gernikako berbalagunak

Plastiko birziklatuaren erakusketa

2009-06-25T01:17:00.011+02:00

Ekainaren 17tik 29ra ikusgai daude ikasturte honetan hainbat tailer edo ikastarotan egindako lanak. BERBALAGUNek ere bere aportaziotxoa egiten du eta hara oraingoan zer jarri dugun ikusgai.

Dendetako plastikozko poltsak birziklatu eta honelako gauzak egin ditugu: azpilak, loreontziak, kanpazoak, bitxi-ontziak, gozoki-ontziak, jostailuak gordetzeko ontziak, bainugelarako ontziak, kapelak,... Irudimena martxan jarri eta eskuak erabili besterik ez dugu egin.

Kultur Etxera hurbiltzerik ez daukazuenok hemen dauzkazue adibide batzuk:
Erakusketan dugun gunetxoa.

Kanpazo ederra, ezta? hondartzarako, zein erosketak egiteko egokia da.

Koloreen arabera plastiko bakoitza zein dendatakoa den azal dezakegu, hau okindegikoa, hau supermekatu horretakoa, ....

Gure mahaitxoaren ondoan umeek buztinez egindako irudiak daude ikusgai.

Gauza politak atera zaizkigu, ezta?

Erakusketa orduko batzuk jo eta ke ibili ziren.

Lanean kontu kontari ikusten ditugu horiek; Bego pozik, ezta?

Apurka-apurka, gauzak egiten ikasi genuen.

Gustatu zaizue ikasturte honetako lana? Ea datorren ikasturtean zeri heltzen diogun

"Gure azala nola zaindu"

2009-06-21T22:48:00.014+02:00

Ekainaren bederatzian ordu beteko saio bi izan genituen, bata goizean eta bestea arratsaldean. Carmen Navarrok azaldu zigun azala nola garbitu behar dugun, nola hidratatu, eguzkitan jarri aurretik zer egin behar dugun, ozpinaren onurak, ... Geneuzkan zalantzak argitzeko aukera izan genuen.

Bertan atera genituen argazki batzuk dituzue hauek:
Carmen Navarro lehenengo azalpenak ematen.

Azala nola "exfoliatu" behar dugun azaltzen.

Bertaratutakoak Carmenek zer esango adi ikusten ditugu.

Halako gauzak andrazkoen kontua ez eze, gizonezkoen kontua ere bada.

Zer kontatzen ari zaizue, bada?

Sorpresatxoa ere eduki genuen, partaide guztioi zozketarako zenbaki bana eman ziguten.

Hara Idoiaren poza, hoba ez. Aurpegia garbitzeko saio bat tokatu zitzaion.

Eta bigarren saioa nori tokatu zitzaion? Txartela eskuan duen horri.

Arratsaldeko saioan Nereari tokatu zitzaion "modelo" egitea.

Alberto, zer esan digu Carmenek? azala beti garbi eduki behar dugula, ezta?

Hauek eguzkiari aurre egiteko prest daude, ezta Maite?

Nerea, aurpegiko azala dohainik garbituko duzu, zuk bai zortea!

Zer Karmen, zeu ere pozik, ezta?

ARRAINA eta ARDOAren Ibilbidea

2009-06-15T13:16:00.002+02:00

Ikasturte honetako azkeneko irteera ekainaren 20an, larunbatean, egingo dugu. GR38 ibilbideko zati bat, Mendatatik Gernikara. Ostean, Ramon Bilbao ardoaren dastaketa izango dugu Rugby tabernan. Joan nahi duzuenok aurretiaz izena eman beharko duzue AEKn edo Aita Villasante Udal Euskaltegian.

Irteera iragartzeko atera dugun kartela honako hau duzue:

Mintza Eguna 09

2009-06-11T16:52:00.041+02:00

Laugarren Mintza Eguna ospatu genuen pasa den larunbatean Gasteizen. Aurreko urteetan bezala guk ez genuen hutsik egin, Gernika-Lumotik 18 lagun joan ginen.
Antolatzaileei eskerrak eman behar dizkiegu geuk ondo pasatzeko egin zuten lan ederragatik.

Argazkien bidez bergogoratu egingo dugu jai eder hori:
Landatxo gunean joan ginen taldeko batzuk .

Dantzariek aurreskua egin ziguten.

Manex Agirrek eta Jokin Labayenek ongi etorria bertsoz egin ziguten.

Gasteizeko Berbalagunek hamaiketako ederra prestatu ziguten: Tortillak, patatak, saltxitxoia, pastela, Sevillako Klarisen pudinga,.... sagardoa, ardoa, ura,....

Geure taldeko batzuk eta Algortan bizi den ereñoarra ere. Zer Iñaki, Mintza Egunetik Mintza Egunera baino ez dugu elkar ikusten, ez zara Busturialdetik ibiltzen ala?

Eskoriatza-Eskibel jauregiaren gora-beherak azaldu zizkigun Unai Gartziak

Ondo baino hobeto bete zuen Unaik bere lana.

Ea, joan zinetenok, zer gogoratzen duzue honetaz?

Harresiaren gainean ere, zehatz-mehatz azaldu zizkigun gidariak jakin daitekeen guztia: hormako zuloek hiltegia horren kontra eraiki zutela erakusten dutela, ....

Lehen oriñalaren barruan zegoena (kaka eta txiza) leihotik behera botatzen zela, baina lehenengo kanalizazioak hor agertzen diren zuloak izan zirela, ..... Zenbatgarren mendean eraiki zirela esan zigun Unaik, nork daki?

Azalpenak jasotzeko bertan dagoen paneletariko bat.

Denok azalpenei adi, Ariane be bai?

Hara, hara, geure eskualdekoak ugariak gara, hor agertzen da Donostian bizi den Muxikako Pedro Mari berbalaguna be.

