....Karólína....

Harðfiskur á röngum stað og röngum tíma

2007-04-19T16:49:00.000Z

Hver sá sem kom með harðfisk upp á bókó -er vinsamlegast beðinn um að pakka honum vel inn í poka og snæða hann aðeins í matsalnum.

Ég er að kafna hérna......

Prófatíð

2007-04-18T20:53:00.000Z

Hætt allri hollustu. Ét nammi eins og svín og sit á rassinum frá 8 til 23 og ljótleikinn ræður ríkjum - já það er PRÓFATÍÐ.
Næst seinasta prófatíðin mín þar til ég fæ gráðuna mína og sú prófatíð þar sem ég hef verið minnst undirbúin undir. Greinilegt að ég kann ekki að læra af reynslunni.....eða námsleiði að ná yfirhöndinni.
Er einnig flutt upp í skóla. Berglind og co fá bara að sjá mig rétt fyrri 8 á morganna, í kvöldmat og ekkert fyrr en næsta morgun því þau eru alltaf farin að sofa þegar ég kem heim. Gef ég mér vanalega klukkutíma í kvöldmat þar sem reyni að uppfylla frænku og meðleigjanda hlutverkið mitt. Knúsa Andrés Ívar og fæ smá slef og gubbu frá honum, fer í smá dansileik með Jóhönnu og hjálpa til í eldhúsinu. Stekk svo út og bruna á ísdrottningunni minni og held áfram að læra því keppnisskapið er að drepa mann.

Jæja - best að halda áfram....viskan fer ekki inn af sjálfum sér.

Flutt

2007-01-02T15:57:00.000Z

Flutt hingað: www.myspace.com/andresdottir

Vika 5

2006-09-30T20:43:00.000Z

Held að þetta sé 5 vikan - annars er ég farin að missa töluna. Seinasta mæling kom EKKI nógu vel út - hafði meira að segja farið aðeins upp í fituprósentu - þannig að núna er öðrum brennslu degi bætt inn í prógrammið. Vildi það frekar heldur en að lengja upphitunina. Ætla nú ekki að vera allan daginn í ræktinni. En núna er bara tekið á því. Mín hleypur eins og mófó næstu tvær vikur og svo verður klipið í spikið aftur og gáð hvort ég hef náð að kreista eitthvað af lýsinu í burtu.

Sandra kom með þá hugmynd af fara á einhvern laxakúr sem á víst að virka rosaleg vel - borða lax 5 eða 6 sinnum á dag......verst að mér finnst lax bara svo ógó vondur. Svo ég er bara ekki fyrir svona öfga. Ég borða bara venjulegan mat. Berglind er svo góð að koma með mat sem er alveg leyfilegur.

Svo eftir 2 vikur er verknám. Hef viku frí hérna heim þar sem mín ætlar að taka próflestrar-dugnaðinn upp og lesa svona eins og heilu og hálfu áfangana á þessari viku - kemur í ljós hvernig það gengur.

Það er nammidagur í dag - ég er að drepast í maganum - búin að vera að smjatta á bland í poka í allan dag og ég get svo svarið það - held að maður getir þjálfað magann til þess að þola alltaf verr og verr sykur. Hvern laugardag fæ ég mér nammi og alltaf verða verkirnir eftir það verri og verri - en samt held ég áfram að éta þetta. Vonandi læri ég á endanum og hætti jafnvel að borða þennan ósóma.

vika 4 hálfnuð

2006-09-21T10:23:00.000Z

Mig langar í NAMMI........
er búin að vera í voðalegum nammi fíling þessa vikuna að það er alveg pínlegt - samt fékk ég mér bragðaref á laugardaginn og fékk alveg nóg af honum....úff - held að ég verði að hafa tvo nammi daga....hihihih - veit ekki hvort ég kæmist langt á því en laugardagurinn nálgast ófluga - bara 2 dagar eftir þá fer ég út í sjoppu að kaupa mér súkkulaði.

Annars gleymdi ég að segja frá því að mælingin eftir tvær vikur kom alveg ágætlega út - 2 prósent af fitu farin á tveimur vikum - held samt að það verði ekki svo gott næsta mánudag þegar ég þarf aftur að mæla mig en vonandi sér maður einhvern árangur.
Úff - sem betur fer þá er ég ekki að keppa í fitness eða einhverju álíka því ég gæti aldrei, aldrei verið svona leiðinleg við sjálfan mig og á ég þá við matarlega séð - gæti alveg æft eins og þau en matinn þeirra vil ég ekki.

