TECNOLOXÍA

Actualización do antivirus

2009-06-01T13:32:00.005Z

Neste videotutorial poderedes ver paso a paso como se poden modificar os parámetros para a actualización automática do antivirus.

Exames de Xuño para 3º ESO

2009-06-01T10:40:00.002Z

A continuación tedes as datas nas que se celebrarán os exames que restan de curso.

PARA O ALUMNADO DE 3º ESO A

Exame electrónica día 16 de Xuño
Exames de recuperación 18 de Xuño

PARA O ALUMNADO DE 3º ESO B e C

Exame electrónica día 9 de Xuño
Exame de recuperación: 15 de Xuño

Taller de Tecnoloxía

2009-05-28T07:38:00.004Z

A vindeira semana temos que rematar cos proxectos de 2º ESO. Para todos aqueles que queirade vir no recreo a rematalo e facer pequenas melloras, o taller permanecerá aberto os días:

Martes 2, Mércores 3 e Xoves 4 no primeiro recreo

Recordatorio exames

2009-05-22T10:45:00.000Z

O alumnado de tecnoloxía tedes ao longo da vindeira semana exames, lémbrovos as datas e os contidos que entran para que ninguén se despiste:

2º ESO C: luns día 25, exame de informática (o ordenador e os seus periféricos
2º ESO D: martes día 26, exame de informática (o ordenador e os seus periféricos)
3º ESO A: martes día 26 exame electrónica
3º ESO B: luns día 25 exame electrónica
3º ESO C: luns día 25 exame elctrónica

Material de 2º e 3º ESO

2009-05-20T11:33:00.003Z

Tedes no servidor do centro, as presentacións dos temas de informática de 2º ESO e de electrónica de 3º ESO.

Tamén a podedes atopar na zona de descargas deste blog.

As posibilidades do Gimp

2009-03-27T20:52:00.005Z

Estamos empezando a traballar co Gimp e as posibilidades do programa son moitas, sempre que saibamos traballar coas ferramentas e teñamos "un pouco" de arte.
Botádelle unha ollada a este video
Tedes colgada na páxina moodle do centro o material do curso

Un reto para o alumnado de 3º ESO

2009-03-06T12:51:00.003Z

Seríades capaces de facer unha aproximación ao recibo da luz do Instituto?
Para os que vos animedes aquí tedes uns datos que vos farán falla:
Potencia das lámpadas incandescentes 25W
prezo do KWh 0,112€
Facturación por potencia 78,99€
Aluguer do computador 11,85€
IVE a aplicar 16%
A todos aqueles que vos aproximedes ao importe total do recibo teredes unha bonificación a modo de nota

4ºESO informática

2009-02-20T16:19:00.005Z

Para todos aqueles que esteades interesados en realizar unha práctica de Writer de repaso, podedes descargala no curso Moodle Tecnoloxía Informática 08.
Podedes acceder a el premendo nesta ligazón

Premio Dardos

2009-02-16T17:42:00.006Z

Dende o Blog da miña querida compañeira Teresa Mancebo, chegoume este premio Dardos que ten as seguintes características e regras:

«Con el Premio Dardos se reconocen los valores que cada blogger emplea al transmitirlos como culturales, éticos, literarios, personales, etc., que, en suma, demuestran su creatividad a través del pensamiento vivo que está y permanece intacto entre sus letras, entre sus palabras. Esos sellos se crearon con la intención de promover la confraternización entre los bloggers, una forma de demostrar cariño y reconocimiento por un trabajo que añada valor a la Web.

Las reglas del meme son:

1) Mostrar la imagen del sello;
2) Enlazar al blog a través del cual se recibió la notificación;
3) Escoger otros blogs a quien entregar el Premio Dardos.»

Os meus premiados son:
-VivaZapata: blog do incansable productor Xosé Zapata onde se analiza a situación do audiovisual galego.
- e como non, Desbarradas de Akin, quen a forza de tanto desbarrar e de tanto tiro ao arco fixeron diana no seu blog.

Mobiliario e xoguetes de cartón?

2009-02-16T17:16:00.004Z

Pois parece ser que sí! Visitade esta páxina e veredes como se poden construír mobles resistentes cun material que moitos de nós non imaxinaríamos nunca, o cartón.

Para os que sexades capaces de traerme feito o exemplo que se propón na páxina para iniciarvos neste apasionante mundo das estruturas, agárdavos unha sorpresa.

