யோசிங்க

குறுக்கெழுத்துப் புதிர்

2008-08-25T22:18:00.001+05:30

போன வாரம் நம்ம இலவசக்கொத்தனார் Cryptic வகை குறுக்கெழுத்துப் புதிர் போட்டார். அவரைத் தொடர்ந்து நாமும் அதே மாதிரி Cryptic குறுக்கெழுத்துப் புதிர் போட்டால் என்ன என்று தோன்றியதால் போட்டாச்சு. ஆனால் கொத்தனார், வாஞ்சி போன்றவர்களின் புதிர்கள் ஹிண்டு, எக்ஸ்ப்ரெஸ் ரேஞ்ச் என்றால், நம்மளுது வாரமலர் ரேஞ்சுக்குத்தான் வந்தது. இருந்தாலும் பரவாயில்லைன்னு பதிஞ்சாச்சு.

குறுக்கெழுத்துப் புதிர்னா, அதன் கட்டங்கள் Symmetric ஆக இருக்க வேண்டும் என்பது விதியாம். நம்மோடது அப்படியில்லைங்கிறது பெரிய குறையாய்டுச்சு. ஆனால், ஏன் கட்டங்கள் Symmetryயாகத்தான் இருக்க வேண்டும் என்பதற்கு சரியான விளக்கம் கிடைக்கவில்லை. நான் அறிந்து கொண்ட வரையில், அது ஒரு Standard என்பதாக மட்டும்தான் ஆங்கில ஊடகங்கள் பின்பற்றுகின்றன. மற்றபடி, இந்த விதியின் மூலம் புதிரை விடுவிப்பதில் கஷ்டமோ, சுவாரஸ்யம் கூட்டுதலோ இல்லை என்பதே என் கருத்து. இது மட்டுமில்லாமல் வேறு சில Standardகளையும் வெவ்வேறு ஊடகங்கள் பயன்படுத்துகின்றன. அவற்றையெல்லாம் நாம் தமிழுக்கும் பயன்படுத்துவது கஷ்டம் என்பதால், அவற்றோடு சேர்த்து இந்த Symmetric விதியையும் நான் விட்டு விட்டேன்(அப்பாடா, ஒரு வழியாக சமாளித்தாயிற்று!!)

ஏற்கெனவே சொன்னது போல், இது Cryptic வகைப் புதிர். அதாவது கொடுக்கப்பட்டிருக்கும் குறிப்புகள், விடையை நேரிடையாக விளக்காமல், விடையை அக்கு வேறு ஆணிவேறாக பிரித்து, அக்குக்கு ஒரு அர்த்தம் ஆணிக்கு ஒரு அர்த்தம் ஆனால் மொத்தத்திற்கும் வேறு அர்த்தம் என்ற முறையில் அமைந்திருக்கும். ஒரு உதாரணம் தருகிறேன்.

ஆசிரியப்பாவின் தலையை கொய்தால் கவலை ஏற்படும்(3) - இதற்கு விடை : "கவல்" ஆசிரியப்பா என்பது அகவலோசையுடையது. அதனால் அது 'அகவல்' என்றும் அழைக்கப்படுகிறது. இந்த அகவல் என்ற வார்த்தையின் தலையைக் கொய்தால், அதாவது முதல் எழுத்தை எடுத்துவிட்டால் - கவல். கவல் என்றால் கவலை என்று பொருள்.

மேலும் விளக்கங்களுக்கு வாஞ்சியின் இந்தக் கட்டுரையைப் பாருங்கள்.

உதாரணத்தில் உள்ளது போல், கவல் போன்ற கஷ்டமான வார்த்தைகள், ஒன்றிரண்டுதான் இந்தப் புதிரில் கொடுத்திருக்கிறேன். பெரும்பாலும் எளிதான கேள்விகள்தான். நிரப்ப ஆரம்பித்தால் உங்களுக்கே ஆர்வமாயிருக்கும் என்று நம்புகிறேன்.

கொத்தனாரின் உதவியோடு(அவருக்கு உதவியவர் கே.ஆர்.எஸ்.) பதிவிலேயே நிரப்பக் கூடிய கட்டங்களைக் கொடுத்திருக்கிறேன். இனி புதிர்.

