ചിത്രങ്ങള്‍ - കാകഃ കാകഃ, പികഃ പികഃ..!

ആട്ടിന്‍തോലും സമാന്തര കോണ്‍സ്പിറസി തിയറികളും

2008-06-11T21:44:00.000-04:00

ഇതര മാധ്യമങ്ങള്ക്ക് ബ്ളോഗുകളെ ദേഷ്യമാണു്. അതിനി, അച്ചടി മാധ്യമം ആണെങ്കിലും, ഓണ്‍ലൈന്‍ പടു കൂറ്റന്‍ പോര്‍ട്ടലാണെങ്കിലും. വായനക്കാരനു് ഹിതകരമാവുന്ന ഉള്ളടക്കം ബ്ളോഗിലുണ്ടെങ്കില്‍, മറ്റെവിടെയും ഒരുവനു പോകേണ്ട ആവശ്യമില്ലല്ലോ?

ലളിതമായി പറയാം, ഉദാഹരണ സഹിതം -

ഒന്‍പതു മണിക്കൂര്‍ ജോലി ചെയ്യുന്ന ഒരുവന്‍, ദിവസത്തിലെ 24 മണിക്കൂറില്‍ 40 മിനിറ്റ് മാനസികോല്ലാസത്തിനായി മാറ്റി വെയ്ക്കുന്നു എന്നു കരുതുക. എങ്കില്‍, ഈ 40 മിനിറ്റിനു വേണ്ടിയാണു് ടീവിയും റേഡിയോവും അച്ചടി മാധ്യമങ്ങളും എല്ലാം കടി പിടി കൂട്ടുന്നത്. ഇതില്‍ 30 മിനിറ്റോളം അയാള്‍ ബ്ളോഗുകളില്‍ ചെലവഴിച്ചാലോ? സഹിക്കാനൊക്കുമോ അവര്‍ക്ക്..?

പോരാത്തതിനു പണ്ടേ ദുര്‍ബല, പോരെങ്കില്‍ ഗര്‍ഭിണിയും എന്ന മട്ടില്‍ എല്ലാറ്റിനും മേലെ, തേങ്ങാപ്പീര പോലെ, സ്വതമായുള്ള വിവരക്കേടും, ജഗദീശ്വരന്‍ കനിഞ്ഞു നല്‍കിയത്. inherent ignorance എന്ന് സംസ്കൃതം.

യാഹൂവിനും ബ്ളോഗുകളെ ഭയമാണു് - അതാണല്ലോ യാഹൂ 365 -ഉം കൊണ്ടവരിറങ്ങിയത്? എന്തായാലും ഗുണമുണ്ടായി..! അവര്‍ക്കല്ല, ബ്ളോഗ്‌‌സ്പോട്ട്.കോം നേരത്തേ തന്നെ തുട്ടിറക്കി വാങ്ങിയ ഗൂഗിളിനു് ഗുണമുണ്ടായി എന്നു്. അങ്ങിനെ വേണം, കൊക്കിനു വെച്ചാല്‍ ചക്കിനു കൊള്ളണം..!

മനോരമനും ഈ‌‌ര്‍ച്ചയാണു്. പണ്ടത്തെ ബാബുക്കുട്ടന്‍ എന്തെല്ലാം പയറ്റിയതാ ഇകഴ്ത്താന്‍?

പുഴ.കോം -നു പണ്ടൊരിക്കല്‍ കൈ പൊള്ളിയതാണു്, അതു പിന്നെ തേഞ്ഞു മാഞ്ഞു പോയി എങ്കിലും നന്ദി പൂര്‍വ്വം സ്മരിക്കുന്നു. :^)

എം.എസ്.എന്‍. മലയാളത്തിനു വേണ്ടി വെബ്‌‌ദുനിയ ചെയ്ത "വെളുത്തുള്ളീ" പൊളിക്കലും കൂടെ ലവരു കട്ടതോടെ, അവര്‍ക്കീ പ്രശ്നത്തോട് അല്‍പ്പമെങ്കിലും അനുഭാവം ഉണ്ടാവുമെന്ന്... ആ..! ആര്‍ക്കറിയാം..!?

അഫിപ്രായ സ്വാതന്ത്ര്യമാണു ഈക്കഥയിലെ ആട്ടിന്‍തോലാവുന്നത്. മര്‍ദ്ദകന്‍, മര്‍ദ്ദിതന്‍, പിന്നെ കാഴ്ചക്കാരന്‍ എന്നതാവണം ഡിഷ്യൂം ഡിഷ്യൂമിന്റെ ആദ്യത്തെ ഹൈരാര്‍ക്കിയിലുള്ള ബിന്ദുക്കള്‍. ആ ബിന്ദുക്കളിലൂടെ അങ്ങോട്ടുമിങ്ങോട്ടും ഓടി നടക്കുന്നതാവണം ബ്ളോഗന്റെ ഓറിയെന്റേഷന്‍.

ആട്ടിന്‍തോലണിയുന്നതിലുണ്ടായ പിഴവുകള്ക്ക് സ്തോത്രം, കാരണം, ആട്ടിന്‍തോലിനിടെയിലൂടേം ദാണ്ടെ, ചെന്നായ്‌‌ത്തല..!

എല്ലാം തിയറികള്‍ മാത്രം എന്നൊരു ഡിസ്‌‌ക്ളെയിമര്‍. എങ്കിലും വിട്ടു പോയവ സ്വന്തം യുക്തം പോലെ (അങ്ങിനെ മാത്രം മതീന്നേ..!) ചേര്‍ത്തിട്ട് അഭിപ്രായ സ്വാതന്ത്ര്യത്തോടെ വായിക്കുവിന്‍..!

..

ജനയുഗത്തില്‍ വന്നതു്

2008-06-04T16:17:00.001-04:00

ജനയുഗത്തില്‍ വന്നതു്

സി.പി.ഐ.യുടെ മുഖപത്രമായ ജനയുഗത്തില്‍ വന്ന വാര്‍ത്ത:

നീലച്ചിത്രം, പകര്‍പ്പവകാശ ലംഘനം, വധഭീഷണി: ഇന്റര്‍നെറ്റില്‍ `മലയാളി' റാക്കറ്റ്
കടപ്പാട്: ജനയുഗം ദിനപത്രം

മറ്റു മാധ്യമങ്ങളും ഈ വിപത്തിനെ ഉടനെ തിരിച്ചറിയുമെന്നു് പ്രത്യാശിക്കാം.

കൂടുതല്‍ അറിയാന്‍:

അഞ്ചല്‍ക്കാരന്‍. at 9:27 AM
സജിയുടെ ബ്ലോഗിലെ ചര്‍ച്ച : ബ്ലോഗുകള്‍ കേരള്‍സ് ഡോട് കോമില്‍
രാജ് നീട്ടിയത്തിന്റെ ബ്ലോഗില്‍ : Banned from reading my content
മയൂരയുടെ ബ്ലോഗില്‍ : 1. Boot legging bloggers posts, shame on you kerala dot com 2. പോസ്റ്റും കട്ടു ബാനും ചെയ്തു
ഇഞ്ചിപ്പെണ്ണിന്റെ ബ്ലോഗില്‍ : 1.മോഷണം മോഷണം തന്നെ പാരില്‍ 2. Kerals.com ന്റെ പുതിയ വിരട്ടല്‍ തന്ത്രം (header gorging)
കണ്ണൂസിന്റെ ബ്ലോഗില്‍: Are u a thief Mr. Kerals Dot Com
വല്യമ്മായിയുടെ ബ്ലോഗില്‍: Content theft by kerals.com
അഗ്രജന്റെ ബ്ലോഗില്‍: ബ്ലോഗ് മോഷണം.
ബ്ലോഗില്‍:Kerals.com-The new wave of plagiarism from blogs
സിബുവിന്റെ ബ്ലോഗില്‍: Kerals.com - a theif who stalks its victims.html
തുളസി കക്കട്ടിലിന്റെ ബ്ലോഗില്‍: Content theft by kerals.com
ഡാലിയുടെ ബ്ലോഗില്‍: The story of robbery: plagiarism by kerals.com
A world of my own എന്ന ബ്ലോഗില്‍: A short term course on "How to plagiarize" by kerals.com
രേഷ്മയുടെ ബ്ലോഗില്‍: Content theft by kerals.com
സതീഷ് മാക്കോത്തിന്റെ ബ്ലോഗില്‍: ചോദിച്ചാല്‍ തരുമായിരുന്നല്ലോ കേരള്‍സേ...
പ്രമോദ് കെ.എമ്മിന്റെ ബ്ലോഗില്‍: Content theft by kerals.com
ബ്ലോഗാര്‍ത്ഥി എന്ന ബ്ലോഗില്‍: Stealing-2.0
Stealing, Threat, Cyber Stalking, Abuse - What next Kerals.com ?
മൗനത്തിനുള്ള വില

t.k. formerly known as തൊമ്മന്‍  kerals.com-ന്റെ പിന്നിലാര്?

