Terra Galega

Xosé Manuel Blanco reclama a FEVE o mantemento das liñas entre Ferrol e Ortigueira

2009-04-26T09:56:00.000-07:00

O alcalde de Narón, Xosé Manuel Blanco (Terra Galega), manifestou o seu rexeitamento diante da intención de Ferrocarrís Españois de Vía Estreita (FEVE) de suprimir seis traxectos do tren de inmediacións entre Ferrol e Ortigueira, a partir de maio, e o seu apoio ao posicionamento adoptado nesta liña polo comité de empresa. +máis

Narón será desde o 27 de abril o propietario do muíño de Xuvia

2009-04-26T05:28:00.000-07:00

O Concello de Narón converterase a partir do día 27 deste mes no propietario do muíño de Xuvia. O goberno municipal prevé iniciar este mesmo ano as obras de rehabilitación nos exteriores do edificio para crear nel un museo etnográfico, unha biblioteca, unha sala de conferencias e unha exhibición da maquinaria hidráulica do muíño. Os trámites do Concello para facerse co muíño de Xuvia remóntanse ao ano 2000, cando a Xunta autorizou ao Concello a ocupalo con carácter urxente ante o estado de abandono que sufría. +máis

O concello de Arteixo busca financiamento para dragar o encoro de Rexidoiro

2009-04-26T05:12:00.000-07:00

O obxectivo desta obra será diminuir a dependencia do encoro de cecebre que lle custa ás arcas públicas arteixáns máis de 600.000 euros en concepto de canon. O tenente de alcalde de Arteixo, Xosé Márquez (de Terra Galega), explicou que este obra «ten un custo moi importante. Por iso, hai que buscar unha vía entre Augarsa, a Consellería de Medio Ambiente e a Deputación coruñesa para poder levalo a cabo». +máis

O Concello de Narón acaba o primeiro trámite urbanístico do gran centro de saúde

2009-04-26T05:04:00.000-07:00

O edil Manuel Ramos sinalou que o proceso segue adiante aínda que Feijoo terá que decidir se mantén o proxecto . O goberno local xa redactou o plan de sectorización que será enviado á Consellería de Política Territorial. +máis

O centro de saúde de Neda mellora as súas prestacións

2009-04-25T08:12:00.000-07:00

O alcalde de Neda, Ignacio Cabezón (Terra Galega), e o director da área sanitaria, José Ramón García, inauguraron oficialmente a ampliación do centro de saúde da vila. +máis

Quen somos

2009-04-23T21:52:00.000-07:00

Este espazo web, páxina non-oficial de Terra Galega, pretende ser o punto de encontro dos centos de afiliados e simpatizantes tegás que, nas pasadas eleccións galegas de marzo de 2009 apoiaron a candidatura liderada por Xoán Gato, logrando esta máis de 18.700 votos e situándose como a 5ª forza política de Galicia, a 4ª na provincia da Coruña e a 3ª en Ferrolterra.

Pola contra, a lista do sector oficiliasta encabezada polo actual coordinador xeral do partido, Xermán Tobío, malia presentarse en coalición co Partido Galeguista baixo as siglas de + Galicia, soamente foi quen de acadar 900 votos.

Os autores deste blog queremos deixar claro a todos os internautas que visitan o noso espazo web que este nin é, nin pretende ser a páxina web oficial de Terra Galega limitándose unicamente a ser un espazo de reflexión, opinión e infomación para todos aquelas persoas que sexan afíns ás nosas posicións políticas e ideolóxicas.

18 MILLEIROS DE GRAZAS

2009-03-02T10:20:00.001-08:00

Grazas pola confianza depositada en Terra Galega. Grazas polo voso ánimo e a vosa ilusión. Grazas polo voso esforzo e a vosa entrega. Grazas polos máis de 18.000 votos obtidos, o mellor resultado logrado por unha forza nacionalista de centro nas últimas dúas décadas. O voso apoio dános ánimos para seguir loitando pola nosa terra. Estas eleccións só foron un primeiro paso. Somos un partido forte e unido. Seguimos adiante. A loita continúa.

Xoán Gato: "Isto non acaba máis que empezar. Temos máis de 18.000 motivos para seguir loitando"

2009-03-02T10:05:00.000-08:00

Na noite eleitoral do 1 de marzo o candidato á presidencia da Xunta de Galicia , Xoán Gato, agradeceu o apoio dos máis de 18.000 galegos e galegas que depositaron a súa confianza na lista encabezada por el, así como o esforzo realizado por todos os militantes nesta campaña. Malia finalmente non obter representación no parlamento galego, o líder tegá valorou moi positivamente os resultados obtidos: “Acabamos de plantar un carballo neste país chamado Terra Galega e agora imos loitar para que medre forte e san”. +máis

Xoán Gato: "Polos que foron, polos que estamos e polos que virán, o 1 de marzo deamos un paso adiante por Galicia"

