tag:blogger.com,1999:blog-22635945.post-2202978974784290902007-06-10T11:23:00.000+03:002007-06-10T19:51:37.042+03:00<div align="right"><span style="font-family:lucida grande;font-size:130%;"><strong>سيتى ستارز... رمز المدينة المثالية لكل المصريين<br />المدينة الفاضلة...المدينة الجميلة<br />تبهر كل زوارها ببريقها و تألقها الدائم<br />و تعطى لكل روادها الشعور بالراحه و الرضا و الأمان<br />و هذا ما دفع ابو سيد و اسرته لترك مدينته المظلمه<br />وزياره المدينه التى يتكلم عنها الناس<br />مدينه النور<br />مدينه الاحلام<br /><br />ياله يا وليه<br />صحى العيال وصلنا<br />ايوه هنا ياسطه<br />ممكن تحاسب شويه<br />تعاله يمين او شمال بس ماتقفليش فى النص<br />و خلى المدام تعدى<br />ياله يا ام سيد<br />يا سيد... بت يا فوزيه...اصحى يا بت وصلنا خلاص<br />ماما عاوزه اشرب<br />لما نروح هناك تبقى اشربى<br />عارف انت موادينه على فين<br />يا وليه اسكتى شويه ... مش عاوز كلام خالص<br />اله... ما تسيبنى افضفض شويييه...يعنى انت واخدنا<br />تفسحنا و لا يعنى واخدنا تفسحنا<br />اله... يا راجل...فثثث<br /><br />من فضلك ما تعرفش سيدى زطاريز فين<br />امشى عالطول و اول فاتحه يمين حتلاقى جامع هوه اللى فوشك<br />متشكرين... ياله يا سيتى<br />بابا...انا تعبت مالمشى<br />يا راجل جاى تفسح العيال فى حته اطيعى...ده المكان كله كحل<br />اسكتى يا وليه لاحسن...<br />لاحسن ايه...ما انا عارفه... اليوم ده مش حايعدى على خير...اااهههخ منك... جايبنى بالعيال على مالا وشى و انت مش عارف مودينا على فين<br />ماما... انا عاوزه ميه<br />عاوزه لبان سماره...خدى لبان سماره...واد يا سيد... عاوز انت لبان كمان<br />هوه انا قولتيلك تيجى خالص... انتى يا وليه اللى عماله تزنى على ودنى و تقوللى ودينا سيدى زيطارز ودينا سيدى طراز لغايه ما دوشتينى<br />ماهو ام محمود راحت بالعيال لسيدى طياز الاسبوع اللى فات و قالتلى المكان حلو اوياوياوي و عيالها امبصتوا اوياوياوي<br /><br />من فضلك فين سيدى طارز<br />هناك اهو<br />هييييييهه<br />سيد...سيد...تعاله هنا يا واااد... انت يا ولد<br />ماما ماما...فى سلعوه حاتعضنى<br />اجرى يا بت بعيد عن الكلب<br />بابا...همه ماسكين السلعوه بالحبال ليه<br />بسم الله الرحمن الرحيم... يا جمال الاهرامات... يا حلوتك يا ابو الهول... اله... مش شايفه ابو الهول<br />هوه الدخول منين لو سمحت<br />من الباب اللى جاى ده<br />فوزيه...سيد...تعالوا هنا<br /><br />بيييييب<br />من فضلك لو معاك موبايل او مفتاح تحطه هنا<br />معناش حاجه يا فندم<br />الجهاز بيصفر<br />اكيد معاك اى حاجه معدنيه<br />اله يا اخى... مالراجل قالك معهوش...خلونا نعدى بقه<br />يلا يا بت... يا سيد... تعالوا هنا<br />يا مدام ما ينفعش كده<br />اوعى كده دى حاجه تطههأ<img id="BLOGGER_PHOTO_ID_5074353167066609602" style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://bp1.blogger.com/_s30IC6NX5iE/Rmu5UgPiN8I/AAAAAAAAAnM/UHxO24_1c3A/s400/IMG_2291_600x600_100KB.jpg" border="0" /> الله...المكان ده حلو اوياوياوي<br />ماما عاوز اطلع بالمرجيحه<br />خد بالك يله مالسلالم...الله... ما شاء الله... ايه الحلاوه دى<br />دى الدنيا منوره اكتر مالافراح<br />يامه... انا عطشانه<br />بس...مش عاوزه اسمع اى كلمه بعد كده... فاهمه<br /><br />ياله ندخل المحل ده... لأ ده... طب ندخل ده...دى المحلات دى معندهاش ذوق خالص... كله فانلات و كلتات و الذى منه... اده... ايه المناظر دى... شوف ياختى البت ماشيالى ازاى تترقصنى...ايه يا راجل...بتبص على ايه... اله... بص النحيادى<br />شوف الشابه يا عين امها ماشيه ملط خالص... مش لاقيه اى هدمه تتغطى بيها<br />اده اده اده... ايوووه... الوليه ماشيه مع جوزها و عيالها و مش مكسوفه من اللى لابساه... رجاله اخر زمن<br />شوف يا ابو سيد الواد عامل فى شعره اراجوز و البنطلون حيقع منه... هىء هىء هىء<br />اده اده اده...