ziphone 香港版

Boom! (短片到左啦!)

2008-11-29T08:28:00.002+08:00

Ok!時間過左啦。d 人已經被通知左。
宜家你可以按上圖來 hang 任何 iPod/iPhone。一 d 都唔好笑。
不過搞笑o既就係一個播放器竟然可以用一個短片來搞個 "BOOM" ，係唔係? 呢個短片o既較長版本仲可以 hang 埋幾個 PC 軟件添。最搞笑o既野?幾個月前呢個短片有o係一個 iTunes podcast
入面出現過...

Namaste,Zibri

我o既虛擬一票。

2008-11-29T08:21:00.002+08:00

唔, 我知道, 我係歐洲人, 不過咁唔代表我唔可以投票。就算你自己一個人仲未決定到或者懶到唔願去投票, 請你照去。我已經投左呢位男仕一票。我唔會浪費你o既時間來解釋。我淨係會話你知我鍾意呢個人o既
幾個觀點同埋我亦衷心希望佢會達到我地所期望o既。

Boom!

2008-11-29T08:08:00.002+08:00

我地又來啦!當 Steve 發言o個陣呢 d 經常都會發生...咁我地呢度有乜呢?一個短片。係呀，一個可以令到任何 iPod/iPhone hang 機
o既低能變態短片。

呢個短片o既另一個版本

仲可以 hang 埋幾個 PC 軟件添。我聯絡左 Apple 同埋寄左封 email 到
bugtraq o既 mailing list。淨係一個 Forbes 記者現在身。你禮拜一就會o係 Forbes 度見到有關新聞。o個日遲些小我就會將個短片發佈
到呢度來整多 d "boom"。
按上圖你就去到 zibri.org。
按o個度個圖就會 hang 你部手機。新消息: 過幾日個短片就會被發佈個 Forbes 新聞短片擺左o係個短片列度。

我知道我慢 :)

2008-10-27T03:55:00.003+08:00

相片由 rat-man 提供

我知道我慢。

最近個 iPhone 市場都慢左。

就連 Apple 都係慢吞吞。

我依家忙緊搞其他 project 但係我仍然有留意住

個 iPhone 世界。

我亦都起緊一個專發佈有關 iPhone 及以外

o既破解消息o既網站。

我仍然未有 3G 不過我仲係好滿意我部 2G iPhone。

哥倫布之蛋

2008-08-25T06:50:00.002+08:00

相片由 greyhorn 提供

好似隻哥倫布之蛋咁，

有時最好o既解決方法

係比較簡單o個個。

請繼續留意。

以隱匿當保安係唔得嫁。

2008-08-25T06:39:00.002+08:00

相片由 seventytw0dpi 提供

一個幾有趣o既超連結。

當我升級緊部 iPod、同時監測緊自己o既 LAN 連線 o個陣我發現左呢個幾有趣o既超連結 :)
個 url 會問 apple 攞個 ipod touch 更新o既超連結。入面你會揾到 iPod firmware o既下載連結。
祝你升級愉快 :)

hang 機 :)

2008-08-22T05:24:00.002+08:00

拿...睇黎 Apple 衝左閘黎發佈 2.0。證據?
用你部 IPHONE 黎按呢度

然後行個 WIFI 速度測試幾次。幾次之後你部 iphone 就會
hang 機...
喂 Apple，o個份工仲有無得做呀? ;)

俾面

2008-08-22T04:32:00.004+08:00

我想知點解會係我俾人屈偷o野
同埋又無人為我所做過o既野而俾我面。

我唯一o係 iPhone 界做過o既兩樣o野
就係轉儲個 837 密碼同埋由一個無號 ramdisk 啟動。
(當我第一次 post 呢個o係我個 blog o個陣
無人明白呢個係乜東東)

依家就所謂o既 "dev team" 發佈左佢地o既工具
不過就無提及到以上。

George Hotz 寫左一編基於 dev team tool o既碼
黎 "o係 dfu 程度執行無號編碼"...

