سباح فى بحور الظلام

14 نوفمبر ليله ساحره فى الاسكندريه

2009-11-14T23:52:00.014+02:00

مصــــــــــــــر V.S الجــزائــــــر

14 نوفمبر

كانت ليله 14 نوفمبر فى مدينه الاسكندريه ليله مختلفه وجميله مليئه بالافراح بعد فوز منتخب مصر على الجزائر فى مباراه مستفزه وصعبه احتجنا الى هدفين فى تسعين دقيقه جاء الهدف الاول فى اول دقيقه والثانى فى اخر دقيقه وباقى المباراه كنا قاعين على اعصابنا شويه ندعى وشويه نتنرفز وشويه تشدنا هجمه ونقف على حيلنا وشويه نقول الحمد لله ..... المهم المباره خلصت وفرحنا واعتقد ان كل الناس كانت محتاجه فرحه زى دى من زمان تخرج فيها طاقتها وتعيش يوم مختلف عن الايام الروتينيه بغض النظر عن سبب الفرحه .
هنا فى الاسكندريه حيث اعمل الان امتلئت الشوارع بالسيارات والناس الذين تركوا منازلهم ليخرجو فى موكب جميل ويعبروا عن فرحتهم فاصبح الكورنيش وكانه قاعه افراح كبيره مسموح فيها بكل اشكال الفرح من العاب ناريه ومبارزه بالسيارات والموتسيكلات حتى انى لقيت واحد بيأمرك بالقمر الصناعى حقه (بتاعه بالمصرى) انا عن نفسى كنت عاقل خالص فى اليوم فعلى سبيل المثال اول مالهدف التانى جه الناس كلها فرحت فى مكانها وعلى كراسيها فى القهوه اللى كنت عليها اما انا فسيبت القهوه وطلعت اجرى فى الشارع ورى العربيات زى مكون كنت بسابق فيها انا فعلا كنت محتاج يوم زى ده افرح فيه كده كنت محتاج تغيير ومباراه زى دى احسن تغيير ليومك لما نفوز وان شاء الله تكمل الفرحه يوم الاربع وساعتها ممكن اجرى على السكه الحديد واسبق القطر يعم الحج ... انا مش مجنون والله بس بحب الكوره ومبحبش حد يكسب مصر المهم انا خرجت فى الموكب اللى كان فى الاسكندريه وصورتلكم شويه فيديوهات ممكن تشوفوها وتشوفو الناس كانت مظقططه قد ايه
بس اليوم فعلا كان كله حلو وكله اخبار حلوه لانى سمعت فيه خبرين تانين حلوين الصبح فيهم واحد يخص مستقبلى وربنا يوفقنا كلنا فى مستقبلنا ويجعل ايامنا كلها افراح .
عايز برضو ان فيه حاجه غريبه انا حلمت ان المباراه دى هتخلص 4 - 1 لمصر ومش عارف ايه اللى حصل النتيجه متحققتش ليه اكيد الحكومه ورى تبويظ الحلم بس لسه فى يوم تانى .

كورنيش الاسكندريه بعد المباراه

2008بلا عنوان

2009-03-15T19:54:00.025+02:00

2008بلا عنوان

مر وقت طويل وانا ازور مدونتى هذى كغريب لا امكث فيها سوى بضع دقائق وكأنى ابحث عن شئ ولكنى سرعان ما اخرج ولا اعلم السبب فى انى دائما اريد ان اطل عليها مع انى اعلم انى لن اضيف اليها شيئا ولكن ربما لانى اشعر وان هذه المدونه اصبحت تعبر عن حقبه زمنيه قضيتها وانها تعبر عن وقت ولو قصير كانت لى فيه تطلعات واحلام وافكار فانا سرعان ما تأسرنى فكره وسرعان ما اعزف عنها ولكنى ورغم انشغالى وضيق وقتى اجد نفسى اريد ان اكتب بوستا جديدا على صفحات مدونتى ( سباح فى بحور الظلام ) لا يناقش موضوعا بعينه اويسرد فكره محدده ولكنه يسجل دقائق من عمرى ربما انظر اليه فيما بعد وكأنى انظر الى شئ بعيد ..فهذه دائما سنه الحياه .. كل حدث هو ماضى .. اشعر وكأن الماضى وحش يطاردنى ويحول كل لحظاتى الجميله منها والصعبه الى شبح لا وجود له الا فى وجدانى لذا فانا دائما احب التصوير والتسجيل ..لانى اقدر كل لحظه اعيشها ولا اريدها ان تمر هباءا اريد ان احتفظ ويحتفظ الناس بكل مراحل عمرى اريد ان المس ذكرياتى التى لاتفارقنى واعيشها من جديد . جميعنا له ذكرياته وايامه الجمييله . ايام الطفوله والمدارس ايام لاتتذكر منها سوى كميه الطاقه التى كنت تمتلكها ويمكننى تذكرها حينما تمر على مدرسه ابتدائيه وتسمع صخيب وضجيج الاطفال فيهاوحينها تتعجب من قدره المدرسين على تحمل مثل هذه الضوضاء يوميا دون تزمر ..ولك ان تتخيل انك يوما ما كنت احد هؤلاء المشاغبين لك ان تتخيل افعالك الطفوليه الجميله والتى تزعج بها دائما الكبار لك ان تتخيل كميه الاحداث التى كانت تحدث فى يوم واحد وربما اقدر يومى الان بنصف اى يوم من ايام طفولتى فان حاولت ان اعدد احداث يومى الان لن اذكر الا حدث او حدثين بارزين وبقيه اليوم هو شئ روتينى .. اما فى الماضى ف...... ربما هى عقده الماضى ورهبه المستقبل التى دائما ما تطارد اى انسان
اكتب هذا الموضوع الان وانا فى قمه الارهاق بعد يوم طويل من العمل وبعدما استسلمت لفكره النوم ولكنى عدلت عنها اكتب وانا فى مقتبل فتره حاسمه من حياه صغيره لانسان بسيط وسط ملايين البشر انسان له طموحات كبيره وعظيمه وطالما حلم بان يكون مختلفا ولكن حين شعر بانه قد جد جاء الوقت لينفذ احلامه ويبدأ اول خطواته نحوها تضاربت فى صدره المشاعر والمخاوف والاحلام يدفعه حلمه ومستقبله العظيم من الخلف بينما يقف امامه شبح الفشل وصعوبه الامر ويحول دون تقدمه .. احيانا اشعر بانى قوى جدا ويمكننى ان اكون متميزا وبطريقه مختلفه واحيانا اخرى اشعر بانى تأئه وانه لا مجال للتميز فى ظل ظروف كهذى .. ولكن رغم هذا فانا اتحسس طريقى وابدأ بدايه طريق ضخم وغير تقليدى بخطوات متردده بين الحماسه والخوف .. فاحيانا اشعر بعنفوان عظيم وطاقه كبيره واحيانا اخرى اشعر بالوهن والعجز ..
ووسط ذلك احن الى ايامى السابقه وزملائى القدامى واصدقائى المقربين ورفقائى احن الى ايام السهر والفراغ ليس من كسل او من حب الفراغ ولكنى احن الى الهدوء والبساطه والحريه والبعد عن الارقام التى تقيد حركتى احن الى القصص والحواديت والحكايات التى كنت اختلقها انا واصدقائى فدائما ما كنا نعمل من الحبه قبه ونقعد نتسلى طول الليل فى كلام ملوش لازمه واخر الليل نقول بلاش مواضيع تافهه ويأتى اليوم الذى يليه ونكرر نفس القبه
اتذكر هذه الايام اكثر حين افتح مجلد صورى الخاص الذى يمتلئ بالاف الصور التى التقطت فى كل مكان منها صور تحمل كل معانى المعاناه والملل ايام المذاكره مثلا صوره وانا نايم ماسك الكتاب برجلى وقرفان منه بس مضطر ابص فيه ومنها صوره لواحد صاحبى مغمى عليه فوق الكتاب ويومها كل منفوقه يفتح عينيه يلاقى الكتاب يفتكر الجبل اللى وراه يغمى عليه تانى لحد مفهمنا وشيلنا الكتاب من تحت وشه
صور كتير منها وانا مبسوط ومظقطط فى فسحه حلوه كانت كلها تنطيط ومصور بالشقلوب
صور وانا فى الارض فى بلدنا لما كنا نروح الغيط عند واحد صاحبنا ونعمل اكله رنجه ننام على الارض عادى زى مكنا بنعمل واحنا عيال صغيره ( كان شكلى نضيف جدا وانا صغير تخيلو ) صورر كتير كتير كل مفتحها بفتكر ايام حلوه . ورغم انى مش بعيد عن الايام دى بس بحن ليها ورغم انى ممكن اعيش لحظات اجمل منها بس شتان بين تفكيرك دلوقت ومشغولياتك وطموحاتك فى مستقبلك وبين لما كنت صغير ومفيش فى دماغك غير الفسحه ... اعلم انى سأتذكر هذا اليوم الذى اسجل فيه حنينى للماضى واتمنى ان اعيشه من جديد فانا فعلا اريد ان احتفظ بكل لحظات حياتى
عندما تقرأ هذا البوست ربما يصيبك الملل وتعزف عن اكماله ولكنه بالنسبه لى ذكرى اتمنى ان اعود اليها بما يشفى صدرى
كنت منذ فتره اود ان اكتب عن انتهاء الامتحانات ثم نويت ان اكتب عن ظهور اخر نتيجه فى البكالوريوس والنجاح وانتهاء فتره المزاكره وبعد ذلك قلت انى ساكتب عن فتره الامتياز وكونى اصبحت طبيبا رسميا ثم قلت لا هذا ولا ذاك ساكتب عن اتخاذى لمجال الجراحه مجالا لى والدأب فى تنفيذه ولكنى دائما ما كنت اؤجل اى كتابه لانى دائما اشغل وقتى باشياء عديده واريد ان افعل كل الاشياء فى وقت واحد
ولكنى لن اتكلم عن اى منهم فقط ساتحدث مع نفسى واكتب اليها واعلم ان هذا البوست لن يعجب الكثير ولعل الكثير قد نسوا صفحات مدونتى هذى بعد الفتره الطويله التى ابتعدت فيها عن عالم التدوين ..ربما يكون كلاما لا معنى له عند البعض وربما يكون كلاما غامضا ولكنى اعرف ان كلماتى لها مغزى فى نفسى ساكتب عن هذا العام الغريب الغريب الغريب والذى لم اعهد اى عام يشبهه من قبل .. فان كان لكل انسان منا عام حزن فانا اعتقد انه هو عام الحزن بالنسبه لى
انه عام 2008 بدايته كانت صعبه جدا وعصيبه عشت بها فتره توتر جراء الامتحانات الصعبه ولكن هذه فتره صحيه اما ما لم يكن صحيا بالنسبه لى هو وفاه جدتى والتى كانت رغم كبر سنها وشيخوختها تعتبر الحلقه التى تصل كل العائله ببعضها وتجمعها ثم يتبعها بشهور قليله عمى الشاب والذى كان بمثابه الفاجعه للعائله كلها وكأننا لم نكن نصدق اننا تحت طائله القدر والعياذ بالله فجاءت هذه الفاجعه دون اى انذار لتختطف عمى فى ثوانى قليله من بيننا .. هذا الرجل الطيب بكل معانى الكلمه والذى لم يكن يملك فى الدنيا ناقه ولا جمل رغم ثرائه ولايحمل فى صدره خبث ولا غل لاحد فكان يعامل الناس بطبيعه الطفل طبيعه البراءه دون ان يفكر انه توجد مصطلحات تسمى الخيانه والنذاله والشر وقد كانت هذه مشكلته فى الدنيا والتى لم يفهمها البعض الا بعد رحيله ولست هنا لاعدد محاسن عمى واسرد مواقفه فيكفيه حسن الخاتمه ان شاء الله تعالى وادعو له بالفردوس الاعلى عند رب رحيم. وبين وفاه جدتى ووفاه عمى تللك المصيبه التى حدثت معى من تربص بعض ضعاف النفوس وتكالبهم لايذائى والتى كنت قد تحدثت عنها فى بوست سابق ( ادينا بنتعلم ) اذكر مع كل هذه المواقف احداث وكوارث العالم العربى والاسلامى من حروب وتضارب وتشتت اذكر كل قضايا الفساد فى مصر فى عام 2008 فقد كنا نسمع كل يوم عن قضيه فساد اكبر من سابقتها من حريق هنا الى انهيار هناك الى احتكار و غيره
ووسط كل هذه الاحاث المظلمه والتى اذكرها والخصها فى كلمات بسيطه وقليله لا اغفل النقاط المضيئه فى هذا العام نعم فقد كانت هناك لحظات فرح وسعاده كثيره لا ولن تنسى ايضا فلا يعقل ان تكون الدنيا كلها مشاكل وهموم لابد من وجود ذلك وذاك حتى نشعر بطعم الدنيا وفى النهايه ان سألتنى عن عام 2008 سأقول لك اننى احبه جدا واتذكر فيه ايام جميله وزكريات دافئه اتمنى ان اعيشها مره اخرى وهذه هى سنه الحياه وهنا لذه الحياه والتى بدونها تصبح الحياه بلا الوان ( ابيض واسود ) لابد ان اشعر بالحزن حتى اعيش الفرح ولابد ان اشعر بالخوف حتى اعيش الامان ولابد من الطموح والامل حتى اعيش

