Guayes de señardá

Carta dumbiada a Glayíu

2008-07-15T15:10:00.001-07:00

Creyía que Glayíu, magar que siendo suxetivu, nun yera susceptible de manipulaciones y bilordios. Pero visto esti mensaxe les coses yá nun tan mui nidies. Déxovos el correyu dumbiáu.

-------------------------------------------------------------------------------------------------

Mui bones, nún de los vuesos caberos mensaxes, espetabéis verbalmente a Tabaré, presidenti la República Oriental del Uruguai, como un dañu istalador de plantes de celulosa canceríxenes na so tierra. Bono, pos más que dicivos que les más de les plantes tan n'Arxentina, éstes son más obsoletes y contaminantes, de fechu, equí déxovos el mio artículu nel mio bloq que fici no toncante a esti tema y que vos ufro pa que lo espulicéis en Glayíu.

http://guayes.blogspot.com/2008/05/non-los-papelonos.html

Nótase que l'indargui ta fechu por un arxentinu peronista, sí, d'esos que-y sigue llambiéndo el piescu a EEUU índa siendo'l una "democracia". Reñémbrovos que Tabaré ye del Frenti Ampliu (espresamenti d'esquierdes nun como'l de Perón, protexíu de Franco), ah, y nun menta pa un res a los Kichtner ¿non?

Por ciertu, ¿Perqué nun cunta esti rapaz tola hestoria, como que los manifestantes arxentinos escontra la istalación de Botnia taben pagaos y que curitiaron una pona entenacional munchos meses manifestándose en tierres uruguayes illegalmente? ¿Perqué Uruguay tevo que caltener les trenta y tantes papeleres arxentines? O que Kichtner nun fexo ren ante la invasión d'Uruguay por parte de babayones manipulaos, pero si más sero por otra causa detuvo a ún d'ellos. Nun creyo Luis, que teas como pa criticar a otros presis sudamericanos cuando la tuya nun esmoleciera por los braeros problemes del pueblu arxentinu d'anguañu (mortalidá enfantil, llabor, problema agrariu, etc...).

Creyo que la editorial de Glayíu debería plantegase sobro los criterios d'elleición de determinaos redautores, por mor d'haber mesmamente éstos, como Luis Agüero, poco criteriu ya índa más, envís de bilordiar ya dicir coses que nun son.

Cola esperanza de facevos llegar el mensaxe y'l mio esmolecimientu pol maniqueísmu n'estos llares, mándovos saludos.

http://guayes.blogspot.com/

Acupando Xixón

2008-07-11T15:23:00.000-07:00

{{Estrautu de Glayíu}}URXENTE: Güei vienres un gurupu d'activistes akupó l'antigua fábrica de Flex en Xixón. Acude a sofitar!

Hai unes hores, güei vienres, un gurupu d'activistes sociales recuperaba un espaciu en Xixón: L'antigua fábrica de Flex, n'avenida Príncipe d'Asturies, barriu de Natahoyo. La policía yá presentóse nel llugar y caltién xixiláu l'espaciu. Dende los solidarios que sofiten fuera y les presones que permanecen nel espaciu llámase a la solidaridá.

Si andes per Xixón, o pues averate, anímate a char un gabitu

El cabezabuque de "la uni"

2008-06-25T10:08:00.000-07:00

Félix Fernández de Castro presenta una enmienda a la escontra del propuestu d'Ana Cano, decana de Filoloxía de la universidá d'Uviéu nel que s'ufiertaba l'asturianu de xeitu opcional na titulación de Llingües Modernes. El resultáu de la votación foi de; 30 votos a la escontra'l propuestu, 34 a la pro y 7 en blancu.

Ello provocó la dimisión d'Ana Cano como decana de la facultá de Filoloxía.

Si queréis mandái (a Don Félix) un mensaxe amosando la vuesa discoformidá y enoxu el so correyu lletrónicu ye: felixfer@uniovi.es

L'"atléticu" tocín con pates

2008-06-22T11:12:00.001-07:00

Sexy boy Chema.

"Arios. Que guapo sería qu’una raza de guapos y de guapes, rubies de güeyos azules y cuerpos atléticos, nos sublimare. Que guapo sería qu’una raza de mentes pures, étiques, serenes y castes, nos llibraren de la fame, del odiu […]"

-------------------------------------------------------------------------------------------------

Yá sabemos quieni comió a Favila¡¡¡¡

Y éstos son quien a falar de crisis?

