جبهة التهييس الشعبية

ولقد انتصرنا على الكافرين

2009-12-16T00:29:00.000+02:00

والله الشعب ده محتاج حرب، بيقول لك انابيب البوتجاز اسلحة بيولوجية اه وربنا قال كده

بس انا متعاطفة مع بتوع عزبة الهجانة في انهم ما يسكتوش لما بيوتهم تتهد، ومتعاطفة طبعا لما يضربوا الشرطة، ومن غير سبب كده لوجه الله، مش لابسين الطاقية ليه

انما ان جيتوا للحق انا حاسة انها ح تتلم بسرعة وح يراضوا السكان وشعرة مبارك اللي شعرة معاوية ما تجيش فيها حاجة ح تطلع لنا، ليه بقى، لان قالوا على التويتر ان الناس كانت بتهتف: انت فين يا جمال

لا مش جمال عبد الناصر جمال مبارك

ودي اسمها حاجة كده ناشفة، زي ما واحدة يبقى عينها من واحد وترمي بلاها عليه كده، انت فين يا جمال؟ هو ايه يخصه جمال؟

الاغنية دي معبرة جدا عن وصف الهتاف ده

طبعا خالص اعتذاري للي تحمسوا وحسوا ان البلد بتتغير، يارب ياخويا يارب، بس بلاش الامل عشان ما نتصدمش بس زي كل مرة

هو فيه حالة فلتان دي حقيقة، لكن ثورة؟ ما اعتقدش

دي فيديوهات بتاع الاسلحة البيولوجية انابيب الغاز

بس انا اتكيفت قوي من "هجمات الحكومة المصرائيلية الكافرة" دي ما الجزائريين طلعوا ملهمين اهم
لا حول ولا قوة الا بالله، الناس حاطة شقاها في الشقق دي يا ناس، لا حول ولا قوة الا بالله، ورايحين للسلاب؟ ده واحد اسمه السلاب السلاااااااااااااااب
هههههههههههههه الواد بيقول الحكومة بتخش ما بيفهموش، ههههه يا حبيبي انت لسة واخد بالك انهم ما بيفهموش؟ امال احنا بنقول ايه بقالنا سنين
ربنا يحميه الواد ده... ح يودي نفسه في داهية زي علي طه بتاع القاهرة تلاتين

دماااااغ

2009-12-14T23:43:00.000+02:00

بالمناسبة السعيدة دي، بنشكر الاخت فنون (بكيزة اسمها الحركي) اللي شرفت ونورت، وزقتني زق عشان اخرج من الاكتئاب وناخد صحابنا ونخرج

ياااااا انا ما كنتش عارفة اني محتاجة الخروجة دي غير لما خرجتها

عملت دماغ حقيقي، ده انا بقالي كتير ما خرجتش اتفسح، وجيت عاملة دماغ حتى نزلت التعليقات من غير ما اقراها عشان ما انكدش على نفسي

مشتكرة يا فنون

خدوا اعملوا دماغ، واهداء خاص لبكيزة

ودي مادو اهداها لي الصبح

جميلة بو حريد بتستلف؟

2009-12-14T13:43:00.001+02:00

Mother Djamila

SOS from Mother Djamila

عيييب عيييييييييب عييييييييييييييييييييييييييييب

اسفخص على دنيا كلها لما جميلة بو حريد تحتاج يوم تستلف عشان تاكل، واللي جاب لي الخبر مواطن مصري، وبصرف النظر عن وجهة نظره في اننا لازم نعمل حملة لجميلة بو حريد "عشان نطلع احسن منهم" ههههههههههههه اه يا قلبي يانا، هو احنا بنلعب في الفصل هنا؟ شوف الناس بتقول ايه وده بيقول ايه؟ مافيش حد فينا احسن لما ست الناس تعيش مش لاقية تاكل، دي جزمتها بينا كلنا، مافيش حد في العالم العربي كله يستاهل يتبص في خلقته لما جميلة يوصل حالها كده، هي جميلة دي جزائرية يا ناس؟ جميلة اللي كسفت رجالة العالم (ايام ما العالم كان فيه رجالة) تخص الجزائر بس؟ ما تخصش كل انسان عربي؟ هو لو النيل نشف تبقى مشكلة مصر والسودان بس؟ هو فيه اغنى من العرب؟ الله، بتروح فين الفلوس يا عم الامور انت وهو؟ بتتصرف على هيفا واخواتها اللي نافخين كل حتة فيهم عند بتاع الكاوتش لما شوية وح نلاقيهم طايرين في الهوا

يعني ايه؟ يعني ايه جميلة تضطر تستلف وللا حتى تضطر تطلب زيادة معاش؟ يعني ايه انا مش فاهمة يعني

اه.. انا قلبي وجعني قوي... دي صعبت على مواطن مصري اللي بيحب هتلر

ثانية واحدة بس.. هي الدنيا فيها حاجة مش مظبوطة حاصلة وللا انا اللي بقيت حساسة زيادة؟ اللي بيحصل ده طبيعي؟

زنوبيا طيرت لي دماغ موزار

2009-12-13T23:45:00.000+02:00

بقى انا عمالة الصم في نفسي قوم زنوبيا تبعت لي الخبر ده؟ اقروا، اشمعنى انا؟

مش كفاية ضياء رشوان خسر ومامتي زعلانة؟

ايه سفن ايه

2009-12-13T18:59:00.000+02:00

ده المشروب الجديد للصحفيين

مكره محمرأ احمق كسب الاستنخابات!!!! لما الاي كيو بتاع الصحفيين سمح لهم ينتخبوا مكرم يبقى ارحموا الشعب الغلبان ده على الاقل، اللي بيعمله ده اقل واجب اذا كانت دي النخبة او النغبة بتاعته
اه.. ونسيت اقول لكوا زي ما قلت لهم في التويتر، من هنا ورايح مالكوش عندي غير البصة دي

من اعماق اعماق قلبي...وخلوا بالكوا انا باتحول بعد البصة دي وباخضر وانيابي بتطلع

يارب ضياء رشوان ينجح بكرة

2009-12-13T00:08:00.000+02:00

يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
يارب ضياء رشوان ينجح بكرة
آآآآآآآآمين
والا بقى الصحفيين يروحوا يشوفوا لهم شغلانة ويسيبونا في حالنا
اكلوا دماغنا

فتملك الغيط من الاسد وقال له يا ابلة ويلوك ويلوك ويلوك

2009-12-12T00:24:00.002+02:00

نتيجة العلاج

2009-12-11T22:30:00.000+02:00

بصوا بقى، اتضح انه صح موضوع موزار بيعالج ده، بس جرعة مكثفة

من الصبح وانا مدوراه، ولما نزلت شغلته في العربية، هو انا مش عارفة كنت باعمل ايه وانا باسمعه في العربية لان الناس كانت بتبص لي، بس لاحظت اني مش باسوق بعصبية ولا حاجة، وفعلا الحالة في تحسن

نصيحة والله، موزار يمخمخك بالليل ويعالجك بالنهار

بس مش تروح تسمع الريكويام اللي عملها لتأبينه :) اسمع الكونشيرتو السيمفونيات كده يعني

هو امور، انا باحبه، لازم اكيد كان راجل طيب عشان يعمل مزيكا كده

بيقولوا ده بيعالج الاكتئاب

2009-12-11T14:08:00.000+02:00

شوفوا كده، يمكن تعالجكوا انتوا، انا باحب دي قوي، قوي قوي بس غالبا ما عالجتنيش:

انا دي بتخليني اعيط لما باتفلق من العياط..لو نفعتكوا يبقى انا اللي فيا حاجة غلط^^
شوفوا دي كده، دي مشهورة طبعا، بس على بعضها خلتني اعيط برضه!

المفروض ان دي سيمفونية روحانية زمان كانت بتحسسني اني طايرة بس دلوقت برضه بتخليني اعيط

الخلاصة يعني ان موزار ده كان راجل محترم، الله يرحمه، ايه المزيكا دي؟ ده اكيد كان فيه قوة ما بتمليه المزيكا دي،الناس المتسأفة بتقول على اللي بيحبوا موزار من امثالي ان ذوقهم شعبي، ههههه يخرب بيت السآفة يا شيخ، لازم تسمع مزيكا مش فاهمها تقطع خلفك من آن لآخر عشان تبقى مسأف، طب هو ماله الذوق الشعبي؟ على ايتها حال، الراجل ده مات عنده خمسة وتلاتين سنة، لو كان بيعالج من الاكتئاب كان عالج نفسه، اديني عمالة اسمعه واعيط اهو على الله احصله

جدار فصل عنصري ما بين مصر وغزة

2009-12-10T23:32:00.000+02:00

وانا جاية سمعت في اذاعة البي بي سي ان القوات الامريكية بتساعد الجيش المصري على بناء جدار ما بينها وبين غزة زي بتاع ذو القرنين كده، مغمق في قاع الارض ومرتفع الى عنان السماء والبي بي سي بتقول ان العملية دي سرية... بالظبط زي محطة المطار السري

ولسة.. ولسة

احنا مش عايزين نرحم حد ابدا ليه؟ لا بجد يعني، انا عايزة افهم وجهة النظر في القسوة وغلظة الحس والتناحة والبلادة اللي احنا فيها دي، ايه؟ لا بنرحم جوة ولا برة واذانا طايل شرق وغرب، ايه؟ ايه؟ الارض اليباب دي مش ناوية تجيبها البر ليه؟ ده احنا ربنا ح يسخطنا اربع جنيهات مخرومة ونبقى ماشيين في الشارع نشخشخ كده

خلاص، ماعدش فيها كسوف ياما اعملي معروف، الجدار من الفولاذ

يا حلاوة يا ولاااااد، والله وعشت وشفتك يامصر لما كبرتي واحلوتي وبقيتي نازية، بس النازيين كانوا فالحين في حاجة على الاقل

احسن يا حلوة.. احسن، خليك كده اشتري عداوة الخلق كلهم واللي خلقهم بالمرة واوعي تخلي عندك ذرة اخلاق ولا دين ولا انسانية، اوعي، احسن ده وحش على صدرك

برتولد بريخت في ايام النازي كتب:

"حقا أنني أعيش في زمن أسود.. الكلمة الطيبة لا تجد من يسمعها.. الجبهة الصافية تفضح الخيانة.. والذي ما زال يضحك.. لم يسمع بعد بالنبأ الرهيب.. أي زمن هذا؟"

وبما اننا في ايام نازي خايب وموكوس وحتى بيمارس نازيته على ناسه، وناسه بيمارسوا نازيتهم على بعض فواضح ان بريخت نفسه ما سمعش بالنبأ الرهيب: فيه نازيين اوحش واخيب وافشل واهطل واكثر قسوة من هتلر

انا دورت على الخبر في البي بي سي ولقيت لنك اهو

عموما هو مافيش امل، واحنا نتسخط، وانا عندي اكتئاب، لا موزار نافع ولا تشايكوفسكي نافع (انا مش مثقفة والعياذ بالله، انا كنت قريت انهم بيعالجوا الاكتئاب، خلوني قاعدة اعيط) ولا طبق الفول نافع ولا الافلام الكوميدي نافعة ومش عارفة اعمل ايه عشان اخرج من الاكتئاب ده لان امي مالهاش ذنب

افكر كده اعمل تلبينة يمكن تنفع... وللا ما تنفعش، ربنا يفرج عني بقى

السلطات المصرية تهدم مستشفى خيريا للإخوان

2009-12-07T15:55:00.000+02:00

احسن.. بلا خيري بلا عماد

هم الاخوان ح يفضلوا يأكلوا اللي مجوعاهم الحكومة ويلبسوا اللي معرياهم الحكومة ويعالجوا اللي بتمرضهم الحكومة؟

ليه يعني؟ متجوزينها عرفي والورقة مع الحكومة وخايفين لتفضحهم؟

ما يسيبوا الجعانين والعيانين والعريانين يا يموتوا يا ياخدوا حقهم بدراعهم ووالنبي كفاية بقى دور هاني شاكر اللي الاخوان متقمصينه ده: حبايب قلبي.. ربنا يخليكوا ليا... ربنا ما يحرمنيش منكوا

هرونا.. لا عارفين يلاحقوا على الجعانين، ولا يخلعوا بنفسهم، ولا سايبين الناس تجوع لحد ما تخلص لنا الحكاية لوحدها وفوق البيعة بينضربوا ويتشتموا... الرحمة بقى هو تعذيب النفس ده هواية عندهم؟

بقالهم تمانين سنة هاني شاكر.. ما يجربوا صلاح بسيوني شوية

مرهم محروق فاز ازاي؟

2009-12-06T19:21:00.000+02:00

مرهم محروق احلق فاز ازاي في انتخابات الصحفيين في الاعادة؟ ازاي يعني؟ ده كل المؤشرات كانت بتقول ان ضياء رشوان هو اللي ح يفوز!!!! ازاي يعني

هي حصلت انتخابات الصحفيين كمان؟

ماهو حاجة من الاتنين، يا الانتخابات اتلعب فيها يا صحفيين مصر... بلاش بقى دلوقت، لحد ما نتأكد ان الانتخابات ما اتلعبش فيها ابقى اقول الصحفيين ايه؟ ماهو مالهمش اي عذر غير ان يكون الانتخابات اتلعب فيها

غير كده يبقى مسجلين خطر ولازم يتقدموا للمحاكمة وياخدوا حكم بالاعدام حرقا بجاز وسخ

