tina

2008-05-31T02:29:00.000+12:00

It's time to come home

2007-08-10T13:40:00.000+12:00

Debreathing

2007-07-22T22:15:00.000+12:00

Minstry time of outreach is over...

endlich wieder usschlofe =)
es isch aber recht schwer gsi, zum sgo im center. es isch e geniali erfahrig gsi und mir haend au wurkli gseh, wie mir liebi bringet.
umso schlimmer isch es gsi, wo mir denn endlich is taxi sind und duzendi vo traendende chinder um ues umestoend und schluchzend froget: "u ghom bec? (you come back?)"
i 3 wuche sinds ues so as haerz gwachse dass mir alli am liebschte es paar hei gno hettet, was leider noed moeglich isch.
uf jede fall, han ich es stuck vo mim haerz doette loh und hoffe dass ich wuerkli mol zrugg chan go...

jetzt sind mir aber in chiang mai und goend am fritig morge uf de flueger richtig singapore und denn new zealand...

es isch schnell verbi gange, aber e geniali erfahrig...

Akka Training Center

2007-07-08T02:31:00.000+12:00

Mir sind im moment im ATC, ueberraschig: am englisch unterrichte! wow, ganz oeppis neus. ich wird langsam zum englisch profi =)

De ATC isch en Ort fuer Chinder usem Akka tribe, das isch e staatelosi gruppierig wo i 3 laender verteilt isch: Thailand, Myanmar (Burma) und Laos. Keis vo dene 3 laender will ihne aber en Pass geh und do si akka redet haend si au kei chance uf e gueti arbeitsstell.
Do im Center werdet si scho wo 4i a in englisch und thai unterrichtet damit sie sich mit de welt choend verstaendige und besseri chance uf e guet zahlti arbeitstell findet und noed moend angst ha, misshandlet zwerde.
es sind rund 500 chind do im center und im moment oeppe 20 freiwilligi haelfer. das sind sehr vil!!! dfraue unterrichtet und dmaenner baued meh unterkuenft fuer dchind.
de ganz center wird also hauptsaechlich vo de chind (die aeltere) selber gleitet und es isch erstundlich, mit wie vil verantwortig 14 joehrigi jugentlichi zrecht choemed.

Tagwach fuer alli 5i am morge. denn werdet aemtli erlediget bi am 6.45. denn zmorge und zaehputze und denn id schuel (ab de 1. klass goends i di normal lokal schuel)
Die chline werdet denn vo ues unterrichtet.
am 6.30 isch znacht.
7.30 bis 8i isch obig worship. Denn choend di chline (4 joehrigi wo jetzt 15 stund wach sind) is bett und die aeltere fanget a husufgobe mache.

Ich bin sehr ueberrascht, wie fit die chind sind trotz dem harte tagesablauf. ich hans wuchenend uf jede fall fascht noed choene erwarte =)

welcome to Pai

2007-06-22T00:30:00.000+12:00

flowerpower peace
Hippies (tourischte) everywhere...
ou yes, welcome to Pai.

Mission Chiang Rai completed. mir haend Chiang Rai bereits verlasse und sind im moment im weste vo Thailand imene chline touristedoerfli - am englisch unterrichte i de primarschuele.

aber zerscht en chline rueckblick zu uesem 1. teil vom outreach:
die letschte 2 wuche haend mir hauptsaechlich mit 2 sache verbrocht:
1. unterrichte: mir haend i diverse primarschuele und highschools = kanties (ich han 18 joehrigi gha) sprich glichaltrige englisch unterrichtet. es isch mega kuhl gsi und dchind sind genial. jedesmol wenn mer sschuelzimmer betritt, stoend alli uf und saeget im chor:
"Good morning teacher"
ich antwort: " Good morning students, how are you?"
"I`m fine thank you and you?"
"I`m fine thank you, please sit down"
"thank you"

es isch mega luschtig und wil thai sproch uf em tonfall vo woerter ufbaut isch, redet alli GENAU glich. es toent genial und mir haends eigentlich wellae ufneh sind aber nonig dezue cho.

2. haend mir vil ziit i de uni verbrocht und vorallem beziehige mit de studente (und de chile) ufbaut. das haet beinhaltet zmittag esse (thai food isch ueberigens genial) und volleyball spiele.
schlussendlich am letschte wuchenend haend mir denn e party organisiert und all die luet wo mir kennegelaernt haend iglade. es isch eifach mega kuhl gsi.

