تظبيط

الستات عاوزين ايه تاني

2006-11-11T05:34:00.000+02:00

بصفتي راجل ناجح الستات بالفطرة من صغري لما شفت سايت كريم تظبيط عجبني شغله...بس بصراحة عمري ما صدقت انه فيه شباب مش بيعرفوا يظبطوا...بجد لما كريم قالي تعال ادي محاضرات و ساعد الشباب....استغربت لسبب بسيط اني محدش علمني الحاجات دي و المفروض انه دا الطبيعي يعني...لما باعلم الشباب باكتشف حاجة عجيبة...و باحاول اشوف هما فين بالضبط....يعني مثلا شباب كتير بيقولولي انهم بيخافوا يكلموا بنات....دا مفهوم بجد مش قادر استعبه...يعني ايه خايف تكلم بنات....تاني حاجة ...خليني اقولك انك لما تعوز تشتري لوري ما بتروحش لمحل بيبيع عربيات بورش اكيد...فلازم تعرف انت عاوز ايه....لازم الشباب يعرف هو عاوز ايه...عاوز يصاحب مين و ليه و يعمل ايه...

دلوقتي لو معانا ستات في السايت دا و سالناهم ايه الي بيعجبكم في الرجالة ...صدقني حيقولوا كلام غير الي في دماغكوا يا شباب.....انتوا

ا لبقية عليwww.tazbeet4u.com

2006-10-26T19:42:00.000+02:00

تقريبا كل البنات الي جيناتهم كانت محظوظة و طلعتهم حلوين اوي اتعلموا حاجة واضحة اوي من صغرهم...انهم مختلفين و ان الناس بتتعامل معاهم بطريقة مختلفة لانهم جذابين و د ا بيوصلهم احساس عجيب ان كل حاجة عاوزينها بياخدهوا بسهولة و ان هي دي القاعدة في الدنيا عشان كدة تلاقي البنات دي غالبا مدلعة حبتين و بيتصنعوا الزعل و يقلبوا بوزهم لو حصلت حاجة معجبتهمش عشان ياخدوا الي هما عاوزينه دا لانهم عايشين في حقيقة

بقية الموضوع عليhttp://www.tazbeet4u.com

2006-10-20T01:33:00.000+02:00

الي كل عشاق تظبيط

تم نقل البلوج الي

www.tazbeet4u.com

2006-10-20T01:25:00.000+02:00

الي كل عشاق تظبيط

تم نقل البلوج الي www.tazbeet4u.com

2006-07-17T03:11:00.001+03:00

Pick-up lines
بيك اب لاينز او جمل الشقط او التعارف كانت و مازلت لفترة طويلة جزء من الثقافة التظبيطية لأي شباب عاوز يظبط لأنها بتحسن و تجمل من شكل الدخلة الي هي جزء مهم جدا لتهيئة الجو النفسي الي فيه حيتم التواصل لاول مرة بين الواد و المزة...البيك اب لاينز كان طبيعي جدا انها تختلف بين الشعوب و الثقافات و لو ان طبعا فيه سطور و جمل مينفعش تختلف خالص لان مضمونها يمشي علي اي موقف...حاليا الامريكان بطلوا يستعملوها لسبب انها اتحفظت بالنسبة لهم و بقي احسن احسن بيك اب لاين في امريكا دلوقتي هو هاي...ازيك ..عاملة ايه...لكن بما ان في مصر بناتنا طيبين و لسة محفظوهاش كلها ممكن تستعملها و تجيب معاك نجاح ملحوظ...متعتمدش علي البيك اب لاينز كوسيلة لجذب بنت معينة لان زي ما اتفقنا الشخصية هي المعيار...انا عن نفسي عمري ما باستخدم البيك اب لاينز في الدخلة و بفضل الطريقة العادية للتعارف ازيك عاملة ايه انا اسمي كذا.....هاو يو دوين..علي نظام جوي.. و لو اني لسة قاري حالا ان في بنات بيحبوا الدخلة المباشرو نظام انت حلوة اوي بس منصحكش بيها....البيك اب لاينز في مصر معظمها يبقي حلوة اوي في وسط الكلام...بتعمل شوية ضحك و بتطري الاعدة بس متكترش منها لأنها زي الملح..كفاية رغي باءة و يلا نلعب بيك اب لاينز1. اسف اني بابص عليكي بس انت شبه حد اعرفه ...براد بيت استخدم واحد شبهه مع انجلينا جوليه في اوشينز 122. علي فكرة انا حاجزلك الكرسي دا من بدري3. هو كان المفروض نتعشي فين النهاردة4. انت السبب الي بيخلي الرجالة يقعوا في الحب5. انا حلمت بيكي امبارح باليل...ما تيجي نخلي الحلم حقيقة6. علي فكرة حظك حلو موت ان انا مش مرتبط7. نفسي ابقي حامل في كل اولادك8. لو عطست او كحيت و انت بتكلمها....معلش اصلي عندي حساسية من البنات الحلوة9. اكيد في حاجة غلط في عينيا..مش قادر اشيلهم من عليكي10. هو: انت باباكي اكيد حرامي كبيرهي: ليههو: امال مين بيسرق النجوم من السما و يحطها في عينيكي11. ايه احساسك النهاردة و انت اجمل بنت في المكان دا...ينفع في الخروجات دا في اي حتة تعدوافيها12. يومي النهاردة كان متعب اوي..بس انا باستريح لما باشوف بنت حلوة بتضحك ادامي...ممكن تضحكي13. بقولك ايه..انا تايه بقالي يومين..هو بيتك منين14. انت اكيد مش من هنا...لاني عمري ما شفت حد حلو اوي كدا في المكان دا15. علي فكرة انت حلوة اوي...يا تري طبيخك حلو16. نمرة تليفوني ضاعت...ممكن تسلفيني نمرتك17. هو: الفستان دا لايق عليكي اوي بس عارفة ايه اكتر حاجة حاجة حتليق عليكيهي: ايه.هو: انا طبعا يا حياتي...........افهموا اللاين دا علي مزاجكوا بقي18. ازيك..هو بابا من كوكب تاني و لا ايه...اصل عمري ما شفت حد في جمالك...دا بقي سخيف اوي عمري ما استعملته و لا حاستعمله19. هو: ملاقيش معاكي خريطةهي: ليههو: اصلي عمال باتوه في عينيكي...دا بقي بيعجب بنات كتيرة اوي رغم اني مش شايفوا جامد يعني20. هو: يا تري انت متدينةهي: الحمدللههو:عشان كدا ربنا ربنا استجاب دعواتك و بعتني ليكي21. لو باباكي مكنش قابل مامتك كان زماني اتعس انسان في الدنيا دلوقتي22. انا حاسس اني ريتشارد جير و انا واقف جمبك...ذا بريتي وومان23. انت شكلك من النوع المألوف...مع الاعتذار لعادل امام ..دا تقوله لو عاوز تاخد الم سخن علي وشك ...ممكن نخليه غالبا انا شفتك قبل كدا..تقريبا في احلامي24. ممكن تمضي لي في الاوتوجراف...بلاش من دا لانه بيحسسني اني كيس جوافة25. هو: انت اكيد تايهةهي: ليههو: اصل الجنة بعيدة اوي عن هنا26. هو: معاكيش جنية فكة شلينات و برايزهي: ليههو: عاوز اكلم ماما اقولها اني لقيت فتاة احلامي27. من البيك اب لاينز الابيحة: ايه رأيك تعدي علي حجري و نتكلم في اول موضوع يقف بينا28. هو: انت فيكي اي عرق مصريهي: لاهو: تحبي يبقي فيكي...........يمشي مع العربيات الصيع بس ما تجربوش مع الاجانب لانهم حافظينوا صم و بيتفقعوا منه29.التي شيرت دا حلو اوي...نفسي اخدك منه30. هو انا مت و دخلت الجنة و لا ايه....دا تقوله اول ما تشوفها سواء واحدة تعرفها او متعرفهاش31. هي: انت عندك وقتهو: عندي بس المهم اخبار صحتك ايه32. لما بيبقي فيه فيلم حلو اوي غالبا بحب اخشه لوحد ي و الحوار دا غالبا بيدور مع موظفة التذاكرهي: تذكرة واحدة بسانا: معنديش مانع نخليهم اتنين لو عاوزة تتفرجي معايا33. بيك اب لاين ابيح اوي: هو: عمرك بوستي ارنب بين ودانههي: لا
هو: يحط ايده في جيب البنطلون و يطلع جيوبه لبرة
34. هو: معاكي كارت ميناتلهي: ليههو: عاوز اكلم مامتك و اشكرها35. بيك اب لاين ابيح شوية بس عسل اوي: علي فكرة انا اسمي..........افتكريه كويس عشان لما تيجي تصرخي بعد كدا تعرفي تقولي ايه36. برضو من الحركات الذيذة بكل هدوء و بالراحة خالص تبص علي التاج بتاع التي شيرت بتاعها ممكن تقول..انا بس كنت باتأكد انك لابسة المقاس الصح...او كنت متأكد...اتصنع في الجنة...بس ما تعملهاش غير لو انت واثق من نفسك اوي و دم خفيف اوي...المبتدئون يمتنعون37. ممكن تمشي ناحية بنت اول مرة تشوفها و بكل ثقة تسلم عليها و تقول مثلا: ازيك يا ليلي عاملة ايه...حتقولك انا مش ليلي...ترد: عجيبة مع اني حسيت و انا باسلم عليكي بنفس الاحساس الي باحسه و انا باسلم علي ليلي38. لما تيجي تمشي...هو:انت مش ناسية حاجةهي:ايههو: انا39. اول ما تشوفها...تعمل أكن الدنيا حر و تهوي علي وشك...اوف هو الجو حر و لا دا منك و لا ايه40.هو: بتحبي الموسيقاهي: اه..طبعاهو: كويس, عندي ستيريو جامد في عربيتي..حيعجبك مووت
41. هي: ايه رأيك في شعري بعد ما صبغتههو:لونه الجديد تحفة..لايق مووت مع لون ملاية سريري42. عينيكي بتوجعني..........دا مسجل بأسم اشاعر كامل الشناوي43. كل ما اشوفك السوفت وير عندي بيتحول لهاردوير.......بلاش منه دا..ابيح اوي44. مش عارف ليه كل ما اشوفك الموبايل بتاعي بيعمل فايبيريشان45. هو: كل ما اشوفك سناني بتوجعنيهي:ليه؟هو: اصلك زي السكر46. برضو تاني علي شباك التذاكر في السينماهي باندهاش: تذكرة واحدة بسهو: اه..ما انت السبب الي بيخليني اجي هنا لوحدي47. كل ما باشوفك باخاف علي شركة كادبوري لتفلس48. انا مستعد اصرف عليكي الفلوس الي لسة معملتهاش49. هو: انت شبه مراتي الخمسةهي: يااااااه.... انت اتجوزت كام مرةهو: اربعة50. الدخلة بتاعت فيلم هيتش جامدة موووووووت...لو بار او مطعم ستايل او حتة مطعم وجبات سريعة اي كلام فيه بنات ستايل ...تخش علي مجموعة منهم و تحط في ايد واحدة منهم خمسين جنيه مثلا و تطلب منها بلهجة جادة و امرة واحد زنجر سوبريم لو في كنتاكي مثلا و تروح تعد بعيد علي ترابيزة...حتقوم البنت تجري وراك علي نظام استني انا مش باشتغل هنا...تقولها ما انا عارف...انا بس كنت عاوز اكلمك و اخدك من حواليهم...بس اوعي تعملها مع بت بيئة لا تاخد الفلوس و تجري....او مع بنت شافت فيلم هيتش قريب ...الطريقة دي تضرب جامد لو عملتها مع بنت مزاجها في واد روش...غالبا تعرفها من لبسها...كمان لوانت مش واد جرئ و مقطع بطاقته متعملهاش...انا عن نفسي لما باكون في الموود باعمل حاجات العن من كدا51. هو:عارف ايه احلي حاجي فيكيهي:ايه؟هو: دراعاتي...بلاش تفكيرات وحشة يا رجالة52. لو كان البوس بيتبعت في جوابات كان زمانك بتقري جواباتي بشافايفك53. علي فكرة يا........انتي لازم يرفعوا الجمارك عليكي عشان المصري ما يبورش...يمشي اوي مع اللبنانيات و المغاربة الحلوين و المصريات كمان لو حبيت بس تلعب فيه بقي حسب الحاجة54. ممكن اسامحك في اي حاجة تعمليها..الا انك تقصي شعرك55. علي فكرة انت حتعجبي ماما اوي56. انت فاضية باقية الشهر57. انت بينزل معاكي كتالوج و لا اتولدتي كدا58. كل ما باشوفك بابقي عاوز اشيلك من عل الأرض...ماركة مسجلة باسم الفنان سولو صاحب الكراكيب59.ايه رأيك تعملي مفجأة لبابا و ماما و تخليكي معايا و متروحلهمش النهاردة60. بيك اب لاين جامد فشخ: اديلها وردة و سبلها و قولها: الفرق بيني و بين اي واحد تاني بيديكي وردة ان الناس بتديكي ورد عشان يعبروا عن اعجابهم بس انا عاوز اوري الوردة اد ايه انت حلوة