Og já prótein drykkjum mæli ég ekki með - ekki nema að maður vilji vera með stanslausa ógleði, magakrampa og drullu. USss - segi nú bara greiji vaxtarræktartröllin. Svo datt mér í hug að þetta er örugglega gert svona til þess að maður borði minna en verst að maður getur ekki hreyft sig heldur. Þannig að éta bara fisk og kjúlla og mikið af því :)

Nú fer verknámið að nálgast og byrja ég í Keflavík og verð þar í 2 vikur og svo 3 vikur á Lansanum. Finnst ágætt að fara í verknám - breyta um umhverfi í smá tíma en alltaf gott að koma heim aftur. Svo fer ég aftur suður í 5 vikna verknám eftir áramót þannig að þið sem eruð þarna í borg óttans eigið vonandi eftir að sjá aðeins meira af mér í vetur ;)

Frænka í annað sinn :D

2006-09-09T16:07:00.000Z

Í dag- þann 09.09.06 fæddist drengur - sonur þeirra Berglindar og Hlyns. Áttu þau fyrir dótturina Jóhönnu sem er fædd 10.10.03.
Út af þessari skemmtilegu tímasetningu hjá þeim ráðlegg ég þeim heils-hugar að stefna á dagsetninguna 08.08.08 næst ;)

Innilega til hamingju með snúllann bæði tvö og Jóhanna með nýja bróður sinni :D

Vika 2

2006-09-05T10:52:00.000Z

Jæja - þá er maður búin með eina viku og vika tvö að byrja. Að vísu var seinasta vika ekkert erfið matarlega séð en úfff....harðsperrur dauðans - ég vissi ekki að hægt væri að fá svona sársaukafullar harðsperrur - en ætli það skili sér ekki í meiri vöðvum og stinnleika ;)

Núna er meiri brennslu vika heldur en í seinustu viku og þannig að mín verður brjáluð á hlaupabrettinu eða kýlandi eins og mófó í loftið í compati.

Engar stórar breytingar orðnar hjá mér nema að ég labbaði hálf hölt seinustu viku vegna harðsperra sem er sem betur fer nokkurn vegin farið. Þá er í tilbúin í næsta skammt af harðsperrum ;)

Þar sem edrúmennska fylgir svona átaki - þ.e. ef maður ætlar að gera þetta almennilega - lætur maður það ekkert stoppa sig á því að fara á djammið - dansa af sér rassinn og pungsvitna og vakna svo eldhress næsta morgun - og hef ég heyrt að endrúmennsku djamm mun fullkomnast næsta sumar þegar reykingar verða bannaðar inn á skemmtistöðum....eða var það bara veitingarhúsum - man það ekki alveg. Hvort sem er þá er það tær snilld :)

Þar til næst....koma svo - púslinn upp í 197....!!!!

Borgin mín ;)

2006-09-03T13:40:00.000Z

You Belong in London

A little old fashioned, and a little modern.
A little traditional, and a little bit punk rock.
A unique woman like you needs a city that offers everything.
No wonder you and London will get along so well.

What City Do You Belong In?

Og ég sem hef aldrei komið til london nema í 6 klst stoppi - þannig að næsti staður til að búa á verður London babý ;)

Ræktar blogg nr 1

2006-08-28T14:29:00.000Z

Jæja - ég hef ákveðið að ég muni breyta þessu í leiðinlegt ræktarblogg og þið ráðið alveg hvort þið viljið lesa vælið í mér hér....

Ég er nefnilega að fara í 4 mánaða vöðvaaukandi og fituminnkandi átak og mun Berglind stóra systir vera bossinn yfir þessu átaki. Í dag er formlega minn fyrsti dagur í þessu átaki og vorum við að taka "fyrir" myndina - gekk pínu brösulega þar sem mér fannst þetta svo fyndið að ég gat ekki verið með fýlusvip ;) en tókst á endanum - get nú ekki sagt að mig finnist eitthvað fallegt að horfa á þá mynd - vonandi mun hún eitthvað skána þegar á líður......
Svo vorum við líka að taka mál og ákváðum við að vera ekkert að strekkja á málbandinu núna en það verður strekt í lok átaks ..... maður verður að beyta smá blekkingu í þessu - svona fyrir sálartetrið og líka að skýrslan komi betur út fyrir hana Berglindi og kennarinn hennar verið ánægðari með hana.

Annars erum við að fara í ræktina á eftir þar sem hún mun kenna mér á lyftingarprógrammið - hún kemur með mér í hvert skipti held ég fyrstu tvær vikurnar þar sem annað er tekið fyrir í viku nr 2 en svo byrjar maður aftur upp á nýtt. Eftir þetta mun hún bara koma með mér einu sinni í viku svona til að halda mér við efnið og verð ég þá bara inn á milli taka á honum stóra mínum.

