xograr

2006-10-21T22:31:00.000+02:00

Angeles Gulin sings

A soprano galega Ángeles Gulín canta "In questa reggia" da ópera Turandot de G. Puccini.

2006-04-28T09:25:00.000+02:00

De mudanza

2006-04-23T23:40:00.000+02:00

A partir de agora cambiamos de enderezo:

http://xograr.blogaliza.org

libros en galego

2005-06-09T11:39:00.000+02:00

Para avanzados. Podes dispor dos tratados de harmonía, de contrapunto e de fuga de Michel Baron traducidos ao galego, con exemplos en formato midi. Preme aquí para consultalos.

Coro xuvenil da Orquestra Sinfónica de Galicia

2005-01-24T10:40:00.000+01:00

A Orquestra Sinfónica de Galicia súmalles a creación do Coro Novo aos seus dous proxectos corais: o Coro da Sinfónica de Galicia e os Nenos Cantores. Os/as que desexen participar nesta nova aventura vogal poderán facelo presentando a súa solicitude nas oficinas da OSG, no Pazo da Ópera da Coruña, ata o día 28 de xaneiro de 2005 ás 14 horas. As probas faranse o día 29 de xaneiro de 2005 na Sala de Cámara do Palacio ás 11 horas e nelas actuará como presidente do tribunal o director do Coro da OSG Joan Company Florit. As bases da convocatoria e a instancia oficial para participar nas probas de selección están dispoñibles para a súa descarga na web da OSG.

Morreu Renata Tebaldi

2004-12-20T09:00:00.000+01:00

Renata Tebaldi foi unha das grandes damas da escena lírica do século XX. Trátase dunha soprano lírica especializada en óperas de Verdi. Foi a gran rival de María Callas. Naceu en Pésaro en 1922 e participou na inauguración de La Scala en 1944 despois da súa reconstrución.

Histórico triunfo da banda de Merza

2004-12-05T09:00:00.000+01:00

A Banda Artística de Merza foi a gañadora do Certame Internacional de Bandas de Música de Altea (Alacante). Trátase da primeira banda de fóra de Valencia que o consegue. O seu director é Xosé Rodríguez Ramos. É a banda máis antiga de Galicia, xa que a súa fundación data de 1828, sendo Anselmo González o primeiro director do que se ten constancia. Na actualidade conta cuns cen compoñentes. Aquí poderás saber algo máis da historia desta agrupación.

Instrumentos tradicionais

2004-11-08T21:09:00.000+01:00

Gaita, zanfona, tamboril... son algúns instrumentos tradicionais galegos que seguro que coñeces, pero se oes falar de birimbao ou de tarrañolas, saberías de que se trata? Aquí terás unha boa descrición e mesmo fotos dalgúns deles.

O personaxe do mes: AS ORQUESTRAS GALEGAS

2004-11-01T09:00:00.000+01:00

Galicia conta con dúas importantes orquestras. Trátase da Orquestra Sinfónica de Galicia, con sede na Coruña, e a Real Filharmonía de Galicia, en Santiago de Compostela. Os seus directores titulares son Víctor Pablo Pérez e Antoni Ros Marbá. Nas súas páxinas web podes localizar a programación para esta temporada.

... e finalmente cantou

2004-10-25T09:00:00.000+02:00

Chegou e desfixo os rumores sobre a cancelación do concerto anterior. Angela Gheorghiu deixounos un memorábel concerto coa súa especialidade, arias de ópera italiana que van do bel canto (Bellini) ata o verismo (Leoncavallo, Puccini) sen esquecer o gran Verdi. Desta vez acompañouna a Orquestra Sinfónica de Galicia dirixida por Fernando Malheiro. Podes ler o publicado por La Voz de Galicia e por El Ideal Gallego

Festival Are More

2004-10-13T11:59:00.000+02:00

Entre o 16 de outubro e o 15 de decembro, Vigo acollerá a quinta edición do Festival Are More. Este ano poderemos escoitar voces da talla de Matthias Goerne, Natalie Stutzmann ou María Bayo. A ópera Tamerlano de Händel será outra das estrelas deste ano. Dentro da música instrumental acudirán intérpretes coma o guitarrista David Russell, o clavecinista Pierre Hantaï ou o pianista Jean-Yves Thibaudet.

O divismo hoxe

2004-10-12T11:39:00.000+02:00

A soprano romanesa Angela Gheorghiu tiña previsto dar un recital na Coruña o pasado 30 de setembro organizado pola Asociación de Amigos da Ópera. Este recital foi cancelado a última hora dado que a cantante afirmaba estar enferma. Este dato non tería importancia en calquera outra persoa, pero o historial desta artista fixo sospeitar a moita xente que non había tal enfermidade. Le o publicado polo xornal La Voz de Galicia sobre a súa chegada e sobre a cancelación do recital. Agardamos pola túa opinión.

O personaxe do mes: O XOGRAR

2004-10-01T13:32:00.000+02:00

Dálle nome a esta bitácora. Era o principal divulgador de música profana na Idade Media. Ía de lugar en lugar cantando, facendo teatro, xogos malabares ou levando noticias. En Galicia, dende un punto de vista musical, o máis destacado é Martín Códax, dado que sen conserva a notación musical de seis da súas Sete cantigas de amigo no Pergamiño Vindel, das que se levan realizado múltiples gravacións. En 1998 dedicóuselle o Día das Letras a varios deles.

Presentación

2004-09-16T18:53:00.000+02:00

Esta bitácora pretende ser un foro aberto para compartir coñecementos sobre a Música. Iremos incorporando material didáctico para que poidas descargar, enlaces a outros lugares da rede e diversas propostas de traballo.
Pero isto só poderá funcionar se contamos coa túa colaboración. De ti depende que esta viaxe chegue a bo porto.
Ultreia!