2006-07-17T03:01:00.000+03:00

2الانجذاب ليس ختيارا

اول المنحني كان المثالية ...تمام...خلونا نناقش المثالية و نتخلص منها...المثالية يعني انا عاوز اكون نفسي و عايزها تحبني زي ما انا كدة و مش حاتغير...في العالم الواقعي الستات الجذابة بيقربلهم كل يوم رجالة كتير..يعني لازم يفرقعوا الرجالة بسرعة ...يعني علي رأي كريس روك لما اي راجل بيقرب لست جذابة و يقولها هالو...هالو دي معناها ..هالو ..انتي عايزة......يعني لو قربت لست حلوة و قولتها علي فكرة جزمتك دي حلوة اوي..معناها يبقي جزمتك دي حلوةاوي...يا تري عاوزة ......ذاتز ا ريلي كيوت شوز..يو وانت سام ديكطيب و الحل: الحل اننا نتعلم تكنيكات معينة عشان نتجاوز القناع الاجتماعي الي اتكلمنا عليه قبل كدة..انسي بقي فكرة انا عاوز ابقي نفسي و الكلام الفاضي دة..اكيد حتكون نفسك طبعا بس نفسك بشوية ملح..خليك نفسك مخلوطة بانا اعرف ازاي اعدي في المواضيع ديبرضو من المثالية انك تقول انا عاوز علاقة نكون فيها متساويين...في العالم الواقعي الست الجذابة عمرها مهتنجذب لراجل مساوي ليها ...الانجذاب لا يحدث بين متساويين..طب تعمل ايه؟...اتعلم تكون مسيطر...واحد يقولي طب لازم افضل مسيطر علطول..مينفعش يعني اقول حبيبتي التهاردة انت قرري حنسهر فين او حنخرج فين...شوف في العلاقات طويلة المدي عادي جدا...انما في اول عشر خروجات...لا..منصحكشبرضو تاني من المثالية: انا عاوز اقولها انها مش زي اي حد بالنسبة لي و ان مشاعري ناحيتها جامدة جدا...في العالم الحقيقي المزز بيفسروا الرجالة الي بيعملوا كدة انهم اكياس جوافة...طب اعمل ايه...اهدي يا ابني و استرخي و اديها الفرصة انها تعتبرك مختلف...دا حيجننها اكتر...كتير ناس بتقولي انا عرفت بنت حلوة و جامدة مووت و عاوز اعبر لها عن مشاعري...انا علي طول ستوب..انا يا ابني امتي قولت عبرلها عن مشاعرك..ريلاكس يا بيه و اهدي...انا ماليش دعوة بافكارك المثالية...انا باتكلم في العالم الواقعيهي الرجالة عاوزة ايه...و ازاي يوصلولواقولنا قبل كدة ان فرويد قال بعد تلاتين سنة دراسة للنفس البشرية انوا السوال الوحيد الي معرفش يجاوبوا هو الستات عاوزة ايه...صحيح فرويد معرفش الستات عاوزة ايه..بس معظم الرجالة كمان مش عارفين هما عاوزين ايه...في عالمنا الواقعي الانسان بطبيعته مونوجاميست...يعني بيفضل يبقي ليه شريك واحد في حياته بس يحب من فترةلاخري يكون ليه علاقات جانبية و يخون شريكه...الكلام دا ينطبق علي الستات و الرجالة...بالرغم من ان معظم الرجالة بيحبوا انهم يعملوا مغامرات و يبانوا حرمجية و بتوع نسوان الا انهم غالبا بيتمنوا ست واحدة تكون جامدة و يستقروا معاها...المزز الجامدة اوي..مزة هنا يعني حلوة و ذكية و دمها خفيف و احدة ملهاش حل..هما نادرين زيهم زي الرجالة المميزة..دا معناه انك عشان تقابل ست جذابة لازم تقابل قبلها ستات عادية كتير..مهمة اوي النقطة دي..عشان تلاقي واحدة جامدة لازم يعدي عليك بنات عادية كتير..واحد يجي قولي انا عاوز اقابل بنت جامدة و تقبلني زي ما انا كداا...بقولوا الكلام دا مبيحصلش كدا طبعا..انسي يا عمرو..ممكن يحصل احيانا زي ما ممكن احيانا تكسب اليانصيب طبعالازم تبقي مستعد لما واحدة من الستات دي تظهر في حياتك لسبب بسيط..دي فرص نادرة مش بتكرر...لما واحد بيروح يتعلم لعبة قتالية...بيتعلم بتاع سنين..عشان ايه..عشان دقيتين هي مدة جولة مثلا او ماتش او حتة خناقة في الحارة...الي عاوز اقوله انك بتتعلم كل الكلام دا عشان لحظات من حياتك هتفرق معاك...قابلت مزة في نادي في مطعم مثلا و حصل كلام...ادامك دقايق حيحددوا مصير علاقتكوا للابدقبل ما اكمل كلامي يا ريت كل واحد فيكو يمسك ورقة و يكتب هو عاوز ايه بالظبط...عاوز بنت شكلها ايه..صغيرة..عجوزة..انت حر المهم تكون عارف....في شباب عندهم افكار خيالية و شباب تانية بيسيبوا المجتمع يقررلهم..السؤال ببساطة..انت عايز ايه..و مش عاوز ايه..و ازاي توصل للي انت عاوزه..لازم تبقي عارف انت رايح فين..انا واثق انك عاوز شئ مختلف عن الي عندك دلوقتي..معتقدش ان انت داجل البلوج بتاعي عشان تاخد حاجة اساسا عندك منهاتاني حاجة بعد المثالية عندنا كانت الاحباط...طيب دلوقتي لازم نغير طريقة تفكيرنا...حنحول كل احباطتنا الي اسئلة تبدأ بكيف؟؟ازاي ؟؟...بكل اسف سهل اوي الانسان يحبط و مخه يتربي و يفكر بطريقة تخلي عقباته اكبر بكتير من حجمها الطبيعي..اياك تستخدم عقلك في انك تفكر في العقبات و محدودية امكانياتك...علي مسئوليتي و مسئولية حاجات شفتها بعيني لو الانسان ليه انوا يشك في حاجة في الكون دا..يبقي شك في محدودية امكانياته...انت كائن امكانياتك مالهاش حدود...شفت مرة رايا في ام بي سي تو مع مايكل كلارك دونكان العملاق دا بتاع جرين مايل بيقولها من صغري امي قالتلي يو سي دي ايه..يو كان دو اني ثينج..انت تقدر تعمل اي حاجة... لو ليكوا مزاج تفهموني...اكتبوا اكتر تلات مخاوف عندكوا و حولوها لاسئلة ايجابية تبدا بازاي...ازاي اقدر اعمل كذا...بازعل من انسان ربنا خلق له اعظم عقل و بدل ما يطور من نفسه يستخدم قوته الابداعية في خلق عقبات وهمية...و خلي بالك ان الاوعي هو الي بيكلمك علي طول في حديثك مع نفسك و كله هموا يديك اجبات و خلاص...يعني لو سالت نفسك انا ليه حيوان علي طول االلاوعي حيديك اجبات منيلة من غير ما يهمه ان دا تفكير سلبي...لو سالت نفسك اسئلة ايجابية عقلك بشكل اوتوماتيك حيديك اجابات ايجابيةمثال: انا محبط في علاقاتي مع البنات..طب حولوا لسؤال يبدا بازايازاي اتغلب علي احباطي...ردي عليه يا ابن المجنونة برضو بتقول احباطي..كدة عقلك مسيطرة عليه فكرة الاحباطاه فهمت...ازاي انجح في تكوين علاقات مع المزز...اه تعجبني كدة..انجح..كدة عقلك بيفكر في النجاح..مظبوط كدة...انا كدة باحول التفكير من تفكير في الاحباط لتفكير في كيفية النجاح..مستوي تاني من التفكير..خلي عقلك دايما يفكر في ازاي احصل علي الي انا عاوزه مش ازاي اتجني الي انا مش عاوزهخلونا بقي نخش في كلام تاني خالص...عشان تفهم سيكولوجية الانجذاب و التظبيط لازم تفهم الكلام دا جه ازاي اساسا و تطور ازاي...خلونا في التطور شوية...الايفوليوشان و الدي ان ايه و المخ و الهرمونات و الغرائز...حنعيشحنبدأ بالكلام عن المتضاعفات ...العالم الشهير الملحد دكتور ريتشارد دوكينز في كتابه الشهير جدا الجين الاناني او سيلفش جين...قال ان احنا في البداية كنا حاجة اد الفسفوسة..الفسفوسة دي اعدت تتضعاف عن طريق طفرات لغاية ما اجسانا اتكونت...طبعا الطفرات الضعيفة هلكت و فنيت و القوية كونت اجسامناداروين قال حصل تطور...الناس بتفهم نظرية داروين علي انها البقاء للاصلح بس الي داروين اتكلم عنه بالظبط هو مفهومين هما التكيف و الاختيارالتكيف:هو البقاء للاصلح يعني لو منطقة باردة الحيوانات الي حيعملوا فرو يغطيهم حيعيشوا و الحيوانات الي حتفضل ارعة حتموت...الاختيار بقي هو ان الاناث و الذكور بيختاروا الافضل للتناسل معاه عشان يطلعوا اجيال قوية...الجنس هو طريقة او ميكانيزم لخلط الجينات...الدليل علي الكلام دا ان الراجل بيعمل ملايين الحيوانات المنوية في اليوم و كل حيوان منوي هو كائن متفرد بذاته يحمل جينات متفردة و بيكون نص خليه..نص الخليه التانية هي بويضة المرأة الي هي متفردة بذاتها و من هنا تحصل الطفرة و يبدا التضاعف...اساس الاختيار الجنسي هو الجينات القوية...للسبب دا قلنا في مجتمعات حيوانية ذكر معين بيضاجع خمسة و تمانين في المية من نساء القطيع و الذكور الباقية تضاجع الباقي...مجتمعنا البشري ميفرقش كتير...في رجالة نامت مع الف ست...ليا اصحاب كدة بس مش كتير...و اعرف ولاد عمرهم ما لمسوا ست...بالمناسبة الافريج نامبر او متوسط عدد الستات الي نام معاهم راجل امريكاني عادي جدا هو ستة طول عمره...بس الراجل كمان الي نام مع ستات كتير هو كمان متوسط عدد الستات الي فشل معاهم كتير...لانه ببساطة بيحاول كتير و بيتعلم من اخطائهحنتكلم دلوقتي عن تلات كتب...كتاب العقل التناسلي لجيفري ميلرالملكة الحمراء لمات ريدليو حروب منوية...حروب الحيوانات المنوية يعني... لروبين بيكر و حروب منوية دا بقي حكايته حكاية..كتاب مصيبةكتاب العقل التناسلي بيقول عقلنا نشأ نتيجة توجه جنسي معين...مفيش طريقة نشرح بيها سبب ذكائنا...عقولنا تطورت لجذب الجنس الاخر...اللغة الفن الموسيقا خفة الدم كلها توجهات جنسية علي مستوي عميق و عقولنا بتحاول تخمن الاخرين بيفكروا في ايه..لو تابعنا تطور التفكير..احنا نشئنا من مخلوقات كانت عايشة في البحر اساسا..بعدين طلعنا عل البر..دمنا مالح و عرقنا مالح لان البحر و المحيط شلناه جواناالحكمة من التطور دا هو تنوع المخلوقاتكتاب الملكة الحمراء بيتكلم علاقة الجنس بتطور الانسان بالمانسبة الكتاب ليه ملخص محترم علي النت لو دخلت عل الياهو و كتبت زا رد كوين لمات ريدلي حتلاقيهالكتاب التالت بقي حروب منوية و الكتاب دا بالذات حدوتة لوحده حاتكلم عليه كمان شوية ...الي اكتشفوه ان الحيوانات المنوية مش مخلوقة اساسا لتلقيح البويضات دول مخلوقين اساسا عشان يحاربوا الحيوانات المنوية التانية و المعركة دي من ملايين السنين بتدور في رحم اناث الثدييات لان طبيعة اناث الثدييات انها تنام مع اكتر من ذكر...رغابتنا الداخلية و اجسامنا و تصرفتنا كلها اتخلقت بحيث انها تتنقل فقط عن طريق الجينات...الي طلع بيه ريتشارد دوكينز و مات ريدلي كان نظرية عجيبة ملخصها ان احنا كبشر مجرد روبوتات وظيفتها انها تحافظ علي الجينات عشان تعيش و تتضاعف و عن طريق الجنس تتطور من نفسها و تعمل مخلوق جديد...الجينات بتستغلنا و تتحكم فينا عشان تعيش و تتطور وعشان كدة بتدفعا لاختيار الشريك الجنسي ذو الجينات الامثل عشان تتحد مع جيناته و تطلع جينات اقوياقتصاديات الجنسليه الستات بيختاروا بعناية في الوقت الي الرجالة عاوزة تنام مع اي حاجة..حتي لو كان خروف... المهم..الستات بتقدر تنتج بويضة واحدة بس كل شهر و لفترة معينة بس طوال حياتها..في الوقت الي الراجل يقدر ينتج مئات ملايين الحيوانت المنوية يوميا..الست بتتصرف زي البويضة..و الراجل زي حيوانه المنوي...لازم الست تختار بعناية لان في احتمال الرجل دا يسيبها بنتيجة العلاقة دي الي هي الاولاد...الرجل يقدر يخلف اطفال كتير نتيجة قدرته البيولوجية مثلا الرقم القياسي لاكتر رجل خلف اولاد كان 888 ,اكتر ست خلفت 69 عيل بس...فهمتوا الفرقالجنس عمليه اقتصادية..