مسلمو سويسرا بيقولوا لكوا حلوا عن سمانا لجل النبي

2009-12-06T11:55:00.000+02:00

البوست ده انا كنت كاتباه في اول ما موضوع سويسرا ومآذنها حصل وبصراحة خفت انشره عشان كنت باتشتم على موضوع الجزائر ما كانتش طالبة اتشتم عشان الجزائر وسويسرا واتعامل كأني مسيحية بقى كمان، مش كفاية باتعامل على اني عربية؟
بس بعد ما مسلمين سويسرا قالوا لنا: احب على ايدكوا.. والنبي ما تدخلوا لنا في حاجة اتشجعت انشر البوست القديم

اولا: كامل مساندتي للمسلمين المقيمين في سويسرا حيث انهم مالهمش ذنب في كل اللي بيتحصل في بعض الدول الاسلامية ولهم حق يطالبوا بحقوقهم، لانهم ما سابوش بلادهم وهاجروا عشان يروحوا حتة تانية تعمل فيهم اللي كان بيتعمل فيهم في بلدهم، والارض لله، مش ملك حد، وكل انسان حقه انه يقيم في اي حتة من بقاع الارض ويرتاح فيها وياخد فيها كامل حقوقه مدام ما طردش حد من بيته ولا قتل حد عشان يقعد مكانه ولا دخل بقوات عسكرية ولا عصابات

ونصيحتي ليهم اثبتوا على موقفكوا، وطالبوا بحقوقكم وما تسكتوش، وخلفوا عيال كتير قوي، مش هم مش عايزين مآذن، خلاص، صلوا بقى في الشارع، ايوة، افردوا ورق جرايد وصلوا في الشارع كده، وعلى رأي امي، اقلعوا الشبشب قبل ما تدخلوا البيوت واملوا لهم الطرقة شباشب، واتوضوا وبلبلولهم الدنيا، وما تدنوش على المآذن، ادنوا في كل حتة، كل حتة تسمعوهم الادان، حتى اللي بيصلي في بيته يدن، واياك تسيبوا مواقعكوا وتهاجروا، واياك تبطلوا خلفة، واشتغلوا في كل حاجة، واياك تعيشوا على الاعانة، اشتغلوا كلكوا، وابتكروا شغلانات، اعملوا لهم لقمة قاضي وبقلاوة وكشري عشان يجيلهم انتفاخ، وخلوهم كده منين ما يمشوا يشوفوا محجبات، في الشارع، في المحلات، في المستشفيات، في المترو، في البرلمان، في الاحزاب، وفي المدارس، اشتغلوا مدرسين وربوا لهم عيالهم، من اول الحضانة لحد اساتذة الجامعة، افرضوا نفسكوا في كل حاجة وفي كل دراسة وفي كل شغلانة واما نشوف منع المآذن بقى ح ينفعهم بإيه...انتوا اصحاب حق، اتمسكوا بحقكوا زي الرجالة، ما تجروش زي العيال وما تفشوش غلكوا في حد مالوش ذنب زي المرضى
مما يقودنا الى ثانيا

ثانيا: كامل الشماتة في المسلمين المقيمين في بعض الدول الاسلامية، اللي هي مصر بدون ذكر اسماء: ها؟ حسيتوا بالناس وللا لسة؟ زعلانين عشان مآذن ح تتهد... حسيتوا بقى باللي عايز يبني دار عبادة ومش قادر؟ ولما يصلي في بيته يتحرق عليه؟ حسيتوا بالناس وللا لسه؟ ما سمعتش انا صوت شيخ الازهر في اللي بيحصل في بلده قبل ما يتكلم عن سويسرا، ما سمعتش حد بيقول: حراااااااااااااااام حراااااااااااااااااااااام حرق بيوت ناس بتصلي، امال بيوت الدعارة يتعمل فيها ايه؟

المنافقين في الدرك الاسفل من النار ما يجيش واحد يعمل عبيط على حرق تلات بيوت في سنة ونص على ناس بتصلي ولما يسمع عن منع المآذن في سويسرا يلطم ويصوت، يا مفتريين، يااااااااااااااا مفتريين، بقى لو مسلم اتحرق عليه بيت في امريكا عشان بيصلي كان ح يبقى نفس رد الفعل؟ يا عالم يا مفترية، بقى منع بناء دار عبادة ولما الناس تصلي في بيتها الجمهور يولع فيها والجرايد تكتب تقول: اصلهم استفزوهم لما صلوا في البيت، بقى ده يتساوى بمنع منارة؟ ده زي واحد بيقول لواحد انا ابني مات قوم التاني يقول له: وانا والله اتسرق مني تلاتاشر جنيه امبارح.

انا عايزة اسمع رأي الناس اللي بتقول ان المسيحيين في مصر "مستفزين" وسهنات ومية من تحت تبن ونفسهم يرجعوا مصر مسيحية وبناء على كده فمنعهم من بناء كنائس وحرقهم ده "رد فعل" طبيعي لاستفزازاتهم المستمرة! قال دول، قال دول بيعرفوا يستفزوا حد، انا عايزة كائن مريخي يجي يبص لي في وشهم ويسمع صوتهم اللي ما بيطلعش اصلا، طب خلاص، المسيحيين المصريين مستفزين، انا عايزة اعرف رأي اللي بيبرر منع دور عباداتهم وحرق بيوتهم فعلا بقى في منع المآذن، مجرد المآذن، لا هدوا جامع ولا منعوا بناء جامع، بس منظر المئذنة مضايقهم، يا ترى إيه رأيهم دلوقت؟ وإيه رأيهم إن ده جه بناء على طلب الجماهير؟ وإيه رأيهم ان الأوروبيين بيقولوا نفس الكلام: المسلمين مستفزين ونفسهم يحكموا العالم وبيقولوا ان الاسلام ح ينتشر في كل اسقاع الارض وكتر خيرنا سايبينهم عايشين وسطنا (فاكر انت كتر خيرنا دي ها؟) وبيشتمونا وهم مهاجرين وعايزين يغيروا ثقافتنا، والبلد بلدنا واحنا احرار فيها (فاكر؟)، والبيت بيت ابونا والغرب عايزين يتساووا بينا، وهم عايزين ينشروا الاسلام في اوروبا، ويرجعوا بلدهم يعيشوا فيها هم مش اهل للحضارة
همممم.. كلام عنصري نازي حقير، صح؟ طب سجل لنفسك بقى وانت بتتكلم عن المسيحيين المصريين عشان انت شكلك كده بتنسى انت بتقول ايه؟

اوروبا طول عمرها عنصرية، دي حاجة مش جديدة، اللي عملوه في السود عملوه في السكان الاصليين في اي حتة راحوها عملوه في اليهود وبيعملوه دلوقت في المسلمين
والمسلمين هم اللي بيروحوا لهم عشان يعيشوا حياة احسن، وهم عندهم فلوس
صحيح ان معظم فلوسهم مسروقة منا ان لم يكن كلها، صحيح هم شبعانين عشان احنا جعانين هم مرتاحين عشان احنا تعبانين، هم عليهم مسئولية مادية ومعنوية وادبية عن اللي احنا عايشين فيه، بس الهجرة مش الطريقة الوحيدة عشان تدفعهم تمن اللي هم عملوه وبيعملوه فينا
فيه اختراع اسمه مقاومة
فيه اختراع اسمه تغيير انظمة عميلة وابطال كل الاتفاقيات والعقود مع البنك الدولي وسحب كل الارصدة العربية اللي برة وتحمل بقى تبعات تحدي القوى العالمية اللي بتشفط قوتنا ولو ح نموت والمدينة الباسلة والكلام دهون
مش كل الناس تقدر على كده؟ صح.. اغلب الناس ما تقدرش على كده، ح نحارب العالم الاول كله؟
خلاص.. هم استعماريين وعنصريين..... وبيض وحلوين واغنيا ونسوانهم مزز، اللي عايز الدح ما يقولش... بخ
والناس ما خبتش حقيقتها علينا الناس صريحة

احنا بقى اللي كنا طول عمرنا بنتنطط باننا قابلين كل الاعراق والاديان وما عندناش اي مرجعية لا ثقافية ولا دينية تخلينا نتحامل على اي مختلف واننا اول دين ينص في كتابه المقدس على حقوق اتباع الاديان الاخرى وده حتى القرآن بيقول ان الاختلاف هو حكمة خلق الخلق "ولو شاء الله لجعل الناس أمة واحدة ولا يزالون مختلفين"، وعيب يا جدع احنا من زمااااان...هئ هئ هئ

فين؟ فييييييييييييييين؟ ايه الفرق ما بين منع المآذن وحرق بيوت مسيحيين بيصلوا فيها؟
فيه فرق: منع المآذن ارحم
انا عارفة، خلينا بقى نيجي دوغري ونقول اللي بيتقال في الاروقة: انت بتقارني ازاي يعني؟ انت مسلمة وللا مسيحية؟ احنا الدين الصح وهم غلط
(لاحظ اني مؤخرا بقيت اتسئل انت مصرية وللا جزائرية، فانا كده ح ابقى مسيحية جزائرية شيعية وكمان زملكاوية... اختصر وقول شمبانزي)

ما كل اصحاب دين شايفين نفسهم صح وغيرهم غلط، ما كل اصحاب دين عايزين دينهم يسود والناس كلها تدخله، ما كل اصحاب دين فاكرين نفسهم ان ربنا بيحبهم هم بس وبيكره بقية العالم، والمسيحيين المصريين معظمهم ارثوذكس، يعني مالهمش صاحب، لا المسيحيين الاوربيين الكاثوليك والبروتستانت بيحبوهم (وده جزء من عنصريتهم لان الارثوذكسية هي المسيحية الشرقية) ولا احنا هنا راحمينهم عشان "سهنات ومليانين خبث ولؤم ومستفزين" (ههههه انتوا مستفزين ليه؟)، واذا كنت شايف تبرير انهم عايزين مصر ده كافي لمنعهم من بناء كنائس او حتى توسيع الكنائس اللي موجودة ويوم ما يصلوا في بيوتهم الناس تخرج من صلاة الجمعة بمنتهى الروحانية تحرقهم، ويوم ما واد يحب بت ويمشوا في البطال قوم ابوها الصعيدي يسيبها عايشة (انا قلت انها ماتت طلعت عايشة) ويسيب الواد اللي عمل فيها كده عايش ويموت اي حد تاني غير البت والواد المهم انه يكون مسيحي، امال صعيدي ازاي ده؟ حتى الصعيد اتضرب؟ وللا ده كان احول ده وللا ايه حكايته؟ يبقى تبرير امريكا في احتلال العراق وافغانستان، وتبرير اوروبا في اضطهاد المسلمين بدعوى انهم عايزين الاسلام ينتشر في كل الارض اكتر من كافي... عايزين مصر؟ جتهم خيبة، هو حد دريان بمصر دي؟ يا عيني على خبثهم ولؤمهم واستفزازهم، عايزين مصر؟ ده ايه الطموحات اللي خرمت السقف دي؟ عايزين مصر؟ يا واد يا شيرز.. يا جامدين انتوا يا بتوع الاسود والنمور والسلاح المستخبي في بدروم الكنيسة والسحر الاسود والعفاريت اللي لابسة البنات يا صيع.. مصر؟ طب افتح بقك كده.. ع الاخر ع الاخر.. ادي مصر..كلها.. لو عرفت تبلعها من غير ما يجيلك تلبك معوي وقئ واسهال واميبا في معدتك ح اديك خمسة وسبعين قرش ياض ياللي ما يملاش عينك الا التراب ياللي اقصى احلامك توك توك بالقسط

امال اللي عايزين العالم (سوا مسلمين وللا بروتستانت وللا يهود) وكل واحد فيهم مستني المسيح ينزل عشان يكيد التاني ويقول له: شفت؟ انا اللي طلعت صح. وفي رحلة انتظارهم لنزول المسيح نسيوا دينهم من كتر الظلم

ووالنبي ارحمونا بقى من فزع الاندلس ده اللي شبه فزع الهولوكوست من غير مبرر، وكل ما تكلمهم يقولوا لك التنصير وعايزين مصر تبقى مسيحية، انتوا مش ناس مؤمنين؟ اللي ربنا عايزه ح يكون
بقى فيه ناس مؤمنة تحمي دينها بالظلم والعدوان والمعصية والقمع وتعمل في غيرها اللي ما تقبلوش على نفسها؟ وعايزين ربنا يسترها معاهم وفاكرين نفسهم مجاهدين؟ وفوق ده كله يتحلوا بنفاق منقطع الجماهير ولما يتعمل فيهم اللي بيعملوه في الناس يرقعوا بالصوت؟ ده على اساس اننا ايه يعني؟ مخلوقين من دهب وغيرنا مخلوق من جلة؟ احنا خلقنا ربنا وهم اللي خلقهم فردوس عبد الحميد؟
المثل المصري بيقول: الندل لما يحتكم يقدر ولا يعفيش
شفت اخضر كتير وقليل الا الاخضر اللي فوق قبة عينيك ده.. ما المسيحيين العرب موجودين في كل حتة، ما بنسمعش حد بيحرقهم ولا يمنع كنائسهم ليه؟ ماحدش يقول العراق عشان العراق تحت احتلال وده اقل واجب انهم يفقدوا صوابهم خالص بعد اللي اتعمل فيهم، انما المسيحيين العراقيين قبل الغزو كان اللي بيسري على بقية العراقيين بيسري عليهم، يعني المسيحيين اللي في بلاد الشام مثلا مش عايزين ينشروا المسيحية وهم المسيحيين المصريين بس اللي سهنات ومستفزين وولاد تيت؟ ليه؟ اشمعنى يعني؟ وبعدين ايه ينشروا المسيحية دي؟ ما احنا عايزين ننشر الاسلام
وسبحان الله، سبحان الله يا اخي، نفس اللي انا اعرفهم وبيبرروا منع المسيحيين من بناء كنائس هم هم اللي كانوا بيشتموا في الجزائر، الله، طب راح الاسلام فين بقى؟ مش انتوا بتوع الاممية الاسلامية؟ وللا انت بتدور على اي حد تفتري عليه وخلاص؟
هو الاسلام ده اكتشاف يا ناس؟ ده بقاله اربعتاشر قرن