الحاج عبد الواحد ابو عاصى الذى ترك فراغا عظيما فى نفسى رحمه الله اعليه

الحاجه ام محمد الله يرحمها قبل وفاتها بشهر تقريبا

حينما تجالس رجل كهذا تشعر وكأنك تجالس التاريخ .. تجالس قرابه قرن مضى بحواديته وحكايته التى تنصت اليها كالاطفال .. حين يتكلم عن اجداد قدامى وابائهم وبيوتهم ومعيشتهم حينها لايقتصر الحديث عن شخص معين بل عن زمن بعاداته وتقاليده

يسلام لما تحس مسجون في صفحتين معذبينك وممغصين عليك عيشتك ولما تخلصهم تقول كات ايام حلوه
الواد ده ابن اختى اللى بيقولى ياخالو .. منا بقيت خالو وبعد شويه هغمض عينى وافتحها الاقى نفسى اب وجد كمان والواد ده هيبقه خال .. وده والدى ربنا يخليهم

يسلام على الروقان

صوره فى المنصوره بعد امتحان الجراحه وقبل الدخول فى معركه النسا الداميه 2008

الوحيد اللى بيفتخر بانه من الارياف وبيتمنى يزور بلده فى اى فرصه ولو صغيره .. مفيش احلى من الطبيعه والهوا النضيف و الناس الطيبين

ابتسامه صافيه فى يوم جميل فى جامعه الزقازيق 2007

لا تعليق

احلى شله تلبس نضارات بليل ( ولاد عمى)

كبير سنفا والقرى المجاوره واللى ميعرفش المليجى .. عادى وايه يعنى

مهندس احمد عسل .. اكبر تاجر بلاليص فى المنطقه

اهدى انسان ممكن تقابله فى حياتك

مهندس محمد حازم

وده عمره معترض على حاجه

مهندس محمد صبرى

جبنا حوت اللهم مصلى على النبى

احلى واحد يقول نكت رخمه ويموتنا من الضحك .. مش على النكته .. على ضحكته

مهندس بترول عماد الجندى

مصر زماااااااااان ..قول للزمان يرجع تانى

2008-09-26T04:47:00.008+02:00

EGYPT at the beginning of 20th century

بسم الله الرحمن الرحيم

السلام عليكم ورحمة الله وبركاته

جميعنا يحب مشاهدة الصور القديمة .. وخاصة إذا كانت هذه الصور لأماكن مازالت موجودة حتى الآن وربما زرناها
حرصت ألا تكون الصور لأماكن صماء .. وإنما صور لأشخاص عاشوا قبلنا وسنعرف الكثير عن حياتهم وعاداتهم حتى تكون الصور بها حيوية
ولنركب آلة الزمن الخاصه بزوار سباح فى بحور الظلام لنتجول بها في سحر الماضي وعبق التاريخ (الصور منقووووله )

وسيلة الإنتقال الفارهة ..
ما ترونه الآن كأنها مرسيدس آخر موديل في وقتنا
فلن يركبوا على ظهر الجمل .. وإنما في حجرة معتدلة .. وتغطيهم من الشمس
أكيد وقتها كان الناس لما تشوف حاجه زى دى معديه عليهم بسرعه البرق وهما قاعدين على بير مسعود كانو بيتمنو يمتلكوها
كانت هذه هي الطريقة التي تنتقل فيها العروسة إلى بيت زوجها ، ويتم تزيين الجمل كما نزين السيارات هذه الأيام
الحجرة التي على الجمل مزخرفة بشكل جميل ومصنوعة بما يسمى اليوم ( أرابيسك )

إحدى الحارات المصرية القديمة ..
لاحظوا البيوت وعليها المشربيات من الخارج .. وغالبية البيوت في مصر القديمة كان عليها مشربية .. وذلك للحفاظ على خصوصية من في البيت .. ولها أيضاً دور في تكييف الهواء بالداخل

أحد المقاهي القديمة ..
لكنها في حي شعبي قديم .. بعكس مقاهي القاهرة القديمة في الأحياء الراقية التي كانت اجتماع نخبة الأدباء والشعراء
شايفينن الواد بليه

ياسلام....
منظر عام للدقي من إحدى البلكونات
لا عمارات .. ولا زحمة .. ولا سيارات
البيوت وقتها كانت كما ترونها .. عبارة عن فلل بحد أقصى 3 أدوار .. وكانت كل فيلا أمامها بعض الأشجار داخلة في ملكية الفيلا
جزء كبير من هذه الفلل موجود حتى الآن وبالذات في مصر الجديدة والدقي وحلوان ..
حيث كان يقيم فيها اليونانيون الذين أقاموا فترة كبيرة في مصر لقربهم منها

صورة المزارعين وهم يستعدون للمرور من على كوبري قصر النيل
(ايام مكانت مصر مفيهاش غير تلات كبارى )
كان الإنتقال وقتها مقابل قرشين .. وكان يتم إعفاء الأطفال دون الـ 6 سنوات
زى القطر عندنا كده

أفراد الجيش البريطاني أثناء الحر العالمية الثانية وهم ( ملمومين ) على أبو الهول
كان قريباً من الأرض وقتها لأن جزءاً كبيراً من جسمه كان مدفوناً تحت الرمال
لذا كانوا يصعدون على كتفه لأنه قريب منهم لحد موقعو منخيره

جنرالات الحرب العالمية الثانية في لقطة تاريخية أمام الأهرامات
الحرب كانت من 1939 إلى 1945
شايف التناكه.. طبعا كانو اسياد العالم
بس فى واحد بينهم اشك انه انجليزى

صورة قديمة لجامعة القاهرة .. في الجيزة
مشهورة بالقبة والساعة الموجودتين حتى الآن ..
تم إنشاء الجامعة عام 1908 وكان اسمها في أول الأمر : الجامعة المصرية
ثم تغير الإسم إلى جامعة فؤاد الأول
وبعد الثورة تم تسميتها جامعة القاهرة
وجارى تحويلها الان الى محل علف لزوم الفهم ..طبعا العيب مش فينا ..
بلا فخر هذه الجامعه الان تحتل المركز 2000 وشويه على العالم وال 11 على افريقيا وطبعا الاول على مصر
فى حين ان جامعات جنوب افريقيا تحتل ال 11 مركز الاوائل على افريقيا
واسرائيل ضمن اول 1000 على العالم على ما اتذكر وطبعا امريكا اول 50 جامعه على العالم بدون مقاطعه

جمع غفير من المصلين بعد صلاة الجمعة في الجامع الأزهر
كان هذا المسجد ليس مجرد مسجداً للصلاة فقط .. وإنما كان له دوراً سياسياً كبيراً جداً
فمعظم الثورات ضد الإنجليز كانت تقام منه بعد صلاة الجمعة ، وكان نابليون يذهب إلى شيخ الأزهر بدلاً من الحاكم كي يترك أثراً طيباً في نفوس الناس
تأملوا الناس في الصورة السابقة .. منهم من يرتدي بدلة وكأنه يعيش بيننا الآن .. والغالبية تلبس الزي الطبيعي وهو عباية وعلى الرأس طربوش
وتلاحظوا وجوه من أفريقيا في الصورة .. فقد كانت تأتي للدراسة في الأزهر على نفقته .. ومازال الأزهر يقدم هذه الخدمة المجانية لمسلمي أفريقيا وشرق آسيا وأوروبا
هيه .. فين الازهر ايام ما كان ازهر قبل ميخد مقرراته وفتاويه من امريكا

خزان أسوان ..
وهو السد الذي كان موجوداً قبل بناء السد العالي ، ووظيفته أنه يحجز مياه الفيضان للإستفادة منها في الري ، لكنه كان لا يحجزها لأكثر من سنة وبعد كده يطلعها على دماغ الناس
المهندسين الذين بنوا السد كانوا يستريحون في جزيرة بالقرب من أسوان اسمها جزيرة إلفنتين .. وهي الآن مزاراً سياحياً مهماً
الصورة السابقة التقطت عام 1906 بكاميرا موبيل المهندس المنفذ ايام الموبيلات الخشب