... und dur das au noed ganz eifach zums hinder ues loh und witer zgo. ich vermiss sie jetzt scho, aber neue ort neui luet und uesi mission goht do witer.
vorerscht englisch unterrichte aber mir sind ueses programm am usbaue mit... wer weiss, wohrschindlich wieder e party, oder go tanze und die luet do kenne lerne...

erschti news us thailand

2007-06-05T21:01:00.000+12:00

mir sind zthailand acho und haend au scho di erschte zwei naecht hinder ues und uesen erschte road trip. im moment sind mir im norde vo thailand in Chiang rai. es isch recht warm und tropisch aber kuhl. ich bin gspannt was alles chunt. mir wohned i so chline zimmerli wo recht gfuerchig usgsehnd aber zum ueberlaebe sind. ich freu mich aber jetzt scho uf mis bett dihei. suber, ohni eidechsene oder moscitos...
mir schaffed do mitenere chile zaemae und ueses ziel isch vorallem beziehige zu de uni studente ufbaue. am morge sind mir aber i de primarschuel am englisch unterrichte.
jo, das waers so fuer de afang...
sawat di kha us thailand

break in singapore...

2007-06-03T17:51:00.000+12:00

wow, mir sind grad in singapore zwuesche glandet. crazy ey...
obwohl mir im outreach sind, sind mir die nacht imene hotel gsi und es isch mir vorcho wie i de ferie. temperatur isch 30 grad i de nacht und no vil waermer am tag. jetzt haend mir grad gratis internet am flughafe entdeckt und drum han ich schnell ziit zum sneuschte berichte. es isch scary, wil do ueberall so army maenner mit waffe umelaufet.
aber jetzt flueget mir denn scho wieter noch chiang mai und sind alli scho ganz ufgregt =) es wird glaub mega kuhl.
ah - im flueger do ane isch die herbstzeitlosen glaufe, de schwizer film (mit englische untertitel). voll genial, ich han sogar dstadt bern gseh... usserdem wimmlets do vo schwizer schoggi und swatch. ich afuehl mich also wie dihei...

drü - zwei - eis - und - go!

2007-05-30T20:54:00.000+12:00

wow, am samstig isch es sowit und ich verlohn das chline schofbevölkerte land scho wieder.
es goht witer richtig thailand.
was gits do grosses zschriebe? eigentlich nöd so vil. ich bin uu gspannt uf all die neue erfahrige wo ich mache wird und dlüüt wo ich träffe.
leider han ich nöd so viel ziit zum meh schriebe, es isch do im moment en zimliche stress mit packe und allem drum...

see you later alligator... bis bald us thailand

Der countdown läuft

2007-05-13T14:33:00.000+12:00

Nur no 3 Wuche und scho verlohn ich die insle wieder - leider und juhuii. ich freu mich gewaltig uf thailand zgo und üses team isch würkli super. endlich händ mir au chli meh erfahre was mir mache werdet.
1. Teil: mir sind in chiang mei inere Gmeind wo vorallem mit de Uni zämä schaffet. Mir wänd also vorallem beziehige mit de Studente ufbaue. Sprich: mit ihne i de freizit "abhänge", bi de husufgobe hälfä und eifach ziit mit ihne verbringe.
2. Teil: Denn gönd mir id Karen-tribes, da isch im Nord-weste vo thailand. Da isch es landwirtschaftsgebiet, zimlich unzivilsiert. Sprich au nöd sehr hygienisch. Mir gönd döt also unteranderm go WCs baue und ihne Hygiene bizbringe und uf em feld go hälfä. Da wird ganz sicher es abentüür.
3. Teil: Gönd mir i sones Chinderdorf, wos ca. 500 Chind hät und gönd döt go englisch unterrichte und was süscht no so afallt.
Da isch so de grob rahme. Tönt sehr herusefordernd aber ich freu mich druf.

Jetzt wett ich aber no schnell üses team vorstelle:

Scotty: (Teamleiter)
De Scotty isch üsen Chef. Er chunt (what a surprise) us Schottland und isch jetzt denn scho 2 Johr do uf de Base. En kuhle Typ, frühner recht en absturz und jetzt aber voll Begeisterig für Gott. so wie ich ihn bis jetzt kenne, wird das en zimlich spontane Outreach, wil er nöd so de strukturiert typ isch. Trotzdem isch er sehr verantwortigsbewusst und faszinierte Gitarrespieler. (Foto folgt)

Sunny: (BLS)
D'Sunny üsi Co-Leiterin isch us California und isch sit chli uf Cheerleader und tanzt. Sie isch glich gross wie ich und au sehr en ufgstellte Mensch. Mir händs mega guet wärdet üs hoffentlich au im Outreach prächtig verstoh. ou und sie hät ä holywood rifi liäbesgschicht hinder sich - leider ohni happy end (bis jetzt uf jede fall nöd)