انا عارفة ان المسلمين مضطهدين ومحتلين ومعذبي الارض وغلابة ومقتولين ومدبوحين ومحروقين ومغتصبين ستات ورجالة ومشتتين ومالهمش سند ولا ضهر في الدنيا غير ربنا ومتسلط عليهم كلاب السكك ودود الارض وحالهم شبه حال اليهود قبل الحرب العالمية واوحش كمان، وعارفة ان الاضطهاد والعنصرية بتخلق عنصرية مضادة وبتصيب الانسان بمرض انه عايز يعمل في الناس اللي بيتعمل فيه، وعارفة ان المضطهد مع طول الاضطهاد ما بيبقاش عنده الشجاعة انه يوجه غضبه للي بيضطهده وبيعوض ده بانه يستلقط له واحد اضعف منه ويتقمص شخصية اللي بيعذبه وينزل في الاضعف هبد، واليهود حصل لهم كده، وعلى فكرة المسيحيين المصريين الارثوذكس حصل لهم كده، بس على قدهم يعني، يعني مثلا بيكشروا في وش البروتستانت المصريين، رافضين وجود شهود يهوا في مصر خالص، بس ربنا مش مديهم صحة يعملوا اكتر من كده
بس ايه؟ ح نسيب نفسنا نعيا وللا ايه؟ يعني اليهود لما اتجننوا اهم اتناشر مليون ومع ذلك ممشينا نكلم نفسنا ويوم ما انداروا، انداروا على الوحيدين اللي كانوا بيعاملوهم كويس، بس احنا مليار ونص، مليار ونص مجنون في العالم كتير
انا امي علمتني من وانا صغيرة اني لما حد يعمل فيا حاجة افكر انا عملت ايه في مين وربنا بيخلص مني

حسوا بالناس بقى يا بتوع الاقباط صوتهم علي قوي وعايزين يتسكوا على دماغهم.. حسوا بغيركوا شوية عشان ربنا يرفع عنا الذلة والمسكنة دي

البر لا يبلي و الذنب لا ينسي و الديان لا يموت فافعل ما شئت فكما تدين تدان
----------
انتهى البوست القديم
بس انا مش عايزاكوا تتخضوا على نفسكوا، المجانين كتير والحمد لله، انا مش عارفة على اي اساس الراجل ده حكم على اوباما انه مسلم غير انه بيموت في المسلمين ومؤخرا المسلمين اتعودوا يموتوا بعض زي بني اسرائيل؟
وايه دولة المماليك اللي اسرائيل عايزة تعملها دي؟ بيخطفوا العيال ويقولوا لهم ارقصي يا جارية؟ هو داء التجارة في البشر ده مش عايزين يبطلوه ابدا؟ ده من ايام زمان قوي، حتى الافريكان امريكان شايلين في قلبهم ومعبيين منهم عشان اللي وردهم لامريكا يهود..ايه؟ هي دودة؟
والمانيا وفرنسا بيقولوا سويسرا معاها حق.. ياللا خلصونا واعملوا لهم هولوكوست خلينا نقب على وش الفتة بقى وربنا يكرمنا، الهولوكوست ده دايما بيبقى استفتاح لبن، ياللا ياللا، جنونا اكتر عشان نعمل لكوا زي اليهود اللي فقدوا وما بقيتوش عارفين تسيطروا عليهم، عكوا كمان وافتروا ومارسوا هوايتكوا القديمة في العنصرية وبعدين ارجعوا عيطوا وقولوا: يا دهوتي ايه اللي عملناه ده.. سوري سوري، بس المرة دي بقى مليار ونص، يعني ح يفتح بقه ويبلعكوا.. احنا زعلنا وحش

واستمرارا لمسلسل ع الباب انا ع الباب اللي بين مصر والجزائر الجزائر صوتت لمرشح مصر في المنظمة البحرية الدولية.. يابت بطلي تقل بقى، ما الراجل عمال يراضيك وانت راخرة بتشوفيه قاعد فين وتفضلي رايحة جاية قدامه وتعملي نفسك بتكلمي واحد تاني في الموبايل، وييجي يكلمك تقولي له: سم كده.. لو سمحت مالكش دعوة بيا.. انا اكرهك انا اكرهك ما اعرفش ليه انا اكرهك
---------
هييييييييييييه انا حاسة اني ح اموت زي هيباتيا، الجماهير الغفيرة ح تقشرني زي الموزة، بس انا مش باقدر امسك نفسي، يعني انت ما بتتغاظش يا كابتن انت وهو؟ ما بتتغاظش مثلا لما تشوف معلم بيضرب عيل مع ان العيل ده مش ابنك؟ ما بتتغاظش لما تسمع ولية بترقع بالصوت وجوزها نازل ضرب فيها مع انه مش جوزك ولا هي بنتك ولا اختك؟ ما بتتغاظش لما بلطجي بيتعافى على واد غلبان؟ ماهو مش معقولة ابقى عايشة كده مش حاسة بغيري لمجرد ان غيري كده من جنسية تانية وللا دين تاني، ده حتى الانسان كائن اجتماعي بيتفاعل.. كان بوزي اسكت وما اتفاعلش مع حد، ماهو اللي بيقول مالنا ومال العرب زي اللي بيقول مالنا ومال المسيحيين ما تخلينا في مشاكلنا، برافو عليهم والله، بس هم بجد مش حاسين بحاجة خالص كده؟ وللا بيضحكوا عليا؟ طب ماييجوا الاكاديمية معايا، ده احنا طول النهار رأفت الميهي عمال يقول لنا: حس حس.. اهم حاجة تبقى بتحس مش مهم تفهم قوي اذا كنت بتحس قوي، لكن لو كنت بتفهم من غير ما تحس روح اشتغل مبيض محارة حس حس حس.. لما خلانا كلنا في حالة سنتمنتالية مهترئة

وادي رقصة المجنونة يابا يابا ع اللمونة

2009-12-06T02:46:00.000+02:00

مهدي وميدو جابوا لي خبر ان قناوي بعد ما حط السكينة على رقبة هنومة قام عم مدبولي لبسه بدلة الفرح وحطه في عربية الاسعاف

آخر خبر كان امبارح لما عرفت ان مصر انسحبت من تنظيم كاس الامم لكرة اليد وقالت يا انا يا هي

قامت الجزائر قالت لها: ولا يهمني، اني معايا الواد.. اني ام الواد

قامت مصر قفشت الاتحاد الافريقي وقالت له: في الزريبة يا ناقص؟

قام الاتحاد الافريقي قال لها: النسوان على قفا من يشيل

قامت مصر قعدت تعيط وتقول له: انت لسة بتعزني زي الاول يا عمدة؟.. قام قال لها: واكتر من الاول، كل ما بتكبري بتتصبي وتحلوي

قامت قالت له: الليلة يا عمدة.. قام قالها: هي حباكات؟ قامت رايحة للجزائر وقالت لها: نامي لوحدك يا دلعدي

خلااااص، خلاصص، هوووو.. ماما زمانها جاية، جاية بعد شوية

.... بلدي اتهبلت يا رجاااااالة

معلش.. ح نعمل ايه؟ امكوا اتجننت يا ولاد، ح نرميها يعني؟ نقل اصلنا معاها؟ اتجننت ولبست بنطلون بيجامة وشبشب حمام مقطوع وفوقيه بالطو جدها المقطع اللي عليه نياشين مصدية وبرنيطة امها جلفدان هانم اللي فيها ورد وماشية تقول: انا بكيزة هانم الدرمللي بنت الدرمللي باشا شيرين وعمالة توري الناس صورة جدها وهو بياخد النيشان من جلالة الملك وتقول لهم ده جدي انا خريجة مدرسة بارل فو فرانسيه ديمي سيزون الا جارسون بيتي بان ساكلامان جاتو سواريه آليه آليه إيلنيابا دارجان باسيه كومبوزيه انشانتيه..مساء الخير.. مساء الخير.. وهو كذلك

ربنا يشفي كل مريض... ما تقعدوش تغيظوها بقى وتخلوها تحدفكوا بالطوب.. احسن تقتل لكوا هنومة

خلاص، الوقت اللي ينفع كانت تتحاسب فيه على افعالها عدى من تلاتين سنة، وانتوا طلعتوا ولاد اصول وما اذيتوهاش... ولو ان فترة المقاطعة اللي بعد كامب ديفيد دي لو كانت كل الدول العربية اتفقت علينا كانوا عرفوا يئذونا ويرجعوا العمالة المصرية ويلعبوا في حصتنا في مية النيل ويدخلوا لنا من الحدود اللي اسرائيل بتدخلهولنا دلوقت واحنا عاملين معاها سلام، لكن ما قلوش اصلهم وهي بعقلها، ح يقلوا اصلهم لما اتجننت؟ مش معقول يعني

لا وايمان داخلة تغيظ قناوي وتسيب لي لنك خبر العبارة والجزائريين عمالين يعزوا المصريين وياخدوا بخاطرهم.. لكن لااااااا، يعزوا المصريين ده ايه؟ انت داخل في عقلك انك تعرف تضحك على زكي بشكها؟ فوق لنفسك، انت مش حمل زكي بشكها، انت مش قد زكي بشكها، هو بعد ما كاس العالم اتجوزكوا عليهم ح يقبلوا منكوا حتى عزا

طب مصر ح تنظم كاس الامم الافريقية لكرة اليد، طب لما المشجعين الجزائريين يحبوا ييجوا ح يعملوا ايه؟ انا اقول لهم

يسألوا على عنوان فردوس عبد الحميد، ويروحوا يقفوا تحت البيت بتاعها، بتاع تلاتين واحد كده واول ما يشوفوها نازلة يروحوا كلهم قالعين البنطلونات في نفس واحد، ويستحسن لو يربطوا البنطلونات في حبل واول ما يشوفوها يروح واحد شادد الحبل ويجيبوا نسوان تزغرد

جنان بجنان بقى، الفريق الجزائري لكرة اليد يجي كله ناكش شعره ولابس بنطلون رجل ورجل وفردة جزمة كوتشي وفردة شبشب حريمي بكعب، ويضربوا بلانصات في الهوا

ابراهيم عيسى ملعلع اليومين دول

2009-12-05T15:34:00.000+02:00

لنك المقال

الراجل ده عنده

mission

انه يكسفنا ويزغد فينا يمكن نحس على دمنا ونقعد نذاكر بدل الصرمحة على القهاوي والوقوف على ناصية الشارع ومعاكسة اللي رايحة واللي جاية.. انا مش عايزاه يكتب الكلام ده في الدستور، انا عايزاه يعمل بورنامج تلفزيوني فضائي ويقول الكلام ده ويفتح التليفونات ويرد على الناس عشان يفهمهم بالراحة، مش كل الناس بتعرف تقرا، واللي بيقروا مش هم المهمين، المهمين الحقيقيين اللي ما بيعرفوش يقروا، دي شغلانته انه ياخد باله منهم، وكتير من اللي بيقروا مش بيفهموا هو قصده ايه، مش عشان هم اغبيا ولا حاجة، مافيش حد غبي في مخه، بس فيه غباوة قلب، غشاوة على القلب بتخلي الناس تفهم اللي هي عايزة تفهمه مش المقصود من المقال، وده واضح من بعض التعليقات اللي بتتساب له، مع انه بيحاول يكتب بابسط اسلوب ممكن وهو يقدر يكتب باسلوب يعقد الناس، انا قريت له روايتين وعارفة لما يحب يكتب باسلوب ادبي مرتفع بيقدر، بس هو متعمد يبسط قوي، وبرضه فيه ناس بتتغابى، لازم يطلع يقول للناس الكلام ده ويفتح التليفونات عشان يدي فرصة للناس انها تتغابى قوم هو يرد على الغباوة بالراحة ويفصص المقصود، الناس محتاجة كده، ومدام هو اخد على عاتقه انه يبقى ابوهم وشايف في نفسه انه يقدر يصبر عليهم يبقى يحاول يوسع اكتر من كده عشان يوصل لاكبر قدر من الناس، وهو ربنا مديله موهبة انه بيعرف يفهم ويكسر الحاجة لقطع صغيرة عشان الناس تهضمها، انشالله يخلي عصام ده يفتح له قناة فضائية مخصوص ويسميها الدستور

مدام الدستور بتوزع كجرنال يبقى اكيد ح يبقى عليها اقبال اكبر كقناة فضائية، واللي عنده في الجرنال يعملوا برامج، بس هو يعمل برنامج هوا ويكلم الناس وياخد ويدي معاهم في الكلام بالراحة كده، ولو محتاجين زعيق يزعق لهم، هو بيعرف يكلمهم ازاي، والناس بتسمع له... مش معقولة يعني يسيبهم لمصطفى عبده خريج تانية اعدادي، مدام ابوهم يبقى يعمل زي ما الابهات بتعمل، لو ح يمشي ورا البت وهي رايحة المدرسة ويستناها لما تخلص يعمل كده، المهم حالها يتعدل
انا لو اعرف اوصل له الاقتراح ده بنفسي كنت عملت كده، بس مافيش وسيلة اوصل له الكلام ده، حد بقى يقول له... يفكر في الموضوع، يا اما يبقى مقصر في حقهم، هم محتاجين درس خصوصي، مش كفاية الفصل بتاع المضرصة والمجموعة

اليكم المقال:

القدس.. هل تأتي سيرتها في تليفونات الرئيس؟

جاءت من الغريب ولم تأت من حكومتنا المصرية ولا من سفارتنا ولا من خارجيتنا المصرية التي تتمتع بحفلات كوكتيل ممتازة في تل أبيب!