രാജ് നീട്ടിയത്ത്  I will never feel the same. I will never be the same.

 P.R ഞാനും ചേരുന്നു.. I too join..

 വക്കാരിമഷ്‌ടാ : Wakaarimashita: Protest against the copyright violations, threat, abuse, stalking etc of kerals.com

```
മയൂര at 6/03/2008 04:40:00 PM
```
അതിക്രമത്തിനെ അപലപിക്കുന്നു

അതിക്രമത്തിനെ അപലപിക്കുന്നു

2008-06-03T19:52:00.002-04:00

ഒരു കൂട്ടം മലയാളം ബ്ളോഗരോടു് കേരള്സ്.കോം എന്ന സൈറ്റോട്ടുന്നവർ കാട്ടിക്കൂട്ടിയ അതിക്രമത്തിനെ (ലിങ്ക് 1, ലിങ്ക് 2 ) ഞാന്‍ അപലപിക്കുന്നു.

ലോകത്തിന്റെ നാനായിടങ്ങളില്‍ നിന്നും നാമൊക്കെ ഒക്കുമ്പോഴും പറ്റുമ്പോഴും ബ്ളോഗുന്നതിനു എന്താവും കാരണം? ആവിഷ്ക്കാര സ്വാതന്ത്ര്യവും അഭിപ്രായ സ്വാതന്ത്ര്യവും ആണു് പ്രധാന കാരണങ്ങള്‍. മലയാളത്തോടുള്ള സ്നേഹം എന്നതു മലയാളത്തില്‍ ബ്ളോഗുന്നവരുടെ മാത്രം സ്പെഷ്യല്‍ കാരണവും.

മലയാളത്തില്‍ ബ്ളോഗുന്നവരുടെ അഭിപ്രായ/ആവിഷ്ക്കാര സ്വാതന്ത്ര്യങ്ങള്‍ ചോദ്യം ചെയ്യപ്പെടുകയാണു്. ചോദ്യം ചെയ്യുന്നതോ? മലയാളം ബ്ളോഗിലെ 300-ഓളം കൃതികള്‍ കട്ടെടുത്ത് അവ സ്വന്തമെന്ന വ്യാജേനെ അവതരിപ്പിച്ചു പോന്ന കേരള്‍സ്.കോം എന്ന ഊച്ചാളി സൈറ്റും.

ഒരു അബദ്ധം ആര്‍ക്കും പറ്റും എന്നല്ലേ? എന്നാല്‍, മുന്നൂറോളം സ്വീക്വന്ഷ്യല്‍ അബദ്ധങ്ങള്‍? പ്രതികരിക്കുകയും, അവരോട് തന്നെ ഇതിനെ പറ്റി ചോദിക്കുകയും ചെയ്തവരെ തീര്‍‌‌ത്തും അപമര്യാദയായി ഭീഷണിപ്പെടുത്തിയും അപകീര്‍ത്തിപ്പെടുത്തുകയും ചെയ്യുന്നതാണവരുടെ മോഡസ് ഓപ്പറന്ഡി. തന്റെ കൃതി കട്ടെടുത്തതിനെതിരെ പരാതി പറഞ്ഞവരെ സൈബര്‍ സ്റ്റാക്കിങ്ങിനു വരെയും അവര്‍ വിധേയരാക്കി:

ചിത്രം 1 : രാജിനു കിട്ടിയ മറുപടി.

ooh..! ooh..! oooh..! We're trembling in fear, wearing our shiny Malayalam blogger hats...!

ഈ വാര്‍ത്ത ആര്‍ടേലും പക്കലുണ്ടോ ഇപ്പോള്‍?

മലയാളം.പടം എന്ന സൈറ്റിനെ പറ്റി ആഴ്ചകള്ക്ക് മുന്നേ കേരളാ കൗമുദിയില്‍ ഒരു വാര്‍ത്ത വന്നിരുന്നു. അതിങ്ങനെയെങ്ങാണ്ടായിരുന്നു പറയുന്നത് : അനധികൃതമായി വെബ്ബില്‍ പ്രദര്‍ശിപ്പിച്ചുവെന്നതിന്റെ തുടര്‍ന്നു് "സൈക്കിള്‍" എന്ന മലയാള ചിത്രത്തിന്റെ നിര്‍മ്മാതാവിന്റെ പരാതിപ്രകാരം, മലയാളംപടത്തിന്റെ തിരോന്തരങ്കാരനായ സൈറ്റ് ഓണറെ കൊച്ചിയില്‍ നിന്നും (അതോ ബാങ്ക്ളൂരോ..? ആ..!) പോലീസ് അറസ്റ്റ് ചെയ്തു എന്നതായിരുന്നു വാര്‍ത്ത. "സൈക്കിള്‍" കോപ്പിചെയ്ത് ഇട്ടത് അയര്‍ലണ്ടുകാരനായ ഏതോ ഒരാളാണെന്നും ഒക്കെ ആയിരുന്നു പോലും തുടര്‍ന്നുണ്ടായ ഉഡായിപ്പ്.

ഇതെന്തിനാന്നു വെച്ചാല്‍, കേരള്സ്.കോമും മലയാളംപടവും എല്ലാം ഒരേ മാലയില്‍ കോര്‍ത്ത പോര്‍ണ് പൂക്കളാണെന്നതു തന്നെ. ആരായിരിക്കാം കേരള്സ്.കോമിനു പിന്നിലെന്നൊക്കെ ഒരുപാട് കിഴിഞ്ഞ് ചിന്തിക്കേണ്ടിയ കാര്യമൊന്നുമില്ല. ഇവര്‍ ആള്‍റെഡി നിയമപാലകരുമായി ഉരസിയിട്ടുള്ളവര്‍ തന്നെ. law enforcement ഏജന്സികള്ക്കു് നിഷ്‌‌പ്രയാസം കണ്ടെത്താവുന്നതേയുള്ളൂ. മത്തായി പിടിച്ചാല്‍ മലയിങ്ങ് പോരും. യേത്..?!

ഇപ്പോ നോക്കിയിട്ട് ഹാന്‍ഡിയായിട്ട് ക്വോട്ടാന്‍ പറ്റിയ ലിങ്ക് കണ്ടതു്, ഇതാണു് - അരുണിന്റെ ബ്ളോഗ്.

വിറപ്പീരിന്റെ വീര്യം

(1) തെലുങ്കന്മാര്/തമിഴന്മാരാണു് കേരള്‍.കോം ഓട്ടുന്നത് എന്നു തോന്നുന്നു. പരാതിപ്പെട്ടവരെ വിറപ്പിക്കാനെഴുതിയ "ഫീശണി ഇംഗ്ളീഷ്" വായിച്ചിട്ടും അങ്ങിനെ തന്നെ തോന്നുന്നു. ഇനി മലയാളി ആണെങ്കില്‍ തന്നെയും വിവരക്കേട് വിവരക്കേട് തന്നെയല്ലേ?
(2) കുറെ പോര്‍ണ്‍ സൈറ്റുകളുടെ ഉടമസ്ഥരാണവര്‍ എന്നും, അതിനാല്‍, ഡീഗ്രേഡിങ്ങ് ചെയ്യാതെ മറ്റൊരു മനുഷ്യ ജീവിയോട് ഇടപഴകാന്‍ അവര്‍ക്ക് അറിയാത്തതാവാം.

