Castro de Baronceli

Balance optimista

2009-07-02T13:15:00.009+02:00

Coas obras emprestadas ao profesorado durante o derradeiro claustro desta semana, pechamos o curso 2008-2009 e facemos balance. Segundo os datos estatístiscos do movemento da biblioteca, estes son os resultadodos dos últimos nove meses:

894 préstamos (769 libros, 125 documentos audiovisuais), sen contar as Maletas Viaxeiras e as Bibliotecas de Aula. Isto quere dicir que aumentamos significativamente os resultados dos curso anteriores, ata multiplicalos por sete con respecto a hai tres anos. Cómpre lembrarmos que este curso baixamos o número de matriculados ata os 180 alumnos. Tendo en conta o profesorado e persoal non docente, viría representando unha media de catro préstamos por alumno e curso.

767 novos rexistros incorporados ao nosos fondos. Grazas ao esforzo do Grupo de Traballo dos últimos dous anos, completase a informatización de practicamente todo o material depositado na biblioteca. Segundo o OPAC-Meiga acadamos neste momento 3.617 rexistros bibliográficos.

Neste último curso tamén ampliamos a Hora de Ler ao segundo ciclo da ESO; puxemos en circulación dúas Maletas Viaxeiras; publicamos un Biblioboletín no nadal; programamos dúas sesións de contacontos; co-organizamos a II Romaría das Letras Galegas e outros eventos como o Día da Paz; ampliamos a dotación de ordenadores da biblioteca e os andeis con escadas na sala de lectura... e comezamos con dúbidas e erros a experiencia imparable dos Clubs de Lectura.

Pero, ademais, estamos cun sorriso de satisfacción por figurarmos na lista do PLAMBE para o vindeiro curso. Moito esperamos seguir aprendendo e divertíndonos entre libros e amigos!

Bo verán de lecturas para todos.

Profesores bibliotecarios a tempo completo en Portugal

2009-06-23T00:42:00.003+02:00

Este é a novidade que acaba de facer pública a Rede de Bibliotecas Escolares de Portugal:

A partir do ano lectivo de 2009-2010 a organização e gestão das bibliotecas escolares estará a cargo de professores bibliotecários a tempo inteiro que devem desenvolver estratégias e políticas que garantam a rentabilização de recursos e investimentos e a(s) coloquem ao serviço da escola, do processo formativo e das aprendizagens dos alunos.
Divulga-se o texto da portaria que aguarda publicação em Diário da República e que regula a designação de professores bibliotecários a partir do ano 2009-2010.
Portaria a aguardar publicação (PDF)
Brevemente será disponibilizado um dossier de apoio à operacionalização desta portaria.

Bibliotecas da bisbarra: Monterrei

2009-06-15T00:23:00.003+02:00

AXENCIA DE LECTURA MUNICIPAL DE MONTERREI

Rúa Progreso n.º 112

Tel.: 988 41 87 89

monterrei@rbgalicia.org

HORARIO:

Mañás: 10:30 - 13:30
Tardes: 17:00 - 20:00
Sábados: 11:00 - 13:00

BIBLIOTECARIA:

M.ª Milagros López Pérez

SOCIOS:

N.º de socios: 145
Requisito: estar empadroado no Concello

SERVIZOS:

Empréstamo de libros: Si
Material audiovisual (DVD, CD): Si
Catálogo en rede (OPAC): Si (http://www.opacmeiga.rbgalicia.org/)
Conexión a internet: Oito ordenadores a disposición dos usuarios.

FESTA DO BARONCELI NA CORUÑA (XI Premio Luís Freire)

2009-06-08T13:49:00.004+02:00

O sábado (6 de xuño) vivimos unha das xornadas máis emocionantes e emotivas na pequena historia do noso instituto. Na sala de exposicións da Domus, na cidade da Coruña, celebrouse a final do XI Premio Luis Freire de investigación científica para escolares. Dos cinco traballos finalistas, tres saíron do laboratorio de ciencias do IES Castro de Baronceli. Tras unha brillante exposición pública, con preguntas do xurado incluídas, este foi o fallo:

1.º PREMIO - IES Castro de Baronceli
Tania Alonso, Laura Pardo e David Ginzo
Que tipo de madeira produce máis cantidade de enerxía de biomasa mediante unha combustión termoquímica?