اجتمع منذ أيام قناصل أوروبا في إسرائيل ووقعوا علي وثيقة تفضح وتكشف وتعري العدوان الصهيوني علي مدينة القدس!

كانت الوثيقة واضحة وقد يكون لها أثر هائل في الرأي العام الأوروبي، لكن السؤال أين مصر من كل هذا؟

لم نسمع يوماً الرئيس مبارك في مؤتمر صحفي علني أو في خطبة رسمية أو حتي في حوار مع محطات تليفزيون غربية أو مصرية وهو يتحدث عن تفاصيل العدوان الإسرائيلي المستمر علي القدس ولا هو كشف معلومات ولا قال أرقاما ولا عرض خرائط ولا وجه ولا حذر ولا أنذر ولا هدد.

الثابت أن الرئيس مبارك في تصريحاته عن إسرائيل مرتكز علي:

-الحديث باعتباره حريصاً علي مصلحة الشعب الإسرائيلي وأن كلامه مخلص في النصيحة ويصب في فائدة المواطن الإسرائيلي وكأن أي واحد في تل أبيب سوف يصدق أن الرئيس مبارك حريص عليه أكثر من قادة بلاده!!

-الإدانة الهامسة لإسرائيل وبطريقة تقليدية وعادية بحيث فقدت أي معني لها عند أي طرف فلا إسرائيل تعيرها اهتماماً بل وتحسها إدانة بروتوكولية خصوصاً وهي تأتي دائما في سياق نصيحة لحكومة تل أبيب، أما الشعب المصري فلا يكاد يسمع الإدانة تخرج من فم الرئيس أصلاً ويمكنك أن تلاحظ الأداء الصوتي للرئيس حين يهاجم إيران وتقارنه بأدائه حين ينتقد إسرائيل، وبالمرة يا ريت تاخد بالك من حديث جمال مبارك عن إسرائيل، حيث تشعر أن هناك شريط تسجيل آليًّا يتكلم بدلاً عنه وكأنك تسمع بريداً صوتياً لدليل التليفون!

- تقديم مصر وكأنها طرف محايد غير منحاز لأي من الطرفين وأن مصر لا يهمها سوي تحقيق السلام، وهو ما يثير التساؤل حول حقيقة حياد مصر.. فهل هناك حياد بين القاتل والقتيل؟ وهل هناك حياد يا سيادة الرئيس بين صاحب الحق ومغتصب الحق؟

- بث الطمأنينة في نفوس الحكم والشعب الإسرائيلي بأن المقاومة المسلحة لن تجدي نفعاً ولن تفعل شيئاً وأنه لا حل إلا مائدة المفاوضات وهو ما يجعل العدو الإسرائيلي في حالة اطمئنان كامل ومطلق، فمصر لا تؤمن بجدوي المقاومة ولا تساندها ولا تدعمها بل تعطلها وتعوقها وتحاصرها وتجبرها علي الدخول في حظيرة الترويض!!

- لا تظهر القدس علي قائمة اهتمامات الرئيس في خطبه أو تصريحاته أو مؤتمراته كما لا تشكل اهتماماً خاصاً لدي مسئولي مصر فلا مصر تتابع بدراساتها ما يجري في القدس ولا تقدم مشروعات عربية ودولية لكشف التعديات والعدوان الإسرائيلي اليومي السافر والسافل علي القدس ومقدساتها وبيوتها العربية وسكانها وأهلها الفلسطينيين، بل لم يخرج علينا الرئيس مبارك ذات مرة وعلي مدار الثمانية والعشرين عاماً الماضية مخصصاً خطاباً أو بياناً للقدس أو المسجد الأقصي علي كثرة ما يحدث كل ساعة من عدوان صهيوني عليهما!

يأتي هذا كله في الوقت الذي يتحرك فيه مسئولو وممثلو الدول الأوروبية فقد نشرت صحيفة «هاآرتس» الإسرائيلية الأربعاء الماضي، تقريراً وصف بأنه «سري» وضعه قناصل دول الاتحاد الأوروبي في القدس ورام الله، مشيرة إلي أنه يوجه انتقادات حادة لسياسة إسرائيل في القدس الشرقية، ويدعو الاتحاد الأوروبي إلي اتخاذ إجراءات كثيرة احتجاجية ضد إسرائيل، وفرض عقوبات علي جهات ذات صلة بالنشاط الاستيطاني في المدينة وفي محيطها.

وبحسب الصحيفة فإن التقرير، الذي ينشر للمرة الأولي، هو وثيقة حساسة جداً وتم عرضه قبل عدة أيام في جلسة مغلقة في مؤسسات الاتحاد الأوروبي في بروكسل.، وكانت الخارجية الإسرائيلية تخشي نشر التقرير في وسائل الإعلام نظرا للأضرار الشديدة التي قد يسببها لإسرائيل في الرأي العام الأوروبي.، وبحسب التقرير فإن الحكومة الإسرائيلية وبلدية القدس تعملان بموجب «استراتيجية ورؤية» تهدف إلي تغيير الميزان السكاني في المدينة، وتقدمان المساعدة لجمعيات المتطرفين من أجل السيطرة علي المدينة خاصة منطقة الحرم الشريف.وجاء في التقرير أيضا أن مؤسسات خاصة تعمل علي امتلاك بيوت في الأحياء العربية، وتحاول زرع مستوطنات يهودية داخل هذه الأحياء. وأشار التقرير إلي أن «الحفريات في البلدة العتيقة ومنطقة الحرم تتركز أساساً في التاريخ اليهودي، وأصبح علم الآثار وسيلة أيديولوجية لصراع قومي وديني. وتجري إدارة هذا الصراع بطريقة تغير من هوية وطابع المدينة، بما يهدد الاستقرار فيها»، وأشارت صحيفة «هاآرتس» إلي أن التقرير يتضمن توصيات تهدف إلي التأكيد علي أن القدس الشرقية هي العاصمة المستقبلية للدولة الفلسطينية.

إذن حتي الغرب يتحرك ويحس علي دمه ويثور ضد جرائم إسرائيل بينما مازالت مصر تتحدث مع إيهود باراك في التليفون، حيث تحب مصر جداً أن تسمع وزير الحرب الإسرائيلي يشيد بحكمة الرئيس مبارك وهو صادق فعلاً في إشادته فماذا كانت ستفعل إسرائيل فعلاً من غير حكمة الرئيس مبارك؟!

------------

وعلى فكرة، يارب تكون خلفته كلها صبيان فعلا، ده لو مخلف بنت فعلا ح يسيب شغله ويمشي وراها ههههههههههههه

امير البحار

2009-12-05T04:26:00.000+02:00

شفته على النت، الحمد لله اني ما شفتوش في السينما، لو كنت دفعت فيه فلوس كنت ح احس اني اتلسعت على قفايا

يا سبحان الله، ولا حتى يضحك، انا باحب الهيافة والهبل، بس تبقى حتى دمها خفيف

العالم بقاله قد ايه ماشي مع اوباما في البطال؟

2009-12-04T22:35:00.000+02:00

اوباما عريس الغفلة، داخلين ع السنوية اهو.. ايه بقى؟ نعم؟ ها؟ ايه الفرق ما بين السنة اللي قضيناها معاه والتمن سنين اللي قضيناها مع بوش؟ حصل ايه؟ خرج من العراق؟ خرج من افغانستان؟ قفل جوانتانمو؟ عمل ايه من الوعود الخلابة بتاعته بعد ما سلبنا اعز ما نملك وسلمنا نفسنا ليه؟ خلع زي اي راجل ندل وقال لنا زي ما مشيتوا معانا ممكن تمشوا مع غيرنا وانا عمري ما اتجوز شعوب مشيت معاها قبل الجواز.. انا مش قلت كده؟ مش قلت اتقلي يابت وما تدلقيش؟ اشربي بقى

---------

من الجزيرة فيه عبارتين اصطدموا في النيل

-----------

من واحد زميلي ساكن في القليوبية قال لي القطر في القليوبية خرج عن القضيب تاني، بس المرة دي ماحدش حصل له حاجة عشان كان ماشي على مهله

هو محمد منصور ح يتساب كده من غير ما يحصل تحقيق في صفقة العربيات الجديدة اللي كل شوية تطلع من القضيب دي؟

---------

الاهم من ده كله، مصر، بعد ما الجزائر طلعت المسدس وراحت مولعة فينا ومتنا مشنوقين، كل ما تشوف الجزائر على القهوة في بطولة تطلع تجري وقال عاملة نفسها مقموصة

ههههههههههههه شأمظونا

طبعا خايفين نتضرب تاني بعد طولة اللسان دي، ما انا قلت لكوا احنا بنعرف نشرشح ما بنعرفش نضرب وهم ما بيعرفوش يتكلموا بس بيضربوا، لما انتوا بتخافوا من الضرب ما لايمتوهاش من الاول ليه؟

------

شروط البرادعي: لو كان عندنا بسطرمة كنا عملنا لكوا بيض بالبسطرمة لو كان عندنا بيض

نزاهة ايه ومراقبة ايه ولجنة ايه؟ ايه الكلام القبيح ده؟ وكمان طالب دستور جديد؟ ايه الاحلام السيكوباتية والخيالات المريضة دي؟ طب ما نغير له الشعب بالمرة، ماهو شعب بيخرج في مظاهرات بالالاف عشان خسر ماتش ويعمل عبيط لما العيش يغلا يبقى شعب مش ح ينفع يتحكم الا بالناس اللي موجودة دي

طيب يا دكتور، خليك زي ما انت اوعى تتحرك، ح نروح نغير لك الدستور والقانون والشعب ونهر النيل ونجيلك.. نص ساعة اربعين سنة بالكتير، اشرب الشاي بتاعك

انتراكت2

2009-12-04T12:35:00.000+02:00

خلصت، وبعد اللي حصل لي تقدروا تتابعوا ده بمنتهى السعادة

وسيبوني انا بقى اذاكر وتشكروا ميدو على جلبته عشان انا كنت باسأل على اللنك ده وهو اللي جابهولي كتر خيره

انتراكت

2009-12-04T11:18:00.000+02:00

هو ايه الشعر الحداثي ده؟ اصل انا واحد صاحبي بيترجم شعر حديث، اكل عيش يعني، وطلب مني اكتبهوله على الكمبيوتر عشان ايدي سريعة على العربي، خدمة اخوة يعني مش شغل، وعمالة اكتبهوله اهو....ايه ده؟ انا مش فاهمة حاجة...مين المتسول اللي نبت له جناحان وايه المخمور الانجليزي اللي نضف النضارة في اقصى الريف، ثم ايه اللي جاب الراجل والست اللي بيظبطوا تحت المطر للشاعر اللي بيتبعه الاف المهاجرين؟ دي دماغ كيميا صح؟

ده ولا تصريحات ابو الغيط، وقلت اشغل مزيكا كلاسيك وانا باكتب يمكن افهم، ولا الهوا، مش ممكن يبقوا غلط اكيد انا اللي مش بافهم، يعني كل الناس اللي بتنشر لهم كتب دول ما بيفهموش؟

اتاري ابو الغيط وزير خارجية حداثي وانا اللي مش فاهماه

اما اروح اكمل احسن الواد اخر معاد للتسليم النهاردة بالليل

آآآآه

2009-12-03T19:07:00.002+02:00

يا لااااااااااااااااهووووويييييييييييييييييي

2009-12-03T15:28:00.000+02:00

تحديث:
ميدو جاب لنك الخبر من مصدر تاني

الله يخرب بيوتكوا على بيت كاس العالم على بيت الكورة على بيت الماتشات على اليوم اللي شفتكوا فيه

رغيف العيش غلي ربعمية المية في اثناء موقعة الجزائر يا ولاد تيييييييييييييييييييييييييييييييييييييييييييييييتتتت

يا لااااااااااااااااااااااهوييييييييييييييييييييييي

احسن

احسن يا بتوع كرامة مصر احسن... ابقوا كلوا كرامة مصر بقى وغمسوا بيها

كله من تحت راس فردوس عبد الحميد

طب والله لانزل نص الخبر.... كلوا:

المصيلحي يستغل أحداث "الجزائر" ويفقد المصريين "أغلى ما عندهم"!!

في هدوء تام شرب المصريون أكبر "مقلب" في حياتهم منذ ما يزيد على 30 عاما بعد أن استغلت حكومة د. احمد نظيف انغماس ملايين المصريين في الأحداث الصاخبة التي رافقت مباراتي مصر والجزائر يومي 14 و 18 نوفمبر 2009 وقامت بتمرير مسألة رفع رغيف الخبز المدعم من 5 قروش إلى 20 قرشا بواقع 400%.

