Recuerdo de un Poeta

"Insinceridá"

2009-08-04T10:13:00.006+02:00

Non debe dicisi sí

cuando se piensa en el non;

qu'eso ye mentir al tú

y, al tiempu, engañar al yo.

B.G.R.

"¡Ganaras la boroña que comes"

2009-07-04T17:24:00.000+02:00

'N ista casa , resondiu, non sè lo que pasa.
Naide se procupa de cosa dalguna
si non ye la cosa de comer y chase.

Y isu, xùroboslo yo d'antemanu,
por mio santa madre,
que fai bien de tiempu s'alcuentra interriada,
que non lu consientu.

Quian quiera comer, desde hoy mesmo,
a garrar, como yo, la fesoria,
'l arau y la gradia.

A garrar, en sin màs, el gadañu
y colgar el zapicu del cintu
pa, de vez en cuandu,
dai un'afilada.

Y a doblar, como Dios nos lo manda,
ya seya nel prau o na tierra,
el santu espinazu.

'N ista casa, teneilu presente
desde hoy acabòse, pa tou cristianu,
el sentase a comer e na mesa sin char tan siquiera
un paxo de vianda a los xatos que tan e na cuadra.

O arrendar, si ye tiempu, el maizu,
o llindar, como debe, el ganau cuando pastia.
Sin que sei olvide que'l ganao tièn sede
y hay que diariamente, dir co nel al agua.

Per toes:
por non rellatar una a una les obligaciones
que hay pa co la casa,
direbos a toos, d'afechu y pa siempre,
que aqui hay que afincala.

Ta tà bien d'aguantar señoritos
que al dir a boscalos pa char una manu,
non por falta juerzes, si non poe vagancia,
y falta d'amor a l'hacienda,
non valen pa nada.

Que son muy capaces, los muy sinvergüences,
de dexar que su muerran les vaques,
les pites y el gochu
pol non de cudialus.

Que se pudran les fabes na tierra
y se sequen manzanes y peres nes cañes del àrbol
por no dir pañales.

Que son muy capazes de tou, los muy folganzanes,
por non facer nada.
¡Que trabaye'l padre, de noche y de dìa,
hata qu'arreviente!
¡Que trabaye'l padre! Mermuren ente ellos.
Ya que tien tantu amor a l'hacienda
que trabaye hasta char les coraes.

Pos non s'enquivoquen.

Trabayarè lo mesmo que un burru, en tantes que pueda;
pero non pa fartar folganzanes.

Dexare la pelleya sudandu nel tayu;
pero el mio trabayu serà pa mì mesmu.

Lo munchu o lo pocu, que dexe la tierra
yo voy desfrutalu.
¡Y trabayarè por amor a mio hacienda!
¡Y trabayarè por amor a mi casa!
Pero, como digu, desde agora mesmo,
que naide pretenda vevir a mio cuenta.
El que quiera comer que trabaye.

Y, si non, que sepia,
que ahì, a cuatru pasos,
detràs mesmamente
d'au s'alcuentra afincada la vara de herba,
pasa la caleya.

La que lleva ente curves, morrillos y sebes,
a la carretera.

Per u puede llargase coalquier que non quiera
garrar un preseyu;
ganar la boroña que come, faciendu por ella.

Que se vaiga, corriendu, quian quiera.
Que pa tal menester, ahi mesmo,
sòlu a cuatru pasos,
esta la caleya,,.

B.G.R. (Cantando a Asturias)

"El rezo del rosario"

2009-04-09T22:49:00.013+02:00

"El rezo del rosario" (Paul Cézanne)

Sentonos al sò llao averadinos

y dìxonos asì: Tai calladinos.

Vamos rezar, como bonos cristianos,

lo que lle de rigor, antes de chanos.

Y aquel que 'n el rezar ponga màs ganes,

he comprai el domingo un rial d'ablanes.

(La que falaba asì yera miò güela,

a la lluz amustiada d'una vela.)

Non te duermas Delfìn, qu'acabo llueo;

en cuantes qu' espabile un poco'l fueo.

Po la señal de ...

Calla, Belisario,

que non t¡oiga en to'l rosario.

....la Santa Cruz, de nuestros enemigos...

Apara ya, Fidel, de comer figos.

Y tù, Xoaquìn, dexa ya d'arrascate,

con tal non tes boscando espelleyate.

...llibranos, siñor...

Qu'amor el güestro

que nin fe pa rezar teneis.

...Dios nuestro.

Al que non tè col respeuto debìo

xuroi que va saber del xenio mìo.

Que ye talmente el mesmo d'una fiera

cuando se trata de la rezadera.

E nel nombre del padre...