Sem betur fer eru ekki miklar breytingar á mataræðinu fyrstu 3 vikurnar því þá einbeiti ég mér bara að því að byggja upp múskla. Svo eftir það verður bara harkan sex ;)

Hérna hafið þið það - ég ætla að reyna að skrifa svona vikulega og segja frá hvernig mér gangi - alltaf að reyna að finna fleiri leiðir til að auka pressuna á mér - ekki það að Berglind pressi ekki nóg og hvað þá ég - þetta verður bara smá aukning því ég gæti trúað að ég þyrfti þessa auka pressu.

þar til næst ..... ekkert súkkulaði

Einar - 30 ára í dag :)

2006-07-21T07:00:00.000Z

Til hamingju með afmælið brósi minn - grillaðu nú frá þér allt vit ;)

úff - langt síðan maður hefur skrifað eitthvað hér....

Hef bara verið að vinna eins og mófó síðan ég kom frá Kanada - þar sem mikil mannekla er í gangi hérna (á hvaða sjúkrahúsi er hún ekki) - en þar sem maður fær gjörsamlega allan andskotan hingað inn þá get ég ekki sagt að mér leiðist. Hér er lyflækningardeild, handlækningardeild, gjörgæsla, fæðingardeild og skurðstofa á næstuhæð sem ég kem reyndar ekki nálægt en við fáum sjúklinga þaðan. Get nú ekki neitað að það er pínulítið freistandi að koma hingað aftur næsta sumar og vinna þá sem hjúkka. Maður lærir örugglega massa mikið af því en það verður örugglega ekki auðvelt.

Annars er ég að fara norður núna á eftir - þegar ég er búin að leggja mig aðeins - og ætlum við að slá upp í tjaldpartý einhversstaðar nálægt Akureyri og halda stórafmælið hátíðlegt og bjóða stóru systur og co. velkomna aftur til landsins :)

Annars verð ég að hætta - er búin að vera alltof lengi að skrifa þetta og orsakast það af mikilli þreytu og heilaleysis......
....þar til næst ..... sem verður vonandi fyrr heldur en seinast.....síja

Canada - here I come :)

2006-06-11T16:32:00.000Z

Nú á ég bara eftir morgun/næturvakt og þá hefst ferðalagið mikla með fjölskyldunni. Strax eftir næturvaktina (þ.e. á morgninum 13 kl 8) mun ég keyra upp í Egilsstaði þar sem liðið bíður mín og eftir að við verðum búin að koma öllu liðinu í bílinn verður lagt í hann til Reykjavíkur. Er samt pínu smeik við að fara að keyra strax eftir næturvaktina en ég gæti trúað að það sé betra heldur en ég ef svæfi í 1 til 2 tíma því þá kæmi svo sannarlega þreytan yfir mann. Kemur samt í ljós hvernig staðan verður á manni um morguninn hvað maður gerir. Þá verður það bara einhverjir kröftugir koffín og ginsendrykkir alla leiðina .... pissa þá örugglega allt of mikið á leiðinni suður en alveg til í að hætta á það til að hindra útafakstur .... nei segji nú svona!!!!

Svo þann 14 munum við svo bruna út á flugvöll og fljúga út til London babý :) Gistum við þar eina nótt á einhverju glæsihóteli (samkvæmt heimasíðuninni þeirra ;)) og fljúgum svo út til Canada. Lendum í Toronto - skiptum um flugvél sem flýgur svo til St. John þar sem Berglinda eða Hlynur verða til að taka á móti okkur. Tekur svo við dágóður akstur til St. Andrews þar sem þau búa - eða um 100 km. Held að við verðum mjög svo fegin að komast á leiðarenda. Enda mikið búið að spá og spögulegar í þessari ferð og plana allt út í þaula. Núna mega bara óvæntu hlutirnir koma sem krydda ferðina ;)
Í Canada sem svo stefnan tekin á ofur verslunarleiðangur og önnur skemmtileg heit. Ferðasagan verður sögð þegar til baka verður snúið.
þar til næst........ canada farin kveður :)

Ein í heiminum í ræktinni

2006-05-29T19:34:00.000Z

Ég er öll að komast inn í þessa sérstöku menningu sem einkennir Neskaupstað og gefur nýleg reynsla mín mér góða sýn á þeim sérkennum sem einkenna hvern Nobbara án þess þó að vera full-lærð á þeim sviðum.