وهي العقدة الكئود التي فشلت جميع الحكومات السابقة منذ أحداث 17 و18 يناير عام 1977 التي أطلق عليها انتفاضة الخبز أو الجوع ، في تجاوز حتى نصفها، فكان الحديث فيما سبق عن تحريك سعر الخبز من 5 قروش إلى عشرة، لكن كانت جميع الدراسات الأمنية تحذر من مغبة هذا الإجراء لخطورته على استتباب حالة الأمن الداخلي.

فأمام شاشات الإعلام وقف دكتور علي المصيلحي وزير التضامن الاجتماعي المصري ليعلن أنه تم تحديد الدعم العيني للخبز بـ13 جنيها ونصف جنيه للفرد شهريا بعد إقرار السياسة الجديدة لدعم الخبز التي تمنح للمواطن اختيار طريقة الحصول على الدعم مع رفع سعر الخبز إلى 20 قرشا.

وأضاف المصيلحي انه سيكون بمقدور المواطن الاختيار ما بين حصوله على قيمة الدعم نقديا أو الحصول على دقيق مدعم، أو أن يشترى الخبز بسعره المدعم من المخابز ومنافذ البيع.

وأكد الوزير أن تحديد 13.5 جنيه قيمة مادية لدعم الخبز جاءت بعد دراسات متأنية، لأنه إذا كانت تكلفة إنتاج الرغيف 20 قرشاً، منها 15 قرشاً دعماً، ومتوسط استهلاك الفرد 3 أرغفة يومياً يعنى أنه يحتاج ما قيمته 45 قرشاً لدعم رغيف الخبز يومياً، و13.5 جنيه شهرياً.

وكانت تقارير صحفية أفادت سلفا باعتزام الحكومة إعادة هيكلة دعم رغيف الخبز وتوزيع الدعم وفقاً للحالة الاجتماعية، أعقبتها تصريحات بأن الإبقاء على الدعم العيني لرغيف الخبز الهدف منه الوصول إلى بعض الفئات التي يصعب الوصول إليها في حالة تحويل الدعم بأكمله إلى نقدي.

لكن هذه الأنباء قوبلت برفض قاطع من نواب البرلمان من قبل حيث رأوا صعوبة تطبيق الدعم النقدي علي بعض السلع الأساسية قبل زيادة الأجور ضعفين عن حدودها الحالية مع الحصول علي ضمانات من الحكومة بتثبيت الأسعار لجميع السلع إضافة إلي ضمان ثبات أسعار الكهرباء والمياه والغاز والبنزين والسولار دون زيادة حتى يشعر المواطن بزيادة حقيقية في الأجور.

إلا أن حكومة نظيف رأت التربة مهيأة تماما هذه المرة لضرب ضربتهم والناس نيام، فراحت تلهيهم في أحداث الشغب التي رافقت مباراة مصر والجزائر التي أقيمت بالعاصمة السودانية الخرطوم، ومن قبلها بالتمهيد لمباراة القاهرة ثم الفوز، وبالطبع التقط المصريون الطعم، بعدما فتحوا أعينهم فوجدوا أنهم فقدوا أغلى ما عندهم ونقصد به "رغيف العيش".

فالمواطنون في مصر لديهم اعتقاد بأنه ليس مهما مضاعفة سعر كيلو اللحم فهم في جميع الأحوال يأكلونها في المواسم والأعياد وكذلك الحال مع الدواجن التي يرى كثير منهم أن صدورها وأوراكها عورة لا يجب الاطلاع عليها إلا من خلال الهياكل والأجنحة، أما "رغيف العيش" فهو العيش بحق فهو رفيقهم لملأ البطون طوال اليوم، ومن هنا فله قداسة خاصة سلبهم إياها د. احمد نظيف "الله يسامحه".

الخطير في الأمر أنه لم يلتفت أحد لهذه الخدعة رغم أنها تمس مصير أكثر من ثلثي الشعب من محدودي الدخل ومعدوميه، فيكفي أن نعلم أن أكثر من مليون و200 ألف مصري محالين للمعاش وأصحاب معاش التضامن تقل دخولهم عن 200 جنيه شهريا وفق الإحصاءات الرسمية الحديثة.

وقبل عيد الأضحى شهدت الأسواق ارتفاعا جنونيا في أسعار اللحوم التي قفز سعر الكيلو منها إلى أكثر من 50 جنيها حتى أنها في كثير من الأحياء لم تجد من يشتريها حتى رابع أيام العيد.

كما قفزت أسعار السلع التموينية بمعدلات خطيرة حيث تعدى سعر كيلو السكر بالأسواق 450 قرشا بزيادة قدرها 100%، في حين وصل سعر كيلو الأرز 325 قرشا بزيادة قدرها 80% على الأقل.

---------------

عاااااااااااااااااااااااااا

انا باكره كل الناس.. باكره كل الناس.. باكره كل الناااااااااااااااااااااااااااااااااااس

ما قلنا كده من الاول

ح ياكلوا منين بس ياربي؟ ح ياكلوا منين؟

كلوا رجل ابو تريكة بقى، انا مالي.. مالي وانا مالي وانا مالي.. مش هم دول اللي نزلوا يرقصوا في الماتش الاولاني ويتظاهروا عند السفارة الجزائري في الماتش التاني؟ ماهم دول اللي بيشتروا الرغيف اللي كان بخمسة

خلاص بقى.. هم مبسوطين، انا مالي؟

هي منى الشاذلي فين؟

2009-12-02T22:44:00.000+02:00

الحلقات كلها متعادة

يمكن واخدة اجازة لاخر الاسبوع؟

ماحدش يقول لي انها ح تمشي..

:(
هم ح يمشوها بجد عشان الحلقة دي؟

هي قالت ايه يعني؟ انا مش شايفة انها قالت حاجة، ولا تجاوزت ولا قلت ادبها، ماغيرها بيقول كلام اكتر من كده بكتير، ما المسلماني مرة طلع شتم صفوت الشريف بالاسم يعني وللا هو مسنود؟ ثم هي ما غلطتش في حد
واحنا ح نسكت؟ البت تتخطف من وسطنا كده ونسكت؟
لالالالالا هي ان شاء الله واخدة اجازة لاخر الاسبوع وح ترجع تاني

ابراهيم عيسى... قول يا شيخ بردت ناري

2009-12-02T16:01:00.000+02:00

ايوة والنبي... هاتهم من شعرهم كمان...الله، ربنا يريح قلبك يا شيخ كنت لسة من كام يوم باقول اذا كانت نظرية ان الامم زي الافراد دي صحيحة فمصر بقت عاملة زي البت اللي حالها مال ما بتذاكرش وداخلة خارجة على كيفها وتسهر على التليفون ياخويا ما اعرفش بتكلم مين ولما اكلمها تبجح وتحط لي ايدها في وسطها، وانا غلبت معاها وما بقتش قادرة عليها، عايزة بقى راجل يجيبها من شعرها ويرنها علقة كويسة ويكتفها في السرير وياخد منها الموبايل ويتقطع عنها المصروف بعد ما يقول لها يا فاشلة يا ساقطة ح اطلعك من المدرسة واجوزك ابن البقال اذا ما اتعدلتيش عشان تتربى...اخيرا ابراهيم عيسى عمل الحكاية دي، الرجالة بينفعوا برضه في الحاجات المهمة دي.
انا مش متعودة اعلق في مقالات ابراهيم عيسى، بس من فرحتي بالعلقة علقت شوية بالاحمر

اسمعععععع علك تستفيد

إبراهيم عيسى يكتب: تلك الحقيقة التي تريد ألا تعرفها أبدًا طباعة ارسال لصديق

أولا: هل مصر فعلاً صاحبة فضل علي البلاد العربية؟

هذا السؤال قد يبدو ساذجا ومستفزا، هل مصر فعلا صاحبة فضل علي البلاد العربية أو بالأحري علي الشعوب العربية؟ حيث يبدو أن هناك إجماعا عاما واسعا ومسلما به بين المصريين علي هذا الأمر باعتباره حقيقة لا تقبل النقاش وأن الشيء الوحيد المسموح به (وعلي استحياء هذه الأيام) هو لوم وتقريع خفيف لزوم العشم بألا نعاير العرب بذلك، أي أن حقيقة أننا أصحاب فضل مفروغ منها والجدل (الخافت والمستحي) هو حول شرعية المعايرة وليس علي ثبوت وإثبات تلك الحقيقة، الأمر الذي يستوجب فعلا مصارحة بيننا تستلزم أن نفتح عقولنا ونسأل أنفسنا عن أشياء باتت موضع البدهيات بينما هي في الأصل موضع شبهات أو بأكبر قدر ممكن من المجاملة مشتبهات!

مبدئيا فإن شعبا يلوك في فمه كلاما من نوع: «ده إحنا فضلنا علي الكل، أو هؤلاء نسيوا فضل مصر، ده إحنا اللي عملناكم وإحنا اللي حررناكم»، وهذا اللغو المسكين يعبر عن استجداء المصريين للآخرين أكثر منه معايرة، وكأننا نقول لهم والنبي قولوا إننا كويسين، وحياتكم كلموني عن جمالي وروعتي، شيء ما في إلحاح المصريين علي طلب اعتراف الآخرين بفضل مصر يشبه تلك المرأة العجوز المسنة التي تريد ممن حولها أن يتذكروا كم كانت جميلة؟ وكم يطربها أن يتحدث الآخرون عن جمالها، بينما صورتها في المرآة حاليا كاشفة لتجاعيد تملأها قهرت جمالها السابق وتحيله الآن قبحا!

المصريون الآن أشبه بأحفاد رجل أصيل الأصل وغني المال وعظيم الأخلاق وواسع الثروة مات فبدد أبناؤه وأحفاده قصوره ومصانعه ومزارعه وثروته وقعدوا كحيانين علي الرصيف لا يملكون ما يقولونه وما يفعلونه سوي الحديث عن مجد جدهم دون أن ينتبهوا أنه مات وأنهم ضيعوا ثروته ومرمغوا سمعته وحلاً!
لاحظ أنني حتي هذه الفقرة أساير وأسير مع الذين يقولون إن لمصر فضلا وأناقش الطريقة لا الحقيقة، الطريقة التي تعبر عن ناس لا يعرفون الفضل والفضائل لكن يثرثرون عنه طول الوقت فصاحب الفضل إن كان فضلا وإن كان صاحبه يفقد قيمته وقيمه حين يتباهي به ويتنابز حوله ويرتكب حين يردد هذا اللغو، فعلا غير أخلاقي، فمن هو الإنسان المحترم الذي يفعل فعلا نبيلا شريفا ثم يعاير الناس به ثم أيضا يطلب مقابل هذا الفعل بل يريد أن يكون الناس أسري أو عبيدا لفضله وكأنه خسيس فعل شيئا قيما في حياته نادرا واستثنائيا وما صدق أنه فعله فأخذ يعاير الناس به ويطلب مقايضة أمامه حتي كره الناس فضله وكان يوم أسود بستين نيلة يوم ما قبلت تسلفني يا أخي! !
بينما نقول عن الشخص الذي ينسي الفضل إنه ندل، فإننا نصف الشخص الذي يطلب مقابل فضله وكأنه ماسك ذلة بذات الصفة.... الندالة!!
المذهل هنا أن أجيال المصريين الحالية ومنذ أربعين عاما تحديدا هي أكثر أجيال تخلت وولت وخلعت وفرت واستندلت مع العرب ومع ذلك فهم -وليس أجدادهم وآباءهم -الذين يطالبون الآخرين بسداد قيمة الفضل (إن وجد)، وهم هنا يسيئون ويهينون ذكري أجدادهم كما يعرون مادية وانتهازية تفكيره!
لكن دعنا من هذا كله رغم أهميته، وتعال لنسأل السؤال الجاد الناشف الجاف: هل نحن فعلا أصحاب فضل علي العرب؟
أولا مكرر: هل نحن فعلا أصحاب فضل علي العرب؟
في علم السياسة وعلاقاتها كلمة فضل كلمة غريبة ومهجورة ليس لها أي محل ولا مجال ولا مكان لها في العلاقات بين الشعوب وبين الدول، والحديث عن الفضل خساسة مضحكة ومثيرة للشفقة فلم نسمع يوما من الأمريكان أنهم أصحاب فضل علي أوروبا وبالتحديد علي ألمانيا مثلا حيث خرجت برلين مهزومة ومنسحقة ومفلسة من الحرب العالمية الثانية فتولت أمريكا في مشروعها الشهير مشروع مارشال إعادة بناء الاقتصاد الألماني عبر حجم هائل من المنح والقروض ساهم المشروع مع علم وعمل ووعي وعقل الألمان في نهضة هذا الشعب وتجديد هذه الدولة لتصبح واحدة من الدول الثماني العظمي في الكرة الأرضية، فهل تطاول أمريكي وقال يوما لمستشار (رئيس) ألمانيا أو للصحف الألمانية: تذكروا فضل أمريكا عليكم يا عرر يا جرابيع يا نازيين!!!
لن أطيل عليكم في سرد تجارب دولية كبري في مساندة الشعوب الصديقة والجارة والتي تربطها مصالح مشتركة عميقة ومهمة وأهداف واحدة وثقافة تكاد تكون موحدة، لكن المحصلة أنه لا أحد في العالم يقول هذا الكلام الفارغ بتاع الفضل وكلام الناس العاجزة الخايبة!
ثم في مجال الأخلاق السياسية والسياسة الأخلاقية كلام مثل هذا معيب وجارح للطرفين، فالذي يقول إنه صاحب فضل كأنما هو تاجر البندقية شيلوك اليهودي الذي يريد أن يقتطع لحم الناس المدينين له كي يوفوا بسداد ديونهم كما أنه أمر يثير عدوانية الطرف الذي نال الفضل (لاحظ مازلت ماشي معاك في أننا أصحاب فضل وهذا غير صحيح بالمرة وتماما) فأنت عندما تعاير شخصا وتضغط عليه فأنت في الحقيقة تبتزه ابتزازا رخيصا كي يكون تابعا أو خادما أو مكسورا أمامك وهو ما ينقلب إلي عكس ما تطلبه وضد ما ترجوه فللصبر حدود وللطاقة احتمال محدد!
لكننا فعلا لسنا أصحاب فضل علي العرب!
أعرف أنك لن تستطيع معي صبرا لكنك لو صبرت لاستطعت!