2º ESO: estruturas

2009-02-08T12:42:00.004Z

"... as estruturas están tan implicadas nas nosas vidas e de tantas formas distintas que realmente non podemos permitirnos ignoralas: despois de todo as plantas, todos os animais e case todo o que fabrica o home debe soportar maiores ou menores forzas estáticas sen romperse, e polo tanto calquera cousa pode ser unha estrutura dunha clase ou outra."

J.E.Gordon "Estruturas ou por que as cousas non se caen"

Podedes descargar a presentación do tema e o cuestionario para o proxecto dende este blog ou en aulateca.

Alumando 3º ESO

2009-02-07T16:05:00.002Z

Lembrade que tedes que traer rematados os exercicios do boletín número 1 de instalacións.
Por se queredes repasar algo sobre o tema aquí tedes unha ligazón onde podedes consultar distintos elementos das instalacións eléctricas: http://ficus.pntic.mec.es/~mbuc0003/cgmp.php

Escoller unha gama de cores

2009-01-28T17:20:00.004Z

Queres cambiar a apariencia dunha plantilla cambiándolle as cores?

Moitas veces buscar unha gama de cores axeitada da máis dun problema e resta moito tempo, ColourJack é unha aplicación que vos permitirá crear unha gama de cores a partir dun dado ou escoller entre moitas das gamas xa feitas

Tarefas para 3º ESO

2009-01-27T17:50:00.004Z

As tarefas para a vindeira semana son as seguintes:
3º ESO A para o día 3 de Febreiro, exercicios 5 (todos os apartados menos o b) e 6
3º ESO B e 3º ESO C para o día 2 de Febreiro, exercicios 5 (todos os apartados menos o b) e 6

2º ESO: electricidade

2009-01-20T15:55:00.004Z

Estamos chegando ao final da unidade. Se alguén quere realizar algún exercicio a maiores aquí tedes unha ligazón para practicar a resolución de circuitos: Exercicios Lei de Ohm

Lémbrovos as datas do exame e as tarefas pendentes para a videira semana:

Tarefas pendentes:
2º C luns día 26 exercicio 19 boletín 2
2º D martes día 27 exercicio 19 boletín 2

Datas exames:
2º C luns día 2 de Febreiro
2º D martes día 3 de Febreiro

3º ESO: Instalacións eléctricas

2009-01-20T15:31:00.005Z

Comezamos tema novo!
Ao longo desta unidade veremos como son as instalacións eléctricas da nosa casa e realizaremos varias prácticas de montaxe de circuítos con compoñentes reais.

Tedes o material colgado na rede do centro e os que o desexedes podedes solicitar o material impreso en conserxería.

Tarefas a entregar:
-3º A martes día 27 exercicios 1, 2, 3, 4 boletín 1
-3º B luns día 26 exercicios 1,2, 3, 4 boletín 1
-3º C luns día 26 exercicios 1, 2, 3, 4 boletín 1

Invadidos por troianos

2008-11-16T12:03:00.004Z

Un troiano anda pola rede do centro dando máis que un quebradeiro de cabeza.

Os troianos son un tipo de virus que se propagan a través dunha imaxe, música, un arquivo adxunto dun correo electrónico ou calquera outro elemento de apariencia inocente que baixemos da rede e que se instala no momento en que executamos o arquivo. Habitualmente este tipo de virus emprégase para espiar, con un troiano pódennse obter por exemplo contrasinais de acceso ao correo electrónica ou á banca online.

O termo "troiano" está inspirado na estratexia empregada polos gregos na batalla de Troia. Os gregos lograron entrar na cidade de Troia grazas a un gran cabalo de madeira con que agasallaron aos troianos. O que os troianos non sabían nin podían imaxinar é que dentro deste cabalo ían ocultos guerreiros gregos...(se queres continuar coa historia)

NON TE ESQUEZAS DE ACTUALIZAR O ANTIVIRUS E ANALIZAR O TEU COMPUTADOR!

COMO FUNCIONA UN DISCO DURO

2008-10-29T21:34:00.010Z

Traballamos a diario con eles pero seguro que a maioría nunca se parou a pensar como funcionaba un disco duro. A continuación tedes un video onde se amosa o seu funcionamento. A que é impresionante a velocidade á que se move o cabezal?