睇下個編碼o既開頭:

const unsigned char key837[]={0x18,0x84,0x58,0xA6,0xD1,0x50,0x34,0xDF,0xE3,0x86,0xF2,0x3B,0x61,0xD4,0x37,0x74};

o個個就係我轉儲o既密碼。
無佢就乜工具都無可能會面世。

呢個就係我o個陣話佢係一個"大突破"o既原因。

o個個密碼亦都另到 ramdisk 解碼
同製作改版成功。

如果你記得o既我一直以來都有俾面俾人地
(基於 gray 份心血o既 george hotz 解鎖同埋
依家叫自己做 "dev team" o既
幾位 iphone-elite 成員)。

o係呢度我唔會話有人偷o野。
不過呢 d 係事實。

Dev team 今次o既團體工作做得幾出色
同埋雖然我本人並唔鍾意個工具
不過我見唔到有其他方法黎搞 2.0。
(如果我見到就會話你知) :)

屈我偷o野o既同一班人從來都無
為我所做過o既野而俾我面。

同埋我重複比上次
無留心讀o既人仕:
無我揾到o既 ramdisk
破解係永遠唔會有 ZiPhone (iLiberty/iPlus) 同埋
無個 837 密碼係永遠唔會有 "pwns"。

Zibri。

喂喂???

2008-08-22T00:42:00.005+08:00

相片由 bez.brige 提供

謠言、謊言、懷恨者、愛好者。

我好厭倦呢 d o野!

呢個都唔係一場仗亦唔係一場遊戲。

最初我搞 ZiPhone 係俾自己用o既。

跟住 d 人要求我發佈佢於是我就照做。

我係o係 2007 年 9 月買我第一部 iPhone o既。

我o係 2008 年 2 月發佈 ZiPhone。

我知道你地班友對部 iPhone 好發燒

但係信我，我唔同。

我認為對已經有第一代 iPhone o既人黎講
部 3g iPhone 直情係唔值得買。

GPS? 我有部 TomTom Go機。

3G 數據? 我手提電腦有張 7.2 Mb/s 卡。

Apps?

我有我部 iPhone。

其他o野?

我有我生活!

如果有新 ZiPhone o個陣你會被通知。

唔好再問、唱衰、乞求。

仲有，

你可能唔知道個分別，

但係 ZiPhone 係一個真正o既破解。

軟件升級或改版 firmware

係完全另一回事。

好概念，做得好，但係

都唔係破解...

不過如果真會出o既

同埋佢適合你o既要求o既話，

用佢啦。(希望) 你會開心啦。

另一樣o野:

有人向我報告話有好多人

o係幾個 blog 同網站度扮係我。

Check 個 profile (如果有o話)。

同埋唔好信哂我唔係o係度講o既野!

註出面所有駭客:

事實比字詞更可靠。

保重，

Zibri

Device Failsafe Utility (或 Device Firmware Upgrade)

2008-08-16T03:27:00.002+08:00

個 device failsafe utility(或者人地叫o既 Device firmware upgrade),俗稱 DFU係一個 iPhone 內置o既故障安全o既
基本 (同埋幾普通o既) bootloader。呢個就係 iPhone 2G 同埋希望亦係 3G o既弱點。
呢個 post 可能對你黎講無乜意思，但係o係人地話我抄人/偷野之前請記住你係o係呢度讀左呢篇文先。我聽日唔會發佈任何野。同埋我強烈建議你唔好將 iTunes 或 iPhone 升級。

繼續留意啦。Zibri

唔...

2008-06-30T18:24:00.002+08:00

我仲o係度...上面張圖唔係假o既。並唔係乜野大突破不過都值得一提。我好高興能夠同你地講個 2.0firmware o係我部 iPod 32gb 度行得幾順。所有功能都啟動左。用 windows (或 mac) 黎裝你要用一個特別 beta 版o既 itunes。除非你想放棄 installer同所有第三方軟件我強烈建議你唔好升級 (iPod 同 iPhone 都係)。降級部 iPod 就要先解除安裝 iTunes 7.7 然後重裝 7.5。然後你要開部 iPod 入 DFU 模式同埋完全還原返到 1.1.4 (同埋用 ZiPhone)黎攞返 Installer 同埋所有正野。部 iPhone 就複雜好多因為你亦都要將個 baseband 降級。
我已經有個新 ZiPhone o既初部版可以做到以上o既野。
由今日起你會有兩個選擇:1) 信個 community 同埋唔好升級到 2.02) 同 Installer 及自由講拜拜然後升級。
繼續留意啦 :)Zibri

呢度有更多 screenshot。

好簡單姐...