Lehen aipatu dugun kanalizazioa.

Dultzaineruek lagunduta kalejira ederra egin genuen Montehermosoraino. Ea Nerea eta Rosa Mari, zer azaldu zuen hemen Unaik?

El Portalon jatetxe ospetsua ere han atzean.

Adi egon zineten? zeintzuk izan ziren hemengo azalpenak?

Azalpenak ematen Unai, baina megafoniari eusten egon zenak ere badauka meritua, ezta? Nor da?

Kontxi, horrenbeste berba eginez gero zelan enteratuko zara zu bada? Alferrik izango da zuri galdetzea.

Jendea adi gero!!!!!

Hau ez zegoen ibilbidean sartuta, baina jakin-nahia badakizue zer den bai, eta patio horretan sartu ginen eta hiru lau argazki atera be bai. Zein da honen historia?

Aihotz plazan kale antzerkia egin zuten, saioaren amaierara heldu ginen baina pertsonaiak behintzat, ikusi genituen: Maria Antonieta, ... katua, ....

Nola du izena plaza honek? Zeledon plaza? nork daki?

Hara, goiz osoan auto hori inguruan ibili genuen. Zenbat balio ote du hori, edo halako bat alokatzeak?

"Kutsidazu bidea Isabel" liburu ospetsua idatzi zuen Josean Sagastizabalek ere, bere aportazioa egin zuen. Zalduondoko Zeledonen irudia brontzez eginda dagoela, brontzezko domina hirugarren mailakoa dela, batzuentzat euskara ere hirugarren mailakoa dela,..... Ea laster baten urre gorrizko bihurtzen den.

Txalapartariek ere saio polita eskaini ziguten.

Bazkal ordua ere heldu zitzaigun. Marije eta Txo, zein izan zen menua?

Neskak, zein izan zen bigarren platera?

Maribi, eta hirugarren platera zein izan zen? Ezkontzetan ere ez horrenbeste plater.

Maite, orain be bazabiltza zu jendea enrredetan, ezta?

Alberto, eta postrea zein izan zen bada? Batzuek postre bi jan omen zuten.

Iazko Mintza Egunean ere Galdakaoko Berbalagunen ondoan tokatu zitzaigun mahaian. Ondo konpontzen gara gu, ezta? Gora Galdakao!!!!

Argazki polita ezta Amaia?

Nerea, nork zuritu zizkizun langostinoak? Langostinoak ipini dut, zelan esaten da beste modu batera Jon Mikel?

Urtero bezala, omenduak ere izan ziren.

Bazkal ostean, "Erdizka lauetan" taldearekin dantzaldia. Ezetz jakin nortzuk izan ziren dantzan irtetzen lehenengoak? Gernikaldekoak jakina, ikastaro batzuk ere egin ditugu eta orain praktikatu egin behar da.

Badabil hor dantzan Gernikaldekoren bat?

Eta hemen ezagunik bai?

Bai, bai, zuek plantak egin, baina badakit nora joan zineten hortik, El Parral tabernara.

Beno, hemen amaituko dugu Mintza Eguneko erreportaia. Egin zeuon aportaziotxoak !

"Ezetz Jakin" lehiaketa

2009-06-08T20:46:00.005+02:00

Maiatzeko "Ezetz Jakin" lehiaketaren irabazlea JESUS MARI ARTARAZ izan da. Hile honetan hirurogeita hamasei erantzun jaso ditugu eta erantzun guztiak ondo eduki dituztenak hirurogeita bat izan dira. Bengo-Etxe jatetxeak eman du bi lagunentzako afaria.

Saria jasotzeko unean, ezkerretik eskuinera, Idoia Fernandez euskera zinegotzia, Joana Barandika Udal Euskaltegiko idazkaria, Igone Olabarria AEK-ko Busturialdeko zuzendaria, Jesus Mari Artaraz irabazlea eta Pili Ibarra BERBALAGUN teknikaria.

AZALA NOLA ZAINDU?

2009-06-05T01:21:00.004+02:00

Eguzkitan jarri aurretik neurri batzuk hartu behar ditugu; azala ondo garbitzea eta ondo hidratatzea ezinbestekoa da.

Uste okerrak-eta albo batera uzteko zer egin behar dugun azalduko digute Karmen Navarro estetikakoek.

Ikastaroan parte hartzeko eman izena lehenbailehen ohiko lekuetan.

Hau da Gernikan hainbat lekutan ikusiko duzuen kartela:

MINTZA EGUNA Gasteizen

2009-05-27T10:56:00.004+02:00

Aurton 4. MINTZA EGUNA ospatuko dugu. Non? Gasteizen. Noiz? ekainaren 6an

Joan nahi duzuenok jarri harremanetan, lehenbailehen, Gernika-Lumoko BERBALAGUNeko arduradunekin, bazkari txartelak hainbat arinen agindu behar ditugu-eta.

Hamaiketakoa, bazkaria, erromeria, eta ... 20 euro izango da.

Jaia iragartzeko kartela eta egitaraua honako hau duzue:

Gernika-Sukarrieta-Katillotxu-Gernika

2009-05-18T00:06:00.043+02:00

Oraingoan gustuko eguraldia izan genuen, lainotuta hasieran, baina eguerdirako majo berotu zuen. Hogeita sei lagun batu ginen eta giro ezin hobean egin genuen txangoa.
Bederatzietan irten eta ordu bietarako bueltan izan ginen.

Makinatxo bat argazki atera genuen, baina denak ezin ditugu hemen jarri. Beraz, aukeraketa eginda hona hemen 38 argazki:
Taldearen argazkia itsasoaren gainean. Iluntxo atera zaigu, ezta?

Itsasoa behean utzi eta bagoaz gorantz. Ekin Jabi eta Jose Luis!