معني ان الست بتنتج بويضة واحدة شهريا اثناء فترة خصوبتها ان البويضة دي بتكلفها طاقة كبيرة و لو حملت كمان عندك تسعة اشهر الست بتصرف فيها طاقة اكبر و بتخاطر بحايتها في الحمل..و قبل تطور الطب كان من كل عشرين حالة حمل في حالة وفاة يعني الحمل في حد ذاته عملية مكلفة للانثي...الرجالة علي النقيض..الخصية بتصنع ملايين الحيوانات المنوية علي مدار الساعة يعني يقدروا...مش محتاج اكمل..انتوا فاهمين..يمكن عشان كدة بيلي كريستال ضحكنا زمان لما قال ان الستات محتاجة سبب لممارسة الجنس اما الرجالة محتاجة مكان و خلاص..عموما نشكر الستات انهم بيختاروا و بعناية الافضل و الاقوي عشان يدولوا بويضاتهم الغالية لان لولا كدة مكنش زمانا احنا اتولدنا...لازم تشكروا جدتكم انها اختارتلكوا احسن رجالة لو انتوا اذكياء... اما لو كنتم اغبياء لوموهم برضوانتكلم شوية عن كتاب حروب منويةالي كتبه دكتور روبين بيكر...سلوكنا الجنسي اتبرمج و اتشكل عن طريق قوة التطور الي اثرت علي اسلافنا عشان تخلق شخصيتهم و بتؤثر علينا...المحرك الاساسي لهذه القوي هي اجسامنا مش عقلنا الواعي...يعني اجسامنا بتستغل عقولنا عشان تتصرف بطريقة املاها برنامج السلوك الجنسي في كل انسان...افتكروا كلامي دا..اجسامنا بتستغل عقولنا عشان تتصرف بالطريقة االي تناسب الجسم مش العقل....لما ست بتنام مع رجلين في اقل من خمسة ايام..الحيوانات المنوية من الرجلين بيتصارعوا علي الجايزة الي هي تلقيح البويضة..الي العلم اثبتوا و دي المفجأة ان واحد في المية بس من حيوانتك المنوية في الدفقة الواحدة قادر علي تلقيح البويضة, ال 99 في المية الباقيين غير قادرين علي التلقيح..طب وظيفتهم ايه...وظيفتهم قتل الحيوانات المنوية لرجل اخر ..بيسموهم كاميكازي سبيرم...علي فكرة اربعة في المية من الاولاد علي مستوي العالم جم نتيجة حرب منوية...روبين بيكر بدا يفسر غيرة الرجل علي مراته انه مش عاوز يعرض نفسه للحرب المنوية الي ممكن يخسرها و بدل ما مراته تحمل منه حتحمل من واحد تاني...اعتقد كان في فيلم ليسراو محمود حميدة و فارق الفيشاوي اسمه فرسان اخر زمن باين حصلت فيه حاجة زي كدة ..نامت مع الزوج و العشيق في فترات متقاربة و معرفوش الواد ابن مين...كمان روبين بيكر فسر السلوك الجنسي للمرأة انها بتجنح للحصول علي عشيق لان هي عاوزة تشعل الحرب المنوية لان دا في صالحها..الحيوانات المنوية من اكتر من راجل تتصارع جواها و الاقوي يلقح البويضة و بكدة تحصل علي اقوي الجينات...الكتاب بيقول انه احيانا الجنس الجماعي او عملية تبادل الازواج او ممارسة الدعارة بتكون سياسات افضل للحصول علي ناتج اقوي بالمقارنة مع الاستسلام لشريك جنسي وحيد...قبل ما اسمع اصوات الاحتجاج علي كلام روبين بيكر الي بيدور علي مستوي بيولوجي عميق لانه عالم بيولوجي اساسا خلينا نشوف الرجل بيقول ايه...علي مستوي العالم عشرة في المية من المواليد ابوهم مش هو ابوهم و النسبة دي هي هي في المجتمع الاوربي المتقدم و عرفوا دا عن طريق اختبار فصيلة الدم..و الارقام دي للاطفال الي فعلا اتولدوا...ارقام بقي الاطفال الي متولدوش لاب غير ابوهم اكتر بكتير لان غالبا الست بتتخلص من الطفل الي حملته من عشيقها ...عارفين يعني ايه دا...10 في المية من الناس علي كوكبنا دا ابوهم مش الي هما فاكرينوا ابوهم..احتمال كبير يكون عشرة في المية من الي بيقروا الكلام دا دلوقتي ابوهم مش هو ابوهم..خلونا نحفر اكتر في الموضوع دا و نفهم قبل ما حد يشتم...لو الست وصلت للذروة او الاورجازم في الجنس حتقدر تمتص حيوانت منوية و تحتفظ بيها اكتر من لو ما وصلتش للذروة...ماشي لحد كدة...حتحتفظ ب من 55 ل90 في المية من الحيوانت المنوية لو وصلت للذروة و من 0 ل 55 في المية لو ما وصلتش...في بريطانيا العظمي نسبة وصول المرأة للذروة عن طريق الاحتلامات اليلية او العادة السرية اقل من مرة في الاسبوع لو ليها علاقة بجوزها بس...الاحتلامات دي بتقل جدا لو الممارسة الجاية حتكون مع العشيق و بتزيد لو الممارسة حتكون مع الزوج...يقصد يقول انها بتوفر طاقتها و متعتها للعشيق بعكس الزوج الي بتحتلم كتير و هي معاه في محاولة للوصول للذروة...نسبة وصولها للذروة مع العشيق اكتر تلاتة و تلاتين في المية من الزوج...دا معناه ان جيش العشيق من الحيوانات المنوية بيتلقي مساعدة من الست تلاتة و تلاتين في المية عن الزوج...لما الست بتكون مخلصة لجوزها بتساعده في 55 من مرات الجماع انها تحتفظ باعداد كبيرة من حيوانته المنوية لو مش مخلصة بتساعد جوزها بنسبة 38 في المية بس...بتساعد عشيقها ساعتها بنسبة 65 في المية.بالمناسبة و دا راي شخصي ليا...العلم بيقول ان البشر بطبيعتهم بيحبوا يعيشوا مع شريك واحد بس بيقي ليهم علاقات جانبية سواء راجل او ست...لما قريت الكلام دا اتحمقت و قولت اكيد الستات في مصر مبتعملش كدا و مش عارف ايه...بس لما قريت كتاب الوان من الحب للدكتور محمد اسماعيل علي... كله قصص واقعية من ستات مصريات بتتكلم عن الحب...و لا واحدة اتكلمت عن جوزها..كلهم اتكلموا عن العشيق...و المؤلف كان واقعي قال انا باتكلم عن الي بيحصل مش الي المفروض يحصل...كتاب اعترافات زوج خائن للدكتور نبيل فاروق كتاب يصدمك في حقيقة المجتمع المصري او حتي جزء منه و دا كتاب محتاج تدوينة لوحده لانه صدمني ..في صفحة 59 الراوي الي هو طبيب صديق دكتور نبيل بيقول..وهذا عالم جديد ايضا..عالم التقيت فيه بعشرات المتزوجات من طبقات عليا و لديهن دخول مادية مرتفعةو لكن جميعهن علي اتم استعداد لخيانة ازواجهن بالف حجة و حجة دون ادني شعور بالذنب..فالزوج في رايهم نكدي ثقيل الظل فظ الحديث خشن و غير نظيف في علاقاته الجنسية مما يجعلها تشعر معه بالقرف و الاشمئزاز و النفور...و بيحكي عن نماذج كتيرة من الخيانة الزوجية و العلاقات غير الشرعية في مجتمعنا..الي عاوز اوصلوا اني باعتقد ان عشرة في المية من المصريين برضو ابوهم مش هو ابوهم زي مجتمعات اوروبا بالظبط و ان الحرب المنوية زي ما هي موجودة في اوروبا فهي موجودة في مصر و يمكن اشد بس احنا للاسف معندناش احصائيات...دكاترة الامراض التناسلية في كليتنا العريقة يحكولنا عن ستات كتير بيجوا بامراض تناسلية..يكتبولهم مرهم و يقولوا للست حطيه و جوزك كمان يحطه...تيجي الست من غير ما تخف ...يفهم الدكتور ايه الي بيحصل فيقول للست حطي المرهم انتي و البيه ...معايادافيد باس جه في كتابه العاطفة الخطرة او دانجيراس باشان و امن علي كلام بيكر و قال........ان انجذاب الست للعشيق ليه جوانب تانية غامضة و قال كلام عجيب جدا...بصوا يا اخونا علي عكس الثدييات التانية لما بتيجي مرحلة التبويض ... و دي ساعات محدودة كل شهرفقط ممكن الانثي فيها تحمل ...اجزاء الثديات التناسلية بتحتقن و بالتالي تعرف ان دا معاد تبويض فتتناسل و تحمل..الانسان مش كدة..الستات عندهم حاجة اسمها الشبق...هرمون الايستروجن جاي من كلمة ايسترس يعني المص لان المهبل بينقبض لشفط الحيوانت المنوية ...الست نفسها مش بتعرف تحدد فترة التبويض بالظبط و دي ساعات معدودة كل شهر ينفع الست تحمل فيها فقط...واحد يقولي ازاي ساعات معدودة و في انفجار سكاني و ازاي كل الستات دي بتحمل...عملوا دراسة و خلوا الاف الستات المتجوزة يحددوا رغباتهم الجنسية لمدة اربعة و عشرين شهر..الستات حطوا علامة اكس علي كل يوم بيحسوا فيه برغبة جنسية علي مدار الشهر..حرارة الجسم اتقاست عشان نعرف احنا في انهي مرحلة من الدورة الشهرية...في اول يوم من الدورة و لا ست حست بأي رغبة جنسية العدد زاد طبعا بمجرد انتهاء الحيض و اعد يزيد حتي يوم التبويض وصل اكبر عدد بعد كدة بدا يقل تاني لحد ما وصل صفر في اول يوم في دورة جديدة و هكذا...الستات طبعا وارد يحسوا برغبة جنسية في اي مرحلة من الدورة بس في وقت التبويض الرغبة الجنسية بتزيد خمس مرات..بالبلدي بيبقوا هيجانين خمس مرات عن اي يوم تاني في الدورة...ساعتها الست مبتبقاش عارفة انها في مرحلة تبويض بس عندها رغبة جنسية عارمة...دراسة علي 1052 ست متجوزة من الي عندهم عشاق لقوا ان اثناء فترة التبويض ..و هي الفترة الي الحمل حدوثه وارد فيها...الستات بيفضلوا يناموا مع العشيق اما الفترات العادية الي رغبتهم الجنسية اقل بيناموا مع الزوج.لاحظوا ان الست مش عارفة امتي فترة التبويض هي حاسة برغبة عارمة و بتفضل تقضي الوقت دا مع العشيق مش الزوج....و دي استراتجية معناها انا بحاول احتفظ بزوجي بس باخلف من العشيق..كل دا بيدور في اللاوعي طبعا .انا باتكلم في مستويات بيلوجية عميقة...فاهمين الي بيحصل... دراسة علي 1052 ست متجوزة مش حاجة سهلة ..جيوش من العلماء و العمال بيكرسوا وقتهم للحصول علي النتايج دي..انا مقصدش اشوه من المرأة و مكانتها بس دا الي بيحصل فعلاحد يسألني انت ليه واجع دماغنا بالكلام دا..عاوز افهمكوا ان الامور ليست كما تبدوا..و انك لو سالت ست ليه حبت دا و محبتكش مش حتقدر تجاوبك لانها كلها امور بتحصل في الاوعي..اجسامنا بتتحكم في عقولنا للحصول علي الي هي عاوزاه...بس بسبب طريقة تفكيرنا بنقول اه دا احنا الي اختارنا و في الحقيقة جيناتنا هي الي بتستغلنا عشان تعيش و تتطور...انا كدة خلصت كلامي عن التطور و الدي ان ايه..خلونا نتكلم شوية عن المخيا تري حد فيكوا سمع عن نظرية التلات امخاخ...بول ماكلين في نص الخمسينات قال ان احنا عندنا تلات امخاخ مش مخ واحد كبروا فوق بعض...اول مخ و اقدمهم مخ الزواحف و دا لان الزواحف اول مخلوقات عاشت علي الارض و المخ دا مسئول عن غريزة البقاء و حفظ النوع...القوة الهيمنة التناسل...الي هو يعني الجنس و القتال و الهروب عند الخطر..دا يخليك لو شفت واحدة مزة تريل و ...............انتوا عارفين بقيبعد كدة كبر عليه مخ و اسمه المخ العاطفي و بيربط العواطف بالسلوك و هو دا المخ الي بيخليك تتشل لثواني لو شوفت مزة حاطة فول ميك اب او يخليك عاوز تكلم المزة عشر مرات في اليوم لحد ما تطفشالمخ التالت بنسميه في الطب الجديد او نيوكورتكس و دا العقل المفكر بتاع الابتكارات و القراية و الكتابة و التفكير المنطقي و دا المخ الي بيقلك اتقل ما تكلمهاش كتير....طبعا الامخاخ القديمة بتخدم الكلاب الي بتستغلنا و تتحكم في عقولنا الي هي الجينات ..اقدم المخلوقاتكل مخ من الامخاخ التلاتة ليه وظيفته بس بكل اسف مش بتصلوا ببعض بطريقة كويسة...غالبا صراعتنا الداخلية هي صراعات بين التلات امخاخ...