Deslleguaos;

¿non vos va ser posible tar callaos?

...y del fìo...

Maldita parpayuela;

que nin respeuto tien pa co la güela.

¿Què ye lo que depriende la insiñanza;

qu'hasta lo màs sagrao se toma a chanza?

..Del Espìrito Santo..

Y ya ta bien;

non puedo aguatar màs; Siñor.

...Amen.

Y , a sabiendes de lo moy necesario,

que ye pa todos el rezo del rosario,

vais a dir pa la cama deseguìa,

dexando ya'l rosario pa otro dia.

¡Si tal cosa socede con miò güela,

non nos dexa n'ancia ni una muela!

¡Ay! como cambia todo co los años,

trayendo cada ùn munchos màs daños.

B.G.R. (Inedito)

Esta entrada me gustaria dedicarsela a Algaire, y su blog Pintura y Poesia, fiel seguidora de la obra de mi padre, del cual publico en sus blogs algunos poemas, honrandole con ello.

!Gracia amiga¡

" ¡Otoñu..."

2009-01-12T22:55:00.004+01:00

"¡OTOÑU...¡"
----------------------
El cielu, con el orbayu,
yera una ñube de plomu
pintando de color gris
l'amanecer del Otoñu.

Facìa musties les miraes
del candorosu palombu,
qu'embuchàu nel palombar
trocara'l vuelu en reposu.

Ablayaba les tonaes,
faltes de brìu y arroxu,
qu'entonaben nes quintanes,
acohibìos, los mozos.

La vara la yerba seca,
afincada xunto al horru,
yera un montòn de quexumbre,
esfumaos los sos contornos
ente los velos de ñiebla
que la cobrìn con so embozu.

Les llàgrimes que corrìn
d'aquel cielu gris de plomu,
al cayer temblonamente,
como'l rodar d'un sollozu,
facìn rosarios de cuentes,
en un rezar fervorosu.

¡Què tristeza guarda en si
un amanecer d'Otoñu¡

Sin embargo, ye tristeza
que se desdobla nel gociu
del desfrutar de sentires
d'unos mundos misteriosos.

Ye como esi frutu verde
qu'al mordelu ye acidosu
pero que dexa un regustu
que pide golver por otru.

Quiciàs porque la tristeza
siendo dolor, sobre tou,
seya dolor ñecesariu
pa non vivir d'enquivocos.
Que la verdà, de por sì,
tien màs tristeces que gocios;
y engañase nun placer,
que suele durar mui poco
ye vivir ena mentira
de gocios màs que dudosos.

Por ello l'Otoñu tien
en so existir quexumbroso
un acentu de verdà,
un sufrimientu añimosu,
que siendo padecimientu
lleva algo en sì de dichosu.

Non sè; non soi a explicame;
ye perdemàs embrollosu
aclarar debìamente
los sentires del Otoñu.

B.G.R. (Màs Espines que Roses)

"Palombines pal amor"

2009-01-12T20:32:00.001+01:00

"Mujer con palomas.."( Alex Alemani)

"PALOMBINES PAL AMOR"

-------------------

Dos palombines de ñàcar,

picu entre rubiu y moreno

añeraben dolcemente

enel ñidal del to pechu.

Taben desnudes, sin plumes,

sin màs abrigu pal tiempu

que'l que-yos prestabes tù

cola calor del to cuerpu.

¡Què faltes taben les probes

de les caricies d'un dueñu

que viniera dispertales

del so durmir ensin sueñu!

D'unos llabios que ficiesen

ñacer nelles el desèu

que les golviese a la vida

del so vivir casi muertu.

Labios que-yos dieren ansies

col repicar de sos besos.

Que-yos ficiesen chorriar

con furia, el caudal imensu

de la sabia que guardaben,

secàndose, en sos adientros.

Yeren dos palombes mudes

en un rincòn de silencìu;

àrides como les tierres

que non les entro'l llavièu.

Precisaben les llabores

que-yos abriesen los riegos

onde entierrar la semilla

que diera frutu en sos güertos.

Yera mester que perdiesen

ena belleza del cuerpu

pa ganar na obligaciòn

del ser de so ñacimientu.

Que se diesen al amor,

al placer y al sufrimientu

que'l amor trai de consigo

como primer mandamientu.

Placer en gores d'arrullus,

xuntandu cuerpu con cuerpu,

los suyos col del palombu,

que-yos diese ardor de fueu.

Que-yos entraviese'l picu

pola juerza del desèu

de recibir ena entraña

les rizes dun inxertu.

Sofrimientu al dar al mundu

el frutu de los momentos

gocias al llau del palombu

en sos enamoramientos.