2008-06-21T03:39:00.000-07:00

Jornadas “UN MODELO DE ORGANIZACIÓN TERRITORIAL PARA ESPAÑA”

27, 28 y 29 de Junio, LLanes-Asturias

blablablablablablablablablablablablablablablablablabla
blablablablablablablablablablablablablablablablablabla
blablablablablablablablablablablablablablablablablabla
blablablablablablablablablablablablablablablablablabla
blablablablablablablablablablablablablablablablablabla
blablablablablablablablablablablablablablablablablabla
blablablablablablablablablablablablablablablablablabla
blablablablablablablablablablablablablablablablablabla
blablablablablablablablablablablablablablablablablabla
blablablablablablablablablablablablablablablablablabla
blablablablablablablablablablablablablablablablablabla
blablablablablablablablablablablablablablablablablabla
blablablablablablabla....y dempués de munchos blablablablablablablablas adico:

PRECIO:

En el precio total se incluyen: inscripción en las jornadas, material de trabajo, el alojamiento en habitación doble, los desayunos de sábado y domingo, las comidas de los mismos días, cafés de media mañana, cena-espicha del Viernes y cena Sábado…………………………….…….232 € /persona.

Si la habitación fuese doble pero de uso individual, con las mismas prestaciones anteriores……………………………………………………….281 € /persona.

¡Ah!, too ello cellebraráse nel hotelín-spa "Hacienda de Don Juan" un hotel de lluxu de Llanes, vamos, como si fuere una tradicional conxusta franquista. Babayos ricachones....

Pa colmu, nes sos ponencies y conferencies hai un sutil ataque y tarrecimientu de les "autonomíes", más información nel so programa

-------------------------------------------------------------------------------------------------

En fin...yá sabemos la clas de xente qu'encadarma UPyD

Nacionaliegos...

2008-06-21T03:36:00.001-07:00

Asturies, tierra lliendes

2008-06-18T06:23:00.000-07:00

Ye un video que tien yá bastante tiempu. Pero adicando pal númberu de vistes en youtube, abúltame que nun tevo difisión abondo. Quédome col menxase, si somos a llenar l'IKEA con 20.000 presones nún solu día, sedremos tamién a aconceyanos pa que mos oyan. La verdá, la xente tien de cutio una idega derrotista les coses, o camienta que ye esfuerciu enforma l'averase a una determinada cai o blagar unos minutinos pa dar auta de presencia, pa dar la cara vamos. Eso sí, lo que nun ye esfuerciu ye pasase milenta hores agüeyando parvaes y enchufase a les novedaes y ufiertes del consumismu, too col mínimu esfuerciu, braeramente les prexubilaciones, les escaleres mecániques, OT, GH o Supermodelo, son una gran inventu.

Como dixo'l paisanu...Pan pa güei y fame pa mañana.

Tremái ultrasur¡¡¡¡

2008-06-16T03:49:00.000-07:00

Canciu d'amor, dedicáu con ciñu a Espe....

2008-06-14T06:49:00.001-07:00

Madrid, la vergoña de toos.

2008-06-14T05:48:00.000-07:00

Esto ye dalgo que me pasaren per correyu y que de xuro que vos va esllarizar.

Nel primer video (que vos dirixirá a youtube perque nun permite insertalu) amuesa la primer unidá de maquillaxe correutor qu'esiste nos Servicios Sanitarios
PÚBLICOS de la Comunidá de Madrid.

El segundo ye'l video qu'aprució nel informativu... ú Esperanza apaez mazacañando chicle y encariándose de xeitu despóticu a los mélicos. El video remata con Esperanza Aguirre diciendo: "Tu eres el médico al que yo mandé a Vargas LLosa a que le curaras..."

http://es.youtube.com/watch?v=EoCfHqy81qI

Les mañanes ena Audiencia son asina...