Itsasoa ez genuen bistatik galdu. Laidako hondartza geure begien aurrean.

Mundu hau gaizki banatuta dago, batzuk lanean eta beste batzuk, ostera, parrandan.

Igoten hasi eta lehenengo geldialdia tokatzen da, Alvarito eta Orkon zer da hortik ikusten dena?

Ea nork dakien etarte horretan dauden tresnak zer diren eta zertarako.

Bigarren geldialdia, hortik ez dakit bada, ezer ikusten den. Itzalpean egotearren geratuko zen taldea.

Ene, erraz-erraz heldu gara Katillotxu gainera eta hau ustekabea, han dauzkagu beste berbalagun batzuk gure zain.

Zer jartzen du hor Jon Mikel, Dolmenak aurkitu dituztela hor goian, ezta? Indusketa lanak egiten ba omen dabiltza.

Han atzean Izaro.

Jakinduria trukatzen ari dira hauek.

Jose Luisek dio txorien behaketa Montorrek eta Urretxindorrak egiten dutela. Honek bai jakin, zeozergatik da Montorreko zuzendaria.

Anak dio Bang-bang, txiki-txiki, bang-bang abestia Gatibu taldearena dela, egia da?

Zuen ostean Izaro uhartea duzue, badakizue Izaroko frailearen istorioa?

Bazan Izaron komentu bat, fraile komentu bat, Laida eta Laga artean. Bertako frailea Antzorako neska bategaz maitemindu zan eta gauero gauero joaten zan uger neskatoa ikustera. Nondik nora joan behar eban jakiteko neskatoak argia ipinten eutson etxeko leihoan eta argi horrek gidatzen eban frailea. .../...

.../...

Neskatoa ikusi eta beragaz egon ondoren, ostabere uger itzultzen zan komentura. Denboragaz familiakoak konturatu egin ziran eta ez eben euren erlazinoa ontzat hartu. Behin eguraldi txarra egoan gaba batean, frailea neskatoarengana etorrela ikusi ebenean neskatoari leihoko argia kenduarazo eutsoen.

Argiagaz batera joan zan gure frailearen iparra. Hara eta hona ibili zan uger, nora jo ez ekiala eta galdu eta ito egin zan.

Hamaiketakoaren ordua heldu da, zuk zer ekarri duzu Pedro? eman apur bat.

Orkonek ez du ezer jaten, ala? Emaiozue zeozer, aspaldion argaldu egin da-eta.

Tontorrean gaude ezta Torre?

Norak-eta leku ederra topatu dute antza.

Esan bi horiei zertarako erabiltzen zen etxetxu hori. Nork daki zertarako zen?

Hemen karakola eta barea, zein ote da hobea?

Gure gidariak bata aurrean eta bestea atzean joaten dira beti, zertan ote dabiltza biak batera?

Hara hor lau eskirol, nora ote doaz geu utzi eta eurak atajua hartuta? Elena, Orkon, Alvarito eta nor da laugarrena? Bueltako billetea ez ordaintzearren zoazte oinez, ezta?

Bermeoko Demiku auzorantza goaz.

Aupa Pedro!

Demikuko ermita aurrean geldiunetxoa berriro.

Mendira irteera egin dugu, baina itsasoa bistatik galdu barik.

Paraje ederrak dauzkagu inguruan gero!

Kepa Enbeita "Urretxindorra"k Izaro uharteari egindako bertsoak:

1.- Izaro ugartea/ Izaro, Izaro! / Laidatik hur-hurrian/ Luzaro, luzaro/ Itsasoen altzoan/ aske ta gozaro/ inoiz gogaitu barik/ beti hantxe dago.

Bigarren bertsoa: Goian zerua eta/ behian itsasoa/ Honek damotsolarik/ besarka gozoa/ Bera da ugazaba/ bera gurasoa/ Beti aske bizi dan/ Zorionekoa.

Hirugarren bertsoa: Urteak igaro ta/ urteak igaro/ Ez zahartu ez gaztetu/ sen batean dago/ zirkinik egin barik/ harago ez honago/ gaurko gizonok baino/ zerbait sendoago.

Laugarren bertsoa: Han dago, gau ta egun/ begira Laidari/ baita udan Laidara/ duazan danari./ Bera da jagolia/ bera zinaldari/ nor zelan ibiltzen dan/ itaundu berari.

Mundakako Santa Kataliñara heldu gara.

Kristobal Kolon estatua mugitu egin dute, ala?

Maitek eta Pedrok aurreskua egin ziguten. "Hankie gora, ointxuak eta, saltoa eta bueltie, ..."

Horiekin txapelketa egin genuen, kulturilla apur bat: Non dago Ogoño galdetu eta hara, gehienek jakin zuten non dagoen, baina Jon Mikelek eta Anik ez.

Goiza mendian eman ondoren, trena hartuta etxera itzuli behar.

Zer mutilek, izerdirik bota duzue bada? Txoritxu batek esan dit bateren bati Sukarrietako makinan geratu zitzaiola atera genuen txarteletariko bat, eta gero Gernikan irten ezinik egon zela, egia da?

Juantxuk badaki non jarri, bai horixe!

Ez daukazue jezartzeko lekurik, ala? Zer ondo pasatu duzue? Hurrengoa badakizue noiz den, ezta? "Txiki"k esan du ekainaren 20an izan behar dela. Aterako ditugu kartelak.

Oharra: argazki gehiago nahi duenak eska diezazkiola BERBALAGUN dinamizatzaileari.

Apirileko "Ezetz Jakin" lehiaketaren irabazlea

2009-05-14T15:35:00.006+02:00

Galdera zailak izan dira hile honetakoak, antza; Gernikako Bonbardaketaren inguruko datu asko izan dira eta erantzunak zehatz emateko, liburuak arakatu beharra egon da. Horregatik, beharbada, beste batzuetan baino erantzun gutxitxoago izan dira.