احنا كبشر بنحب نصدق ان المخ المنطقي هو المسيطر بس للاسف الامخاخ القديمة هي الي بتسيطر الي هو مخ الوزاحف بتاع الجنس و المخ العاطفيمعنا ان عندنا تالت امخاخ كل مخ اناني و بيخدم دافع معين اننا عندنا تلات دوافع...دافع جسمي من مخ الزواحف...دافع عاطفي من مخ الثديات..دافع عقلاني من المخ الجديد التالت...يعني لو بتعمل ريجيم مخ الزواحف هو الي حيموتك عشان تاكل لما تجوع و المخ الجديد هو الي بيقولك اثبت عشان جسمك يبقي شكله حلوشبهوا عقل الزواحف بالايدين..و فعلا هو ايدك..القوة الهيمنة الجنس...العقل التفكيري الي هو الدماغ...الاختراع الكلام التفكير..العقل العاطفي..اولوا انتوا بقي...صح..القلب..العواطف و المشاعر...معظم الناس علي فكرة يحكمهم العقل العاطفي...عارف بقي صراعاتك الداخلية علي نظام انا حاموت اكلمها بس انا عارف كويس اني مش لازم اكلمها...دا صراع بين عقلك العاطفي و عقلك الجديد المنطقي...متخليش عقلك العاطفي يسيطر عليك لمجرد انك حاسس انك صح..دايما وازن بين العقل العاطفي و العقل المنطقينتكلم شوية عن منطقة بروكا في المخ الي سماها العالم بيير بول بروكا باسمه...بروكا بتتحكم في كلامك و حتقوله ازاي...بروكاس بتتنبه انت حتقول ايه و لو كلامك متوقع مش حتثار..يعني لو كنت متوقع اوي و حركاتك متوقعة عمرك ما حتحرك منطقة بروكا في مخ المزة...لازم تتعامل بطريقة مميزة عشان مخ الي ادامك يصحصح و ينتبه عن طريقة منقطة بروكا في الفص الامامي من المخ...لازم تفاجئهافي كمان منطقة في العقل العاطفي او الليمبيك سيستم اسمها الاميجدالا...مش حارغي كتير فيها..بس دي حتة في مخك بتسيطر علي عقلك المنطقي لو تم اثارتها بشكل قوي...هي دي بتاعت بحبه يا بابا...او بتاعت انا عارف ان هي مش مناسبة ليا بس باحبها و حاتجوزها حتي لو اهلي رفضوا...الاميجدالا للاسف بتسبب افراز هرمونات بنت كلب بتسيطر عليك تماما و بتخليك تهمل التفكير المنطقي و ترميه في الزبالة..و الاميجدالا زي ما هو واضح بتغلب العقل العاطفي علي العقل المنطقيالتفضيلات البدنية و النزعاتالستات بتفضل الرجالة الطويلة و دا صح...يعني لو سالت اي ست تحبي راجل قصير و لا طويل اكيد تختار الطويل..زي ما الرجالة بتفضل الستات الحلوة ممشوقة القوام الستات كمان عندهم تفضيلاتهم..هما بيحبوا الرجالة الطويلة الي جسمهم رياضي..صح..بس المشكلة تبدا لما الرجالة بيفتكروا ان الستات بيهتموا اوي بمسالة الجسم و الشكل زي اهتمام الرجالة بالكلام دا..الستات ليهم تفضيلات تانية في الرجالة اهمها الشخصية ...لو مش مصدقني انزل اتمش في اي مول حتلاقي مزز كتير ماشية مع رجالة عادية في الشكل و شفت بنات طويلة بتحب ولاد اقصر منها...بس صعب جدا تلاقي راجل حلو اوي مع بنت عادية لان الرجالة اهتمامها بجسم و جمال المراة اكتر...احنا فعلا محظوظين لان الست بتحكم اكتر علي الشخصية مش الشكل...عشان كدة لو رجل شكله وحش اعتقد انها اسهل كتير من بنت شكلها وحشناس بتجي تقولي لما بنقابل بنات و بندلق عليهم و نكلمهم كتير لحد ما يفرقعونا لو اتصرفنا كاكياس جوافة يا تري البنت اتعلمت كدا من تجارب سابقة و هي مولودة كدا...في اخطبوط مشهور في استراليا اسمه الاخطبوط المحاكي..الاخطبوط دا عنده قدرة انه يحول نفسه لعدو اي حيوان عاوز ياكله يعني لو سمكة شافته و عاوزة تاكله يحول لنفسه لنوع تعابين بياكل السمكة دي تقوم السمكة تهرب..الفيلم عندي علي الكمبيوتر كان نفسي اوريهلكم حاجة غريبة فعلا...بيحول نفسه لاتناشر شكل للتنكر من الحيوانات الي عاوزة تفترسه مش بس كدا دا بيخوف الحيوانات دي بشخصيته الجديدة....لانه بيتحول للحيوان الي حياكل الحيوان الي عاوز يفترسه...فاهمين..بذمتكوا و دينكوا اذا كان الاخطبوط دا مولود و بالفطرة عارف يحمي نفسه و يتصرف كدا..البنت الي هي جنس اكتر تطورا مش حتبقي مولودة و بالفطرة حتعرف تفرقع الرجالة الي بيتصرفوا زي اكياس الجوافة و يدلقوا عليها و يكلموها خمسين مرة في اليومنتكلم شوية عن الايثولوجي...دا علم بيدرس سلوك الحيوان في الطبيعة...العلم دا بيقول ان سلوكنا كحيوانات متشابهة يعني زينا زي الطيور و التعابين حتي لاننا مجرد صورة اكتر تطورا من الحيوانات دي..بيقولوا ان السلوك ليه تلات مراحل اولهم المثير و دا ممكن يكون لون,صوت او رقصة معينة لو دا حصل بيثير تاني مرحلة و هي الميكانيزم الفطري..و دي حاجات احنا مبرمجين نعملها كاستجابة للمثير و هنا نيجي للمرحلة التالتة الي هي طريقة التصرف...الي عاوز اوصله لازم تعرف ازاي تثير عشان تحصل علي الاستجابة الفطرية و طريقة التصرف...يعنيب لو عندك تليفون و انت بتطلب نمرة دوست علي زرار غلط كدة حيرد عليك الشخص الخطا لانك طلبن نمرة غلط...عشان تحصل علي افضل استجابة لازم تطلب الرقم السليم...عشان تطلب الرقم السليم لاي بنت لازم متتصرفش ككيس جوافة..لسبب ان استجابتها الفطرية دي مبرمجة من ملايين السنين زي ما شرحنا في التطور...حديكوا مثال لعملية المثير و الاستجابة و دا في متوالية التناسل في الاسماك من كتاب السلوك و التطور لماريون هولنوع من السمك و اسمه سمك ابو شوكة لما الاناث بيبقي معاه بيض و عاوزاه يتلقح بتخش منطقة الذكور اول ما الذكر يشوفها بيرقص رقصة معينة في شكل زيجزاج...تقوم الانثي تمشي وراه لحد عشه , اول ما يوصل الذكر للعش يحط خرطومه لا مؤاخذة في مدخل العش عشان يعرفها ان دا عشه...تقوم هي تدخل و بعدين يقوم حاطط خرطومه علي ديلها فالانثي ترمي البيض يقوم الذكر رامي حيوانته المنوية علي البيض..بعد كدة الذكر بيطرد الانثي من العش و من منطقته كلها...دا بيفكرني بواحد صاحبي غريب اوي بيقولي معرفش ليه لما بانام مع واحدة بحس انا باكرهها...لو البنت سهلة ولاد كتير بيرموها بعد ما يناموا معاهم..واضح ان القصة ليها اصل ايام ما كنا سمكلما درسوا السمك دا لقوا انها متوالية دقيقة جدا..كل سلوك بيجيب وراه استجابة معينة من الجنس الاخر و هكذا..من الاخر لو كان ذكر السمك غلط في اي خطوة ..اللعبة خلصت و المتوالية انكسرت و الانثي حتسيبوا و تمشي..كأن الأنثي بتقولوا انت فاكر انت عارف انت بتعمل ايه بس انت مش عارف و اكيد ولادك حيطلعوا زيك مش عارفين لانك غبي و علي رأي مروي انت مبتعرفش انت مبتقدرش...بزمتكوا مش دا الي بيحصل مع الانسان برضو..نفس القصةالرجالة بتعاكس و تلاطف و الستات بتختار..تقريبا في كل فصائل الحيوانات الستات هي الي بتختار...الست عارفة كويس ان هي الي بتختار و لو سألت اي واحدة ست حتقولك كدا بس انت ممكن تبقي اذكي منهم و تخلي البانت الي انت عاوزهم يختاروك اكنك انت الي بتختار...الرجلة بيشتروا للستات هدايا و كمان كتير بنشوف رجلين بيتخانقوا علي واحدة ست...الصورة التقليدية الي بتعبر عن الحقيقة دي لراجل اعد علي ركبته بيقدم خاتم لست و بيطلب موافقتها انها تتجوزه ...هي دي الصورة الي بنشوفها في مجتمعنا...سهل اوي نقلب الوضع و نبقي اشخاص مرغوبين و الستاتا هما الي يمشوا ورانارجالة كتير بتقول انا عاوز اكون نفسي و عاوز ست تحبني زي ما انا و معملش الي انت بتقوله دا لاني مش حاكون نفسي...باقوله انت كداب يا بيه لان انت نفسك مش بتكون نفسك مع الستات بدليل انك بتعاملهم باحترام زايد عشان تحوذ رضاهم و بتجاملهم بمناسبة و غير مناسبة و تتملقهم و بتخليهم يلعبوا بيك لمجرد انك عاوزهم يفضلوا معاك...فكر في الموضوع حتلاقي اني باتكلم صحنتكلم تاني عن الواضح المحيرمعظم الرجالة بيقضوا حياتهم من غير ما يلاقوا الستات الي هما عاوزينهم...و رجالة كتير بيعتبروا المرأة سر غامض...قولنا ان التطور الجنسي دا شئ بدا من ملايين السنين و ان احنا مبرمجين بطريقة معينة زي ما شرحنا...عاوز تنجح مع الستات لازم تعرف ان في طرق معينة عشان تحسسهم بالانجذاب ناحيتك و دي حاجات منطقية و مع ذلك مش منطقية لكتير من الناس...اول حاجة لازم نتعمل نبص للامور بنظرة اعمق و نلبس نضارة مكبرة عشان نشوف الامور علي حقيقتها..تاني حاجة لازم نواجه مخاوفنا و اعتقادتنا الخاطئة زي مثلا ان المزز مش بيصاحبوا اي حد و لازم تبقي شبه براد بيت عشان يصاحبوك...لازم تتعلم ايه هي وسائل الاتصال و السلوكيات المعينة الي حتخليك جذاب بشكل طبيعيايرل نايتنجايل قال ان بتكون زي ما انت شايف نفسك...يو بيكام وات يو ثينك اباوت...يعني لو مخك فكر في اسواء الاحتمالات و الفشل غالبا حتصل عليه لان دا مصدر تفكيرك و العكس صحيح...ممكن تغير كل دا عن طريق تغيير طريقة تفكيرك...حاجة تانية معظم الرجالة فاكرين انهم محتاجين لأذن عشان يكلموا اي واحدة مكسوفين يروحوا يكلموها...لازم تتعود تدي لنفسك الاذن تعمل اي حاجة لان محدش حيديهولك...لو بصيت في عيون الناس عشان تعرف انت صح و لا غلط دي علامة ان انت لسة مستني الاذن..لازم تتعلم انك تقول انا باسمح لنفسي اني اعمل كذا و انا استحق اني املكهعملوا تجربة و جابوا شوية فيران...اول مجوعة حطوها في حوض لبن و في وسطه جزيرة صغيرة و المجموعة التانية حطوها في حوض لبن مفهوش جزيرة....تاني يوم حطوا الفيران كلها مع بعض في حوض واحد و حسبوا حيعوموا اد ايه...الفيران الي كانت في حوض مفهوش جزيرة عاموا ساعة و بعدين يأسوا و اترصوا علي جانب الحوض في محاولة للهروب...اما الي كانوا في حوض فيه جزيرة عاموا اكتر...لانهم كانوا متفائلين انوا في جزيرة حيوصلولها...كان فيه امل...الي عاوز اقوله ان احنا بنتوهم كتير ان امكانيتنا محدودة رغم ان الحل حوالينا في الطبيعة...الناس السلبيين اقل سعادة و قدرة علي الحياة و جمع المال من الناس الايجابية...في ولدين فشلت علاقتهم مثلا واحد يروح يعيط لمامته و التاني يفكر بايجابية حيعمل ايه بعد كدة...لازم يكون فيه جزيرة في مخك انت كمان زي الفيران...حتي لو ملقتهاش بسرعة..عوم لحد ما تلاقيها..طالما متفائل و بتحاول لازم حتلاقيها..متخليش اي حاجة تحصلك تاثر عليك و تحسسك انك مش حتنجح زي ما حصل مع المجموعة الاولي من الفئران...اوكي يا حضرة الروبوتات الي مليانة جينات...كفاية عليكوا كدة النهاردة و للحديث بقية
References
the mating mind by Geoffrey Miller
the selfish gene(popular science) by Richard Dawkins
the red queen by Matt Ridley
the evolution of desire by David M Buss
اعترافات زوج خائن للدكتور نبيل فاروق
الوان من الحب للدكتور محمد اسماعيل علي
words used in the topic
DNA, Evolution, Genes
the economics of sex
the triune brain
broca's region of the brain
Ethology
stickleback fish
mimic octopus
other books
sperm wars by Robin Baker
behaviour and evolution by Marion Hall