Rachel:
D'Rachel, ebefalls us California isch e Nanny und drum sehr strukturiert, verantwortigsbewusst und organisiert. Sie isch bis jezt mini WC putz-partnerin und Rasemaihe-partnerin gsi. Es isch gewaltig, was sie alles über d'Bible weiss. (Foto folgt)

Chris:
Dä Chris... wie chas au anderscht si... au us California. Er isch üses Schauspiel talent - da heisst, vorallem für Komödie. Sini Mimik isch gewaltig. Er isch also immer en wichtige Bestandteil i de Theater wo mir mached.

Job:
De Job, de Papi i üsem Team mit 31 Johr uf em Rugge chunt us Süd-korea. Am Afang ganz schüch, wird er langsam zum gägäteil. Sini Kommentär im "korea-englisch" sind de hammer. Au sini Mentalität, wo halt chli anderscht isch als üsi, isch e riese Bericherig.

Amelia:
D'Amelia us NewZealand (südlichi Insle, mues mer betone) isch genial. Sie hät letscht Johr e "performing arts" schuel gmacht und isch zimlich ähnlich wie ich. mir händ so einiges a Hobbies gmeinsam. Sie wohnt im gliche Ruum wie ich und ich bin würkli uu froh, dass sie mit mir mit chunt. Da wird sicher mega glatt.

und schliesslich ich :) ich bin also sehr gspannt, wie da alles usechunt.

Die atemberaubende Story eines Vans

2007-04-27T13:07:00.000+12:00

Es war einmal ein völlig verschmutzer Van. Er war sehr, sehr traurig darüber, dass er so hässlich aussah und er wünschte sich nichts mehr, als das Licht der Sonne zu reflektieren. Er wollte einfach nur glänzen und strahlen vor lauter Sauberkeit. Doch so sehr er auch versuchte, sich sauberzuhalten, es gelang ihm nicht. Jedes Mal wenn er die staubigen Wege entlang fuhr und wenn Leute mit dreckigen Schuhen einstiegen, war es am Ende schlimmer als zuvor. Es wurde so schlimm, dass er sich schon überlegt hatte, denn Beruf zu wechseln, weil er all den staub nicht mehr aushielt, obwohl er eigentlich das Gefühl hatte, es sei seine Berufung.

Hoffnungslos und verzweifelt stand er also eines schönen Montagnachmittag auf seinem Platz und träumte von einem Rückspiegel, der als Spiegel funktionierte.

Doch plötzlich wurde er aus seinem Traum gerissen als er zwei reizende junge Fräuleins namens Amelia und Tina auf ihn zukommen sah, die seinen Service beansprechen wollten. Gar nicht in der Stimmung, aber immer hilfsbereit setzte er sich in Bewegung. Doch zu seiner Überraschung setzte er nicht in Richtung Dorf in Bewegung sondern in die entgegengesetze Richtung. Als er dann schliesslich den Wasserschlauch sah, hätter er am liebsten Luftsprünge gemacht. (Das war aber natürlich nicht erlaubt, wenn Menschen in der Nähe waren.) Er fühlte sich wie in einem fünf Stern Wellness-Hotel - und das war es auch. Als erstes erhielt er eine wunderbare Dusche, anschliessend wurde er von einer langen Bürste mit Seife geputzt und massiert. ABER: das war noch nicht alles. Er wurde sogar gewachst. Das überstieg all seine Vorstellungskraft. Es war einfach unglaublich. Die Räder wurden geschrubbt, und das Shampoo herunter gewaschen. Endlich konnte er die Sonne wieder fühlen au seinem Rücken, jetzt wo der Dreck weg war.
Doch diese wunderbaren Frauen waren noch nicht fertig. Sie wollten sogar den Innenraum reinigen. Dies war so unglaublich, dass Mister Van langsam schon glaubte er träume.
Er wurde gestaubsaugt, der Abfall wurde entsorgt, die Scheiben geputzt und sogar der Fussboden wurde gemoppt (feucht aufgenommen). (Man glaubte es kaum!) aber auch das Leder gepflegt und das Armaturenbrett geputzt.
Nach einer vollen Stunde non-stop-wellness er blitzte und schimmerte mehr als je zuvor. Er fühlte sich schöner als Mister Schweiz (Tim Wielant - auch Neuseeland ist auf dem laufenden) und war sich wieder sicher, dass er seinen Job nie wechseln wollte.
Zurück gebracht zu seinem Platz strahlte er jetzt also stolz vor sich hin und überlegte sich, wie er sich bei der wunderbaren Amelia und hilfsbereiten Tina bedanken könnte.