Eins og vanalega - þegar ég kem á nýjan stað, finn ég líkamsrækt staðarins og geri mig heimakomna þar. Í dag mætti ég í fyrsta skiptið í ræktina hér á Norðfirði og blasti fyrir mér örlítið undarleg sjón. Ég var ALEIN. Það var enginn í móttökunni, enginn í salnum og enginn í sturtu. Ég var alveg gjörsamlega alein í ræktinni. En það virtist sem allir hefðu hlaupið út í skyndi því hrúga af innanhúsíþrótta skóm lá við dyrnar og vatnsbrúsar voru á víð og dreyf um salinn. Þrátt fyrir þetta allt ákvað að ég skyldi nú nýta tækifærið þar sem ég væri komin þarna niður eftir. Hóf ég mína rútínu og klukkutíma seinna þegar ég var búin var ég enn ein og enginn hafði kíkt inn. Bróðir minn gaf mér svo þá skýringu að fókið geymdi skóna sína og vatnsbrúsana þarna því hver færi að stela dótinu. Hér á Norðfirði eru öll dýrin í skóginum vinir :)

Dagur tvö sem smiður.....

2006-05-23T19:26:00.000Z

Já - held að ég geti sagt að ég finni fyrir fótunum á mér núna. Þar sem ég er búin að sitja á rassinum síðast liðna 2 mánuði þá eru þetta dálítið mikil viðbrigði að standa í fæturnar í 10 tíma á dag. Þreytan er svo mikil að ég nenni ekki á klósettið - sófinn er minn aðal staður þetta kvöldið.

Annars er ég búin að bonda vel og mikið við hann Merkúr. Merkúr er risastór, tölvustýrður bor með svona arma, pedala, takka og mörg hin ýmsu skemmtileg heit. Höfum við tvö veriða að bora eins og brjálæðingar síðan á mánudaginn og mun samband okkar líklegast halda áfram út vikuna - ef marka má þá stafla af allskonar plötum og stykkjum sem hafa hrúgast í kringum okkur. En ekki taka því sem að við séum hægfara - alls ekki - var okkur meira að segja hrósað fyrir hröð handbrögð í vinnunni í dag :)

Veislan hennar Valdísar heppnaðist alveg hreint ljómandi - allaveganna skemmti ég mér mjög vel. En það mættu kannski ekki alveg eins margir og við bjuggumst við og gerir það að verkum að við eigu FULLT af bakkelsi hér, það verður örugglega ekki eldað í nokkrar vikur - svo mikill er afgangurinn.

Komst svo að því að Egilsstaðir eru ekki að gera góða hluti hérna. Allaveganna ekki á laugardaginn. Var í þó nokkru djammstuði um kvöldið og ætlaði ég ekki að láta ofurþreytuna mína stöðva mig - en þar sem búið er að loka Kaffi KHB, Valaskjálf leyfir engin skemmtanahöld og einkateiti var á Hetjunni ákvað ég að fara bara upp í rúm að sofa.

Núna ætla ég að fara skella mér út í bílskúr að hjálpa pabba mínum að laga litlu riðblettina sem eru eitthvað að sniglast á bílnum mínum..... heyrumst seinna.

Smiður í viku :)

2006-05-17T20:51:00.000Z

Þar sem það er allt of langur tími þar til ég fer að vinna á sjúkrahúsinu á Neskaupstað reddaði pabbi mér vinnu í viku í vinnunni hans - þannig að ég og pabbi verðum vinnufélagar í viku :) Ekki slæmt það - fá smá pening þar sem þeir eru ekki neitt mjög sjáanlegir inni á bankabókinni.

Annars er ég bara búin að vera á fullu síðan ég kom heim frá Akureyri. Búin að vera að hjálpa henni litlu systu að undirbúa útskriftarveisluna sína og svo fór ég upp á heiði í gær að hjálpa til við að leita af honum Pétri. Það bara því miður engan árangur nema bara blöðrur á fæturnar :(

Annars er maður orðin nett spenntur fyrir morgun deginum að vita hvernig þetta fer hjá henni Silvíu Nótt - verður skemmtilegt að vita hvort hún segir bannorðið og verði rekin úr keppni ;)

Jæja - besta að fara að gera eitthvað af viti .... sjáumst :)

Komin heim til ma og pa :)

2006-05-14T21:14:00.000Z

Mikið og langt ferðalag búið. Fór með Hjördísi til Reykjavíkur í gær og keyrði svo til baka á nýja kagganum mínum í dag - alla leið til Egilsstaða :) Er bara nokkuð sátt með gripinn, miða við verð og verður hann þrifinn og pússaður á morgun ef rigningin heldur sér upp í skýjunum ;)

Annars hefst núna tími hvíldar og afþreyingar - þar til ég fer að vinna. Ætla ég að nýta þann tíma í ræktina, bílinn, hitta vini og vandamenn og flytja niður á Neskaupstað og já - ekki má gleyma aðal dæminu - útskriftinni hjá henni litlu systur. Það verður sko veisla og heljarinnar teiti enda ber hana upp á sama dag og júróvision :)

jæja - ætla að rotna í smá stund fyrir framan imban :) sijú babýs

Bara fyrir þig Berglind mín!!