2006-07-17T02:56:00.000+03:00

الانجذاب ليس اختيارا 1

يعني لو ابتديت تكلم ست و تتعامل معاها لفترة كافية للحكم عليك و محستش بالانجذاب ناحيتك مفيش حاجة حتقدر تعملها عشان تشدها ليك...عيط و انتحب و اضرب دماغك في الحيط او اشترلها هدايا و دلعها...كل دا مش حيقنعها انها تنجذب لك لانه ببساطة شديدة مش اختيار...و بنفس المنطق لو اتعاملت مع ست لفترة كافية و كونت عنك فكرة و حست بالانجذاب ناحيتك هي كمان متقدرش تعمل حاجة عشان تقاوم الانجذاب دا...لسبب بسيط لان هي مخترتش انها تنجذب لك...لان الانجذاب لشخص معين مش اختيارفي حياتي شفت ستات كتير بتحب رجالة من النوع الواطي ...بيضربوا الست و يعاملوها وحش و مع ذلك الستات بيعشقوا الرجالة دي و بيحبوهم...عشان كدة كان لازم نبص في الموضوع بعمق عشان نفهم ايه الي بيحصل بالظبطلما اي شخصين بيتقابلوا و بيبدأوا يكونوا رأي عن بعض ...الكلمات بتعمل 7 في المية بس من حكمهم علي بعض و لغة الجسد و نبرة الصوت و طريقة الكلام مش الكلام نفسه بتعمل 93 في المية ...دا معناه ان في حاجات اعمق من الكلام نفسه بتاثر في مستوي العلاقة...اشياء في مستوي اكثر عمقا...جزء داخلي جوانا بيستقبل و يبعت رسائل اتصال علي مستوي عميق جدا...دا معناه ان احنا لو اتقنا التعامل مع الجزء الداخلي الحساس في الستات او البشر بصفة خاصة حنقدر نوصل لنتائج افضل بكتير في حياتنا...و هو دا المكان الي انا حاوديهولكوا...يا تري عاوزين توصلوااحب اقولكوا انا ليه باكتبلكوا...انا عشت فترة كبيرة من عمري انسان انطوائي باعد لوحدي في الويك اند و لو بنت جت تكلمني وشي يحمر و يصفر و ارتبك و الي زاد الطين بلة ان الانسانة الوحيدة الي حبتها كانت واحدة جامدة و ذكية و غنية جدا فسيطرت عليا و ورتني النجوم في عز الظهر و بالتالي خت قرار اني لازم احل اللغز دا...مهما خد مني من وقت و جهد...واحد دماغة جزمة اديمة و تربست ان لازم يعرف ليه شباب معينة بتظبط بنات بالهبل و شباب تانية بتعد تغني ظلموه...دخلت عل النت و قريت كتب بالهبل و سمعت شرايط و شفت سيمينارات و محاضرات و قريت سيكولوجي...بدأت اصاحب و اراقب الرجالة الي ناجحة مع الستات و مصحابة ستات كتير لقيتهم بيعملوا حاجات غريبة جدا انا نفسي مش فاهمها بس قلدتهم و النتايج كانت هايلة لان الحاجات دي يمكن ملهاش معني بس بتفرق مع اي ست...مع الوقت فهمت اللعبة و بقيت اعرف اسوق من غير ما افكر و انقل بسهولة و اجيب الخامس كمان...الموضوع دا خد مني يا جماعة تلات سنين...صدقوني بعد ما كنت باقضي الاجازات لوحدي و مش لاقي واحدة اصاحبها...دلوقتي وصلت لمرحلة باقول فيها يا تري اقابل مين و لا مين النهاردة و لا اروح اي مكان و اصاحب واحدة جديدة و صدقوني لما بتوصل للمرحلة دي حاجات كتير في حياتك بتتغير و نجاحك بيزيد في الحياة بصفة عامة...لان حصولك علي علاقة مستقرة لذيذة مع الجنس الاخر بيخليك تركز اهدافك في حاجات تانية محتاجة اهتمام..شغلك عموما...اتمني ان الي بيجي البلوج دا يكون بيجي عشان عاوزيتعلم تظبيط عشان يخلي حياته اسعد بصفة عامة...مش جاي لي عشان اعلمه ازاي يظبط واحدة و ينام معاهاانا حبدا اكلمك و لعدة مقالات عن مستويات عميقة في العلاقات في الكون دا...حنتكلم عن التطور و الدي ان ايه و السلوك البشري و الحيواني...انا باحط اساس عشان اعرفكوا المستوي العميق الي اتكلمت عنوا في اول المقال اصدي التدوينة يعني...عاوز شوية تركيز لاننا حنتكلم عن افكار كتيرة و في النهاية حتتوصل مع بعضهايلا نبدأ....بشوية جمل باسمعها كتير من الشبابانا باحس بالخوف لما باحس انوا جه الوقت ان اسال البنت عن رقم تليفونها او اطلب منها معاد نتقابل او اجي ابوسهاانا حاسس اني ممكن اخسر كل شيء لو غلطت مش عاوز ارتكب اي غلطةانا حاسس بعدم الامان لاني مش طويل غني او امور و مش عارف ليه اي ست جذابة ممكن تتشدلي طالما هي ممكن تصاحب رجالة غنية و طويلة و امورةباحس باخوف لما باقابل ست نفسي اصاحبها و عقبال ما بافتكر حقولها ايه بتكون مشيتباحس اني باراقب كل كلمة باقولها و مببقاش علي طبيعتي لما اكون حوالين بنات حلوةحاسس ان الستات عندهم كل الاختيارات و القوة و كل الكروت في ايديهم و انا ماليش اي قوةمش بافهم في الموضة و ماليش اهتمامات تجذب الستاتمش باقدر الاحظ لو الست دي انجذبتلي و لا لا...اعرف منين يعنيانا عاوز اعرف كل حاجة لازم تتعرف قبل ما اخد مخاطرة اني اعرف انسانة جديدةباحس اني براقب نفسي و رغباتي و باتكسف اوي لو الست حست برغبتي الحقيقية و الهدف ورا العلاقة...فعلا حتتفاجئوا انكوا لو وصلتوا حقيقة رغباتكوا للستات بشكل صحيح دا يمكن يخليهم بحبوكوا اكتر..حاجة مسخرة اويانا مكسوف انا اقول لحد ان ماليش في التعامل مع البنات و مكسوف اطلب النصيحة من اي حدمعرفش اعمل ايه لما الست تبدا تزعل و تعملي دراما و حوارات و باخاف اوي ساعتهانفسي اقابل انسانة جميلة و ذكية و عقلها متفتح بس حاسس اني مش لاقيها و لو لقيتها مش حتحبنيانا وصلت لمرحلة اني خلاص قررت استسلم...انا شخص مش جذاب و دا واقع و لازم اقبلوا زي ما هويا ريت لو حد فيكوا حس باحساس واحد من الحاجات دي يرفع ايدوا انا اولكم طبعاارجوا اني اكون منسيتش حاجة مش هي دي فعلا المشكلةباسمع شباب كتير يجوا يقولوا...انا باشوف اصحابي بيعاملوا البنات وحش و يخونوهم و يبهدلوهم و مع ذلك البنات بتحبهم زيادة و انا شاب مؤدب بس كل وظيفتي ان البنات تيجي تحكيلي مشاكلهم مع حبايبهم الصيع...في البلوج دا حاعلم سيادتك تكون مؤدب بس متكونش شاب مؤدب..تفرق...مش عيب انك تكون محترم بس لازم نخلط مع الاحترام دا حاجات تانيةطيب نخش في الموضوع...لما الست بتشوف راجل لاول مرة اكيد مش بتقول الراجل دا طوله 184 و وزنه 80 و شكله نضيف يعني معندوش دود في بطنه يلا انا حدوس علي زرار الاعجاب و اعجب بيه كمان الراجل لما يشوف ست مش حيقول دي صغيرة وشكلها حلو و صدرها كبير و وسطها تمام انا حادوس عل الزرار عشان احبها ...الي بيحصل مش كدة طبعا...الي بيحصل اني في شبكة في المخ بتوصل للجنسين الاحساس دا في ثانية من قبل ما تفكر اساسا ايه الي بيحصل...هو ايه تعريف الانجذاب و السكس ابيل اساساالانجذاب هو طريقة بتسيطر بيها علي الطبيعة علي مخنا و اجسامنا عشان نتناسل مع شخص يحمل جينات قوية...يعني في ثانية نقدر نقيم البني ادم الي ادامنا يا تري جيناته قوية...الرجالة بيحبوا الست الي جيناتها اديتها جسم جميل لان دا اساس التطور الجنسي للمرأة...الستات لحسن الحظ بيحبوا الشخصية اكتر من الشكل اكيد لو انت شبه براد بيت او مغني مشهور حينجذبولك و يتمنوا يتناسلوا معاك لسبب بسيط ان جزء في مخهم سيطر عليهم و حركهم في الاتجاه دا و خلاهم منجذبين للرجالة دول و لو سالت الستات صدقني عمرهم ما هيجاوبوك هما ليه انجذبوا ليهم... لانهم فعلا ميعرفوش ليه انجذبوا ليهمالست ببساطة عاوزة راجل جيناته تخليها تخلف عيال حلوة و ناجحة و الا هتنام معاه ليه يعني...و دي نظرية مشهورة...لو انت اتعاملت مع بنت بطريقة تحسسها انها في حالة ما نامت معاك حتخلف عيال حلوين و ناجحين و ظراف دي حاجة ايجابية جدا...فكروا في اجدادنا..محدش منهم مات من غير ما يمارس الجنس...ابوك و امك انجذبوا لبعض و تناسلوا سوا و خلفوك...جيناتهم كانت علي درجة معينة من القوة و الدليل انهم ماماتوش في سن صغيرة ...دول وصلوا للسن الي تاهلهم للتانسل ..سن البلوغ يعني....من تمن ل تلاتشر في البنات و عشرة ل خمستاشر سنة في الرجالة..حيوانات منوية قوية و بويضة سليمة...من الاخر الست بتقول يا تري لو نمت معاك حاخلف عيال سليمة و قويةو لا لا...و اعتقد ان في الف طريقة نقدر نوصل بيها الاحساس دا للست تتجاوز الشكل بكتيرالقوة و الثروة و السلطة و اللياقة و الذكاء و خفة الدم و الغطرسة..دي وسائل كتير تقدر تقول بيها انا جيناتي قوية و اولادي كمان حيبقي عندهم نفس الجينات القوية...قلت ابل كدة ان كيسينجر قال القوة هي اقوي المثيرات الجنسية...بكل اسف ولاد كتيرة بيروحوا يكلموا بنات و هما حاسين انهم معندهمش اي قوة...في لحظة الست بتحس كدة..الواد دا معندوش اي قوة...هي دي الحاجة الي اصدتها بالمستوي العميق حاجات مش بالكلام و كل دا بيوصل لمخ الست في اللاوعي و بيخليها تحدد مستقبل علاقتكوا في ثانيةالفرق بين الاجتذاب و الغوايةتعريف الغواية: هو انك تغري ست انها توافق علي اقامة علاقة جنسية غير شرعية عن طريق مغريات تتجاوز دفاعتها و تدفعها للاستسلام و التنازل عن الفضيلةالغواية تتضمن انك تكون مش امين و واطي من جوة و تخبي دوافعك الاصلية...الغواية تتضمن احيانا عقلية فاقدة الثقة انها ممكن تجذب اي ست و بالتالي بلجاء لوسائل غير شريفة للحصول علي اغراضهاالاجتذاب هو انك تشتغل علي نفسك و تخلق من نفسك نسخة جديدة تنجذب لها الستات بشكل طبيعي.لو حاولت تتعامل مع الستات بمنطق الغواية غالبا حيبعدوا عنك لانهم حيحسوا انك شخص مزيف و مش نفسك وعندك عقدة نقص وعاوزمنهم غرض معين خصوصا ان الستات عندهم رادارات فاجرة بيقروا بيها لغة الجسد و يفسروها في ثواني...انا مثلا ياما رحت اكلم بنات و اجرب معاهم حاجات قريتها في كتب و او عل النت و باشوف في عينيهم نظرة معناها ...اه كلامك جامد بس انت مش كدة..