شوف الواد حاضن البت ازاى...اده... ده راح يحضن فى بت تانيه<br />ما تنقطينا بسكاتك ياوليه لاحسن ارجعك انت و العيال طوالى عالبيت<br />بابا عاوزين سندويتشات فول<br />فى مطاعم هناك اهوه<br />بابا و انا عاوزه عصير قصب<br />من فضلك عاوزين اربع سندويتشات زى اللى بياكلوه هناك ده و عصير<br />حضرتك عاوز اتنين كمبو و اتنين هابى ميل<br />ايوه اللى انت بتقول عليه ده<br />و العصير ميديام و الا لارج<br />لارج... لارج خالص<br />الحساب سته و خمسين جنيه و نص<br />نعم...ليه... دول اربع سندويتشات و عصير...خلاص... الف شكر...مش عاوزين<br />ايه يا راجل... نفسنا ناكل زاى الناس اللى بتاكل دى...العيال جعانين<br />لما نرجع نبقى ناكل فى البيت<br />ماما عاوز اشرب<br />طب تعاله اروح بالبت نشربها من اى كولدير هناك<br /></div><img id="BLOGGER_PHOTO_ID_5074353171361576930" style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://bp2.blogger.com/_s30IC6NX5iE/Rmu5UwPiN-I/AAAAAAAAAnc/IFYW7ByHA0A/s400/IMG_2297_600x600_100KB.jpg" border="0" /> <p align="right">كل اللف ده و ما فيش كولدير واحد فى المكان ده<br />تعالوا نقعد هنا شويه<br />حاتى شويه لب من المعاكى...لأ لب اسود<br />يا حلوتك يا ام سيد... الدنيا هينا تراوه اوياوياوي<br />لو سمحت حضرتك طالب حاجه<br />لأ الف شكر يا باشا<br />هوه حضرتك المينيموم شارج هنا خمسه و تلتين جنيه<br />للفرد<br />الف شكر يا باشا<br />حاتى شويه لب كمان<br />يا ابو سيد... الراجل واقف جنبنا ليه و بيبصلنا<br />انا حستأذن حضرتك انك تتفضل بالعيله فى اى حته تانيه<br />انا عمال اكلمك باحترام و شكلك كده مش نازلنى من الزور<br /><br />دايما كده بتلبخى فى الكلام يا وليه... لو كنتى سكتى بس<br />يا راجل مش كده احلى ... نستربع كده على البلاط الفشتفى<br />من فضلك فين الحمام<br />ياله يا وليه روحى شربى البت فى الحمام<br /></p><img id="BLOGGER_PHOTO_ID_5074353167066609618" style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://bp1.blogger.com/_s30IC6NX5iE/Rmu5UgPiN9I/AAAAAAAAAnU/SJl3qk_Qeyc/s400/IMG_2294_600x600_100KB.jpg" border="0" /> <p align="right">يا سلام على الحلو اللى ماشى ده...قمر...قمر ماشى و بيتمختر... طب خد بالك لحسن تقع<br />بابا بابا...هوه العربيات دى عرفت تطلع لفوق كده ازاى<br />و الله يابنى مش عارف<br />تعاله نروح نشوف السيما فيها ايه<br />اده... كل ديييى افلام ... لو سمحتى التذكره بكام...كام... لأ متشكرين<br />يا بابا عاوز اشوف<br />مافيش شوف<br />يااااهوووو... بت جامده... اوووف... اده... بولدوزر... أااه... سيد...ماتبعتش... تعاله هنا...مممم... الله على جماله... يا حلوه انتى يا سكره... اده اده... هوه ده واد و الا بت<br />سيد...تعاله نروح نجيب امك من الحمام<br /><br />فوزيه... بت يا فوزيه... انت فين يا فوزيه... يالاهوى... البت تاهت... يا ابو سيد يا ابو سيد... مش لاقيه البت... دخلت اتسير و طلعت ما لقتهاش<br />مش قولتلك تاخدى بالك منها كويس...يخرب بيت اللى خلفوكى<br />ااااه يانى... يا غلبى يانى... بتى ضاعت... يا مدام الله ينوبك ثواب ماشوفتيش بت ماشيه من هنا...طب ماتبصليش كده من تحت لفوق... جتيك داهيه تاخديك<br /><br />بينج بانج بونج...بونج بانج بينج... عثر على فتاه صغيره اسمها فوزيه و هى تبحث عن اهلها... يرجو التوجه الى الباب الرئيسى لاستلامها و شكرا<br /><br />فى هذه اللحظه صرخت ام سيد بصوت هز الدور الثانى كله من سيتى ستارز : فوزيه... فوزيه... يا ضنى امك يا فوزيه<br /><br />و هنا حمل ابو سيد ابنه سيد و امسك بيد زوجته و ابتسامه الامل ترسم بخط عريض فى وجهه الاسمر ليبدأوا معا فى العدو نحو باب الخروج من هذا الحلم الجميل </strong></span></p>WShttp://www.blogger.com/profile/09792531848214000015noreply@blogger.com