2006-05-03T14:48:00.000Z

Þar sem stóra systir er að verða sí-net-tengi laus þá er víst við hæfi að uppfæra hana og auðvitað þið hin sem kíkið hérna inn (ef það eru einhverjir) þar sem langar samræður okkar systra á msninu heyra þá sögunni til.
En þar sem ég er í prófatíð og nenni ekki að skrifa langt blogg ætla ég að hafa þetta í svona punkta stíl:

er að fara í 3 próf - fyrsta á fimmtudag (meinó), næsta á þriðjudag (lyfjó) og seinasta á fimmtudag (hjúkó) og er ég þá komin í sumarfrí :)
ég er að fá nasaþefinn af því hvernig er að vera á bíl á Akureyri - og er það einungis bumbusafnandi þar sem göngutúrarnir/hjólatúrarnir milli skólans og heimilsins er eina hreifingin mín í prófatíðinni - held ég leggi bílunum í smá tíma.
er að reyna að ákveða hvað ég eigi að gera í þessu stutta sumarfrí - þ.e. frá 11 mai og þar til ég fer að vinna - 29. mai. Var að spá í að troða mér á einhvern sveitabæ og fá að fara í sauðburð - kannski að reyna að suða út svona eina og eina vakt á sjúkrahúsinu - fara í stinningar átak ;)
já - ég mun vinna niður á Neskaupstað í sumar á fjórðungssjúkrahúsinu og mun ég bú hjá honum brósa mínum - Einari og kisunni hans. Eina sem mig kvíður fyrir að þurfa að búa þar er þessi helv... brennslu fíla. Var ekki hægt að troða brennslunni eitthvað lengra í burtu OJOJOJOJ
Svo í júní er stefnan tekin á Canada - baby - með mor, Einari og Valdísi. Það verður massa mikið stuð og hlakka ótrúlega mikið til :)

Jæja - best að snúa sér aftur að bókunum - þetta er komið nóg. Og já Gleðilegt sumar allir :)

Ég hata FLENSU :(

2006-03-30T13:45:00.000Z

Jú jú - flensan ákvað að þetta árið skyldi ég ekki sleppa og hefur ákveðið að ég skuli tak út öll þau skipti sem ég hef sloppið fyrir horn síðast liðin ár og dembir fjórföldum skammti á mig. Hef ekki verið svona mikið lasin síðan í barnaskóla (að mig minnir) og það er sko langt síðan. Ég vona einnig að þessi flensu faraldur hætti með mér því ég vil ekki að neinn annar þurfi að liggja í rúminu í viku í hálfmyrkviðu herbergi - bryðjandi verkjatöflur á 4 tímafresti - óskandi þess að mamma gæti verið hjá manni með krækiberjasúpu og kærleik...............uuuuu mig langar heim!!!!

En annars fann ég svona lista sem mig langaði svo að gera - bara svona til að stytta manni aðeins stundirnar.....