2008-06-25T06:13:00.004+08:00

相片由 haggischick 提供

Nokia 收購左 Symbian 並且願意開放佢地o既軟件。Openmoko 都準備緊佢地o既開放電話。我知道 Apple 永遠唔會聽我地講，不過 Apple 可以用半招就消滅哂知能手機市場o既對手。我最鍾意o既其中一句引語:"Freedom is not 'choosing between black and white',but to avoid such predetermined choice."
("自由並唔係 '選擇黑與白'，
而係去避免呢 d 已經鎖定左o既選擇。")
其實 Apple o既市場策略只需要
小小改動就可以霸佔個市場。
最弊佢地好似無乜興趣聽。

我有 d 擔心...

2008-06-17T05:26:00.002+08:00

我有 d 擔心。睇黎好似幾好o既一個功能
可能會係一個危機。唔俾有背景程序同強制所有野
通過個 Apple Push Notification Server係作家 Orwell 已經想像過o既野。想像一下你o既所有資料都要經過 Apple 咁你就會見到
一個更大o既畫面。再加埋 mobileme，又一個 keep 住
你所有野o既獨裁者。其實，如果係有得選擇o既話
呢個係一個唔錯o既功能。但係事實就唔係。呢個係唯一o既選擇。由部 iPhone 度所見，Apple
係 show 緊佢地想控制所有野。我希望業界會行另一條路
而非模仿佢地。我依家對 google andriod 同
開放軟件o既興趣逐日增強。

有啦 :)

2008-06-10T07:57:00.003+08:00

終於到啦!依家邊個可以最快寄部
新機俾我來測試呢?睇黎 Firmware 2.0 唔會今日出。好彩。同埋我估中左差唔多所有o野:顏色、無視像對話。
我臨到尾之前 (同其他人一樣)
都唔肯定有無 GPS，不過o係我為意大利雜誌 Panorama
寫o既文章入面都估中左個
外形同 3G HSDPA 技術。

一有人肯供應一部機比我
我就會即時動工。

同平時一樣，我會繼續o係度發佈新消息。Zibri

我警告你地呀...

2008-06-10T07:50:00.002+08:00

WWDC 2008 完左無幾耐之後,Apple 個網站將會推出
一個新版本o既 iTunes。跟住就會有 Firmware 2.0 升級。唔好升級!如果你想享用你部 iPhone,
請等 d 開發人員準備好先。今日就無可能嫁啦。不過好快就得。個新版本一出我就會即刻開工。

我會繼續同你地報導。

Zibri

每秒 7.2 Megabits!!!

2008-06-09T14:57:00.002+08:00

呢個將會係部新 3G iPhone o既 "心臟"!佢有第 8 級 HSDPA 連線技術支援最高 7.2 Mb/s 傳輸速度。詳細資料o係呢度部 iPhone o既主 CPU就
同預期一樣唔會變。繼續留意新消息。

GPS 定無 GPS...

2008-06-05T22:45:00.002+08:00

由 iPhone2 o既專利文件度睇到Apple 最後真係好有可能會有內置 GPS。不過消息有 d 模糊
所以我唔係好想確認。
遲 d 就知。

其實我無乜所為因為我有
我部 TomTom 機。 ;)

Les jeux sont faits (要玩就要有根據)

2008-06-05T02:19:00.002+08:00

iPhone2 (同 firmware 2.0) o既專利文件出左啦。上面o既圖片顯示 FLASH 同WindowsMedia 格式都終於有支援。
o係 Figure 53D 度你亦會見到
新o既歡迎畫面o既樣貌。同之前一樣份文件完全無提及到
一個內置 GPS (同我之前所講o既一樣).外置 Bluetooth GPS 會有支援同埋由 "locationd" 呢個守護行程管理。

你可以黎呢度讀份專利文件。

就到啦... 唔使緊張!

