Caratars Distintîfs

Agregadôr o tropadôr?

2008-07-25T13:39:00.003+02:00

Aggregator (inglês) derive dal latin AGGREGO che al ven di AD + GREGARE. Gregare (meti adun) al ven di Grex, gregis che par furlan si dîs trop. Stant che il suffîs "Ad" par solit al cole voltant une peraule di divignince latine par furlan (par esempli Adjungere è deventât Zontâ), secont me, aggregator sarès di voltâ in Tropadôr.

Novitât te Furlanosfere

2008-07-25T13:23:00.003+02:00

Intant che ilFurlanist al è sierât par feriis, Dree al à metût su Macôr: un barcon viert su la furlanosfere. E in che strade al è saltât fûr un gnûf neologjisim "agregadôr" par "aggregator" :)
Mi racomandi leit a dai un cûc.

Timps

2008-07-21T17:55:00.005+02:00

Il teme da l'edizion dal Mittelfest di chest an, 2008, al è il timp. Teme une vore interessant che al stiçe une vore di rilfessions. Par esempli su chel che al è il sentiment dal timp inte post-contemporaneitât, duncje in dì di vuê. E se il diretôr artistic dal festival, Moni Ovadia, al dis che si tindi simpri di plui a vivi intun eterni presint, io invezit ài l'impression che si vivi simpri plui distacâts dal attim presint, intune proiezion viers un improbabil futûr promitût dai (mass) media.
No setu dacuardi cun me? Domanditi alore in ce maniere che tu tu sês sentât cumò, in ce maniere che tu tu tignis lis gjiambis, prove a scoltâ i rumôrs che vignin di fûr, prove a fa câs al to respîr. Fât? Bè se no tu ses usât nol è tant sempliç, lu sai, ma cjaminâ fasint atenzion a che mut che pîs si poin in tiere, mangjia fasint atenzion a ce che si mêt in bocjie e vûl dì fâ atenzion al presint, aderî al timp presint. Cjalâ la television, par esempli, mangjiant no si sa ce e provant emozions intun ambient virtuâl al vûl dì stacasi dal presint e movisi al timp de postmodernitât, che nol è plui chel des machinis e dal orloi mechanic, ma alc altri.

Magie dal zûc dal balon

2008-07-19T14:31:00.001+02:00

Passant par vie Mantue îr di sere o ài viodût dai extrecomunitaris che zuiavin di balon. Cualchidun cun buine tecniche a sugerive dai assists, cualchidun altri a clamave cualchi improbabil scheme di zûc intune qualchi lenghe africane, ma soredut ducji jerin contents di cori daûr ae bale, plens di che gjonde che ven dal zûc dal balon e che cjiape dentri ancje chei che son intor o di passaç. Sì, parcè che il balon e devente ipnotic par chei che cjalin intant che al è al centri de atenzion di che che zuin. E cussi intun lamp si dismentee di fa câs al color de piel e a chei detais che tal zûc e te vite, in fin dei conts, no contin plui di tant... l'impuartant al è dome rivâ a meti la bale in rêt une volte plui di chei altris.

In difese dai Zingars

2008-07-17T15:42:00.000+02:00

O vevi segnlât che culchidun à tacât ator par Udin un adesîf cula scrite "Quando vanno via gli zingari arrivano tempi bui per tutti" e cualchidun altri al scîf che, insome, si varès di mandaju vie, i zingars. E cussì mi sint di dî che soi d'acuardi cun ce che al scîf Piero Ignazi tal Espresso in difese dai zingars, parcè che a saràn anchje "brutti, sporchi e cattivi" ma:

Il razzismo è un veleno sottile e insidioso che si infiltra piano piano nella coscienza collettiva per rendere opinione corrente quello che prima non era nemmeno immaginabile. La storia europea dovrebbe averci insegnato che quando un gruppo sociale, etnico o religioso che sia, viene messo ai margini senza trovare protezione, poi viene privato della sua umanità, e al limite della sua stessa esistenza. (Piero Ignazi - leç dut l'articul)

I numars dal ex-assessôr

2008-07-17T11:13:00.005+02:00

Al Vile Manin si cambie e Antonaz, precendent assessôr ae culture, interven preocupât.

In questi anni eravamo riusciti a mettere in piedi una struttura che desse respiro a questa splendida villa veneta, facendola diventare un motore di cultura, quando fino a 5 anni fa era un porto di mare: il primo che arrivava faceva la sua mostra

Al dîs, fasent, o dant, chescji numârs par displeâ il sucès dal Centri tai siei cuatri agns di vite:

8 milons di contâts sui sît Internet
La partecipazions di 329 artiscji
14.000 students in visite tai percosis didatichis
plui di 300.000 visitadôrs

Chest significhe plui o mancul 5480 visitis al sît dal centri ogni dì; al vul dî 17.5 students ogni dì dal an scuelastic; e significhe soredut 202.7 visitadôrs ogni dì.