2.º PREMIOIES As Barxas de Moaña
Cal é a temperatura á que cantan os grilos?

3.º PREMIO - IES Castro de Baronceli
José Manuel Bahamonde, José Manuel Francisco, José Luís Basalo e Stefan Álvarez
Que número de pas optimizan o rendemento dos aeroxeradores?

4.º PREMIO - IES Castro de Baronceli
Sonia Villar, María Queija, Vania Gonçalves e Loli Sanmiguel
Que combinación de substancias depura mellor a auga?

5.º PREMIO - IES Sar de Santiago
Popeye, algas mellor que espinacas.

Todos recibiron un ipod. O primeiro equipo gozará ademais dunha viaxe ao Parque Natural Arribes del Duero.
Noraboa a todos e todas, en especial ao profesor Miguel A. Yebra.

FOTOS NA GALERÍA
Última páxina de El País (edición Galicia)
Reportaxe en El Ideal Gallego
Noticia en La Voz de Galicia

Balbino no club de lectura

2009-06-03T19:50:00.013+02:00

Estes son só algúns dos comentarios extraídos das valoracións persoais da lectura de Memorias dun neno labrego realizadas polo Club Proa de lectura .

Sinceramente, o libro paréceme algo triste, pois o protagonista non pode ir ás festas. Sei que a vida daquela era dura e máis miserable, pero tamén poderían deixar que o pobre rapaz gozara un pouco, porque senón vaia trauma!!! E ademais o pobre rapaz sofre por amor ¡Ai, pobriño Balbino!
IONE LEADBEATER
Ó principio non me gustou, pero despois está moi, moi ben.
Eu valoro ben o libro porque é realista. Dáme moita pena porque é un neno e non merece ter que traballar tanto.. Merece ir as festas, como os outros nenos, pero non vai porque debe gardar loito polo seu tío. A Balbino estanlle quitando a “infância” e todo ser humano, por moi malo que sexa, non merece iso. Que pronto se vai a idade da infancia!!!
JUDIT PEDROSA

A min gustoume moito a obra. Gustoume porque Balbino vai contando todo o que lle pasa. Balbino é un neno pobre, cando había festa na aldea el non ía porque tiña que gardar loito polo seu tío. Tamén me gustou porque é un neno moi traballador, facía todo o que lle pedían seus pais e a súa madriña, nunca rechistaba e era un neno moi listo a pesar de que case non ía á escola.
YASMÍN GONZÁLEZ

Gustoume porque é un libro que engancha moito, conta unha vida real que sucedeu hai moito tempo e que nós, afortunadamente, non coñecemos. O mellor da vida do protagonista foi destrozada e iso non debería ser así.
YÉSICA FERREIRO

Bibliotecas da bisbarra: Riós

2009-05-27T19:06:00.002+02:00

AXENCIA DE LECTURA MUNICIPAL DE RIÓS
Estrada Vendas-Vilardevós n.º 65
Tel.: 988 594 487 - Fax: 988 425 145
rios@rbgalicia.org

HORARIO:
Luns, mércores e venres: 15:00 – 20:00 horas
Martes e xoves: 9:00 – 14:00 horas

BIBLIOTECARIA: Lucía Álvarez Rodríguez

SOCIOS: Levar dúas fotografías e o DNI

SERVIZOS:

Sala de lectura: 20 postos adultos e 13 postos infantil
Empréstamo de libros: Si
Material audiovisual (DVD, CD): Si
Publicacións periódicas: Non
Catálogo en rede (OPAC): Si (http://www.opacmeiga.rbgalicia.org/)
Conexión a internet: Oito ordenadores a disposición dos usuarios.

ACTIVIDADES: Campañas de animación á lectura con contacontos, títeres e encontro con escritores. Alfabetización dixital para adultos.

