tag:blogger.com,1999:blog-4112879854698631998.post-40744655844630246282008-02-23T23:28:00.003+01:002008-02-23T23:39:18.182+01:00<a onblur="try {parent.deselectBloggerImageGracefully();} catch(e) {}" href="http://bp2.blogger.com/_Due5eqvduGQ/R8CeIn8CyyI/AAAAAAAAAEQ/qKdqEMONVMI/s1600-h/WikiMontNeriDalMatajur.jpg"><img style="margin: 0pt 10px 10px 0pt; float: left; cursor: pointer;" src="http://bp2.blogger.com/_Due5eqvduGQ/R8CeIn8CyyI/AAAAAAAAAEQ/qKdqEMONVMI/s200/WikiMontNeriDalMatajur.jpg" alt="" id="BLOGGER_PHOTO_ID_5170306243218295586" border="0" /></a>Vê lis montagnis tal sfont de visuâl al fâs part dal gno orizont mentâl, par cuasi dute la mê vite al è stât cussì tant e je vere che chês voltis che, atôr pes planis dal marimont, no soi rivât a viodilis in lontanance, o ai vût la vere sensazion di jessi intun lûc forest.<br /><br />Lis monts a son là, no si movin. Cualchidune e je come se e fos di famee, cuant che par esempli si viôt che al è neveât sul Mataiûr e jê une robe di contâ, di fâ savê e mi visi ben di mê none che e veve simpri iniment la sô mont; la Bernadie. Al è alc che al è simpri presint, a somein cuasi des divinitâts che e son li, di simpri, di gjenerazion in gjenerazion, a protezinus.<br /><br />Ma lis lôr leçs, vuatis e teribilis, no perdonin cui che al sbalie. I ultins a rondolâ ju a son stâts doi morôs, Antonio e Luana, copâts pôcs dîs fâ intes lôr cjaris monts.<br /><br />A sorevivi, ancjemò par un pôc, o restin nô, cui voi aromai suts, e sul sfont lôr, lis montagnis.il crothttp://www.blogger.com/profile/16178382814088408322noreply@blogger.com