imininingwane eminingi mayelana nezinqubo zethu ze-copyright zingatholakala lapha. Futhi, sicela unganikezi izixhumanisi samasayithi lapho abafundi bakho bengathola ukulanda okungagunyaziwe kokuqukethwe kwabanye abantu.