1					18	17
				16
			9					19

			3						20
		7	8		10	12
					2
4							14
	5
		6		11			13		15

இடமிருந்து வலம் :

1) கடவுச் சொல் சொல்லி உள்ளே நுழையவும்.(4)
4) பறக்க ஆரம்பித்தால் விருந்தை முடித்து விடலாம்.(4)
8) ஆரம்பத்தின் முடிவில் பரம்பரையை ஆரம்பித்தால் தலை சுற்றும்.(5)
11) அடுத்தப் பாதியில் உப்பைக் கரைத்தால் சமைக்கலாம்.(4)
14) தவத்தை முதலில் கொடுத்தால் வளத்தில் கொஞ்சம் தந்து இடம் கொடுப்போம்.(3)
16) பசு மேயும் உள்ளாடையின் ஓரங்களை நறுக்கி அங்கு குறைத்தால் மரியாதை.(4)
18) காதலின் மூலம் முடிப்பதே உத்தமம்.(3)

மேலிருந்து கீழ் :

1) கன்னி முதலில் மார்பின் பின்புற ஓரங்களை உவப்பாக்கினாள்.(3)
2) கெஞ்சிக் கேட்டால் பாதி ஆட்சி செய்யலாம்.(4)
3) பசுவை ஓட்டிக் கொண்டு போனால் உபத்திரவம் வரும்.(4)
4) பழகத் தொடங்கினால் முடிவில் வந்து விளையாடும்.(3)
7) முடிவற்ற எளிமையின் இறுதியில் குழந்தையைக் கண்டாள் வஞ்சி.(4)
12) நடுவில் அசிரத்தையாக இருந்துவிட்டால் முடிவில் அபத்தமாகி குருதி வெளிப்படும்.(4)
17) மணாளனே ஆரம்பம் இவளுக்குள் கங்கையும் கரைந்துவிடும்.(3)
19) மச்சத்தில் மீதியும் பாதியும் சேர்த்து வை.(4)

வலமிருந்து இடம் :

6) பகுத்தறிவை பகுக்க முயன்றால் தாக்கப்படுவோம்.(3)
9) வழ வழ என்று பேசிக் கொண்டிருந்தால் ஆமணக்காக முடிந்துவிடும்.(4)
19) சங்கொலிக்க ஆரம்பித்தால் கடைசித் தங்கை அச்சப்படுவாள்.(3)
20) சபாஷ் என்று சொல்லமுடியாவிட்டாலும் கூட்டம் வரும்.(2)

கீழிருந்து மேல் :

3) நதிக்கரையோரம் ஆண்கள் தவம் செய்தால் ஒளி பெறலாம்.(4)
5) துருப்பிடிக்க ஆரம்பித்தால் கொஞ்சம் பயனில்லாமல் போய் விடும் முனை.(4)
10) பானையின் காலை ஒடித்தால் நெடு நெடுவென வளர்ந்து விடும்.(2)
12) சூரியன் என்றதும் காக்கை முண்டமாகிவிடும்.(4)
13) முடிவற்ற ஞானியின் உள்ள முடிவில் ஞானம் கிடைக்கும்.(5)
15) தலையை வெளிக்காட்டுவது கொஞ்சம் சிரமம்தான்.(3)
20) பாதி பயத்திலேயே மூடன் ஒங்கி அடித்துவிட்டான்.(5)

பந்து

2008-08-20T14:36:00.011+05:30

பந்த் இல்லை. இது பந்து. அதாவதுங்க மொத்தம் ஆறு பந்து இருக்கு(ஆரம்பிச்சுட்டான்யா!).

இரண்டு சிவப்பு, 2 வெள்ளை, ரண்டு நீலம், இப்படி ஜோடி ஜோடியா இருக்கு(மேலே உள்ள படங்களை பார்க்காதீங்க. கீழே உள்ளதை பாருங்க!!;-)). ஒவ்வொரு ஜோடியிலேயும் ஒரு பந்து, மற்றதை விட கொஞ்சம் எடை அதிகம். எடை அதிகமுள்ள எல்லா பந்துகளும் ஒரே எடைதான். அதே மாதிரி குறைவா உள்ள பந்துகளின் எடையும் ஒரே அளவுதான். இப்ப உங்ககிட்ட ஒரு தராசு கொடுத்துட்டோம். அதுல இரண்டே 2ரண்டு முறை மட்டும் எடை போட்டு, ஒவ்வொரு ஜோடியிலேயும், எது எது எடை அதிகமான பந்துன்னு கண்டுபிடிக்க முடியுமா?

