СподелиЗнаење

Ruby Meetup: Rack, Sinatra, Git, Github and Open Source Collaboration (26.11.2009)

2009-11-24T23:50:00.003+01:00

Од овој Четврток започнуваmе со серија на средби на кои ќе бидат презентирани следниве теми:

- Rack - Ruby Webserver Interface : Минимален интерфејс помеѓу веб серверите што подржуваат Ruby и web frameworks напишани во Ruby.
- Sinatra - мал и лесен Ruby framework за креирање едноставни и брзи веб апликации и веб сервиси.
- Како да направите свој Ruby framework над Rack webserver interface-от.
- Git турлитава - Ако имате нешто да споделите, бурјум.
- Github - Започнуваме соработка на проект со отворен код.

Ќе ги изучиме алатките кои ќе ги користиме на реален проект со отворен код - ruby.mk кој ќе претставува едноставна Sinatra веб апликација која ќе собира содржини од twitter / rss фидови и слично, од ruby.mk корисниците. Понатаму може messaging queue да ставиме и имплементираме chat, да направиме некој веб сервис и слично, сите идеи се добредојдени.

Се гледаме во Хаклабот.

МКРУГ Тим.

Вечерва Ubuntu прва помош - стандардно (19:00 - 21:00)

2009-11-23T12:09:00.002+01:00

Нема потреба од премногу најави, само потврда дека и вечерва стандардниот термин за Ubuntu прва помош од 19:00 до 21:00. Локација, и таа стандардна: Хаклаб КИКА.

Минатиот пат завршивме добра работа со инсталација на нов Ubuntu 9.10 + целосно update-ирање + пицнување.

Pimp-my-Ubuntu

Редовно Сподели Знаење оваа сабота (12-17), Мозила технологии

2009-11-20T14:20:00.003+01:00

Како и секоја сабота, така и утре (21.11.2009), редовниот термин на сподели знаење. Ќе разгледуваме некои не толку позанти технологии кои се развиваат во рамките на проектот Mozilla.

Сигурно ќе се посветиме на:

Mozilla Raindrop
Mozilla Weave и Weave Sync (да не се помеша со Google Wave)

секако секој е добредојден и со други идеи, од досегашното искуство барем една работа е сигурна за Сподели Знаење, а тоа е дека нема тема за која не се отвара муабет.

Понесете ги лаптопите, компајлерите и интерпретерите :)

ps.
чепкање по Arduino, Ubuntu и сл. се подразбира

Препорачано: Проекција на филмот „RiP: A remix manifesto“

2009-11-17T15:47:00.002+01:00

Во организација на Компресор, задруга за креативна трансформација, утре ќе се прикажува документарниот филм „RiP: A remix manifesto“ - филм за авторските права, судирот со технологијата (која би рекол им го овозможи на луѓето тоа што го сакале - непречена комуникација) и ремикс културата.

Значи, среда, 18.11.2009 - почеток е од 20:15, а проекцијата ќе биде во Галерија 7 (приближна локација).

(извор: плагијат; за филмот: RiP: A remix manifesto)

Сподели Знаење: Twitter mashup, Python screen-scraping итн (14.11.2009)

2009-11-13T15:12:00.002+01:00

Оваа сабота во редовниот термин за „Сподели Знаење“ од 12-17 часот ќе си играме со Twitter и ќе пробаме да извадиме некои корисни информации од него - дали преку API, дали преку диретно вадење податоци од јавните страни.

Сигурно ќе си играме и со понекое Arduino, рутер, стар компјутер и слични забавни работи :) ... дојдете и со вашите играчки.

Ruby Meetup: Интернет пребарувач во Ruby, Собирање на содржина од интернет страници со ScrAPI, Најдобри практики во Rails (12.11.2009)

2009-11-11T00:33:00.003+01:00

Овој Четврток, ruby meetup со три интересни презентации:

- Како да креирате ваш интернет пребарувач во Ruby
- Собирање на содржина од интернет страници со ScrAPI
- Најдобри практики во Rails

Тикетите од томболата за MKRUG Acer H233H 23" LCD мониторот се сеуште на располагање да се купат, а со самото тоа се спонзорира изнајмувањето на Хаклаб просторот.

MKRUG Тим

Ubuntu прва помош во КИКА, оваа недела во вторник

2009-11-09T21:39:00.005+01:00

Поради промоцијата за Фајрфокс 2с.мк Ве поканува во хаклабот КИКА во ординацијата за Ubuntu и други GNU/Linux дистрибуции, овој вторник 10.11.2009 од 19 до 21 часот.