مؤذن فوق أحد مآذن مساجد القاهرة القديمة
كل ما في الصورة السابقة مازال موجوداً طبق الأصل .. القلعة من بعيد وبعض المساجد الأخرى .. وما بينهما عبارة عن مقابر المماليك
كان المؤذن يصعد أعلى المئذنة ويؤذن بدون مايكروفونات

صورة كانت تتكرر صباح كل يوم .. ومازالت تتكرر حتى الآن ولكن بطرق مختلفة
حيث يقف أحد البائعين صباحاً وأمامه عربة وبها الفطار ويتجمع حوله العمال لتناول الفطار قبل الذهاب للعمل
واعتقد انا شخصيا انه ببيع فول ( رفيق المواطن المصرى )

بائع ألومينوم داخل أحد حواري مصر القديمة
رغم أن الصورة منذ عام 1905 إلا أن الوجوه مألوفة .. وسبحان الله الإبتسامة عليهم منذ القدم
وواضح طبعاً بأنهم كانوا وقتها في الشتاء
بمناسبه الالومونيه
كنت راكب فى المواصلات قريب واذا بعائله غايه فى الكوميدا تركب.. رجل وامه العجوز واخواته وابنائه.. وملو العربيه عن اخرها
السواق يقود مسرعا .. الام العجوز يصيبها الفزع .. طبعا وسائل النقل ايامها كانت اكثر امان .. تقول للسائق ( براحه يخويه انت هتطير بنا ياك ساروخ اما يلهفك) الابن .. خايفه من ايه يامه منتى قاعده ورى ومش هيجرالك حاجه .. تعالى قعدى قدام علشان لما السواق يضرب فرمله تلزقى فى الازاز ونخلص.. فاصل من الضحك..
البنت لامها فين حله الالومونيه بتاعتى يامه اللى خدتيها .. السائق مستعجبا وكأنه كان بيحمل النمسا ومش من مصر الومونيه ...!!! الام بلهجه الغناء المرح .. اه ياخويه .. الالومونيه حلت ستك ياوله .. عائله قمه الكوميديا والبساطه والمرح .. عائله مصريه لسه على طبيعتها وكأنها لم يأتى عليها غبار الزمن ولم تتأثر بموجات العولمه والحضاره الحديثه .. وطبعا استمرت القفشات و الايفهات المضحكه الى اخر الطريق .. كانت احسن مواصله ركبتها فى حياتى .. وخرجتنى من الجو الوحش اللى كنت فيه

صورة اخري لآفطار العمال في الصباح...

عمليه نقل المياه من النيل للبيوت مباشره حيث لم تكن يد التلوث قد وصلتهم بعد

جزء من الآثار الفرعونية في أسوان وهي غارقة
قبل بناء السد العالي كان كل عام يأتي الفيضان ويهدم القرى ويغرق المنازل ويدمر الأراضي الزراعية ، لذا كان التفكير في بناء السد العالي
والصورة السابقة تم تصويرها أثناء الفيضان بموبيل نفس المهندس

هذه الصورة تعود إلى عام 1922 وذلك عندما تم اكتشاف مقبرة توت عنخ آمون في الأقصر
وهي المقبرة الوحيدة التي وجدوها كاملة المجوهرات وممتلكات الملك
اكتشفها أحد العلماء البريطانيين بتمويل من مليونير بريطاني كان من ضمن القلائل الذين يمتلكون سيارة في بريطانيا
وما تشاهدوه في الصورة هو أحد العمال عندما كان ينقل الآثار من المقبرة لترحيلها إلى المتحف المصري بالقاهرة

روعــــــــــــــه.....
منظر غير موجود ولن تراه أبداً .. الأهرامات وبجانها نهر النيل
حيث كان أحد فروع النيل يسير بمحاذاة الأهرامات .. وقد نقل الفراعنة الأحجار إلى هذا المكان بواسطة سفينة كانت تسير في هذا الفرع
السفينة موجودة حتى الآن وتعرض في متحف بالقرب من الأهرامات .. اسمها سفينة الشمس
وهي سفينة ضخمة جداً ولا يمكن أن تستوعبها صورة واحدة

اتمنى الصور تعجبكم.. انا لما شوفتها صممت انقلها علشان كلكم تشوفوها

موقف لن يتكرر معى

2008-09-23T17:08:00.016+02:00

استغفر الله العظيم من كل ذنب عظيم
اللهم اهدنى .. وعلمنى ..وعف لسانى
اللهم وفق قاريء هذه الرسالة، و أعنه على ذكرك و شكرك و حسن عبادتك، اللهم وفقه لما تحب و ترضى، اللهم أحسن خاتمته، و أجعل قبره روضة من رياض الجنات، اللهم ارحمه و ارضى عنه، و ارزقه الجنة التي وعدت عبادك الصالحين، اللهم انصر الإسلام و المسلمين، و أذل الشرك و المشركين، و دمر أعداء الدين و أجعل تدبيرهم تدميرهم يا ذا الجلال و الإكرام

يا عزيزى كلنا لصوص

2008-09-18T00:58:00.011+02:00

ورقصنى ياجدع

بعد موجه بيع و خصخصه المصالح والمصانع الحكوميه بالعام الماضى سعيا لما قالو عنه ( احنا بنواكب العصر .. عصر الراسماليه) يبدو ان الاثر جاء سريعا وخوت جيوب بعض الحراميه من فلوس الشعب الغلبان فقالو نعمل ايه ياولاد .. نجيب فلوس منين .. خلاص معتش فيه مصانع ولاموارد دخل.. البلد مصادرها قلت .. طب والعمل هنجيب فلوس منين علشان حساب بنوك سويسرا يزيد والحراميه الصغيرين يلاقو اكل قامو فكرو انهم يستغلو الفلوس الزياده اللى فى جيوب الشعب الغلبان ويلمو ضرايب قال ايه.. الحلاق يدفع ضرايب ويعمل فاتوره والدكتور كمان يعمل فاتوره والسواق اهو كده كده مش ملاحق على الحراميه اللى على الطريق واى عامل او صنايعى المفروض يعمل فاتوره .. طب والنبى الناس دى تدفع ضرايب ليه.. اكن انا اما اروح لحلاق اقوله هات فاتوره .. ده اسمه كلام ناس عاقلين ناقص اقوله لملى الشعر بتاعى فى كيس .. دول ناس عايشين حياتهم يوم بيوم اللى بيكسبه فى اليوم بياكل بيه يعنى لو تعب يوم ولا نام فى السرير اسبوع هيطلع يشحت ياما هيموت من الجوع ..ساعتها البلد هتديله فلوس ياكل منها .. هما مفكروش فى الحكايه دى طبعا الحكومه الموجوده حاليا لا تختلف عن اللى قبلها كلهم كانو زى بعض بس هو الفرق فى حاجه ضغيره .. الحكومات اللى فاتت كانت بتعمل خطط طويله المدى للنصب على الناس اما الحاليه فهى معندهاش صبر وعملت خطط فوريه لمص دماء الغلابه قالو لنا ده نظام راسمالى ولازم البلد تدخل فيه ونواكب العالم ونرفع الضغط عن الحكومه وندى للفرد فرصه اكبر فى التنميه.. طب هو الفرد لاقى ياكل اصلا هو فى مرتبات فى مصر .. هو فى مصانع فى مصر .. دحنا بنشحت العيش من امريكا يا اغبيه..هى الراسماليه دى معناها انك تخلى واحد زى عز ينفرد بواحده من اهم السلع الاستراتيجيه لاى بلد وادينا شوفنا النتيجه .. وشوفنا عز عمل ايه .. المفروض اى دوله لما بتدخل هذا النظام بتدخل فيه واحده واحده وخصوصا لو كانت دوله فقيره زينا مش قفش .. طبعا كلنا عارفين ان مسيره الخصخصه لسه مستمره لسه التامين الصحى والتعليم وغيره عن قريب بس طبعا هى مش اسمها خصخصه بالمعنى المفهوم اسمها اقطاع .. ايوه للحبابيب يعنى والمحاسيب.. طبعا هى بلدنا دى عزبه ابوهم واحنا مالنا احنا طب لما انتو هتخصخصو كل حاجه يعنى مش هنتعالج ببلاش ولا هنتعلم ببلاش بتطلبو مننا ضرايب ليه .. اسف احنا فعلا بنشرب ميه معفنه ببلاش وبنشم هو بردو ببلاش تخيلو
طيب خلينا نقول الحكومه بتعمل كده علشان تبنى البلد .. البلد كل يوم فعلا بتعلى وبتتقدم بينا.. مصر بتتقدم بينا يولاد والحق القطر..
ومش هتكلم عن كميه المصايب والنصب عينى عينك اللى حصل فى سنه 2008 بس .. انا اصلا مش هعرف اعدهم. والحق القطر.

وردا على موجه النصب من الحكومه قرر الشعب ايضا انه ينصب هو كمان وكله بينصب على كله.. انبارح لاقيت شحات داخل الجامع عنده بتاع 30 سنه كده وشباب وزى الفل وحطط برفان تخيلو الشعب حاطط برفان ومعاه كيس فى علب دوى فاضيه (لزوم الشغل) وماشى بقمه التناكه وبيقول بربى فى كوم لحم والله انا اول مشوفته فى الجامع مقدرتش امسك نفسى من الضحك .. ايه الهبل ده .. هى بقت كده؟؟ طبعا انتو مش متخيلين شكله ..والله لو خبطى كف ليلزقنى على الحيطه ده هو اصلا انضف منى ولكن انا احييه هو هيعمل ايه مهى ده الشغلانه الوحيده اللى الدوله بتتدعمها ومبتخدش منها ضرايب وانتظرو قريبا طرق جديده فى الشحاته بعد ظهور مكبرات الصوت والموبيل والدش .. اه مهو فيه قنوات بتاع ناس شحاتين ولا مش شايفين مسابقات الشحاته.. جاوب على السوال واكسب 100 جنيه .. محمد اللى قاعد جانبى ده اسمه ايه؟؟ .. وكله بينصب على كله ومحدش بيقول لأ ولا حد فاضى يفكر ولا حد بيتحرك الحكومه تنصب واحنا ننصب والبلد كلها بقت مستنقع نصب .. الخواجات بينزلو مصر مبيرجعوش تانى . طبعا عارفين ليه
ختامى بحكم عظيمه
ابدنى تجدنى
الرجل المناسب فى المكان الغير المناسب
مصر هى امى والشعب بياكل زبادى

اللى يجاوب ..يكسب شنطه شحاته بكل مستلزماتها بما فيها كيس الدوى
كم عدد النصابين فى مصر؟
كم عدد المصايب فى عام 2008؟
اذكر اسم نقيب الشحاتين فى مصر؟؟ حد عارفه
علل.. اصابه اكتر من نص الشعب بتورم فى اعلى القفه خلال العام الماضى

