Capilé

Música asturiana nel Spotify

2010-02-06T19:08:00.004+01:00

Nel añu 2009 apaeció un proyectu on-line que revolucionó y ta revolucionando'l mundu de la música y la so rellación con internet, rellación polémica onde les haya. Ye Spotify, que p'aquellos que tovía nun la conozan, ye una aplicación pa sentir música vía streaming, en directo. L'usuariu namás que tien que buscar el cantar que quier sentir y calcar nel play, sin falta d'esperar a descargar l'archivu.

Spotify ye daqué realmente recomendable, pon a nuestra disposición una cantidá de música increible, anque la fondura del catálogu depende de qu’opción escoyamos, ya qu’hai versión gratuita y premium. Na opción de baldre nun se tien accesu al catálogu completu de música, y amás hai publicidá ente los cantares, mientres que la premium lóxicamente ta llibre d'anuncios y da accesu a tol fondu musical. En resume, ye una ferramienta qu'intenta adaptar el negociu de la música al mundu on-line.

Pero, ¿cómo puede afectar a la música asturiana, puede sirvi-y de canal pa difundise, o al reves, puede tapecer la nuestra música?. Si facemos una busca rápida na versión free de grupos asturianos, los resultaos pueden ayudanos a danos una rempuesta. Si buscamos en Spotify artistes como Felpeyu, DRD, La Bandina, Llan de Cubel, Dixebra, Toli Morilla, Mª Luz Cristobal Caunedo, Los Berrones, Fe de Ratas, Helltrip o Skanda por poner unos exemplos, el buscador déxanos como tabemos, con nada. Y ye que nun hai nengún cantar de nengún d’estos grupos nel catálogu. Nun quier dicir esto que nun haya música asturiana na web, pero como se puede ver, una parte perimportante de la música asturiana nun existe pa Spotify. Nun sé si esto ye tamién asina na versión premiun, pero calculo que sí, y per otra parte, la versión de baldre ye la más usada de manera aplastante. Esto quier dicir que bona parte del discursu musical asturianu ta fuera d’una de les ferramientes de difusión de la música más prometedores de los últimos años, y eso ye, evidentemente, pernegativu. Si la popularización de Spotify sigue medrando, y entamase a convertise pa una parte relevante de la sociedá na principal canal pela qu’acceder a música, toos esos grupos sedríen invisibles p’aquellos que quixeren interesase pola música que se fai per este tierres.

Spotify igua’l so catálogu per aciu d’acuerdos con discográfiques, que ceden el so fondu a cambiu de retribuciones por ventes de cantares. Probablemente nenguna discográfica asturiana contactó entá cola empresa pa intentar meter los sos discos na web, y esto ye normal, ya que Spotify namás que lleva añu y mediu funcionando. Pero, los músicos y discográfiques asturianes nun puede dexar pasar la oportunidá de tar dientro de fenómenos como esti, ya que ye una inmeyorable ferramienta pa difundir el so trabayu. Dir colos tiempos nun ye namás una obligación, sinón tamién una oportunidá.

Los premios principe no son clave

2010-01-20T14:54:00.006+01:00

La Nueva España publicó hace unos días un artículo en que hablaba sobre las palabras más asociadas a "Oviedo" en las búsquedas en Google. La Universidad, las fiestas de San Mateo cuando se acerca su época, la exhibición de Fernando Alonso en la ciudad, o el ascenso del Oviedo son los términos más representativos en las búsquedas sobre "Oviedo", tanto en momentos puntuales o de manera recurrente todos los años.

Es curioso comprobar como en esta nómina de destacados no hay ninguna referencia a los Premios Príncipe de Asturias, esos galardones que anualmente toman la actualidad asturiana y de la capital al asalto, y que son presentados como la mejor plataforma de promoción de Uviéu y Asturies al mundo. Pero parece que no es así, ya que el termómetro de interés social que representa las búsquedas en Google nos dice que los internautas no relacionan esos dos términos, es decir, por supuesto que hay mucha gente que busca información sobre los Premios en Internet, pero no sobre la ciudad donde se celebran. Uviéu, y por extensión Asturies, no se perciben como un elemento clave en estos Premios, como por otro parte nos plantean años tras año.

Esto se explica de una manera muy sencilla. Los Premios Príncipe son un producto como cualquier otro, con una serie de características que hay que vender a un consumidor, en este caso la sociedad en general, y que persigue un objetivo, en este caso principalmente el de promocionar y mejorar la imagen de la casa real. Coherentemente con este objetivo, en los Premios Príncipe la ciudad y la comunidad en que se entregan carecen de importancia, ya que son un mero escenario, un plató en el que desarrollar la actividad principal que son la entrega de Premios.

Si esto debe ser así no es el tema de este post, pero si es interesante que quede claro que funcionalidad tienen los Premios, además de qué percepción y qué trasmiten los premios a la sociedad, para que no pensemos que gracias a los Premios recibimos algo que en realidad nos es así
.

Ponerle puertas al campo

2010-01-17T18:23:00.004+01:00

La polémica sobre la disposición final primera de la Ley de Economía Sostenible, la que se refiere principalmente al cierre de webs, es una vuelta de tuerca más en el debate en torno al futuro de la red y qué derechos vamos tener en ella sus usuarios. La amenaza de recortar libertades de los ciudadanos en el mundo digital se ha vuelto muy real, algo que hace años parecía imposible.

Desde que se empezó a copiar cd's, eran famosas las carreras entre las empresas que creaban complicadísimos sistemas anticopia, y voluntariosas personas que se saltaban esos sistema en minutos. De la misma manera, desde que se popularizó el intercambio de archivos gracias a Napster, los usuarios siempre han ganado la carrera a los gobiernos, discográficas y entidades de gestión de derechos en su interés por cerrar las redes de intercambio. En cuanto se cerraba una red, aparecía otra mejor y más rápida. Así, parecía y se decía que ese interés por controlar lo que circula en Internet era inútil, tanto como intentar ponerle puertas al campo.

El punto al que ha llegado el gobierno español, involucrando a la Audiencia Nacional y reformando leyes para simplificar procesos judiciales de cierre de webs, me hace pensar que con suficientes puertas y ladrillos se puede parcelar el campo, con lo que los usuarios y ciudadanía en general debemos tomarnos muy en serio que es lo que está pasando.

Es evidente que Internet necesita de una regulación, yo no creo, como la mayoría, que Internet tenga que ser una jungla donde todo vale. Pero la regulación puede hacerse enfocada a proteger unos u otros intereses, y en el caso de un poder público ésta debería ir enfocada a la protección del interés público general. En este sentido, y sin entrar en más detalles de cómo debería ser esa regulación, aquellos que vemos Internet como una gran herramienta de desarrollo personal y social del siglo XXI, no podemos quedar de brazos cruzados, pensando que Internet siempre será "libre", y que siempre saldrá algún sistema para saltarse la regulación, y que con cambiar la Web a un servidor lejano bastará para seguir funcionando, ya que llegará un momento en que esa posibilidad también desaparecerá. La defensa de nuestros derechos en Internet no puede basarse en un mero juego del ratón y el gato, sino que se debe conseguir el respeto formal de esos derechos.

Como primer paso, es necesario participar de la iniciativas que buscan visualizar el descontento entre la comunidad de usuarios, ya que si onde se legisla no se ve una masa crítica con opinión, no será posible condicionar sus decisiones y leyes.

A partir de hoy, Red y Libertad

2010-01-17T18:21:00.000+01:00

Consideramos imprescindible la retirada de la disposición final primera de la Ley de Economía Sostenible por los siguientes motivos:

1. Viola los derechos constitucionales en los que se ha de basar un estado democrático en especial la presunción de inocencia, libertad de expresión, privacidad, inviolabilidad domiciliaria, tutela judicial efectiva, libertad de mercado, protección de consumidoras y consumidores, entre otros.
2. Genera para la Internet un estado de excepción en el cual la ciudadanía será tratada mediante procedimientos administrativos sumarísimos reservados por la Audiencia Nacional a narcotraficantes y terroristas.
3. Establece un procedimiento punitivo “a la carta” para casos en los que los tribunales ya han manifestado que no constituían delito, implicando incluso la necesidad de modificar al menos 4 leyes, una de ellas orgánica. Esto conlleva un cambio radical en el sistema jurídico y una fuente de inseguridad para el sector de las TIC (Tecnología de la Información y la Comunicación). Recordamos, en este sentido, que el intercambio de conocimiento y cultura en la red es un motor económico importante para salir de la crisis como se ha demostrado ampliamente.
4. Los mecanismos preventivos urgentes de los que dispone la ley y la judicatura son para proteger a toda ciudadanía frente a riesgos tan graves como los que afectan a la salud pública. El gobierno pretende utilizar estos mismos mecanismos de protección global para beneficiar intereses particulares frente a la ciudadanía.
Además la normativa introducirá el concepto de “lucro indirecto”, es decir: a mí me pueden cerrar el blog porque “promociono” a uno que “promociona” a otro que vincula a un tercero que hace negocios presuntamente ilícitos
5. Recordamos que la propiedad intelectual no es un derecho fundamental contrariamente a las declaraciones del Ministro de Justicia, Francisco Caamaño. Lo que es un derecho fundamental es el derecho a la producción literaria y artística.
6. De acuerdo con las declaraciones de la Ministra de Cultura, esta disposición se utilizará exclusivamente para cerrar 200 webs que presuntamente están atentando contra los derechos de autor. Entendemos que si éste es el objetivo de la disposición, no es necesaria, ya que con la legislación actual existen procedimientos que permiten actuar contra webs, incluso con medidas cautelares, cuando presuntamente se esté incumpliendo la legalidad. Por lo que no queda sino recelar de las verdaderas intenciones que la motivan ya que lo único que añade a la legislación actual es el hecho de dejar la ciudadanía en una situación de grave indefensión jurídica en el entorno digital.
7. Finalmente consideramos que la propuesta del gobierno no sólo es un despilfarro de recursos sino que será absolutamente ineficaz en sus presuntos propósitos y deja patente la absoluta incapacidad por parte del ejecutivo de entender los tiempos y motores de la Era Digital.

La disposición es una concesión más a la vieja industria del entretenimiento en detrimento de los derechos fundamentales de la ciudadanía en la era digital.

La ciudadanía no puede permitir de ninguna manera que sigan los intentos de vulnerar derechos fundamentales de las personas, sin la debida tutela judicial efectiva, para proteger derechos de menor rango como la propiedad intelectual. Dicha circunstancia ya fue aclarada con el dictado de inconstitucionalidad de la ley Corcuera (o “ley de la patada en la puerta”). El Manifiesto en defensa de los derechos fundamentales en Internet, respaldado por más de 200 000 personas, ya avanzó la reacción y demandas de la ciudadanía antes la perspectiva inaceptable del gobierno.

Para impulsar un definitivo cambio de rumbo y coordinar una respuesta conjunta, el 9 de enero se ha constituido la “Red SOStenible” una plataforma representativa de todos los sectores sociedad civil afectados. El objetivo es iniciar una ofensiva para garantizar una regulación del entorno digital que permita expresar todo el potencial de la Red y de la creación cultural respetando las libertades fundamentales.

En este sentido, reconocemos como referencia para el desarrollo de la era digital, la Carta para la innovación, la creatividad y el acceso al conocimiento, un documento de síntesis elaborado por más de 100 expertos de 20 países que recoge los principios legales fundamentales que deben inspirar este nuevo horizonte.