പാസ്സീവ് കാണികള്‍ക്കും വായനക്കാര്‍ക്കും ചെയ്യാവുന്നതു്:

ഈ പ്രശ്നം ഗൗരവം അര്‍ഹിക്കുന്നു എന്നു് താങ്കള്‍ക്ക് നല്ല ബോധ്യമുണ്ടെങ്കില്‍ (ഉത്തമ ബോധ്യമുണ്ടെങ്കില്‍ മാത്രം മതീന്നേ..!) എന്തെങ്കിലും യുക്തം പോലെ ചെയ്യുവിന്‍..!

നിറയെ പരസ്യങ്ങളുള്ള സ്ക്രീന്‍ ഷോട്ടുകള്‍ കണ്ടപ്പോള്‍ തോന്നിയതു്:

മോസില്ല ഫയര്‍ഫോക്സ് ബ്രൗസറും, അതിനു മേലെ ആഡ്‌‌ബ്ളോക് പ്ളസ്സ് എന്ന എക്സ്റ്റന്ഷനും ഉപയോഗിക്കൂ - പരസ്യങ്ങളൊന്നും തന്നെ കാണേണ്ടി വരില്ല, ഉള്ള ബാന്‍ഡ്‌‌വിഡ്ത്തില്‍ ഫാസ്റ്റായിട്ട് ബ്രൗസിങ്ങ് നടത്താം, സേഫാണു്, എല്ലാറ്റിനും ഉപരി നിങ്ങളുടെ ഹിറ്റ് കൊണ്ട് നിങ്ങള്ക്ക് അഹിതകാരികള്‍ എന്നു തോന്നുന്ന സൈറ്റുകള്‍ക്ക് വരുമാനവും ഉണ്ടാവാതെ കാക്കാം.

ലിങ്കുകള്‍ :

ഇന്റര്‍നെറ്റ് ഒന്നും വിസ്മരിക്കുന്നില്ല, യാതൊന്നും കാണാതെയും പോവുന്നില്ല. ആയതിനാല്‍, ഇങ്ങനെ ലിങ്കിട്ട് ലിങ്കിട്ട് പോവാം, നമുക്ക്..!

അഞ്ചല്‍ക്കാരന്‍. at 9:27 AM
സജിയുടെ ബ്ലോഗിലെ ചര്‍ച്ച : ബ്ലോഗുകള്‍ കേരള്‍സ് ഡോട് കോമില്‍
രാജ് നീട്ടിയത്തിന്റെ ബ്ലോഗില്‍ : Banned from reading my content
മയൂരയുടെ ബ്ലോഗില്‍ : 1. Boot legging bloggers posts, shame on you kerala dot com 2. പോസ്റ്റും കട്ടു ബാനും ചെയ്തു
ഇഞ്ചിപ്പെണ്ണിന്റെ ബ്ലോഗില്‍ : 1.മോഷണം മോഷണം തന്നെ പാരില്‍ 2. Kerals.com ന്റെ പുതിയ വിരട്ടല്‍ തന്ത്രം (header gorging)
കണ്ണൂസിന്റെ ബ്ലോഗില്‍: Are u a thief Mr. Kerals Dot Com
വല്യമ്മായിയുടെ ബ്ലോഗില്‍: Content theft by kerals.com
അഗ്രജന്റെ ബ്ലോഗില്‍: ബ്ലോഗ് മോഷണം.
ബ്ലോഗില്‍:Kerals.com-The new wave of plagiarism from blogs
സിബുവിന്റെ ബ്ലോഗില്‍: Kerals.com - a theif who stalks its victims.html
തുളസി കക്കട്ടിലിന്റെ ബ്ലോഗില്‍: Content theft by kerals.com
ഡാലിയുടെ ബ്ലോഗില്‍: The story of robbery: plagiarism by kerals.com
A world of my own എന്ന ബ്ലോഗില്‍: A short term course on "How to plagiarize" by kerals.com
രേഷ്മയുടെ ബ്ലോഗില്‍: Content theft by kerals.com
സതീഷ് മാക്കോത്തിന്റെ ബ്ലോഗില്‍: ചോദിച്ചാല്‍ തരുമായിരുന്നല്ലോ കേരള്‍സേ...
പ്രമോദ് കെ.എമ്മിന്റെ ബ്ലോഗില്‍: Content theft by kerals.com
ബ്ലോഗാര്‍ത്ഥി എന്ന ബ്ലോഗില്‍: Stealing-2.0
Stealing, Threat, Cyber Stalking, Abuse - What next Kerals.com ?
മൗനത്തിനുള്ള വില

t.k. formerly known as തൊമ്മന്‍  kerals.com-ന്റെ പിന്നിലാര്?

രാജ് നീട്ടിയത്ത്  I will never feel the same. I will never be the same.

 P.R ഞാനും ചേരുന്നു.. I too join..

 വക്കാരിമഷ്‌ടാ : Wakaarimashita: Protest against the copyright violations, threat, abuse, stalking etc of kerals.com

```
മയൂര at 6/03/2008 04:40:00 PM 





 
```

കൂട്ടവളിയന്മാർ

2008-05-20T16:33:00.003-04:00

ആൾക്കൂട്ടത്തിൽ, ആരു ലാസ്റ്റിൽ വളി വിട്ടോ അവനു അധോഗതി എന്ന പോലെയാണു് നമ്മുടെ രാഷ്ട്രീയം. അടുത്തവന്‍ വളി വിടുമ്പോൾ ദുര്യോഗപർവം അവന്റെ തലയിലേക്ക് ഷിഫ്റ്റ് ചെയ്യപ്പെടുന്നു. മറ്റാരേലും ഉടനെ തന്നെ വളി വിടണേന്നാവും ഉള്ളതിലെ ലാസ്റ്റ് വളിയന്റെ പ്രാർത്ഥന.

മറ്റാരേലും വിട്ടാലോ..? രക്ഷപെട്ടു..! എന്നിട്ട് അടുത്ത നിമിഷം മുതൽ, "ഛായ്, നാണക്കേട്..! പൂയ്..! പൂയ്..! ഷെയിം, ഷെയിം...!"

"ഹിമവൽ ഭദ്രന്‍ വെച്ച വെടി എൽ.ഡി.എഫ്. ഭരണത്തിനുള്ള പിറന്നാൾ സമ്മാനമെന്നു കുഞ്ഞാലിക്കുട്ടി. "

പാവം ജനം ഉണ്ണാക്കന്മാരാണെന്നു ധരിക്കരുതു്. സ്വാമി വെടിവെച്ചാൽ ആർക്കു പോയി?

സ്വാമിക്കു പോയി. ഒപ്പം സ്വാമിശിഷ്യന്മാർക്കും, സ്വാമിയെ പൊക്കിക്കൊണ്ടു നടന്നവർക്കും.

എന്നാൽ, ജനാധിപത്യത്തിലെ മന്ത്രി വെടി വെച്ചാലോ?

ജനാധിപത്യത്തിന്റെ തലപ്പത്തിരിക്കവെ, ഐസ്ക്രീമും തിന്നു പണ്ടിങ്ങേരു വെച്ച വെടി നമ്മുടെയെല്ലാം നെഞ്ചത്തിട്ടായിരുന്നു. ഇങ്ങേരു തന്നല്ലേ അണികളെക്കൊണ്ട് കോഴിക്കോട് വിമാനത്താവളത്തിലെ ദേശീയ പതാക താഴെയിറക്കി പകരം ലീഗിന്റെ കൊടി കെട്ടിച്ചതു്?

(അതെങ്ങെനാ, ഒന്നു റെ‌‌ഫർ ചെയ്യാന്‍ ഒറ്റ ***രു മലയാളം പത്രത്തിനു പോലും യൂണീകോഡ് ആർക്കൈവ് ഇല്ല താനും.)