Para os que vos quedou a curiosidade de saber máis sobre os discos duros aquí tedes un video creado por Alejandro Basurto e Víctor Soto. Por certo, non intentedes facer nada disto na casa ;-)

VISITA A TEAIS

2008-04-04T07:56:00.003Z

O pasado mes de marzo o alumando de 2º ESO realizou unha visita á fábrica de TEAIS no Poligono de Sabón.
Dende aquí queremos agradecer aos responsables que non atenderon a súa atención e amabilidade e felicitar tamén ao alumnado que asistiu polo seu bo comportamento.

¿APAGAMOS AS LUCES AO IRES AO RECREO?

2008-02-07T12:05:00.010Z

Moitas veces temos escoitado que se temos tubos fluorescentes acesos non deberíamos apagalos se nos imos ausentar da habitación un breve período de tempo pois estes consumen máis cando se acenden pero... ¿é isto certo?

Propóñovos un pequeno problema que ten moito que ver co que estamos a dar estes días na clase.
¿Aforramos luz deixando os tubos fluorescentes acesos cando imos ao recreo?

Envía a túa resposta debidamente xustificada e os que deades coa solución teredes un agasallo.

Aquí van unhas pistas:
Un tubo fluorescente de 25W consume aproximadamente cinco veces a súa potencia cando se acende.
O tempo que dura o acendido son uns 3 segundos.
¿Canta enerxía consumirá cando se acende? e ................

¿UNHA VESPA ELÉCTRICA?

2008-01-23T13:19:00.006Z

Xa temos aquí unha moto tipo vespa que abandonou o motor de explosión por un motor eléctrico, a finalidade: diminuir a contaminación tanto atmosférica como acústica, e por se isto fora pouco, é pregable así que se non tes espacio para aparcar ou queres facer parte do traxecto en tren non hai problema.

Para ler máis sobre o tema podes ir á seguinte ligazón: http://www.amazings.com/ciencia/noticias/040108e.html

FELIZ NADAL

2007-12-24T07:28:00.005Z

Xa estamos de vacacións, podemos pasear tranquilamente pola rúas das nosas cidades admirando o alumbrado navideño, disfrutamos decorando os nosos fogares e iluminando tamén a árbore de nadal pero todo ten a súa contra, o gasto enerxético durante estas datas increméntase notablemente e non só o notará o noso peto á hora de pagar o recibo da luz senon tamén o medio ambiente. ¿Será posible algún día que a iluminaciónn navideña sexa ecolóxica?

Algúns intentos estanse a facer, cada vez son máis as cidades que se apuntan a sistemas de iluminación con lámpadas LED que poden chegar a aforrar un 40 % de enerxía e que segundo algúns din, será a iluminación do futuro desbancando aos fluorescentes e as lámpadas de baixo consumo. Esperemos esta nova tecnoloxía estea pronto ao noso alcance, pero lembrade que o máis ecolóxico sempre é e será reducir o consumo.
Saber máis sobre o funcionamento das lámpadas LED

ESTAMOS DE EXAMES

2007-12-03T08:00:00.003Z

A continuación recórdovos as datas dos exames de 3º ESO:
3º ESO A 13 de Decembro
3º ESO B 12 de Decembro
3º ESO C 14 de Decembro
3º ESO D 12 de Decembro

Lembrade que entrará todo o que vimos sobre circuítos eléctricos e a interpretación do código de cores das resistencias.

Para os alumnos de 2ºESO as datas dos exames son as seguintes:
2º ESO A 12 de Decembro
2º ESO B 13 de Decembro

Lemrade que entra todo o dado en electricidade, nas clases de teoría e nos desdobres.

MOITA SORTE A TODOS PERO LEMBRADE QUE PARA QUE HAXA SORTE HAI QUE ESTUDAR :-))

¡COMEZAMOS O PROXECTO!

2007-11-05T08:10:00.002Z

¡Por fin chegou o momento de por en práctica o aprendido! Agora teredes que demostrar do que sodes capaces.
Como proxecto realizaremos un dos cucabots propostos por Juaquín Sarmiento, empezaremos polo cero, pero se visitades a súa páxina veredes que hai máis opcións.
ligazóns:
Para construír o cucabot Cero,
Páxina dos Cucabots por Juaquín Sarmiento
¡MANS Á OBRA!

Circuit symbols

2007-10-29T19:13:00.002Z

if you don't know, don't worry, on this link you'll find almost all circuit symbols, its English name and a very small explanation about what its function in a circuit is.