summery

2007-04-23T12:59:00.000+12:00

Erschte Rückblick noch de hälfti vo de lecturephase:
Wow, es schiint scho ewigkeite här, siit ich dihei abgfloge bin. Mir sind do scho wie e familie und ich hans gfühl, ich kenn die lüüt do scho ewig. Leider isch aber au de ganz tagesablauf normal worde und es glicht langsam chli am "id schuel go". D'lectures sind noch wie vor spannend, aber wills scho so routine isch, sind mir nüme so füür und flamme.
Im moment wänd mir alli gärn meh drüber wüsse, was mir denn im outreach mached, aber da erfahred mir glaub nonig so bald, will alli staff (dleiter) im moment in australie anere konferenz sind. dh. mir händ dbase für üs, aber will mir jo so verantwortigsbewusst sind (hmmm?) benämed mir üs wie immer und sind aständig und diszipliniert :)

skuhle findi aber würklich, dass alles do so multikulti isch, näbscht dene 16 dts-members sind nämlich normalerwiis no ca. 10 staff do (die mached do e leiterschaftsschuel, drum sinds so vil).

Riina, Finnland
Tanja + Paul, Finnland + Norwegen
Krisi, New Caledonia
James, Vanuatu
Josh, New Zealand
Sunny, USA
Ben, Switzerland
Mary, USA (DTS main leader)
Scotty, Scottland
Beks, New Zealand

Es träffed also ganz verschiedeni Kulture und Läbäsistellige ufenand und es isch interessant, zum gseh, wie verschiede dsittene und Asichte sind. und ich weiss jetzt scho x Ort wo ich denn id ferie chan :)
und ich mues scho sägä, die amerikaner sind eifach e nation für sich, egal was dass es git zum ässä, eis isch sicher: Es hät peanut-butter drin...

2007-04-15T15:44:00.000+12:00

Mis Outreach ziil isch jetzt also bekannt!
ich gang uf...

jo, genau, thailand. Wie genau üsen isatz usgseht wüssed mir allerdings nonig so genau, dvorbereitige fanget jetzt denn erscht a... ich freu mich aber uf jede fall riesig druff, bis mir i dem flüger sitzed und gspannt werdet si uf di 8 wuche (nöd wie ich usversehe mönet gschriebe han) outreach.

2007-04-11T21:09:00.000+12:00

juhuii.
Mir händ hüt üsi outreach möglichkeite erfahre:

thailand
fiji / solomon islands
vanuatu / new zealand

Wo das ich anegang, weiss ich allerdings nonig. Wird aber sicher gli usecho... :)

pictures

2007-04-05T20:23:00.000+12:00

wow, scho en monät umä... es goht mega schnell und es chunt mir vor, als wär ich scho ewigkeite do... (au vo de azahl bilder här)
Drum han ich jetzt mol es paar is internet tue, damit ihr au chli öppis devo händ.

vil spass bim luege

schedule

2007-03-30T14:47:00.000+12:00

Wow, endlich wiedermol ziit zum in blog schriebe. Mir händ so en volle "schedule", das ich chum dezue chum zum öppis in blog ztue...

Min Tagesablauf gseht volgendermasse us:
07.00 - 07.30 Zmorge
07.30 - 08.00 WC- Putze
08.00 - 08.30 stilli ziit (da isch ziit wo jede ällei mit Gott verbringt)

08.30 - 12.30 Lectures (Vorträg, Worship, Intercession, Feedbacks, etc)
12.30 - 14.00 Mittag
14.00 - 17.00 abwechselnd: Freizeit, Autoputzen (2x pro Woche), Sport, Chligruppe etc.
17.00 - 19.30 Znacht und Freizeit
19.30 - 21.00 abwechselnd: journal-schreibe-zeit, Lectures, Open meeting (öffentlicher Vortrag)
21.00 Schluss

jo, das isch min alltag für die nöschte paar mönet. Jetzt isch scho wieder e wuche ume und gott hät mir viel ufzeiget i mim läbä: schwächene, stärchene und wo dass mich i zuekunft chönt si. es isch würkli mega e wertvolli ziit und ich hoffe, dass es eso witer goht.

crew

2007-03-23T18:44:00.000+12:00

Scho wieder e wuche ume und langsam kenn ich die lüüt do scho chli. Damit ihr au gsehnd, wie international sdo isch, schick ich eu no dlischte mit de näme und de härkunft vo mine liäbä mit „dts“ler...