فيك حاجة غلط...لاني ببساطة مكنتش باتواصل علي المستوي العميق و كنت باحاول اغوي مش اجتذب...مهم اوي انك تحاول تجذب المرأة مش تغوي المرأة..اكيد في استنثاء للقاعدة دي..دون جوان كان بيستخدم الغواية مش الجذب و انا عن نفسي اعرف شباب بيستخدموا الغواية و بينجحوا..لسببب بسيط ان دي طبيعتهم و هي دي شخصيتهم و و جهازهم الطبيعي شغال عل الموجة دي و لكن دي اسنثناءات مش قاعدةالي انا واثق منه ان احنا اتولدنا ببرنامج طبيعي في مخنا يعلمنا ازاي نجذب الجنس الاخر...بس بسبب البيئة و التقاليد و الاعراف الاجتماعية و فهم معين للاديان بيخلونا فقدنا الاتصال مع الجزء دا جوانا...لو بتشوفوا قناة ديسكفري او حتي عالم الحيوان و ازاي الحيوانات بتظبط بعض و تتناسل..تسأل نفسك...يا تري الحيوانات دي حد علمها ازاي تظبط..اكيد لا ..كل ما في الامر ان جهاز التظبيط الي ربنا خلقوا فيهم شغال طبيعي..ببساطة شديدة لو قدرنا نلمع السطح و نشيل شوية التراب الي علي الجزء الطبيعي دا في مخنا حنبقي جذابين بشكل طبيعي جدا..حنكون نفسنا في احسن حالاتها...حد فيكوا يتمني ان حد تاني اقوي منه...احنا كبشر عاوزين نحس ان احنا اقوي ناس...محدش مننا عاوز يحس حاله عادي...حتي الراجل الاهطل الي بيكتب لكم الكلام دا كاتب في البروفايل انه شخص عادي جدا بس اكيد هو ميتمناش انه يكون عادييلا نفك اللغز سوا...شوية خبرات بقي و ركزوا معايامجموعة واحدلو جاملتها كتير ........................تحبكلو لاحظت عيوبها....................تبعد عنكتتصرف من غير انانية.....تبقي عاوزة تخرج معاكتتصرف بانانية..................تبقي مش عاوزة تخرج معاكتتصرف بتواضع..................تنجذب لكتتصرف بغرور ...........تبعد عنكتشتريلها هدايا و تعزمها عل العشا...................تنبسط منكتخليها تطبخلك......................تزعل منكتكلمها كتير.........................تكلمك كتيرتكلمها قليل..........................تكلمك قليلهي دي الطريقة الي انا كنت فاكرها ماشية و هو دا الي شفت معظم الرجالة بتعملوا بيهامجموعة اتنينلو جاملتها كتير ........................تبعد عنكلو لاحظت عيوبها....................تحبكتتصرف من غير انانية.....تبقي مش عاوزة تخرج معاكتتصرف بانانية..................تبقي عاوزة تخرج معاكتتصرف بتواضع.................. تبعد عنكتتصرف بغرور ....................تنجذب لكتشتريلها هدايا و تعزمها عل العشا................... تزعل منكتخليها تطبخلك...................... تنبسط منكتكلمها كتير......................... تكلمك قليلتكلمها قليل.......................... تكلمك كتيرانهوا الصح تفتكروا اول مجموعة و لا تاني مجموعة........الاشياء ليست كما تبدو يا اصدقائي...عندي اصحاب كتير كانوا محظوظين و اتعلموا الكلام دا بدري مع نفسهم لو وريتهم المجموعة الاولي يفطسوا من الضحك...الي هونظام فيه ايه يا كريم انت اهبل...عشان خاطري انسوا كل حاجة ماما علمتهالكم و ركزوا معايا... لو انت لاحظت عيب في بنت و صارحتها بيه...احتمال شكلك ميبقاش كلوت و مش ممكن تكون بتتواصل معاها علي مستوي اعمق ..مستوي مختلف ...معناه انا عارف ايه الي بيحصل بالضبط... و انت بتتعامل مع بنات جامدة...انسي كلام ماما شوية و خليك راجل..اول متحس احساس الشاب المؤدب افتكر المجموعة التانية و افتكر ان المجموعة الاولي عمرها ما حتديك غير بنات تعبانة من الي وزنهم خمسة و سبعين كيلو فما فوق دا لو ادتك حاجة اساسافي البلوج دا انا باتكلم عن التظبيط...يعني من بداية ما شفتها لاول عشرين لقاء مثلا...انا مش باتكلم عن علاقات طويلة المدي...تمام كدة...مش معني كدة اني باقول بلاش علاقات طويلة المدي بالعكس انا عن نفسي و لو اني مش باحب اتكلم عن نفسي كتير عندي علاقة لذيذة و ناجحة و مستقرة بس التعامل في العلاقة دي يختلف شوية عن اساسيات التظبيط لاننا بنبقي خلاص فهمنا بعض...اناهنا باتكلم عن المواعدة..واحدة تظبطها تاخد منها معاد و تقابلها و تطور العلاقة ازاي بثقة...واضحلو انت مفهمتش الامور دي ماشية ازاي عمرك ما تعرف تظبط...لازم تتعلم كل تكتيكات التظبيط...لو اعدت مع ستات و علي الاقل خمسين في المية منهم مستجبوش ليك دا معناه انك لسة مفهمتش اللعبة و بالمناسبة لا الكلام و لا التكيتيكات الي هاقولها لك هي الي حتفهمك..لازم تخرج بنفسك و تصاحب شباب ناجحة بالفطرة مع البنات و تشوف اي الي بيحصل بالضبط علي مستوي عميق...علي ضمانتي لو انت مش فاهم حتفهم.. انا نفسي مكنتش فاهم حاجة اساسا و ياما بوظت علاقات بسبب اني مش فاهم لحد ما فهمت و زهقت من كتر التظبيط ..متفقدوش الامل كل الي عليكوا انكوا تفهموافي مبدأ مهم حاتكلم عنه هنا اسمه الواضح المحير...الحتة دي عاوزة تركيز شوية..تخيلوا لو قلتلكم ان في لغة بتدور علي مستوي اعمق بين الناس و انتوا طول حياتكم شايفين الناس بيتعاملوا بيها من غير متعرفوا ان اللغة موجودة من اصلوا...دا تحدي شخصي ليا..ازاي اقنعكوا اساسا بوجود حاجات انتوا مش شايفنها...مهو انت لو مش مصدق ان في لغة مختلفة غير الكلام حتخليني اكلمك عنها ازاي من اساسه...المصيبة ان الستات اقوي عشر مرات من الرجالة في التعامل باللغة دي...الست بتعرف في ثانية لو انت راجل من الي بيفهوا و ناضج جنسيا...لازم تتعلم لغة و الا حترزع الباب في وشك علي طولازاي تفهم الواضح المحيراولا لازم تصدق بوجودهثانيا لازم تدور عليهثالثا لازم تدور علي التكتيكات و تشوف ايه الي بينجح معاك و ايه ابي مبينجحشرابعا لازم تسال و تصاحب ناس عندهم خبرة و فاهمين اللعبة و تسالهم و تتعلم منهشوف شباب بيفهوا و اسالهم صدقني حيجاوبوك بنبرة علي نظام انت بتهرج بزمتك انت مش فاهم لغة بس في الاخر حيساعدوك لسبب انهم فاهمين الموضوع بشكل طبيعي لان دي طبيعتهم و مستغربين اوي ازاي في شباب مش فاهمين الي بيحصل...نصيحتي ليكوا دوروا علي الواضح المحير..دوروا بعمق..حاولوا تشوفوا حاجات انتوا مش شايفنها...ازاي اعرف لو في بنت حاطة عينها عليا...هو لازم تعرف من اساسه...انا عن نفسي معرفش...بس عارف كويس انوا فيه مستويات و لازم تعديها عشان توصل...صدقوني اناوصلت لمرحلة لو انا دخلت مكان فيه ست عاوز اظبطها مش باهتم برايها فيا...انا مالي رايها ايه فيا...رايها فيا دا مشكلتها هي...اكيد باترفض ساعات و انا باظبط و بتحصل... جزء صغير جوايا بيزعل بس في ثانية باقول و ازعل ليه... ليه اهتم من اساسه...دي مشكلتها هي...و الله وفرت عليا وقت و مجهود و فلوسلو عاوز تقابلها يبقي حسب نظامك انت مش مزاجها هي و الي عاجبهمراحل التعلم...اثناء عملية تعلم حاجة جديدة الناس بتعدي في مراحل معينةIdealistic then frustrated then defiant then resigned(whether successful or passive aggressive) then aware then decisive n finally committedيعني ايهكلنا بنبدا مثاليين...ايديالستيك... عاوزين نكون نفسنا و الناس تحبنا زي ما احنا و عاوزين الناس بحبونا زي ما بنحبهم من الاخر عاوزين نمشي الكون علي مزاجنا ...طيب لقينا الكون مش ماشي علي مزاجنا...اه بنحس باحباط......بنبقي فراستراتيد.....بعد كدة بنبدأ نتجنن و نتحدي ان حد يشككنا في مثاليتنا...ديفيانت.....بعد كدة بنوصل للكبري المهم الي احنا فيه دلوقتي عل البلوج دا...دي مرحلة الريزاين يعني الاذعان انه في حاجة انت مش فاهمها ...و دي ليها حلين...اما تقولي اوكي يا كابتن كريم انا باستسلم...سريندر... و حاسمعك يا كيكو عجبني كلامك ماشي معجبنيش طز فيك و الحل التاني انك تقولي انا هاسد وداني و مش حاسمعك و طز فيك و انا صح و البنات الي غلط ...باسيف اجريسيف....بيسموه رايشسلي انديجنانت...Righteously indignantالي هو الراجل الساخط علي طول الي مصمم انه بيعمل الصح..رغم احساسه ان في حاجة غلط... و مش عاوز يسمع رأي تاني...يا تري كام واحد مننا رايشسلي انديجنانت...الي هو نظام انا صح مش حاستسلم و رايي هو الي صح...انا مش عارف ليه الناس مش قبلاني كدة دا العيب فيهميلا بقي نمشي في الدايرة مع المنحني...لو اختارنا الاستسلام للبلوج الاهبل دا الي هو عبارة عن تعريب و تفريغ لتلات سنين قرايات و تجارب واحد زيي مكنش يعرف يكلم بنت من اساسه لغاية ما بقي زهقان منهم حنوصل للمرحلة الي بعد كدة و هي الادراك...اويرنس..يعني افتح عينيك انت مدرك ان في حاجة فيك لازم تتغير..بعد كدة بتبقي مصمم و قاطع...ديسايزيف...بتختار افكار جديدة توصلك لغرضك و تلتزم بيها التزام صارم...الي هي اخر مرحلة و هي الالتزام...كوميتمنت......تفتكروا الالتزام حيؤدي لايه....هي دي النكتة........المثالية...و الدايرة تبدأ من جديد..و دي بتقي مصيدة جديدة لازم تطلع منها و تلف معاها بشكل ايجابي عشان عملية التطور تكمل للافضل و توصلوا لمسويات اعلي...حاثبتلكم...بزمتكوا عمركوا ما تمنيتواحاجة معينة في حياتكم..بنت مثلا عربية او حاجة غالية و اول مجبتوها قلتوا..اه طب و بعدين...زهقنا...وصلت؟؟؟؟؟... بص عل الشكل العبيط الي في الصورة عشان تفهمطيب عموما اعتقد كدة كفاية...سوري لو التدوينة طويلة...انصح بقرايتها اكتر من مرة لمهتمين ...حنشوف ازاي حنتعامل مع المنحني اللذيذ دا و ندور معاه بسهولة و للحديث بقية

