Vilán

2009-07-05T22:31:00.004+02:00

ESTAMOS DE VACACIÓNS
Xa estamos en xullo: vacacións!

A biblioteca quere depedirse e dexesarvos un feliz verán, con sol, praia, festas e...libros!
Aquí debaixo vos deixo unhas imaxes-resume dalgunhas das cousiñas deste curso que tiveron relación directa coa biblioteca, amenizadas coa canción que máis me gusta de Jacko. Tamén hai engadida algunha foto máis na última entrada de Pedras do Vilán.

De Películas

2009-06-23T18:16:00.002+02:00

SAÍDAS DE FIN DE CURSO

Xa tedes en Pedras do Vilán algunhas das fotos do último día de curso. Ide con coidado que algunhas delas están molladas!

2009-06-20T22:09:00.002+02:00

FALTAN FOTOS!

Non hai como deixar de facer algo para que a xente o bote de menos: faltan unhas fotos e entón si que aparecen comentarios no blog! (e si non mirada na entrada de abaixo).

En fin, que non sempre se pode andar á última. Pero intentaremos correxirnos, que para iso valen as broncas que nos bota o alumnado!!

As 'afotos' das que falades, e outras, están en Pedras do Vilán, que é o blog das actividades que non son da biblio, OK?

2009-06-16T19:15:00.008+02:00

UN VERÁN DE LIBRO

Xa tedes á vosa disposición a guía de verán deste curso. Van recollidos nela unha serie de libros recomendados e de novidades acabadas de chegar á nosa/vosa biblio. Tratamos de dar unhas ideas que nos parece que poden funcionar, pero xa sabedes que podedes atopar moitos outros títulos nos andeis.

E non olvidedes que tamén pode ser de interese para a xente da vosa familia, que cada vez somos máis os "raros" que lemos libros. Xa sabedes que durante estas vacacións podedes levar ata 5 libros!

Hai mellor tempo para ler a gusto que o verán??

2009-06-11T22:34:00.007+02:00

AS LINGUAS SUMAN

Este tríptico informativo foi elaborado pola Coordinadora Galega de Equipos de Normalización e Dinamización Lingüística. Pensamos que pode ser de interese para os pais, para a comunidade educativa e para toda a sociedade en xeral. Nós queremos defender o dereito dereito dos nenos e nenas que educamos a ser igualmente competentes en galego e castelán, segundo se establece no actual Decreto, no que tanto tempo vimos a traballar sen ningún conflito. Pica no tríptico para poder lelo.

2009-06-06T21:09:00.002+02:00

XORNADAS DOS CLUBS DE LECTURA 2009

Celebrouse este venres 5, en Santiago, a xornadas dos Clubs de Lectura deste ano. Coma sempre, como nos teñen acostumados Cristina e Pilar, a organización foi perfecta (grazas!) e os conferenciantes de alto nivel. Empezamos escoitando a Mireia Manresa (da Universidade Autónoma de Barcelona) e profesora de Secundaria falando sobre os hábitos lectores dos adolescentes (algunha vez acordeime dalgún que me sei eu). Rosa Aneiros falaounos da súa experiencia de autora asistindo a Clubs de Lectura (imos ter que incluir algún título seu nos nosos clubs) e logo escoitamos a catro compañeiras/o falando dos seus clubs, da práctica diaria (meu deus, canto traballiño!). Mercedes Caballud e Carmen Carramiñana puxéronnnos os dentes largos falando da experiencia "Leer juntos" na vila de Ballobar (Huesca) onde teñen prácticamente a medio pobo ligado aos clubs de lectura e incluso exportan a experiencia a outros lugares. Impresionante!

É unha lástima que a estes encontros non poidamos ir máis xente, profes alumnos e pais. A máis de un encantaríalle.