பின் குறிப்பு : நமீதா படங்களுக்கும் கேட்கப்பட்ட கேள்விக்கும் சம்பந்தம் இல்லை :-)

குதிரை வீரர்கள்

2008-08-18T23:26:00.004+05:30

இந்தப் புதிருக்கு செஸ் தெரிந்திருக்க வேண்டிய அவசியமில்லை. செஸ் பலகையில், குதிரையை எப்படி நகர்த்த வேண்டும் என்று தெரிந்திருந்தாலே போதும். அதுவும் தெரியாது என்றாலும் பரவாயில்லை. குதிரையை எப்படியெல்லாம் நகர்த்தலாம் என்ற விளக்கம் கீழே இருக்கிறது.

இப்பொழுது உங்களிடம் 3x3 செஸ் பலகை இருக்கிறது. ஏழு குதிரை வீரர்கள் இருக்கிறார்கள். முதலில் ஒரு குதிரையை எடுங்கள். அதை 3x3 பலகையில் காலியான ஏதாவதொரு கட்டத்தில் வையுங்கள். பின் அதை வைத்த கட்டத்திலிருந்து ஒரு முறை அதை குதிரை நகர்த்தல் முறையில் நகர்த்துங்கள். பின் இதே முறையில் இரண்டாவது குதிரையை காலி கட்டத்தில் வைத்து, ஒரு முறை நகர்த்தல்... இப்படியே ஏழு குதிரை வீரர்களையும் பலகையில் வைக்க முடியுமா? முடியுமென்றால் எப்படி?

குதிரை நகர்த்தல் முறை :

குதிரை எப்பொழுதும் L வடிவ பாதையில்தான் நகரும். L வடிவ பாதையில், மொத்தமாக மூன்று கட்டங்கள் தாண்டும். பாதையில் வேறு காய்கள் இருந்தாலும், அவற்றைத் தாண்டிச் செல்லும். ஆனால் நகர்த்தலின் முடிவிலிருக்கும் கட்டத்தில் வேறு காய்கள் இருக்க கூடாது. 3x3 பலகையில் ஒரு குதிரை வீரன் செல்லக் கூடிய இரண்டு சாத்தியக்கூறுகளை கீழேயுள்ள படங்கள் காட்டுகின்றன.

வட்டமேஜை கொள்ளையர்கள

2008-07-15T17:50:00.000+05:30

ஒரு வட்ட மேஜையில் நான்கு பேர் அமர்ந்துள்ளனர். அதில் ஒருவன் திருடன், ஒருவன் தாதா, ஒருவன் கொலைகாரன், மற்றொருவன் கடத்தல்காரன். இவர்களில் இருவர் மட்டுமே உண்மையான குற்றவாளிகள். மீதி இருவர் அவர்களை கண்டுபிடிக்க மாறுவேடத்தில் வந்துள்ள சிஐடி ஆபீசர்கள். கீழே கொடுக்கப்பட்டுள்ள குறிப்புகளைக் கொண்டு நால்வரும் யார் யார் என்பதையும் அவர்கள் எவ்வாறு அமர்ந்துள்ளனர் என்பதையும் கண்டுபிடியுங்கள் பார்க்கலாம்.

1. காளியும் கமலும் குற்றவாளிகள்.

2. காளி தாதாவிற்கு எதிரில் அமர்ந்துள்ளான்.

3. சிஐடி வெங்கி திருடனுக்கு இடதுபக்கம் உள்ளார்.

4. சிஐடி மங்கி கொலைகாரனுக்கு எதிரில் இருக்கிறார்.

5. சிஐடி மங்கி திருடன் கிடையாது.

பூமிக்கு ஒரு பெல்ட்

2008-07-07T16:51:00.004+05:30

பூமி கோள வடிவில் இருக்கிறது என்பது சிறு குழந்தைக்கும் தெரியும். உண்மையில் அது மிகச் சரியான கோளம்(Perfect Sphere) கிடையாது. பள்ளங்களும் மேடுகளாமாய்த்தான் உள்ளது. கணக்கிற்காக அது மிகச் சரியான கோளமாய் இருக்கிறது எனக் கொள்வோம். அந்த பூமிக் கோளத்தை சுற்றி, தரையோடு தரையாக எஃகினாலான ஒரு பெல்ட் அமைக்கிறோம். இப்பொழுது அந்த பெல்டை வெட்டியெடுத்து, அதன் நீளத்தில் சரியாக ஒரு அடி மட்டும் கூட்டுகிறோம். இப்பொழுது பெல்டை மறுபடியும் பூமியின் தரையிலிருந்து சமமான தூரத்தில் அமைத்தோமானால், தரைக்கும் பெல்ட்டுக்கும் இடைவெளி எவ்வளவு இருக்கும்? இதே செய்முறையை பூமிக்கு பதில் நிலவை வைத்து செய்தால், அப்பொழுது இடைவெளி எவ்வளவு இருக்கும்?