Доколку Ви е потребна било каква помош со Вашата инсталација на GNU/Linux слободно посетете не за да добиете помош од локалните експерти!

Ваши,
Слободен софтвер Македонија

Firefox роденденска прослава - Скопје, 9.11.2009 19 ч. [ФЕИТ]

2009-11-08T23:55:00.001+01:00

(Преку Мозила Македонија)

Вака народе. За прослава на 5-от роденден на Firefox се организира забава на ФЕИТ Универзитетот во Скопје.

Време: 19:00 - 21:00
Место: Барака 3 - ФЕИТ

Light the World with Firefox
Донесете со вас мобилен кој поддржува Bluetooth, Infrared или интернет, во план е да се направи "Light the World with Firefox" слика од Македонија
Тоа значи дека на сите ќе ви ја префрлиме сликава или сами симнете си ја и ставете ја на телефонот од дома, и потоа кога ќе се собереме сите ќе направиме групна слика каде што сите ќе ги држат своите мобилни со Firefox сликата!

Ќе има пијачки, ќе има торта, ќе има кратко предавање за интересни работи поврзани со Firefox и секако Firefox пакетчиња за посетителите

Ве чекаме да дојдете!
пс. пријавете се овде ако доаѓате

Ubuntu прва помош, секој понеделник од 19-21часот

2009-11-02T16:20:00.003+01:00

Како и секој понеделник во КИКА, ординација за убунту и други GNU/Linux дистрибуции.

Овојпат го претставуваме свежиот Ubuntu 9.10

Ваши,

Слободен софтвер Македонија

Сподели Знаење 31.10.09: Повторувањето е мајка на знаењето во хаклаб КИКА од 12 и нешто часот

2009-10-30T00:38:00.002+01:00

Пошо минатиот пат првпат правевме Сподели знаење во КИКА, бевме премногу возбудени почнавме 100 работи и ниедна не завршиме, направивме комплетен хаос во хаклбот, ама сега знаеме како да се организираме. Бидејќи повторувањето викаат било мајка на знаењето, темите се следниве

Подобрување и интегрирање на инфраструктурата за објавување на настани и случувања во хаклабот
Започнување на тековни проекти кои ќе се одвивиаат на повеќе Сподели Знаење и ќе резултираат со готови производи или веб проекти кои ќе се користат од пошироката јавност воглавно во насока на подобрување на сегашни веб места кои нуда информации во многу рудиментиран облик, без пребарување, истражување или споредба, без архива или историја
Купување боја за проектот за реновирање и фарбање на хаклабот
Средување на драфт верзија на куќниот ред на КИКА за да може да гласаме
Решавање на проблемот со греење Илин има решение
Разно :)

Почнуваме нешто после 12 на пладне

Ruby Meetup: Formtastic, Google Docs API / MKRUG Acer 23 Томбола, Ruby / Rails Прва Помош (29.10.2009)

2009-10-28T21:27:00.001+01:00

Најава за наредната ruby.mk средба (Четврток, 29ти Октомври 2009, 19-21 часот).

Ќе зборуваме за:

- Formtastic - Ruby on Rails FormBuilder DSL со кој може лесно да се креираат високо стилизирани и пристапни HTML форми внимавајќи на нивните семантички и синтаксички вредности
- Вовед во Google Docs API и креирање на едноставна апликација за извлекување случаен добитник на "MKRUG Acer 23 томболата" од Google Data API
- Ruby / Ruby on Rails прва помош - Отворена сесија за прашања и одговори за сите што започнуваат со учење или работа на Ruby / Ruby on Rails проекти.

Повеќе информации: http://www.meetup.com/MK-RUG/calendar/11725181/

МК твитер средба, 28.10.2009 во 20 ч. [КИКА]

2009-10-27T14:00:00.005+01:00

Во среда 28.октомври.2009 г. во КИКА има твитер средба. Почнува во 20 часот.

Од претходниот твитап

Повеќе информации: http://twitter.com/#search?q=%23mktweetup

Ubuntu прва помош и Arch linux неделен преглед од 19 до 21 часот 26.10.2009 [КИКА]

2009-10-24T14:10:00.000+02:00

Во понеделник на убунту прва помош, ќе правиме редовен преглед на арч линукс инсталации

на пример, средување на sudo, kde, kdebluetooth, и сл работи, стандардно ќе се погрижиме и за Ubuntu и сите останати дистрибуции со кои што имате некаков проблем.