2008-06-12T07:50:00.000-07:00

Arrivo a l'Audiencia, tardo en calletrar que voi ser l'únicu en sofitar a Fer. Porto una vara cola bandera enrrodellada, polo que yá atraigo les más de les miraes indiscretes. Siento nel pisu, nún requexu d'afuera l'edifciu, lleendo un llibru esperando ser a reconocer al rapaz. Marcho a la puerta, onde los periodistes, que nun son a dexar d'enfocar el xetu d'Alcaraz. Había la cámara nes manes, apuntando a la puerta l'Audiencia ¿Cómo asitiala? Xirando a mandrecha, au taba la sé'l PP y a la chusca, onde allugábase la carpa y los chiflos que la cadena Cuatro instalara na placia Colón. Amosando asina que manque Madrid seya grande, too ta prieto tou. Desmenu, al xirar, atropo'l cabezabuque dún poli al carón de mio. Al paecer, los policíes barruntaben que-yos taba grabando col envís de ser "oxetu d'agresiones" (la TVE de xuro que tien más audiencia que los videos que sacaren, y tamién enfocaren a los policíes de xeitu que pueden recoñoce-yos la cara), en fin, nada más allonxáu de la rialidá. Teníame chupáu hora y media de tren y metru y alrodiu de 4 euros y nun había otra cosina meyor que facer. pidíerenme los datos, como non, el policía insinuó que taba faciendo lo que nun taba faciendo, y pa colmu arméla en dos coses. Una la de nun grabar a Fer tando al empar de mio. A ver oh¡ Sedrá que nun lu coñocía, namái dixérenme que yera calvu (ensin querer ser faltosu), pero como malapenes hai calvos peles cais de Madrid y yá de mán, nun sabía esautamente cómo yera...bono, yá sí, gracies al perinformáu policía, qu'esclariómelo bien esclariáu, pero como si yá lo sopiere...La otra cagada foi gravar a un gurupu con pinta esquierdista, encamentando que pudíen ser perfeutamente amig@s, collaci@s, familiares...qué sé yo...Pa como se refería a ellos el maeru, polo menos debíen ser etarres ¿acuéi? XD.

Agora plantégome yo, habiendo un carru qu'en metanos de la baturicia cai pita y da marcha atrás a lo xabaz namái pa guetar a la so moza...Arriendes de-y sollertar (como únicamente fexeron) ¿Nun merecía que-y pidieren tamién los datos? ¿O qué ye más pelligrosu, un rapaz con una bandera autonómica y cámara en mán o un condutor suicida?

Qué más contavos, que demientres tornaba a escribir l'esbociu d'esti artículu nel pisu'l requexu d'enantes, tenía callandino a un paisanu con bigote, entraxetáu y arreciendo a secreta escucando lo qu'escribo. Díxe-y "hola", nun hai que ser maleducados.

Dempués de sentir, de magar les 9:15 fasta les 12:45, los güeyos d'una decena polis calazándome la nuga y de comprobar que soi un braeru idealista ya inocente al camentar que díbame secundar más xente, Fer sal de l'Audiencia acompangáu de la so abogada. Preséntome como enllaz de SOFITU (atroxé con ellos el pasá-yos los videos y semeyes de la "concentración pantasma"). Concasamos en que grabá-y diciendo cómo fuera la vista ye un poco fato, pues en Glayíu yá darán tolos detáis d'ésta. Al paecer namái tevo que declariar, piesllando asina'l sumariu, y nun ta llamáu a volver fasta un bon tiempu. Magüer, la petición de conderga albídrase de cuidáu.

Alcuérdome de toles movilizaciones en solidaridá con elli nel 2005, cuando entá allugábase secuestráu pol Estáu. ¿Poderemos volver a facelo, o sigo siendo un idealista ya inocente?

Saludinos pa Fer y ÁNIMU¡

65 hores, vamos pel bon camín....

2008-06-11T07:22:00.000-07:00

Los 27 ministros de trabayu de los respeutivos estaos europeos aconceyaron antayeri p'aprobar l'enantu de la xornada llaboral a 65 hores selmanales. Sigún el PSOE (qu'intentara torgar la iniciativa axuntando a una minoría abonda) l'aplicación d'esta xornada, que supón un blagu p'atrás dempués de tantes décades de reivindicaciones sociales polos obreros, queda descartada pol momentu nel estáu español. Dellos xornales, como l'ABC yá posicionárense favoratibles respeutu a l'aducimientu de la xornada llaboral por enantar los drechos y la llibertá de les hores de trabayu. Lo que de xuru nun dicen, qu'ésta midida significa la dafecha indefensión del trabayador frente al empresariu, que tien el "drechu" Y la "llibertá" d'españar meyor a los sos emplegaos o de chalos a la cai si nun cumplen cola "llei". Mientres, sigue la coaición y ataque a la dignidá de los trabayadores en tol estáu, y sobemanera caberamente, a los emplegaos de Telefónica, onde los sindicatos mayoritarios (CCOO y UXT) pautaren el silenciu de los sos afiliaos, permitiendo a la escontra de les sos peticiones, que se pueda aducir la xornada pol mesmu sueldu y la obligación, entóncenes, de salir a les 9:30 arróu de les 7:30, arriendes de tener de quedase a xintar nel llabor pa sigún ellos "harmonizar la vida familiar". Caro, Harmonizar la vida familiar nun diendo a la to casa pa pagar cola to familia l'estréss y la perra de tar españáu como un esclavu. Y énte esta violación impune de la Telefónica, la rempuesta de los sindicatos mayoritarios ye la de que "vamos pol bon camín..."