.

ബുദ്ധന്‍ മാവേലിക്കര.

2008-05-19T16:49:00.002-04:00

അയ്യോ ബുദ്ധന്‍..!

അയ്യോ എന്ന വാക്കു പോലും ബുദ്ധമതത്തില്‍ നിന്നും നാം പ്രാപിച്ചെടുത്തതാണു്.

ഇന്നത്തെ ആലപ്പുഴ ജില്ലയില്‍ പണ്ടൊരു കാലത്തു ബുദ്ധമതം വന്‍ പ്രചാരത്തിലുണ്ടായിരുന്നു. കണ്ടിയൂര്‍, കരുമാടി, ഭരണിക്കാവു്, കൃഷ്ണപുരം എന്നീ നാലു സ്ഥലങ്ങളില്‍ നിന്നും ബുദ്ധ വിഗ്രഹങ്ങള്‍ കണ്ടുകിട്ടിയിട്ടുണ്ട്. ഇതില്‍, ഇന്നത്തെ കണ്ടിയൂര്‍ മഹാദേവ ക്ഷേത്രത്തിനടുത്തു് ഒരു നെല്‍വയലില്‍ നിന്നും കിട്ടിയ ബുദ്ധ വിഗ്രഹമാണു് ഏതാനും കിലോമീറ്ററുകള്‍ അകലെ മാവേലിക്കരയില്‍ "ബുദ്ധാ" ജങ്ക്ഷനില്‍ ഉള്ളതു്. ഇതു ഒന്പതാം നൂറ്റാണ്ടിലേതോ പത്താം നൂറ്റാണ്ടിലോ നിര്‍മ്മിതമാണെന്നും കരുതപ്പെടുന്നു. പഴയ സ്ഥല നാമങ്ങളില്‍ "പള്ളി" ചേര്‍ന്ന പേരുകള്‍ ബുദ്ധമതത്തിന്റെ സംഭാവനയാണു്, ഉദാ:- കാര്‍ത്തികപ്പള്ളി, കരുനാഗപ്പള്ളി തുടങ്ങിയവ.

ശങ്കരാചാര്യരും കമ്പനിയുമാണു് കേരളത്തില് ബുദ്ധ മതത്തിനെ ഓര്‍ഗനൈസ്‌‌ഡ് എത്‌‌നി‌‌ക്‌‌ ക്ളെന്‍സിങ്ങിനു വിധേയമാക്കിയതു്.

ജ്ഞാതവും അജ്ഞാതവുമായ ചരിത്രം നമ്മുടെ പൂര്‍വ്വികരെ കൊണ്ട് എന്തെല്ലാം വേഷങ്ങള്‍ കെട്ടിച്ചിരിക്കണം? ബുദ്ധമതം വരുന്നതിനു മുമ്പ്, വന്നിട്ട്, അതിനു ശേഷം, ഒടുവില്‍ അതെല്ലാം നശിച്ചൊടുങ്ങി, പിന്നെ ഇന്നിവിടെ, ഇപ്പോള്‍...!

മാവേലിക്കരയിലെ പത്മാസനനായ ബുദ്ധനെ പോയിക്കാണുവാന്‍ പ്രേരണ നല്‍കിയതു വിക്കി ലേഖനങ്ങളും മറ്റുമാണു്, സമ്മതിക്കുന്നു. അതല്ലെങ്കിലും അങ്ങിനെയെ വരൂ - മുല്ലയ്ക്ക് മണം വരുന്നതു മുറ്റം വിട്ടിറങ്ങുമ്പോള്‍ മാത്രമാണല്ലോ..!

ഒരു രാത്രി വൈകി അതു വഴി വന്നപ്പോള്‍ ചെന്നെടുത്ത ഫോട്ടോയാണിതു്.

എത്ര തലമുറകളെ, എത്ര വമ്പന്മാരെ, എത്ര കേമന്മാരെ, എത്ര കൊമ്പന്മാരെ കണ്ട പ്രതിമയാവണം ഇതു്..?!

നമ്മുടെ ചരിത്രത്തിന്റെ ഇത്രയും പഴയ സ്വതം ഇതിനു മുമ്പ് നേരില്‍ കണ്ടിട്ടില്ല. കാലത്തെ അതിജീവിച്ച ബുദ്ധപ്രതിമയ്ക്ക് ഒരു സലാം..! ഒപ്പം, താലിബാനാവാന്‍ തുനിയാഞ്ഞ നമ്മുടെ പൂര്‍വ്വികര്‍ക്കും സലാം..!

കൂടുതല്‍ വായനയ്ക്ക്:

ജോണ്‍ ക്യു

2008-05-18T11:25:00.003-04:00

ഡെന്‍സല്‍ വാഷിങ്ങ്ടണ്‍ അഭിനയിച്ച ജോണ്‍ ക്യു എന്ന ചിത്രം, 2002-ലാണു റിലീസായതു്. ആതുരസേവന രംഗത്തുള്ള ഹോസ്പിറ്റല്‍, മെഡിക്കല്‍ ഇന്‍ഷുറന്‍സ് കമ്പനികളുടെ കനിവില്ലായ്മ നിര്‍ദ്ദയം വരച്ചുകാട്ടുന്ന ചിത്രം പ്രമേയം കൊണ്ടു തന്നെ ശ്രദ്ധേയമായിരുന്നു. അപായകരമായ ഹൃദയരോഗം ഡയഗ്നോസ് ചെയ്യപ്പെട്ട മകന്റെ ജീവന്‍ രക്ഷിക്കുവാന്‍ നെട്ടോട്ടമോടുന്ന സാധാരണക്കാരില്‍ സാധാരണക്കാരായ ഒരു പിതാവിന്റെയും മാതാവിന്റെയും കഥ പറയുന്ന ജോണ്‍ ക്യു എന്ന സിനിമ.

ബ്യൂറോക്രസി കൊണ്ട് ഫലമില്ല എന്നു വരുമ്പോള്‍ ഒരു ഹോസ്പിറ്റല്‍ എമര്‍ജെന്‍സി റൂമിലുള്ളവരെ ബന്ദിയാക്കുന്നതും ഒക്കെയുള്ള കഥ ഈ ഭാഗങ്ങളില്‍ അല്‍പം സ്വല്‍പം മുഴച്ചു നില്‍ക്കുന്നു എന്നു തോന്നിയിരുന്നു.

ഡെന്‍സല്‍ വാഷിങ്ങ്ടണിന്റെ ഭാവതീക്ഷ്ണമായ അഭിനയത്തിന്റെ മൂല്യമറിയുവാന്‍ ഈ ചിത്രം മതിയാവും.

ഡെന്‍സല്‍ വാഷിങ്ങ്ടണ്‍ ജോണ്‍ ക്യു എന്ന ചിത്രത്തില്‍..

ആറു വര്‍ഷങ്ങള്‍ക്കു് ശേഷം, ഈ ചിത്രം ഇപ്പോള്‍ സാദാ ടീവീ ചാനലുകളില്‍ എത്തിയിട്ടുണ്ട് - കാണാന്‍ സാധിക്കുമെങ്കില്‍, കാണുവാന്‍ മടിക്കേണ്ട എന്നര്‍ത്ഥം.
.

മൊഴി സ്റ്റൈൽ കീബോർഡ് (ലിനക്സ്)

2008-05-15T22:19:00.008-04:00

മൊഴി/വരമൊഴി സ്റ്റൈൽ ലിനക്സ് കീബോർഡ് ഞാന്‍ ആദ്യം റിലീസിയതു ഇവിടെയാണു്. അതിന്റെ പുതിയ വെർഷനാണിതു്, യൂണീകോഡു് 5.0.0.-നൊപ്പം , 5.1.0-ഉം കൂടെ സപ്പോർട്ടക്കത്തക്ക രീതിയിൽ മോഡിഫൈ ചെയ്തത്.