Qu'esi ye'l fin de los sere,

palombos, mirlos y cuervos,

vivir y da-y a la vida

cada dìa, seres ñuevos.

Palombes de blanco ñàcar

añeraes, en silenciu,

nun palombar sin arrullos,

abrìi les ales al vientu

y rogài pol buen amor,

placeres y sufrimientos,

que vos faiga, con el gociu,

sofrir el padecimientu

de dar a les güestres vides

retoños de arrullos ñuevos.

Tou menos el siguir

en esi triste silenìu

de vivir acoruxaos

sin afanes nin deseos

de les caricies del machu

que ye'l fin de güestros cuerpos.

Palombes de blanca ñàcar,

picu entre rubio y morenu,

abrìi el cuerpu al amor,

al placer y al sufrimientu.

Abrìi el ser a la vida

col empuxe del desèu

de que l'amor abra surcos

na entraña de güestros cuerpos.

B.G.R. (Màs Espines que Roses)

"Cantarin de Navida"

2008-12-10T17:19:00.005+01:00

Bendites sean les payes.
dixoi María a José,
que guarden e nos payares
los pastores de Belén.

Per siempre bendites sean,
dixoi a la mula el güey;
que ya tién el rapacín
cuniquina onde ñacer.
¿Bendites sean les payes
¡de los pastos de Belén!

-Sientu que se mueve`l neñu,
apalpa y verás, José,
piensu que ha venir mundu
antes del amañecer.-

-Que ansi sea, y que non tengas
demasiau que padecer.
Que non te dé sofrimientos
a la gora de ñacer.-

-!Que asina sea¡- dixenon
al par la mula y el güey.

Y'asoma un rayín de sol
e nel cielu de Belén;
y llora mui dolcemente
nel pesebre un nuevu ser.

Ye'l rapacín que ñaceu
de María y de Josè.

A so llau averadinos
faciéndulo calecer
co la callor del so cuerpu,
están la mula y el güey.

Mandai Marìa a boscar
un pañalin a Josè,
que de ñerviosu que tá
non ye quien a dar con él.

¿Será porque non lo atopa
o sera que non lo tién?

Ya cuerre la bona ñueva
los rincones de Belén.

-El neñu que s'asperabas
ya tá aquí; venií a ver.
Ta desnudin y tién fame
mirai que i podeis trayer.-

Y los primeros que lleguen,
corriendu a tou correr,
son los pastores, que tán
casi tan probes como él.

Pero toos trayen algu,
ya sea fariña o miel;
Un poqueñin de mantega
o un trapu en qué lo engolver.

-!Ay qué rapacín tan guapu;
que Dios lo guarde pa bien.-
Van mermurando ún a ún
los pastores de Belén.

Y mientres tanto Marìa
sonriyese con José;
viendu al neñu nel pesebre
ente la mula y el güey.

B.G.R. (Cantando a Asturias)

Su Orquesta

2008-07-02T08:29:00.008+02:00

Bernardo, primero por la izquierda, tocando el saxofon, en la orquesta de sus primeros años como musico. (¿1934?)

"Plegaria"

2008-07-01T00:05:00.000+02:00

"PLEGARIA"

-----------------

E na picorota d'un monte asturiano,

dientro d'una cueva tien la sò morada,

la santa Santina, per todos querida,

la virxen pequeña, la virxen galana.

La madre melguera de l'Asturies ruda,
de l'Asturies noble, de l'Asturies brava;
la que i dìo regaños al rey don Pelayo
pa char la morisma del tarrèn d'España.

A la que xemimos cuando tamos mustios,
cuando la disgracia nos ablaya l'alma;
de magar la vida l'anduviemos toda
y ya no asperamos d'esti mundo nada.

Aondi va la madre a facer promesa
cuando los sòs fiyos tan malos na cama.
Aondi va la vieya cuando acoxa'l vieyo,
ta la tierra seca o la vaca mala.

Au cuerri la moza que tien mal d'amores
a beber el agua de la sò fontana;
pos cunten hestories que quien d'ella bebe,
por mor de la santa, 'n el año se casa.

Au sube la gaita los dìas de fiesta
con sòs dolces sones d'allegre alboriada,
a cantar la copla d'amor encendìa,
al pie de la virxen pequeña y galana.

Au suben los mozos co la vara'l hombro
a facei la ronda, tonada a tonada,
a decìi piropos, a facela rise,
d'amor y de gusto, a la virxen santa.

Yo voy a pidite, mi bona Santina,
qu'ascuches los versos de la mìo plegaria;
y esta Asturies, tuya, la tengas en cuenta
dandoi siempre'l gozo de vevir tò gracia.

B.G.R.