ادينا بنتعلم.. مفيش حاجه ببلاش

2008-09-05T18:53:00.006+02:00

بسم الله
اكتب اليوم بوست جديد على صفحات مدونتى تقرأونه كما تقرأون اى بوست يسبقه او اى بوست على صفحات الاف المدونات الاخرى شرقها وغربها..
ولكن حين اقول ان هذا البوست هو اهم ما كتبته طيله حياتى الماضيه .. حين اقول ان هذا البوست هو نتيجه اكبر اختبار مررت به فى حياتى الى الان.
هذا البوست استخدم فى صياغته 28 حرفا كلنا نعرفهم وتعودنا على رؤيتهم ولكنى اليوم ارتبهم كى تنقل لكم تجربه مريره مررت بها ولعلها تنجح فى نقل ما شعرت به وما تركته فى نفسى هذه التجربه.. فانا اسطر هذه السطور واكتب هذه الكلمات والحروف بروحى ووجدانى وكيانى كله.. حين تعلمون انى اهتز بكل جوانحى وانا اكتب اليكم فستعلمون قيمه هذه الكلمات فى نفسى
فانا امر هذه الفتره بتجربه لن انساها .. درس صغير من دروس الدنيا ولكنه قاسى علي فهذه اول تجاربى الحقيقيه
اول تجربه امر بها واخرج منها واقول لقد تعلمت شئ فى الحياه
لعلنا جميعا فى مقتبل العمرولعلكم جميعا فى مثل سنى حيث عالم النت الذى لايدخله سوى من هم فى مثل عمرنا
انا فى مرحله العشرينات من عمرى وهذا السن فى نظرى هو اهم مرحله فى حياه كل انسان فهو مرحله تكوين الشخصيه ونحتها بالشكل النهائى الذى ستعيش به وتتعامل به مع الحياه
هذا السن الذى يتحدد فيه هويتك وتكتشف فيه معالم نفسك وتتكون فيه عماد افكارك واظن ان اى حدث او شدة تمر بها فى هذا الوقت ستترك اثرا كبيرا عليك اكثر من اى وقت قبله او بعده
لذا فانا اعتبره منحنى مهم جدا فى رحلتك فى هذه الدنيا بل انه اهم منحنى تمر به.. حين تمر فى هذا المنحنى الخطير بأزمه تهز كيانك وتزلزل اركانك وتخلعك من جدورك فهذا ليس بامر سهل
ومن الممكن ان يحول مسار حياتك كله دون سابق تخطيط او اعتبار يمكن ان يخلق منك شخص لم تكن ليوم لتتوقعه او تعرفه
حين يمر الانسان بأزمه قويه .. تكون اخطر مراحلها هى المرحله التى تلى الحدث مباشره حين يكون فى حاله اللاتوازن وانعدام القدره على التفكير والتركيز او مرحله تغيب العقل.. فى هذه المرحله.. يمكنك ان تقدم على شئ تندم عليه بعد ذلك وربما تقدم على عمل يقضى عليك نهائيا وعلى مستقبلك ولا تستبعد اى شئ. او تقول انى معصوم من شئ فكلنا نتحسى الطرق تحت رحمه القدر وما يخفيه لنا. دليلى على ذلك مثل بسيط فى الطب ..لدينا فى الطب حين نقابل حاله اصابتها صائبه شديده ..سواء بدنيه او نفسيه كصدمه اصابت المخ بارتجاج على سبيل المثال او صدمه نفسيه قويه فان المريض يذهب الى حاله من الغيبوبه سواء البدنيه او النفسيه وهى ما تسمى بال ( shock stage)
او مرحله الصدمه وتكون اخطر مراحل الاصابه فان تعافى منها المريض على الخير فيمكن ان تمر اصابته بسلام وهى مرحله لا يظهر فيها اى من اعراض المرض ولا يمكنك تكهن حجم الاضرار بها فقط عليك الانتظار حتى تمر هذه المرحله لتعرف مدى الاصابه واثرها
وانقل لكم تجربه مررت بها لا تختلف كثيرا عن المثال التى ذكرته من قبل فهذه التجربه قلبت حياتى وموازينى راسا على عقب تعلمت منها الكثير لدرجه انى اصبحت اخاف ان اتعلم اكثر من ذلك واخاف ان ارى الدنيا بوجهها الحقيقى اكثر من ذلك لم اكن اتخيل الدنيا بهذه القذاره ولم اكن اتخيل الناس بهذا الشر والغباء والحقد.. ولكنى احمد الله ان بدءت اتعافى من هذا الدرس القاسى
واركز اكثر فى حياتى ومستقبلى يكفينى ما عرفته .. الان لدى رصيد من الخبره لاعيش بين الناس واتعامل معهم وان كان ليس كل المنهج .. فاكثر الامور صعوبه هذه الايام هو ان تتعامل مع البشر وااسف شديد الاسف حين اقول التعامل مع الحيوانات اهون واسهل بكثير .. ان تتعامل مع اسد تعرف خطره اسهل من التعامل مع انسان مريض لا تعرف الشر الذى يخفيه لك بين ضلوعه
كنت احيى بين الناس وحلمى اراه مختلف تماما عن بقيه اصدقائى فلدى ميول قويه للخير وخدمه الناس ومساعدتهم واحلم بان اساعد كل انسان وان يكون ذات يوم لى شأن بحيث ان قصدنى انسان فى خدمه البيها له واسعد بان ارسم الابتسامه على وجهه واحمد الله انى اسعى لذلك دائما ولدى ما اذكره فى ذلك ولكنى لم اكتب لاسرد مواقفى الخيريه بل اكتب لافضفض ولكى اجعل هذا الموقف امامى دائما على هذه المدونه
فقد اوقعنى القدر فى يد خنزير اراد بكل قوته ان يقضى علي ويحطم دنيتى انتهز كل فرصه وسلك كل طريق من اجل ذلك وزاده طمعه فى المال والدنيا وتحين الفرص للمساومه والابتزاز واعجب انه لم يذكر معروفى حين جعلنى الله سببا فى انقاذ احدى اهم ما يملكه فى الدنيا ولكنه نسى ذلك وتملك الحقد والغل والطمع منه .. فهؤلاء يعيشون كالخراف ..والجبن سيدهم اذلهم الله ..اكاد اقول انه الان اصبح يسير وسط الناس وكأنه عارى بعدما انكشفت للناس كل الاعيبه وفضح الله امره بلسانه فقد جعل لى الله مخرجا من كيده وتدبيره رغم كل الابتلاءات والادعاءات التى اطلقها كى يدعم بها موقفه الحيوانى ولم يطلنى من ذلك اذى بحمد الله غير الذى تعلمته ولكنه ليس بأذى بل هو مكسبى فقد خرجت من هذه الموقف اكثر ثقة واعتزازا بنفسى
فليحفظنى الله من شرهم وليجعل كيدهم فى نحرهم وليعطى كل على قدر ما نوى..
اللهم انى لا اسالك رد القضاء ولكنى اسالك اللطف فيه ولله الحمد من قبل ومن بعد

كثيرا ما نسمع اقوال ماثوره وحكم ومواعظ كما ..اعرف صحبك وعلم عليه.. والصديق وقت الضيق وغيرها من الحكم التى لا احفظها جيدا ولكنى اعرفها ولكن حين تمر بازمه تعرف فعلا مدى صدق هذه الاقوال وعمق تعبيرها
فانا اعرف اليوم من صديقى ومن عدوى الذى عاش ينافقنى ويتمنى لى الشر والمهالك دون سابق اذى منى. فهذا صديقى الصيدلى الذى لم يسمع بما حدث لى حتى اسرع الى ليلقى على اقذر كلمات الشماته والفرح ووالله لم اكن له غير صديقه الوحيد ..الان عرفت لما يجتنبك الناس ..تعلمت ايضا ان مبالغتى فى حب الناس وخدمتهم حتى فى المستشفى حين اعامل المريض على انى خادمه.. هو امر خاطئ فالعالم ليس بهذه البراءه ولا تتخيلون انى اقول ذلك نتيجه تاثير موقف على نفسى .. دعكم من هذه الشعارات والكلمات التى نتبادلها على الورق .. العالم فعلا ليس بهذه البراءه نحن نعيش فى الغابه وما يجرى لنا هو عقاب وغضب من الله انزل علينا نتيجه لافعالنا المشينه فى حق بعضنا البعض
فالشر كالوحش يختبئ بيننا وفى نفوس مرضانا ويتحين الفرص وينتهز المواقف لينقض علينا ولايفرق بين طيب وخبيث فحامله مريض ولا يهتم لذلك. لذا فلابد من اعاده الحسابات ووضع حدود جديده تحمى بها نفسك وفى نفس الوقت لا تمنعك من تاديه واجبك نحو مجتمعك فهذه مهمتنا فى الحياه ولن يمنعنى ذلك الجرح ان اغير او احاول التغيير فى الوضع الذى نعيشه .. نعم كوتنى التجربه ولكنى لم احترق
احلم بالمدينه الفاضله التى تمناها افلاطون ومات دونها ..احلم ان اعيش فى عهد الانبياء ..احلم ان اعيش وسط رجال لهم فكر وثقافه وهدف فى الحياه.. لا احترم من يحيا ليومه ونفسه فكم من اناس عاشو وماتو ولم يتركو بصمه يذكرهم بها الناس وكأنهم لم يأتو الى الدنيا
لا اريد ان اكون كمثلهم ليس طمعا فى جاه او سلطان او شهره ولكنه احتراما لنفسى وعقلى الذى وهبنيه الله. اريد ان اقف بين يدى الله واجيبه حين يسالنى ماذا قدمت للناس وللمسلمين .. حين يسالنى هل افدتهم ام انك لم تفعل بأمرى فى عمران الارض

هذه الكلمات القاسيه والتى اداوى بها جرحى اكتبها لكى تكون امامى دائما واما اعينكم لعلها تفيدكم شيئا
فلتجعل لنفسك ذكرى ولاتمر مرور الكرام فى الدنيا ولتحذر شر الناس وكما قالو احذر ولكن لا تخون ولتجعل هدفك ارضاء الله وارضاء نفسك وليس ارضاء الناس فلن ترضيهم مهما فعلت