ആണവ ചില്ലു് ഉപയോഗിച്ച് എഴുതണം എന്നുള്ളവര്‍‌‌ക്ക് അങ്ങനെ എഴുതാം, നോണാണവ ചില്ലു (5.0) ഉപയോഗിച്ചേ എഴുതൂ എന്നുള്ളവർക്ക് അങ്ങിനെയുമാവാം.

അതുമല്ല, രണ്ടു തരം ചില്ലുകളും മിക്സി മിക്സി എഴുതണം എന്നുള്ളവര്‍‌‌ക്ക് അങ്ങിനെയുമാവാം. ലിനക്സോട്ടുന്നു എന്നത് പുതിയ ചില്ലുകൾ ഉപയോഗിക്കണം എന്നുള്ളവർക്ക് ഒരു വിലങ്ങു തടിയാവില്ല.

ഇതിനെല്ലാം പുറമേ, വരമൊഴിയുടെ പുതിയ വെർഷനിലെ (പുതിയ) കുറുക്കുവഴികളോടു് ആവുന്നത്ര സാദൃശ്യം പുലർത്തുവാനും വേണ്ടി ഇതിൽ മാറ്റങ്ങളുണ്ട്. (ഇതിനെ പറ്റി കൂടുതൽ, ഈ ലേഖനത്തിൽ താഴെയുണ്ട്.)

ഇന്‍സ്റ്റാൾ ചെയ്യുവാന്‍:

ഇതിനു scim-m17n -ഉം അനുബന്ധ സംഭവങ്ങളും വേണം,

As root,

apt-get install scim-m17n
(scim-m17n നേരത്തെ തന്നെ ഇന്‍സ്റ്റാൾ ചെയ്തിട്ടുണ്ടെങ്കിൽ, ഈ സ്റ്റെപ്പ് ചെയ്യേണ്ടതില്ല..)

എന്നിട്ട് ml-mozhi510.txt നിങ്ങളുടെ മെഷീനിലേക്ക് ഡൌണ്ലോഡുക:

wget http://evuraan.googlepages.com/ml-mozhi510.txt -O /usr/share/m17n/ml-mozhi.mim

Add to /etc/environment (if not already present) :

export GTK_IM_MODULE="scim-bridge"

Reboot (Or, Restart your X, Or, Restart scim), choose ml-mozhi, you should be all set.

Optional: ഓപ്ഷണല് - നല്ലൊരു ഐക്കണും കൂടി വേണമെന്നുണ്ടെങ്കില്:

wget http://evuraan.googlepages.com/ml-mozhi.png -O /usr/share/scim/icons/scim-m17n.png

ഈ വെർഷനില്‍‌‌:

യൂണീകോഡ് 5.1.0. യിലെ പുതിയ ചില്ലുകൾ (ഒഫ്‌‌കോർസ്..) ൺ, ന്‍, ൾ, ൽ, ർ, ൿ.
പഴയ ചില്ലുകൾ എഴുതുവാന്‍, രണ്ട് അണ്ടർസ്കോറുകൾ മതിയാവും: N__ (ണ്‍), n__ (ന്‍), l__ (ല്‍), L__ (‌‌ള്‍), r__ (ര്‍)

ഉദാ: സര്‍‌‌ക്കാർ (sar__KAr_, sar__kkaar , sar__kkaar , sar__kkAr_)
പുതിയ വെർഷന്‍ വരമൊഴിയിലെ വിക്രിയകൾ അതേ പോലെ ഇവിടെയും:

കൃഷ്ണന്‍ - kRshNan , k^shNan, kRRishNan, kR^ishNan

ക്രിസ്തു - kristhu

ഋഷി - Rshi, r^shi,

പാറ - paaRa, paarra, pARa, pArra

നിരൃതി - nirr^thi

(മൊഴി സ്കീമിൽ R എന്നെഴുതിയാൽ ഋ എന്നും rr എന്നെഴുതിയാൽ ർ-യും വരുന്ന പോലെ ആക്കി. എന്നാൽ മുമ്പുപയോഗിച്ചുകൊണ്ടിരുന്ന രീതികളെല്ലാം അതുപോലെ വർക്ക്‌ ചെയ്യുകയും ചെയ്യും. അതായത്‌ paaRa എന്നെഴുതിയാൽ 'പാറ' തന്നെ വരും; ഋഷി എന്നെഴുതാൻ r^shi ധാരാളം മതി.)

ചിത്രം : സ്ക്രീന്‍ ഷോട്ട്

5.1.0-ൽ എഴുതിയവ വായിക്കുവാന്‍ വേണ്ടി ഫോണ്ടുക‌‌ള്‍ക്കായി ഇവിടം സന്ദർശിക്കുക.

ഇതല്ല, പഴയ വെർഷന്‍ മതി എന്നുണ്ടെങ്കിൽ, ഇവിടെ ചെല്ലുക.

ഇത് ഉപയോഗിച്ചു നോക്കിയ ശേഷം പ്രശ്നങ്ങളെന്തെങ്കിലും ഉണ്ടെങ്കിൽ അവയും, അഭിപ്രായങ്ങളുണ്ടെങ്കിൽ അതും, കമന്റി സദയം അറിയിക്കണമെന്നു താത്പര്യപ്പെടുന്നു.

.
malayalam keyboard for linux, malayalam transliteration keyboard for linux, how to type malayalam in linux

ഫോര്‍ജാത്തവന്‍ ഫോര്‍ജുമ്പോള്‍ ഫോണ്ട് കൊണ്ട് ആറാട്ട്..

2008-05-13T20:53:00.004-04:00

ലോ, ഇതിന്റെ ബാക്കിയാണൂ ഇവിടെ. രണ്ട് ഫോണ്ട് കൂടിയങ്ങ് തിരുത്തി, യൂണീകോഡു് 5.1.0 സപ്പോര്‍ട്ടത്തക്ക വിധം. കൂടുതല്‍ വിവരങ്ങള്‍ ഇവിടെ.

എന്നു വെച്ചാല്‍ ആറു ചില്ലിനെയെടുത്ത് തിരുകി, അത്ര മാത്രം.

അതല്ലാതെ, മനുഷ്യന്‍ ഒരുകാലത്തും ഉപയോഗിക്കാത്ത അവഗ്രഹം, പ്രശ്ളേഷം, 0, 100, 1000, അര, കാല്‍, മുക്കാല്‍ ചിഹ്നങ്ങള്‍, ൠ, ഌ, ൡ എന്നിവയുടെ സ്വരചിഹ്നങ്ങള്‍ എന്നിവയൊന്നും ഇല്ല കേട്ടോ..

കോമണ്‍ മനുഷ്യനു വേണ്ടതെല്ലാം ഉണ്ടെന്നു കരുതുന്നു.

Meera_04.png	13-May-2008 20:13	128K
Meera_04.ttf	13-May-2008 20:10	339K
Rachana_04.png	13-May-2008 20:13	107K
Rachana_04.ttf	13-May-2008 20:10	375K
Raghu.png	12-May-2008 19:34	132K
RaghuMalayalamSans.ttf	12-May-2008 19:14	57K
unicode-atomic-test-case.txt	13-May-2008 20:37	3.3K

ഇക്കൂട്ടത്തില്‍ രചനയും മീരയും വിന്ഡോസ് ഐ.ഇ.-യിലും വര്‍ക്കുന്നു എന്നാണറിഞ്ഞതു്. (കേട്ടറിഞ്ഞതാ, എനിക്ക് വിന്‍ഡോസില്ല ഓട്ടി നോക്കാന്‍.)

ഇതു വേണ്ടെങ്കില്‍, ദാ, ഇതു മറ്റൊരു രീതിയാണു - ഫയര്‍ഫോക്സ് ബ്രൗസര്‍ നിര്‍ബന്ധമാണെന്നു മാത്രം..!

.

.

ലിനക്സ്, മലയാളം, യൂണീകോഡു് 5.1

2008-05-12T21:22:00.002-04:00

ഇതു വല്ലോം മനസ്സിലാവണമെങ്കില്‍, ഈ ത്രെഡ് കൂടി വായിക്കുന്നതു നന്നായിരിക്കും.