En particular, consideramos que en estos momentos es especialmente urgentes la implementación por parte de gobiernos e instituciones competentes, de los siguientes aspectos recogidos en la Carta:

1. Los artistas como todos los trabajadores tienen que poder vivir de su trabajo (referencia punto 2 “Demandas legales“, párrafo B. “Estímulo de la creatividad y la innovación”, de la Carta);
2. La sociedad necesita para su desarrollo de una red abierta y libre (referencia punto 2 “Demandas legales“, párrafo D, “Acceso a las infraestructuras tecnológicas”, de la Carta);
3. El derecho a cita y el derecho a compartir tienen que ser potenciado y no limitado como fundamento de toda posibilidad de información y constitutivo de todo conocimiento (referencia punto 2 “Demandas legales“, párrafo A, “Derechos en un contexto digital”, de la Carta);
4. La ciudadanía debe poder disfrutar libremente de los derechos exclusivos de los bienes públicos que se pagan con su dinero, con el dinero publico (referencia punto 2 “Demandas legales“, párrafo C, “Conocimiento común y dominio público”, de la Carta);
5. Consideramos necesaria una reforma en profundidad del sistema de las entidades de gestión y la abolición del canon digital (referencia punto 2 “Demandas legales“, párrafo B, “Estímulo de la creatividad y la innovación”, de la Carta).

Por todo ello hoy se inicia la campaña INTERNET NO SERA OTRA TELE y se llevarán a cabo diversas acciones ciudadanas durante todo el periodo de la presidencia española de la UE.

Consideramos particularmente importantes en el calendario de la presidencia de turno española el II Congreso de Economía de la Cultura (29 y 30 de marzo en Barcelona), Reunión Informal de ministros de Cultura (30 y 31 de marzo en Barcelona) y la reunión de ministros de Telecomunicaciones (18 a 20 de abril en Granada).

La Red tiene previsto reunirse con representantes nacionales e internacionales de partidos políticos, representantes de la cultura y delegaciones diplomáticas.

Firmado
Red SOStenible

La Red SOStenible somos todos. Si quieres adherirte a este texto, cópialo, blogguéalo, difúndelo.

Lo digital rules

2010-01-08T11:00:00.003+01:00

Hace bastante tiempo escribí un post en el que hablaba sobre el futuro de la industria musical en Asturies, y cómo ésta tenía que estar muy atenta al desarrollo de la venta on-line de música. No hacía falta ser un gran adivino para darse cuenta de que cuando en 2008 los datos apuntaban a una buena evolución del mercado digital, esto seguiría siendo así en 2009. Y es que los datos lo confirman "According to the report, sales were up 2.1 percent in 2009 from 2008, with consumers snagging 1.16 million digital tracks (an 8.3 percent increase from ‘08) and 76.4 million digital albums (a 16.1 percent bump). In fact, 40 percent of all music purchases in 2009 were digital.". Es decir, es lo digital lo que tira de las ventas de música para arriba. Un detalle, lo más curioso del informe Nielsen es el aumento de las ventas de vinilos, una subida del 33%, que nos es puntual, ya que en años anteriores ya había esta tendencia, con lo que los nostálgicos son muchos y además compran.

Esto en la música, pero evidentemente otros ámbitos de la industria del ocio se ven muy afectados por el fenómeno digital. La mayor prueba acaba de dárnosla Amazon, Amazon anuncia que vende más libros electrónicos que de papel en Navidad. El Kindle ya está aquí, llegó para quedarse, y creo personalmente que su expansión va a ser mucho más rápida de lo que se piensa, con lo que en el mercado librero deberían de estar saltando ya todas las alarmas para ver cómo se adaptan/aprovechan del libro digital.

Reiniciando

2010-01-08T10:44:00.003+01:00

Después de mucho, demasiado tiempo, definitivamente vuelvo a darle vida a este blog. Hacía mucho tiempo que tenía ganas, pero por distintas razones siempre quedaba aparcado el tema. Pero esta vez sí, no hay vuelta atrás, el blog vuelve a funcionar, pero eso sí, con un pequeño cambio de orientación temática.

Si cuando nació estaba centrado en hablar sobre cultura y sobre todo música en Asturies, he decidido enfocarlo ahora hacia algo que tiene que ver más con mi actividad profesional, marketing on-line, y en general, el mundo de internet. La razón, pues que ahora mismo ocupa mucho más tiempo en mi vida estos dos temas, con lo que creo que puedo y me apatece más hablar de ello. También voy a cambiar la política idiomática, ya que quiero combinar el castellano con el asturiano, y si puede ser, gracias a los frutos de mis estudios actuales, en inglés. La razón, espero compartir información, comentarios y enlaces con gente de muchos sitios, con lo que me parece interesante esanchar la variedad lingüística.

Espero disciplinarme y poder mantener una frecuencia de posts aceptable y que os gusten.

Un saludu candial, y vémonos pela pantalla.

¿Había una burbuxa folk n’Asturies?

2008-08-25T18:47:00.001+02:00

Tamos bien fartucos de sentir en tolos medios de comunicación, y en conversaciones de cai, el términu burbuxa, en referencia a la situación d’un determináu sector que vive un momentu perbonu, pero sofitáu en pegollos febles qu’albidren qu’en cualesquier momentu esa “burbuxa” va españar y fundir esi sector. Espurriendo un poco’l términu, y aprovechándome d’él pa llamar la vuestra atención, plantego esta entruga qu’entitula esta tribuna. Y ye que va tiempu que na escena folk ta detectándose una baxada nel númberu d’actuaciones, sobre too por culpa de la reducción de les nueches folk o celta, qu’hasta’l momentu yeren el coral de la vida en directo de los músicos asturianos.

Faciendo una encuesta rápida ente los músicos de grupos de más sona, los más d’ellos cuenten que, por poner un casu esti mesmu branu, hai una baxada bultable del númberu de bolos, que confirma una tendencia que vien d’años anteriores. Nin que dicir tien qu’hailos que tienen la temporada de conciertos dalgo más animada, pero nótase una quexa xeneral, que se centra principalmente, y que tien la so causa principal, na baxada de nueche folk que s’entamen. Y ye qu’hasta va unos años a lo llargo del branu yera raru’l fin de selmana que nun había 2 ó 3 nueches folk, coincidiendo dacuando varies la mesma nueche. Ye más, los carteles de les nueches folk llegaben a paecese muncho, repitiéndose los grupos d’un conciertu a otru faciendo incluso que munchos grupos tuvieren que facer doblete la mesma nueche y tocar en dos sitios. Podría dicise qu’aquella yera dómina de vaques gordes, pero tengo pa min que más bien yera una ilusión qu’una vegada más nun se supo aprovechar pa poner pegollos pal futuru. Nun yera normal nin sostenible que cada vegada que vieres un cartel de la nueche celta de turnu taben casi los mesmos nomes repetíos una y otra vegada, nun yera normal carteles de 5 ó 6 grupos p’acabar tocando al amanecerín, nun yera lóxico eses condiciones pa los músicos con prebes de soníu a les 4 la tarde pa tocar a les 3 de la mañana…etc. Ye dicir, un despropositu. Y nun se trata de qu’agora haya que renegar de tolo qu’aportaron les nueches celtes a la escena folk. Anguaño cúmplense 25 años de la primer nueche folk, la de Corao en 1983, y d’entós p’acá milenta nueches sirvieron pa visualizar, normalizar y crear comunidá nel folk asturianu. Pero col tiempu les coses cambien y nun se puede siguir con formatos que funcionaben el sieglu pasáu.

Creo que se pueden identificar dalgunes de les causes que llevó a la baxada nel númberu de nueches folk. Ún de los sos principales problemes ye que taben y tán organizaes munches veces por asociaciones o comisiones de fiestes, qu’arriesgaben los sos presupuestos apostando por esti formatu. Les más de les veces los eventos nun llegaben a ser rentables, a poder polo menos autofinanciase, faciendo qu’énte’l más mínimu imprevistu económicu, o que simplemente lloviere, el descalabru financieru facía imposible volver a entamar el festival. Amás d’esto, los propios músicos fartuquen d’un formatu que los maltrata, per una llau’l mesmu día del conciertu con esperes interminables ensin sitiu onde descansar, p’acabar tocando a altes hores munches vegaes con un soníu horrible, y finalmente cobrando a los 6 meses. Amás creo que’l propiu públicu dio en parte la espalda a les nueches folk porque tamién ye un modelu que lu maltrata, mal soníu, bebida cara y/o mala, esperes ente grupu y grupu desesperantes…etc. Arriendes de too esto, el folk en si nun ta nel meyor momentu comercial. Va unos años coincidieron varios fenómenos que tiraron pola música folk, Hevia, Kepa Junquera, Carlos Núñez, Luar na Lubre…etc, estos nomes y otros punxeron de moda’l folk, qu’ayudó a los grupos asturianos a xubise a la fola. Esto agora nun ta pasando, la música de raigañu, folk o de reellaboración nun ta nes llistes de ventes, nin equí nin en nengún sitiu.

¿Soluciones?, o polo menos, ¿qué futuru-y espera a too esto?. Evidentemente nun ye fácil de dicir. La coyuntura nun ye la meyor, pero se puede intentar poner enriba la mesa ciertes idegues pa nun volver cayer nos errores anteriores. Pa entamar, primero de nada y como siempre, facer que’l Principáu asuma d’una vegada la so responsabilidá como potenciador de la música asturiana en toles sos facetes, incluyíu’l folk, y nesti casu en concreto, facilitando con subvenciones, entamando y promocionando la música folk en directo. Eso sí, desixendo siempre unes condiciones dignes pa tocar que los músicos tán cansos d’enumerar. Arriendes d’esto, los grupos tamién tienen que decatase de que hai qu’enanchar los horizontes, y per aciu d’un trabayu bonu de management, acceder al circuitu de conciertos folk del estáu español y Portugal, onde los grupos asturianos tán casi inéditos, lo que los ayudaría a aumentar el numberu d’actuaciones al añu. Tamién se podría apostar por integrar les nueches folk nos programes de les fiestes de los pueblos, dalgo qu’ayudaría a aforrar costes –por exemplu l’escenariu nun se pondría solo pal folk-, arriendes de facer llegar la música a xente que nun diría espresamente a una nueche celta. Al tiempu, se puede crear festivales con plantegamientos más amplios que’l musical namás, p’atrayer a un tipu de públicu los más heteroxeneu posible.

Nun hai que renunciar a les nueches folk, hai que les refacer pa que tol mundu pueda tar más agusto. Hai músicos que renegaron d’elles, con parte de razón, pero nun hai qu’escaecer que gracies a elles, a la música en directo, foi como’l folk algamó n’Asturies lo qu’hai güei.

Laboral, despropositu del sedrá por perres

2008-08-10T20:33:00.003+02:00

“Laboral”, esta pallabra suena muncho últimamente n’Asturies. Ye la marca del proyectu del Principáu d’Asturies de proyección d’arte de vanguardia, que se divide en dos estayes, Laboral Centro de Arte y Laboral Escena, lo que ye’l muséu y el teatru respectivamente. El nome suena muncho porque tanto’l Principáu como’l Conceyu de Xixón tán nuna carrera de promoción de “Laboral”, intentando dar a conocer que ye lo que se prentende p’atrayer públicu que xustifique la megainversión fecha nes instalaciones y personal. Pero’l nome Laboral suena tamién, y muncho, en boca d’aquellos que critiquen la política cultural del Principáu, apuntando directamente a esti proyectu personal del Presidente Areces, y el so escuderu en temes de comunicación Jorge Fernández León. Personalmente creo qu’hai que ver Laboral como un error en cuestión de dimensión y non de conceptu, ensin dexanos llevar por una crítica fácil a tolo que pare culturalmente’l Principáu.