( ) hitt einhvern sem þú kynntist á internetinu
(x) farið á tónleika (en enga svona rosa-frægra-hljómsveitar-tónleika, meira frekar Stjórnin, Jagúr o.fl. - tónleikar er alltaf seinasti liðurinn í fjárhagsáætlunni)
(x) tekið verkjalyf en eiginlega aldrei (en þessa stundin lifi ég á þeim elskum)
(x) elskar einhvern eða saknar einhvers akkurat núna ( allveg fullt og alltaf - vil bara hafa alla í kringum mig - alltaf)
(x) legið á bakinu úti og horft á skýin
(x) búið til snjóengil
(x) haldið kaffiboð ( svona með hjálp mömmu ;))
(x) flogið flugdreka
(x) byggt sandkastala
(x) hoppað í pollum ( gerði það seinast um 18 aldurin þegar ég og stelpa sem ég vann með ákveðum að við skyldum finna börnin í okkur sjálfum aftur, vorum í gulumpollagöllum og allt :)
(x) hoppað í laufblaðahrúgu
(x) rennt þér á sleða
(x) svindlað í leik (við vinkonurnar bjuggum til spil sem krafðist þess að maður svindlaði - þannig já)
(x) verið einmanna
(x) sofnað í vinnunni/skólanum (einu sinni í rapporti í vinnunni eftir mjög svo djamm góða nótt ;)
( ) notað falsað skilríki (Nei - persónutöfrarnir dugðu oftast ;)
(x) horft á sólarlagið
( ) fundið jarðskjálfta
(x) sofið undir berum himni (bæði hér heim og í mið Ástralíu og svaf bara nokkuð vel takk)
(x) verið kitluð/kitlaður (já og það þarf lítið að koma til að ég fari að sparka frá mér - kitlar ofur mikið)
(x) verið rænd/rændur (uppáhaldsgallabuxunum mínum var rænt úti )
(x) verið misskilin/n
(x) klappað hreindýri/geit/kengúru (bara öllu saman)
(x) farið yfir á rauðu ljósi/virt stöðvunaskyldu að vettugi (ekki viljandi samt)
( ) verið rekin/n eða vísað úr skóla
(x) lent í bílslysi
( ) verið með spangir/góm
(x) liðið eins og þú passaðir ekki inn í/þriðja hjól undir vagni (það er ókosturinn við það að vera einstæða vinkonan)
(x) borðað líter af ís á einu kvöldi (tvenn sem einkennir okkur systur - bumbugenið og ofur-ísát... humm ætli það sem samhengi þarna á milli)
(x) fengið deja vu (það kemur fyrir)
(x) dansað í tunglskininu
(x) fundist þú líta vel út (alltaf þegar ég er nývöknuð - or not)
(x) verið vitni að glæp
(x) efast um að hjartað segði þér rétt til
(x) verið gagntekin/n af post-it miðum (kemur í köstum og þá helst rétt fyrir próf)
(X) leikið þér berfætt/ur í drullunni
(x) verið týnd/ur (örugglega en ekkert alvarlegt samt)
(x) synt í sjónum (ekki hér á landi en í Danmörku og Ástralíu)
(x) fundist þú vera að deyja (á það til með að vera einstaklega yfirveguð manneskja á ögurstundum)
(x) grátið þig í svefn
(x) farið í löggu og bófaleik
(x) litað nýlega með trélitum
(x) sungið í kariókí (já oft oft - við systurnar áttum karíókí gærjur :)
(x) borgað fyrir máltíð eingöngu með smápeningum (jú jú - þurft að tína klinkið saman og telja - það hefur gerst)
(x) gert eitthvað sem þú lofaðir sjálfri/sjálfum þér að gera ekki? ( alltof oft)
(x) hringt símahrekk (jú jú - það hefur gerst)
(x) hlegið þannig að gosið frussaðist út um nefið á þér?
(x) stungið út tungunni til að ná snjókorni
(x) dansað í rigningunni
( ) skrifað bréf til jólasveinsins. (Gerðist ekki vegna þess að stór systir mín eyðilagði Jólasveina trú mín á ungaldri á náði aldrei því stigi að vilja skrifa bréf til "Jólasveinsins")
( ) verið kysst/ur undir mistilteini
(x) horft á sólarupprásina með einhverjum sem þér þykir vænt um
(x) blásið sápukúlur
(x) kveikt bál á ströndinni ( ein kennslutímin úti í Danmörku fól í sér að við áttum að búa til þrjár mismunandi báltegundir sem voru ætluð til mismunandi verka á ströndinni í roki og rigningu og okkur tókst það.... :)
(x) komið óboðin/n í partý
( ) verið beðin/n um að yfirgefa partýið sem þú komst óboðin/n í
(x) farið á rúlluskauta/línuskauta... og suckaði feitt
(x) hefur einhver óska þinna ræst
( ) fariðí fallhlífastökk...
( ) hefur einhver haldið óvænt boð fyrir þig.
( ) klesst bíl vinar/vinkonu-
( ) stolið bíl
( ) verið ástfangin/n
(x) verið sagt upp af kærasta/kærustu - lífið er eins og konfektkassi
( ) verið rekin/n
(x) lent í slagsmálum (er mjög svo á móti ofbeldi en einu sinnu hefur þurft að toga mig í burtu)
(x) læðst út meðan þú bjóst ennþá heima hjá foreldrunum
(x) haft tilfinningar til einhvers sem endurgalt þær ekki
( ) verið handtekin/n
( ) farið á blint stefnumót
(x) logið að vini/vinkonu (ekki alvarlegt - bara hvít lýgi hér og þar ;)
(x) skrópað í skólanum
(x) horft á einhvern deyja
( ) farið til Canada (er að fara núna í sumar í 2 vikur - jibbý)
( ) farið til Mexico
(x) ferðast í flugvél
( ) kveikt í þér viljandi
(x) borðað sushi
( ) farið á sjóskíði
(x) farið á skíði (komst að því um dagin að ég kann ekkert á skíði)

jæja - farin að rotna örlítið meira... síjú

verknám

2006-03-01T15:38:00.000Z

Nú er mín komin til Akranes og mun ég dvelja hér í 4 vikur í verknámi.
Það er búið að vera mjög fínt hérna - frítt húsnæði og fæði. Gæti ekki verið betra. Annars verður örugglega lítið um blogg hjá mér næstu 4 vikurnar - þ.e. mun minna en þegar afköstin voru sem minnst því ég hef enga nettengingu.
Annars er dagurinn í dag búin að vera mjög fínn - fékk að horfa á aðgerð sem var mjög skemmtilegt og vonandi fæ ég að sjá meira á næstu vikum...
jæja....þarf að þjóta....síjú :)