2006-07-17T02:53:00.000+03:00

مجرد سؤال

ازاي الستات بتختبر الرجالة و ليه؟؟؟؟؟؟؟؟؟؟؟؟؟؟؟؟؟؟؟؟تقريبا كل البنات الي جيناتهم كانت محظوظة و طلعتهم حلوين اوي اتعلموا حاجة واضحة اوي من صغرهم...انهم مختلفين و ان الناس بتتعامل معاهم بطريقة مختلفة لانهم جذابين و د ا بيوصلهم احساس عجيب ان كل حاجة عاوزينها بياخدهوا بسهولة و ان هي دي القاعدة في الدنيا عشان كدة تلاقي البنات دي غالبا مدلعة حبتين و بيتصنعوا الزعل و يقلبوا بوزهم لو حصلت حاجة معجبتهمش عشان ياخدوا الي هما عاوزينه دا لانهم عايشين في حقيقة صنعها تقدير الناس المبالغ فيه لجمالهم و سحرهم و افتراض الناس انه طالما الشخص جميل غالبا بيكون ذكي و متفوق و واثق من نفسه و امين الخالمضحك في الموضوع اني سألت كذا واحدة من الجامدين جدا في الموضوع دا و اجمعوا تقريبا انهم بيحسوا بسخافتهم و هما بيتصرفوا بالطريقة دي بس سمعت منهم كمان ليه مندلعش و نتحكم طالما في الاخر بناخد الي احنا عاوزينه و الناس مش قادرة علي زعلنا و كلنا فاكرين ممثلتنا العظيمة الي قالت ما انا حلوة و جميلة و مطلوبة ليه ميدفعش فيا مليون جنيه في يومين...اه والله حصلاونكل فرويد اعد تلانين سنة يدرس البشر و خصائص النفس البشرية و طلع في الاخر قال لنا اصعب سؤال معرفتش اجاوبه هو الستات عاوزة ايهالست ببساطة عاوزة راجل...راجل مسيطر....مسيطر و عامل كونترول علي نفسه و مشاعره وحقيقته و عليها و عل الناس التانيين...خليني اسالك سوأل لو انت ست و عاوز تختبر راجل هو مسيطر و لا لا ...يا تري حتروح تقوله يا تري لو اتدلعت عليك و حاولت امشيك علي مزاجي حتسيطر و لا لا....اكيد لا طبعا مفيش ست هبلة حتسالك السوال داعشان كدة الستات بتختبر الرجالة انهم يتحدوا الراجل و يشوفوا مدي سيطرته علي الموقف( احيانا الموقف بيجي لوحده مش شرط الست تصنعه بنفسها بس لو مجاش يبقي لازم تصنعه)بس غالبا عشان الست تبدأ تختبرك لازم تعجبها الاول و عشان تعجبها و تعدي اختبارتها لازم تكون انت نفسك تحدي...طب ازاي؟؟؟؟؟؟؟؟؟؟؟؟؟؟روول نامبر وان: اياك تجاوب الستات بطريقة مباشرة الا لو كانت الاجابة لا(معظم الرجالة الي مشهورين بنجاحهم مع الجنس الظريف بيقولوا ان اكتر كلمة بيقولوها للستات هي لا)مثال:هي: انت بتشتغل ايههو: باشتغل في التجارة.....(سكوت شوية و و ارخي كتافك)....بعدين استطرد: عندي سفينة صغيرة باخدها كل يوم و باطلع علي سواحل كينيا و تنزانيا اجيب العيال الافارقة الطوال و اروح ابيعهم في امريكاهي: يا سلام ...هو لسة في تجارة عبيدهو : هههههه بهرج معاكي...انا باشتغل في الموديلنج ...انا باشتغل موديل في هوليوود للمثلين الامريكان زي براد بيت و توم كروز لان غالبا الممثلين دوول مش بيرضوا يطلعوا عريانيين من ورا فانا باجي مكانهم ...انت شفتي فيلم بيرل هاربورهي : اههو: شفتي لما الممرضة كانت بتدي بن افلك الحقنة من ورا...اهو دا كان اناهي: اه دا انت ستانت بقي..دوبلير)هو: دا الصبح بس بليل ببقي رائد فضاء باطلع القمر تيجي معايافي المثال دا صاحبنا مدهاش االي هي عاوزاه بسهولة و خلق حاجة البنات عارفاها كويس و ميعرفهاش معظم الولاد اسمها شد جنسي او سيكشوال تينشن ...شخصية غامضة و دمه خفيف...البنات تحب كدة .... تخيل معايا لو الحوار كان كدةهي: انت بتشتغل ايههو: مهندس في شركةصدقني لو البنت حلوة اوي غالبا حتحس انك انسان ممل لانها تقدر بجمالها تقابل الف مهندس زيك...طز فيك و في شهادتك...لو بنت مش حلوة اوي غالبا حتعجب بيك يا هندسة و لو انت حمار و مهندس و شبه براد بيت او رشدي اباظة برضو حتعجب بيك و تكمل كلام بس انا باكتب هنا للناس العادية...الي شكلها عادي و لازم تعرف ازاي تتكلم لانها بتعمد علي شخصيتها مش شكلها...علي فكرة.في كتاب مشهور في علم التسويق...اسمه كن مختلف او مت...ديفرانشييت اور داي...فهمت حاجة؟روول نامبر تو: لو البنت لجامدة دي اشتكت من حاجة انت بتعملها و مش عجباها...كررها كذا مرةمثالهي: الكلمة دي مش عجباني متقولهاش تانيهو (مبتسما ابتسامة ملهاش معني): يبقي احسن لك تسيبيني لاني ناوي اكررها كتيرالنهاردةملحوظة: الموضوع دا ميمشيش اوي في علاقات الارتباط طويلة الاجل خطوبة او جواز او مع بنت شخصيتها ضعيفة بتاخد الامور علي محمل شخصيسو بي كيرفول....الكلام دا يمشي حلو اوي مع بنت حلو بتشوفها لاول او لتاني مرة و بوادر الاعجاب بدات...روول نامبر ثري: الست لازم حتختبرك عشان تشوفك مسيطر و لا...لو خضعت..ادامك حلين يا بيبي اما حتتف عليك و تمشي او حتتجوزك...صدقني مفيش غير الحلين دول عن خبرة....احسن حل لتفادي اختبارات البنت بطريق لذيذة هو تجاهلها....لو تجاهلت اختبارات البنت حتتجنن....اختبارات البنات في مصر بصراحة اية في السخافة و اختراع ان صاحبتها تتصل بيك و تشوف حيحصل ايه ...دا شئ عقيم و مش هو دا الي انا اقصده بالاختبار لانه مش اختبار سيطرة....في اختبارات عادات برضو...مثلا عاوزة تعرف انت بخيل و لا تقوم حكيالك حكاية عن جوز صاحبتها البخيل و تشوف تعليقك....برضو لو انا مكانك متعلقش و سيبها تضرب اخماس في اسداس و متعرفهاش انت مين....اختبارات السيطرة مثلا تبقوا في مطعم و تقولك يلا نعد هنا ...بكل ادب و ذوق اولها لا و خدها بالراحة في مكان جميل غيره و اعدها...و ملحوظة مش معني انك مسيطر انك تعاملها وحش..خالص....احنا رجالة برضو نسيب البنات تمشي الاول و نفتح لهم الابواب و نخلع لهم المعاطف و نشد لهم الكراسي و منعدش قبلهم بس دا بمزاجنا(يعني اون اوار اون تيرمز) ....من الاخر متديهاش الي هي عاوزاهمثال:هي: بوسنيهو:لاهي: ميك لاف تو ميهو: انتي مستعجلة ليه ....انا لسة مخلصتش بووووووسروول نامبر فور: دايما اديها اشارات مبهمة و مش واضحة ...البنات بيحبوا يمسكوا وردة و يقولوا بيحبني مبيحبنيش ....ليه بقي العبط و المصارحة السريعة و تبوظ عليهم المتعة دي....اهدي يا راااااااااااجلمثال:هو: خلينا اصحاب احسن (امسك ايدها جامد و بص في عينيها)...................................................................: هي

فور كاتس كمان و كمان

2006-07-17T02:17:00.000+03:00

كارل يونج كان اول عالم نفس اتكلم عن القناع الاجتماعي...ببساطة شديدة الناس ليها شخصيتين ,شخصية حقيقية متأصلة و اسمها القلب و هي شخصية الانسان العاقل بكل مخاوفها و انفعالاتها...الشخصية التانية هي القناع الاجتماعي او سوشال ماسك الي بنلبسه ادام الناس عشان نبان اقوياء و واثقين من نفسنا ...لما تعوز تتعامل مع وتكة زي الفور كاتس دوول متحاولش تتعامل مع السوشال ماسك...خش في المضمون .شخصيتها الحقيقية بنت زي اي بنت عندها بعض من مشاعر الخوف و عدم الامان زي اي حد و الوش الي هي مصدراه دا مجرد قناع بتخفي وراه ضعفهافي حكاية سمعتها احب اقولها...راجل ظريف اوي راح يشتري عربية مرسيدس اول ما ساقها صاحب المعرض قالوا لحظة يا بيه تعالي...صاحبنا الو في ايه...صاحب المعرض الوا انت كدة مش بتسوق مرسيدس...صاحبنا اتغاظ قالوا ليه يا معلم ما انا سويق اديم...صاحب المعرض قالوا ارخي كتافك و ارفع مناخيرك...انت سايق مرسيدس و المرسيدس متتساقش الا كدة...وصلت...فاهمين اصدي؟اختراق السوشال ماسكاشهر و احسن طريقة للتعامل مع البنات دوول قال لنا عليها راجل امريكاني طيب خالص كتر خيره اسمه كريج...الي هي طريقة اسمها راجل مغرور و ظريف........البنات بتنجذب للولد الواثق من نفسه الي دمه خفيف و وصفة رجل مغرور و ظريف او كاكي اند فاني وصفة ناجحة مليون المية ...لانك فيها بتتريأ عل البنت و بتضحكها في نفس الوقت...بتوصلها رسالة محتواها...انا مش خايف منك بدليل اني باتريأ عليكي و نفس الوقت بضحكك و باقولك كلام عمر العيال الي بتترعش ادامك ما هتقولهولك لاني عارف سكتي كويسمثالهي : انت شكلك اصغر من سنك كتيرهو: اوف بقي...الكلمة دي سمعتها النهاردة عشر مرات و لو فاكرة انك حتوقعيني بالكلمة دي ...يبقي انسي ..في كتير قابلك حاولوا و فشلواهي: غالبا وشها حيحمر او حتضحك و تقولك انت تطول ...بس تراست مي من جواها حتحس انك مختلفمثالهو: بطلي بقي تكلميني بالساعات كل يوم الساعة 1 باليل ...ايه ما وراكيش غيري......اوووووووووفهي:.....مثال:هو: ايه الشياكة دي...انتي شيك كدة علي طول و لا بس عشان عارفة اني جايهي(بسخرية واضحة) :لا طبعا عشان عارفة انك موجود هههههههههههههو: اوف الكلام دا سمعتة ميت مرة النهاردة الخ الخ ...(انظر اعلاه)بس في شوية ملحوظات علي الطريقة دي: اولا متستعملهاش اكتر من مرتين تلاتة في اللقاء الواحد لان مش خارج مع البنت عشان تتريأ عليها او تضحك و بس انت بتوصلها رسالة معينة و خلاص...انا عن نفسي اعرف بنات مبيحبوش الراجل الي بيضحك كتير...في بنات معندهمش ثقة بنفسهم و الطريقة دي تجرحهم...في بنات يموتوا في الضحك و دول الي بحب اصاحبهم و الخروجة كلها بتبقي ضحك و مسخرة...عشان تتاكد من فاعلية الطريقة حتلاقي البنت بتضحك علي كلامك...لو بصتلك بارف يبقي الي انت بتعمله دا مش الي انا اصدتهمثال اخر مهم عل المغرور ابو دم خفيفاسمعوا يا اخونا في كل مجتمعات الحيوانات و احنا منهم طبعا ...الستات هي الي بتختار الذكور...الذكر عليه يعاكس و الانثي تختار...ايه رايكوا لو عكسنا اللعبة...و لعبنا احنا دور الي بيختار او السيليكتور....الستات بتتجننمثال: قول لواحدة لسة متعرف عليها من دقيقتين خلينا اصحاب احسن...قولها بلهجة لهي ضحك اوي و لا جد اوي...غالبا بترتبك و تتجنن لسبب...اولا متعودتش ان ولد يقولها الكلمة الي هي بتصد بيها الف حمار كل يوم...كمان بتعد تقول ازاي الولد دا مش عايزني مع اني حلوة و جميلة...الواد دا لازم اعرف ايه سره.....بيبقي شكلهم مسخرة فعلامثال: قول لبنت انت لسة متعرف عليها لو عملت اي حاجة: انتي كدة بتضيعي فرصك معايا...غالبا مش حاكمل معاكي...نفس التأثير... لانها بتعد تسأل نفسها انا عملت ايه عشان يقول كدة و من امتي في راجل بقولي كدة...هو بيهرج ولا بيتكلم بجدمهم جدا انك تتواصل مع البنت اكنك انت الي اخترتها مش العكس..COMMUNICATE AS YOU ARE THE SELECTOR IN A COCKY AND FUNNY WAYمثال: شوف مثلا في خروجة اي حاجة لبساها و اتريأ عليها ...بجد ايتس تو ماتش فان... مثلا ايه يا بنتي الشنطة الكبيرة دي...شايلة جواها مسدس...ايه خارج مع ريا و سكينة...... كدة يعنيمرة كنت بارقص مع بنت لذيذة و كانت حطا في شعرها حاجة غريبة تقريبا اسمها موس...معرفش ايه دا...المهم مسكتها تريئة علي شعرها...و ضحكنا يوميها بتاع ساعتين...هي كانت مبسوطة لانها كانت جميلة و نفسها واحد يعاملها كانسانة عادية لان كل الولاد بيتملقوهاDON’T BE ASS KISSER … DON’T EVER KISS HER ASSاما بقي اقوي مثال علي طريقة الواد المغرور ابو دم خفيف و الي ياما جربته بنفسي مع الاجانب بالذات و سره باتع هو:علي فكرة اكتر حاجة مش عجباني فيكي انك بتحبيني عشان جسمي و خلاص...انا برضو انسان و ليا مشاعرI REALLY HATE SomeTHING ABOUT U, ALL U CARE ABOUT IS MY BODY…I AM NOT JUST A SEX OBJECT…I VE FEELINGS TOOبالطريقة دي الست حتتنح لانك سرقت كلمتهم المشهروة للرجالة ان انتوا بتهتموا بالجنس و بس و لعبتها عليهم...غالبا الست بتبص لك باستغراب و بعد كدة تضحك لها بتاع خمس دقايق ...بالشفانختم بقي بحتة لذيذة عاوز تخترق القناع بضربة قاضية: بص في عينيها جامد و قولها انا حاقولك حاجة عن نفسك عمر ما حد قالهالك قبل كدة...بعدين اسكت...حتلاقيها اتسمرت في مكانها حتموت تسمع...طول في السكوت عشان تشوقها زيادة و قولها: انتي فعلا بتباني شخصية جميلة و قوية و واثقة من نفسك ادام الناس...بس الي انا واثق منوا انك في الحقيقة مش كدة...انتي انسانة حساسة جد و بتتأثري بأي حاجة ... من النوع الي كلمة توديكي و كلمة تجيبك.............كدة يا بيه انت اديتها القاضية و نقلتلها رسالة واضحة معناها انا عارف ايه بيدور ورا القناع بتاعها...مفيش بنت مش بتتاثر بالكلمة دي...بتحس ساعتها انها بتتعامل مع راجل جرئ و عارف الي بيحصل حواليه كويس و كمان راجل حساس و بيفهم...خليط مالوش حل...يلا يا حلوين..كفاية عليكوا كدة النهاردة... سي يو سوون