2008-06-05T01:53:00.003+08:00

所有人都知道一個特別日子就快來臨。個 2.0 版本一出我就會即刻開工。收到我部 3G iPhone 之後
我亦會即時用黎測試。
如果你o係我未話得之前升級，
請你唔好走黎叫救命。同埋除非所有程式開發人員都編好哂
同測試哂佢地o既所有程式，
否則升級到 2.0 根本就無乜用途。如果你識講意大利文你就可以去下 http://it.ziphone.org/(睇下第二個 Panorama 連結)
如果你想 ZiPhone 保持免費就請捐款。直到依家，淨係得 1/1000 捐左款。同埋我想o係呢度多謝所有為呢個 project
幫過忙o既人士 (例如翻譯員).Namaste!Zibri

仲係好悶 :)

2008-05-05T01:01:00.002+08:00

之前個 beta 已經玩完啦。因為 Apple 將會發佈新版本o既 iTunes
俾 2.0 用，我會需要重新寫過 ZiPhone黎支援新o既 mobiledevice 架構。換言之: 唔好預新版 ZiPhone
會o係正式 2.0 發佈之後即時推出。我會需要時間黎重寫同徹底測試佢。不過你會由以上o既 screenshot 度見到，唔駛擔心... 個 '破解' 工序已經完成。依家個 '容易用' o既部份需要時間。

繼續留意呢個網站黎追最新消息。
Namaste,Zibri

最差o既仲未來臨... :)

2008-05-05T00:31:00.002+08:00

相片由 [Magda]lena 提供

前幾日我一直忙緊拆開

同分析一個我地可以稱為 "黃金" o既 2.0 firmware。

我話黃金係因為個有效日期係去到

六月四日所以所有功能都已經o係度。

睇黎 2.0 唔會有 MMS、無剪下同貼上、

無新程式 (估下點解!)。如果係咁，除左 Exchange

支援同 AppStore 之外佢地仲改左 d 乜? 我話你知啦: 保安!

係呀，Apple 加強左 iPhone o既保安 (佢地o既保安，唔係你地o個個)

加入左一個新o既密碼機演算法

(亦同預期一樣好快又被破解)。

再無 "8900" 檔案不過有 IMG3。Firmware 2.0 會需要

一個新版本o既 iTunes 同新 "mobiledevice" 架構。

如果係俾我用我都賴得破解呢個版本

不過我知道你地會有好多人會升級所以正式發佈左
2.0 firmware 之後我會發佈一個新版本o既 ZiPhone。

我已經補上左 activation (lockdownd)

同破解 / 入假 IMEI (baseband firmware)。

為左深入測試呢個版本我將會需要一部 Mac 機 (我仲未有一部)

及多謝 ModMyApple.it 論壇o既支持

我遲 d 可能會有一部。

關於 3G iPhone:

部 3G iPhone 會用同現時差唔多一樣o既 iPhone firmware，

所以，再一次，無乜大新聞。

我希望個社區會開始有反應同開始

為呢個 firmware 版本設計軟件，
不過我知道呢個未必會變成現實。

最近我好悶不過就算

有人想落大 order 收購 ZiPhone

我都唔會令你地失望。

如果你因為用左其他方法而
搞到死機請你唔好再向我投訴。

同埋如果你想維持呢個 project 請你繼續捐款。

保重同玩得開心 d 啦!

Zibri

Logo 比賽!

2008-04-26T04:29:00.005+08:00

相片由 fatw 提供

你想唔想出番 d 力呢?

咁就得啦:

為 ZiPhone 設計一個簡單o既 logo!

(提示: 一個雪凍左o既 Z 會幾正吓)

一個 "Z" ... 無野可以簡單過佢 :)

唔好理 Zorro。

寄你個 logo 到 ziphoneorg AT gmail DOT com

展現自已。
Zibri

ZiPhone 上左義大利電視..

2008-04-20T23:59:00.002+08:00

o係義大利電視o既第一次訪問。
去 YouTube o既直接連結o係呢度
感謝 Anguizzz 提供字幕。
多謝你地o既支持!
Namaste,Zibri

新聞時間...

2008-04-16T04:49:00.003+08:00

係呀，ZiPhone 上左 CNET 度添…

o黎呢度睇成個短片介紹啦!

我依家搞緊下一代 ZiPhone。

你可以o係呢度見到 Firmware 2.0 BETA o既圖片。

玩得開心 d 同保重啦!

Zibri。

3G 證據!

2008-04-11T11:19:00.004+08:00

按幅圖黎放大

呢個係o係最新o既 beta 度發現。

如果你睇唔明

就等我澄清一下:

*好快* 就會有新 iPhone 登場。

部新 iPhone 會有 Infineon o既 SGOLD3 (PMB8878 或 PMB8877)

晶片o係個基帶度。

Google 可能可以幫你揾到更多資料。

繼續留意啦 :)

Namaste,

Zibri