2009-06-01T22:31:00.001+02:00

CHEGAN OS PREMIOS

Hoxe no recreo fixemos entrega dos premios do Sabías que...? deste ano que, aínda que algún non o crea, incluían libros! Tivemos que andar a cazar aos 'afortunados' que, con tantas calores, andaban perdidos polo patio adiante. Tampouco foi fácil facerlles as fotos, que xa se sabe que: ai, non profe, a min non!! pero en fin, aquí tedes unha mostra do que pasou:

2009-06-01T22:01:00.000+02:00

DE FARO A FARO

Un avisiño para os da excursión as Cíes, que por fin está colgada a entrada en Pedras do Vilán. Máis vale tarde que nunca! (Ou eche o que hai! que din outros)

2009-05-31T18:09:00.007+02:00

UN MURAL MULTICOLOR

Parece que cada ano o do mural vai conseguindo máis notoriedade. O curso pasado aparecemos nunha revista internacional e este curso na TV. Acabaremos colocando un destes murais nun museo?? Con Javier á fronte da actividade pode pasar de todo!

Aquí tedes algunhas imaxes do proceso e, se queredes ver a emisión da TVG non tedes máis que picar aquí.

BubbleShare: Share photos - Easy Photo Sharing

2009-05-27T21:17:00.007+02:00

SABÍAS QUE...?

Sabiades que xa rematou Sabías que...? Foron catro semanas de intenso traballo e busca de información..., pero eu estou convencido de que en realidade pásase ben fedellando pola biblio adiante e buscando información por todas partes.

Aquí tedes a foto dos gañadores, co diploma que os acredita como tales. Foi tan reñido que gañaron por só 1,5 puntos, porque o segundo equipo andáballe moi cerca!

Tanto uns coma outros terán o seu premio e, ademais, hai outros catro participantes que tamén terán premio por sorteo. Isto éche unha festa!!

2009-05-22T22:09:00.005+02:00

En lembranza de RAMÓN PIÑEIRO

Hoxe, organizado polo ENDL e a biblio, estivo con nós Serafín Marcos para recordar a figura de Ramón Piñeiro. Asistimos a unha representación que tardaremos en esquecer porque a todos nos sorprendeu. Este profesor de guitarra do consevatorio de Noia tívonos a todos en vilo, pendentes do que ía ocorrer a continuación, porque sempre era inesperado. Ao final aclarounos que as diferentes partes do espectáculo tiñan relación con diferentes momentos da vida e da obra de Ramón Piñeiro, que nos toca agora a nós identificar: a infancia, a Guerra Civil, a loita clandestina, a filosofía, a saudade, Galicia, a lingua...

Serafín marchou contento, dicindo que todo funcionara moi ben e que a xente reaccionara moi ben, pero isto non o podemos dicir en alto, que logo o alumnado anda por aí todo creído. Ssshhhh...!

2009-05-19T00:14:00.010+02:00

LETRAS TRISTES

Hoxe as letras andan tristes, porque un poeta que as quería, e que nos quería a todos, a nós, deixounos para sempre.

Marchou Mario Benedetti. Quedan as súas palabras, quedamos coa súa poesía.

Podes ler algúns poemas seus, ademais deste que deixamos aquí:

Te quiero

Tus manos son mi caricia,
mis acordes cotidianos;
te quiero porque tus manos
trabajan por la justicia.

Si te quiero es porque sos
mi amor, mi cómplice, y todo.
Y en la calle codo a codo
somos mucho más que dos.

Tus ojos son mi conjuro
contra la mala jornada;
te quiero por tu mirada
que mira y siembra futuro.

Tu boca que es tuya y mía,
Tu boca no se equivoca;
te quiero por que tu boca
sabe gritar rebeldía.

Si te quiero es porque sos
mi amor mi cómplice y todo.
Y en la calle codo a codo
somos mucho más que dos.

Y por tu rostro sincero.
Y tu paso vagabundo.
Y tu llanto por el mundo.
Porque sos pueblo te quiero.

Y porque amor no es aurora,
ni cándida moraleja,
y porque somos pareja
que sabe que no está sola.

Te quiero en mi paraíso;
es decir, que en mi país
la gente vive feliz
aunque no tenga permiso.

Si te quiero es por que sos
mi amor, mi cómplice y todo.
Y en la calle codo a codo
somos mucho más que dos.

2009-05-17T18:42:00.008+02:00

Aínda que se molle o GALEGO non encolle
Gran manifestación hoxe, día das letras, a favor do noso idioma, en Santiago, convocada pola Mesa pola Normalización Lingüística.