Ruta Currosiana

2009-05-25T13:24:00.004+02:00

O 11 de maio, nas vésperas das Letras Galegas, os grupos de 3.º ESO realizaron a Ruta Currosiona por terras de Celanova. Trátase, sen dúbida, dun dos itinerarios culturais máis completos que existen na actualidade en Galicia. A xornada desenvolveuse do seguinte xeito:

Visita á casa natal de Curros Enríquez convertida en Casa dos Poetas para acoller ás importantes figuras da literatura como Celso Emilio Ferreiro ou Méndez Ferrín.
Visita guiada ao mosteiro, con parada na biblioteca do instituto e nas xoias monumentais: claustros, o poleiro, capela mozárabe, coro e órgano.
Xantar
Ruta de senderismo polos camiños de Penalta e Einibó, lugares famosos polos poemas de Curros.
Visita ao castelo de Vilanova e mostra da Virxe do Cristal.
Subida a Castromao.

Todo iso adozado con lecturas de poemas e as amables explicacións de Paula, guía da Casa dos Poetas, a quen lle debemos agradecer a súa paciencia e dedicación.

Novidades na Biblioteca de Verín

2009-05-24T21:45:00.004+02:00

Cando aínda estamos celebrando os resultados dos premios literarios do Concello de Verín, a Biblioteca Municipal convoca un novo concurso de narrativa. Está dirixido a escolares da comarca e tamén do municipio de Chaves. Presenta a novidade dun curioso sistema de premio mediante sorteo entre os participantes seleccionados. (Ver Bases)

As bases tamén poden consultarse na súa recén estreada páxina web que merece ser recibida con alegría e parabéns. Ademais da publicidade das súas actividades como esta iniciativa do concurso, facilita a consulta do catálogo en rede e dos servizos de documentación como o acceso ao CER (Compendio Educativo en Red).

Páxina da Biblioteca Municipal de Verín

Bibliotecas da bisbarra

II Romaría Popular das Letras Galegas

2009-05-19T01:15:00.000+02:00

Reivindicando ao músico Ángel Barja

2009-05-17T23:16:00.005+02:00

Edelmiro Mateo, director da Coral de Verín, trazou o venres na biblioteca o perfil humano do seu mestre e amigo Ángel Barja. A través da súa exposición realizada desde a emoción, descubrimos a que sen dúbida é unha das maiores figuras musicais de Galicia, e que ademais foi paisano noso. Ángel Barja naceu en Terroso (Vilardevós) no ano 1938, e aínda que desenvolveu a súa carreira musical fóra de Galicia, principalmente en Roma e León, mantivo unha estreita relación coa súa terra na que conserva vínculos familiares. Esta foi unha das mensaxes máis repetidas na conferencia: "De verdade podemos presumir de Ángel Barja porque foi un músico, director e compositor excelente. Aínda que aquí sexa descoñecido, goza dun recoñecido prestixio internacional".

O luns, 18 de maio, dedicarémoslle a Aula de Música dentro das actividades da II Romaría das Letras Galegas organizadas polo ENDL.

Tim Bowley e Charo Pita na biblioteca

2009-05-12T17:18:00.007+02:00

Maios 2009

2009-05-03T19:31:00.008+02:00

Os nosos profesores
teñen moita paciencia,
só con miralos
contáxiannos "sapiencia" .

O profe de informática
é moi enrollado,
armámoslle a festa
e calquera lado.

Os deste instituto
fomos de excursión,
sete días en Andorra
molaron mogollón.

Texto íntegro:

Coplas dos maios 2009
Certame Enrique Gómez Pato

LaGaZetaDeTerZero (nº. 3)

2009-04-28T18:25:00.002+02:00

Xa está na rúa o número 3 de LaGaZetaDeTerZero, máis interesante ca nunca!!! Entrevistas de rabiosa actualidade, reportaxes de investigación, enquisas sorprendentes, imaxes para o recordo... Non podes quedar sen ela!
Se non atopas ningún "punto de venda", lembra que podes reservar exemplares escribindo a lagazetadeterzero@hotmail.com. Só hai 500 periódicos...!

Parabéns ao equipo de redacción.

Día do Libro con Sabela Gago

2009-04-24T23:48:00.002+02:00

O alumnado de 1º ESO celebrou o Día do Libro na biblioteca cunha sesión de contacontos a cargo da actriz Sabela Gago e tres improvisados axudantes. A fundadora e integrante do veterano grupo Sarabela Teatro, deixounou a mensaxe escrita que podedes ler na presentación de fotos.