(Cantando a Asturias)

"La Flor del Agua"

2008-06-17T16:48:00.000+02:00

"Nenufares" (Marco Otolan)

"LA FLOR DEL AGUA"
---------------------------

E na noche de San Juàn
ya se desfizu la danza
y dexanun de sonar
les tocates de la gaita.

La foguera, pocu a pocu,
va quedàndose sin llama
por que s'acaba la leña
y les ganes de tizala.

Nel cielu ya s'adivina
el riscar de la mañana,
y van camìn de la fonte
curiendu a la desbandada
los rapazus de la fiesta.

Van guiaus po l'asperanza
de ser cada uno d'ellos
quien corte la Flor del Agua.

Isa flor que saben todus,
poque n'aldega se fala
que vive dientru la fonte,
lo mesmo que fai la Xana
saliendu una vez al añu,
per San Juàn, de madrugada,
a trayer bienes sin tasa
al que consiga cortala.

Non se corta con tiyera
nin tampocu con navaya;
qu'l que tal cosa fixera
de fijo l'astropiaba.

Col filu de la ilusòn
se corta la Flor del Agua.

¡Ay quien consiga coyela!
¡Ay quien consiga atrapala!

Que dichosu aquel que llogre
llevar la Flor a sò casa;
y alli, con cintes de seda
regalu de la sò amada,
poder tener el orgullu
de ser sò dueñu y atala
pa que la xente la mire
colgar de la sò ventana.

Noches de San Juàn en Xunio,
noches de foguera y danza,
noches donde cada mozu
cuando la noche s'acaba,
cuerri camin de la fonte
y cuerri co l'asperanza
de poder ser el primeru
en cortar la Flor del Agua.

La Flor que que tien la vertù
de poder llibrae la casa
aquella dond'ella vive
del mal del güeyu que llanza
e nel vevir de la xente
la bruxa de mala saña.

Que cuidia de les presones;
y del ganau ena cuadra.
De les pites, de los gochus,
del horru y de la tenada;
y de que non falte'l riegu
na tierra recien semada.

De que den yerba los praus
y los pomares manzana;
y tenga siempre la moza
de por quien ser corteyada.

¡Pa tou tien en sos manes
poderes la Flor del Agua!

Por esu cuerrin los mozos
cuandu la danza s'acaba
y la foguera San Juàn,
a cachiquinus s'apaga.

Por esu cuerrin y cuerrin
al ver riscar la mañana
pel camìn que va a la fonte
de la Flor tan deseada.

Por esu cuerrin los mozus
con tal fervor y tal ansia
e na noche de San Juàn,
emburriaus po l'asperanza
de ser cada unu d'ellos
quien corte la Flor del Agua.

B.G.R. (Cantando a Asturias)

Despertar

2008-06-10T14:17:00.003+02:00

Que tristeza y que frió se siente
cuando, confiado,
se llama a una puerta.
Y se espera , por ser de justicia,
compasión aparte,
que se vea abierta.
Y se llama una vez y cien veces;
y se vuelve a llamar nuevamente.
Y la puerta sigue
fría, inamovible.
Cerrada; callada.
Es cuando se deja, o al menos se intenta,
renunciar a todo;
no creer ya en nada.
Es cuando se piensa
que el amor empezó y acabo en el Calvario.
Que aquel sacrificio tremendo;
que aquellos raudales de sangre
que regaron la tierra reseca,
con idea de fructificarla;
fueron infructuosos,
estériles.¡Nada!
Que se quedo todo en hipocresia;
en falsas palabras.
El riego fue inútil.
¡Continúan resecas las almas!

Dispertar

2008-06-07T10:21:00.003+02:00

Qué dolor y qué fríu se siente

cuando confiando, se llama a una puerta,

y ún aspera, por ser de xusticia

llástimes aparte, que se vea abierta.

Y güelve a llamase, una vez y cientu.

Y la puerta sigue fría, inamovible,

quieta, ensin movese.

Quédase ciarrada; quédase en silenciu.

Ye cuando se dexa, o al menos s'intenta,

renunciar a tou; non creer ya en nada.

Ye cuando se piensa

que l'amor entamó y acabó nel Calvariu.

Que'aquel sacrificiu tremendo,

aquellos raudales de sangre

que regaron la tierra reseca

con idea de frutificala

fuenon infrotosos, estériles, ¡nada!

Quedóse tou ello n'hipocresia,

en falses pallabres.

¡El riegu fo inútil!

¡Siguen como entoncies,

reseques les almes!

B.G.R. (Más Espines que Roses)

Non quiero ayudes

2008-06-05T20:21:00.004+02:00

Naide m'ayudó a vivir

non quiero ayuda en mio muerte;

que pa morrer con ciarrar

los güeyos ye suficiente.