Eso nel mio pueblu llámase hipocresía y descaru....

Casu Fer.

2008-06-05T17:28:00.000-07:00

Tamién tase intentado aconceyar a tola xente que se pueda el día de la so declaración n'Audiencia Nacional de Madrid, 12 de xunu a les 9:30.
Sigui tola información en : http://www.nodo50.org/sofitu/

Damos la cara

2008-06-05T11:22:00.000-07:00

Nada de papel, que l'Amazones tamién sofri y amás que la impresión cuesta 25 cts y tamos cola crisis como pa esbayar les perres. Coima¡

Xobi les semeyes a....http://www.doilacara.net/

Video d'esta orixinal campaña'l CAO.

A ver si facemos memoria Areces...

2008-06-03T06:22:00.001-07:00

50 DNmentes y 200 antifa

2008-06-02T10:09:00.000-07:00

Los asasinos de Carlos tornen a les cais pa berrar col llema "Vivienda social, prioridad nacional" faciendo una xebra ente inmigrantes y llariegos (como si dambos nun fuéremos obreros o presones). Abellugaos pola policía na concentración del 1 de xunu percorrieron la puerta'l Sol onde-yos esperaben con una calecida bienvinida. Pa la cantidá de xente que foi a la mentada mani (nin siquier mediu centenar) más qu'una manifestación paecía una escursión de los Hermanos de la Salle...XD

¡¡¡DN illegalización yá!!!

Ser andaluz tamién ye delitu

2008-05-31T11:41:00.001-07:00

Comunicáu de JALEO!!!

El pasáu domingu, 25 de mayu, asistimos a un nuevu actu d'humildación y represión hacia'l Pueblu Andaluz. Demientres l'alcuentru que disputaben el Cádiz Club de Fútbol escontra'l Gimnastic de Tarragona, na grada de Fondu Sur del estadiu gaditán prodúxose un fechu que dende Jaleo!!! queremos denunciar: Mientres los aficionaos cadistes canciaben l'himnu nacional d'Andalucía, dos xóvenes andaluces foron apresaos pola fuercia, deteníos, mandilaos ya insultaos poles fuercies de represión del Estáu español; la sida de tal aición nun yera otra que'l portar una bandera d'Andalucía, que sigún ellos incita a la violencia, dexáronlos incomunicaos y siendo vítimes de la violencia policial. Yá minutos enantes d'ello, dellos andaluces más foron esmielgaos con requisar les sos banderes andaluzes por parti la policía baxo amenaza de multa. Los aficionaos cadistes, en solidaridá colos deteníos abandonaron la grada en forma de protesta p'amostrar el so rechazu a la represión a la que tán siendo sometíos ciertes estayes pol simple fechu de sentise andaluces. Casos como esti nun son los primeros qu'asoceden, yá nel caberu partíu de la seleición nacional andaluza la policía requisó delles pancartes y banderes con llemes d'apoyu a la nuesa nación y que, una vegada más, paez que mancaba la sensibilidá ya incitaba a la violencia de los españoles. Siguimos ensin calletrar a qué violencia refieren, o ¿Acasu sentise arguyoso y reclamiar polos drechos de la to nación ye una incitación a la violencia? Equí, pol momentu, la única violencia que viéremos fora la que punxiera en práutica la policía en nome d'España. D'a poco, empobinámonos a que tornen a asoceder casos como los de Blas Infante o Manuel Caparrós ente otros, asesinaos por España pol simple fechu de sentise andaluces. Dende Jaleo!!! denunciamos la represión que la cadarma opresora española ta exerciendo escontra tou aquello qu'arrecienda a andaluz. Ye inconcebible que nún Estáu al que llamen "democráticu" póngase en práutica esta mena práutiques vexatories pol simple fechu de ser andaluces. Tase coartando la llibertá d'espresión del mesmu xeitu que facíase hai poco más de 30 años. Nun calletramos qué miéu tienin a dexar que los andaluces nos espresemos llibremente y nos amosemos arguyosos de ser lo que somos, paez que namái-yos val que mos sintamos españoles sí o sí. Poro, denunciamos al Estáu español como Estáu fascista, ú ser andaluz tornara nún crimen, y a la policía como'l so brazu represor. Dende Jaleo!!! tamién queremos amosar el nuesu sofitu y solidaridá a los collacios deteníos, qu'agora afrenten a una multa de 3.000 euros pol simple fechu de portar una bandera andaluza.