2009-02-28T04:18:00.000-08:00

Nun mitin peche de campaña ante máis de 600 persoas na Feira de Mostras de Ferrol, o candidato de Terra Galega á presidencia da Xunta de Galicia, Xoán Gato, animou aos asistentes a dar un paso ao fronte pola nosa terra. "O 1 de marzo este país decidirá o seu destino. Que ninguén vos trate de enganar. Galicia será o que os galegos e as galegas querramos que sexa. De nós, só de nós dependerá que este país tire para adiante. Pero para que iso suceda primeiro temos que ser nós os que nos poñamos andar. Este domingo teremos a mellor oportunidade de facelo votando a Terra Galega"

Máis de 7.000 persoas asistiron a algún dos mitíns de Terra Galega nesta campaña. Grazas a todos

2009-02-27T06:47:00.000-08:00

Terra Galega demostra que é posible rachar co oligopolio PP-PSOE-BNG e coa discriminación dos grandes medios de comunicación cara ás formacións minoritarias tras lograr xuntar nos seus mitins a milleiros de galegos e galegas. Actos electorais como os de Narón, con case un milleiro de persoas, ou os de Arteixo, Carballo e Ferrol, con máis de 500 cada un, así o demostran. Do mesmo xeito, sería inxusto non facer mención a outros encontros como os de A Coruña, Vimianzo, Cedeira, Abegondo, Lugo, Sarria, Neda, Mugardos, O Alto, A Guarda, Compostela...nos que en todos logrouse superar amplamente os douscentos asistentes, ou outros nos que, malia ter un público menor lograron facer chegar á nosa mensaxe á sociedade galega. Grazas a todos polo voso esforzo.

Xoán Gato responde en A Coruña a Pepe Blanco: "o verdadeiro voto útil que garante un cambio é o de Terra Galega"

2009-02-26T22:00:00.000-08:00

Gato mostrouse indignado coas palabras de Blanco e non quixo perder a oportunidade, hoxe en A Coruña, de contestar ás declaracións feitas polo vicesecretario xeral do PSOE: “Pepiño equivócase, un voto ao PSOE, ao BNG ou ao PP é asegurarse de que todo en Galicia vai seguir igual. O único voto realmente útil e que garante un cambio é o de Terra Galega”.
Gato deu por seguro que o seu partido obterá uns resultados históricos nos comicios do vindeiro domingo. +máis

Xoán Gato: “Chegou o momento no que o Gato vai entrar no Hórreo para acabar con todas as ratas que medran coa inmundicia que hai alí”.

2009-02-25T16:35:00.000-08:00

O líder de TEGA mostrouse seguro de obter uns “grandes resultados nos comicios do próximo domingo” e de que o seu partido saberá canalizar todo o apoio popular que está recibindo “froito do desengano que senten os galegos e galegas tras tantos anos de menitras”. +máis

Gato cos comerciantes de Ferrol

2009-02-25T15:10:00.000-08:00

O candidato a presidencia da Xunta de Galicia por Terra Galega, Xoan Gato, visitou esta maña os comerciantes do mercado ferrolan de Recimil. En dita visita, recibiu numerosas mostras de afecto tanto dos veciños como dos comerciantes.

Enxeño contra a escaseza de recursos: “O programa de Terra Galega chega aos veciños de Coristanco a cabalo”

2009-02-25T12:00:00.000-08:00

Somos diferentes, tomamos moi en serio o da crise.
A problemática do voto por correo non nos afecta.
O plan de aforro de Terra Galega comeza na propia campaña. +máis

Xoán Gato reúnese con empresarios de Ferrolterra para recoller as súas propostas e presentarlles o proxecto de Terra Galega

2009-02-25T11:00:00.004-08:00

Durante a campaña electoral o líder de Terra Galega mantivo diferentes encontros con colectivos representativos da sociedade galega. Desde hostaleiros ou xóvenes emprendedores a grupos de inmigrantes. Por unha banda, para coñecer de primeira man as súas inquedanzas, preocupacións e reclamacións; e por outro lado, para transmitirlles os principios básicos que forman programa electoral e que guiarán as iniciativas parlamentarias que o partido levará a cabo tralo 1 de marzo. +máis

Terra Galega denuncia que A Coruña perdeu peso político e económico en Galicia desde que o bipartito goberna en San Caetano e en María Pita.

2009-02-25T11:00:00.002-08:00

“Os coruñeses coñecen mellor que ninguén as consecuencias dos pactos entre PSOE e BNG”, dixo López Balado tras unha reunión da coordinadora local de TEGA en A Coruña. +máis

Terra Galega pide que os concursos de obra pública se adxudiquen a empresas galegas e que se teña en conta os empregos que xeran no país.