B.G.R. (Más Espines que Roses)

Indiferencia

2008-06-03T17:56:00.004+02:00

Taba la noche desnuda
a escures sos pensamientos.
Xeláu de fríu el calor
que calez el sentimientu.

La noche taba callada;
la noche taba en silenciu.

Taba desnuda de alma,
taba desnuda de cuerpu;
posada nun mantu verde
engüelta nun velu negru.

Al non pensar nin sentir
la noche yera un desiertu
d'arenes d'indiferencia
hacia la tierra y el cielu.

¡Indiferencia!, ¡Siñor!;
cuánto mar de desconsuelu
pal que vive ente la noche
sumíu en sos tristes duelos,
y non alcuentra en so andar
una brisa de consuelu.

La indiferencia ye l'exe
enel que xira'l dispreciu
pa los que van pela mar
y non son a tocar puertu.

¿Cuándo dispertará'l día
en que la flor del lloréu
dé savia a los corazones
que llaten duros resecos,
ciegos a la comprensión
de los dorores axenos?

¿Cuándo ha llegar el retoñu
de la sema nel Maderu,
la que regó con so sangre
El Fíu del Padre Eternu?

¿Pa cuándo algamar conciencia
de la deuda que tenemos
adquirida colos otros
que semos nosotros mesmos?

Repudiaes sean les noches
engüeltes en negros velos,
qu'apaguen con sos tiniebles
la lluz de los sentimientos.
Faciéndonos que vivamos
como bandaes de cuervos,
refolcaos ena carroña
de seres hermanos ñuestros.

Non más noches de tortura,
d'indolencia, de dispreciu
pa col dollor de los otros
que ye'l propiu dollor ñuestruu.

Fáigase la lluz del día
nel rincón de cada pechu,
pa qu¡allumbre y dé calor
al ser que llevamos dientru;
y que por indiferencia,
tal paez que tea muertu.
¡Hai que vestir a la noche
con ricos vestíos ñuevos;
resgándo-y en cien xirones
so velu de color negru!

B.G.R.
(Màs Espines que Roses"

El fuego todo lo arrasa

2008-06-02T23:01:00.002+02:00

Deja de atizar el fuego
para incrementar la llama;
que si la llama calienta
más que calentar abrasa.
No viertas en mis oídos
por Dios, mujer, más palabras;
pues para que arda mi pecho
con las vertidas ya basta.
No quiero fuego mi amor,
que el fuego todo lo arrasa;
y de aquello que arraso
nunca quedo, después, nada.
Mí amor prefiere reflejos,
reflejos de luna clara;
que acarician y deleitan,
que deleitan y no arrasan.
Mí amor para su disfrute,
mas que ardor quiere templanza.
Es amigo de la noche;
por que la noche es la calma.
Pero, amigo de la noche
sin sombras; iluminada.
¡Que no precisa negruras
aquel que no oculta nada!
mí amor prefiere la noche
por apacible y callada;
por que aun buscando calor,
no quiere calor que abrasa.

B.G.R.

Viejo Velero

2008-05-28T19:03:00.005+02:00

"Veleros" (Carlos Roces)

Aquel viejo velero, fatigado

por muchas singladuras por los mares,

hubo de renunciar a sus andares

quedandose en quietud, a un puerto anclado.

Ya vientos y tormentas son pasado.

Recuerdos, solamente los lugares,

que en su ir y venir, dudas y azares,

su quilla trotadora, había pisado.

Quizás alguna vez hoy, todavía,

bulla en sí la nostalgia de algún día

y sienta tentacion de andar camino.

Pero que se de cuenta que eso es sueño,

al conseguir saber que ya no es dueño

de disponer por sí de su destino.

B.G.R.

Su obra en castellano

2008-05-25T13:40:00.000+02:00

Quiero hoy hacer un pequeño paréntesis en las publicaciones en Bable para, en honor de tantos amigos que se están esforzando en entenderlas, editar entradas con algunos poemas , que fueron originalmente escritos en castellano y luego traducidos, por el autor, y otros que ni siquiera han sido traducidos.

Algunos de estos poemas ya figuran en estas paginas pero, por ser además alguno de los que mas me gustan a mi personalmente, los pondré de nuevo.

Gracias a todos los que estáis prestado atención a estas paginas.