¡Basta de represión escontra los andaluces! ¡No mos callarán! ¡Viva Andalucía Llibre y Socialista!

Concetración pola Sanidá Pública

2008-05-28T10:23:00.000-07:00

Nada más que dicir...

2008-05-28T07:59:00.001-07:00

Pidimos casa y mos dan la cárcele

2008-05-24T04:49:00.000-07:00

L'anterior 21 de Mayu aconceyose en Madrid una concentración por una vivienda digna per aciu d'emails y sms. Demientres la mentada sentada, que nun taba autorizada (al igual qu'otres munches d'AVT o del forum filatélicu), produxéronse delles marraces escontra la policía qu'afecháronse con 9 deteníos, pa los que la fiscalía pidi en total 50 años na so acusación, fundada en prebes falses y exaxeraciones de violencia (nun precisamentie per parte los antidisturbios). Les úniques feríes que presenten los policíes nun son na tiesta, nes cofranes, o en cualisquier otra parte'l cuerpu como retruquen, ensinon nos núculos...Pos como toós sabemos, ellos encenégense dafechu a velar"pola nuesa seguridá"

Por eso mesmo, el sábadu 24 de Mayu a les 18:00 cellébrase un manifestamientu en Cuatro Caminos (Madrid) pa pidir la lllibertá d'estos/es collacios/es cuyu únicu delitu ye desixir cumplir un artículu perimportante la costitución y sobremanera, recibir una cuera de los nuesos "proteutores".

Más información en http://www.detenidosporunavivienda.org/

Los fatinos del norte...

2008-05-18T12:22:00.000-07:00

Pente estos llares sedreis a adicar en dellos bloqs, como nel Trasgu d'Areces, l'enoxu por una autuación de gaiteros d'Avilés nel programa de Telecinco "Tú sí que vales" nel que los presentadores chanciáronse col preséu de los topicazos que mos afueguen a los pabesos del norte. Enterrumpiendo l'autuación, entamaren a vistise con unes sayes escoceses "baillando" a son de les gaites, que, quiciabes por mor de la presión de los payasos y del públicu amaniquiáu, desacordiaben nel son. Los gaiteros calteníen una sorrisa melguera, a lo qu'hai d'aloyar, pos los presentadores pudríen dar les gracies por nun recibir una ostia d'algún d'illos, Penosu.
Eso sí, colos fatinos del norte puen chanciase, mas colos xitaninos alabanciegos, que baillen zorolos y berren como oveyes, ¡eso ye la redios! A ver si han los tolanos de chanciase d'ún. Castrones

Como non, nun arrivaren a la final, por Dios, qué vulgar y pabesu ¿eh?

Non a los papelonos

2008-05-17T08:07:00.000-07:00

Caberamente, aconceyen manifestaciones na llende d'Arxentina y Uruguai, tarazando'l tráficu, berrando y faciendo estremullina, col envís de glayar a la escontra duna pastera de cerulosa, Botnia, allugada a la oriella oriental del Ríu Uruguai, a menos de 400 m del país. La sida, que nun son a aparar de golsiar, ye qu'Uruguai nun tien drechu nengún a "contaminar" a los arxentinos.
Fasta ehí, tou nun sal de lo "normal". Magüer, el problema ta en que los arxentinos nun han una, dos o tres plantes de cerulosa a la oriella del ríu, tienin TRENTA. Otra paradoxa ye qu'éstes plantes qu'han los arxentinos costruyéronse en tiempos de la dictadura, y nun han la teunoloxía de reciclaxe que pusúen les uruguayes d'anguaño. Les consecuencies, contaminación de residuos químicos nes augües au afáyense les más de les plantes arxentines, nel ríu Paraná y Uruguay. Los paraguayos (quiciabes perque munchos deben ser guaranís, indíxenes ya inferiores pa los peronistes) malapenes protesten, y nun digamos de los uruguayos, que motivos tienen (sobremanera coles averaes y pelligroses centrales nucleares d'Atucha).