ലോങ്ങ് സ്റ്റോറി ഷോര്‍ട്ട്: യൂണീകോഡ് 5.1 സ്റ്റാന്‍ഡാര്‍ഡിലെഴുതുന്ന മലയാളം വായിക്കുവാന്‍ (ലിനക്സിനു വേണ്ടി) ഫോണ്ടൊന്നും ഇല്ല, ഉണ്ടാവാനും പോകുന്നില്ലത്രെ. അടിപിടി, ഡിഷൂം ഡിഷൂം..!

എന്നു വെച്ച് ചതുരവും കട്ടയും മാത്രം സ്‌‌ക്രീനില്‍ നിരന്നാല്‍ പോരല്ലോ? ഇതിലേക്കായി, രഘുമലയാളം എന്ന ഫോണ്ട് 5.1 സപ്പോര്‍ട്ട് ചെയ്യത്തക്ക വിധം മോഡിഫൈ ചെയ്തതു ഇവിടെ നിന്നും ഡൗണ്‍ലോഡാം:

http://evuraan.googlepages.com/RaghuMalayalamSans.ttf

ഈ ഫോണ്ടു് ഉപയോഗിച്ച്, യൂണീകോഡ് 5.1-ല്‍ എഴുതിയ പേജ് ഇപ്രകാരം കാണപ്പെടും

ഈ ഫോണ്ടില്ലാതെ, യൂണീകോഡ് 5.1-ല്‍ എഴുതിയ പേജ് ഇപ്രകാരം പൊട്ടയായും കാണപ്പെടും:

എന്തെങ്കിലും പ്രശ്നങ്ങളുണ്ടെങ്കില്‍ ഇവിടെ കമന്റിയോ, ഫിക്സിയ ശേഷം കമന്റിയോ സദയം അറിയിക്കുക.

ചേര്‍ത്തു വായിക്കുവാന്‍ :

യൂണിക്കോഡിന്റെ മുന്നേറ്റം

 മലയാളം ചില്ലക്ഷരങ്ങള്‍.

പ്രീച്ചുന്നതു് പ്രാക്ടീസണം, വേണ്ടേ?

2008-04-24T23:42:00.003-04:00

“if you’re going to talk the talk, you’ve got to walk the walk”

പ്രീച്ചുന്നതു് പ്രാക്ടീസാന്‍ വലിയ പ്രയാസമാണു്. രാഷ്ട്രീയ പാര്‍ട്ടികള്ക്കു് പ്രത്യേകിച്ചും. രാഷ്ട്രീയ പാര്‍ട്ടികളുടെ വ്യ്‌‌വസായ സംരഭങ്ങള്ക്കു് അതിലും പ്രയാസം.

ആസ്കി ഫോണ്ടൊക്കെ വിട്ട്, ദേശാഭിമാനി.കോം യൂണീകോഡിലായതു തന്നെ ഈ വളരെ അടുത്ത സമയത്തിലാണു്, കഷ്ടിച്ചു് ഒരു മാസം മുമ്പ്. (ലിങ്ക് ഒന്നു്, രണ്ടു്.)

അതു കൊണ്ടു തീരുന്നില്ല, അവരില്‍ നിന്നുള്ള expectations.

ദേശാഭിമാനി ദിനപത്രത്തിന്റെ ദേശാഭിമാനി.കോം എന്ന പേജ്, മൈക്രോസോഫ്റ്റ് വിന്‍ഡോസിലാണു് ഹോസ്റ്റ് ചെയ്തിരിക്കുന്നതു്. (നെറ്റ്‌‌ക്രാഫ്റ്റ് ലിങ്ക് ഒന്നു് , രണ്ടു്)

(1) വൈദ്യുത ബോര്‍ഡില്‍ നിന്നും മറ്റും മൈക്രോസോഫ്റ്റിനെ തുരത്തി ഓപ്പണ്‍ സോഴ്സ് സംവിധാനങ്ങള്‍ അവലംബിച്ചു് ഇതര സംസ്ഥാനങ്ങള്‍ക്കു് മാതൃകയായ സര്‍ക്കാരാണു് നമ്മുടേതു്. ഇതിലൂടെ 5.65 കോടി രൂപ ലാഭിച്ചുവെന്നും വാര്‍ത്തയുണ്ടായിരുന്നു. ഇതൊക്കെ കൊട്ടിഘോഷിച്ചു് ദേശാഭിമാനിയിലും വാര്‍ത്ത വന്നതാണെങ്കിലും, ക്യാപ്പിറ്റലിസ്റ്റിക് കുത്തകള്ക്കെതിരെ നിലകൊള്ളുന്ന രാഷ്ട്രീയ പാര്‍ട്ടിയുടെ മുഖപത്രത്തിന്റെ വെബ്‌‌സൈറ്റ് മൈക്രോസോഫ്റ്റ് വിന്‍ഡോസില്‍ തുടരുന്നതിന്റെ പൊരുള്‍ ദുര്‍ഗ്രാഹ്യമാണു്.

വിന്‍ഡോസൊക്കെ വിട്ട്, ഏതെങ്കിലും ഗ്നു ലിനക്സ് സിസ്റ്റത്തിലേക്കു് തിരിയണം. (സജഷന്‍ വേണമെങ്കില്‍, ഇതാ ഫ്രീയായിട്ടു് നല്‍കാം - ഉബണ്ടു ലിനക്സ് )

(2) ഇന്റര്‍നെറ്റു് സിറ്റി കൊച്ചിയില്‍ (ഫാക്ടിന്റെ സ്ഥലത്തു്) പണിയിക്കാനോടുന്നവരല്ലേ? ദേശാഭിമാനി.കോം സൈറ്റിന്റെ ഹോസ്റ്റിങ്ങു് അമേരിക്കയില്‍ നിന്നും മാറ്റി, നാട്ടില്‍, കേരളത്തില്‍ തന്നെ ആക്കണം. കേബിളും ബ്രോഡ്‌‌ ബാന്ഡും അതിവേഗ ബഹുദൂരവും കൊയ്‌‌ത്തു യന്ത്രങ്ങളും ഒക്കെ വന്നിട്ടും ഇതിനൊക്കെ വല്ലവനും കാശു കൊണ്ട് കൊടുക്കുന്നതു്, നാണക്കേടല്ലേ? ,

ഇതിന്റെ ഹോസ്റ്റിംഗും നാട്ടില്‍ (കേരളത്തില്‍‌‌) തന്നെയാക്കണം. ഒരാള്‍ക്കെങ്കിലും കൂടി നാട്ടില്‍ തന്നെ ഒരു തൊഴില്‍ കിട്ടട്ടെ.

യാരു കേള്‍ക്കാന്‍?

ജിമ്മി ജസ്റ്റിസ്

2008-04-22T20:12:00.004-04:00

ന്യൂ യോര്ക്ക് നഗരത്തിലെ നിരത്തുകളില്‍, മറ്റെല്ലാ നഗരങ്ങളിലേതു പോലെ, ഫയര്‍ ഹൈഡ്രന്റും, നോ പാര്‍ക്കിംഗ് സോണുകളും ഒക്കെയുണ്ട്. തീ പിടിത്തമോ മറ്റോ ഉണ്ടായാല്‍, ഫയര്‍ ട്രക്കുകള്‍ വെള്ളം നിറയ്ക്കുന്നതു് ഫയര്‍ ഹൈഡ്രന്റുകളില്‍ നിന്നാണു്.

എന്തായാലും അവയ്ക്ക് അടുത്തെങ്ങും ഒരു വണ്ടിയും പാര്‍ക്ക് ചെയ്യരുതെന്നാണു് നിയമം.

സിവിലിയനൊരുത്തന്‍ അതിനു മുമ്പെങ്ങാനും പാര്‍ക്ക് ചെയ്താല്‍ ആയാള്ക്കു് എപ്പോ ടിക്കറ്റ് കിട്ടിയെന്നു ചോദിച്ചാല്‍ മതി. ടിക്കറ്റെഴുതി കൊടുക്കുന്നതു്, എന്‍.വൈ.പി.ഡി. യുടെ ട്രാഫിക് വിഭാഗവും.