Cuatro puntos cardinales

2008-05-25T13:23:00.004+02:00

Norte. Sur. Este .Oeste.
Cuatro puntos cardinales.
Cuatro esperanzas abiertas
a un mundo más entrañable.
Tres caminos tiene el pueblo.
Tres rayas horizontales.
Tres ideas que se asfixian
donde acaban los eriales.
¡Que falta de otro camino,
tan largo, que sobrepase
ese cerco de distancia,
freno de tantos afanes!
Un camino por donde entren
esos puntos cardinales;
torrentes de frescas aguas
para regar sequedades.
Por donde puedan los hombres
de tan miseros lugares,
salir a buscar cimientos
donde asentar sus hogares.
Su vivir, casi inhumano,
es una duda constante.
Un esperar de zozobra,
una dura interrogante,
de cuya respuesta pende
el comer o pasar hambre.
Faenas de sol a sol,
bajo el sol, hasta quemarse;
para no lograr más bienes
que una choza inhabitable;
y no alcanzar una mano
que le ayude a transformarse.
Una vida que depende
del acaso de un instante.
A la espera de un capricho
de las nubes o del aire.
Por eso la gente sueña,
en el morir de la tarde,
con ese cuarto camino
que le permita acercarse
a otro punto más humano
de los cuatro cardinales.

B.G.R.

Ansia de amar

2008-05-25T12:18:00.000+02:00

Tengo necesidad de ti; bien mío.

Ansia desesperada que no espera.

Mi santuario de amor esta vació

y necesita de alguien que me quiera.

Mi vida sin amor solo es hastió.

Como mustio jardín sin primavera.

Como campo de donde se fue el río

y se muere sedienta la chopera.

Tengo falta de ti; mi deseada.

Seas mujer real o imaginada

tengo falta de ti. Ven a mi lado.

Ven a llenar mis noches, largas, huecas.

Ven sin vanos temores; que no pecas.

Ya que jamas amar sera pecado.

B.G.R.

Soñar es vivir

2008-05-25T12:14:00.007+02:00

(Amarilis Veliz)

¿Por que si es imposible,

y lo sabemos,

luchamos por lograr

lo que es un sueño?

Porque seria morir

o estar ya muerto,

no desear si no

lo que podemos.

B.G.R.

La medida de las cosas

2008-05-25T11:40:00.002+02:00

Al verme tan pequeño me dio risa.
Sí; risa de mi mismo.
Una risa sonada;
y desacompasada.
Risa breve; muy corta. Fue un instante.
Pues que ya mas despacio, mas sin prisa,
me llegue hasta la sima del abismo.
Y con el ojo atento
mire y me convencí de que la altura
no es cosa de estatura.
Que trazando una recta, sin atajo,
también se alcanza estatura estando abajo.
Y ya, sin vanidad, todo franqueza,
de mi sentido dueño,
miro hacia arriba y adquiero la certeza
de que, por bajo, no soy mas pequeño.
Y, además, el consuelo,
de comprender que solo esta alto el cielo.
Que es equivocación medir la altura
por medio de una cinta de estatura.
Que una rustica ermita campesina,
con rezos de pastores,
tal vez guarde más fe que otra más fina,
con rezos de señores.
Que no siempre la joya que más brilla
tiene que ser más fiel, màs maravilla.
Bien puede ser mejor, la más sencilla.
Mirad la margarita,
criada por los campos, sin cuidados,
vereis que es más bonita
que aquella de que cuidan cien criados.
Y contemplad el río,
que en su tranquilo ir es más hermoso,
que el mismo mar bravío,
que al empinarse, erguirse, es monstruoso.
La mar que a mi me gusta, es aquella
que nunca pretendió llegar a estrella.
Aquella, no salvaje,
que siempre esta a la altura del paisaje..
La más noble y más bella
es la que no amenaza ni atropella.
Puesto que lo màs bello, la hermosura,
no precisa talento ni bravura,
ni necesita altura,
ni precisa medirse su estatura.
Digamos, sin exalto,
que es solo el cielo el que se encuentra alto.
Las cosas de la vida
no suelen ajustarse a su medida.
Y ya mi pequeñez no me da risa.
Luciré sin complejo mi camisa.
Pues ya no me importa
que mi camisa sea larga o corta.
Por se corto de talle
y escaso de calzón,
no he de servir de mofa por la calle
vistiéndome un absurdo camisón.

B. G. R.

"Ansiedá"

2008-05-23T14:53:00.005+02:00

( Joan Pirandell)

Tiemblaron tos manes blanques,

tembló to risa y to aliendu.

Tiemblaron les tos palabres,

y tiembló tou to cuerpu.

Dispués los güeyos baxaste

y mermuraste mui quedo:

-Quiérote, quiérote muncho;

quiérote, más tengu mieu.

Sentí to cara en mio cara,

tu pechu contra mio pechu,

miré to boca entreabierta

y ciarrela con un besu.

-Quièrote, quiérote muncho;

quiérote, màs tengu mieu.

-¿Qué temes?