2006-06-27T04:05:00.000+03:00

فوركاتس و امثالهن
لم تبهرني الفوركاتس يوما و لم احبهم اطلاقا...لا انكر اني مفتون برشاقة اجسادهن و شعرهم الفشيخ و حضورهن الطاغي الذي جعل من تغيير الفرقة باكملها امر ثانوي...فغسان دائما لديه البديلة الجاهزةو لكن...دائما كان هناك شئ يدهشني في هؤلاء الفتيات و اخوتهن في امريكا امثال العزيزتين جينفر لاف هيويت و سارة ميشيل جيلار...لماذا لا يبتسم هؤلاء في صورهم علي اغلفة المجلات ...بل احيانا تكون تكشيرتهم واضحة للعيان...كثير من النظريات...قالت لي مخرجة المستقبل لان الابتسامة تصرف الانتباه عن جمال العيون و هو الاهم... لم يكن لي رأي في الموضوع كالعادة فانا تلميذ مخلص علمتني المناهج التعليمية المصرية ان استخدام العقل جريمة لا تغتفر ...ظللت ابحث في اراء الاخرين ...حتي عثرت علي رأي غريب من خبير تسويقي يقول ان طريقة عرضهن علي اغلفة المجلات بهذة النظرة الغربية هي وسيلتهن للتعبير عن تاثيرهن الخارق و المبالغ فيه علي الناس...كأن الفتاة تقول انا عارفة ان انا جميلة و عارفة انك عايزني و نفسك فيا و حتموت عليا...و عشان كدة انا باحتقرك...و دا حيخليك تحبني اكتر طالما انا مش عاوزاك.....السؤال: يا تري هي دي حقيقتهم ...يا تري الستات الي شكلهم حلو و جسمهم جامد و بيحطوا فول ميك اب و يلبسوا احسن لبس فعلا واثقين من نفسهم بشكل خرافي كدة...يا تري انت كراجل شايف انك متستاهلش واحدة زيها...يا تري حتخاف و تترعش لما تيجي تتكلم معاها...يا تري حتعاملها معاملة احسن من صاحبتك الي شكلها نص نص لمجرد ان شكلها حلوة...كالعادة مكنش ليا رأي بس اونكل كارل يونج كان عنده كلام جميل في الموضوع دا

2006-06-27T04:00:00.000+03:00

ستة اشياء تجذب المرأة

اولا: الوسائل بمعني الثروة و الممتلكات و الهدايا الي تهديها لهمثانيا:القوة بمعني التأثير و صفات القيادة و قدرتك علي توفير الامان لهاثالثا:الشهرةاربعة:الشكل الخارجي:الطول داخل هنا طبعا ...مش عارف ايه حكاية الراجل الطويل مع البنات و بعد كدة يتهمونا ان احنا الي بنجري ورا ال..................خمسة:التميز كأن يكون الرجل متزوجا او من اصل نبيل...فيه ستات كدةستة:الشخصية...دمه خفيف مبدع رومانسي ذكي غامضلاحظوا معايا ان اول خمس حاجات خارجة عن ارادتنا...يعني انا مثلا مينفعش ابقي غني في يوم و ليلة يبقي خلونا نلعب علي الوتر السادس...الشخصية الأخبار الحلوة ان في علاقتك مع الجنس الاخر شخصيتك لوحدها ممكن تخليك تنجح و بامتياز...و دا راجع ان المرأة مخلوق حساس بطبعه...اهم حاجة عندها انها تحس بيك و تحس معاك بايه بغض النظر عن وضعك او ممتلكات و الجرايد و الافلام مليانة اخبار عن قصص حب غير متاكفئة اساسا ...الحب مفهوش منطقنماذج شخصيات تجذب النساء:اولا: راجل مرح: بص من الاخر لو عرفت تخليها تضحك و تطلع منها الضحكة ورا التانية من غير افتعال...خلص الموضوع...لو خرجت مع بنت لاول مرة متقعش في غلطة معظم الرجال و تعد تكلمها عن نفسك و عن شهادتك...لان فيه الف حمار غيرك سمعوها نفس الكلام...ضحكها من غير افتعال و احكيلها عن المواقف المرحة الي حصلت في حياتك...حتدعيليثانيا:مبدع و زكي:الذكاء لو استخدم صح بيقي ليه تاثير قوي...اعمل لها مفاجئات و حاجات غير متوقعة ...ثالثا:شخص متعلم: لو تعليمك اعلي من تعليمها دي حاجة لصالحك بس متتكلمش في الموضوع دا كتيررابعا:شخص كلاسي متانق: تفرق مع البنات ان حزامك و جزمتك يليقوا مع بعض...تفرق لو بتفهم في الديكور و تناسق الالوان..لو بتفهم في الافلام الاجنبية و تعرف تفرق توم كروز من توم هانكس...لو بتحب فرانك سيناترا و براين ادامز...لو بستطعم المطبخ الايطالي و بتحب الاكل اللبناني...خامسا:شخص مسيطر:99 بالمائة من النساء يعشقن الشخص المسيطر...انا عن نفسي اصطدمت في حياتي مرة واحدة بانسانة بتعشق الرجل الخاضع و لكنها حالة خاصة جدا و شذوذ عن القاعدة...حتستغرب لما تعرف انه في مجتمع الشامبانزي....القائد هو المسئول عن مضاجعة 75 بالمائة من المجموعة لمجرد انه الاقوي و المسيطر...اعتقد انه الكلام بينطبق علي مجتمع البشر برضوسادسا:رجل شاعري: الستات مش بيحبوا الهدية لنفسها بيحبوها لمعناها...لانها دليل انك بتفكر فيها...صدقني عند معظم الستات مفيش فرق بين كارت صغير و خاتم سوليتير....انا معاك طبعا ان السوليتير تأثيره اقوي صدقني في النهاية هي كل اهتمامها انها تعرف انك بتفكر فيها...الست بتنبسط لو قلتلها انك مضايق انها بتكلم رجالة غيرك لان دا دليل انك بتفكر فيها...رجل عنده قوة ملاحظة: انت عارف الست بتعمل ايه عشان تشتري فستان و عارف بتقف ادام المراية اد ايه...لو بنت عاملة شعرها بطريقة معينة دي مش صدفة...الست تعشق الرجل الي يلاحظ التفاصيل دي...بس ابوس ايدك احذر التملق لو البنت حلوة اوي....اذكر مرة قلت لبنت شايفة نفسها اوي ان الفستان الي كانت لبساه المرة الي فاتت كان حلو اويي و كنت صادق في كلامي من غير تملق...البنت وشها نور و بصت لي بصة عمري ما هنساها... اكيد عارفين معناهاسابعا:رجل غير متوقع-متوقع: الست تحب الرجل الغامض الي يصعب توقعه ...الي يعاكسها طول اليل في الحفلة و بعد كدة يعد يومين ميتصلش بيها...بس غالبا لما بيجوا يتجوزوا بيفضلوا الرجل المتوقعرجل متحمس و مبسوط: في رجالة كتيرة لو لاقوا الست مبسوطة و فرحانة بحاجة معينة بيحاولوا يهبطوا منها عشان يحسسوا نفسهم انهم مسيطرين و انهم مصدر سعادة المرأة الوحيدة...لو انت منهم...ابوس ايدك بلاش هبل...ثامنا:رجل يبحث عن الجديد.عارفين.ليا واحد صاحبي تخين و شكله عادي جدا بس كل ما اشوفه اعد الاقي حواليه تلات بنات عل الاقل...عربيته 128 علي فكرة....بس غاوي غطس و سفاري و رقص...النوع دا مهم و حاتكلم عليه بالتفصيل لاحقا...لان دا نوع الحياه معاه لونها بمبي بمبي...تاسعا:رجل مغامر: بوند...جيمس بوند...ادهم صبري...بيسوق بسرعة...بيلعب كاراتيه...بيعمل سكاي دايفينج...النوع دا امريكاني اويي....عمري ما شفته في مصر الحقيقةعاشرا:رجل رومانسي: من الاخر شوف جوني ديب و فيلمه دون جوان دي ماركو...شوف يبفسر المرأة ازاي و ازاي بيغوص جواها...واد شاعر فنان بيكتب قصص مفيش مانع يلعب جيتار...غالبا بيبقي نوع خنوع و الست بتحبه بس شفت منهم مسيطيرين برضوالحادي عشر:راجل واثق من نفسه اوي و دمه خفيف برضو: شوف احمد عز في ملاكي اسكندرية...براد بيت في افلامه الاخيرة او توم كروز في توب جن...شخصية ملهاش حل و حنتكلم فيها لحد ما نزهأ...الثاني عشر: رجل مهتم-غير مهتم: لازم تكون مهتم و شجاع في مواقف و لازم تحلق و تطنش في مواقف تانية و الموضوع دا عاوز خبرة...الثالث عشر:راجل جذاب و مثير:الستات زيهم زي الرجالة بيعشقوا الجنس و بيحبوه و العاشق المثير حاجة صعبة انهم يلاقوها...الراجل الي بيعيشهم تجارب جديدة عاطفية و حسية بيقدروه اوي...رشدي اباظة او عمر الشريف مثلا.........