Guztira, berrogeita bat erantzun jaso dugu eta Jon Mikel Romanek irabazi du Zallo Barri jatetxeak eman duen saria, bi lagunentzako afaria.
Argazkian Busturialdeko AEK-ko zuzendaria, Zallo Barri jatetxearen izenean Karmele Gerra, Jon Mikel "Kipu", Euskara zinegotzia eta BERBALAGUN dinamizatzailea.

ATHLETIC-en ereserkia

2009-05-12T12:31:00.003+02:00

Momentuak agintzen duenez, beste guztiokin bat eginda, jaso bitza geure animurik sutsuenak ATHLETIC taldeak!!!!

ATHLETIC-en ERESERKIA:

Athletic, Athletic, eup!
Athletic, gorri ta zuria
danontzat zara zu geuria.
Herritik sortu zinalako
maite zaitu herriak.

Gaztedi gorri-zuria,
zelai orlegian
Euskal Herriaren
erakusgarria.

Zabaldu daigun guztiok
irrintzi alaia:
Athletic, Athletic
zu zara nagusia!
Altxa gaztiak!

Athletic, Athletic
gogoaren indarra
Haritz zarraren enborrak
loratu dau orbel barria.

Aupa mutilak!
aurrera gure gaztiak!
Bilbo ta Bizkai guztia
goratu bedi munduan.
Aupa mutilak!
Gora beti Euskal Herria!
Athletic gorri-zuria, geuria.

Bilbo ta Bizkaiko gaztiak gora!
Euskaldun zintzoak aurrera!

MENDIRA IRTEERA

2009-05-09T00:54:00.003+02:00

Inguruko parajeak ezagutzeko aukera ezin hobea eskaintzen digu BERBALAGUNek. Maiatzeko irteeran, Katillotxu menditik Izaro irla paregabeaz gozatu ahal izango dugu. Erdu gurekin!!!

Hurrengo hau duzue irteera iragartzeko herrian zabaldu dugun kartela:

Plastikoa birziklatzea

2009-05-06T14:04:00.004+02:00

Inguruaz kezkatuta, eta dendetatik etxera eramaten dugun plastiko pila birziklatzeko ikastaroa antolatu dugu.

Kartelean duzue horren gaineko informazioa:

EUSKAL ERROMERIA

2009-04-30T20:09:00.003+02:00

Euskal dantza ikastaroan ikasitakoa praktikan jartzeko "Euskal erromeria" antolatu dugu. Nahi duzuen guztiok ikastaroan ibilitakoek, zein ibili ez zaretenok ere dantzan egiteko aukera ezin hobea duzue.

Hau da herrian zabaldu dugun kartela:

Bizkargitik Arburura eta Arburutik Atxeli mendira

2009-04-26T15:54:00.039+02:00

"Kukuak primaderan egiten du kuku"

Apirilaren 4an, 33 lagun mendirik mendi ibili ginen. Gernikatik Autzaganeraino autobusez egin genuen eta gure lehen mendia Bizkargi izan zen, gero Arburu eta handik Atxelira.

Bizkargitik, Guda Zibilean burdin garrikoa izan zenaren gotorlekutik, Muxika inguratzen duen paisaia ikusi genuen, batez ere hego-mendebalde aldea.

Arburuko maldan Urdaibaiko biosfera erreserbaren mugan ibili ginen. GR98a da Urdaibaiko Biosfera erreserbari buelta ematen dion seinalizatutako ibilbidea.

Atxeli mendia.- Errepublika garaian galasota zegoen mendietan gurutzeak jartzea, Atxelikoa ere kendu egin zuten, baina 1932ko urriaren 8an zazpi gaztek eta idi busterria lagun 8 metro eta erdi luzeran eta 2 metro eta erdiko besoak zituen gurutzea jaso zuten Usparitxatik Atxeli gainera eta zutunik ipini. Eurenak eta bi egin zituzten estrata zaharretan gora, eta balentria hori gauez egin zuten.

Atera genituen 110 argazkietatik 34 aukeratu ditugu ea gustatzen zaizkizuen:

Autobusetik jaitsi eta taldearen argazkia atera genuen Autzaganen.

Seinale horretan Bizkargi kilometro bira dagoela dio.

BERBALAGUN taldeetan ere hori egiten da, euskera gehitxoago dakienak gutxitxoago dakienari laguntzen dio eta gure irteeretan ere gauza bera, mendian ibiltzen ohituta daudenek gutxiago ibiltzen direnei lagundu, besteen martxan ibili eta ahal dela batera heldu mendi gainera. Ekin Nerea neuri ere kostatu zitzaidan aldapa gogor hori igotzea-eta.

Azalpenak hemen, azalpenak han, batzuek ingurua ondo baino hobeto ezagutzen dute, ezta?

Iturri horren kontuak ere batzuek majo ezagutzen dituzte. Andrinuak eta Orkonek badakite horren gainean zeozer. Zer azaldu zenuten, beherago dagoen putzu bat betetzen denean berez zarratzen dela iturri hori? Azaldu hemen berriro, mesedez.

Hara artzain antza daukate hauek, makila besapean eta kontu kontari ikusten ditugu.

Ana, Marije, Txaro eta Xabier ondo zaudete? zeuon ikusi beharrak ez dauka akaburik gero!

Taldeko batek kontatu zuen hor behean agertzen den lehenego etxean eurak bizi izan zirela; etxearen izena ere aipatu zuen, baina ez genuen apuntatu. Nork daki nola duen izena etxe horrek?

Heldu ginen Bizkargira, zeozer jan, irrintziren bat bota eta Santa Kurtz ermitari agur egin genion maiatzaren 3ra arte.