Milleiros e milleiros de persoas polas rúas de Santiago, defendendo o galego, a pesar da chuvia, que caeu a caldeiros. Gran gustazo de atoparse con vellos amigos e, sobre todo, coa xente nova, que ven empuxando con forza, incluíndo aos nosos ex-alumnos, como podedes ver.
Podedes ir contando, a ver cantos éramos!

2009-05-17T18:13:00.003+02:00

LINGUA DE AMOR
Envíanos Fran, antigo alumno do centro, unha nota sobre unha canción que presentou a este concurso. Parécenos estupendo que os nosos 'ex' teñan estas iniciativas, e sempre estamos a favor da música! Reproducimos aquí a nota de Fran: facédelle caso!
Hola!!!
mándovos este mail para pedirvos un gran favor. Resulta que presentei unha canción ó concurso "lingua de amor", xunto con outra compañeira do insti. Para seleccionar os gañadores faráse unha primeira votación popular, e logo as máis votadas serán valoradas por un xurado de "entendidos"
Para votar pola canción só tedes que rexistrárvos na páxina picando aquí.

Unha ves rexistrados, aparecerávos un menú, que ten na marxe esquerda unha apartado que di "votacións". Selecionades o apartado de Audio/video, e xa podedes votar. A canción chámase "Co corazón no Solpor"

Espero que vos guste, e de ser así, que votedes por ela.
Grazas
frank.

2009-05-16T22:02:00.003+02:00

ACTUACIÓN DE SERAFÍN MARCOS

Serafín Marcos actuará no centro o próximo venres día 22 para o alumnado de 1º e 3º. A súa actuación xirará arredor da figura de Ramón Piñeiro.

2009-05-16T19:27:00.005+02:00

CERTAME LITERARIO INTERCENTROS

Este ano, no certame literario das Letras Galegas que organiza o noso Concello, participaron un total de 35 alumnos e alumnas nas modalidades de poesía, narrativa e cómic. Destes alumnos e alumnas resultaron premiados 17.

Os premios entregaranse en Camariñas o domingo 17, Día das Letras Galegas, na Praza da Insuela, ás 12.30 da mañá.

Noraboa a todos e todas, participantes e premiados!

Ánimo e a seguir escribindo!

2009-05-13T21:29:00.003+02:00

CINE PARA FALAR
Hoxe era o día do audiovisual! Pola tarde tivemos unha sesión de cine para nais/pais e fillos. Tedes máis información no blog de Club de Lectura Arao, que non é exactamente o mesmo, pero ten moito que ver.

2009-05-13T20:12:00.004+02:00

PEDRAGUIWOOD 2
"El reeetolllno"
Hoxe 'retolnamos' a traballar no audiovisual cos de 1º. Seguro que de agora en diante entenden mellor como se fai iso da TV e, como dicían Jairo e Elena, pensarán nos eléctricos, nos microfonistas, nos técnicos de son e vídeo, nos equipos de VTR, nos maquilladores...
Os monitolres prometeron que cando o teñan preparado nos mandarán o DVD co 'informativo' que gravamos hoxe e que seguro que todos queren ver. A min non me preocupa tanto o que saia no disco; impórtame máis todo o que había arredor da gravación e o que aprendemos facéndoo. Eramos un equipo de 25 persoas e todas tiveron o seu papel, todas cumpriron e o programa saíu adiante. E, ademais, polo que dicía Jairo ao remate, funcionou mellor que noutros sitios. Ben por nós!!
Aquí tedes outras poucas fotos de mostra mentres esperamos polo vídeo. Ah, por certo, pasade o rato por riba das fotos!

2009-05-10T19:25:00.003+02:00

MES DAS LETRAS GALEGAS

Este ano a Real Academia Galega decidiu dedicar o Día das Letras Galegas a Ramón Piñeiro pola súa desinteresada dedicación en defensa de Galicia e da cultura galega. Aquí tes un vídeo educativo sobre Ramón Piñeiro realizado polos rapaces dos CPIs de San Vicente (A Baña) e Os Dices (Rois).