ഇത്തരം നോ പാര്‍ക്കിംഗ് സോണുകളില്‍ ട്രാഫിക് പോലീസിന്റെ വണ്ടി പോലും പാര്‍ക്കു് ചെയ്യരുതെന്നാണു്, നിയമത്തിന്റെ കൃത്യമായ അനുശാസനം. എന്നാല്‍, ട്രാഫിക് പോലീസിനു തോന്നുന്നിടത്തു് തങ്ങളുടെ വണ്ടി പാര്‍ക്ക് ചെയ്യാം. ഉച്ചയൂണിനു വൈകുമ്പോള്‍ ഡിസ്കോ ലൈറ്റിട്ടു് ട്രാഫിക് ലൈറ്റുകളിലൂടെ സൂം ചെയ്തു് വിട്ടു് പോകാം. ആരു ചോദിക്കാന്‍, അപ്പനു അടുപ്പിലും തൂറാം എന്നൊക്കെയല്ലേ?

എന്നാല്‍, തികച്ചും സാധാരണക്കാരനായ ഒരുവന്‍ വീഡിയോ കേമറയുമായി എന്‍.വൈ.പീ.ഡി. ട്രാഫിക് പോലീസിന്റെ പിന്നാലെ കൂടിയിരിക്കുന്നു. നിയമം നടപ്പിലാക്കേണ്ടവര്‍ തന്നെ അതു ലംഘിക്കുന്നതിന്റെ വീഡിയോ വളരെ ശക്തമായ ഒരായുധമാണു്, നിഷേധിക്കാനാവാത്ത തെളിവും.

ആയാളാണു് ജിമ്മി ജസ്റ്റിസ്..! പൂച്ചയ്ക്ക് മണികെട്ടാനൊരുങ്ങിയ വീരന്‍. ആയാളുടെ ധൈര്യം ശ്ളാഘനീയം തന്നെ

ആന പിണ്ടിയിടുന്നതു കണ്ട് അണ്ണാന്‍ മുക്കരുതെന്നാണല്ലോ? ഇതൊക്കെ കണ്ടു് ഉത്തേജിതരായി തങ്ങളുടെ പ്രാദേശിക പോലീസിന്റെ മെക്കിട്ടു് കയറാന്‍ ചെല്ലുന്നതിനു മുമ്പ് ശരിക്കും ആലോചിക്കുക.

വെറുതെ കളഞ്ഞാലും

2008-04-04T22:13:00.001-04:00

ഇതെന്താണെന്ന് അറിയണമെങ്കില്‍, ആദ്യം പോയി ഇതും, പിന്നെ ഇതും ഒക്കെ വായിച്ചേച്ചും വരണം എന്നൊക്കെ തട്ടി വിടണം എന്നുണ്ടെങ്കിലും, എന്റെ ഖാസ് വായനക്കാരേ, ഇതാ സംക്ഷിപ്തം:

--
നമ്മളു് പിറന്നു വീണതേ ഡിജിറ്റല്‍ ക്യാമറയും കൊണ്ടൊന്നുമല്ല. എങ്കിലും, കാലാന്തരത്തില്‍ മറ്റ് ചൈനീസ് മെയ്ഡ് ഇലക്‌‌ട്രോണിക് സൗഭാഗ്യങ്ങള്‍ക്കൊപ്പം ഡിജിറ്റല്‍ ക്യാമറയും, ഫോട്ടോ സ്കാനറും ഒക്കെ കൈവന്നു. ഈ വന്‍ പുരോഗതിക്കു ശേഷം, പുതിയ ഡിജിറ്റല്‍ ചിത്രങ്ങളും വീട്ടിലെ പഴയ കുറെ ആല്‍ബങ്ങളിലെ ചിത്രങ്ങളും (സ്കാന്‍ ചെയ്തെടുത്തവ) ഒക്കെ ലാപ്‌‌ടോപ്പിന്റെ ഹാര്‍ഡ് ഡ്രൈവിലും, അവയുടെ മറ്റൊരു പകര്‍പ്പ് യാഹൂ ഫോട്ടോസിലുമായിരുന്നു സൂക്ഷിച്ചിരുന്നതു്. അതിനിടയില്‍ ഒരു സുദിനത്തില്‍ ടി ലാപ്‌‌ടോപ്പിനു വയറ്റത്തിരിക്കെ അപായകരമായ ദണ്ണം വരികയും, അതില്‍ ഞാന്‍ വളരെ വ്യാകുലചിത്തനാവുകയും ചെയ്തു. വ്യാകുലത മൂത്ത് വന്‍ ദേഷ്യമായപ്പോള്‍ ശ്ശടേ-ന്നു ചാടിയെണീറ്റ് വയറ്റത്തിരുന്ന ലാപ്‌‌ടോപ്പിനെയെടുത്തു് പ്ഠേന്നു താഴെത്തല്ലുകയും, എന്നിട്ടും കലി തീരാതെ അതിനു പുറത്ത് കാലു കൊണ്ട് ചവിട്ടിത്തിരുമ്മുകയും ചെയ്തതിനെ തുടര്‍ന്നു് ടി ലാപ്പന്‍ ശവമായി ഉടന്‍ പരിണമിച്ചു.
--

"ഒണ്ടേല്‍ ഓടണം ഇല്ലേല്‍ മാണ്ടാ" എന്ന തത്വം പ്രകാരം, പുതിയതൊരു ലാപ്‌‌ടോപ്പ് ഉടനെ തന്നെ വാങ്ങിച്ചു്, ഭം‌‌ഗിയായി വിന്ഡോസ്സ് എടുത്ത് കളഞ്ഞു്, പകരം ഉബണ്ടു ലിനക്സ് ഐശ്വര്യമായി ഇന്സ്റ്റാള്‍ ചെയ്തു, ലെവലായി. ഫോട്ടോകളെക്കാള്‍ ലാപ്‌‌ടോപ്പിനു വേണ്ടിയായിരുന്നു അന്നാളുകളിലെ പരവേശം. തന്നെയുമല്ല, ഫോട്ടോകള്‍ യാഹൂ ഫോട്ടോസിലുണ്ടല്ലോ എന്നൊരു വ്യര്‍ത്ഥമായ ആശ്വാസവും നിലനിന്നിരുന്നു. (മാഞ്ചിയത്തിലും ആടിലും ഒക്കെ ഇന്‍വെസ്റ്റ് ചെയ്ത പാവം നിക്ഷേപകന്റെ മാതിരി ഒരു മൂഢ സ്വര്‍ഗ്ഗം..!)

അങ്ങിനെ എല്ലാം സുന്ദരമായി സുരക്ഷിതമായിരിക്കുന്ന നേരത്തിലാണു്, യാഹൂ ഫോട്ടോസ് പൂട്ടി ഫ്ളിക്കെണിയൊരുക്കാന്‍ യാഹൂ തീരുമാനിച്ചതു്. കുഴപ്പമില്ല, ഈ കൂപ്പിയിലെ വീഞ്ഞ് ആ കുപ്പിയിലേക്ക് മാറ്റുന്നൂവെന്ന് സമാധാനപ്പെട്ടിരുന്നുവെങ്കിലും, ഒരു ദിവസം ദാ ഈ ഹൈജാക്കിംഗ് നോട്ടീസ്സാണു് കണ്ടത്.

അതായതു, 200 പടങ്ങള്‍ മാത്രമെ കാണിക്കൂ, എന്റെ ബാക്കി പടങ്ങള്‍ മൊത്തം വേണമെങ്കില്‍ തുട്ട് കൊടുക്കണം എന്നു്. വെറും $ 24.95 മാത്രം. ഒരു വര്‍ഷത്തേയ്ക്കു്..!