2009-02-24T22:00:00.000-08:00

Xoán Gato denunciou que a Xunta discrimina ás construtoras galegas nos concursos de obra pública en favor de empresas madrileñas “que despois subcontratan os traballos ás compañías galegas a cambio dunha migalla”.
O candidato de TEGA á presidencia da Xunta propón que se prime nos concursos públicos ás empresas galegas ou, no seu defecto, “a todas aquelas compañías que paguen parte dos seus impostos e xeren emprego estable e de calidade na nosa terra”. +máis

Xoán Gato: ''A nosa terra precisa menos baile e máis traballo''

2009-02-24T09:34:00.001-08:00

Entrevista a Xoán Gato en El Progreso. Á primeira pregunta, un 'que tal', responde: ''Boeno, aquí estamos, en espera. Como están os toureiros en capilla, non sabes?''. Xoán Gato, candidato á Presidencia da Xunta por Terra Galega agarda o vindeiro 1 de marzo con expectación.Son as súas primeiras eleccións autonómicas, despois de 23 anos ao frente do Concello de Narón, e concorre a elas co convencemento de que a súa formación é a alternativa que falta no 'menu político galego'.Unha opción ''galeguista e de centro'', sen ansias de Consellerías, pero cunha mensaxe moi clara: ''Menos baile e máis traballo para a nosa terra''. +máis

Xoán Gato: “Estamos fartos de que os de fóra veñan a enriquecerse a costa da nosa terra”

2009-02-24T09:34:00.000-08:00

Nun mitin celebrado en Arteixo ante 500 persoas Xoán Gato criticou o trato “colonial” que o noso país segue a padecer aínda hoxe en día en materia económica. Así, asegurou: “Nós producimos leite, leite para que os castellanos e asturianos fagan queixos e iogures. Producimos madeira. Madeira para que os valencianos fabriquen mobles. Producimos carne. Carne para que logo os cataláns fagan embutidos. Producimos enerxía. Enerxía para manter as industrias e os postos de traballo que estas crean noutras zonas. Formamos universitarios. Universitarios para que logo marchen fóra a facer ricos a aqueles que non lles pagaron os seus estudos. Mesmo depositamos os nosos aforros de toda a vida nas nosas caixas e nos nosos bancos. E estes, en vez de investilos en xerar riqueza na nosa terra, os levan fóra para financiar promocións inmobiliarias en Madrid ou Levante”. “Basta xa de seguir sendo a porteira deste edificio chamado España”. +máis

A quemarroupa contra o bipartito

2009-02-24T09:00:00.000-08:00

Terra Galega participou onte no debate en directo de Radio Voz Ferrol para abrir fogo contra a xestión do goberno autonómico de PSOE e BNG Nas súas intervencións, o ex alcalde de Narón e cabeza de lista de Terra Galega, Xoán Gato, criticou a «mala ordenación» do chan practicada tanto polo bipartito actual como polos anteriores gobernos autonómicos. +máis

Xoán Gato pide o voto dos lucenses para “acabar coa marxinación da Galicia do interior”.

2009-02-23T22:00:00.000-08:00

Xoán Gato denunciou hoxe, nun mitin celebrado en Lugo, a “marxinación” que sofre Galicia: “Discriminación que se fai máis evidente en Lugo”. “Só se lembran de Lugo cando chegan as eleccións”. O candidato de TEGA á presidencia da Xunta reivindicou a creación dun grupo lácteo galego e a necesidade de fixar anualmente “uns prezos mínimos para os produtos gandeiros galegos, sen ter que estar a expensas das oscilacións provocadas pola chegada de leite procedente doutros países”. +máis

Xoán Gato reúnese con representantes do comercio ambulante galego

2009-02-23T10:32:00.000-08:00

Representantes das tres asociacións máis importantes do comercio ambulante galego, que agrupan a case 4.000 autónomos trasladaron nunha xuntanza co candidato de Terra Galega á Presidencia da Xunta de Galicia os graves problemas que está a vivir o sector ao que pertencen, como o non cumprimento da vixente lei de comercio ambulante, a competencia desleal por parte de vendedores ambulantes ilegais, a falta de control por parte das administracións, as abusivas taxas dalgúns concellos...factores todos que crean no sector unha enorme inseguridade no seu día a día laboral. +máis

Terra Galega critica en Carballo as promesas incumpridas do bipartito

2009-02-23T06:21:00.000-08:00

1-M: Os mortos da emigración volverán de novo votar...

2009-02-22T16:14:00.000-08:00

Desde Terra Galega convidámosvos a ver este magnífico documental, desapercibido na nosa terra pola ocultación dos nosos medios de comunicación, no que se demostra a manipulación do voto emigrante por parte dos partidos estatais: utilización dos centros da emigración, emprego de "axentes electorais" que votan por varios electores ao mesmo tempo, delegacións de partidos que votan por terceiras persoas, mortos que resucitan coa chegada das eleccións...Un verdadeiro "quilombo electoral" ver reportaxe

...e mentres tanto os nosos mariñeiros de alta mar veranse unha vez máis privados do seu dereito a facelo

2009-02-22T15:48:00.000-08:00

Novas eleccións, a mesma inxustiza de sempre: Máis de 15.000 mariñeiros galegos non poderán votar nos comicios autonómicos. Cando estamos ás portas duns novos sufraxios a situación segue a ser a mesma. Un problema que na era da tecnoloxía non sería tal, segue sen solucionarse, demostrando como algúns partidos falan do tema cando están na oposición, pero se esquecen del unha vez chegan o poder. +máis