-Temo al to olvidu.

-Non llores; toma otru besu.

B.G.R. (Más Espines que Roses)

"Romance de la Molinera"

2008-05-20T13:12:00.006+02:00

Muele que muele'l molín,
muele que muele la muela;
sufre que sufre, llorandu
d'amores la molinera.
Muele que muel'l molín
muele que muele la muela.

Por cada granu maizu
que fai el molín arena,
muele una llágrima triste
de la probe molinera.

Y el molín venga amoler
y venga a moler la muela,
que les penes d'una moza
non cunten pa una molienda.

Viólu pasar, la probina,
viólu pasar con fachenda,
viólu pasar co la otra,
viólu baxar la caleya.

Viólu pasar y él non quisu
posar sos güeyos en ella.

¡Pa que diaños lo vería
si diba dai tanta pena;
si diba quedase mustia
a soles co la molienda!
¡Pa que diaños lo vería:
cuanto meyor non lo viera!

Por debaxo del molín,
faciendu rodar la muela,
'l agua de la ñora,
cuerre que cuerre que vuela.
Cuerre que cuerre llevandu
nel correr de so carrera,
mil de sueños arrincaos
del pechu la molinera.

-Qué poco muele'l molín
qué poco muele la muela;
¿cuando pensará moler
el molín la mio molienda?-
Pregunta quien non tièn penes
a la que muerre de pena.
-¿Cuándo acabará'l molín
de moler la mio molienda?-

-Munchu antes de lo qu'acabe
de moler la mio tristeza;
que ye más blandu'l maizu
que'l dollor que a mí m'aquexa.-
Respuende casi en sin voz
la dolida molinera.

Anda espatuxandu'l vientu
nel árbol , ente l afueya;
y d'enriba del teyau
dexa cayer una teya.

Tou cuerre con apuru,
tou cuerre qu'escentella;
tou cuerre más de prisa
que la pena que tá quieta.

Ye'l molín quian va despaciu,
y va despaciuu la muela,
ya que a ellos non yos emporta
de qu'acabe la molienda,
nin qu'acaben les penes
que padez la molinera.

Muele que muele'l molín,
muele que muele la muela;
muelen que muelen moliendu
sospiros de molinera.

¡Muele que muele'l molín;
muele que muele la muela!

B.G.R. (Cantando a Asturias)

"L'enredu del Sueñu"

2008-05-15T20:05:00.002+02:00

Del vivir ficiera un sueñu,
pal mio ver, de tal valía
que si me faltaba'l sueñu
al non soñar non vivía.

Por ello yo precuraba,
tan llueu como podía
ciarrar al sueñu los güeyos
pol aquel d'alcontrar vida.

Una vida llen d'engaños,
pos vivir mientras durmìa
yera una idea sentada
nel bancu de la mentira.

D'ahi que mio vida fore
una vida tan vacía
que de vida solamente
el ñome de tal tenia.

Amargàbame la pena
el dolor y la desdicha,
si pasaba en sin dormir
una noche maldecìa.
al non poder dar col sueñu
sin el cual yo non vivìa.

Y siendo aquel sueñu sombra
d'un ser que non existìa
yo taba muertu al pensar
que'l sueñu me daba vida.

Yera rame y fonte seques.
Secu rìu y seca viña.
Yera un montòn de pesares,
d'incertidumbre y fatiga.
Y tou po la cuestiòn
d'aquel vivir en sin vida.

Vive el pàxaru qu'añera
ena carbayera ombrìa.
Vive l'aràu cuandu abre
los riegos pa la semilla.
Vive'l sol que da calor,
la risa que da allegrìa,
la panoya, que da granos,
la manzana, que da sidra.

Vive tou lo que ta
e na verda de la vida.

El sueñu...¡Mal diañu d'èl!,
y del que con èl conviva.
Puesto que vivir de sueños,
que tan solo son mentira,
ye vivir en el engañu
de la màs cruel tiranìa.

Ye vivir apastoriàu.
Ye vivir falto de vida.
Ye ser barcu sin timòn
ñavegando a la deriva.
Pa vivir hai que vivir
de cara a la verdà fría;
dientru de la realidà
del andar de cada dìa.
El soñador ye un tiranu,
un tiranu sin malicia,
que llevàu de so ceguera
a si mesmu s'esclaviza;
que non-y dexa dar pasu
al vivir de la so vida
Ya que al limitala al sueñu
impidela de que viva.

"Gaita y Gaiteru"

2008-05-12T17:15:00.009+02:00

"Gaitero" (Ana Diaz)

Que bien sonaba la gaita
nes manes d'aquel gaiteru;
tal yeren les sos tonaes
como llovìes del cielu.