Ваши,

Слободен софтвер Македонија

Сподели Знаење 24.10.2009 : Патерица на Денот на Македонската револуционерна борба

2009-10-23T21:56:00.004+02:00

За патерицата на Денот на Македонската револуционерна борба стандардно Сподели знаење во КИКА.

Подобрување и интегрирање на инфраструктурата за објавување на настани и случувања во хаклабот
Започнување на тековни проекти кои ќе се одвивиаат на повеќе Сподели Знаење и ќе резултираат со готови производи или веб проекти кои ќе се користат од пошироката јавност воглавно во насока на подобрување на сегашни веб места кои нуда информации во многу рудиментиран облик, без пребарување, истражување или споредба, без архива или историја
Купување боја за проектот за реновирање и фарбање на хаклабот
Средување на драфт верзија на куќниот ред на КИКА за да може да гласаме
Решавање на проблемот со греење Илин има решение
Разно :)

Почнуваме нешто после 12 на пладне

КИКА: Конкурс за лого

2009-10-19T22:44:00.003+02:00

Драги пријатели,

Потребна ни е Ваша помош за дизајн и избор на лого за првиот Хаклаб во Скопје: КИКА. Сите предлог решенија можете да ги испратите на info ет slobodensoftver.org.mk до 24ти октомври 2009г. во векторски формат (пожелно е SVG) и една копија за преглед (пожелно PNG).

Инаку КИКА (Кика е: Информации: Култура: Автономија) е првата технолошка автономна зона - хаклаб, која ќе се користи за промовирање на користењето и развојот на еманципирачки технологии како слободниот софтвер, јавниот, отворен и пристапен интернет и алтернативните медиуми базирани на социјалните мрежи.

Не поставуваме никакви дополнителни ограничувања бидејќи сакаме да ја искористите Вашата имагинација и да креирате нешто што Ве асоцира на некои или сите од клучните зборови објавени во овој пост.

Убунту Прва помош 19 Октомври 2009 од 19 до 21 часот, Хаклаб КИКА

2009-10-18T17:13:00.002+02:00

Како и секој Понеделник, така и овој што следува после саботната журка за отварање на КИКА,
треба малку и да поработиме.

Секој што има проблем а користи слободен оперативен систем базиран на Linux јадрото и GNU алатки те меѓу кои и Ubuntu, Kubuntu, Edubuntu, и сите други варијанти на линукс, слободно лаптопите под рака и се во ординација кај КИКА.

Официјално отварање на првиот хаклаб во Скопје: КИКА

2009-10-14T17:39:00.004+02:00

Драги пријатели, ве покануваме да дојдете на журката по повод отварањето на првиот хаклаб во Скопје. Журката ќе биде во самиот хаклаб оваа сабота (17.октомври.2009) од 21:00 (па натаму), и ќе биде придружено со настап на бендот „Силви Бонд“.

Хаклабот КИКА (Кика e: Информации. Култура. Автономија.) е реализација на долгогодишната идеја за еден јавен простор - да го наречам технолошка автономна зона - кој ќе се занимава со технологијата и нејзиниот пресек со културата, новите медиуми и општеството. Таков простор веројатно му недостига на градов и ова е еден обид да се пополни таа празнина.

За почеток, главните настани во рамките на КИКА ќе бидат веќе традиционалните „Сподели Знаење“ и „Сподели Кино“, а најверојатно тука ќе се случуваат уште и Ruby.mk meetup средбите, „Убунту прва-помош“, „Роботика“ и уште нешто. Програмата сеуште се спрема и секаква помош е добредојдена. Посебно ни се потребни луѓе кои ќе учествуваат во улога на ментори или предавачи.

КИКА е јавен простор, што значи отворен за секого, и по потреба располага со проектор, интернет, маси и столчиња за 30-тина луѓе, а во договор со „цимерите“ може да се користат и повеќе од просториите. Се надевам дека овој простор ќе заинтересира доволен број млади луѓе кои во меѓусебна соработка ќе успеат да го развијат својот потенцијал.

Па повелете на журката!

Денес 12.10.2009 година, Ubuntu Прва помош од 18 до 20 часот во Хаклабот

2009-10-12T14:34:00.003+02:00

Денес ќе се обидеме да видиме како функционира Убунту прва помош вечерта, од 18 до 20 часот
ако имате било каков проблем со вашиот убунту лаптоп, десктоп или нетбук компјутер повелете во
Хаклабот и ние ќе се обидеме да ви помогнеме.

Ако имате проблеми со било која друга линукс дистрибуција повторно сте добредојдени.