ثانيا : إذا كان لأحد فضل علي العرب فهي ليست مصر بل جمال عبدالناصر!

نعم الجملة شديدة الوضوح، إذا كان لأحد فضل علي العرب فهي ليست مصر بل جمال عبدالناصر، ما نتحدث عنه باعتباره عطاء مصريا عظيما وبلاحدود للعرب وللدول العربية أمر يخص مصر جمال عبدالناصر ولا دخل بمليم فيه لمصر أنور السادات وطبعا مصر حسني مبارك، وإلا قل لي وحياة أبيك ماذا قدمت مصر للعرب منذ تولي الرئيس مبارك حكم مصر؟

ما فضل مصر علي العرب؟
ما فضل مصر علي ليبيا مثلا؟ حتي يتذكر الشعب الليبي فضل مصر فتنهال دموعهم وتنسال أنهارا من فيض الفضل المصري؟ ربما تكون العلاقات التجارية التي مارستها مصر مبارك مع ليبيا خلال الحصار الدولي عليها موضع تذكير وفخر من حفنة تعرف بذلك في دوائر السياسة الحاكمة، لكن الحقيقة هذه العلاقات أفادت مصر أكثر من ليبيا ثم إن ليبيا كانت تقيم ذات العلاقات سرية وتحتية مع شركات ودول أخري في تبادل فوائد مشتركة فهو أمر لا يخص مصر مبارك بميزة ولا يقدم لمصر فضلا!
طيب ما فضل مصر علي الشعب السوداني؟ ممكن تحكي لي شوية عما فعلناه للسودان مثلا، ولا أي حاجة، حكومة وشعبا، بل نسينا السودان ونتغافل عن مشاكله ولا نتعامل مع همومه ولا حتي نستفيد من خيراته وفرص استثماراته؟
حد فيكم فاكر أي فضل لمصر علي السودان منذ استقلال السودان، بلاش منذ استقلاله، بل منذ 28عاما هي حكم الرئيس مبارك، ألا تتذكرون معي أننا كنا مقاطعينه أصلا بعد انقلاب البشير ومنذ محاولة اغتيال الرئيس مبارك في أديس أبابا وكانت هناك فجوة كبيرة وجفوة أكبر، وقبلها كانت خناقات للدجي مع حسن الترابي (وكذا المهدي وحزب الأمة أيضا) وكنا ننتصر لجعفر النميري ديكتاتور السودان حتي تخلصت منه ثورة سودانية شعبية، هل فعلا عملنا أي شيء كي يدين لنا سوداني واحد بإيقاف مذبحة دارفور، أو منع انفصال الجنوب (ربما ساهمنا بتكريس انفصاله!!) هل رحبنا باللاجئين السودانيين كما يجب علينا مع اللاجئين ومع السودانيين؟ هل نشطنا تجارة واستثمارا مع السودان كما فعلت الصين وتكاد تكون المستثمر رقم واحد في السودان؟ هل انتهينا إلي حل محترم يصون حقوق البلدين في خلافنا حول شلاتين وحلايب (ألم تسمع أن حكومة الخرطوم تعاملت مع حلايب باعتبارها دائرة انتخابية سودانية!)
حد يقول لي أي حاجة في فضلنا علي العراق؟
وماذا فعلنا للجزائر ومع الجزائريين منذ أربعين عاما!!
وما فضل حضرة أي واحد فينا علي تونس مثلا وقد كنا نخاصم الحبيب بورقيبة منذ أيام عبدالناصر ثم لا نتذكر عن علاقاتنا مع تونس سوي مباريات كرة القدم ذات الخيبة! وأن الفرق التونسية كانت تمثل حتي حين عقدة للفرق المصرية!!
أما المغرب فمش عايز أسمع ولا كلمة عنا معها فقد انتهي وجودنا فيها بعد رحيل عبدالحليم حافظ وحفلاته وأغنياته للملك محمد الخامس!
بينما موريتانيا أنا أتحدي أي مصري يقول لي اسم رئيسها الحالي؟ أو عدد سكانها؟ أو اسم جورنال واحد فيها؟، بل أظن أن معظم المصريين لا يعرفون أن موريتانيا تتحدث اللغة العربية!!
ندخل بقي علي المشرق العربي!
كلموني شوية عن فضلنا علي لبنان... الحقيقة لبنان ذات فضل متبادل يخص نانسي عجرم وهيفاء وهبي وإليسا وأفلامنا السينمائية التي صورناها في بيروت بعد النكسة وكان القلع والخلع فيها فوق الركب، ثم تفرجت مصر علي الحرب الأهلية في لبنان خمسة عشر عاما ولا حيلة لنا إلا جملة ارفعوا أيديكم عن لبنان بينما لم تكن لنا فيها يد، وحتي الآن فإن حكومتنا تتعامل مع نصف لبنان باعتباره خصما لها (حزب الله وحركة أمل وتيار ميشيل عون وقلبنا مؤخرا علي وليد جنبلاط فلبنان بالنسبة لحكمنا الرشيد هي سعد الحريري وسمير جعجع!!).
أما فضلنا علي سوريا فبلا حدود طبعا فيكفي أن مالناش دعوة بيها منذ 1973تقريبا ورغم محاولات فنانين مصريين أنصاف موهوبين وأنصاف مثقفين طرد ممثليها من حياتنا المصرية إذا بنجوم سوريا يسطعون في مصر!
وهذه فرصة لطيفة جدا للكلام الفارغ الآخر الخاص بموضوع أن مصر تفتح ذراعيها للفنانين العرب وكأن هذه منة أو منحة، لكن الحقيقة أن مصر بلا فنانين عرب لا تملك أن تقول عن نفسها ولا كلمة من عينة هوليوود الشرق والذي منه، ثم هوليوود الأصل يا بتوع الأصول هي التي تفتح ذراعيها لكل فنان ولأي فنان من أي مكان في العالم وهذا شرط التميز وأس النجاح!
(اديله يا ابراهيم.. على فكرة مخبية شريحة تانية للموبايل في المحفظة)

ثم إذا كان فتح مصر ذراعيها للفنانين العرب فضلا فأرجو أن يكون واضحا لدي كل أعضاء نقابة المهن التمثيلية الذين يبدو أنهم في حاجة ماسة إلي دورات تثقيفية في التاريخ فالذي أدخل المسرح إلي مصر يا بهوات يا بتوع الفن هم السوريون والشوام، هم الذين علمونا يعني إيه مسرح وهم الذين بنوا المسرح المصري وخلقوه علي شكله المعاصر من عدم، ثم الشوام والفنانون العرب يا نجوم مقصورة استاد المريخ في الخرطوم هم الذين أسسوا فن السينما في مصر وأنتجوا وأخرجوا ومثلوا أفلامنا الأولي الرائدة واقرأوا تاريخكم الفني لتعرفوا وتفهموا فضل العرب والشوام علي كل فنان مصري!
وبالمرة بقي طالما جئت إلي الذي يوجع فإن الصحافة المصرية هي صحافة صنعها شوام العرب من سوريين ولبنانيين وهم رواد فن الصحافة المصرية الأوائل بل هم مؤسسوها وأصحابها من أول الأهرام والمصور والهلال والمقطم ودار المعارف حتي روزاليوسف إلخ إلخ!
(يا ضنايا يا بنتي... ح تطير عينها يا راجل، وللا اقول، اعجنها تستاهل)

ثم ما فضل مصر علي السعودية؟ وعلي الخليج العربي؟ (لم يأت دور فلسطين حتي الآن فصبرا جميلا والله المستعان).

آه هنا ستسمع كلاما حقيقيًا عن دور المدرسين المصريين والأطباء والمهندسين وغيرهم الذين ساهموا في تعمير وإعمار وتعليم وتطبيب أهل السعودية والخليج!

هذا صحيح لكنه ليس فضلا

هذا عمل ولا أقول واجبا

بذمتك ودينك هل سافر مئات الآلاف من المدرسين والأطباء للسعودية والخليج حبا في أهل هذه البلاد أو رغبة في خدمة الإنسانية أو كرما أو عشقا لسواد عيون المواطن العربي في الخليج (أو في ليبيا والجزائر حيث سافر المصريون ليعملوا هناك).

يا أخي عيب، لايزال السفر لهذه الدول حلما لدي كل شاب مصري كي يكون نفسه ويعمل قرشين ويتزوج أو يبني بيتا، ومحدش يقولي إحنا اللي علمناهم!
فالحقيقة أنهم يتعلمون الآن في أوروبا وأمريكا ولم نسمع عن أن أوروبا وأمريكا تعايرهم، ثم إذا كنا علمناهم فأنا وعلي مسئوليتي الشخصية أزعم أن نصف بيوت أقاليم مصر إن لم يكن أكثر من نصفها كثيرا تم بناؤه بفلوس مصريين يعملون في الخليج والسعودية، يعني بنوا بيوتنا وصرفوا علي أهالينا مقابل ما تعلموه أو اتعالجوا بيه، كان عملا ولم يكن فضلا ولا حتي رسالة! وكان حلم أي مدرس فيكي يا مصر أن يأتي اسمه في كشوف الإعارة للدول العربية، هل بسبب إنه سيذهب لرسالة العلم ونشر الثقافة ورفع راية التنوير، أبدا ولكن بسبب أنه سيقدر علي بناء البيت أو تزويج البنات وتجهيزهن أو توفير مبلغ للزمن أو غير ذلك من مقتضيات ضرورات الحياة!
طبعًا لم أذكر اليمن حتي الآن متسائلا عن فضلنا عليها خصوصا إنه كل شوية يفكرك واحد من إياهم إننا حاربنا لأجل اليمن بينما نحن حاربنا كذلك لأجل الكويت، وهذا ما يقودنا مرة أخري إلي فضل جمال عبدالناصر.
فالمؤكد أن العمل العربي الوحيد المشترك الذي فعلته مصر لأجل شعب عربي منذ 28عاما كان مشاركة قواتها في حرب تحرير الكويت عام 1991، لكن دعني أذكرك أن هذه المشاركة كانت تحت قيادة الولايات المتحدة الأمريكية!! ثم كان إسقاط ديون مصر الخارجية تاليا لهذه المشاركة (لا أقول ثمنا وقد تقول، ولا أقول مقابلاً وقد تقول، وإذا قلت أنت ذلك لن أجادلك).
لعلنا في السياق نفسه نتذكر أن مصر أمدت العراق بسلاح في حرب صدام مع إيران وبموافقة ورعاية أمريكية ثم بمقابل مالي ضخم وليس حبا في العروبة (ربما كرها في إيران)، وساعدنا زعيما عربيا مجنونا ومستبدا هو صدام حسين علي تبديد ثروة شعبه وقتل الملايين من أبناء وطنه في حرب بلا طائل وبلا هدف إلا خدمة الأمريكان والصهاينة!
الحقيقة أنه من 28سبتمبر 1970ليلة وفاة جمال عبدالناصر فإن الشعب المصري ليس له أن يفتح عينه أمام أي شعب عربي ليقول له إنني منحتك أو أعطيتك أو تفضلت عليك خلال أربعين عاما، ومع ذلك فإن مصر جمال عبدالناصر لم تكن هي أيضا صاحبة فضل علي العرب!