பி.கு : படத்துக்கும் கேள்விக்கும் சம்பந்தம் இல்லை!!:-)

சிறைச்சாலை - விடை

2008-06-04T11:17:00.004+05:30

இந்தப் புதிரை கொஞ்சம் விரிவாக அலசலாம்.

இப்பொழுது ஒரே ஒரு சிவப்பு முத்திரைதான் குத்தப்பட்டுள்ளது என்று வைத்துக் கொள்வோம்(Assumptionதான்).

முதல் மாதத்தின் முடிவில் :-

1) சிவப்பு முத்திரை குத்தப்பட்டுள்ளவன், வேறு யார் முதுகிலும் சிவப்பு முத்திரையே இல்லாததால், ஒரே ஒரு சிவப்பு முத்திரைதான் குத்தப்பட்டுள்ளது, அதுவும் தன் முதுகில் என்று யூகிப்பான். அதை வார்டனிடம் சொல்லி அவன் விடுதலையாகி விடுவான்.

2) மற்றவர்களுக்குத் தெரிவது ஒரே ஒரு சிவப்பு முத்திரை. இதன் மூலம், அவர்கள் முடிவு செய்வது, மொத்தம் ஒன்று அல்லது இரண்டு தான் சிவப்பு முத்திரை குத்தப்பட்டுள்ளது. ஒன்றே ஒன்றாயிருந்தால், அவர்கள் கண்களுக்குத் தெரிந்த கைதியின் முதுகில் குத்தப்பட்டது மட்டும். இரண்டாயிருக்கும் பட்சத்தில், தஙளது சொந்த முதுகிலும் சிவப்பு முத்திரை குத்தப்பட்டிருக்கலாம். இப்பொழுதே எது சரியென்று தீர்மானிப்பது முடியாது. ஆகையால் அடுத்த மாதம் வரை பொறுத்திருப்பார்கள்.

இரண்டாவது மாதத்தின் முடிவில் :-

1) இப்பொழுது எல்லோருக்குமே முதல் மாதம் விடுதலையாகி போய்விட்ட கைதியின் காலி அறை தெரியும். மேலும் எல்லோருக்குமே தெரிவது பச்சை முத்திரை மட்டும்தான். தனது முதுகிலும் சிவப்பு முத்திரை இருந்திருந்திருந்தால், முதல் மாதமே விடுதலையான கைதியால் சரியான விடையை யூகித்திருக்க முடியாது. அதனால் தனது முதுகில் இருப்பது பச்சை முத்திரைதான் என்று முடிவு செய்து, அதை வார்டனிடம் சொல்லி எல்லோருமே விடுதலையாகி விடுவார்கள்.

சரி. இப்பொழுது மொத்தம் இரண்டு சிவப்பு முத்திரைகள் குத்தப்பட்டுள்ளன என்று வைத்துக் கொள்வோம்(Assumption 2).

முதல் மாதத்தின் முடிவில் :-

1) சிவப்பு முத்திரை குத்தப்பட்டுள்ள கைதிகள் இருவருக்கும், ஒரே ஒரு சிவப்பு முத்திரை மட்டும் தெரியும். இதனால் மொத்தம் குத்தப்பட்ட சிவப்பு முத்திரைகள் ஒன்று அல்லது இரண்டு என்பது இவர்களுக்கு உறுதியாகிறது. ஆனால் ஒன்றா இரண்டா என்பதை இந்த மாதமே முடிவு செய்ய முடியாது. அதனால் அடுத்த மாதம் வரை பொறுத்திருப்பார்கள்.

2) மற்றவர்களுக்குத் தெரிவது இரண்டு சிவப்பு முத்திரைகள். அப்படியென்றால் மொத்தம் இரண்டு அல்லது மூன்று சிவப்பு முத்திரைகள் குத்தப்பட்டுள்ளன என்ற முடிவிற்கு வருகிறார்கள். தங்கள் முதுகில் குத்தப்பட்டள்ள வண்ணம் குறித்து இப்பொழுது எந்த முடிவிற்கும் வர முடியாததால், இவர்களும் பொறுத்திருப்பார்கள்.

