tag:blogger.com,1999:blog-7822286262846371486.post-68540506240808781652008-03-24T06:30:00.000+05:302008-03-24T06:30:00.000+05:30Vaise main Shree Mahashaktijee se sahmat hun ki agar Sardar Patel Pradhan Mantri hote, to shayad bharat ka itihas kuchh aur hi bayan kar raha hota. <BR/>Rahi baat updesh dene ki to "hamare gaon ke Katavaru ne kaha ki hamare Mehraru ke baithe vaste jagah hona chahiye". Station Master saheb maar kar bhaga diye, shayad vah unko "manushya rupen mrigaschranti" ki tarah laga. Lekin bapu ne jab fair sex ki bat kar di, to anuvadak lagaye ja rahe hain. Shayad ek generation hai, jo Bapujee ke mahan banane ka bodh nahin kar pati. Karan shayad yah hai ki bapujee ne bahut likha hai, lekin apni mahanta ka manual nahin likha. "Ek gaal par thapaadh khao, doosra gaal age karo" vagairah vagairah. Mujhe to nahin lagata ki isse mahanta aati hai. Mahan vyaktiyon ka ek dayitya yah bhi banata hai ki apne mahan banane ke path ke bare mein kuchh kikhen, jise padhkar aam vyakti banana chahe. Apne bachchon ko vaisa banana chahe. Main agar apne 5 varsheey bete ko bolun ki Bapu mahan hain, aur unka ek gun yah tha ki vah ek gaal par chanta khate the do duusra aage kar dete the. Na to vah meri baat manega. Aur agar aisa karne laga to shayad dheenth (Bullied) vagairah kaha jayega. <BR/>Aapke Yogishvar Krishn se bhi meri kuchh aise hi shikayat hai. Aapke hi ek purani post mein tha ki mahabharat ke yudh mein Yogiraj Krishan ke guidance mein Arjun ne Jayadrath ko aisa mara ki kata hua shir jaydrath ke pita ke paas gira. Ya chakra sudarshan ki baat le lijiye. Kitni achhi guided missile thi yah. Sirf Vanchhit ayakti ko markar vanchhit sthan par fenk sakati thi. Jaise koi dusman desh ka jahaj bharat ke dharati ke upar aaya, use aisa mara ki aska kshatigrast hissa bhi usi desh mein vapas ja gira. Apne desh ki ek khar-patvar bhi nahin jali. Koi radio-activity nahin huyee. Lekin in sabhi astra-shastra ke manual likhe hi nahin gaye. Shayad in sabhi manuals ke achhe documentation ki jarurat thi. Aur shayad is bhasa mein jarurat thi ki uska signal kafi strong hota, aur bina kisi amplification factor ke samajha ja sakata. Aisa bhi kya updesh dena ki jiske liye amplifier ki jarurat aa jaye. Bahas achhi hai, sarthak hai ya nirarthak, is bare mein kuchh nahin kah sakata.Deepak Patelnoreply@blogger.com