ازمه جرادل فى البلد تخلى مجلس زى مجلس الشعب يولع .. والناس تتكلم

2008-08-21T02:09:00.012+03:00

بسم الله
فوجئنا جميعا بالامس بحريق كبير فى مجلس الشعب والشورى المصرى .. لم اكن اصدق ذلك فى بادئ الامر. اتصل بى احد اصدقائى من القاهره حيث يعيش ليبلغنى بهذا الحادث والفرحه تسبقه قائلا ( الحق .. المجلس بيولع .. والاعضاء على النار) كانه نال فى احد اعدائه.. فلم اعره اهتماما وظننت ان ذلك احد مقالبه كما تعودت منه ولكن حينما فتحت ايميلى بعد العشاء فؤجئت بنفس الكلام من احد اقاربى من السعوديه ففزعت من مكانى الى التليفزيون ابحث عن نشره اخباريه او اى برنامج فوجدت جميع البرامج تتحدث عن النكبه .. نعم النكبه.. حين تشتعل النيران باهم مبنى فى مصر فهى نكبه.. حين تشتعل النيران وتدق فى المبنى بكامله دون جهاز انذار فهى نكبه.. حين تستمر الحرائق لمده 16 ساعه فهى نكبه .. لم اسمع من قبل عن حريق يستمر فى مبنى لمده 16 ساعه ومع العلم ان هذا المبنى هو اهم مبانى مصر ماذا لو كان الحريق فى بئر بترول او فى غابات امريكا .. بيتهيئ لى كانت النار هتوصلنى فى ميت غمر محنا فى العزبه مش فى جمهوريه لها اسمها وتاريخها .. نحن فى عهد العزبه.. مفيش حتى جردل يا جدعان نطفى به الولعه .. ولا هى العمليه كانت مقصوده ولا ايه؟؟ الظاهر كانت النار لسه موصلتش للى هما عايزينه.. هما فاكرين الناس ايه هبل ولا متخلفين.. نار ايه اللى تولع فى مبنى مفيش حوله اى مبانى ولا غاز ولا متفجرات ..
والله لم اشك لحظه انه حادث مدبر حين سمعت عنه .. وتاكد لى ذلك حين سمعت ان اوراق العباره واكياس الدم الفاسده والمبيدات المسرطنه قد طالها الحريق وكان السيد صفوت شريف قد خرج قبل وقع الحادث وقبل ان تشب النيران فى المبنى ليؤكد ان جميع الاوراق بخير والحمد لله .. حسبى الله ونعم الوكيل .. حسبى الله ونعم الوكيل
العوض على الله فى غرقى العباره .. وفى الناس اللى ماتت بسبب اكياس الدم الملوثه والمبيدات المسرطنه .. فى العزبه مفيش حاجه اسمها جريمه كامله.. عارفين ليه ؟؟.. لانه مفيش حاجه اسمها جريمه اصلا.. كله حق مشروع
لحد امته هتفضل البلطجه والبجاحه والسرقه دى .. لحد امته هنفضل فران .. انا عن نفسى بحب الحكومه وبحب الريس .. وقفه مصريه .. ههههه حلوه الاعلانات بتاع وقفه مصريه اللى مليه شوارع القاهره دى يا ريتنا موقفنا .. عماله تسود .. كفايه يعم نيم الضمير تانى
المجلس ولع مجلس الشعب الجميل الاثرى ده مفيهوش حنفيات مطافى .. مفيهوش انذار ولا رشاشات للمياه فى السقف زى اللى بنشوفها فى افلام امريكا.. اااااااه دى خيال علمى بقه يعنى الحاجات دى اصلا مش موجوده .. طب جردل حتى
وفى الاخر مين هيلبسها .. اى عامل بتاع المونه.. بتاع الدهان.. بتاع الامن ..اى كلب من دول .. ملوش لزمه يعم ده غلبان .. لبسه القضيه يروح فيها .. الميه منه ببلاش.. بقه علشان قضيه يولعو فى البلد .. مش عارفين ان المطافى بتاعتنا على قدها وفى ازمه جرادل .. يا عالم القضيه كانت هتطول مين علشان كده لحقو يدارو الموضوع ؟؟؟؟
انا هحذف البوست ده احسن يلبسوها لى انا .. منا كمان ببلاش
وتظل حكومه نظيف نظيفه الايدى من اى خراب ويظل صفوت والراجل بتاع الموافق يرفع ايده ده هما ...
فلتحيا العزبه .. فلتحيا العزبه
عمار يا بلدى والله مع اول قطر وهنط فيه انا مش عايز اعيش فى التراب ده اكتر من كده.. سباح فى بحور الظلام

جردل .. جردل مفيش جردل

امسك ياجدع .. واحد رايح يطفى .. خد هنا ...

استنو لسه شويه .. الاوضه لسه مولعتش كلها

ايوه كده .. هى دى الحرايق ولا بلاش نادى يبنى المطافى .. ورينا هتعملو ايه

يلا يعم انت و هو خلاص هنعمل ايه كنا عايزين نحبس الراجل بتاع العباره .. خدو حقكم من الراجل بتاع الدهان بقه هو
اللى ولع فى المجلس

صعبان عليه .. هتنام فين الشهرين دول

وانت كمان اى خدمه يعم روح نام بقه براحتك فى بيتكم مفيش مجلس

يعم بلا قرف مجلس ايه هو كان لو لازمه .. ده عامل زى القهوه

يادى القرف هو هيخلص امته علشان نوافق ونمشى

قوم يا حاج متخفش .. انت مكسوف علشان بتنام .. لا هنا النوم عادى قوم نام فوق على الدكه متخفش ومحدش هيقلقك ولا اقولك تيجى تنام على حجر الريس فتحى.. خليك جرئ انت فاكر نفسك فى الكتاب

امه نامت فشخرت .. فلما استيقظت شخرت لها الامم
البيت ده بقه الفاظه وحشه وبتكسف اقوله .. بس بحبه جدا .. معبر

لماذا.. سباح فى بحور الظلام ؟

2008-08-12T08:24:00.012+03:00

لماذا سباح فى بحور الظلام؟؟
او لماذا ادون ؟؟ لماذا قمت بانشاء هذه المدونه واضيع وقتى فيها وفى كتابة المقالات والمواضيع ؟؟
اعترف بان المدونه والتدوين شغل حيزا كبيرا من تفكيرى وعلى رغم من انشغالى وضيق وقتى ..اهتم بها وكانى احيا لاجلها ولكن قبل ذلك اسال ونفسى واجيب عليها
لقد دخلت عالم التدوين قريبا بعدما شعرت انى سأتفجر من الضيق والكبت الذى اكسبته لنا حياتنا اليوميه . فانا ارى كل هذا الفساد والفجور والتحول الجذرى الذى يمر به مجتمعنا من حال سئ الى اسوأ ولا استطيع ان اتكلم .. فاين اتكلم ؟؟.. وان تكلمت من سيسمعنى؟؟.. لم يعد لدى ثقه باى انسان اقابله دائما انظر اليه انه سبب تخلفنا او انه شخص لا يكترث بما يحدث بل ويساهم فيه بصمته او بفعله . الكل الان اصبح يساهم فى هدم البلد وتخريبها وبحماس . الكل الان يسعى الى توفير حياة يعتقدها كريمه لنفسه دون اهتمام بشرعيه الوسيله .. انا وبعدى الطوفان.. اما الشباب اللى المفروض انه هيكون ثروه مصر فى الفتره القادمه واللى هينافس شباب الدول الاخرى ويبتكر ويخترع و... فهو غارق غيبوبه الروشنه والامركه والتقليد والنجوميه .. كل شاب يعتقد انه نجم وينبغى عليه ان يلبس احسن لبس ويمتلك احسن موبيل ان شله يكون مش لاقى ياكل بس محدش يقوله يعم الموبيل بتاعك ارميه فى الزباله .. ده راحت عليه ... ذلك الى جانب فساد التعليم و ظهور اعراض الشيخوخه عليه.
كل هذا ادى الى تدهور فظيع فى الشخصيه المصريه وفى شباب مصر.. قلما تجد شابا الان له هدف او فكر . فى حين ان شباب الغرب هم من يقودوا بلادهم ليس شيخوها انظر مثلا الى صاحب موقع الفيس بوك ( facebook) لن تجده الا شابا من عمرنا ولكن انظر الى حجم اعماله فقد صنع موقعا يعتبر دوله كامله ويستطيع ان يفرض فكره واسلوبه على اى دوله يستطيع تشويه اى حدث وكأنه امتلك حق الفيتو ايضا انظر الى موقع جوجل كيف استوحش وتعملق وكم كنت اتمنى ان ارى موقعا مصريا بحجمه فانا حزين لانى مضطر اليه واسهم فى نجاحه بكل حرف ابحث عنه عن طريقه كنت اتمنى ان يكون عربيا او مصريا فهذا جوجل صاحبه ايضا شاب صغير ليس شيخا ولا هرما
ولكن لن يحدث هذا ابدا على ايدى الجيل الموجود حاليا فلا نحزن حين يستعبدنا الغرب او يستعبدنا الولاه والملوك والرؤساء لاننا نستحق ذلك
فأنـا اقـول دائمـا ان هـذا هـو حـق القـوى علـى الضعيـف وعلـى الضعيـف ان يدفـع ثمـن ضعفــه

لكـل المواطـن الحـق فـى ان يضـرب المواطـن اللـى جنبـه علـى قفــاه طالمــا ان هـذا المواطـن لن يشعـر .. وان شعـر لـن يتكلـم.. وان تكلـم لـن يصيـح .. وان صـاح لـن يثـور ...