இரண்டாவது மாதத்தின் முடிவில் :-

1) சிவப்பு முத்திரை குத்தப்பட்டுள்ள கைதிகள் இருவரும், யாருமே விடுதலையாகவில்லை என்பதை கவனிக்கின்றனர். மேலும் அதே ஒரு சிவப்பு முத்திரை இந்தத் தடவையும் தெரிவதை கவனிப்பார்கள். தனது முதுகில் கருப்பு வண்ணத்தில் முத்திரை குத்தப்பட்டிருந்தால், இன்னொருவன் முதல் மாதமே விடுதலையாகியிருப்பான். ஆனால் அவன் அப்படி விடுதலையாகவில்லை. ஆகையால் தனது முதுகில் இருப்பது சிவப்பு முத்திரையே என்ற முடிவிற்கு இருவருமே வந்து, அதை வார்டனிடம் சொல்லி, விடுதலையாகி விடுவார்கள்.

2) கருப்பு வண்ண முத்திரைக்காரர்களுக்கு, இந்த மாதமும் இரண்டு சிவப்பு முத்திரைகளும், யாருமே முதல் மாதம் விடுதலையாகவில்லை என்பதும் தெரிகிறது. இப்பொழுதும் அவர்கள் முதுகில் உள்ளதை சரியாக யூகிக்க முடியாததால், மறுபடியும் பொறுத்திருப்பார்கள்.

மூன்றாவது மாதத்தின் இறுதியில் :-

1) கருப்பு வண்ண முத்திரையுள்ளவர்களுக்கு, இந்த மாதம் சிவப்பு முத்திரை குத்தப்பட்ட கைதிகளின் இரு அறைகளும் காலியாகத் தெரியும். இதன் மூலம் தங்கள் முதுகுகளில் குத்தப்பட்டுள்ளது கருப்புதான் என்ற முடிவிற்கு வந்து, அவர்களும் இந்த மாதமே விடுதலையாகி விடுவார்கள்.

மேலேயுள்ள எடுத்துக்காட்டுகளின்படி, கைதிகள் விடுதலையாகும் காலம், குறைவாக குத்தப்பட்ட வண்ண முத்திரையின் எண்ணிக்கையைப் பொறுத்து அமையும்.

அதாவது 6 கறுப்பு முத்திரைகளும், 94 சிவப்பு முத்திரைகளும் குத்தபட்டிருந்தால், குறைவான எண்ணிக்கை உள்ள வண்ணம், அதாவது கறுப்பு வண்ண முத்திரையுள்ளவர்கள், அந்த வண்ணத்தின் எண்ணிக்கையளவான மாதங்கள்(ஆறு மாதம்) சிறையில் இருக்க வேண்டியிருக்கும். மற்றவர்கள், அவர்களை விட ஒரு மாதம் அதிகமாக(ஏழு மாதம்).

சரி. நமது கேள்வி என்ன?

எல்லா கைதிகளும் விடுதலையாவதற்கு, குறைந்தபட்சமாக எத்தனை மாதங்கள் ஆகும்? அதிக பட்சமாக எத்தனை மாதங்கள் ஆகும்?

எல்லா கைதிகளும் விடுதலையாவதற்கு, குறைந்தபட்சமாக இரண்டு மாதங்கள் ஆகும்.

அதிகபட்சமாக? 99ஓ, 100ஓ இல்லை. 51கூட இல்லை. 50தான். அப்பொழுது இரு வண்ணங்களுமே 50/50 என்று இருப்பதால். இரு வண்ணங்களுமே குறைந்த பட்ச எண்ணிக்கை கொண்டதாகிவிடும்.

பி.கு :- படங்களைப் பார்த்து உங்கள் கண் கெட்டு விட்டதென்றால் அதற்கு நான் பொறுப்பில்லை!!:-)

சிறைச்சாலை - கேள்வி

கொஞ்சம் ஆறுதலுக்காக

2008-06-03T17:37:00.005+05:30

போன பதிவை பார்த்து வெறுப்படைஞ்சவங்களுக்கு, கொஞ்சம் ஆறுதலாக.. கொஞ்சம் கலை வண்ணமுமாய்..

என்ன கொடுமை சார் இது?!?

2008-06-02T18:02:00.002+05:30

சிறைச்சாலை

2008-05-29T17:50:00.005+05:30

ஒரு ஊரில் ஒரு விநோதமான சிறைச்சாலை இருந்தது. அந்த சிறைசாலைக்கு ஒரே நேரத்தில், நூறு கைதிகள் கொண்டு வரப்பட்டார்கள். அவர்கள் அனைவரின் முதுகிலும் ஒரு சிறிய வட்ட முத்திரையை பச்சை குத்தினார்கள், சிலருக்கு கருப்பு வண்ணத்திலும், சிலருக்கு சிவப்பு வண்ணத்திலும். தனது முதுகில் எந்த வண்ணத்தில் முத்திரை குத்தப்பட்டுள்ளது என்பது கைதிக்குத் தெரியாது. ஆனால், மொத்தம் நூறு பேர் என்பதும், பச்சை குத்தப்படும் வண்ணங்கள் கருப்பு, சிவப்பு என்பதும், எல்லா கைதிகளுக்கும் சொல்லப்பட்டது.