Chescji i dâts uficiâi, nuie di obietâ, savàrn lôr, ma a cualchidun che al è passât pal centri plui di cualchi volte ji fas une vore strani.

Vile Manin Postcontemporanie

2008-07-16T11:20:00.006+02:00

L’intento del Centro è di far conoscere al pubblico l’arte contemporanea in modo eterogeneo e concentrico: sia per mezzo della presentazione di prestigiose collezioni museali, che spieghino il presente attraverso un percorso più “storico”, che tramite le opere di importanti artisti dei nostri giorni o di mostre curate che si focalizzano su aspetti specifici dell’arte attuale. (dal sît VILLA MANIN CONTEMPORANEA)

Il curadôr dal Centri d'Art Contemporanie, Bonami al è lât vie e probabilmentri la gestion de Vile finirà in man a Enzo Cainero.

Ort Botanic

2008-07-12T21:16:00.000+02:00

"Sierât par mancjance di personâl!"

Gnot Blancje, un sucés

2008-07-12T10:57:00.001+02:00

Tancjis personis in centri, voie di divertisi... ben cussì!

Gnot Blancje

2008-07-11T14:16:00.000+02:00

Usgnot, alore, gnot blancje. Judicarin doman il sucès di cheste iniziative dal Comun di Udin. Pal moment, cualchi osservazion sul programe:

Place Venerio no ise masse grote par balâ suntun breâr?
Biblioteche: ce covential tignie vierte? Ise une atrazion? Crodeiso che cualcidun vedi voie di lâ a cjapâ un libri in prestit as undis di sere?
Ise une biune idee tignî vierts i Museis di gnot cuant che par solit no va mai un cjian a viudiju? Soredut ce sens aial tignî viert il Museu di Art Contemporanie che al è fûr di cualsisedi itinerari? Crodeiso forsi che chei che van in pisine a vedin voie di fa un salt a viodi cualchi cuadri?

Va bon, sperin che vadi ben, che sedi une biele fieste e dut... In ogni câs o soi de idee che une iniziative dal gjenâr vedi di jessi concentrade atôr a un event veramentri valit, par esempli un grant spetacûl di fûcs artificiâi, pluitost che tancji piçui events, di chei che si cjiatin normalmentri a ogni sagre di paîs (stant che une sgare come chê di Pavie di Udin a propon cualchi an events une vore plui interessants di chei de Gnot Blancje).

Cuant che van vie i zingars...

2008-07-11T11:47:00.003+02:00

Vuê di matine o ài cjiatât vie Cosattini plene di chestis etichetis.

La cause di Illy

2008-07-09T23:09:00.006+02:00

Illy torne a fasi viodi su la stampe locâl e nazional denunziânt Dressi e AN in gjienâr par vie dal sît illyflop.net che vevin fat in cjampagne eletorâl par dâ cuintri al ex-governadôr. L'acuse che i legâi de dite "Illy Caffé" a movin cuintri An è chê di vê fat un dam ae imagjin de aziende di famee (par savê alc di plui leç dut l'articul tal "Espresso").
Bon, viodaran i judicants ce fâ, ma al fas bacilâ pensâ che un cjiandidât che à une dite che puarte il so nom no puedial jessi nomenât cence periculâ di vè rognis legâi.

Denunziât par vê cirût di vindi il so voto su eBay

2008-07-09T11:38:00.002+02:00

Al è capitât in Americhe a un ciert Max Sanders che al à mitût al aste su eBay il so voto. Cumò Sanders riscje fin a cinc agns di pereson e fin a dismîl dolars di multe. L'Americhe, propri un altri mont! Vie | Techcrunch

Honsell: Sunsplash model culturâl ed economic

2008-07-07T20:59:00.000+02:00

Vote l'opare plui mostruose!

2008-07-02T16:54:00.003+02:00

Il ministri ae culture, Sandro Bondi, al à declarât che l'architeture/urbanistiche comtemporanie è "brutta, disumana, addirittura mostruosa", zontant che "quasi tutti gli edifici che hanno meno di 60 anni ci appaiono banali e insignificanti, salvo qualche eccezione in uno scenario disperante". E par te cual ise la opare udinês plui mostruose?Il "teatrone"? Il "scarcofago"? Il palaç da l'UPIM, fât su al puest dal edifici in stîl liberty che jere devant dal palaç dal comun? O che robate che àn fât devant de Universitât e che la int e clame "sarcofago"?