Primero de nada vamos situanos. L’edificiu de la Universidá Llaboral, xunta colos sos edifcios adyacentes, tien namás y na menos que 270 000 m², tien a la so vera un hospital, un tanatoriu, un Centru Superior d’Artes Escéniques, un parque científicu-tecnolóxicu y un campus universitariu. Con too y con ello, ye un proyectu inacabáu, ya que’l diseñu orixinal del Luis Moya Blanco incluyía más edificios. La so construcción llevó 10 años (1946-56), convirtiéndose pal franquismu nuna bona publicidá pa la so política de partenalismu, amás de ser amuesa d’una pretendida prosperidá. Hai que dicir tamién que la construcción de La Laboral tamién ye conocida en Xixón como ñeru de despilfarru y pelotazu de munchos constructores, contratistes, proveedores y políticos, que ficieron munches perres turbies na so construcción. (Curiosamente esti ambiente de corrupción y cuentes estrañes con sobrecostes escandolosos repítese 60 años más tarde na construción del Muselón). El casu ye que col tiempu l’edificiu foi perdiendo puxu, y hasta va pocos años esta enormidá taba casi vacia, y prácticamente namás qu’agospiaba’l que yera l’institutu d’enseñanza secundaria más grande d’España.

Aquella situación resultaba bastante triste, y ver aquelles instalaciones ensin usar diendo a un deterioru claru yera daqué vergoñoso. Yera necesario facer daqué con elli, y ponelu al serviciu de la sociedá asturiana. Asina, tanto’l presidente Álvarez Areces como l’alma mater d’esti proyectu Jorge Fernández León, deciden crear un centru d’arte contenporaneu como mascarón de proa de la revitalización del centru, xunta con otres acciones adicionales como llevar ellí la sede la Radio Televisión del Principáu, la construcción d’un hotel de luxu y dar espaciu a empreses pa centros d’investigación.

Ye bien conocío que too esto llevó y lleva una inversión pergrande. Un datu revelador, el remocique del edificiu suponxo pel momentu 33,7 millones d’euros, qu’en 2007 foi’l 39 % de la inversión total que facía’l Principáu d’Asturies en Xixón. Viendo esti datu, tendría que pensase que tal inversión ta xustificada por una demanda clara, estudiada y socialmente aceptada d’unes instalaciones d’arte contemporanéu d’esti calibre. Pero nun fai falta ser sociologu pa decatase de qu’esto nun ye asina, qu’Asturies nun ye un país que rescample, polo menos non más qu’otros vecinos, en producción d’arte de vanguardia, nin la sociedá asturiana nin xixonesa tien cultura, tradición y costume de consumir esti tipu de productos culturales de manera importante. Y caro, con estes blimes esti cestu, ye dicir, lo que tenemos agora cuando les instalaciones lleven furrulando dalgo más d’un añu ye un espaciu infrautilizáu ya infravisitáu, daqué por otra parte esperable polo comentáu enantes. Laboral Escena, el teatru, con una caxa escénica de más de 24 metros de altura y 450 m2, y una capacidá pa casi 1.500 persones (dambes cirfes más que respetables), ta acoyendo espectáculos de corte mui vanguardista, les más de les veces minoritariu, que nun faen otro que rescamplar la total desproporción ente inversión ya instalacion y el so usu. Nel mesmu casu tamos col Centru d’Arte, que quitando en determinaes inauguraciones nun ta recibiendo tampoco un númberu de visitantes que xustifique los millones d’euros invertíos.

Y ye equí onde creo que ta’l centru de la cuestión, Laboral nun ye criticable porque se faiga un apueste pola promoción y espardimientu del arte de vanguardia, al revés, ye lo minoritariu lo que necesita de l’ayuda de les perres públiques pa dase a conocer y enriquecer el panorama cultural. El problema ye l’asoluta desproporción nesa ayuda, que lo que fae ver ye que nel Principáu nun hai idegues de qué facer cola cultura nesti país, y que ye muncho más fácil llanzase a la construcción de mausoleos inspiraos por visiones personalistes, que parase a facer una política planificada y coherente cola realidá d’Asturies, tanto social como cultural. Exemplu, va pocos años hebo en Xixón una movilización en defensa del Teatru Arango que diba pesllar definitivamente. Esti pieslle representaba la perda d’una instalación cultural de primer orde en plenu centru de Xixón. Daquella tanto’l Conceyu Xixón como’l Principáu nun quixeron escuchar a xente del teatru y de la música que plantegaba ideques pa qu’esti teatru nun acabara siendo lo que ye agora, una clínica d’estética. Dende’l Conceyu y dende Uviéu siempre se decía lo mesmo, nun yera viable económicamente, tenía que ser rentable. Pero agora paez ser qu’esi requisitu ya nun ye tan importante, y Laboral puede ser una instalación deficitaria ensin que naide s’esprecete. ¿Nun pudo ser interesante convertir aquel Arango nun centru d’esperimentación artística, pa dar espaciu propiu al arte de vanguardia en plenu centru de Xixón?, la inversión sedría infinitamenre menor. ¿Nun ye mui triste que les mesmes persones, por exemplu del teatru, que criticaben la desapaición del Arango, agora tengan que protester porque la programación de Laboral nun tien casi en cuenta a les compañíes asturianes?, ye dicir, primero piésllesme lo qu’hai y dempués esclúyesme de lo que faes nuevo.

Laboral ye un despropositu, una fuxida hacia delantre de persones que nun saben que facer coles perres, y que les malgasten en obres xigantes de perbón efectu mediáticu, pero dudosa y tovía por demostrar eficacia (vease’l Muselón). Jorge Fernández León y Álvarez Areces concibieron esti proyectu como si fuera la so cabera gran obra, igual qu’en Galicia ocurrió cola Cidade de Cultura de Santiago, bestialidá impulsada personalmente por Don Manuel Fraga y que tal paez que sirvió d’inspiración pa la Laboral. Critiquemos Laboral non pol conteníu, sinón pola so desconexón cola realidá social ya industria cultural asturiana, y pola descomanda ya inxustificada inversión de perres.

Folixa na Primavera o Feria d’Abril

2008-04-13T11:02:00.004+02:00

D’equí a poco va celebrase la decimotercer edición de la Folixa na Primavera en Mieres. Esti festival ye una bona mezcolanza ente folixa y actividaes divulgatives. La edición d’anguaño vuelve a cumplir coles espectatives, y arriendes d’un programa d’actividaes pa tol fin de selmana, les bandes que van tocar vuelven a llamar l’atención, los asturianos La Bandina y Felpeyu, dos grupos que tán a piques de sacar discu nuevu, y los irlandeses Michael Mcgoldrick Band y Derwish.

En resume, la Folixa Primavera foi un bon apueste por parte del equipu de xestión cultural del Conceyu de Mieres, creando dalgo atractivu al que’l públicu respuende. Pero lo que tol mundu nun sabe ye qu’esta Folixa pudo ser una Feria d’abril, al estilu de la que nos regala tolos años el Conceyu de Piloña. Va como 15 años el Conceyu de Mieres taba buscando una actividá que facer per esti tiempu, y caro, una idega que tenía bien de fuercia, y que diba acordies cola sensibilidá cultural de de cargos públicos y xestores culturales n’Asturies, yera facer una feria d’abril. Pero’l casu ye qu’afortunadamente daquién tuvo un momentu de “lucidez”, y plantegó que por qué nun se facía un festival de música folk, daqué que se podía venceyar muncho meyor cola cultura d’equí. Colo que Folixa na Primavera ye frutu de dalgo de casualidá y suerte.

¿Por qué nun suel ser la primer opción el productu asturianu?. Hai varies razones, pero una importante ye que ye grande’l desconocimientu que tienen muchos responsables culturales de les posibilidaes qu’hai trabayando con productu autoctonu. Inda m’alcuerdo cuando oyí a una persona con responsabilidaes culturales nun Conceyu dicir al ver tocando una gaita y una guitarra xuntos que “taba mui guapo aquello y que siguieren porque nun había nadie que ficiere eso”. La realidá ye qu’aquella persona desconocía dafechu a tolos grupos, discos y conciertos qu’hai. Y ye qu’anque la música asturiana algamó sacar un poco la cabezuca y visualizase un poco más énte la sociedá asturiana, principalmente gracies a fenómenos como Hevia, Anabel Santiago o Tejedor, los productos de la música asturiana siguen siendo les más de les veces unos grandes desconocíos pa la sociedá asturiana.

Sí, sáquense munchos discos, la rellación población númberu de discos espublizaos al añu ye perbona, pero munches d’eses producciones queden casi inédites, ocultes pa la mayoría de la xente. Esa falta de visualización del productu musical asturianu tien varies razones, lo feble de la industria musical asturiana, lo amauter de los más de los músicos, la falta de rodaxe y profesionales nel management, pero sobre too, el poco interés del gobiernu asturianu por esta parte de la cultura asturiana, y como consecuencia, la poca inversión que descapitaliza cualesquier proyectu que se desarrolle. Y nun val l’argumentu de que se dan subvenciones a la edición de discos n’asturianu, porque la cantidá ye de risa. Namás qu’una comparación pequeña pa que se vea de lo que falo. L’añu pasáu’l Principáu destinó 45.000 euros d’ayudes pa producción discográfica, mientres que, por poner un casu, la cabalgata de Reis del Conceyu d’Uviéu tien un presupuestu de 116.000 euros, o’l presupuestu añal de la OSPA (Orquesta Sinfónica del Pirncipado de Asturias) ye de 4.940.100 euros, y ya nun quiero tocar el tema del presupuestu de La Laboral.

Asina mal vamos, la llucha por facese un espaciu dientro del mercáu cultural que vivimos nel sieglu XXI desixe una apueste claro, tanto ideolóxicu (creese que la música asturiana puede y tien que pintar daqué nel mundu), como económicu (dotar los actores de la industria musical asturiana de los medios necesarios pa poder competir). Ensín una inversión curiosa y una política cultural afechisca poco se va poder facer, y aún con estes premises el futuru nun ta aseguráu como se puede ver nos Paisos Catalans. Nun informe ellaboráu pola Fundació Audiències de la Comunicació i la Cultura (FUNDACC) llamáu “La dieta mediàtica i cultural dels joves”, qu’estudia’l consumu de medios de comunicación y productos culturales de los xóvenes de zones de fala catalana, podemos ver que, centrándonos namás qu’en Catalunya (nel País Valenciá y Illes Balears los datos son piores), únicamente pa un 5% de los que tán ente 14 y los 25 años taba en catalán l’últimu discu que mercaren, y pa solo 5’8 % el últimu conciertu al que fueren foi en catalán. Anque eso sí, los datos n’edaes más avanzaes son piores, colo que se puede pensar que la tendencia ye positiva, anque esto nun puede tapecer que la penetración de los productos culturales en catalán (llingua na que trabaya bien de los artistes catalenes) ye mui curtia. Si eso pasa en Catalunya, con una maquinaria trabayando dafechu pola cultura del país, que datos podemos topanos n’Asturies.

Comentaba n’otru artículu qu’habia que preparase n’Asturies pa los retos y cambeos que ta sufriendo la industria musical nel mundu. Pero esto va ser imposible si los que tán nello, na barricada, nun tiene un sofitu claro de les instituciones asturianes, que van dende’l Conceyu más pequeñu hasta el gobiernu del Principáu, consiguiendo d’esta manera que’l fechu de qu’haya una Folixa na Primavera nun seya prácticamente frutu de la casualidá, sinón de una estratexa asumida polo poderes públicos de dar puxu a la música y la cultura del país.

