AULA PDC

COMPROBA CANTO SABES

2009-11-15T00:21:00.002+01:00

Se queres comprobar canto sabes sobre a Idade Media e as cantigas de amigo, adiante!

EN PRIMARIA TODOS ÉRAMOS MUY LISTOS

2009-11-09T20:56:00.002+01:00

En Primaria todos éramos muy listos (Editorial Edebé) é unha novela xuvenil de E. Gudín de La Lama . O protagonista, Chalo, é quen conta a súa propia historia. Está repetindo 4º de ESO e ademais ten que coidar do seu curmá Samuel, que está en 2º de Primaria. Chalo está namorado de Clara, unha rapaza que decide marchar a Estados Unidos a estudar e coa que mantén o contacto grazas aos mails que se envían.

Atoparedes esta novela na biblioteca e teño a certeza de que a súa lectura non vos deixará indiferentes. É máis, algún sentirase identificado coas vivencias de Chalo. E recordará o tempo no que todos eramos moi listos.

O RELEVO CANARIO

2009-11-08T18:53:00.003+01:00

Retomamos o tema do relevo centrándonos no relevo das Illas Canarias, que é de orixe volcánica e moi accidentado.

Cal é o pico máis alto de España?
Canto mide?
Onde se atopa?
Cal é o pico máis alto da illa de A Palma?
E da illa de Gran Canaria?
Sitúa Malpaso (1.501 m), Garajonay (1.487 m), Jandía (807 m) e Penas do Chache (671 m).

GRIPE 1 - PROFE 0

2009-11-04T14:02:00.002+01:00

RESULTADO

2009-10-28T20:55:00.006+01:00

Este é o resultado do traballo do XEOCÓMIC. Son moitos máis os títulos que se poderían engadir, pero estes son os que nós eleximos.

XEOCÓMIC

2009-10-25T14:44:00.004+01:00

Os títulos elexidos para o traballo sobre a Xeografía e o cómic son finalmente os seguintes:

A retirada de Sir John Moore
Cita na Habana
Tintín en América
Obxectivo: a Lúa
Tintín no Congo
Tintín no Tíbet
O cetro de Ottokar
A orella rota
O caranguexo dos tenaces de ouro
O loto azul
Os xarutos do faraón
Astérix na terra dos bretóns
Astérix en Hispania
Astérix nos Xogos Olímpicos
Astérix en Bélxica
Mortadelo de La Mancha
Mortadelo y Filemón. Mundial 2006
Aya de Yopougon
El rastreador
Historias color tierra
Persépolis
Os lobos de Moeche

Feita a escolma, só queda localizar os diferentes escenarios nos que se desenvolven as accións de cada historia, e situar eses lugares no mapa.

CÓMIC E XEOGRAFÍA

2009-10-20T14:56:00.003+02:00

O vindeiro mércores, co gallo do EXPOCÓMIC2009 (2008, 2007), contaremos coa visita de Dani Montero, flamante gañador do V Premio Castelao de BD pola obra Sen mirar atrás. Ademais de escoitar a súas palabras, teremos a oportunidade de traballar con el nun obradoiro de cómic.
Para celebrar esta actividade todos os alumnos e profes do centro están invitados a participar presentando diferentes traballos relacionados co cómic.
Nós tamén imos colaborar. A nosa tarefa está moi relacionada coa Xeografía e as aventuras de Tintin. Xa tedes os títulos cos que imos traballar e xa sabedes os primeiros pasos que hai que dar, así que... estades preparados, rapaces? Listos, xa!

A ILLA DE ROBINSON

2009-10-17T11:14:00.008+02:00

Estamos a ler a primeira novela que escribiu Daniel Defoe, e pola que é máis famoso, Robinson Crusoe (Vida e extraordinarias e portentosas aventuras de Robinson Crusoe de Iork, navegante). Conta a historia dun náufrago e as súas inxeniosas ideas para sobrevivir e está baseada nas aventuras de Alexander Selkirk, un mariñeiro escocés que fora abandonado nunha illa do arquipélago de Juan Fernández, fronte as costas de Chile. Alí viviu durante catro anos e catro meses, ata que foi rescatado.

A vosa primeira tarefa consistirá en procurar nun atlas toda a información precisa para situar nun mapamundi o percorrido que realiza Robinson dende a súa cidade natal ata que naufraxia e chega á illa. A segunda será a redacción dun texto no que expliques que tres obxectos levarías a unha illa deserta e por que.