கைதிகள் அனைவருமே நன்கு படித்த அறிவாளிகள்(ஏதோ ஊழல் குற்றமாம்!!). ஒவ்வொரு கைதியும் தனிமைச் சிறையில் அடைக்கப்பட்டனர். ஒவ்வொரு அறையிலும், ஒரு சுவற்றில் ஒரு வீடியோ கேமராவும், எதிர் சுவற்றில் ஒரு டிஸ்பிளே ஸ்கிரீனும் இருந்தது. மாதத்தின் கடைசி தினத்தன்று, அரை மணி நேரம், அந்த வீடியோ கேமராவும், டிஸ்பிளே ஸ்கிரீனும் வேலை செய்யும். அந்த நேரத்தில் எல்லா கைதிகளும் தங்கள் முதுகை கேமராவுக்கு காட்டியபடி இருக்க வேண்டும். அந்த நேரத்தில், தப்பித் தவறிக் கூட திரும்பிப் பார்க்கவோ, அல்லது ஏதாவது சைகை செய்யவோ கூடாது. மீறினால் மரணதண்டனை நிச்சயம். அதே நேரத்தில், டிஸ்பிளே ஸ்கிரீனில் தெரியும் மற்ற கைதிகளின் முதுகை கவனித்து வைத்துக் கொள்ள வேண்டும். ஒரு கைதியின் அறையிலிருக்கும் ஸ்கிரீனில், அந்த கைதியின் அறையைத் தவிர, மற்ற கைதிகளின் அறைகள் மட்டுமே தெரியும்.

இந்த வீடியோ படம் காட்டுதல் முடிந்ததும், யாருக்காவது தனது முதுகில் குத்தப்பட்டிருக்கும் வண்ணம் எதுவென்று தெரிந்தால், வார்டனிடம் சொல்லலாம். கைதி கூறுவது சரியாக இருந்தால் அந்தக் கைதி அப்பொழுதே விடுவிக்கப்படுவான். தவறாக இருந்தால் மரண தண்டனை. அதனால், யாரும் வெறும் யூகங்களை முயல மாட்டார்கள். அப்படி சரியாக சொல்லி விடுதலையாகிவிட்ட கைதியின் காலி அறையே, அடுத்த மாததிலிருந்து வீடியோவில் தெரியும். அப்படி காலி அறை தெரிந்தால் அந்தக் கைதி விடுதலையாகிவிட்டான் என்பது நிச்சயம்.

எல்லா கைதிகளுக்குமே சீக்கிரம் விடுதலையாகும் எண்ணம் இருக்கிறது; அதே நேரத்தில் சேதமில்லாமலும்!

இந்தச் சூழ்நிலையில், எல்லா கைதிகளும் விடுதலையாவதற்கு, குறைந்தபட்சமாக எத்தனை மாதங்கள் ஆகும்? அதிக பட்சமாக எத்தனை மாதங்கள் ஆகும்?

எழுத்திலே கலைவண்ணம் வரைந்தான்!!

2008-04-18T18:40:00.006+05:30

சுத்தி சுத்தி சுத்துனா!?!

2008-04-18T17:45:00.004+05:30

நெடு விடுப்பில்(லாங் லீவ்) செல்லவிருப்பதால், அதற்குமுன், ஒரு கணக்கை கேட்டு வைத்து விடலாம் என்று ஒரு கெட்ட எண்ணம்!?!

ஒரு நீட்ட உருளைக்கிழங்கு இருக்குது. ஸாரி, ஒரு நீட்ட உருளை(சிலிண்டர்) இருக்குது. அத்தோட நீளம் 90செ.மீ., சுத்தளவு 24செ.மீ.. அத்த சுத்தி சுத்தி, ஒரு நூல(கயிறுபா) சுத்துறாங்க. அந்த நூலு, உருளைய சரியா 5 தடவை சுத்திருக்கு(அதாவ்து கரீட்டா அஞ்சு ரவுண்டு அடீச்சிருக்கு). அப்படி 5 தடவை சுத்துனதுல, நூலோட ரெண்டு முனையும், உருளையோட மேலேயும் கீழேயும் இருந்துச்சு(பட்த்த பாத்துகோபா!).