Cadernos Manuel Taboada Cid

2009-04-24T18:45:00.008+02:00

Xa están na biblioteca os catro primeiros Cadernos Manuel Taboada Cid para a difusión da cultura verinense. Neles recóllense os traballos premiados nos pasados certames literarios de escolares da comarca. Podes consulalos na biblioteca e mesmo solicitar o teu exemplar.

Estamos seguros de que ao filólogo, investigador e docente Manuel Taboada Cid lle gustaría ver asociado o seu nome á creación literaria da mocidade. Os profesores do Baronceli, entre eles Beni e Serafín que asistiron ás súas clases de lingua española na facultade, únense a esta homenaxe e concordan co perfil humano trazado nos Cadernos:

"Afábel, xeneroso, optimista, motivador; alumnos seus na universidade, hoxe profesores en Verín, lembran a Manolo -así lle chamaban cariñosamente- como erudito consciente das problemáticas do seu país, que desbordaba humanidade e cortesía no trato co alumnado: un verinense exemplar."

Certames de relato curto e poesía

2009-04-15T13:11:00.004+02:00

Con fin de fomentar a creatividade literaria dos estudantes dos centros de ensino da comarca, o Concello de Verín convoca os seguintes concursos:

Certame de Relato Curto Antonio Fernández Pérez
Certame de Poesía Xosé Carlos Caneiro Pérez

Ver as bases

Maxia violeta

2009-04-10T12:49:00.008+02:00

Sempre é agradable volver e atoparse cun regalo. Neste caso os amigos de Raioteca e O Segrel do Penedo agasállannos co Selo Violeta.

"O Selo Violeta representa as sensações que a cor violeta traz para a nossa mente. Este prêmio é dado aos blogs que têm algumas das sensações da cor violeta. São algumas delas: magia, encantamento, graciosidade, magnetismo... e tudo aquilo que parece mágico".

Estas son as regras:

Exhibir o Selo Violeta no blog xunto coas regras.
Indicar cantos blogs consideras que merecen este selo.
Avisar aos indicados, non hai que esquecerse diso!
Escribir dous poderes máxicos que xa imaxinaches ter.

Pois tamén son Blogs Violeta:

A maxía co que soñamos acotío é con poder unir cada lector con ese libro que agarda misteriosamente por ese lector na biblioteca.

O can dos Baskerville

2009-03-31T15:52:00.003+02:00

ARTHUR CONAN DOYLE
O can dos Baskerville

Este libro conta unha das aventuras do famoso detective Sherlock Holmes e o seu axudante Watson. Desde o principio sabes que pode pasar o que menos esperas e a intriga logo te engancha na lectura. Gustounos precisamente porque é un libro no que a narración intensa non decae.

Ten todo o que mola dos libros: acción, misterio, drama e tamén un pouco de humor.

Mabel, Verónica e Antonio (2º. ESO)

Manual de Regulamentación en galego

2009-03-26T13:43:00.004+01:00

Sempre é de agradecer as doazóns de libros, e máis cando se trata da achega coma esta amablemente ofrecida polo pai dun alumno. O libro tamén é un tanto especial para unha biblioteca escolar. Trátase do Manual de Regulamentación en galego C1 e C, primeiro deste tipo na nosa lingua, editado por Etrasa.
Como tamén inclúe test aqui vos deixamos cunhas cantas cuestións:

Nun mapa de estradas cunha escala 1:2.000.000, un centímetro
correspondería a
a) 200 quilómetros
b) 2 quilómetros
c) 20 quilómetros

O alumado de gálibo consiste...
a) en dúas luces brancas tanto por diante como por detrás.
b) en dúas luces de cor branca ou amarelo selectivo por diante e dúas vermellas por detrás.
c) en dúas luces brancas por diante e dúas por detrás.

Para que un automóbil sexa considerado camión é necesario
que...
a) teña unha masa máxima autorizada superior a 3.500 quilógramos.
b) a cabina non estea integrada no resto da carrocería.
c) teña un máximo de 5 prazas, incluída a praza do condutor.