Batzuek fruitu lehorrak, ogitartekoa edo fruita jaten dute beste batzuek, ordea, ez loditzearren hori ere ez. Jan ezazue jan, fraka berri handiagoak ere saldu behar dituzte-eta!

Zertan daukagu hor Hilario belauniko, errezetan? Ezetz jakin Katalunian neska-laguna esateko nola esaten duten, galdetu Dabid-i horrek badaki-eta. Nola da "novia" katalanez?

Zuhaitz kontuetan ezjakinak gara, pinuaren aurrean dagoen zuhaitz hori zer da pagoa? Bateren baten omenez sartu zutela aipatu zuten, baina zer den zalantza daukagu. Zer da?

Arburu, mendi polita benetan! Egun argia eginez gero paraje ederrak ikus daitezke bertatik.

Arburu atzean utzi eta hor goaz Atxelirantz.

Hemen Gorozikako barnetegiko neskak ere!

Eskerrak Bermeoko Hilario gurekin etorri zen, bestela ea nola pasatuko ginen arbola horren azpitik, horrek dauka indarra horrek!.

Atxeli mendian Balendin Enbeitak gurutzeari jarritako bertsoak abesten; doinua ez genuen ondo jakin, baina Txaroren belarri onari esker atera genuen.

Lehenengo bertsoa: Gazte nintzala talde bat gendun/ euskaldun jatorra eta fededun/ hartu genduan erabagia/ jartzeko gurutz paregabia/ esan ta egin/ jarri genduan ATXELI MENDIN/ herri osoan ikusi zedin.

Ederto ezta?

Atxeli egunean denek batera abesten dituzte harrian idatzita dauden bertsoak.

Bigarren bertsoa: Zortzi metro ta erdi luzeran/ bi metro ta erdi zan zabaleran/ aldapan gora geroan pozez/ noizik behin jausten ginean auspez/ zazpi mutilak/ danok sasoiko eta abilak/ borondatezko bihotz umilak.

Txakale auzorantza ez, Usparitxarantz egin behar dugu. Aurreko irteeran Ordorikatik eta Ariatzatik ibili ginen, zenbat auzo dauzka Muxikak bada? Nork daki?

Atxelirantza markatzen du seinaleak ezta Alberto?

Han barrenean ikusten den kea zein lantegitakoa da?

Laino beltz horiek euria dakarte.

Hona hemen Usparitxa-Jauregi baserria, Balendin Enbeita jaio zen baserria.

Aitorrek eta Imanolek egindako "kurtzekiak" eskuetan hartu zituen Xabierrek argazkian hobeto ikusteko. Ohitura den bezala, horiek Erramu Igandean eleizara eramango zituzten bedeinkatzeko. Usparitxakoei esker ohitura hori oraindik mantentzen da. Badakizue ezer horretaz?

Harrera beroa egin ziguten Jauregikoek, euren lana albo batera utzi eta Imanolek ermitako giltza hartu eta ikusi nahi izan zuten guztiei erakutsi zien, Aitorrek eurek ekoiztutako txakolin boteilak eskaini zizkigun. Hauek bai eskuzabalak!

San Isidro ermita ondo zainduta dago, baina zer da bada, autoak aparkatzeko aingura erabiltzen dute?

Hara Jose Luisen poza, euskara ikasten ibili zenean baserri honetan hainbat egunetan egin omen zuen lo. Ezusteko ederra ezta?

Han barrenean Ariatza ikusten dugu, horraino heldu eta nahi duenak Atxelipe txokoan tragoren bat hartuko du, nahi duenak Gernikaraino oinez egitea dauka eta nekatuta dagoenak autobus geltokian autobusa hartu eta habiara.

Hara Usparitxakoek-eta nola zaintzen dituzten mahastiak. Ezin da txakolin txarrik atera hortik!

Hauei labur egin zaie ibilbidea; hala espabilatu denek alde egin dizute-eta.

Honaino geure erreportajea, gustatu zaizue?

"Ezetz Jakin" lehiaketa

2009-04-16T21:39:00.009+02:00

Martxoko "Ezetz Jakin" lehiaketan 109 lagunek hartu dute parte eta erantzun guztiak guztiz ondo jarri dituztenak 77 izan dira. Hilabete honetako saria Alboka jatetxeak eman du.

Ander Iturbe Rementeria irabazlearen izenean Aitor Jaiok jaso zuen Karmele Arrasateren eskutik bi lagunentzako afari txartela; sari banaketan eurekin batera Idoia Fernandez Euskera zinegotzia, Joana Urrutia Aita Villasante Udal Euskaltegiko idazkaria, Igone Olabarria Gernikako AEK-ko zuzendaria eta Pili Ibarra BERBALAGUNeko dinamizatzailea.

IRTEERA

2009-03-29T10:39:00.003+02:00

Hilero irteera bat gutxienez!

Oraingo honetan apirilaren 4an egingo dugu irteera. Nora? Bada, "Txiki"k honako hau prestatu digu:

Gernika-Autzagane autobusez, eta handik Arburu-Bizkargi-Atxeli-Usparitxa-Ariatza oinez.

Hiru bat orduko ibilaldia da, eta eguraldiak laguntzen badu, paraje zoragarriak ikusteko aukera izango dugu.

Hamaiketakoa norberak eraman behar du.

Gogoratu "Andra Mari Martiko" inguruan kukua gure artean izaten dela eta badaezbada, dirutxua aldean eramatea komeni dela.

Hemen duzue irteera iragartzeko atera dugun kartela. ONGI ETORRI!!!!!!!!!!!!

Udaberria heldu da!!!

2009-03-19T20:23:00.004+01:00

Txoriak kantari...
...agur neguari.

Pasialekuko lorategian dagoen magnolio dotorea, udaberria somatu eta lorez jantzi zaigu.