من هنا اتجهت الى التدوين واطمح الى صنع موقع ينافس كل مواقع العالم العملاقه ليس حبا فى الظهور ابدا والله بل لانى اريد ان اضع العرب والمسلمين على الخريطه (وطبعا الموقع ده مش هيكون المدونه .. ده حلم .. بس فين الامكانيات) ايضا دخلت التدوين عن ثقه انى سأتعامل مع ارقى الناس فكرا واكثرهم تحضرا وفعلا تعرفت على اناس اعتز بمعرفتهم عن طريق هذه المدونه الصغيره واتمنى ان يدوم تواصلى معهم

موسسا شركه جوجل
صاحب موقع facebook
صاحب موقع وردبريسwordpress
موسسا اليوتيوب youtube

صاحبا موقع yahoo

فهرس المدونات المصريه

2008-08-11T18:09:00.103+03:00

بسم الله
فكرت فى القسم كثير قبل ان افعله لكن لا تاجيل بعد اليوم حيث اننى لست الوحيد الذى فكرت بهذا كما اكتشفت ..ولكن ان شاء الله اعدك ان يكون هذا اكبر دليل لمدونى مصر
شرط عرض المدونات فى فهرس المدونات المصريه
ان تكون مدونه لا تشتمل على ما يغضب الله ورسوله

طريقه الطلبات
اكتب تعليق على هذا الموضوع يشتمل على
اسمك
اسمك مدونتك
وصف ملخص للمدونه والمواضيع التى تهتم بها
طريقه مراسلتك لو لك رغبه فى ذلك

بعد ذلك ارتب انا المدونات حسب اولويتها من حيث الطلب واعرضها فى هذا الموضوع برابط مباشر وقريبا انتظرو مفاجاءه عملاقه

ادعمونا

اذا كانت لك الرغبه فى ذلك اضف هذا الكود الى مدونتك حتى يتعرف عليه زوار مدونتك وزوار المدونات الموجوده بالفهرس وبالتالى ستكسب زوار كل من بالفهرس وتضيف الى نفسك زوار جدد بالمئات ممن هم زوار اصدقائك ويتححق هدف الفهرس على اكمل وجه
لا تتردد اجعل هذا الفهرس مصدر زوارك الدائم .. ضع مدونتك على الخريطه للابد.. لن يتطلب هذا مساحه كبيره فى مدونتك.. واعلم تماما ان هذا فى مصلحتك اولا وبدايه لخلق رابط قوى يجمع كل المدونين .. تقبلوا خالص تقديرى وتحياتى

__________________

مدونتى.........عالمى الافتراضى

عمـــــود نـــــــور

و ا و

اسـف للازعــــاج

د/ أسمـاء علــي

بحب الحياه .. بحب الناس

لميـاء مختـار

بطـوط حبــوب

بطـوط لمـا يقــول

مدونتـي انهـا اساطيـر الخريـف

أمـة اللــه

و القـادم .... أجمـل

أو عِلـمٌ يُنتَفـَعُ بِـه

العسكـري عتريـس

إستيــل بيوتــى

انـا نهــر الحــب

الـجــدة فــصــيــحــة

نظــرة عيــن

رحـايــا العمــر

RiddleR's Talk - RiddleR's Articles

يوميـات نـائمـة فـي الأريـاف

ربــة السيـف و القـلم

جنـاحـي الطـائــر

العالــم فــي عيـونــي

حكـــاوينــا

أنيــن النــاي

عــبــق الــورود

skylight

ابــو العـربــى

مـرفـوضــه

رسـالــة مواطــن زهقــان

إنســان جـديـد

الــــــروح

اهــو ده عيبــه

روح و ريحـــان

TO MY BEAUTIFUL LADY

أوراق زهـــران

مدونـه الشــاعر ... ترحـب بكــم

نُـورُ الْحَيــَاةِ ... فـِي مَعــرِفـَةِ الله

اسكـــت يــا ابنـــي !!!

حـــــروف متنــــاثــرة !!!

مــــــع إصــــرارى !!!

فـــوكــيــــــره

تـحــت الـيـاسمينــة

احنـــا الـشـعــــب

مـدونـــة شخـصيــة عـامــة

كـلمـــات عــابـــرة

مشـاعــر صنـعــت كـلمــات

Free Killer

دوار ابــو سـلامــة

سومـه ... مجنـونـه فى بـلد عـاقـل

مسلم من مصر

~*¤§ fOsDö2ä §¤*~

ريـشـــة فــ هـــوا

الــخــيـــزرانــــة

واحــده رومـانـسـيــــه

ضـي الـقـمـــر

ايـــــــام زمـــــــان

مركز تدريب وتعليم

مــش عـاجـبنـى

.. بـنـت الـبـنـا .. إخــوان

.. كـأنــي أتـكـلــم

مقــــاطــعـــــون

شـبــاب نـيــولــوك

قــلب يـنـبــض بـحــب الـلــه

قـلـــم رصـــاص

أمــيــــر الـصـحــافـــة

روايــة مــن كــل دهـلـيــز

قـصــاقـيــص حـبـيـبـــه

عـالــم مـحـمــود الـعــدل

بـرامــج مـحـمــود الـعــدل

أوتـــــــــــــار

عــلـــي كـيـفــــى

كــــــلام ســـــــــر

kelmaaa

إحنـــــا حـبـــايــب

بـــنـت الـشـمـــــس

مــدونـــة صــبـــــَاره

كـلـمـــات الـصـمـــت

فـى اغـلـى حـتـه م الـجـســد

عـلــى اســم مـصــر

قصــاصـــــة ورق

حـيـنـمــا تـكـلـمت قــلــت

اتحاد اندية الفكر الـنـــــاصــري في الجامعات المصرية

ســلـوا قـــــلـمــي

واحد من الناس

استراحة هانى زينهم

قصـــاقيـــص

امـــام سـلـيــــم امـــام

الـبـحـث عـن أنـا شــىء جـنــون

عــلـى شـواطـىء عـالـمــى

مـصــريـون ضــد الـصـهـيــونـيــة

ديـامــونـد والـــت ديـزنــــى

الــمــــدونـه لافـنـــدر

عـــــــقـل مــــهــوي

ana3sola

عــقـد لــولــى

وحــــي الـــقـلــم

نــقـطــة فــي بــــحـر

maxbeta3zaman

هـمـســــات الــــقـلــم

شــــئ بـقـــلـبــــى

أطــــــبــاء قــــلــوب

مــذكــرات مــواطـنـة مـــصــريــة

مـســدس صـغـيـــر

الـــخـوجـــــة

مــدونــة شـــكـشـوكــة

مــديـنـــة مـن الـنــسـاء

قــزمـة فـي بـيـت الـعـمـالـقـة

مدونة طلاب حركة حقي بجامعة القاهرة

مدونة الطلاب الاشتراكيون بجامعة القاهرة

مدونة مشاهد

sub-zero

يوميات أم البنين

الوان الحياه

همساتى وحياتى

الشوارع حواديت

فين أيامك يا زمان

مـواطنـون ضـد الشـعـب

egyphoto

My fantasy

Tanateesh

samanyat

شــوشــو هــانــم

مـدونـة .. أيــام زمــان

احساس طفلة محبة للرومانسية بس واقعية

يـــــلا نــــحــب kz

هـل تبـحث عـن السـعادة

هـــــمـوم داعـــيـة

على باب مصر ... المحروتة

لـن اعيـش فـى جلـباب أبـى

أحـيــانـا و أحـيــانـا

Just my feelings

خــواطــري الـــحـرة

مــش عــايـز أكـــدب

صـــمــت المـــشـاعــر

مـــدونــة لــمـاضــة

ســـــنـــدريـــــلا

ســـمــو الامـــيــر

طـفـلــة مــش عــايـزة تــكــبــر

شــخـابــيـط مــحـجـوب

صــــورة و كــلــمـة

عــــيــــــــــــــــون

فـضـفـضــــة اقــلامـــــى

مدونـه تحميـل الصــور

تــأثــيــــر الـفــراشــة

مدونة حزب الاحلام استرها يارب

أنـشــودة الـمـكـــان

اولمبياد بكين2008 ... بصراحه ابدعت يا صين

2008-08-09T15:55:00.007+03:00

البقيه تاتى....

2008-08-07T19:47:00.006+03:00

البقيه تأتى

مستغربا ..مستنكرا... مويدا... بل انى سعيد ....
اراك تتسائل ؟؟
ماذا اقصد بهذه الكلمات؟؟ وما دلاله هذه الكلمات؟؟ مستغربا من ماذا ومستنكرا لماذا؟؟ .. والاغرب ان اكون مؤيد
اتريد ان تعرف عن ماذا اتكلم ..
انا اتكلم عن الحال الذى نحياه جميعا فى بلادنا .. فى مصر بل فى كل الدول العربيه . هل سالت نفسك ما اسباب هذا الحال الذى وصلنا اليه هل هو بسبب سوء السياسه اوالساسه؟؟ ام هو وضع عالمى طالنا منه النصيب الاعظم لو انك جلست مع نفسك جلسه صفاء وفكرت فى هذه الاسئله وربطها بحياتك اليوميه ... فانا على يقين انك ستجد جوابها.
ان الوضع يسوء يوما بعد يوم ولا تكن متفائلا وتأمل ان يصلح الحال فليس هنالك مايدعو للتفائل بالامس غرقت العباره ... واليوم لا نجد رغيف الخبز ولا البنزين.. اصبح رغيف الخبز اصعب من الهيروين فان اردت الهيروين ستجده ولكن ان حاولت الوصول الى رغيف الخبز فى هذا البلد الزراعى فستجد مشقه كبيره فى ذلك . اليوم لا تستطيع ان تدعو صديقك الى وجبه افطار او غذاء او عشاء وان فعلت فلتنبه عليه ان ياتى بخبزه معه . ولا تحاول ان تكون كريما معه ان كنت تمتلك سياره وتعزم عليه بان توصله.. فان فعلت فستواجه مشكله اكبر ان نفذ بنزين السياره حيث الطوابير الطويله والعريضه امام محطات البنزين النادره التى تحتوى على بنزين .. لن اخوض فى شرح الواقع الذى نحياه فكلنا نعلمه علم اليقين اغنياء ام فقراء المال لم يعد ضروريا فحتى لو امتلكت المال لن تجد ماتشتريه به قريبا .
موضوعى هو لماذا كل هذا ؟؟ ماذا فعلنا .. انا ارى ومن حياتى الواقعيه وتجاربى البسيطه فى هذه الدنيا اننا نستحق اكثر بكثير مما يحدث لنا انظر الى الناس كيف ملئ الحقد قلوبهم ..وكيف عمى الغل ابصارهم.. انظر الى الناس وفى معاملتهم بعضهم البعض فى المواصلات وفى الشوراع والعمارات مع الجيران فى المكاتب وحتى فى داخل الاسره الواحده . لا احد يتمنى الخير لأحد ولا أحد يحب لأحد ان يكون احسن منه حتى وان كان عديم الهويه والفائده فهو يريد الناس معه ومثله يعيشون فى الوحل . فوالله مكنت اتصور هذا الا فى الكتب او الافلام العربى ولكنى فعلا لمسته حين تكالب علي بعض الرعاع من قاع المجتمع كى يهدموا مستقبلى ويعرقلو تخرجى..جعل الله كيدهم فى نحرهم .. ولا تسال لماذا يفعلون ذلك بى ؟؟ .. لا تسال فمن وجهه نظرهم لابد ان اكون مثلهم ولا تقوم لى قائمه او شأن. لست انا فقط .. فهذا النموزج من البشر اصبح الاغلبيه العظمى بين المسلمين. تراهم اناس فقراء يملئ القشف جلودهم من مشقه الجرى وراء لقمه العيش فيرق قلبك اليهم وتغضب لحالهم وتتمنى لو تستطيع فعل اى شئ لمساعدتهم.. ولكنهم لا يرفقون لبعضهم وان طال احدهم فى الاخر طائله دهسه بقدميه بلا رحمه . ولهذا نزل علينا جميعا عقاب من السماء فقد جعل الله ملبسنا وماكلنا ومشربنا فى يديى اعدائنا سواء كان هؤلاء الاعداء موحدين لله ورسوله او غير موحدين هذا عقاب الرشوه التى اصبحت ( عــــــــــــــــــادى)..اكراميه.. مساعده.. والربا ( برضو عادى).. والحقد الذى تملك منا ..الغل الذى عمانا والطمع وعدم الرضا بما قسمه الله لنا
افلا نستحق ما يحدث لنا ؟ أنعجب بعد كل هذا ان ينزل علينا الله الجوع والفقر والذل؟
والله انى لسعيد لما يحدث لعل الله اراد هذا كى نفيق من الغيبوبه التى نعيشها

صور ناس حبايبنا

2008-08-06T01:20:00.010+03:00

يا جماعه محدش يفهم غلط .. هو مش عربجى . ده مهندس كهربا قد الدنيا .. بس هو اللى عنده هوايه ركوب الخيل
مهندس احمد بك الجبالى

الشاب توتو ( الشهير ) قابض على حازم امام فى ستى ستارز... متخفش مش هيجرى منك يا جدع

مش عارف اكتبلك ايه يبنى انت غلبتنى...