இப்போ கேள்வி என்னத்த பெரிசா கேட்டுறப் போறேன்? அந்த நூலோட நீளம் என்ன? அவ்வளவுதான்!

காசு தங்கக் காசு

2008-04-15T15:44:00.003+05:30

நம்ம கெபிகிட்ட(கெக்கே பிக்குனி) கொஞ்சம் தங்க காசுங்க இருக்காம். அதாங்க, இந்த தங்கத்த 1 பவுனுக்கு ரவுண்டு பண்ணி, காசு மாதிரி போட்டு, நடுவுல லக்ஷ்மி படமெல்லாம் போட்டிருக்குமே; அந்த மாதிரி காசுங்க. மொத்தம் எத்தனை காசு வச்சிருக்கீங்கன்னு தெரியாம கேட்டுட்டேன். அதுக்கு அவங்க உடனே உங்க ஸ்டைல்லயே பதில் சொல்றேன் பேர்வழின்னு "எங்கிட்ட உள்ள காசுங்கள ரெண்டு கூறா பிரிச்சு வச்சிருக்கேன். ரெண்டு கூறுக்கும் இடையில எத்தனை காசு வித்தியாசம் இருக்கோ, அதை முப்பத்தி ஏழால பெருக்கினா வர்ற விடையும், ஒவ்வொரு கூறையும் தனித் தனியா ஸ்கொயர் பண்ணி, அந்த ரெண்டு நம்பருக்கும் இடையில உள்ள வித்தியாசமும் ஒன்னு. அப்ப எங்கிட்ட எத்தனை காசுங்க இருக்கு?" அப்படின்னு கேட்டாங்க. "உங்களோட ரெண்டாவது வாக்கியம் சுத்தமா புரியலை. கொஞ்சம் தமிழ் படுத்தி புரிய வைங்க"ன்னு சொன்னேன். "சரி பொழச்சுப் போ. இங்கிலீஷ்லயே சொல்றேன். Thirty Seven times the difference between the number of coins in each group, EQUALS, the difference between the squares of the two numbers. புரிஞ்சுதா?"ன்னாங்க. ஓரளவு புரிஞ்சுது. ஆனா, மொத்தம் எத்தனை காசுங்கன்னுதான் தெரியலை. உங்களுக்கு ஏதாவது தெரியுதா?

பி.கு.: விடை சொல்பவர்களுக்கு, அந்த தங்க காசுகளிலிருந்து ஒன்று கூட கொடுக்கப்பட மாட்டாது என்று அறிவிக்கப்படுகிறது!!

சதுரம் வட்டம் செவ்வகம் ஆரம்

2008-04-10T16:11:00.005+05:30

ஒரே ஒரு ஊர்ல ஒரு சதுரம் இருந்துச்சாம். அந்த சதுரத்துக்குள்ள ஒரு வட்டமாம். அந்த வட்டத்தோட விளிம்பு, நாலு பக்கமும் சதுரத்தோட விளிம்புங்கள தொட்டுகிட்டு இருந்திச்சாம். இப்ப சதுரத்தோட ஒரு மூலைல, வட்டத்துக்கும் சதுரத்துக்கும் இடையில கொஞ்சம் இடம் இருக்கும்ல; அதை அடைச்ச மாதிரி ஒரு செவ்வகம் வந்து உக்காந்திச்சு. அதாவது அந்த செவ்வகத்தோட ரெண்டு பக்கமும், சதுரத்தோட மூலைல ஒட்டிகிட்டு இருக்கும். அதே நேரத்துல செவ்வகத்தோட எதிர் முனை, வட்டத்த தொட்டுகிட்டு இருக்கும். இப்ப அந்த செவ்வகத்தோட ஒரு பக்கம் 7 அடி; இன்னொரு பக்கம் 14 அடி. அப்படின்னா நடுவுல இருக்கிற வட்டத்தோட ஆரம் என்ன?

100=1

2008-04-08T19:17:00.003+05:30

நம்ப வலைத்துணுக்கில் கணக்கு, புதிரெல்லாம் போட்டு ரொம்ம்ம்ம்ம்ம்ம்ப நாளாச்சுன்னு, பல லட்சக்கணக்கான வாசகர்களின் அங்கலாய்ப்புகளுக்கு செவிசாய்த்து, இந்த 'சிம்பிளான' கணக்குப் புதிரைக் கேட்கிறேன். விடையை முந்தி சொல்பவர்களுக்கு, ஒரு அலுமினிய டம்ளர் கூட கிடைக்காது என்று அறிவித்து கொள்கிறேன்.

a = b (சும்மா வச்சுக்குங்க)

99a = 99b (ரெண்டு பக்கமும் 99ஆல பெருக்குங்க)

(100 - 1)a = (100 - 1)b (சும்மா பிரிங்க)

100a - a = 100b - b

100a - 100b = a - b

100(a - b) = 1(a - b)

100 = 1 (ஹா! எப்டியிது? விளக்கவும்!!)