Argazkiarekin konformatzen ez bazarete, hurbildu bertara eta gozatu natura amaren edertasunaz, gure zuhaitz eder hau biluztu baino lehen.

Hilabete barru-edo beste argazki bat aterako diogu zenbat aldatu den, lorak nola galdu dituen eta natura zeinen kapritxosoa den ikus dezazuen.

GERNIKA-ARIATZA irteera

2009-03-17T16:31:00.041+01:00

Euriak ez gintuen kikildu, irteera egin genuen martxoaren 7an. Ibilbide osoa aterkipean egin behar izan genuen, baina merezi izan zuen, polita benetan Txikik eta Andrinuak prestatu ziguten ibilbidea. 27 lagunek erantzun genion BERBALAGUNen deiari. Bederatzietan Gernikan irten eta hamaika eta erdietarako Ariatzako Atxelipe txokoan izan ginen. Han hamaiketako ezin hobea prestatu ziguten Moixok eta Bedak: salda, urdia, txorizo frijitua eta gordina, tortillak,... ezeren faltarik ez genuen izan. Barrua ondo berdinduta batzuk autobusez itzuli ziren Gernikara beste batzuek, ordea, oinez egin zuten handik honakoa.

Eperlandaren gainean Joxemiel Barandiaranek esandakoa: "Hareek egiten ei ebezan ekitaldiak eta euki ei ebezan sinismenak ikusita, kristau erlijioaren kontra eta, agian, herrian ofizialki onartzen zan egoera sozialaren kontra gauzatu zan mugimendu klandestinoa ziran".

Joan zinetenok ibilalditxoa bergogoratu dezazuen, ordenan jarri dizkizuegu argazkiak hemen. Ea gustatzen zaizkizuen:

Ajangiz eta Muxikako kurtzean ateratako argazkian taldeko batzuk.
Lagun asko joan ginen eta argazki bakar baten sartu ezin ba denok.

Joan ginen denok agertzen gara argazkian? Inor falta bada errepikatu egin beharko dugu irteera eta argazkia berriro atera.

Hona hemen Joseba gure Berbalagunkidea. Honek egunero-egunero Arrate irratirako egiten du berba, eguraldiaren berri eta une horretan dagoen inguruko berriak ematen ditu. Gure ibilaldiaren berri eman zuela esan zigun. Badakizue Arrate irratia Eibar aldean entzuten dela, ezta?

Argazkian haizeak egindako triskantzak nabariak dira, galdetu bestela Zallatik etorritako Xabiri.

Jendea pozik agertzen da hor, Borikene baserriaren aurrean. Zer topatu ote dute bada?

Atsedena hartzea tokatzen da oraingoan, ezta Migel eta Frank?

Senar-emazteak dibortziatuta ala Txiki? Ana, ez sartu horien artean badaezpada ere.

Hara, hara Andrinua neurriak hartzen. Kana erdikoa da?

Mendi irteera barik, aterki desfilea egin zenuten ezta?

Hara, argazkilaria ere argazkian harrapatu dute.

Hemen Eperlanda! Akelarrerako prest? Ez duzuela akerrik ekarri?

Akelarrerako baino uger egiteko aro hobea dago hor, ezta Barrena eta Rosa Mari?

"Sasi guztien gainetik eta laino guztien azpitik"

Zertan ari zarete? Galduta? Lasai, lehen Migel ikusi dut GPSa martxan jartzen.

Eperlandan bakoitzak bere jakinduria azaldu zuen. Horra hor Andrinua bere istoriatxoa azaltzen. Monolito horrek ez dauka plakarik , nork kendu dio?

Hemen Mariangelesek denak aho zabalik utzi zituen, zenbat kontu baina!!!

Honen kontatu beharrak ez dauka akaburik! Zer gertatu zen?

Behelainoa dago, ezer ikusten duzue hortik ala Karmen?

Hor goaz denok ilaran Ordorikarantza.

Ordorika gero eta hurbilago.

Hara ze polita den Ordorika!

Noren etxea da hori? Jabirena? zein da bere izena ba?

Han barrenean ikusten den etxe dotore hori zein da Usparitxa? Nor daki?

Antzina, emakumeak elkartzeko lekua izango zen labadero hau ezta?

Alpelarri horrek ere sasoi hobeak ezagutuko zituen, ezta?

Horra hor euriari gehiago egiten San Jose lorak (Primulak) ere.

Zeintzuk dira lora horiek, nork daki?

Hara iturri horren data: 1886koa dela dio. Nondik hartzen du ura bada? Sasoi baten garbantzuak egosteko uretan horra joango ziren ingurukoak, ezta? Nork dakizki horren kontuak? Ordorikakoek? Ea ba Jabi, Ani, Juantxu,... azaldu guri.

Hemen Oka ibaia Fuenterrabai parean, Ariatzan. Polita ezta?

Atxelipe txokoan mahaiaren inguruan, Itsasmendi txakolinari gustua hartzen.

Hemengo txoko gehienetako kontua, gizonezkoak alde batera, eta ...

... emakumezkoak beste aldera.

Atxelipe txokoa baino politagorik bai inon?

Dena gozo, dena ondo. Hurrengoan gehiago eta ahal bada hobeto.

"Ezetz jakin" lehiaketa

2009-03-09T23:42:00.005+01:00

Hirugarren urtea da lehiaketa arrakastatsu hau egiten ari garena. Herritarrek hilero hilero pozik parte hartzen dute, eta hile batekoa amaitu eta hurrengoan zein galdera egingo jakiteko desiratzen izaten dira. Gure laguntzaileak ere fin baino finago aritzen dira, batzuk sariak ematen edo galderak prestatzen, beste batzuk orriak banatzen edo iradokizunak egiten; denok gara partaide ekintza deigarri honetan.