انا .... بشرب بيبسى ... قلت اخد صوره قبل مخلصها للزكرى

وداعا ايهاب .. على فكره الناس دى مش جايه يوصلوك حبا فيك... دول كانو عايزين يتصورو.. حاول تخمن فين ايهاب فى الصوره..
شايف كلمه (السياحه) ايهاب هو اللى مش باين تحتها ده .. كانو جايين يتصورو معاه بس نسيوه

لا ده بيتنك بقه... واخد بالك انت من العضلات

عامل فيها سرحان عبد البصير

الشاب هيثم قبل اصدار اخر البوماته... كان سارق النضاره من واحد برضو صحبنا

ديكو عندى وبيستعمل التليفون بتاعنا اصله بيخاف من الفواتير

الشاب هيثم يتعاطى الشاى على السطوح

ومازال يشرب الشاى .. بجانب برجى الخرسانه العالمى

تلاته فى كليه الطب والرابع مش واخد باله انه مش معاهم فى الكليه

تلاته فى كليه الطب ووواحد غير اللى فات برضو مش واخد باله انه مش معاهم فى الكليه

الفنان / محمد فؤاد كابتشينو لا تعليق

كتاب رياض الصالحين الان بين يديك

2008-08-05T20:05:00.005+03:00

كتاب رياض الصالحين

رياض الصالحين

اسم المؤلف

الإمام العلامة محيي الدين بن شرف
النووي الدمشقي

فصول
الكتاب

مقــدمة

كتاب المقدمات

كتاب الأدب

كتاب أدب الطعام

كتاب اللباس

كتاب آداب النوم والاضطجاع

كتاب السلام

كتاب عيادة المريض

كتاب آداب السفر

كتاب الفضائل

كتاب الاعتكاف

كتاب الحج

كتاب الجهاد

كتاب العلم

كتاب حمد الله تعالى وشكره

كتاب الصلاة على رسول الله صلى الله عليه وسلم

كتاب الأذكار

كتاب الدعوات

كتاب الأمور المنهي عنها

كتاب المنثورات والملح

كتاب الاستغفار

هديه المدونه لزوارها الكرام... كتاب صيد الخاطر

2008-08-05T19:42:00.004+03:00

كتاب صيد الخاطر

منتدى الزوار

2008-08-02T18:27:00.003+03:00

تستطيع كتابه المواضيع التى تريد طرحها للنقاش او عرضها على صفحات المدونه للزائرين فى هذه الصفحه

شويه فيديوهات نقاوه

2008-08-01T14:32:00.007+03:00

ايه ده ... مش فاهم .. يعنى مين دول .. بس دمهم خفيف

عندما يكون الانسان على طبيعته اذن يمكنك ان تضحك

ونعم الاخوه والايثار

التطور الطبيعى للاغنيه المصريه الهايفه... طول مبنتنفس فى جديد..وااااااااااااكب شباب زى العسل

ولاده بدون الم وبدون مضاعفات

2008-07-28T20:51:00.009+03:00

بسم الله
لا شك ان علم النساء والتوليد فى تطور مستمر ويسعى بشكل دائم لتحسين وتطوير اساليبه التشخيصيه والجراحيه حتى ندخل عالم الدقه والاحتراف والامان ولذلك سعى الاطباء الى تطوير وسيله لجعل الاولاده الطبيعيه اقل الما وفى نفس الوقت لا تتعارض مع الوظائف الفسيولوجيه التى تتطلبها عمليه الولاده من الطلق ووتوسيع عنق الرحم وغيرها من العمليات الربانيه التى بدونها لا تتم الولاده ز واخيرا توصل أطباء أحد مستشفيات سنغافورة الى وسيلة جديدة لتخفيف الألم الذي تشعر به النساء عند الولاده
و هذه الوسيلة عبارة عن حقن إطلاق مخدر من خلال العمود الفقري لتخدير الجسم( الجزء السفلى) وهو عبارة عن حقنة الظهر "أبيديورال" بكميات وعلى فترات تتحكم فيها السيدة أثناء المخاض.

وتحقن النساء عند الوضع بحقنة "أبيديورال" تقليدية في البداية ثم يتم
توصيلهن بمضخة تطلق جرعة ثابتة من المخدر باستمرار طوال فترة الوضع. وتستطيع بعض السيدات الضغط على زر مضخات جديدة لتلقي جرعة إضافية من العقار المخدر إلا أن ذلك يستغرق عشر دقائق قبل أن يشعرن بمفعوله.
ويعمل الان على ضبط جرعه من المخدر تكفى لعمليه الوضع دون الحاجه الى جرعه اثناء العمليه
وكما لاحظت فى بعض المنتديات وعلى مواقع النت اثناء تصفحى ان هنالك تخوف من المرضى فى استخدام هذا المخدر لكونه يجعل الولاده اكثر صعوبه على حد قولهم ذلك لان المخدر يعمل على اعصاب العمود الفقرى والتى تتحكم فى عمليه الولاده ولكنى من دراستى بجامعه الزقازيق الموقره انفى هذا الكلام نفيا مطلقا اذ اثبتت الدراسات ان عمليه الطلق وانقباض عضلات الرحم لا تخضع للمخ اطلاقا او العمود الفقرى. الدليل على ذلك ان السيده اصبحت الان تستطيع ان تذهب الى دورات المياه لقضاء حاجاتها قبل المخاض بقليل وكان هذا الامر ممنوعا فى السابق حيث انه يوثر سلبيا على عمليه الطلق وانقباض عضلات الرحم اذ اعمليه قضاء الحاجه لكى تتم تقوم بارسال اشارات الى المخ بان يسمح له بعمليه قضاء الحاجه فيامر المخ بوقف العمليه ( قضاء الحاجه) لان الجسم فى حاله ولاده او طوارئ وبالتالى وقف عمليه الولاده لانهما يتليقان اوامرهم من المخ عن طريق نفس الاعصاب وكل هذا اصبح وهما بعد ان تبين ان عمليه الولاده لا تخضع للمخ مطلقا فاصبح دخول الحمام مقبولا قبل عمليات الولاده بدلا من الحقن الشرجيه والقسطره
وانصح بعدم اخذ المعلومات من مصادر غير متخصصه حتى يستطيع الناس الاستفاده من التقدم العملى بعيدا عن الشكوك
تحياتى دكتور ايمن القناوى