Mitchel USA
Stefan Switzerland
DJ USA
Chris USA
Job Korea
Amelia New Zealand
Stefanie Germany
Emma Australia
Rachel USA
Crystal USA
Lizzy USA
Cat Northern Ireland
Teal USA
Sam & Katie USA
Und ich :)

Photo (v. l . n. r.): Chris, Tina, Steffi, DJ, Cat, Teal & Chris

Weekend at the beach

2007-03-18T18:56:00.000+12:00

Eine woche schon vorbei
Gestartet hat schon nummer zwei.
Das weekend am meer
Es scheint schon ewigkeiten her
Im salzwasser die füsse
Sende ich euch meine grüsse

Am sonntagmorgen um halb 7
Sind wir schon den hügel empor gestiegen
Auf der anderen seite hinunter
Jetzt werden wir langsam munter
Die aussicht seht ihr hier
An diesem ort waren wir.

Fantastisch wie die wellen kommen
Um aufs ufer zuzurollen
Wie möven sich treiben lassen im wind
Surfer in den wellen verschwinden ganz geschwindt
Der sand ganz schwarz scheint
Auch wenn die sonne darauf nieder scheint

Das ganze ein fleck auf erden
Der es wert ist, ein stück des paradises zu werden
Ein ort, der in erinnerung bleibt
Sein platz aber leider ohne euch teil.
Gerne hätte ich euch teil haben lassen
Doch ahnand des photos könnt vielleicht auch ihr es ein wenig erfassen.

erschti News

2007-03-11T16:38:00.000+13:00

Damit aber au mol endlich chli öppis sinnvolls uf mim blog stoht, bricht ich eu do vo mine erschte erläbnis:

also übers DTS chan ich nonig so vil sägä, wils jo erscht grad agfange hät. Aber ich han jo scho e langi reis mit es paar erläbnis hinter mir.

ich chan eu sägä, dass flüge def. nöd zu mim lieblings-ziitvertrib worde isch. 28 stund unterwägs, 12 stund i eim flüger, es isch de horror gsi. hinder mir sind so zwei meitli gsässe wo so schön im 5 minute takt mir in rugge ginget händ. dur das sind mini schlofperiodene höchschtens 2 stund gange. das hät min flug psychologisch recht id längi zoge.
Acho in Auckland, selbstverständlich mit Jetleg, sind mir denn no 2 stund in norde gfahre. Alles links. ich bin scho sehr verwirrt, wil ich doch no 3 täg vorher mini autoprüefig gmacht han und jetz das...
Lüüt wo ich kenn, wo scho do gsi sind händ mir gross verzellt, mer bügi denn no uf en chiswäg i, und fahri döt no es ziitli lang... und, si händ recht gha. nur: de chiswäg isch sogar schräg worde i de kurve (so wie e steilwandkurve) damit mer schneller chan dure fahre... und denn sind mir schliesslich acho. Umgeh vo chue- und schof- weihdene, und tropische wälder sind mir jetzt do im züg usse. zum go dusche mues mer über dwiese laufe und es wechslet vo rägä in sunne i weniger als 5 minute und das mehrmols täglich...

jo, that's New Zealand...

ich bin gspannt, no meh vo dem land z'entdecke...

döt wo türe offe isch, schlof ich...

Päckli jederziit erwünscht

2007-02-16T21:19:00.000+13:00

Bi dem vile heiweh und dene vile Lüüt mit heisshunger uf schwizer-schoggi isch die wohrschindlich scho bald wäg. drum bruch ich dringend nochschub. (natürlich nöd nur schoggi)
wenn du luscht häsch zum mir es päckli schicke oder en brief zschriebe... das isch immer härzlich wilkomme :) natürlich freu ich mich au scho (oder vorallem) abemne email. (sms lieber nöd, ich han kei empfang do usse)

Mini adresse (für die erschte drü mönet, nochher kenn ich si nöd)

Tina Itten c/- YWAM - Oak Ridge
504 Wairere Road, R.D. 1
Paparoa, Northland 0585
New Zealand

Freu mich uf euri bricht und wird sie gärn beantworte... :)

get started

2007-02-16T02:36:00.000+13:00

es isch sowit
am 8. märz, zwanzg ab nüni (am obig)
ab em flughafe züri:

I'm going to

für 5 mönet
es dts go mache

was isch das?
lueg doch no:
dts info

alles wüssenswerte über mis abentür
wird vorzue do zerfahre si