Jakin dugunez, Bermeoko eta Lekeitioko BERBALAGUNek plagiatu egin dute gure ideia eta martxan ipini dute antzeko txapelketa-lehiaketa. Dena izan dadila euskararen alde!

Hurrengo argazkietan agertzen dira urtarrila eta otsaileko irabazleak:

Otsailean 68 lagunek hartu zuten parte. Horietan irabazle Jon Olaizola izan zen eta goiko argazkian Omago Txikiko Felipe Omagogeaskoa agertzen da saria ematen, eurekin batera Ekain Hormaetxea kultura zinegotzia eta Kepa Karakuel Busturialdean Euskaraz Bizi taldeko partaidea.
Urtarrilean 63 lagunek eraman zuen lehiaketa beteta Kultur Etxeko buzoira eta irabazlea Jorge Alfageme izan zen. Bi lagunentzako afaria irabazi zuen Gernika jatetxean. Berarekin batera Igone Olabarria AEK-ko zuzendaria, Esteban San Pedro Aita Villasante Udal Euskaltegiko zuzendaria, Bitor Zarrabeitia euskara teknikaria eta Pili Ibarra Berbalaguneko dinamizatzailea.

ARATUSTE MARTITZENA

2009-03-08T10:59:00.020+01:00

Aratusteak ondo aprobetxatu behar dira gero Garizuma datorrelako eta badakizue sasoi horretan "barau, bigili,..." eta halakoak agintzen omen ditu Eleizak. Euskal dantza taldeko ikastarokoek ondo baino hobeto dakite hori, eta karnabal martitzen iluntzean han ibili ziren dantzan, jaten eta denari emanda. Ez da horrela?

Hara hemen egun horretan ateratako hainbat argazki. Nortzuk ez ziren etorri? ea, zerrenda pasatuko dugu:

Kopuru polita taldearena, ezta? Batzuk kanpora joanda zeuden, beste batzuk umeekin, beste batzuk ez dira mozorrozaleak,......
Nork igarri nortzuk diren! ea, ea, eman pista batzuk, nortzuk zarete?

Horiek marro jantzita egon arren, badakigu nortuzk diren: Kontxi, Jon, Zirats, ... eta beste biak?

Hau zailagoa da, nortzuk zarete? Pistak behar ditugu, ezkerrekoa ...., erdikoa ...,

Edalontzi eta guzti dauden horiek nortzuk dira?

Miss-en desfilea izango da hori, nortzuk izkutatzen dira zapi horien azpian?

Jon, zu ugaria zara gero! batzuekin argazkia, besteekin ere bai. Ez azaldu nortzuk diren horiek.

Horko bat ezaguna egiten zait, baina bestea nor da?

Hauek buruko zapia albo batera utzi eta hor daude dantzarako prest; baina zuen izenak ez ditut gogoratzen, ea nor da nor?

Hauek dantza konturik ez daukate ezta Amaia eta Elena? Nor da zuokin dagoena?

Lutxi, zu bai dotore! eta Garbiñek zer dauka edalontzian? ura izango da ezta? bestela ea nola egingo duzuen gero dantzan.

Maierreko neskak orain ere atsedenaldian. Ea, ea azaldu nortzuk zareten!

Tortillak, pernila, txorizoa,.... dena gozo! Gero jan-neurrian zaudetela esango duzue.

Bat, bi, hiru, lau,.... Ezkerrekoa nor da ba? eta hirugarrena?

Beno ba, hemen dauzkazue Aratustemartitzeneko argazkiak. Handitu gura badituzue, egin gainean arratoiarekin klik eta handituko da. Zuon komentarioak nahi ditugu, ea argazkien gainean zer kontatzen diguzuen.

IRTEERA Gernika-Ariatza

2009-03-03T10:58:00.002+01:00

Martxoaren 7rako prestatu dugun irteeraren berri ematen duen kartela duzue hurrengo hau. Animatzen bazarete goizeko 9etan Kultur Etxearen aurrean egon beharko duzue, hori izango baita irteeraren abiapuntua.
Gernika-Arabietako presa-Kanpantxu-Elosu-Eperlanda-Ordorika-Ariatza izango da ibilbidea, 10km ingurukoa.

Gure gidari profesionalak, Txikik erakutsiko digu bidea.

Hamaiketakoa Ariatzako Atxelipe txokoan jango dugu.

Eperlandatik pasatuko gara. Entzunda izango duzue antzina Eperlandan, sorginek akelarreak egiten zituztela ezta? Ba "in situ" konbrobatu nahi baduzue, etorri eta agian.....

Aratuste domekan irrintziak

2009-03-01T23:36:00.008+01:00

Azken hiru urteotan egin dugun moduan, Aratuste domeka eguerdian Elai Alai dantzari taldearen saioaren ondoren, gure saiotxoa egin genuen. Elkartu ginen zortzi lagunek geure aportaziotxoa egin genion jaiari.

Ikastaroan ikasitakoa praktikan jarri genuen eta argi geratu zen urterik urtera hobeto egiten dugula. Irrintzi laburtxoak, luzetxoak, "kanon" eta guztikoak,.... Itziar Okarizek New Yorken egin omen dituenak bezain luzeak (10 minutukoak) ez dira izango geureak, baina onak bai gero.

Hamaiketakoaren truke berriro ere ekingo diogu datorren urtean.

Hurrengo azgazki gehienak Gazte saileko teknikara den Leire Etxezarragak ateratakoak dira:
Hemen talde osoa marro jantzita.

Geure maestrak instrukzioak ematen, nor hasi, nola amaitu, ....

Aurton eskuko mikrofono bi ipini dizkigute; azpiegituran ere hobetzen goaz!

Lehenengo irrintzia ezkerreko taldeak, nortzuk ote dira baina?

Orain txiki bi horiek, zer lotsatuta zaudetela? Ba, ez daukazue hamaiketakorik gero!