Entre outros efectos, o alcol...
a) diminúe o tempo de reacción.
b) diminúe o campo de visión.
c) diminúe a distancia de freado.

Moitas grazas, Chelis.

Recortes dos xornais

2009-02-27T16:57:00.008+01:00

A páxina do concello de Verín ofrece este interesante servizo de documentación: a hemeroteca dos recortes dos xornais. Así é máis doado achar todas as novas relacionadas coa cidade e a comarca desde o ano 2001. Neste momento a escolma inclúe as seguintes publicacións: Faro de Vigo, La Región, La Voz de Galicia e Galicia Hoxe.
A busca de novas é pincipalmente cronolóxica, pero desde hai uns meses tamén contempla a posibilidade de buscas temáticas grazas ao motor de Cidades Dixitais. O almacenamento está efectuado en formato PDF.

Se buscas polos recortes tamén nos encontrarás a nós. A máis recente entrada é esta:

Entroido solidario

2009-02-21T16:32:00.016+01:00

Así o contou La Región:
(Grazas tamén a Onda Cero Radio)

E así o fotografamos nós.
No patio:

E na biblioteca:

Busca documental sobre o Níxer-Sahel

Historia dunha careta de peliqueiro

2009-02-16T13:45:00.000+01:00

Láminas deseñadas polo mestre e peliqueiro Paco.

Francisco Diéguez, coordinador do ENDL do IES Castro de Baronceli.

Bibliotecas da bisbarra: Verín

2009-02-15T18:42:00.006+01:00

BIBLIOTECA PÚBLICA MUNICIPAL DO CONCELLO DE VERÍN

Avenida de Portugal, 17. 32600 Verín (Ourense)

Centralita 988 411476 - Fax 988 412259

biblioteca@verin.net

Vídeo presentado ao concurso léemeloslabios

Matan as escolas a creatividade?

2009-02-11T22:49:00.008+01:00

Con este título, Sir Ken Robinson realiza unha exposición divertida e estimulante.
(Se non dá aberto correctamente, atoparás o vídeo aquí)

Vía Vagón-bar

Baronceli lector (clubes de lectura)

2009-02-10T21:19:00.008+01:00

Logo da experiencia do curso pasado co clube de lectura dos profesores, comezou a funcionar este mes de xaneiro o Baronceli lector. Repartidos en varias seccións, coordinadas por un docente, están formados os seguintes clubes:

Libros a PROA
Fóra do horario escolar, o instituto permanece aberto as tardes dos martes e dos xoves para acoller aos do Plan PROA. Dez alumnos de 1.º e 2.º ESO que dirixidos polo seu mestre Jesu aproveitan en máis dunha ocasión a biblioteca e, entre outras moitas actividades de reforzo educativo, len.
Este mes están a ler as Memorias dun neno labrego, de X. NEIRA VILAS.

O 4.º dos lectores
O alumnado de cuarto forma un clube de lectura especial. Dirixidos por Israel, o profedelengua, están a ler o éxito do momento:

S.MEYER, Crepúsculo

Os profes tamén len
Por segundo ano consecutivo, os integrantes do Grupo de Traballo da Biblioteca reservan a derradeira media hora das reunións para falar dos libros cuxa lectura común foi acordada entre todos. Tamén se adoita incluír un ensaio sobre a lectura ou o ensino.
Ata este momento do curso esta é lista de lecturas:
Ficción
M. HADOK, O curioso incidente do can a medianoite
K. HOSSEINI, Cometas en el cielo
A. BENNET, Una lectora nada común
Ensaio
G. ZAID, Los demasiados libros
D. PENNAC, Mal de escola
J. MARINA; de la VÁLGOMA, La magia de leer

Axiña se poran en marcha outras experiencias parecidas ás dun clube de lectura. Trátase de grupos formados a requirimento dun docente para traballar voluntariamente cos seus alumnos a lectura dun libro. Por exemplo:

1.º ESO (Agr.)
Profesora: BENI
Libro: O principiño de ANTOINO DE SAINT-EXUPÉRY

De todos esperamos comentarios neste blog.
Boas lecturas.