O CAIRO (القـــاهـــرة)

2009-10-06T20:46:00.004+02:00

Rubén prefire outras latitudes e decide viaxar ata a fermosa cidade de O Cairo. O primeiro que debería coñecer é o clima da cidade para facer correctamente a equipaxe. Ademais pode programar unha visita ao máis importante museo de O Cairo, o Museo Exipcio, situado na praza Tahrir, que garda a mellor colección do mundo de obxectos da época faraónica do Antigo Exipto. Outra visita ineludible é o centro histórico da cidade, declarado pola Unesco Patrimonio da Humanidade, en 1979. E, como non podía ser menos, a poucos kilómetros de O Cairo, Rubén disfrutará do marabilloso espectáculo das grandes pirámides en Giza.

RAPA NUI

2009-10-05T20:26:00.007+02:00

Álvaro xa está decidido a preparar a súa equipaxe rumbo á Illa de Pascua. Agora debe consultar diferentes fontes para informarse sobre o clima neste enigmático lugar, declarado pola Unesco Patrimonio da Humanidade en 1995. Ademais de admirar as fantásticas figuras dos moai, pode amosar a súa habilidade resolvendo este puzzle e preparándose para participar nas competicións de haka pei.

PREPARAMOS A EQUIPAXE

2009-09-30T15:27:00.005+02:00

Imaxinade que o vindeiro mes ides de viaxe a un destes lugares: a Illa de Pascua, Reiquiavik ou O Cairo. Escollede un destes destinos e elaborade unha lista coa equipaxe imprescindible para esa viaxe, explicando as razóns da vosa selección.

CLIMAS E PAISAXES

2009-09-28T18:02:00.002+02:00

A tarefa desta semana consistirá na elaboración dun esquema que presente os diferentes climas da Terra e a s súas características, así como unha selección de imaxes das paisaxes propias de cada un deles.

RESPOSTAS DE RUBÉN

2009-09-24T14:11:00.010+02:00

1- O punto máis alto da Cordilleira do Himalaia é o Everest.

2- O río longo e caudaloso que cruza de Oeste a Leste América do Sur é o Amazonas.

3- A Cordilleira que separa Asia de Europa é a Cordilleira dos Montes Urais.

4- A Península da que forma parte España é a Península Ibérica.

5- O río africano mais longo do mundo é o río Nilo.

6- O río sagrado da India é o río Ganxes.

7- O lago máis grande do mundo, tanto que se considera un mar interior, é o mar Caspio que está situado entre Europa é Asia.

8- O menos fondo do océanos é o Ártico.

RESPOSTAS DE ÁLVARO

2009-09-24T14:11:00.009+02:00

1- O punto máis alto da Cordilleira do Himalaia é o Everest.

2- O río máis caudaloso que cruza América do sur en dirección Oeste-Leste é o Amazonas.

3- A cordilleira que separa Asia de Europa son os Montes Urais.

4- A Península da que forma parte España é a Península Ibérica.

5- O río africano máis longo do mundo é o Nilo.

6- O río sagrado da India chámase Ganxes.

7- O lago máis grande do mundo, tanto que se considera un mar interior, é o Mar Caspio.

8- En profundidade media é o Ártico.

ATENCIÓN, PREGUNTA!

2009-09-23T19:15:00.004+02:00

Cordilleira onde se atopa o punto máis alto da Terra.

Río longo e caudaloso que cruza América do Sur en dirección Oeste-Leste.

Cordilleira que separa Asia de Europa.

Península da que forma parte España.

Río africano, o máis longo do mundo.

O río sagrado da India.

O lago máis grande do mundo; tanto que se considera un mar interior.

O menos fondo dos océanos.

AS FORMAS DO RELEVO

2009-09-21T17:04:00.008+02:00

Identificade as formas do relevo que aparecen nas seguintes imaxes:
1I
2 3
4
5

O RELEVO DA TERRA

2009-09-20T13:34:00.004+02:00

Comezamos o curso falando das formas da Terra. Imos estudar os continentes e a súa superficie.

A vosa primeira tarefa consistirá en buscar información sobre os seguintes termos relacionados co relevo:

chairas, mesetas, cordilleiras e vales;
rías e fiordes, cabos e golfos;
península, istmo e illa.

COMEZA A CONTA ATRÁS

2009-08-29T11:27:00.003+02:00

Aproveitando os derradeiros días de descanso E PREPARANDO O CURSO 2009 - 2010.

ATRANCOS CON FINAL FELIZ

2009-06-22T21:40:00.003+02:00

Con dificultades e atrancos técnicos chegamos case sen darnos conta ao remate do curso. Esta é xa a entrada número 100. Si, parece imposible que pasasen tan rápido os meses desde aquel lonxano setembro en que emprendimos ilusionados esta aventura blogueira. Chegou o momento de avaliar o noso traballo, e digo o noso porque se vós algo aprendestes comigo, eu moito aprendín de vós, e tantas cousas descubrimos xuntos!