Horrela da bai, aiaiaiaiai........ijijijijiji...ji!

Irrintzi ikastaroa

2009-03-01T20:35:00.022+01:00

Amaia Garciak ondo baino hobeto prestatu zuen eman beharrekoa: esku-larruak, papertxoak, interneta, cd-a,.... 21lagun batu ginen ordu eta erdiko saioa egiteko.

Hona hemen ateratako argazki batzuk:
Ezetz igarri zertan ari diren goiko horiek!

Amaiaren esanak ondo bete zituzten denek. Denek? Beñat, ez daukazu tripan ipintzeko paperik ala?

Papertxo bat paparrean, beste bat urdailean eta hirugarrena sabel aldean.

Hori, hori Maite eta Lutxi! Arnasa ondo hartzen duzue?

Amaiak ondo zaindu zituen denon mugimentuak.

Hau bai irrintzi ikastaroa, ezta?

Arnasa sakon hartu eta barrua ondo hustu, hori zen egin beharrekoa.

Lanetik etorri eta etzanda gustura ikusten ditugu Igone eta Arantzazu.

Sudurretik hartu arnasa eta ahotik bota!

Erdi ilunetan, etzanda, lagun asko, iluntzea, ... ez dakit ba batzuk lo geratu ez baziren!

Zutunik, popa sartu, tripa sartu, eskuak gerrian eta ea Manu, Mari Angeles eta Inma hasi irrintzi laburra egiten.

Amaiak badaki zelan jarri behar den irrintzia egiteko!

Zertan ari dira? Botatik edaten? Horrela ez da edaten gero! Botatik edaten ikasteko ikastaroa egin beharko dugu!

Honek badaki botatik edaten!

Aupa Errose, berotu eztarria gero irrintziak egiteko!

Samaniegoko Iñakiren bodegako ardoak eztarria berotzen majo lagundu zigun. Aupa Gotzone erakutsi hortik edaten badakizula.

Hara Jaioneren indarra, irrintzia bota eta ingurua sutan jarri zuen. Honek bai hauspoa!

Merruko neskek ere barru ona gero!

Azkenera arte geratu ziren batzuk agertzen dira hor argazkian, beste batzuk argazkilariak ez zituen hartu. Mama goxoa!

Hauek bai irrintzia botatzeko gogoa! Bitor, Marije, Mari Karmen eta Amaia Hori duk eta!

Irrintzi ikastaroa

2009-02-15T23:02:00.003+01:00

Aurtengoarekin, hirugarren urtea da irrintzi ikastaroa antolatzen duguna.

Otsailaren 19an, arratsaldeko 19:30ean Elai Alai aretoan izango da saiotxoa eta Amaia Garciak irakatsiko digu arnasa kontrolatzen, irrintzi laburrak eta luzeak nola egin behar diren eta amaiera egokia zein den.
Parte hartu nahi dutenek izena eman beharko dute ohiko lekuetan.

Hona hemen saioa iragartzeko atera dugun kartela:

Kafe usaineko lehenengo tertulia

2009-02-10T23:44:00.008+01:00

KOLOREAK EUSKAL HERRIAN

Koloreen gainean ari ginen "kafe usaineko tertulian". Onintza Enbeitak ederto baten bideratu zuen saioa. Zenbat gauza esan daitezkeen koloreen gainean, baina! Zuria-Beltza eta Gorria oinarri harturik gaur eguneko koloreetarainoko hausnarketa egiteko aukera ezin hobea izan genuen ordu bi eta erdiko tartean.
Hainbat esakera eta abesti aipatu genituen, hona hemen denon artean abestu genituen batzuk:

HAIZE HEGOA
Haize hegoa, gau epela; ilargiaren argi. Mutxurdinak leihoetan, teilatuan katu bi; bide ertzean zenbait kanta gau erdiz arnoari, hargaineko sorgin zaharra, keinuka ilargiari.

BALTZA NAZELA DINEURE
Baltza naizela dineure, ai, niri ez deust ardure! Ardaua baltza da baia, aAi danek edaten deure.

AXURI BELTZA
Axuri beltza ona dun, baina, zuria berriz hobea. Dantzan ikasi nahi duen horrek, nire oinetara begira.

BAUTISTA BASTERRETXE
Bautista Basterretxe, mutiko pijua. Neri gurdi ardatza, ostuta dijua. Beltzak eta zuriak, izango dituzu. Nire gurdi ardatza, ematez baidazu.

AITTITTE DALA....
Aittitte dala tuntulun berde; amuma dala masustre. Aittitte joan da Vitoriara (Bitturidxera), amuma lepoan hartute.

Biolontzeloa joten Segundo Olaeta Musika Eskolako ikaslea den Mikel Elgezabal izan genuen eta Kirmen Uribek idatzitako "Haizearen koloreak" artikulua Amaia Aldamizetxebarriak irakurri zigun. Irakurri ez baduzue irakurri, merezi du-eta.
Agindu genuen moduan, kafea eta mostatxoiak ez ziren falta izan.

ARGAZKI BATZUK:

Mikelek bere lekutxoa hartu eta ez zitzaigun hortik mugitu, jo behar zuenean jo eta bestela adi besteen esanetara.
Kolore beltza elegantea da, ezta Onintza? Egunotan, arrain berderik jan duzu ala?Nor da lanerako zuria? Negu gorria aurtengoa!

Amaiak aukeratutako testua denoi gustatu zitzaigun. Eskerrik asko Amaia.

Ahotsa ondo hezita dauka Amaiak, badaki noiz altxatu eta noiz ezti-ezti erabili.

Kantu-paperak eskuan azterketa egiten.

Oizmendi telebistako produktore nagusia ere hor harrapatu dugu; zer Itsaso saioa ondo doa?