Arriendes, fai poco, la mio moza, uruguaya, mentábame con enoxu cómo los arxentinos aconceyábense a la escontra duna pastera de prósima costruición nel interior del departamentu de Colonia, du ella ye. Pa más inri, l'envís de la manifestación yera pa "facer ver a los uruguayos cómo son quien a ganar más col turismu arxentino que coles pasteres", a lo qu'entainó a retrucar "¡Y amás van decinos cómo alministrar la nuesa economía¡".

La cosa nun fina ehí, ponen d'exemplu de contaminación, nun les sos pasteres, ensinon les de Pontevedra y Navia, igual d'obsoletes que les arxentines...

Mas, énte tóu esto. Camentamos, ¿cuála ye la braera custión? La pastera pola que glayen tanto había como posible allugamientu Sante Fe, Arxentina. Amás, la política'l gobiernu d'Uruguay nun ye producir tanta cantidá papel, ensinon facelo de mayor calidá, poro de más demanda. El resultáu foi que munchos papeleros cháron-y el güeyu a Uruguai no tocante a les inversiones y eso a la mazcayada Kirchner nun-y fexo tanta gracia. Otru datu, los cabezaleros de les movilizaciones almitieron escaradamente tar pagaos, dende llueu, dedicase a facer manifestaciones nunca foi un llabor remuneráu n'Arxentina, polo menos fasta güei.

Asina, mientres el pueblu ta pabesu col tema de les papeleres, nun sollerta les custiones braeramente importantes (les fuelgues de tresportistes y ganaderos, la inflación, el desemplegu, etc...). La mafia Kirchner percanció atropa un "nemicu" pequeñu y xinclín, los malvaos uruguayos. De fechu, camiento, que deberíen tomar exemplu d'Uruguai (abúltame que'l país menos podre política y económicamente) qu'algamó pagar dafechu la delda esterna, que tien una tasa d'inflación abondo baxa en comparancia con Arxentina y ha un gobiernu, d'el Frente Amplio, d'esquierdes y cola tiesta nel so sitiu, dalgo que nun se pue dicir d'otros tantos en Sudamérica (nin n'Europa). La única piega, quiciabes que los paisanos qu'emigren fuera (cuasi siempres mozos) nun tengan el drechu de votar, d'escoyer el futuru del so país, al que carpien y contribuyen. ¿Vos suena de dalgo?

Nun te pinches porros....

2008-05-14T01:58:00.000-07:00

Déxovos les declaraciones de Jesús Guitierrez, secretariu d'organizaciones de la FSA. Dende llueu, al padre d'esti personxe más-y valía criyar un gochu...

"-Entre otras cosas, ponen como gran condición que se revise la ley electoral y se fusionen las tres circunscripciones. ¿Están por la labor?

Zapatero ya ha planteado la posibilidad de explorar la reforma de la ley electoral, pero una cuestión así necesita de un acuerdo unánime.

-Pero para crear una única circunscripción en Asturias bastaría un pacto regional entre los tres partidos.

-Sí, pero está abierto un debate a nivel estatal y habrá que esperar a ver qué sucede. En todo caso, el acuerdo también tendría que ser unánime.

-Donde sí se prevén tensiones es en la definición del asturiano. Incluso con el PP, que quiere recogerlo en el texto como «un derecho».

-El PP está en una posición ambigua y sigue enredando con este tema. Esto es como cuando uno cree en Dios o no. O crees en Dios o no crees. Y esto es igual. La oficialidad tiene derechos y obligaciones; requiere obligatoriedad. Para optar a una oposición de la Administración, habría que conocer el asturiano. Eso es obligatoriedad. Y el PP aprovecha para enredar con ello. No hay debate: o quieren traspasar la línea de la oficialidad, o se está en las tesis que siempre ha defendido el PSOE. Esto es, máxima ayuda al asturiano, máxima protección y difusión, pero sin obligatoriedad."

Home claro, si p'algamar un puestu n'alministración has deprender la costitución, o tener estudios, igual va ser obligatoriedá. ¡Ay cuanto fatín pol mundiu...!

Finen n'OCHOBRE (¿sedrá como nel 34?)

2008-05-11T10:56:00.000-07:00

La bisarma 35 percuerre la rede

2008-05-11T10:52:00.000-07:00