ഒരു നേരം ആലോചിച്ചതുമാണു്, 25 ഡോളര്‍ കൊടുത്താലും എന്റെ ഫോട്ടംസ് എടുത്ത് സൂക്ഷിച്ചു വെയ്ക്കാനാവുമെങ്കില്‍ അങ്ങിനെ ആയാലോ എന്നു്. പക്ഷെ, പാവം മലയാളം ബ്ളോഗന്മാര്‍ക്ക് പൊതുവെ യാഹൂവുമായ് നിലവിലുണ്ടായിരുന്ന "വളരെ നല്ല" ബന്ധം കാശു കൊടുത്തേക്കാം എന്ന ദയനീയ വിചാരത്തെ മലര്‍ത്തിയടിച്ചു. -- എന്നു വെച്ചാല്‍ കാശു കൊടുക്കാന്‍ മനസ്സുണ്ടായില്ലാന്നു സംക്ഷിപ്തം.

തല്ലിപ്പൊട്ടിച്ചതെങ്കിലും, ലാപ്പനെ കളയാതെ ഇത്രയും നാള്‍ മൂലയ്ക്ക് മാറ്റി വെച്ചിരിക്കയായിരുന്നു. എന്നെങ്കിലും അതില്‍ നിന്നും ഫോട്ടോകളും മറ്റു ഫയലുകളും റിക്കവര്‍ ചെയ്യാനാവുമെങ്കില്‍ എന്നു കരുതി. ഒരുപാടു നാളുകള്‍ക്ക് ശേഷം, ഒടുവില്‍ ഇതിനി ഒന്നു ചെയ്തു നോക്കാം എന്നു കരുതി, Laptop To IDE Hard Drive Adapter ഒരെണ്ണം വാങ്ങി. (ലിങ്ക് : ഒന്നു്, രണ്ട് ). വില ഏകദേശം 5.00 ഡോളര്‍. (ആദ്യം എവിടുന്നേലും ഫ്രീയായിട്ട് കിട്ടുമോന്നു് നോക്കീതാ, പരിചയമുള്ളവര്‍ടെ കൈയ്യിലൊന്നും ഈ അഡാപ്റ്റര്‍ ഇല്ലായിരുന്നു.)

ഈ കുന്തം ഉണ്ടെങ്കില്‍, ലാപ്‌‌ടോപ്പിലെ ഹാര്‍ഡ്‌‌ഡ്രൈവിനെ സാദാ ഡെ‌‌സ്ക്‌‌ടോപ്പിലെ ഐ.ഡി.ഈ. ബസ്സില്‍ ഘടിപ്പിക്കാം. ടി അഡാപ്റ്റര്‍ കണക്ടിയ ഹാര്‍ഡ്‌‌ഡ്രൈവാണു് അടുത്ത ചിത്രത്തില്‍:

ഇതിനെ കേബിളൊക്കെ കുത്തി എന്റെ ലിനക്സ് മെഷീനേല്‍ ഘടിപ്പിച്ച് ഡാറ്റാ കോപ്പി ചെയ്യുന്ന നേരത്തു് എടുത്ത ചിത്രമാണു് അടുത്തതു്:

ദൈവാധീനം കൊണ്ടും ഭാഗ്യം കൊണ്ടും അല്പം റീഡ് എറര്‍ കാണിച്ചെങ്കിലും എന്റെ ഫോട്ടോ ഫയലുകളെല്ലാം (ഏകദേശം 3000-ഓളം) തിരികെ കിട്ടി. കൂട്ടത്തില്‍ മറ്റു പ്രധാന ഫയലുകളും.

പറഞ്ഞു വരുന്നതെന്താന്നു വെച്ചാല്‍ -

(1) അതിപ്രധാനമായ ഫയലുകള് ഓണ്‍ലൈനില്‍ മാത്രമല്ല, സീഡി/ഡീവീഡി തുടങ്ങിയയിലും കൂടി അത്യാവശ്യം ബാക്കപ്പ് എടുത്തു സൂക്ഷിച്ചോണേ..!
കിട്ടാനാവാതെ വരുമ്പോള്‍ മാത്രമാണു് വേണമെന്ന ചിന്ത പരവേശപ്പെടുത്തുന്നതു്..! (2) നിര്‍വാഹമുണ്ടെങ്കില്‍, എന്റെ ബിസിനസ്സ് യാഹുവിനു കിട്ടില്ല, കട്ടായം..!

.

അപ്പോള്‍ ഇങ്ങനെയാണു്..

2008-04-02T23:24:00.000-04:00

ക്രിയേറ്റീവ് ലാബ്സിനെ പറ്റി അറിയാത്തവര്‍ ചുരുങ്ങും - സൗണ്ട് കാര്‍ഡുകളും മറ്റും ഉണ്ടാക്കുന്നവരാണു് ക്രിയേറ്റീവ്.

മദര്‍ബോര്ഡില്‍ തന്നെ നല്ല ഗുണ നിലവാരമുള്ള ഇന്റഗ്രേറ്റഡ് സൗണ്ടും മറ്റും വരുന്ന ഈ വന്നകാലത്തു്, ആരും വലുതായി ക്രിയേറ്റീവ് ലാബ്സിനു പിന്നാലെ പായാറില്ല.

അല്ല, ക്രിയേറ്റീവിനു പിന്നാലെ പാഞ്ഞിട്ടും കാര്യമില്ല - വിസ്താ ഓട്ടുന്നവര്‍ പാഞ്ഞിട്ടു ഒരു ഗുണവും തീര്‍ത്തുമില്ല. . അല്പസ്വല്പം അപശബ്ദവും പൊട്ടലും ചീറ്റലും പാകപ്പിഴയും തേമ്പലും ഒക്കെയുള്ള ഡ്രൈവര്‍ സോഫ്റ്റ്വെയറാണു് വിസ്തയ്ക്ക് വേണ്ടി ക്രിയേറ്റീവ് നല്‍കിപ്പോരുന്നതു്. അതെന്താന്നൊന്നും ചോദിക്കരുത് - അത് അങ്ങനെയാ, അതു മതി. വിസ്തയല്ലേ, പോതും.

ഈ പൊട്ട ഡ്രൈവര്‍ സോഫ്റ്റ്‌‌വെയറിനെ, വിസ്റ്റയ്ക്ക് വേണ്ടി ഫ്രീയായിട്ട് ഓപ്റ്റിമൈസു് ചെയ്തു കൊടുത്തിരുന്ന ഒരു പാവം ബ്രസീലിയന്‍ മോഡറിനു മേല്‍ ക്രിയേറ്റീവിന്റെ വൈസ് പ്രസിഡണ്ട് കുതിര കയറാന്‍ ചെന്നതാണു് ക്രിയേറ്റീവിന്റെ ലേറ്റസ്റ്റ് അബദ്ധം. കുതിര കയറ്റത്തിനെ പറ്റി ആധികാരികമായി ഇവിടെ വായിക്കാം.

അക്കൂട്ടത്തില്‍, ക്രിയേറ്റീവിന്റെ വൈസ് പ്രസിഡണ്ട് ഒരു കാര്യം കൂടി സമ്മതിച്ചു -

O'Shaughnessy suggested that Creative Labs deliberately tailored its Vista drivers to be less capable than those released for Windows XP:
"If we choose to develop and provide host-based processing features with certain sound cards and not others, that is a business decision that only we have the right to make," wrote O'Shaughnessy.

തന്നെ, തന്നെ - കാശു കൊടുത്തീ പാതി വര്‍ക്കുന്ന പുല്ലൊക്കെ മേടിക്കുന്നവന്‍ പൊട്ടന്‍, സമ്മതിച്ചു. ഇനി അബദ്ധം ഉണ്ടാവാതിരുന്നാല്‍ മതിയല്ലോ?

അപ്പോള്‍, ഇങ്ങിനെയാണു്

(1) ലിനക്സ് ഉപയോക്താക്കള്‍ ഉണ്ടാവുന്നതു്.
(2) ലിനക്സ് ഡെവലപ്പേര്‍സ് ഉണ്ടാവുന്നതു്.
(3) ക്രിയേറ്റീവ് ലാബ്സിനു ബിസിനസ്സ് നഷ്ടമാവുന്നതു്.

റെഫറന്സ് ലിങ്കുകള്‍ -