2009-05-07T21:47:00.003+02:00

PEDRAGUIWOOD 1
Comezamos hoxe coa actividade "O audiovisual nas aulas", que remataremos o próximo mércores, e xa temos aos equipos funcionando a pleno rendemento. Sobre todo aos de "produción" que teñen máis traballo agora que cando toque gravar.
Polo menos parece seguro que nos imos enterando de que as cousas non son tan fáciles de facer como de ver, hai moito traballo detrás de cada escena que vemos na tele!
Atentos ao 'informativo' que faremos o mércores. Pero mentres non olvidedes o "Sabías que...?" e recordade que tedes os cuestionarios aquí, no lateral deste blog (por se queredes botarlles un vistazo) e as fotos dos kaiaks en Pedras do Vilán.

BubbleShare: Share photos - Find great Clip Art Images.

2009-05-03T21:37:00.003+02:00

BIBLIOTECA DIXITAL MUNDIAL
Xa está en marcha, dende hai un tempo a Biblioteca Dixital Mundial, auspiciada pola Unesco e coa participación dalgunhas das máis importantes bibliotecas do mundo; un proxecto que irá medrando paulatinamente coa incorporación de máis fondos das bibliotecas participantes. Inclúe a dixitalización de fondos antigos, para poder ver como eran os orixinais de fai centos (ou miles) de anos, ademais de
mapas, gravados, fotos... organizados por temas e cronoloxicamente. Xoias da historia da civilización ao alcance do rato!

2009-04-27T21:24:00.005+02:00

ESTAMOS DE SORTE

Estamos a recibir, doutras bibliotecas escolares amigas, o agasallo de facernos Blog Maneiro, que ven sendo algo así como "blog con xeito", con bo xeito!

Agradecidos e cumpridores: ser blog maneiro implica tamén cumprir as regras:

- Exhibir a imaxe do premio “Olha que blog Maneiro”.

- Exhibir o nome do blogue que concedeu o premio.

- Indicar outros 10 blogues propostos para seren maneiros.

- Comunicar o premio aos blogues seleccionados.

- Publicar as regras.

- Comprobar que os blogues premiados seguen as normas.

O primeiro que corresponde facer agora é agradecer aos blogs Felices Lecturas e a Bibliobarro o agasallo, cos nosos mellores desexos, e prometer intentar seguir a ser o máis maneiro posible. Repartimos o agasallo tamén con outros blogs (aínda que é probable que algún xa teña o título, pero temos que mencionalos) que nos gustan e nos axudan a mellorar:

- Biblioafonso
- Iniciarte
- Na estrada 525
- Arredor de si
- O ninho da curuxa
- Estamos a ler
- Biblio Fernando Blanco
- Trafegando Ronseis
- Mesturas
- Andel aberto

e, como mandas as regras, procedemos a colocar na nosa barra o logo de Blog Maneiro.

2009-04-27T20:39:00.003+02:00

SABÍAS QUE...?

Xa arrancamos co Sabías que...? e, coma sempre, da gusto ver á xente botando fume polas orellas en busca da solución ás preguntas... É que os bibliotecarios sómosche 'moi malos malismos'.
Tamén tedes que saber que, igual que o curso pasado, tedes os cuestionarios na columna lateral do blog, picando no nome do concurso, por se queredes repasalas.
E de paso, un aviso, sobre todo para os de 3º: xa miráchedes en Pedras do Vilán??

2009-04-23T21:21:00.004+02:00

XAESTAMOSAQUÍ !!
Xa estamos aquí! Hoxe volvemos a abrir a biblio logo dunha tempada de tela pechada para darlle un lavado de cara... e de pes! Puxémoslle corcho no chan, moito máis agradable e silencioso (?), e tamén levou un bo pintado. Agora está máis alegre (ou eso di ela).

Fixemos unha re-inauguración como é debido, con pasteis e regalos para os que se achegaron por alí, que foron bastantes, porque pastel non quedou ningún! Guías de lectura tampouco quedaron moitas, apenas 10, así que os bibliotecarios estamos contentos e a biblio disque tamén, que botaba en falta á rapazada!

2009-04-23T09:14:00.004+02:00

23 de abril - Día do libro
Hoxe celebramos o día do libro e coincidindo con esta data reabrimos a biblioteca que estivera pechada por obras durante algún tempo, a ver que vos parece a "nova biblioteca". Está chea de colorido e queremos que nesta nova andadura sexa algo máis silenciosa e siga sendo igual de dinámica. A próxima semana empezamos co Sabías que...?
Sobre o Día do Libro tes información no taboleiro e picando aquí.