El futuru de la industria musical n’Asturies

2008-02-10T19:45:00.000+01:00

Los últimos años nel ámbitu de la industria discográfica caracterícense pola constante letanía de la crisis. D’ella quéxense principalmente los grandes dueños del mercáu musical, anque paradóxicamente ente los músicos les protestes concéntrense namás en dalgunos artistes mui bien trataos pola industria musical, venceyaos bien de veces a instituciones de xestión de derechos d’autor, provoncado nos demás (la gran mayoría) indeferencia. No que se refier a nivel local, esta crisis tien y va tener consecuencies n’Asturies, onde hai una industria musical modesta, pero que sobrevive contra vientu y marea con una producción añal de discos mui curiosa no que se refier al númberu, y que tien que tar preparada pa los retos nuevos.

Enantes de ver que ye lo que puede pasar n’Asturies, vamos echar una gueyada rápida a lo que ta asocediendo nel mundu. Y ye que ye verdá, la industria musical ve baxar les ventes de discos a velocidá más qu’importante. La razón principal d’esta perda de compradores ye que ta dándose un cambeo nes vezos d’consumu de música, gracies a los formes y soportes d’almacenamientu nuevos (mp3 y reproductores), pero sobre too a la facilidá cola que cualquier persona puede acceder de manera gratuita a un gran cantidá de música (internet). Los númberos dícenlo bien claro, si nos fixamos nos datos de 2007 qu’apurre PROMUSICAE, l’asociación de productores de música n’España qu’axunta al 95 % de l’actividá, nel 2007 les ventes del mercáu físicu (Cd’s, Lp’s vinilu, cassette y sencillos) cayeron un 25,4 %, (curiosamente les ventes de vinilos xubieron). Este ritmu de perda de negociu ye una barbaridá pa cualesquier actividá empresarial, pero que nadie s’equivoque, la industria discográfica va tiempu que se decató de too esto, y yá se movió hacia sectores del mercáu casi ensin esplotar. Asina, si miramos con más detalle estos mesmos datos, vemos como’l mercáu dixital (descargues n’internet y pa moviles) sufrieron una xuba del 24,3 %, datu qu’animaría a cualesquier empresariu a siguir per esa llinia. Y sí, ye verdá qu’el mercáu dixital tovía ye mui pequeñu en comparación col físicu, ésti últimu representó 257.012 millones d’euros mientres que’l dixital namás qu’algamos 27.033 millones, pero les curves lleven traces bien clares, y llegará un momentu en que se cruzen.

Esta situación y evolución lleven arreyaes una consecuencies que yá se tán notando en tol mundu, n’Asturies tamién, colo qu’hai qu’entrugase como va llevar esti cambiu de modelu de negociu la industria musical autoctona. Viéndolo d’una manera un poco simplista, podemos dividir la res musical asturiana en músicos y quien saca los discos d’esos músicos. Tocantes a estos últimos sobra dicir que n’Asturies les más de les cases discos son de dimensión pequeña, y quitando dalguna escepción como Santo Grial, el so ámbitu d’actuación ta acutáu a la xeografía asturiana. Nun hai datos concretos (o polo menos yo nun los conozo), sobre cuanto venden eses discográfiques y qu’evolución lleven, pero viendo la situación xeneral nun creo que seya mui difícil aldovinar per onde van los tiros. Ye verdá que n’Asturies podríen vendese muncha más música de la fecha nel país con una política cultural correcta por parte de quien gobierna, pero con too y con ello, el negociu basáu dafechu na venta de discos lleva mal camín, y l’empresariu musical asturianu tien que decatase de qu’hai un cambeo de paradigma. Hai que dir estudiando nuevos canales de distribución (principálmente los dixitales) y financiación, arriendes d’ampliar la riestra de servicios que se-y ufierta a un grupu o artista, col envís de rentabilizar al máximu la esplotación d’un productu musical (management). Como se suel dicir, qué fácil ye dicilo, pero eso nun niega la realidá, y quién meyor tea preparáu pa esi escenariu nuevu más posibilidaes va tener de sobrevivir.

No que toca a los músicos, ésta situación na que caen les ventes de discos nun ye nueva, y pa la mayoría nun supón una reducción importante nos ingresos. Los más de los grupos asturianos ven poques perres de los discos que venden, per un llau por como se suel facer el repartu de los ingresos por ventes, y per otru, porque les cantidaes vendíes les más de les veces nun pasen de los 3.000 discos, por poner una cantidá. En realidá, el cambiu na industria musical a quien más ta afectando ye a los artistes de cifres grandes, que tán apostando más polos directos con precios altos (abusivos) 50 €, 60 € ó 72 €, arriendes d’abandonar (o declarase en rebeldía) les sos cases de discos de tola vida como Paul McCartney, Radiohead, The Verve, Robbie Williams o Madonna. Evidentemente esti mundu queda a años lluz de músicu asturianu mediu, que como dicía enantes, nun depende nos sos ingresos de les ventes de discos, sinón de los directos complementaos col llabór docente que pueda desendolcar. Con too y con ello, hai que tar al tantu de les posibilidaes que nos ufierten la situación nueva, ya qu’agora ye muncho más fácil l’autoedición, opción pola que yá apostaron varios grupos asturianos énte los pocos beneficios que-yos suponía sacar el cd con una casa de discos, arriendes d’aprovechar canales de distribución dixital que permiten dexase en ver en bien de sitios d’una manera bien cenciella.

La crisis, o reconversión nel negociu de la música namás que ta acabante d’entamar, les coses nel sieglu XXI van muncho más rápides que va por exemplu 50 años. Soportes nuevos y formes nueves de distribución y marketing apaecen cada poco, faciendo d’esto una carrera apasionante na que la música que se fae n’Asturies tien d’intentar colocase na meyor posición posible.

Del Bronx a Blimea, Hip Hop n'Asturies

2008-01-05T19:42:00.000+01:00

Artículu espublizáu nel añu 2006 nel Anuariu de la Música Asturiana

El periodismu, el cine, la radio, la lliteratura o la televisión, por poner unos exemplos, son canales de comunicación que nun tán viviendo’l so meyor momentu de llibertá y variedá creativa. La censura, la búsqueda de la rentabilidá económica como únicu fin, o la so manipulación son dalgunes de les acciones responsables d’esti porcesu de domesticación cultural Esti fenómenu asocede d’una manera mui clara na música, onde una chapladora dirixida por una mano invisible que vemos toos pule los cantos de too aquello que pueda nun entrar pela canal premarcada. Y nesti sen, nun solo falamos d’una censura idelóxica, eliminando determinaes cuestiones polítiques y idelóxiques que nun pueden apaecer nes lletres de los cantares, sinón tamién de la música en si. Y ello ye que se quita a la sociedá, o polo menos nun se-y pon nada fácil, d’allegase a estilos musicales diferentes, innovadores o tradicionales, faciendo qu’ésta vaya perdiendo la so capacidá crítica musical, al nun tener referentes musicales distintos colos qu’iguar una percepción personal con bayura de matices y gustos.

Con too y con ello, tol mundu puede identificar ciertes corrientes musicales que por tradición o obligación convirtiéronse n’abellugu pa tocar o dicir coses diferentes. Ún d’esos estilos agora mesmo n’Asturies ye l’Hip Hop, y lo ye sobretoo porque lo más del rap n’Asturies revelóse como un megafonu pel que protestar, revindicar y intentar dar voz a dalgunos d’esos temes que queden fuera de la versión oficial musical. Nesti artículu vamos intentar echar una gueyada rápida al fenómenu del hip hop n’Asturies.

Pa facer un pequeñu y aceleráu cursu de que ye’l hip hop n’Asturies hai que dar un reblagu p’atrás nel tiempu, y caleyar peles cais de Nueva York nos años 70. Ehí y daquella entamen a dase y a espoxigar varies actividaes artístiques que col tiempu van xunise y iguar los cuatro pegollos que definen al movimientu Hip Hop. Estos son, a saber, el Rap, la música del Hip Hop, formáu a su vez por dos elementos principales que son el MC (Master of Ceremony) responsable de les rimes y el DJ (Disc Kjockey), que pon les bases musicales pa eses rimes, el Break Dance, el baille característicu del Hip Hop tamién conocíu por b-boying, el Graffiti, la espresión gráfica coles pintures nes cais de les ciudaes y el Turntablism o Djing, la mezcla de música usando los platos per aciu del DJ. Toos estos elementos tuvieron dende’l so entamu arreyaos a la cultura urbana de sectores marxinaos, y en dalgunes ocasiones, con movimientos revindicativos. Y ye que ye na periferia de Nueva York onde entamen a vese les primeres pintaes nes paredes de vagones de metro, o fiestes onde los MC entreteníen al públicu faciendo rimes sobre la música que pinchaba’l Dj. Asina nacía’l Hip Hop que 30 años más tarde ye una realidá nes cais d’Asturies.

Y llegó a Asturies porque la cultura del Hip Hop foi adulces creciendo nos Estaos Uníos hasta que, como suel pasar con tantes coses de la cultura americana contemporanea (pa bien y pa mal), entamó a buscar tierres nueves que conquistar. Ello ye qu’ a mediaos de los años 80 entama a llegar a Asturies la onda espansiva del Hip Hop, en forma principalmente d’estilu de baille llamáu Break Dance. Nun ye difícil recordar como, por poner un casu en Xixón, podíen vese nos parques o nel patiu l’Institutu a adolescentes retorcigañándose nun baille estrañu cola música que sonoba en películes como "Beat Street" (84) o "Breakdance" (84). Un tiempu más tarde, anque con menos fuercia, entamen a vese pel Estáu español les primeres amueses de los otros pegollos del Hip Hop, el graffiti , el rap y el Turntablism o Djing. Nesti sen, aplicando un paralelismu col casu de la influyencia americana, Madrid conviértese nel Estáu español nel sitiu de referencia de la cultura Hip Hop, y afítase como’l llugar que va marcar el ritmu nos primeros años de la evolución del Hip Hop. Asina Asturies naquellos años ye una espectadora de lo que ta pasando en llugares como Madrid, anque como los estudiantes bonos, van tomándose apuntes.

El casu ye que la xente averada al mundu del hip hop nun se conformó, como yera d’esperar, con baillar, y bien llueu entamaron a surdir per Madrid y otres grandes ciudaes grupos de rap, que cantaben a lo primero n’inglés y más tarde en castellanu. Ye interesante observar como’l rap en castellanu tuvo que valtar dalgunos prexuicios llingüísticos, ya qu’aquella yera una música qu’hasta esi momentu sentíase namás que n’inglés, y pa muncha xente yera bien raro sentir eses rimes y esi ritmu na llingua española. Con too y con ello, nun pasó muncho tiempu en qu’esta primer rocea se diliera, y a últimos de los años ochenta entamen a salir los primeros discos de grupos españoles d’Hip Hop cantando en castellanu. Ver como l’español tuvo qu’enfrentase a un prexuiciu llingüísiticu al entamar a usase nun campu nel que nunca nun tuviere, recuérdanos ensin remediu la situación de la llingua asturiana, que tantes vegaes tien qu’enfrentase a esos prexuicios nel so supuestu procesu de normalización. De toes maneres, n’Asturies ta dándose un tercer pasu llingüísticu, y yá hai dellos grupos que faen el so rap n’asturianu de los que falaremos más p’alantre.