ثالثا: ومع ذلك فإن مصر جمال عبدالناصر لم تكن هي أيضا صاحبة فضل علي العرب!
(خلاص يا راجل، خلاص.. انت ما صدقت؟ انا خارجة برة الاودة)

جمال عبدالناصر كان زعيما مؤمنا بالعروبة وحالما بالوحدة بين الدول (الشعوب) العربية، هذا صحيح، لكنه ساند ودعم حركات التحرر العربية ضد الاحتلال والثوار العرب ضد الحكومات التابعة للغرب إدراكا منه حقيقيا وعميقا وبعيد النظر للمصلحة المصرية التي هي مع المصلحة العربية في موضع التوأم الملتصق (لم تكن ظاهرة التوائم الملتصقة قد انتشرت كما تنتشر الآن)، مصر كي تتقدم وتتطور وتكبر وتصبح قوة إقليمية قادرة علي بناء ذاتها ومد نفوذها وتلبية احتياجات شعبها لابد أن تملك محيطا حليفا لها ومؤمنا بمبادئها ينسق معها ويخطط معها وينفذ معها، علي سبيل المثال كي يقوم جمال عبدالناصر بتأمين احتياجاتنا المصيرية من مياه النيل والحفاظ علي اتفاقية وقعها مع دول حوض النيل وهي تحت الانتداب أو الاحتلال فلابد أن تكون هذه الشعوب التي تملك مفاتيح ماء النيل صديقة لمصر وحليفة لها، من هنا يمد لها يد العون ويزود ثوارها بالسلاح والمال كي يتحرروا ويتمكنوا من قيادة بلادهم وهذا ما كان في كل الدول الأفريقية التي صار بطلها جمال عبدالناصر حيث مصر موجودة بالقوة المادية وبدعم السلاح والمعلومات وبالأزهر الشريف وشيوخ الدين وبالمدارس والجامعات وبالتأييد لهذه الشعوب في المحافل الدولية سواء الأمم المتحدة أو حركة عدم الانحياز أو غيرهما، لتصبح مصر ساعتها الحليفة والصديقة بل الأخت الكبيرة التي ضحت وساعدت ودعمت وتحصل بالمقابل وبدون أي تردد وبكل حب ونبل علي ما تريده من هذه الشعوب والحكومات، ويكفي يا سادة للمفارقة فقط أن جميع الدول الأفريقية صوتت لصالح مرشحنا المصري فاروق حسني علي منصب مدير عام اليونسكو بينما الرئيس مبارك لم يشارك في مؤتمر الوحدة الأفريقية منذ 15عاما تقريبا! ! كما أن أجهزة إعلام مصر كانت تشير طوال الوقت إلي خوفها من أن تتم رشوة الدول الأفريقية للتصويت ضد مصر! ! وهكذا جهل واضح وغياب مطلق وخلعان كامل يجعلنا بلا قيمة وبلا دور في أفريقيا الآن رغم احتفاظنا بآثار قديمة في قلوب الأفارقة، آثار عهد وقيمة جمال عبدالناصر، انظر الحصيلة: جمال عبدالناصر الذي قطع رجل إسرائيل من أفريقيا بمواقفه وبطولة مصر مع حركات التحرر في أفريقيا صنع أمانا رائعا لمصر من أي اختراق إسرائيلي لمياه النيل أو للدول الأفريقية، ثم إذا بإسرائيل خلال أربعين عاما من حكم الرئيسين السادات ومبارك ترتع في أفريقيا بل ووصلت حتي سدود علي نيلك! !
بنفس المنهج كان عبدالناصر يساند الجزائر وثورتها وشعبها لأن مصر عبد الناصر كانت تنتصر للشرف وللحرية ولكرامة الشعوب في مواجه العدوان والاحتلال، ولأن مصر عبدالناصر كانت في حاجة لأن يكون العرب في حاجتها ومحيطها، ولأن وجود فرنسا محتلة للمغرب العربي معناه أن استقلال مصر وأي دولة عربية منقوص ومهدد، وأنه لا يمكن لاستعمار مجاور لك ومحيط بك أن يسمح لك بالتقدم الاقتصادي أو الاستقلال السياسي أو الصعود التنموي، مصر عبدالناصر كانت تساند وتدعم لأجل نفسها قبل الآخرين ومن أجل مستقبل أبنائها ومواطنيها قبل أي أحد آخر، كذلك فعل عبدالناصر في اليمن (بدون ما تسقط عنه ديون مصر الخارجية بل زادت)، وكذلك كان السودان في قلب اهتمامات جمال عبدالناصر بل في قمة وعيه وخططه، ويكفي أن شعب الخرطوم وأبناءه حملوا سيارة جمال عبدالناصر من فوق الأرض حبا يفوق الوصف واعترافا يفوق الحب بمكانة مصر حين زار الخرطوم في مؤتمر قمة عربي بعد نكسة يونيو المريرة والرهيبة!!

الأمر إذن لم يكن مجرد مبادئ عبدالناصر المؤمنة بالحرية والوحدة بل كذلك كانت خطة عبد الناصر لتحويل مصر قوة إقليمية ودولية مهمة، وقد كانت كذلك فعلا حتي أن عشرات الخطط وضعها جهازا المخابرات الأمريكية والبريطانية لاغتيال عبدالناصر (ظني أن إحدي هذه الخطط أفلحت وقتلوا الرجل في 28سبتمبر 1970فعلا)، ثم كانت نكسة يونيو لتكسير عظام عبدالناصر وإنهاء مشروع مصر الرائدة لبداية مشروع مصر التابعة!!
هنا نتوقف عند فضل مصر علي فلسطين لأكاد أقسم لك بالله أن مصر لا فضل لها علي فلسطين، بل إن مصر ضيعت فلسطين ولو كنت فلسطينيا لركعت لله وسجدت أدعوه أن تحل مصر عن فلسطين كي تتحل!!
(يادهوتي..انت ياراجل قلبك جامد قوي.. مهما كان دي عيلة يعني)

مصر حاربت إسرائيل في 1948فانتهت الحرب بضياع نصف فلسطين وبالنكبة الكبري حيث قامت دولة إسرائيل بينما كانت مصر الدولة الأكبر والجيش الأكبر وانهزم أمام عصابات صهيونية، ومن ثم فالمؤكد أن مصر هي المسئولة الأولي عن نكبة 48وهي بالمناسبة شاركت في هذه الحرب لأن أهداف إسرائيل التوسعية والاستعمارية لا تغيب عن أي حمار فما بالك بالعاقل النابه الذي يعرف أن إسرائيل تبحث عن دولتها الكبري من النيل للفرات، ومن ثم فالسكوت عنها وهي تحتل فلسطين كأنه رضوخ وموافقة لأن تحتل بعدها من نيلنا المصري السوداني إلي فراتنا العربي!
أما حرب 67فإن إسرائيل هي التي بدأت وشنت الحرب وقد أضعنا فيها نصف فلسطين حيث كانت القدس تحت ولاية الأردن، وغزة تحت ولاية مصر؛ فانهزمنا وضيعنا القدس وغزة وسيناء والجولان بالمرة.
أما حرب أكتوبر فقد كانت حربا من أجل سيناء وليست من أجل فلسطين وليس في خطتها التي وضعها عبدالناصر أو التي وضعها السادات كلمة واحدة عن فلسطين، فهي حرب مصرية تحاول استعادة أرض مصرية وشاركتنا في الحرب دول عربية كثيرة سواء بسلاح البترول (حد يكلمنا عن فضل البترول) أو بالمدرعات والدبابات كما فعلت الجزائر وكان منوطا بقواتها الدفاع عن القاهرة ضد محاولات احتلالها بعد الثغرة واحتلال السويس، أو بالأبطال الغر الميامين كما فعل الفدائيون الفلسطينيون.
ومن يومها فض اشتباك أول وفض اشتباك ثان ولا فلسطين ولا غيره حتي إننا تحولنا في عصر الرئيس مبارك إلي دولة تقف علي الحياد كما يقول هو نفسه بين إسرائيل والفلسطينيين (لا يقول فلسطين بل الفلسطينيين!)، وصارت مصر الدولة الوسيطة والسمسارة السياسية للصفقات بين طرفي النزاع والصراع وتتباهي بأنها موضع ثقة الطرفين، ثم لاتكف مصر عن لعب دور السنترال في أي أزمة تحيط بالشعب الفلسطيني، حيث تتصل طوال الوقت بوزراء ورؤساء دول أجنبية ترجو منهم وقف إطلاق النار المفرط وتدين بالمرة اللجوء إلي العنف!!. ثم نغلق معبر رفح حتي في لحظات العدوان الإسرائيلي علي غزة، ويملك كثير من المصريين الجسارة أن يقولوا إن هذا عدل وحق، ثم نسمع عن مخاوف من أن يأتي الفلسطينيون إلي سيناء يا خويا ويقعدوا فيها وهيه ناقصة، بينما يقاتل ويناضل اللاجئون الفلسطينيون كي يعودوا إلي أرضهم يخشي عوام منا وغوغاء من بيننا أن يأتينا فلسطينيون من غزة إلي سيناء وكأن نخوة المصريين جفت وكأن ما نسمعه ونراه من تدين المصريين مقصور علي النقاب واللحية والسبحة وتكفير الأقباط وحرق البهائيين، أما الانتصار للحق ونصرة المظلوم وإغاثة اللاجئ والاعتصام بحبل الله فكلام لا يعرفه المصريون ولا عايزين يعرفوه!!
(انا اللي غلطانة.. انا اللي قلت له يضربها)

رابعا: هل مصر فوق الجميع فعلا؟

آه جينا للي يزعل أكتر
هل مصر فوق الجميع؟
السؤال الواجب هنا هو أي جميع؟ من هم الجميع الذين مصر تقف أو تجلس فوقهم؟
هل جميع المصريين؟ أم جميع البشر؟ أم جميع الدول؟

الغريب أن دولتين فقط من بين كل دول العالم رفعتا هذا الشعار، الأولي هي ألمانيا النازية، وشعارها ألمانيا فوق الجميع، ألمانيا أدولف هتلر العنصرية العدوانية وكان هذا بشكل رسمي ولفترة مؤقتة (سوداء علي العالم كله)، والثانية التي هي مصر بشكل غير رسمي وفي عهد الرئيس مبارك حيث تتجرأ بعض قيادات الحزب الوطني وببغاوات الإعلام ودببة الفضائيات ويكررون شعار مصر فوق الجميع دون وعي بنازيته وعنصريته وربما دون وعي بمعناه ومغزاه أصلا؟

هذا الشعار عنصري رفعته دولة في فترة عنصرية آمنت فيه فئة مهووسة في مرحلة متطرفة وفي أجواء ديكتاتورية بأن الألمان جنس مختلف ومتميز عن العالم كله، وأن الجنس الألماني نبيل متفوق علي غيره من الأجناس والتي هي أجناس أدني أو قذرة تستحق إفناءها أو قتلها والتخلص منها، أي المقصود والمفهوم من ألمانيا فوق الجميع أنها أعلي وأهم من الشعوب الأخري وأكثر رقيا وتفوقا بحكم الجينات والهرمونات، وأن الألمان يستحقون وفق هذا الإيمان أن يحكموا ويتحكموا في العالم وأن تكون الأجناس الأخري مجرد عبيد وأرقاء وأقنانا عند الجنس الألماني اللي فوق بينما الجميع تحت!!

من إذن أدخل هذا الشعار المجنون إلي بلدنا وجعل حمقي أحيانا ومخلصين جهلة أحيانا أخري وسياسيين متحمسين حينا يرددون هذا الهوس الخرف دون فهم ودون تفكير؟

ثم ماذا يعني هذا الشعار الأخرق؟

هل يعني أن مصر فوق بقية الدول؟ النبي تتلهي!!
فمصر التي تحتل المركز الأخير بين دول العالم في سوق كفاءة العمل، والتي تقبع في المركز 111بين دول العالم من حيث النزاهة والشفافية، والتي لا تزرع قمحها وتستورد رغيف عيشها، والتي لا تشكل أي صناعة فيها أي أهمية في العالم، والتي لا تمثل أي تجارة لديها أي أهمية في العالم والتي لا تظهر في قائمة الدول العشرين الأكثر تصديرا في العالم ولا قائمة المائة، والتي لا تضم جامعة واحدة ضمن أهم خمسمائة جامعة في العالم والتي والذي والذين، هل يمكن أن يصدق أي مهفوف أنها فوق الجميع!
غالبا يتم استخدام هذا الشعار في مواجهة الدول العربية، وهو ما يعود بنا إلي أصل الموضوع وهو هذا الإحساس الزائف عند الشعب المصري بأنه جنس مخصوص غير العرب كلهم وأنه متفوق عليهم وأنه أعظم منهم وأنهم ولا حاجة أمام المصريين، وإذا لم يكن هذا الكلام عنصريا فهو ألعن، فسيصبح كلام ناس عيانة يستحسن ذهابها فورا لطبيب نفسي فهذا مرض شهير معروف بالبارانويا وهو جنون العظمة مقرونة بجنون الاضطهاد، وهذا عين حالتنا السياسية (والشعبية) الراهنة؛ حيث نشعر أننا أعظم ناس علي وجه الأرض، ثم إن العالم كله يتآمر علينا ويتحالف ضدنا ولا نسأل أنفسنا ليه؟
ليه بيتأمروا علينا، هل نشكل أي تهديد لأي دولة في العالم؟
هل ننافس أي دولة أو شعب في التفوق العلمي والاختراعات الهائلة أو الصعود للفضاء أو امتلاك الرءوس النووية؟
هل نهدد الصين في قدرتها علي التصدير ونشكل خطرا علي أمريكا في امتلاكها الفيتو؟ هل يرتجف منا نتنياهو وقادة تل أبيب أم يصفوننا بالأصدقاء والحلفاء؟
لماذا تحقد علينا الشعوب العربية؟
هل تحقد علينا لأننا نتمتع بأقوي صحة بدنية في المنطقة فلا عندنا فيروس سي ولا فشل كلوي وكبدي ولا ينتشر فينا السرطان وأمراض السكر والضغط، أو لأننا نشكل أكبر عدد مرضي بالاكتئاب في الوطن العربي مما يستدعي حقد الشعوب العربية علينا لأننا مفرطو الحساسية؟
هل يحقدون علينا لأننا اكتفينا ذاتيا في الزراعة والصناعة مثلا؟
هل يحقدون علينا لأننا صرنا ننافس كوريا الجنوبية في التصنيع وهونج كونج في التجارة والهند في الكمبيوتر وتركيا في الديمقراطية؟
هل يحقدون علينا لأن رئيسنا عندما يزور دولة عربية يخرج ملايين لتحيته والهتاف باسمه ورفع سيارته فوق الأكتاف؟
كلها أسئلة أليس كذلك؛ فهل تملك أنت إجابات عنها؟
أم أنك ستكتفي بأن مصر فوق الجميع!
أما إذا كان مقصودا بأن مصر فوق الجميع أي أن لها الأولوية الأولي في أي حسابات أو أي قرارات تصدر عن حكومتنا فهذا كلام بدهي ينطبق علي مصر كما ينطبق علي أي دولة في الوجود الإنساني، فلا توجد دولة تتخذ موقفا أو قرارا في غير مصلحتها ووفق أولوياتها وإلا تبقي دولة يحكمها مجانين أو عملاء!
أما إذا كان مقصودا أن مصر أهم من مواطنيها فالحقيقة أن لا دولة محترمة تتعامل بأنها أهم من مواطنيها فالوطن هو مواطنوه، وقيمة وكرامة وكبرياء الوطن من كرامة وكبرياء مواطنيه، وأن حق كل مواطن أن يكون رقم «واحد» في أي قرارات خاصة بالدولة ومن الدولة ومع ذلك فإن مصر بلد الكوسة والمحسوبية وحيث يحصل أقل من عشرين في المائة من مواطنيها علي أكثر من ثمانين في المائة من الناتج القومي لها، بلد أنت مش عارف أنا مين وتوريث الحكم والمناصب للأبناء والأصهار وتكويش خمسين عائلة علي ثروة وحكم البلد، دولة هذا حالها لا يمكن أن تخدع نفسها إلي حد أن تتصور أنها فوق الجميع، فالجميع من السيد الرئيس حتي أصغر مسئول في الحزب أو الحكم فوق مصر!