Nalgún intre pareceu que se perdían as forzas, pero finalmente foron recuperadas. Estas últimas semanas quedou ben demostrada a afirmación de Gandhi que elexín como lema do blog "A nosa recompensa atópase no esforzo e non no resultado. Un esforzo total é unha vitoria completa".

O esforzo pagou a pena. Agora podedes descansar no verán e pensar no voso futuro. Eu quedo aquí. Pensarei en vós, e sorrirei pensando nas vosas ocorrencias e nalgún que outro disparate!

Que sexades moi felices.

Nove bicos a repartir entre

Tania

Belén

David

Martín

Tino

J.J.

José Antonio

Pablo

e Sergio

AS TRECE ROSAS

2009-06-07T09:33:00.006+02:00

Esta semana remataremos de ver e comentar a película Las 13 Rosas de Emilio Martínez-Lázaro que trata un dos episodios máis terribles da inmediata posguerra. Falamos da condena a morte e execución dun grupo de trece rapazas, sete delas menores (daquela a maioría de idade estaba fixada nos 21 anos). Estas mulleres, que pasaron á historia co nome das Trece Rosas, foron fusiladas nas tapias do cemiterio da Almudena o 5 de agosto de 1939.

No documental Del olvido a la memoria: Presas de Franco podemos escoitar arrepiantes testemuños da brutal represión franquista.

A GUERA CIVIL ESPAÑOLA

2009-05-28T17:57:00.004+02:00

Imos comezar o estudo da Guerra Civil española, pero sodes vós quen debedes procurar a información. As primeiras cuestións que tedes que resolver son:

Que é unha república?
Cantos gobernos republicanos houbo en España?
Que é un golpe de estado?
Datas de comezo e remate da Guerra Civil.
Que países asinaron o chamado Pacto de non intervención?
Que países romperon ese pacto e a que bando axudaron?
A Falanxe.
A CNT.
Frente Popular.
As Brigadas Internacionais.
Que lle sucedeu ao escritor británico George Orwell na guerra?

BIOGRAFÍAS

2009-05-24T18:13:00.006+02:00

Charles Chaplin e Albert Einstein

Imos realizar un estudo de varias personalidades moi destacadas do mundo da pintura, a música, a arquitectura, a física, a química, a historia, o cine e a literatura. O traballo consistirá en tres tarefas:

Buscaremos información e elaboraremos un resumo das súas biografías.
Localizaremos nun atlas o seu lugar de nacemento e debuxaremos un mapa para situalo.
Procuraremos unha imaxe do noso personaxe e escribiremos unha descripción literaria.
Finalmente, e xa en equipo, realizaremos unha liña do tempo no que situaremos as datas de nacemento e morte de cada un dos biografiados.

Os personaxes que imos coñecer con máis profundidade son:

Albert Einstein
Jules Verne
Ana Frank
Charles Chaplin
Vincent Van Gogh
Pablo Picasso
Marie Curie
John Lennon
Antonio Gaudí

Un consello: nunca empreguedes información atopada na rede sen contrastala antes. Ánimo e a traballar!

LETRAS E INTERNET

2009-05-17T14:04:00.004+02:00

Como ben sabedes, hoxe 17 de maio celebramos en toda Galicia o Día das Letras Galegas. Este ano dedícase ao lucense Ramón Piñeiro polo seu activismo cultural e a súa loita polo uso do galego.

Pero a celebración é dobre pois hoxe tamén é o Día Mundial das Telecomunicacións e da Sociedade da Información, rebautizado como Día de Internet, en conmemoración desta mesma data de 1865 en que se fundou a Unión Internacional de Telecomunicacións. A celebración deste ano ten como lema "Protexer á infancia no ciberespacio".

A 2ª GUERRA MUNDIAL NO CINE (1)

2009-05-05T21:07:00.004+02:00

Estes días estamos a estudar as causas, etapas e consecuencias da Segunda Guerra Mundial. Coñecida a teoría, pasamos á recreación cinematográfica de diferentes momentos clave no desenvolvemento dos acontecementos.
As primeiras recomendacións son Saving private Ryan (Salvar o soldado Ryan) de Steven Spielberg (1998) e The longest day (O día máis longo, 1962) de Annakin, Marton e Wicki, películas que recrean o Día D: o desembarco dos aliados na costa de Normandía.

O SOLDADO ALEMÁN IDEAL

2009-04-25T21:15:00.004+02:00

Vía Ana Basterra, achegámonos ao magnífico blog Historiaenvideo para ver este documental sobre os "soldados xudeus de Hitler", unha mostra máis do sinsentido que se viviu na Alemaña nazi.