Pasa’l tiempu y nos años noventa, con una escena hip hop que yá entama a madurar, entamen a salir grupos per dayuri, y Asturies nun quedó fuera d’esi procesu. Como nós diz dalgún de los cantantes de rap entrevistaos pa esti artículu, daquella escuchábanse a los grupos americanos y a los españoles, y nun pasó muncho tiempu pa que la xente entamara a reunise pa baillar, rapear, pintar o simplemente sentir música en locales d’asociaciones culturales o en plena cai, siendo Avilés la ciudá qu’acoyó les más d’estes primeres manifestaciones del Hip Hop n’Asturies. Esta xente entama a crear la base de lo que podemos conocer güei como la escena de hip hop d’Asturies, que como suel pasar en tantos otros estilos, da los sos primeros pasos d’una manera casera y inesperta. Estos alcuentros informales d’aficionaos al Hip Hop van creando grupos que permiten que na actualidá haya n’Asturies un mui bon nivel de raperos, cantera que supo aprovechar les distintes circuntancies, por exemplu’l fenómenu Eminem o SFDK, que ficieron que l’Hip Hop pasara, nos últimos años, al primer planu musical n’Asturies y nel Estáu español. Esti tirón o emburrión de la música hip hop vien dándose nel Estáu español dende va unos años, pero n’Asturies podemos dicir que nos últimos 3 años ye cuando más se notó, faciendo que muncho grupos puedan dicir equí tamos y esti ye’l nuestru momentu. Que característiques definen al hip hop n’Asturies ye lo que vamos intentar aldovinar nes siguientes llinies.

Como fenómenu musical que ye’l Hip Hop, lo que se fai n’Asturies evidentemente sigue unes pautes comunes que se cumplen en tolos llaos onde se rapea, pero si se pueden ver y sentir dalgunos matices que lu caractericen. Primero de nada, l’Hip Hop n’Asturies sigue calteniendo un esencia claramente urbana, distiguiéndose dos bloques o ñeros de Hip Hop n’Asturies. Per un llau tán les cuenques (Nalón y Caudal) con una montonera de grupos como Aktibistaz, Testimoniu la Viztima, los desaparecíos Stoned Atmosphere, Buddah, K-Nalón, Volvone Productions ó 13 Palabras. L’otru focu de mayor importancia d’Hip Hop n’Asturies ye Xixón, que tamién desenvolvió un estilu particular de la mano de grupos como LOR (Lado Oscuro de la Rima), Lego my Ego, "EduakapenN 1", "Null Handicap", Remote Source, …etc. Dellos raperos coinciden en que n’otros llugares como Avilés y Uviéu, onde con dalgo más retrasu, van apaeciendo tamién grupos que busquen facese un nome nel Hip Hop d’Asturies.

Esmigayando un poco como ye’l rap autoctonu podemos ver como ye na cuenca onde los grupos asturianos garrarron na temática de les lletres un componente más identitariu cola so realidá social. Y ye que’l rap normalmente nun escaez onde naz y conviértese munches vegaes nuna atalaya dende la qu’echar una gueyada a la realidá social d’un llugar. Nesti sen podemos ver como en munches lletres de los grupos de les cuenques repítense dellos temes rellacionaos cola crisis económica, industrial y social que viven les zones mineres asturianes. Les prexubilaciones como anestesia social qu’espurre un nivel de vida ensin base pa un futuru, la falta d’espectativa llaboral o los problemes coles drogues son cuestiones que definen dacuando les lletres de los grupos de les cuenques. Y esto ye asina porque l’Hip Hop ye na so esencia una música que naz, de mano, en zones marxinales qu’usen esta ferramienta artística pa quesaxe, protestar o simplemente facese ver y escuchar.

N’otres zones, como en Xixón principalmente, los grupos tán tirando per unes temátiques nes sos lletres más comunes o habituales nos grupos de hip hop d’otros llaos, como ye falar de los cuatro elementos del hip hop (Rap, Break Dance, Graffiti y el Turntablism o Djing ) y de lo que signifiquen pa ellos. Amás d’ello, tamién hai muncha autoafirmación como persona, como MC o como grupu, y en dalgunos casos revindicando’l so barriu como espaciu nel que viven y consideren como propiu. D’esta forma la zona de Xixón avérase más al estilu marcáu polo grupos madrileños y americanos, que siguen siendo’l referente. Con too y con ello nun se puede dicir que los grupos xixoneses escaezan la crítica social, y tolos discos tán chiscaos de referencies a problemátiques qu’afecten sobre too a la mocedá, y qu’enantes conseñábemos cuando falabamos del rap na cuenca. Pa finar hai dellos grupos, y polo que se ve cada vez más, qu’apuesten per un llinia de corte más Gangsta, sub-xéneru del rap nel que les lletres dan más importancia a les historias de gángsters y drogues ensin un mensaxe social constructivu y les más de les vegaes bastante llonxe de la realidá d’Asturies. Arriendes d’ello , nesta manera de facer rap hai munches vegaes una intención clara d’asonsañar la estética y l’estilu de grupos américanos onde la ostentación económica (coches caros, cases grandes y munches xoyes) son la principal carta de presentación.

Y ye qu’anque l’Hip Hop tien, y más que va tener, una canal comercial, en xeneral los más de los grupos n’Asturies viven desenvolviendo’l so trabayu per aciu de canales independientes. Asina son pocos los grupos que tengan discos espublizaos, digamos oficialmente, lo que se diz con un casa de discos y grabáu nun estudiu. Les más de les bandes de rap graben les sos maquetes d’una manera casera y distribúyenles al traviés de la rede d’internet. Con too y con ello, les grabaciones caseres y l’autodistribución pela rede nun son daqué negativu pa munchos hiphoperos, ya que permiten a los grupos nun depender de nenguna discográfica o productora que los pudiera censurar, dándo-yos una llibertá que perderíen irremediablemente al roblar un contratu con dalguna casa de discos de corte comercial. D’esta manera n’internet podemos topar una gran cantidá de maquetes de grupos asturianos en páxines web (http://www.k-nalon.com/, http://www.4x4hiphop.com/, http://www.activohiphop.com/) o nes redes Peer to Peer. Un exemplu de la gran capacidá de difusión d’internet foi’l casu d’ún de los grupos más importantes d’hip hop n’Asturies nos últimos años, Stoned Atmosphere. Esti grupu, orixinariu de la cuenca’l Nalón punxo les sos maquestes a descargar na rede, concretamente les trés primeres producciones, Issue 1, Issue 2 y Issue 3. El casu ye qu’esta última convirtióse nuna auténtica revelación, y en poco tiempu sumó más de 50.000 descargues convirtiendo a Stoned Atmosphere en referente del rap n’Asturies, cuestión que los ayudó a grabar el so siguiente discu, l’Issue4, yá con una discográfica (Three Points). Otru exemplu de cómo Hip Hop aprovecha Internet pa dexase ver ye’l cantar “Un asturiano en Madrid”, tema del que se puede considerar el nome más conocío del rap n’Asturies, Dark la eMe. Esti cantar garra descaradamente y ensin prexuicios la base del tema "Englishman in New York" de Sting pa resumir les vivencies y el xeitu de ver les coses de los asturianos de la "quinta del ALSA" que trabayen na capital del Reinu. Adulces, y gracies a que s’espardió pela rede en milenta webs y foros, esti cantar de rap convirtióse nel himnu de muchos emigrantes asturianos conocíos como lleendes urbanes. Per otru llau, esti componente d’autoxestión que se da ente los que crean rap n’Asturies tamién se da ente los que lu escuchen. Ello ye que malpenes hai chigres n’Asturies onde se pueda sentir Hip Hop, lo qu’obliga a los sos aficionaos a axuntase en locales alquilaos, non solo pa sentir música, sinón tamién rapear, facer Turntablism o baillar break.

Sicasí, anque la mayoría del rap n’Asturies sigue moviéndose per fuera de los canales comerciales, de va trés años p’acá hebo n’Asturies una pequeña revolución que visualizó’l rap y que fizo que toos aquellos que siguen l’actualidá de la música asturiana torcieren la cabeza pa fixase nel Hip Hop asturianu. Como deciemos enantes, los dos principales responsables d’esta revolución fueron l’exitu de Dark la eMe col so “Asturiano en Madrid” y l’impactu que tuvo l’Issue 3 de Stoned Atmosphere. Asina, estos fenómenos sirvieron pa que se diere a conocer too un mundu de grupos que lleven tiempu abondo pidiendo una opotunidá, asina que como se suel dicir, con Stoned y Dark namás qu’aprució’l cume l’iceberg.

Faciendo un repás a que nomes igüen la escena Hip Hop n’Asturies topámonos con grupos nes cuenques como Testimoniu la Viztima, qu’usa un amiestu d’asturianu y castellanu nes sos lletres o K-Nalón, qu’usen esclusivamente la llingua asturiana y que yá tien delles maquetes grabaes, arriendes de tar a piques d’espublizar el so primer discu. Na cuenca’l Nalón tamién tenemos a Arma X, el que yera’l cantante de Stoned Atmosphere y qu’entamó una carrera en solitario tres de que se diliere Stoned y que presentó esti mes de payares el so discu cola mesma casa de discos cola qu’espublizó l’Issue 4 de Stoned Atmosphere, Three Points. Otros grupos con maquetes grabaes, que colos anteriores tán organizaos nel colectivu Kuenka Maphia, son 13 Palabras, Buddah, Smoke&sounds y Ki2. Fuera de lo que ye esti colectivu podemos topar un grupu importante n’Asturies como ye Aktibistaz, qu’aparte de maquetes tien un discu espublizáu, “Tiempos de Guerra”, editáu en 2005 pola discográfica Fünkdamental. Nes cuenques tamién tenemos al enantes mecionáu Mario Fueyo, más conocíu pol so nome de guerra Dark la eMe, que como deciemos fízose famosu col so “Asturiano en Madrid”, y que yá tien dos discos nel so haber, “Esto no va a salir en vinilo” editáu en 2004 y “Chigre y Dragón” que salió a la cai en 2006. Amás Mario Fueyo tamién desenvuelve un importante trabayu de productor colllaborabando con otros grupos como LOR o’l propiu Arma X.

En Xixón, l’otru focu importante d’Asturies, topamos a bandes como los mentaos LOR (Llau escuru de la rima) con dos discos editaos, nel 2002 "Street Opera" y “Fuego” en 2005 y en preparación d’un terceru. De Xixón tamién son "Null Handicap" con discu nes tiendes dende 2005 y entituláu “Zero”. Xixonés tamién ye una de les propuestes más innovadores de la escena Hip Hop n’Asturies, Lego my Ego, qu’espublizaron esta seronda’l so primer discu “Ritmos Suaves, sonidos gordos”. En Xixón, ensin trabayu discográficu pero con maquetes, hai munchos más grupos como "EduakapenN 1", artista con base nel barriu de Contrueces y componente amás d'otra de les bandes de la ciudá xixonesa, "CTS". Otramanera "EduakapenN 1" ye tamién el productor de "Titanes", grupu de Xixón que nel 2003 espublizaron la so primer referencia "Trámites sin cumplir" pa sacar sacar depués en 2004, col sofitu de "EduakapenN 1", la so segunda grabación "Por lo que tu y yo sabemos". D’Avilés hai que mencionar un nome importante na hestoria de la evolución del Hip Hop n’Asturies, Dani Stylo. Esti avilesín vivió dende’l primer momentu’l nacimientu y espoxigue del Hip Hop n’Asturies, bien como b-boy, dj o mc en varios grupos. N’actualidá desenvuelve más un trabayu de productor pa otres bandes, anque nun escaez les otres facetes. Amás a Dani Stylo hai que-y reconocer que foi una de les primeres persones que grabó un rap n’asturianu col “Si España qu’españe”, incluyíu nel compilatoriu editáu por discos L’Aguañaz “L’Asturianu Muévese”. N’Avilés tamién hai grupos que tán dexándose ver como “KMB” con trés maquetes o “KSS”. N’Uviéu, llugar en plenu procesu d’espoxigue de la so escena hip hop rescamplen nomes como “Bubby”, “Rpd”, “4b theory” “Milan City ”o “De la Fuente”.