Klukk og meira klukk

2006-02-20T12:25:00.000Z

já hún Andrea mín klukkaði mig og verð ég að standa mig í stykkinu þannig að hér kemur það:

4 störf sem ég hef starfað við um ævina:
Skógrækt ríkisins
Tjaldvörður í Atlavík
Þjónn á Café Nielsen
Á sjúkradeild Egilsstaða

4 myndir sem ég get horft á aftur og aftur :
Pirates of the Caribbean
Nemo
Lord of the rings
og Lethal Weabon myndirnar

4 staðir sem ég hef búið á:
Bessastaðir í Fljótsdal :)
Laugavellir á Egilsstöðum
Þingvallastræti og Víðmýri á Akureyri
Rönshoved í Danmörku

4 sjónvarpsþættir sem ég fíla:
OC :)
Sex and the city
CSI
Friends

4 staðir sem ég hef farið í frí á:
Spánn - Barcelona og einhverja sólarströnd í útskriftarferð - man ekki hvað hún hét og Pyranafjallanna
Danmörk - Köben einna helst þá en annars út um allt landið.
Ástralíu - út um allt :)
Farið á alla staði hérna heima á Íslandi nema Vestferðina - og já ég skammast mín mikið fyrir það.

4 heimasíður sem ég heimsæki daglega:
www.uank.is
www.blog.central.is/hjukkulingar
www.einkabanki.is
og svo hinn reglubundni blogghringur

4 uppáhalds matartegundir:
Kjúklingur - kjúklingur- kjúklingur í öllum myndum
ís í megaskömmtum
Jólamaturinn hennar mömmu
og karamellusósan...nammmm

4 staðir sem mig langar að skoða:
Sahara
Pýramídana
Kínamúrinn
Everest

4 hlutir sem ég hlakka til:
Að fara út til Canda í sumar til hennar stóru systu
að fara í verknám í næstu viku - jibbý....
að klára námið og fara að skemmta mér í útlöndunum
að komast í ræktina í kvöld - shit sukkið gjörsamlega fór úr böndunum þessa helgi

4 bloggarar sem ég ætla að klukka:
Berglind
Þóra Elísabet ....
og....
held að það séu eiginlega flesti búnir með þetta ..... ef ekki - gjörið þið svo vel !!!

Hitt og þetta !!!

2006-02-17T09:22:00.000Z

Uss... letin er alveg að drepa mig á öllum sviðum.... er bara orðin arfa slakur bloggari....hnuss

En jæja - best að koma með svona það helsta sem hefur drifið á daga mína:

Valentínusardagurinn:
Við einstæðustelpurnar ákáðum að við skyldum ekki láta karlmannsleysið stoppa okkur þannig að við héldum okkar eigið teiti. Pöntuðum Dominos pitsu, keyptum nammi, leigðum eina "stelpu" mynd og aðra ljós-bláa með frekar mjög svo stuttum miðvikudögum ;) Svo tók Baddý fram vaxtækið og fór að pína hana Rebbu sem ég náði svo snildarlega upp á vídeo + eitt af klámatriðunum í myndinni ....hihihih

Afmælið:
Hjördís- bestasti meðleigandi í heimi- átti afmæli þann15. febrúar (á miðvikudaginn) og varð hún 30 ára konan.. ekki meira né minna og var hún gjörsamlega plötuð upp úr skónum - fyrst plötuð í nudd og svo í óvænta afmælisveislu um kvöldið.... greijið - hún var alveg orðlaus allan daginn.... TIl HAMINGJU DÚLLAN MÍN !!!!

Ísfirðingarnir:
Þessi föngulegi hópur var hjá okkur þessa vikuna í verklegu námi og eins og vanalega getum við ekki skilið okkur frá þeim nema með góðum kvöldverð þar sem við förum út að borða og í þetta sinn var Peng´s fyrir valinu og borðaði ég yfir mig þar.... úff ekki gott fyrir mörin sem ég er að reyna að losna við.....;) Svo eftir matinn var farið á Amour og drukkið aðeins öl og spjallað um skólann, dildósögur o.fl. Ógeðslega gaman en voðalega syfjuð - held ég sé búin að sofa of mikið þessa vikuna.....

Vísindaferð:
Í kvöld er svo vísindaferð í Íslandsbanka og það verður nú mikið fjör þar sem fullt af fólki er að fara og þá sérstaklega úr bekknum mínum sem er nú rómaður fyrir mikið og gott djammþol ..... þannig að fjörið heldur áfram - eitthvað hafa bækurnar lítið verið opnaðar þessa vikuna en ég lofa að standa mig betur næstu viku ...ehehhm ....reyndar sagði ég líka þetta í seinustu viku....ooo jæja...!!!!!