Ваши,
Слободен софтвер Македонија

Пред да побарате помош прочитајте ги условите.

Сподели знаење во новиот хаклаб 03.10.2009

2009-10-02T23:23:00.003+02:00

Утре околу 12 часот ќе го средуваме хаклабот а и хаклабот ќе не
средува нас :)

Значи имаме интернет благодарение на Он.нет, утре треба да зачистиме и
да го исфрлиме ѓубрето да заличи просторот на нешто.

Друго нешто што ни фали е апликација во џанго за водење на евиденција
за членство, и активности, па мислете и за тоа.

Исто така ќе ги разгледаме активностите, начините на промоција и работа на хаклабот.

А да сеуште ни недостасува име.. Така што се гледаме таму.

Ако некој не знае локацијата е тука http://0.mk/skopje-hacklab зо зградата на поранешниот Геолошки институт на улица Железничка б.б.

Сподели знаење 26.09.09

2009-09-25T20:04:00.002+02:00

Како и (речиси) секоја сабота и оваа ќе споделуваме знаење. Присуството како и секогаш е пожелно. Оваа сабота (веројатно) ќе имаме вовед за екстензии за Gооgle Chrome и евентуално нешто од овој тип ако знаеме.

Ќе продискутираме малку повеќе околу хаклабот и работите што треба да се направат (куќниот ред, TODO листата, идеи, планови, програми итн.).

Како и секогаш секој што има проблем со линукс, убунту (или која било друга дистрибуција), слободен софтвер, гаџет, нешто друго што би не заинтересирало може слободно да дојде и ќе пробаме да го решиме.

Гостите и тие што планираат да дојдат за прв пат - понесете си лаптоп, поинтересно е!

Почнуваме од 12:00 до кај 16-17:00 на вообичаената локација.

Сподели Знаење 12.09.09: Есенска еуфорија почнуваме после 12 напладне

2009-09-08T19:42:00.004+02:00

По неколку неделната летна пауза и неодамна завршениот НСНД Сплит, Сподели знаење се враќа на старата локација. Се надеваме дека наскоро ќе имаме и трајно место за собирање со оглед на последната иницијатива на 2с.мк за отворање на хаклаб.

Сите оние заинтересирани за следниве теми:

Игор - Google Chrome/ium под Арч линукс
Игор - Hello World extension за Chromium
Дамјан - Статус околу учењето Erlang

Исто така оние кои се заинтересирани за отворањето на хаклабот и повеќе информации околу тоа можат да ни се придружат на следнава локацијa.

P.S. Во среда во точка заедницата на корисници на Ruby имаат работилница, повеќе детали на овде.

Имаме исполнета кратка недела на интересни настани пред нас, се гледаме.

Сподели знаење 25.07.2009 во 12ч

2009-07-25T10:33:00.002+02:00

Во старо време и на старо место и денес ќе има „Сподели знаење“. Немаме договорено теми, но секогаш има нешто интересно на лагер.

Тоа што би сакал да го видам е како да се направи лаптопот да лади наместо да грее. ;-) Знам... делува невозможно, но истото го мислеа и за Александар, коа тргна да го освои светот. :-)

Во екот на летните горештини, решавањето на овој проблем е поважен од „името“. ;-)

Се гледаме!

Сподели знаење 11.07.09 (12:00ч)

2009-07-11T11:52:00.001+02:00

На агенда засега е:

- досредување на netbook power поставките...
- што е тоа powetop и како да го разбереме?...

... но било кој што бил досега на СЗ знае дека може да испадне нешто
сосема поинаку и поинтересно...

Сподели знаење 04.07.09 (13:00ч)

2009-07-04T09:41:00.004+02:00

По неколку недели пауза решивме да направиме едно сподели знаење. Агендата денеска ќе биде:

хакирање на разни web апликации (под хакирање мислам на решавање bug-ови во наши апликации)
отварање и чистење на Thnikpad :) - можеби
custom made мини-python-web-framework - се вика die-django :)
сурфање на IPv6 интернетот (а и ставање на сервери на IPv6)
инсталација на ubuntu netbook remix na eeepc 1000he
и сите други работи што ќе ни текнат ...

Единствена промена е почетното време. Ова сподели знаење почнува од 13:00 наместо 12:00 часот. Тие што доаѓаат редовно знаат дека ова е и не е некоја промена :).

Локација стандардна. Линк тука.

Сподели знаење 06.06.2009

2009-06-06T23:28:00.002+02:00

Сподели знаење имаше и денес... ништо посебно не се случи...