Toos estos nomes y otros que nun se mecionen equí son la base que permitió que de va trés años p’acá l’Hip Hop seya noticia n’Asturies. Referencies a esti movimientu na prensa especializada y non especializada, discos espublizaos, jams per toa Asturies y conciertos pal gran públicu como la nueche d’Hip Hop qu’entama’l Conceyu d’Uviéu, son los sintomes d’un movimientu musical que como acabamos de ver llevaba tiempu cociéndose, y que nesi procesu foi quien crear distintes escueles o estilos dientro del propiu Hip Hop asturianu. Tamién foi posible que se formaren un garrapiellu de grupos que faen les sos lletres n’asturianu, arriendes d’algamar que dellos nomes garren daqué de fama dientro y fuera d’Asturies. Sicasí queda por ver si esti estilu musical va ser quien a afitase n’Asturies, con unos grupos, un públicu y una industria musical al llau d’ella que-y permita resistir al pasu de la moda, enriqueciendo d’esta mena la bayura musical d’Asturies. Una gran variedá de grupos y estilos musicales ye daqué bien interesante pa la salú cultural de cualesquier sitiu, porque dalguna manera puña pa resistir énte una tendencia xeneral de vaciar de conteníu y domesticar les espresiones artístiques de tou tipu.

"Camín de Cantares" nun interesa

2008-01-05T19:39:00.000+01:00

El sábadu pasáu 29 de setiembre estrenóse la segunda temporada del programa Camín de Cantares. Esta producción nun necesita presentación pa toos aquellos averaos, pel camín que seya, a la cultura asturiana, y en concreto a la musical. La so apaición l'añu pasáu, y sobre too los sos resultaos d'audiencia y repercusión tanto dientro como fuera de la TPA, convirtieron al programa de Xosé Ambás en noticia. Asina que yera d'esperar que Camín de Cantares tuviere una segunda temporada, de lo que tol mundu s'allegró, yo'l primeru. Con too y con ello, creo que nesta renovación la trampa rescampla, y les condiciones nes que se produz son un síntoma un sintoma de l'actitú qu'hai en determinaes esferes pola cultura y la llingua asturiana.

Al poco d'estrenase la primer temporada, Camín de Cantares algamó unos resultaos d'audiencia que yeren la envidia de los más de los sos compañeros de parrilla na TPA. El porqué d'esti éxitu taría bien analizalu, pero prefiero gastar esti artículu en falar d'otru aspectu. Y ye que, cuando dende dirección de la TPA se decidió emitir esti programa cónstame que se fizo ensin da-y munchu valor, considerándolu como una concensión a "los del bable" qu'había que facer daes les circunstancies. Asina, esta actitú espeyóse nel horariu y compañeros d'emisión que se decidieron pal programa, espetáu na mañana del sábadu, albentestate de los cambeos de programación y xunta otros dos programes n'asturianu, "Nós" y "Pieces", no que yera la píldora bable que dende la TPA taben dimpuestos a conceder.

Pero mira tu que, pa sorpresa de tol mundu, el programa trunfa, y tien una audiencia curiosa con un tratamientu dignu de la cultura y la llingua asturiana. Y non solo eso, ye qu'amás una parodia del programa, los yá famosos "Samba" y "La Marquesina" conviértense nel referente humorísticu del late night de la TPA, "Terapia de Grupo". Con estos precendetes y medayes, yera imposible que la TPA nun renovara'l programa, sobre too cuando ésta ye una cadena necesitada de meyorar los sos resultaos nos audimetros pa xustificar la so creación y la inversión nella.

Pero lo que me llama l'atención son les condiciones nes que se da la vuelta del programa. Incomprensíblemente los responsables del ente de comunicación vuelven a llantar el programa nel mesmu horariu que l'añu pasáu, les 13:00 hores de la mañana de los sábados, horariu que nun ye que seya precisamente prime-time en televisión. ¿Qué ye que Camín de Cantares nun ganó un puestu más interesante na parrilla de la cadena?. ¿Nun merez el programa d'Ambás que lu echen n'horarios onde seya más fácil meyorar n'audiencia? Por exemplu ente les 20:00 y les 00:00 hores, ye dicir, hores más cercanes a la nueche, onde se da la pelea más dura pol algamar audiencia. ¿Ye qu'a la TPA sóbren-y los programes d'éxitu y nun tien sitiu onde colocar nun horariu meyor a Camín de Cantartes?. Tal paez qu'a la TPA fálta-y un programador con visión que sepa sacar el máximu rendimientu a los sos productos. Mover programes según los sos resultaos ye lo más habitual del mundu. Un exemplu claru, Operación Triunfo. Esti programa entamó a emitise en LA 2 con namás qu'un resume pequeñu al día y un programa selmanal si nun recuerdo mal. De secute trunfa y entama a velo tol mundu, colo que TVE rápidamente cambia'l programa de día, cantidá y hasta de canal d'emisión. Pero paez ser qu'a Camín de Cantares nun-y val namás con algamar audiencia pa tener un sitiu más curiosu na programación. N'otres cadenes programes del estilu de Camín de Cantares tienen un meyor tratamientu horariu, por poner un casu, na TVG un programa bien asemeyáu a Camín de Cantares llamáu "Alalá" emítese los martes a 21:30 hores , mientres que na RTE irlandesa, la BBC Scotland o la BBC 4 británica bien seyan series o programes especiales dedicaos a la música tradicional tienen sitiu na programación con un tratamientu de marketing más afechiscu.

Espero equivocame y que Camín de Cantares siga nel mesmu horariu del añu pasáu porque ye meyor y existe dalguna razón de marketing televisu que nun conozo, o porque la productora del programa decidió que quedara nesi horariu. Pero nun nos engañemos, da la sensación que pa la dirección de la TPA los programes de la píldora bable son una concesión. Nun son un apueste estratéxicu por dir creando un productu de calidá asturianu nin n'asturianu. Ye más, incluso hai voces crítiques dende la propia Asociación de Productoras de Televisión de Asturias que denuncien que na TPA nun se ta contando nin coles empreses del país, asina que con esti panorama nun podemos esperar millagros. Tengo pa min que los programes n'asturianu na TPA van durar mientres se considere qu'hai que facer dalgún xestu pa cola reivindicación llingüística, y non porque se gane'l puestu por audiencia y por trabayar teniendo como oxetivu la normalización del asturianu.

El Meyor Gaiteru del Mundu

2008-01-05T19:38:00.000+01:00

Esti branu vi per Xixón un cartel que consiguió lo que pretendía, que me llamara l'atención y que parara un segundín a velu. El cartel traia, si nun recuerdo mal, unes lletres blanques en bloque que decíen "El Meyor Gaiteru del Mundu", qu'apaecien como una revelación sobre una semeya del gaiteru escocés Fred Morrison. El cartel daba anuncia de l'actuación del músicu en Candás el día 24 d'agostu nos 'III Alcuentros cola Cultura Tradicional' entamaos por El Grupu de Baille Tradicional San Félix. Toi por asegurar que la organización decidió poner esti tipu de frase nel cartel porque, polo menos a mi sí, ye dalgo que llama l'atención. Namás hai que recordar un cartel de circu poniendo "los cocodrilos más llargos del mundu" o "El Meyor espectáculu de Coches Monstruo del Mundu", ye dicir, como ténica publicitaria nun hai nada que reprochar. Pero, quiero entrugame, qué significáu tien esi "meyor" na música, y por qué nel mundu de la gaita hai esa afición y preocupación competitiva.

Davezu, ente'l públicu o participantes de concursos de gaita, en barres de chigre o mesmamente nos tableros d'anuncies d'esti diariu, discútese con muncha afición sobre "quién ye'l meyor gaiteru". Les frases vuelen con argumentos de cuántes bandes de gaites dirixó ún, en cuantos grupos tocó l'otru, en qué festivales tuvo, y sobre too, cuantos Macallan o concursos del Campoamor ganó. Evidentemente nun s'algama un consensu nunca, dexando los participantes de la conversación la cosa por imposible. Y ye qu'a mi paezme dalgo normal porque ¿cómo se puede midir la calidá artística y musical d'una persona? ¿qué aparatu nos da esa gráfica que callará toles discusiones con un 7.6 contra un 8.4?. Sí, ye verdá qu'hai coses casi oxetives como l'afinación, el ritmu o'l tempo, pero cuando estes trés coses son casi igual de bones, ¿a quién y por qué-y damos el primer puestu nel podium? y sobre too, qué necesidá hai d'ello.

Tengo pa min que cuando la competitividá y l'alarde técnicu ensin xaciu entama a pasar penriba de la música perdemos toos, músicos y espèctadores. Como exemplu, qu'en cierta manera puede aplicase al mundu de la gaita, podemos tener el casu de la trikitixa, el curdión vascu. Va unos años Joseba Tapia, ún de los curdioneros de más nome n'Euskadi ponía un cursu en Grao. Nél contaba, ente otres munches coses, como a lo primero de la so carrera llanzóse a una espiral competiviva onde los dos principales rivales yeren él y Kepa Junquera. Tapia relataba como llegó un momentu nel que taben él y munchos más curdioneros obsesionaos colos distintos concursos, buscando'l Fandango ol'Arín más rápidu y más complicáu pa concursar y ganar, escaeciendo pel camín d'esa carrera la música, convirtiéndose aquello nuna competición de pulsaciones. Nesi momentu Joseba Tapia comenta que se dio cuenta de qu'aquella situación nun tenía muncho sentíu, colo que decidió dexar los concursos y dedicase a investigar y volver a disfrutar de la música. Una situación parecida ye la que creo que se da de xemes en cuando en concursos de gaita n'Asturies, participantes que toquen les mesmes pieces una y otra vuelta cada vez más rápido y con más ornamentación, dexando la imaxinación y la innovación pa meyor ocasión. Y ye que, si dalguna razón de ser podríen tener los concursos, sedría animar a la xente a buscar dalgo orixinal, espresividaes que soprendieren al xuráu y al públicu (anque ye verdá qu'éstos tienen que tar dimpuestos a sentiles), pa que con ello ganara la gaita en cuantes a la variedá estilítica, de repertoriu y d'ornamentación.

Siéntolo, nun sé cuál ye'l meyor gaiteru d'Asturies, por si daquién esperaba que lo dixera, pero lo que sí sé ye qué gaiteros y gaiteres me gusten, dalgunos con una técnica mui avanzada y otros non, pero que son quien a da-y al instrumentu un soníu prestosu, que toquen les pieces de siempre y otres menos conocíes con distintos estilos según la situación -más tradicional o más innovador-, independientemente de cuántos Macallans, Campoamores y demás glories tengan nel so haber. Asina que, nun se trata d'eliminar los concursos, anque nun soi mui amigu d'ellos, pero que polo menos nellos se premie más la orixinalidá buscando pieces asturianes, de composición o tradicionales, qu'amuesen tolo que se puede facer con esti instrumentu, y escaezámonos un poco de quién ye'l "meyor" o'l "pior" y disfrutemos más de la música según como a caún-ý preste. Fred Morrison tien ganaos 7 Macallan - agora Troféu Mac Crimmon- los asturianos José Manuel Tejedor y Rubén Alba tienen trés caún y el gallegu Edelmiro Fernández 4, pa que val que faigamos divisiones de porcentaxes pa sacar quién ye'l meyor, toos son gaiteros de muncha calidá, y a caún va presta-y ún más qu'otru. De los campeonatos de Bandes de Gaites falaremos otru día.