Trasferiment: o voi su Tumblr

2008-06-28T18:45:00.001+02:00

O ai decidût di passâ di Blogger al sisteme di microblogging Tumblr. E cussì chest blog al devente un microblog, e il so gnûf recapit web al è: http://furl.tumblr.com/

Parcé ai o decidût di cambiâ?

Parcè che o ai voie di provâ alc di gnûf
Parcè che o ai zà un blog: Signa et Notae
Parcè che mi iteresse publicâ soredut fotografiis e, eventualmentri, filmâts. Cun Tumblr al è une vore plui sempliç e divertent di fâ
Parcè che mi somee che l'interès pai blogs al si sedi sbassant
Parcè che Tumblr mi semee jessi bulo :)

Mi racomandi di inzornâ il letôr RSS cul recapit dal gnûf feed: http://feeds.feedburner.com/furlan

Da la part dai pruçituts

2008-06-27T13:33:00.005+02:00

"Ripeto sempre che, anche se a livello individuale non riusciamo a seguire una dieta vegetariana, quando un gran numero di persone si riunisce per una festa, per un insegnamento, o per qualsiasi altra manifestazione di gruppo, è indispensabile che si eviti di mangiare carne." (Tenzin Gyatso, XIV Dalai Lama)

Chest al è, claramentri, il pont di viste buddist e ognidun al è libâr di no jessi dacuardi. Dut câs vuê, che si inaugure la XXIV edizion di "Aria di Festa" a San Denêl, al val la pene di rifleti su lis peraulis dal Dalai.

* Te fotografie "Babe, il purçitut ardimentôs"

Cliniche Santi, cuant che a nassevin frutins

2008-06-24T20:41:00.006+02:00

Al numar 45 di vie Mont Sgnape, in chel edifici che si viôt te fotografie e jere la Cliniche Santi, che à sierât al inizi dai agns setante. No sai se e je une coincidence, ma in chel timp al àn scomençât a nassi simpri mancul frutins e il Friûl è deventât sinpri di plui une tiare di vecjios, che cul slungjiasi de vite medie a son deventâts simpri plui vecjios. Une sorte di inversion a chest trend negatîf le àn date i extrecomunitariis, che a fasin plui fruts dai Furlans.

Il "Roma": cuant che a jerin i cine parochiâi

2008-06-24T12:35:00.008+02:00

L'edifici che si viôt daûr la gru zale e ospitave une volte il cine "Roma", che al è stât un dai ultins cine parochiâi a sierâ, adun cul cine San Zôrz, che cumò al è deventât teatri.
Il "Roma" al jere il cine de parochie des Graziis e indi si jentrave di vie Praclûs, traviersant il curtîl interni che si viôt te fotografie: il stes curtil al jere ancje l'oratori là che i frûts a zuavin di balon.
Il cine, chal à sierât tor al 1980, proponeve film di seconde (o tiarce) vision, bons pes fameis.
In che volte capitave dispès di jentrâ a spetacûl scomençât, ma paiant il presit dal biliet si veve dirit a stâ dentri a le sale fin ae sieradure, cuant che cumò tes cines multisala ti parin vie cula fuarce daspò de proiezion.

Monolît

2008-06-23T17:23:00.004+02:00

Segnalazion -> Photoblog

2008-06-23T11:24:00.003+02:00

Us segnali un photoblog che mi à juste cjiapât dentri une vore: Big Picture. Us consei propri di lâ a dâ un cuc.

Fieste in Borc Stazion

2008-06-23T09:30:00.001+02:00

Stradis periculosis: disin la veretât fin in fonts.

2008-06-22T16:41:00.007+02:00

Te prime pagjine da MV di vûe e è la relazion da la Fondazion dal Ania (Associazion des Impresis di Assicurazion). Ca parsore e è une liste parziâl (la stesse publicade tal MV) dai ponts di plui pericûl de viebilitât udinês.
Ce chal MV nol dis è che la cuasi totalitât dai lûcs segnalâts è opare de dos zontis Cecot: oparis realizadis cuintri dal parê dal oposizion e ancjie di une part di chei che a vevin votât par Cecot.

Jessint ancjiemò in cariche une buine part de vecjie zonte, sarès just domandji cont dai pericui creâts ai automobilists, oltri che dai beçs spaçiâts.

Sant Cristofur: la crôs stae par colâ in strade?

2008-06-22T16:20:00.004+02:00

Al fas strani cjialâ in somp al cjiampanîl de glesie di Sant Cristofur. Di fats a son daûr a fâ i lavôrs di restaur, ma de strade somee che la crôs sedi in pont di colâ di un moment a chel altri.

Mercjiât di Viâl Vat (21/06/2008)

2008-06-21T15:39:00.001+02:00