خامسا: طبعا من السهل جدا اتهام هذه السطور وكاتبها

(لا ياخويا عداك العيب.. بس دي بت مش واد.. انت نزلت عليها جامد قوي هي تستاهل ما قلتش حاجة..)

سهل حيث يلجأ البعض حين سماع كلام لا يحبه إلي كراهية من يقوله لا مناقشة ما قاله، ومن ثم طبيعي جدا أن تخرج اتهامات لكاتب هذه السطور بأنه:
-لايحب مصر.
-أنه متشائم ونظارته سوداء.
-أنه مأجور وعميل.
-أنه يعارض الرئيس لهذا يريد أن يحط من شأن البلد في عهد السيد الرئيس.
أما عن الاتهام الأول فلا أنت ولا اللي خلفوا حضرتك يملك أن يتهمني أنني لا أحب بلدي ولا أنا مطالب أن أثبت لجنابك أنني أحبها.
أما ردا علي الاتهام الثاني فأعترف أن نظري ناقص سبعة العين الشمال، وناقص خمسة العين اليمين، وعندي استجماتيزم وحصلت علي إعفاء من الخدمة العسكرية، بسبب ضعف نظري، ومع ذلك فإن نظارتي بيضاء ولا أحب ارتداء نظارات شمس ملونة أو سوداء طبعا «وإن كنت أحب نادية لطفي وهي ترتديها في فيلم النظارة»، السوداء ثم إنني لست متشائما ولست متفائلا ولا أجد أي ضرورة للتشاؤم والتفاؤل في السياسة بقدر ضرورة الإرادة والعزيمة.
أما الاتهام الثالث فالمأجور والعميل أسهل تهمة يلقيها العملاء والمأجورون علي الناس.
أما الاتهام الرابع فأنا أعارض الرئيس مبارك طبعا وقطعا، فأقول كلاما ويرد علينا غيرنا بكلام (ويردون بشتائم أحيانا كثيرة وبقضايا ومحاكم وأحكام بالسجن أحيانا أخري)، وشوف أنت الكلام الذي تصدقه فصدقه دون تفتيش في نوايا أي من المعارض والمؤيد، ثم أعارض الرئيس مبارك لكنني لا أعارض مصر، ومصر ليست الرئيس مبارك رغم أن ما فعله فيها الرئيس مبارك ربما جعلها غير مصر التي نعرفها، وأخشي أن يورثها لدرجة أن تصبح مصر تلك التي لا تريد أن تعرفها!
(صح ياخويا.. انت عايز مصلحتها، بكرة تكبر وتفهم)

سادسا: هل مصر دولة صغيرة وعليها أن تعرف حجمها عشان تتكلم علي قدها؟

كل ما كتبته هنا وسأكتبه لاحقا يهدف إلي أن تسمع تلك الحقيقة التي لاتريد أن تعرفها أبدا، ثم لهدف أكبر هو أن نكبر فعلا؟
ماذا يعني كل هذا الكلام؟

معناه أن مصر دولة عظيمة مرهون تألق عظمتها بشعبها، برئيسها ورجالها، إما أن يكون الشعب المصري في مرحلة ما من تاريخه يليق بهذا البلد فيرفع من مكانته ويعلي من مقامه وتقدم الأمم وقود منطقته العربية، وإما أن يكون الشعب في مرحلة ما (مثل التي نعيشها من 28عاما) خامل الهمة خانع الروح مهدور الكبرياء منكفيا منحنيا معزولا ومنعزلا عن محيطه ومنطقته فيتراجع البلد مكانة وشأنا ويتحول إلي التباهي الممض والابتزاز العاطفي المريض، وتزوي قيمه ويصبح دوره هشيما تذروه الرياح....!

(سامعة يا مقصوفة الرقبة؟ عقلك في راسك تعرفي خلاصك.. ايه ده؟ انت ح تقفل عليها بالمفتاح؟ طب اعشيها طاه.. ح تنام بعد العلقة دي على لحم بطنها؟ لبعدين البت تعمل في نفسها حاجة..لا.. انا لا بوظتها ولا ليا دعوة بيها من هنا ورايح، اهي عندك..على الله يبقى بفايدة وربنا يصلح حالها)

هواء البلاد يصلي عليك

2009-12-01T12:34:00.000+02:00

الخطبة السيد حسن نصر الله كاملة، هي مش خطبة هي قراءة الوثيقة الجديدة لحزب الله

اتكلم فيها عن كل حاجة، عن الوضع العالمي، واستشراف حزب الله لقرب سقوط نظام القطب الواحد في العالم، ومنهج المقاومة، وفلسفتها، تصور حزب الله للتحديات والأهداف والوسائل، اتكلم عن مجانية والزامية التعليم، اتكلم عن ضرورة الغاء نظام المحاصصة الطائفية لتحقيق ديمقراطية حقيقية، اتكلم عن المساواة في الحقوق والواجبات وسيادة القانون بعيدا عن التصنيفات الطائفية، اتكلم عن وحدة الكادحين والمستضعفين في العالم، اتكلم عن مشكلة اللاجئين وحقوقهم السياسية والاقتصادية والتنظيم القانوني لتمثيلهم وعلاقتهم مع اللبنانيين وفي نفس الوقت رفض التوطين والحفاظ على حق العودة، اتكلم عن العلاقات العربية العربية، والعلاقات العربية الاسلامية والعلاقات العالمية، اتكلم عن التنوع الطائفي والمذهبي والقومي في المنطقة وضرورة انه يخلق ثراء لا نزاع، اتكلم عن الصراع المختلق بين السنة والشيعة، اتكلم عن النزف المسيحي في المنطقة، اتكلم عن الانفصاليين، الوثيقة ما سابتش حاجة ما اتكلمتش فيها، الحاجة الوحيدة اللي ما اتكلمش فيها هي ماتش مصر والجزائر ومساندة هيفاء وهبي لمصر: دوم دوم دوم مصرررر، وللاسف اغفل حاجة مهمة قوي: البنطلون اللي اتقلع لفردوس عبد الحميد.

كمان الوثيقة لا تحمل اي شكل من اشكال الخصوصية الطائفية او الدينية او القومية، وثيقة عالمية بمعنى الكلمة، ينفع تطبق في الصين وفي العالم العربي وفي التبت وحتى في امريكا، الكلام ده يتفق معاه كل الناس عدا الليبراليين الجدد اللي زي طارق حجي بتاع: اسعد لحظات حياتي حين شاهدت قوات الحضارة تهدم قلاع الظلام في افغانستان!! وتبقى مصيبة لو عجبت طارق عجي، ح ابتدي اراجع نفسي

جميلة

مقدمة

الهيمنة الامريكية وانهيار الرأسمالية العالمية ونظام القطب الواحد:

فشل الحرب على ما يسمى بالارهاب

نشأة المقاومة

تصور حزب الله عن الدولة: مقطع رااااااااااااااااائع

تصور حزب الله عن العلاقات العربية العربية... جميل جميل جميل

قضية فلسطين

الموقف من المفاوضات مع العدو الإسرائيلي

المؤتمر الصحفي

المؤتمر الصحفي 2

المؤتمر الصحفي 3

المؤتمر الصحفي 4

روح يا شيخ... ربنا يديمك علينا نعمة

مبارك يهنئ بوتفليقة بعيد الاضحى

2009-11-27T02:22:00.000+02:00

الصلح خير قوم نتصالح ده الصلح خير، خصوصا انهم هم الاتنين قدموا الضحية ودبحوا الدبيحة في يومي 14 و18 نوفمبر بعد ما فضلوا يعلفوها من يوم 9 اكتوبر باغنية احلف بسماها وبترابها احلف بدروبها وابوابها احلف بالقمح وبالمصنع احلف بالمدنة وبالمدفع بولادي بايامي الجاية ما تغيب الشمس العربية طول ما انا عايش فوق الدنيا...آآآآه جات لنا ضربة دوختنا من الشمس العربية

وبما انهم باعوا سماها وترابها ودروبها وابوابها، وبطلوا يزرعوا قمح، والمصانع اتخصخصت وعملوا ادان موحد وما بقاش فيه مدافع والحمد لله، فهم مش مضطرين يصوموا تلات ايام لما حلفانهم يقع

اما بالنوسبة لاولاده وايامه الجاية فدول مالهمش نهاية

وانا لسة عندي في الشارع الناس بتمشي تعمل تيت تيت تتيت تييييت ومشغلين يا حبيبتي يا مصر بصوت عالي، وفي الدوري سمعت مشجع عمرو قال له ان اسمه حميدو بيغني: يا اخلى اس في الوجود يااااامصر.. يا اس مغلوء للخلووووء يااااااامصر

والحمد لله، وكما قال مرتضى منصور في حواره مع خالد الغندور

مرتضى: احنا بلد نجيب محفوظ وعادل امام

خالد الغندور: بس ليلى علوي لها احترامها

مرتضى: طبعا لها احترامها والا ما كانوش شافوا افلامها

يعني الوطنية بخير، وافلام العيد بخير، واخلى اس في الوجود بخير، والناس ماشية تهيص في الشارع من غير ماتش وده يدحض كل مزاعم المغرضين اللي بيقولوا ان الهتاف باسم مصر ده مش وطنية دي مجرد حماسة ماتش زي ما بيقولوا اهليييي اهليييي، وحب وطن ايه؟ ده شكل بلد فيه اي حد بيحبها ولا حتى امها اللي خلفتها؟ وطلع السلاح صاحي اهو وبيهيص في الشارع لسة

ده حتى كوكاكولا لسة بتقول: المصريين كلهم بيشجعوا واحنا معاهم.. كوكا كولا راعي المشجع المصري

وزي ما قال احد الرغايين اللي انا مش فاكراه من كترهم: مصر ح تفضل طول عمرها مصر بتاريخها وجغرافيتها

طب والجراح اللي اتشقت بساطور واتخلقت من ولا حاجة؟ طب والقناطير المقنطرة من الشر المستطير اللي اتضح انه نايم جوة الناس المبتسمة على طول دي؟ طب والرعب اللي تملكني بعد اللي شفته من شرهم واحساسي اني مش ح اقدر اثق في وش طيب مبتسم تاني؟ طب والصدمة؟ طب والغل؟ طب والاحساس المختلط بالوقوع تحت ظلم والاستمتاع بايقاع الظلم بدون ذرة تأنيب للضمير؟ طب والمفاهيم القذرة العنصرية المشوهة المزيفة الدنيئة الحقيرة الكدابة اللي لا راعت دين ولا اخلاق ولا اعراض ولا انسانية واتدلقت جوة معدة الناس بعد ما فتحوا لهم بقهم على مصراعيه وفضلوا يظغطوها لهم بشكل مكثف لحد ما جالهم تخمة منها؟ طب المعلومة المروعة اللي وصلتني ان فيه ناس كتير بتقول انها مصرية وبتحب مصر وهي ما تعرفش البلد اللي هي عايشة فيها؟ طب بلاش جراحنا احنا، الجراح اللي سببناها للناس؟ الاهانة والاستهانة والقهر والتنكيل اللي عملناه في الناس والتصميم على انكار اننا عملنا حاجة؟ طب والناس اللي اتداس عليهم في السكة من غير ما يبقى لهم اي ذنب؟ شالوا في قلبهم قد ايه؟ وح يفجروه في وشنا امتى وازاي؟ طب ودينا وانسانيتنا واخلاقنا واحترامنا ودماغنا وقلبنا اللي خسرناهم؟ الجرايم اللي ارتكبناها وارتكبت في حقنا وكل واحد فينا بقى ظالم ومظلوم لا قابل يواجه نفسه بفداحة ظلمه ولا قادر يستحمل مرارة انه اتظلم؟ طب واس مصر اللي طلع مغلوء للخلوء وانا ما كنتش عارفة ده كله؟ طب والمذيع اللي قدامي اللي بيقول: ح يرد عليك "نغبة" من المستشارين القانونيين؟

هممممم هنا ح نضطر نلجأ لحكمة الرئيس الخالد: ارمي ورا ضهرك