N’Uviéu la música ye ruíu, según pa qué oreyes

2008-01-05T19:36:00.000+01:00

Va unos años, nun m'alcuerdo de cuántos exactamente, echaba una mano a unos collacios na grabación d'un corto. Nél había una escena na qu'una pareya de Guardies Civiles echaben de la plaza d'un pueblu a un zanfoneru ciegu que taba cantando un romance. La razón benemérita venía a ser qu'aquello nun taba permitío, y que nun se podía dexar qu'una persona cantara y cuntara hestories na cai, porque, sabe dios lo que podía acabar diciendo y facía que la xente s'axuntara alredor d'ellos, y hasta ehí podíemos llegar. El casu ye que va unos díes el Conceyu d'Uviéu fexo daqué paecío cuando apagó la foguera de San Xuan y recortó hasta lo irreconocible'l Festival de Jazz, too ello baxo la bandera de la llucha contra'l ruíu, sida poco creible que camiento escuende otros problemes y intenciones.

Calculo que nun foi cosa fácil pal Conceyal nuevu de Cultura y Festexos del conceyu carbayón, José Suárez Arias-Cachero "Felechosa", presentar, anque fuera de manera oficiosa, el programa del Festival de Jazz el día 7 de xunetu, pa inmediatamente'l día15 del mesmu mes anunciar, con cara de "a ver cómo digo yo esto", que l'alcalde entamaba una cruzada escontra'l ruíu, y que por esta razón había que suspender les fiestes na cai, sacantes San Matéu, y con ello los conciertos del Festival de Jazz y la Nueche de San Xuan. Asina, ¡plas!, d'un plumazu, d'un día pa otru y coles feches d'esos eventos yá encima. Y caro, cuando les coses se faen con esa precipitación, dexando ver que la decisión se tomó d'una manera un poco caprichosa, poco consensuada, ensin avisu previu y dende despachos más altos que'l del conceyal, pues pocos se creen la esplicación de la defensa del descansu vecinal, y entamen a salir perdayuri esplicaciones del casu que paez qu'esclarien dalgo más lo que ta pasando.

Munches son les voces que dende'l Conceyu y fuera d'él apunten a que la verdadera razón de la suspensión ye los problemes financieros de l'alcaldía de Gabino de Lorenzo. Nun hai qu'escaecer que'l carbayón ye ún de los Conceyos más endeldaos d'España, y de toos ye conocío lo espléndido que ye D. Gabino a la hora d'adornar les cais de la heroica ciudá, arriendes de vivir como un tribunal declaraba illegales les cuentes de Conceyu va unos años. Asina que nun ye una esplicación qu'a la xente-y suene raro, sobre too si comprobamos como reconvertir el Festival de Jazz nun par de conciertos a cubiertu supón al Conceyu un aforru de 329 249 € (presupuestu del festival inicial anuláu 412.197 euros - 82.948 euros presupuestu final de los dos conciertos), arriendes de les perres aforraes por nun facer nada pa la nueche de San Xuan.

Asina, ye muncho dineru'l que va quedar nes arques del conceyu esperando usos más honrosos y silenciosos, a xuiciu de l'alcaldía carbayona. Pero ye qu' esti ataque frontal a la cultura na cai creo qu'escuende tamién un interés menos financieru y más políticu. La derecha, arguyosa y achapladóramente representada pol PP uviedín, nun ye un sector políticu que se sienta mui cómodu cola cultura na cai, col accesu a les espresiones artístiques popularizáu, averando a cualquier ciudadanu la posibilidá de ver, nesti casu, música de distintos tipos, colores y sabores. Non, ye más amiga de llevar eso a sitios a espacios más controlaos, reducíos, torgando asina la posibilidá de que los ciudadanos s'averen a la cultura d'un xeitu espontaneu y incluso masivu . Esto nun quier dicir que los conciertos en sitios cerraos seyan malos de por si, taría bueno dicir eso, en munches ocasiones son sitios más afayadizos pa ver un conciertu, pero nun hai duda de que ciertos eventos o tipos de música, un casu claru ye'l d'una nueche folk, funcionen muncho meyor al aire llibre, y que, siempre que se pueda y nunes condiciones bones, ye bueno ventilar la cultura y sacala a la cai a un contactu directu col ciudadanu.

Siéntolo, la escusa del ruíu ta poco esplicada y xustificada, nun coló. Y más cuando la mesma nueche que se suspendió'l conciertu de la nueche de San Xuan, sonaron les orquestes en La Corredoria hasta les 6 de la mañana, y ye que debe ser que caro, oreyes de menos abolengo que les del centru tán más preparaes p'aguantar el ruíu y descansar col reggaeton. Si de verdá'l PP carbayón tenía y tien ente ceya y ceya esa zuna al decibeliu y esa preocupación tan sincera pol descansu vecinal, como ye que nun lo desplicó a les clares na campaña electoral y dixo a los carbayones que fueren mercando reproductores de mp3 pa ver dalgo de música na cai. Supónse que los ciudadanos tendríen derechu a saber esto a la hora de dir a votar. Con too y con ello, nun se puede dicir qu'esto seya daqué nuevo y que'l ciudadanu y votante carbayón nun tuviere sobre avisu. La cosa tien mala traza y esto vien de vieyo, esti ye'l mesmu Conceyu que se punxo a trabayar contra los locales que programaben conciertos. Daquella, nel mes d'ochobre de 2004, el Conceyu d'Uviéu multó y prohibió a la sala la "Santa Sebe" facer conciertos, colo que munchos músicos de la capital diéronse cuenta de que taben quedando ensin sitios pa tocar. Lo de la Santa Sebe vieno a xuntáse a la prohibición tamién en "La Antigua Estación", que tenía problemes de ruíos, la prohibición de los conciertos nos chiringuitos de San Matéu y la eliminación del programa d'Arte na cai. Tamién hai que recordar la normativa qu'aprobó'l Conceyu pal cascu vieyu que prohibía facer conciertos en tola zona. Esti situación llevó a una montonera de músicos de la capital a organizase nel movimientu "Uviéu nun suena" pa intentar tornar aquella situación, cosa que consiguieron en parte. Con too y con ello vese como dende'l gobiernu de Gabino de Lorenzo hai una estratexa clara na que quier amarrar y domesticar l'actividá cultural na ciudá, y onde los chiringuitos de les asociaciones de San Matéu son el próximu oxetivu, sinón, al tiempu.

La necesidá de tocar al mesmu ritmu y xuntos

2008-01-05T19:31:00.000+01:00

Dende va tiempu vien comentándose nel ámbitu de la música asturiana la posibilidá d'entamar una asociación de músicos asturianos. Dende va cuánto ye un poco difícil de precisar, pero la idega flotaba en conversaciones de chigre, esperes pa conciertos y demás ambientes d'alcuentru de músicos, anque ensin qu'aquello paeciere que tuviere traza de materializase. Pero de va poco p'acá una riestra d'acontecimientos ximielgó a la comunidá musical asturiana, obligándola de dalguna manera a garrar el ramal del so futuru pensando seriamente na posibilidá d'organizase gremialmente. Cómo y con qué oxetivos tien de nacer esa xuntanza ye lo que tienen que decidir agora los músicos d'esti país.

La denuncia por parte del grupu Felpeyu de les condiciones nes que tuvieron que trabayar la nueche del 22 de xunu de 2006, na que sufrieron el so accidente de tráficu, valió de detonante final pa que dalgo se mueva nel colectivu musical asturianu. La denuncia al conceyal de cultura del PP del Conceyu de Corvera Luis Solares vieno a dar un emburrión más a una idega que ya se plantegaba, por poner un casu, nel VII Seminariu d'Estudios Asturianos de la Fundación Belenos, onde una bona montonera de músicos s'axuntaron pa facer un análisis de la música tradicional asturiana. Ellí, a lo llargo de varios debates y meses redondes, aprucía la necesidá d'entamar un "dalgo" que xuntara a los músicos asturianos pa que pudieren compartir información, opiniones o esperiencies, facer fuercia, arriendes de tener capacidá de presión y, llegáu'l casu, sirvir d'interlocutor cola alministración pública y otros organismos.

Y ye que, como dicía enantes, la denuncia de Felpeyu sirvió pa que muncha xente descubriera la situación na que tienen que trabayar munches vegaes los grupos asturianos. Porque'l casu de Felpeyu ye especial pola manera tan tráxica que tuvo d'acabar la nueche, l'accidente de tráficu nel que morrieron Ígor Medio y Carlos "Loco", pero situaciones como la que sufrió Felpeyu nes hores anteriores l'accidente ye dalgo que vivieron un cientu de grupos munches y demasiaes ocasiones. Ye mui normal sentir a músicos contar hestories como éstes que cola fuercia de la resignación y la costume conviértense n'anécdotes, dacuando gracioses, pero que nun podemos escaecer que son el síntoma d'una enfermedá bien grave de la música asturiana, la poca profesionalización del sector, tanto ente los grupos como en quien contrata, situación que carez en mayor midida la parte más feble de la cadena, el trabayador.

¿Qué xeres y revindicaciones más importantes tendría per delantre esta hipotética asociación? Per llau, la busca d'alcuerdos y acciones que puedan promocionar y rediseñar la música en directo, entamando por implicar a les sales de música, a productores y empresarios, y como non, a organismos públicos y medios de comunicación. Nesti sen l'ámbitu del folk tien muncho que dicir, ya que si bien tien un bon númberu d'actuaciones al añu, les más d'elles fáense nunes condiciones probetayes nes ya tradicionales Nueches Folk o Celta. Redifinir estos festivales n'horarios, desestacionalización, númberu de grupos, instalaciones y formes de contratación ye daqué sobre lo que se tendría que trabayar, desplicando la postura a quién contrata y organiza, pero tamién al públicu, mal avezáu a un modelu de Nueche Folk que lu maltrata tamién a él. Fuera del ámbitu folk, onde los grupos asturianos representen el % mayoritariu de les contrataciones, otros palos como'l jazz o'l rock tendríen que reivindicar una mayor atención pa colos grupos d'equí, pidiendo que s'acutare más espaciu pa ellos nos festivales que se celebren n'Asturies o que seyan grupos asturianos quien teloneen actuaciones estelares foriates.

Otru tema a tratar dende l'asociación podría ser el del reconocimientu de l'actividá docente y profesional desenvuelta polos músicos, independientemente de la so titulación. La falta d'esti reconocimientu carécenla sobre too los instrumentos tradicionales, qu'anque na gaita paez qu'entama a arreglase la cuestión, otros como'l curdión diatónicu, la zanfona o la percusión tradicional queden fuera d'esi reconocimientu pa los sos profesionales, amenorgando les posibilidaes de que munches persones puedan buscar un futuru llaboral nel enseñu de la música tradicional asturiana.