Sjáumst í bænum í kvöld :)

Sveitaklukk

2006-02-12T16:15:00.000Z

Stóðst ekki mátið á að gera sveitaklukk sem ég sá á síðunni hennar Berglindar.

Sveitaklukk

Uppáhalds kýrnar
Áttum ekki kýr þannig að ég verð að segja
Léttmjólk
Nýmjólk
og undanrenna

Uppáhalds kindurnar
Doppa- kindin mín sem var með stóran brúnan, alveg hringlaga depil á bakinu
Gæfa - alltaf hægt að knúsa hana
Heimalingarnir

Þrjú glæfraleg sveitaatriði
Fór á snjósleða til Rögnu og við fórum að leika okkur á sleðanum á túninu - var í annað skiptið sem ég snerti gripinn enda var færnin eftir því.....
Rendum okkur niður brekkuna og skullum á girðingunni sem var með gaddavír neðst og efst. Girðingin kom ekki vel út úr þessum aðförum...
Keyra dráttavél og þurfa alltaf að standa upp til að bremsa og skipta um gír því fæturnir náðu ekki frá sætinu og niður.

Tveir skrítnir
Fljótsdælingar eru nú allir undarlegir á sinn máta og er maður sjálfur engin undantekning....

Þrjú ógleymanlegustu sveita-atriðin
Að sitja í vagninum á leiðinni niður á neðratún og keyra yfir Bessu og blottna smá í fæturna.
Vera að keppast við rigninguna sem nálgaðist okkur frá báðum áttum.
Að fá að vera að vinna inn í fjárhúsum á nóttunum í sauðburði - svo skemmtilegur stemmari þá.

Sveitasíminn
Þegar síminn var bara 1832 og ekkert á undan nema að maður hringdi út úr landsfjórðungnum - held að forskeitið hjá okkur hafi verið 97 eða var það 94 - man ekki alveg.

Gamla ég!!!

2006-02-04T14:50:00.000Z

Jæja... nú er enn eitt árið að bætast á mann...úff.... maður er allt í einu að verða svo fullorðin - orðin svona gamall - núna á maður að fara að lifa framtíðina - það sem maður er búin að vera að plana að í mörg ár..... en mig langar það ekkert alveg strax þannig að ég er að hugsa um að bíða með að fullorðnast allaveganna þanngað til ég verð 30 ára - þá þarf maður að fara að haga sér virðulega og taka hlutunum alvarlega......
allavegann.... planið er massa góður matur í kvöld - fylltur kjúlli og súkkulaði fondú í eftirmat og mun ég snæða þetta í góðra manna hópi og einnig munum við horfa á Silvíu Nótt rústa söngvakeppninn í kvöld....áfram Silvíja Nigth... ;)

TIL HAMMAR MEÐ AMMAR - ÉG OG ALLIR AÐRIR SEM EIGA AFMÆLI Á ÞESSUM MERKA DEGI :)

TIL HAMINGJU MEÐ AFMÆLIÐ

2006-01-26T13:55:00.000Z

TIL HAMINGJU MEÐ AFMÆLIÐ HLYNUR :)

Hlynur Ármannson er 31 árs í dag og er því opinberlega ellismellur ;)
Til hamingju kallinn og vonandi verða þær mæðgur góðar við þig á þessum merkisdegi!!!

Dansinn mun duna :)

2006-01-24T16:12:00.000Z

Já já já....BodyJam er að byrja í Vaxtarræktinni....djöfull hlakka ég til. Þetta er sko besta skemmtun sem hægt er að hugsa sér og þá sérstaklega fyrir svona danssjúklinga eins og mig sem reynir að finna eins mörg tækifæri og mögulega gefast til þess að dansa og hrista á sér skankana....þarna fær maður að herma eftir hreyfingunum hennar Beyonce og fleirum góðum í bland við samba sem er einnig frábært því þá fæ ég að dilla botninn aðeins ;) Og best af öllu þá á ég ekkert í vandamálum með að missa mig á dansgólfinu þannig að þetta á eftir að verða hin besta skemmtun - jafnvel þótt að gæðin séu ekki alveg til að hrópa húrra yfir - ég er bara leggja mitt af mörkum að gera þessa tíma eins skemmtilega og mögulega geta orðið ;)

kv. - ein dansandi óð :)

Þekkið þið mig?

2006-01-23T11:35:00.000Z

Bjó til alveg einkar erfitt og slungið próf um mig....þið eigið eftir að svitna yfir þessu....því lofa ég ;)
Njótið:

Take My Quiz
- on -
QuizYourFriends.com!