سنه اولى طب

2008-07-23T03:58:00.013+03:00

بسم الله أبدء هذا الموضوع عن اول يوم لى فى كليه الطب حفظكم الله (كما تعودنا انا نقول عن ابى توتو صديق الكليه المنحوس ) حينما نجحت فى الثانويه العامه بتفوق والحمد لله وربنا كرمنى بكليه الطب كنت اعيش حاله من الانبساط الغير عادى والغير مسبوق حيث حققت لاهلى حلم لطالما حلموا به وكم تمنيت ان تمر الايام ويذهب الصيف لاذهب انا الى كليتى المنشوده وارى هذا الصرح الذى يسمى كليه الطب ... وياريتى مشوفته خير الهم اجعله خير لقيت نفسى واقف فى حته شكل شبكه الصرف الصحى بتاع امريكا اللى بنشوفها فى الافلام ....مواسير وبلاعات وحفر وبتاع مش مشكله قلت جايز اصلاحات محنا شعب الاصلاحات ونفضت للموضوع واتجهت الى قاعات المحاضرات لاتلقى اول حروف الطب واستمتع بغنيجها فى اذانى واذا بى تائه فى الكليه مش عارف اروح فين واجى منين ومنين بيودى على فين ولكنى رأيت مدرج كبير مفتوح وممتلئ بالطلبه عن اخره فدخلت غلسه خشيه ان يرانى احد وكانى اسرق اذ كنت مخضوض ( فعل مصرف من خض ) فهذا العالم غريب على اذ لم اعتد عليه فى المدرسه المتواضعه التى كنت ادرس بها حيث الفصل والطباشير واجرى يله هات بشوره واطلع ياد على الصبوره وارفع اديك اما هنا فوجدت عيال نضيفه ومحفلطه ( لم مؤخذه) ودكتور شكله حلو ونضيف تحس انه ولا الناظر بتاع مدرستنا المهم الدكتور شغال رغى ولطم بالانجليزى وراسم عين على الصبوره وعمال يكلم شكله كان بيشرح فيها وانا طبعا اول مشوفت العين مرسومه فرحت قلت ده طب بجد وقعدت بقه وطلعت الكراسه 24 فرخ وهكتب بس كان فيه مشكله انى فاهم ولا حرف من اللى بيقولوه الراجل ده قعدت شويه جايز افهم برضو مفيش فايده ساعتها تعبت نفسيا واضيقت واللى زاد الموضوع اكتر ان مفيش ولا واحد قاعد جنبى او فى المدرج مبيكتبش انا الوحيد اللى قاعد مبكتبش وهنا دار حوار طويل مع نفسى لم انسه طيله حياتى اذ هاجمتى الشكوك وتملك منى االيأس وانعدام الثقه معقوله ياربى كل الناس دى فاهمه وانا الوحيد اللى مش فاهم كلهم بيكتبو وراه زى الاله الكاتبه وانا مش فاهم حاجه .... طب ازاى هو انا دخل كليه الطب من على السطوح منا داخل زيى زيهم وجايب 98% ومتفوق اكيد فيه حاجه غلط وهنا انفجرت سائلا الشخص الذى بجوارى كابتن انت فاهم حاجه؟؟؟؟ فاذا به يبص لى مستغربا من تحت النظاره ولم يجب فعدت ادراجى لحوارى مع نفسى وشكوكى واذهب بنظرى يمينا ويسارا بعيد وقريبا حتى اجد اى شخص مثلى لاعلل به نفسى واقول هذا مثلى ولكنى لم اجد وهنا عشت لحظات صعبه من الشك وخيبه الامل والعجز والتفكير فى عدم قدرتى على مواصله الدراسه بهذه الكليه وسط هؤلاء الامواس والدحاحين ده حتى شكلهم كبير عليه و الدكاتره اللى حتى دخلو مقلوش ازيكم واهلا والنهارده عيد والكلام ده ياجدعان انا لسه طالع من الثانوى حد يقولى حاجه احنا فين هنا ولا بتاع المهم انفجرت مره اخرى مصمما على معرفه الخطا وسالت الشخص الذى امامى انت فاهم حاجه يبنى فبص برضو واستغرب قمت ساكت لقيت الاخ اللى جنبى بيقولى انت فى سنه كام يادكتور قلته اولى ومش فاهم حاجه هى السنه بدءت من زمان ولا ايه ولا انا اللى جاى متاخر؟؟ لقيته ازبهل وفتح عينيه وفتح بقه حتى ظهرت اسنانه وانفلت فى الضحك والمسخره وقالى يبنى دى سنه رابعه وهنا لم اكذب له خبر وطلعت على البنج وعديت على روس العيال اللى قاعده وقمت ناطط وطالع بره والمدرج كله ميت على نفسه من الضحك وكنت حاسس انى طالع من غير هدوم بس ولا همنى اهم حاجه انى مطلعتش غبى وحمدت ربنا انى مش فى الدفعه دى المهم قعدت ادور على دفعتى لحد ملقيت هيصه جايه من ناحيه فاتجهت اليها تلقائيا واذا بمدرج يشبه الاخر يعج بالطلبه ولكن مع الاختلاف الناس هنا كانت كلها واقفه مفيش حد قاعد على بعضه ناس بتفط على البنجات وناس بيجرو ورا بعض وناس ماسكه فى بعض وناس عماله تلعب فى نغمات الموبيل وايه سوق يابا سويقه انا اول مشوفت المنظر قلت هما دول ... انا متعود على الناس دى هما دول اللى هيفهمونى وهفهمهم هما دول حبايبى وفجاءه دخل الدكتور الكل اتخرس وصاحبنا دخل قال كام كلمه انجليزى محدش فهم حاجه طبعا كله عمال يبص لبعضه وكل الناس عماله تفتح فى عينيها وتلعب فى ودانها اول مسكت قام كله مصقف على ايه محدش عرف والدكتور طبعا متعود على المنظر ده وعارف الاشكال بتاع ثانوى ودى وقلنا كلمه عربى هى دى الحاجه الوحيد اللى فهمتها فى اليوم ده .... ايه ياض الغباء اللى بيخر من عينك ده انت وهو ؟؟ محدش يبرق و يبص بغباء كده وقام صاحبنا الدكتور قعد يشرح نظام الدراسه والمناهج والكتب والناس فى المدرج نازلين نغز فى بعض وضرب وتصفير وبصبصه للبنات واللى جايب معاه سندوتش ونزل يكله تحت البنج واللى جايب بالطو من اول يوم ونفسه يلبسه راح قالع ولابسه لما لاقى انه هيروح من غير ميفرح بلبسه و الدكتور طلع من المحاضره احمر وكانه طالع من مقموره عمال يبرطم مش عارف كان يومها فى حاجه مضايقه ولا ايه والمهم عدى اول يوم ورجعت البيت بعد ملقيت ان الحياه لونها بمبى والناس كلها بتفهم وحلوه فى الدفعه بتاعتى ومفيش حد احسن من حد وقعدنا يجى 4 شهور محدش فاهم حاجه فى اى حاجه خالص قمت مطلع اشاعه فى ان فى امتحان فى ماده عندنا محدش كان بيعرف يقرا اسم غلاف الكتاب بتاعها من بره علشان يزاكرها ويومها مفيش ولا واحد من الدفعه جه الكليه كله غاب ورحت يومها ملقيتش حد اقعد معاه حرمت اطلع اشاعات....................................................... زكريات ايام حلوه لم يبقى منها سوى حروف على الورق وعلى صفحات النت لتتناولها الاعين
Technorati Profile

قل لى ياصديق

2008-07-21T01:46:00.003+03:00

قـل لــى ياصديـق؟

الـى ايـن الطريــق؟

بعـد ان ضـاقت علـى الحيـاه

وشعــرت ان العمر فى منتهـاه

قـل لــى ياصديـق؟

مـاذا جنيت؟

كى اواجـه غدر الزمــــان

اراه فـــى عيــون حبيبتـى

فى نظراتهـا...فى صوتهـا ...فى تصرفاتهـا

تلك التـى كنت اسكـن الـى احضانهـا

وافـــر الـى كلماتهـــا

شعرت فى عينيهـا انى كالغريب

فصـارت حيـاتى كليل كئيب

تلك اذا احلامى:

اراهـا تتوارى فى التــراب

تتــلاشى كالســـراب

فمـــاذا حدث ؟

مــا من مجيب....

قلت اراجع نفسى لعلـى المعيب

وجدت انــى وهبت اليها حياتى

فمـــاذا حدث؟ مـا من مجيب.......

فسقطت فى دروب الحـــائرين

اصــارع الايــام السنــين

سرت غريبـا فـى الزحـام

اخشـى مـا تجـره الايـام

ولكـنى لـم اعــد ابـالى

فمـا بالى وقد خسرت امـالى

تـوقـف قطــار الحيــاه

تلك اذا محطتــى..

ولكن رغم جرحى..

سأغنـى...

سأغنى قبل الرحيـل

فمـا عاد فـى العمر الا القليل

نفـذت الايــام

وتراكمـت الالام

وجف منى الكـلام

فوداعا يا صديــق

هات سيجاره

2008-07-21T00:34:00.001+03:00

بسم الله الرحمن الرحيم
التدخين
طبعا الموضوع مش جديد واتكتب فيه كتير وياما مقالات قالت عن مخاطر التدخين بس انا عايز اتكلم عنه من ناحيه تانيه لو سالت اى حد بيدخن انت بدءت تدخن ازاى مش هتلاقى رد محدد او اجابه مقنعه عارفين ليه لان الموضوع بيبدا دايما بهزار , وانت قاعد فى سهره لطيفه مع صحابك والجو جميل والبال صافى ومعاكم واحد بيدخن او اتنين حب يشرب سيجاره فطلع علبه السجاير ورش رشه جريئه على كل الموجودين واللى بيشرب خد وانت عليك الدور فقلتله انك مش بتشرب فهيقلك يعم نفخ هى دى الى هتموتك و بعدين القعده طلبت كده فقمت انت مكبر دماغك وقلت هنجرب نخرج عن النص شويه ادينا نلعبومن هنا بدات المعاناه . على فكره انا معاك بالضبط مش سيجاره اللى هتموتك ووحده متعملش حاجه بس المشكله انك طالما خدت واحده تقدر تاخد التانيه وطبعا كل مصحبك يعزم عليك مش هتقوله لا منتا خدت مره وبكده تكون حطيت رجلك على اول الطريق ومع اولمشكله تقابلك هتلاقى نفسك بتشترى علبه سجاير لزوم الفرفشه وكل عام وانتم بخير بدءت رحله المهالك والله. المشكله الكبيره انك عارف اخاطر التدخين بس كل مضميرك يوجعك او تقح شويه تصبر نفسك خلاص هبطل اخر سيجاره, اخر علبه, اخر يوم وتفضل تاجل تاجل لحد معزيمتك تضعف وتفقد الامل تماما وتستسلم للامر الواقع وتفضل تحرق فى خلايا صدرك وللاسف الشباب النهارده مش زى زمان كانو بيستحملو شويه والله انا اعرف ناس شباب صغير حصلهم من السجاير بس اللى محصلش لرجاله كبار.
اما لو جينا نقول اخطار التدخين فمش هنخلص بس نحاول نفكركم بحاجه بسيطه
* اثبتت الدراسات الحديثه ان التدخين اكبر عدو للصحه الانجابيه ويودى الى فشل الحياه الزوجيه بنسب عاليه وانظرو الى الحياه العامه هتلاقو ان المدخنين عادو بيعملو اطفال انابيب بنسب متزايده لان التدخين يودى الى ضعف الحيوانات المنويه وتشويهها فيكون الناتج اما فشل الاخصاب او طفل معاق ذهنيا او بدنيا وطبعا كلنا مش مستغنين.
*النقطه التانيه ان التدخين بيقلل الشهيه بصوره ملحوظه وبيسبب قرح المعده وامراض الارتجاع فيقل غذاء المدخن ومن هنا اصبح هزيلا ضعيف الوزن .
*يؤدى التدخين الى حرق الاكسجين الموجود على كرات الدم الحمراء الذى يذهب الى الخلايا ليغذيها ويستبدلها بثانى اكسيد الكربون السام الموجود بالسجاره ومن هنا تاتى امراض الانيميا ورفرفة القلب وتدمير الصمامات وضعف الدوره الدمويه وقله النشاط وشحوب الوجه وانخفاض دمويته
*النيكونين الموجود بالسيجاره ماده منبهه للمخ ولذلك يكون المدخن عصبى للغايه واكثر عرضه للاصابه بامراض القلب والصمامات والضغط وهذا مع التجربه من الحياه العمليه ومن تعاملى مع الناس وللعلم انا طبيب والمس هذا فى الحياه العمليه .
*دخان السجائر يتسبب فى تخريب هيكل الرئه وتدمير خلايها الحساسه ذات الجدران الدقيقه ويؤدى اللا تدمير هذه الجدران بمعنى ان الهوا اللى هيدخل مش هيعرف يطلع وينتج عن ذلك فشل عمليه التنفس وانخفاض اللياقه والنهجان ولن اتعرض لامراض الصدر التى تحدث لانها عايزه كراسه وكفايه انكم تشوفو الرسمه اللى على علبه السجاير الكوكو.
*كما ان هناك علاقه ما بين الصلع والتدخين اذ ان الاكسجين الذى يغذى بصيلات الشعر والمحمول على كرات الدم الحمراء قد بثانى اكسيد الكربون ومن هنا يقل غذاء الشعر ويؤدى ذلك الى تساقطه بصوره ملحوظه.
*اخطر ما فى الموضوع انها بتخلى ريحه هدومك وبقك وحشين جدا وبتبقه مش عايز حد يقرب منك وكمان بتنفض جيبك اول باول.
اتمنى ان تكونو قد قراتم الموضوع بعين واعيه وذهن حاضر وايمان قوى وعزمتم ان تكفو عن هذه العاده الســـــــــــــــــــــيئه للغايه .