Ún de los campos onde más necesidá hai de qu'exista un ente qu'axunte a los músicos, y que-yos permita tener capacidá de presión, ye'l sindical. Meyorar la situación na que desenvuelven la so actividá los grupos asturianos nun ye namás una manera de defender la cultura asturiana, sinón que principalmente ye algamar unes condiciones llaborales dignes pa persones que nun tán faciendo otro qu'intentar ganase la vida cola música. Y ye que'l vezu y falta d'atención de les alministraciones a la política cultural fizo qu'haya unes zunes de comportamientu nel que nun se trata al músicu como un trabayador, sinón como una persona que fai eso por afición a la que-y da lo mesmo cobrar agora que depués, nun cotizar o que nun se-y reconoza una trayectoria profesional. Asina que sedría interesante que se repensara la presión fiscal que sufre'l músicu, regular el trabayu del músicu considerándolu de forma intermitente, o por exemplu, considerar les enfermedaes llaborales de los instrumentistes tanto pa les baxes temporales, permanentes y xubilación. Nun escaezamos que si los músicos pueden tar en condiciones meyores llaborales y salariales, dalgo que na música suel ser la escepción , en munchos casos nun se veríen obligaos a facer malabarismos coles hores de trabayu, garrando conciertos y clases ondequiera y cuandoquiera pa intentar llegar a fin de mes, aumentando d'esta manera la posibilidá de sufrir accidentes llaborales, por exemplu, en carretera.

P'acabar existe la posibilidá de qu'esa asociación se creara tamién como una entidá que sirviera de promotora de los grupos, faciendo trabayu de manager, vendiendo los grupos arriendes de realizar xestiones de contratación, asesoría xurídica y promoción de la música asturiana en si. Per aciu d'esa xera se podríen roblar convenios con entidaes públiques pa vender la música del país fuera y dientro de les nuestres, algamar alcuerdos con empreses de seguros, alquiler de vehiculos, axencies de viaxes, o entamar circuitos de coniertos en collaboración con sales de conciertos, chigres, teatros….etc. Nesti casu los grupos pondríen imponer a quien contrata unes condiciones mínimes pa llegar a un alcuerdu, escaeciendo d'esta manera les contrataciones verbales, especialmente vergoñosa nel casu de los Conceyos, los plazos de pagu sine die o les sorpreses a la hora de llegar al escenariu. Ye dicir asegurar nes actuaciones unes condiciones dignes nes que desarolllar un trabayu, dalgo que diría en benificio de tol mundu. Los Conceyos nun tienen escusa nenguna pa nun cumplir con estes premises básiques, y no que cinca a aquellos conciertos entamaos por asociaciones particulares que nun busquen el progüeyu económicu, sinón namás qu'entamar un festival na so localidá, la collaboración alministrativa y económica de les instituciones públiques, amás de la propia asociación, podríen ayudar a que los organizadores cumplieren los requisitos necesarios. Nun ye nada raro, ya se fai n'otros llaos, llámase política cultural de sofitu a la música del país.

Estes podríen ser les principales xeres que tendría qu'encarar esta asociación. Entamala en si ya ye un trabayu que calculo abegosu, poner d'alcuerdu a tantos músicos y grupos nun ye gota fácil, sobre too si se quixere que l'ámbitu l'asociación nun quedare restrinxíu namás qu'al folk. Pero la escena musical asturiana tien que decatase de que nun se puede siguir asina, y de que muncha xente dexa de tocar porque fartuca de vivir neses condiciones. D'un tiempu a esta parte la música asturiana consiguió captar l'atención de medios de comunicación y de la sociedá asturiana, y eso hai que lo aprovechar iguando un grupu de presión cultural y sindical que torne la precariedá, la improvisación y la equivocada política cultural d'esti país.

La gaita nel conservatoriu: ¿ye la solución?

2008-01-01T17:59:00.000+01:00

El 6 d'abril de 2006 el Conseyu de Gobiernu del Principáu d'Asturies daba'l preste a la la ordenación y currículu de la especialidá de Gaita nos graos elemental y mediu de la enseñanza musical, y a les prebes d'accesu de la especialidá n'Asturies. D'esta manera, per aciu de la regulación del currículu oficial, apurríase-yos a los estudios de gaita'l rangu d'especialidá nel marcu de la normativa vixente pa les enseñances profesionales artístiques. Desque'l 29 de mayu de 2005 el conseyeru d'educación José Luis Iglesias Riopedre diere anuncia de que la gaita diba entrar nos conservatorios, el tema volvía a tar de moda, anque gran parte del colectivu de la gaita vía con escepticismu l'anuncia, ya que la esperiencia dicía que promeses anteriores quedaren pa prau.

Pero'l casu ye que llegó l'alcuerdu de Conseyu de Gobiernu y darréu les prebes pa escoyer a los mayestros gaiteros que pondríen clas en Xixón y Uviéu. Mientres que n'Uviéu ponse clas del grau mediu, pa Xixón quedó namás el grau elemental, decisión que puede calificase de centralista y bastante discutida, ya que Xixón por población y por númberu de músicos de gaita podría agospiar tamién perfectamente la especialidá en grau mediu, evitando asina que los gaiteros y gaiteres xixoneses tengan que desplazase a Uviéu pa desenvolver los sos estudios, y ye que yá que tamos, vamos facer les coses bien.

Con esta inclusión nel conservatoriu puede dar la sensación de que la gaita asturiana algamó'l cume de la ordenación educativa. Que foi quien a entrar no más selecto, oficial y formal del enseñu musical, colo que la xente que tamos alredor de la gaita asturiana podíemos sentinos a gusto y tranquilos porque yá tenemos lo que queríemos. Bien ye verdá que la inclusión de la gaita nel conservatoriu ye una reivindicación de vieyo del mundu de la gaita, y por poner un casu la recién creada XUGA (Xuntanza de Gaiteros Asturianos) trabayó dende que se creo casi n'esclusiva nesta xera. Pero hai qu'entrugase si de verdá'l fechu de que la gaita asturiana tea nel conservatoriu ye verdá un pasu alantre importante pal so enseñu n'Asturies.

Según el propiu conseyeru José Luis Iglesias Riopedre son 1.560 alumnos los qu'estudien gaita na'actualidá n'Asturies, repartíos ente 24 escueles de música, 4 escueles de danza y 30 asociaciones culturales. D'esos 1560 escolinos, solo 30 son los qu'estudien la gaita nel conservatoriu, colo que nun fai falta facer el cálculu pa decatase de que'l porcentaxe d'estudiantes de gaita nel conservatoriu en rellación al total d'escolinos ye bien pequeñu. Ye verdá que l'enseñu de gaita nel conservatoriu ta acabantes d'echar a andar, pero tengo pa min qu'estes cifres nun van ser muncho más grandes n'años próximos, colo qu'esi porcentaxe albidró va siguir siendo pequeñu, sobre too, en comparación col de bandes de gaita, escueles de música de conceyu y asociaciones culturales. Y ye que si echamos una güeyada a Galicia, onde lleven años d'adelantu no que cinca al desarrollu del enseñu de gaita, y vemos los datos del "Libro Branco do ensino na música tradicional en Galicia", veremos que casi la metada de los mayestros de música tradicional obtuvo la so formación gracies a cursos realizaos n'asociaciones culturales, y qu'incluso un 21% parte de la so formación foi autodidacta. Amás el 60% de los centros onde s'imparte clas de música tradicional en Galicia son asociaciones culturales, representando los centros oficiales de música (escueles municipales, centros privaos o autorizaos de música, conservatorios, escueles de la diputación..etc) suponen un ruin 10% Tengo pa min que cualesquier persona que tenga rellación cola gaita n'Asturies puede treslladar estos datos a Asturies, y anque salvando les distancies, esti llibru blancu puede tamién radiografiar de dalguna manera la situación del enseñu de la gaita n'Asturies.

Nun creo que nin a los mayestros nin a los escolinos de gaita n'Asturies se-yos escape que lo más de la xente n'Asturies deprende l'instrumentu asturianu más conocíu n'asociaciones culturales, bien seya en bandes de gaita o escueles de música tradicional ensin más, y que los sos mayestros asina lo ficieron, más que nada porque nun teníen otra posibilidá. Esto quier dicir que son eses entidaes les que tán arrecostinando cola responsabilidá del enseñu y la tresmisión, non solo de la gaita, sinón de la música tradicional. Llegaos a esti puntu ye cuando se puede facer ún la entruga de por qué tantísima preocupación pola inclusión de la gaita asturiana nel conservatoriu, cuando la realidá diznos qu'agora mesmo nun ye onde principalmente habría qu'actuar o preocupase. Podría dicise que la xente deprende gaita nesos sitios porque nunca tuvo la opción d'entrar a un conservatoriu a deprender, pero si miramos otra vuelta a la esperiencia vecina vemos como ellí'l conservatoriu de Vigo entamó les clases de gaita gallega en 1971 y entró nos planes oficiales nel 77, saliendo la primer promoción de grau superior, que n'Asturies nin existe, en 2002. Con too y con ello, a pesar de llevar muncho más tiempu cola gaita nos conservatorios, sigue siendo mayor el porcentaxe de xente qu'escueye otres opciones pa deprender el so instrumentu. Personalmente creo que nun tien qu'estrañanos, porque cuando falamos de gaita falamos de música tradicional, de música popular, qu'en nengún casu ye menos digna que nenguna otra, pero pal enseñu d'esti tipu de música hai que buscar un ambiente y una manera d'enseñar que tien poco que ver col esquema docente d'un conservatoriu. Ye dicir, si queremos atender al interés de los asturianos por deprender gaita asturiana y que lo faigan de la manera en que la mayoría lo demanda, tendríemos qu'escaecenos un poco de los conservatorios y mirar más pa eses entidaes, que como dicía enantes, lleven tiempu abondo asumiendo la responsabilidá educativa de la gaita.

Con too y con ello nun quiero que se m'entienda mal, personalmente toi a favor de que la gaita asturiana tea nel conservatoriu, paezme un pasu alantre y un llogru. La gaita asturiana ye un instrumentu que puede tar perfectamente nestes entidaes, dándo-y la opción a quien quiera y cuando quiera a estudiar esti instrumentu baxo criterios y esquemes de conservatoriu. Pero creo que se sobredimensiona lo relevante d'esti fechu, y preocúpame qu'esti llogru cree una cortina de fumu que nun nos dexe ver el verdaderu problema no que cinca al futuru de la gaita asturiana. Nun podemos permitir que l'alministración asturiana, de quien ye la responsabilidá última de cuidar pola tresmisión y defensa de la cultura asturiana, diga que ya fizo tolo que tenía que facer y que cola gaita nel conservatoriu ella yá fizo'l so trabayu. Eso sedría escaecese d'esa mayoría de persones qu'escueyen otres opciones pa deprender gaita, y nestos momentos tanto los escolinos, como los mayestros, asociaciones culturales, y colectivos -nesti casu faigo referencia especial a la XUGA- nun pueden conformase con una decisión que nun encara los problemes reales de la docencia de gaita. Otru debate ye qu'hai que facer con esi otru ámbitu mayoritariu onde se deprende gaita, asociaciones culturales, bandes de gaita, escueles municipales, pero nun podemos permitir qu'esta siga siendo una enseñanza en munchos casos poco o nada reglada, ensin materiales didacticos curiosos o con mayestros en condiciones llaborales realmente llamentables. Les subvenciones o convenios con eses escueles de música tradicional privaes pueden ser una solución, pero la potenciación de la música tradicional nes escueles municipales ye pa min una de les meyores soluciones. La cercanía que suponen pal alumnáu les escueles municipales, les bones instalaciones de les que puede disponer una escuela municipal y el fechu en si de qu'una alministración pública asuma la responsabilidá de la tresmisión del patrimoniu musical asturianu, son argumentos que creo de pesu.