¡Còmo gufaba'l roncòn
y retozaba'l punteru!

Que polmones màs fornìos
y que deos màs llixeros.

Que sapienza nel oficiu
y que fondo sentimientu
na manera de tocar
derrochaba'l tal gaiteru
cuando nos daba a escochar
los aires del Xiringüelu.

Qu'allegrìa l'allegrìa
qu'envadìa el pueblu enteru
al oyer po les quintanes
aquel allegre alboreu
que llèn de gracia astoriana
dexaba salir arteru
el gaiteru, nota a nota
del fuelle cuajau de vientu.

Que vallor cobraba entòs
debaxu'l horreu'l llavieu,
el maìzu na panera,
el cebollin e nel güertu
y la montera picona
e na cabeza del vieyu.

Que sabor d'asturianìa,
d'ellosiòn y de contentu,
cobraba l'agua na fonte,
la fueya nel castañeu
y el pañolìn que llocìa
la vieya, de seda negru.

Naide cudieba del carru
que diba dandu renqueos
po la caleya empinada,
ya que los sos lloriqueos
non ñacin de tener penes,
non yeren de desconsuelu;
si non por falta d'untu
llevaba los exes secos.

Sòlo emportaba la gaita;
fuelle, roncòn y punteru.

Los polmones bien fornìos
y los deos bien llixeros
que pa que suene la gaita
ha de tener el gaiteru.

Ya que pa disgracia nuestra
el dìa que falten ellos,
vamos sentinos tan faltos
de sos arrullos melgueros,
como se siente de pan
el home que ta famientu;
y la xente pa vevir
de non perder el allientu.

Que no se aosente xamàs
nin la gaita ni'l gaiteru
de los llugares d'Aturies
au desde siempre vivieron.
que cada mañana llegues
los sones del so alboreu
a la quintana qu'aspera
e na quietù de so sueñu
el dispertar de la fiesta
oyendu, llèn de contentu,
los cantiquinos que lleguen,
como llovìos del cielu,
de la gaita que los suelta,
arrancaos por el gaiteru,
como cantos de raitanes,
de mirlos y de xilgueros,
cuando canten so alborozu
na figal o nel lloreu;
cuando van comer al monte
o van beber al regueru.

¡Que Dios vos guarde a los dos!,
pa bien y desfrute nuestru.

¡A ti, mìo amiga la gaita,
y a ti, mio amigu'l gaiteru!

B.G.R. (Cantando a Asturias)

"Amor a Asturies"

2008-05-08T23:21:00.007+02:00

"Fiesta"(Favila)

Yo quiero a Asturies, sì.

¿Por què la quieru?

Non puede dar razòn la mio pallabra.

Non quier metese 'n isu la mio llengua.

Yo quiero a Asturies, sì

porque la quieru.

Poque cuando la miru, la contemplu,

danme unos regolvinos dientru 'l alma,

sospiro de tal modo,

tan pa dientru,

que, mialma, munches veces,

sin poder aguantame, voy y lloru.

Non miru si ye guapa o si ye fea.

Non veo si ye asina

o, pol contrariu,

ye de la otra manera.

Pa mì ye màs qu'abondo

saber de que ye Asturies.

Au ñacioron los mìos,

mios padres y mis güelos.

La tierra au vine al mundu

y, poco a poco,

pasu a pasu,

fui medrandu,

espurriendu,

hasta faceme mozu;

y llueu vieyu.

Onde corrì por praos y por caleyes;

y saltè a les manzanes,

y asistiè a los ñarbatos

hasta dayos col ñeru.

Ñeros que s'alcontrben

unes veces sin nà,

otres veces con güevos.

Y otres, les màs preciaes,

con negros paxarinos,

de picos amariellos,

que m'espurrien les boques

'n espera d'allimentu.

Asturies ye mìo vida.

En ella me case y tuve fìos.

Y fìos de los fìos;

tuve nietos.

Por istu, digo yo, serà'l motivu

de que yo quiera a Asturies

del modo y la manera que la quieru.

Pero, non vièn al ca casu,

sea po lo que sea,

non m'importa.

Pa mì ye soficiente

saber de que la quieru.

Que sospiru por ella,

dientu d'ella.

Que non pidu màs cosa

nin tengu otru deseu,

que'l dìa que me muerra,

tarde o pronto,

isu naide lo sabe, ye un misteriu,

m'intiarren na so tierra.

Que yo pueda ascuchar,

dispuès de muertu,

el sosurrar del rìu y de la fonte,

los sones de la gaita

y el cantu del xilgueru.

Ye l'oltimu qu'aspero.

¡Que ansì sea!

B.G.R.(Cantando a Asturias)