இதே மாதிரி ஒரு கேள்வி முன்னாடியே நம்ம வலைத்துணுக்கில் கேட்டிருக்கிறேன். அதனால் இது எளிய கேள்விதான்!!!

கண்டுபிடிச்சிட்டீங்கன்னா, ஜஸ்ட் ரிலாக்ஸ்!!!

சில விளம்பரங்கள்

2008-04-05T19:23:00.003+05:30

பேலன்ஸ்! பேலன்ஸ்!! பேலன்ஸ்!!!

2008-04-03T18:27:00.004+05:30

நாம் மிகமிக சிறியவர்கள்

2008-03-20T15:17:00.004+05:30

ஓகே! பெருசாதான் இருக்கோம்.

பெருசு மாதிரிதான் தெரியுது!

ஐயையோ! சிறிசாயிட்டோமே!!

உலகம் ரொம்ப பெருசுப்பா!!

சூரியனையே காணோம்!!

ANTARES IS THE 15TH BRIGHTEST STAR IN THE SKY. IT IS MORE THAN 1000 LIGHT YEARS AWAY.

இப்ப சொல்லுங்க. நீங்க ரொம்ப பெரிய ஆளா?

எழுத்தாளர் ஆர்தர் கிளார்க் மரணம்

2008-03-19T16:38:00.008+05:30

பிரபல ஆங்கில அறிவியல் புனைக் கதை எழுத்தாளர், கண்டுபிடிப்பாளர் ஆர்தர் சி. கிளார்க், கொழும்புவில் இன்று காலமானார்.

அவர் குறித்த சில துளிகள் :

Clarke attempted to write a six word story as part of a Wired Magazine article but wrote ten words instead. ("God said, 'Cancel Program GENESIS.' The universe ceased to exist.") He refused to lower the word count.
At the start of the movie 2010, Dr. Heywood Floyd is engaged in a conversation in front of the White House. Clarke is the man feeding the pigeons to the left of the shot. Later on in the movie, in the hospital scene where Mrs. Bowman dies, the cover of Time shows a photograph of Clarke as the American president, and one of Kubrick as the Russian Premier.
He survived the tsunami caused by the 2004 Indian Ocean earthquake, which did however claim his "Arthur C. Clarke Diving School" at Hikkaduwa, which has since been rebuilt.
Clarke's novel, Songs of Distant Earth, was the theme for an album of the same name released by ambient musician Mike Oldfield, the creator of the 1973 album Tubular Bells. Most of the sections in the album are named after elements of the novel, such as "The Space Elevator" and "The Sunken Forest". The inlay/sleevenotes include a short piece written by Clarke. Oldfield also used other titles from Clarke's work for songs, including "Sentinel" and "Sunjammer", on Tubular Bells II.
In the Millennium (TV series) the log in voice phrases for Peter Watts and Lara Means are quotes from 2001: A Space Odyssey
The Divine Comedy recorded a song entitled "Arthur C. Clarke's Mysterious World" for their 2006 album, Victory For The Comic Muse, in tribute to Clarke's well-known TV programme.

In an episode of The Goodies, Arthur C. Clarke's show is cancelled after it is claimed he doesn't exist (it is later claimed in the same episode that Clarke was just Graeme Garden in a wig).

மேல் விவரங்களுக்கு :

சில எரர் பெட்டிகள்

2008-03-06T15:04:00.003+05:30

ஓடுய்யா... வெடிச்சுர போவுது!

அல்லாம் தெளிவ்வ்வா புர்ஞ்ச்சா?!?

என்னாத்த அமுக்குறது?!?

அந்த கீ எங்கபா கீது?

எத்தையா அமுக்க?!?!

இன்னாமோ செஞ்சு தொலை!!

அதான் பிரிலையா?!

தூக்கிரு!!

கெட்ட வார்த்த சொல்லி திட்டுதுபா!!

எதும்மே பண்ணக் கூடாதா?!?!

ZooooooooooM OUT!!!

2008-02-27T15:33:00.007+05:30