Charisma

انا غريبه ؟

2008-07-21T23:09:00.005+03:00

فى موضوع ابى اتشاركونى فيه بالصداقات والعلاقات الاجتماعيه
وايد اسمع من الى حوالى ويعرفونى انى انسانه غريبه
اشلون قادره اتحملين س من الناس وتستمر علاقتج فيها كل هالسنين
اشلون عندى صداقات متنوعه يعنى عندى صديقات متحررين للابعد الحدود وعندى صديقات متدينين هم لابعد الحدود
والاثنين ما اقدر استغنى عنهم بحياتى لان بينه عمر

الى يهمنى بالانسان او الانسانه الى تكون معاى طول العمر ولا اخسرها قلبها!! القلب النظيف عندى اهم من طريقتها بالحياة ونظرة الناس لها ما تهمنى !! الى يهمنى راحتى النفسيه معاها الى يهمنى معدنها الى يهمنى وقفاتها معاى ومواقفها

كل انسان وسلكه وطريقته بالحياة اهم شى انى ما اتأثر وثابته بسلكى وقناعاتى بالحياة
الى يعرفنى من سنين يعرف سلكى وطريقتى ما تغيرت اوكى نضجنا كبرنا اهتماماتنا تتغير تفكيرنا يتغير بس قلوبنا نظيفه الحمدالله
انا ما اتدخل بحياة صديقاتى اهم شى انى ما انافق واصفق للغلط واسكت الغلط اقول غلط لانى احبها واختلاف الرأى لا يفسد للود قضيه مثل ما يقولون ، ممكن انا شرق واهى غرب بالتفكير بس نحب بعض ومحافظين على استمرار علاقتنه تتوقعون ليش؟؟

الى قربنى من هالبنت ومستمره معاها كل هالسنين شى انتو ما تشوفونه
ما عليكم منى الحين بس حبيت اوضح الموضوع واعطى فكره لجم سؤال ودى اعرف اجابتهم معاكم واسمع وجهات النظر

مقدمه طويله عشان سؤالين
هل تستنكرون علاقات البشر بهالطريقه الى تكلمت عنها ؟؟
هل انت من النوعيه الى تحكم على الوحده من صداقاتها واذا اى على اى اساس ؟؟

نفس عمييييييييق ... Back

2008-07-20T09:47:00.004+03:00

حايشنى ملل مو طبيعى من كل شى

احتاج كسره روتين بأقرب وقت ممكن

***

من القرارت الصعبه الى تمر على قرار السياره اليديده

الفتره الى فاتت كنت حدى محتاره وبحوووسه على هالقرار

ما ادرى شاخذ !! تقلص القرار بين سيارتين والله لايوارييكم

استخرت والنهايه توكلت على الله وشريت السياره

مو هنى السالفه

السالفه انى صايره قزيزه ما اهيع

كله بالشوارع احوس هههههههههه

صرت سايق البيت اخلص كل المشاوير المتعطله من وناستى بالسياره

بتقولون هذى بحد ذاته كسره روتين

بقول يمكن بس ما ادرى ناقصنى صوت غاب عنى

صوتك ينادينى

HAPPY BIRTHDAY REEMA :**

2008-07-18T11:05:00.003+03:00

كل عام وانت بخير وصحه وسلامه والله لا يخلينى منج

الصوره وايد اعجبتنى متنقصتها لنا بيربل

شكرا بيربل اتنقصلج العافيه

:)))

اعانى من حالة العدواينييشن ://

2008-07-15T11:50:00.003+03:00

احتاج برييك

اشوفكم على خير

الاكيد انى انا الى ما اشتهيت !!

2008-07-11T23:48:00.005+03:00

سهل علينا انواسى الغير وانهون وانخفف عليهم بس لما توصل المسأله لى عندك

توقف عاجز ولا تقدر اطبق كلامك الى كنت تنصح فيه غيرك عليك انت
اضحك على نفسى الموضوع حله بيدى وسهل

ولا يتطلب كل هالتعب بس شقاعد يصير !ؤ

شعور بايخ انك تكون ضعيف جدام مشكله انت عارف حلها

فى شى بداخلى ما اقدر اسوى كنترول عليه بسهوله !!ؤ

النسيان
مرات اقول ليت كل الى ابى انساهم وابعد عنهم جرحونى قبل لا يمشون
كل الى مروا على بحياتى وانتهوا بجرحى واتركوا ذكرى اليمه نسيتهم

واذا ذكرتهم بسرعه القى عقلى يبعدهم وفرقاهم عيد بس المشكله

بالى راح بذكرى حلوه المشكله بالى راح ولى الحين احتاج وجوده وابيه

المشكله بالى ما شفت منه الا كل خير بس الدنيا ابعدته
ابعدته الظروف ابعده القدر كلهم بالنهايه يتساوون بعدم وجودهم بحياتى
الله يذكركم بالخير

اغنيه بشريط عبدالمجيد اليديد يقول فيها
ياما حاولت الفراق وما قويت
كنت ابى انساه لكن ما نسيت
ما عصانى قلبى بعمره ولكن
الاكييد انى انا الى ما اشتهييت

ترى صج اذا القلب ما اشتهى ينسى ترى ما ينسى لو تمر الايام والسنين ما ينسى
والى مشتهى ينساه ينساه ولو يمرذكراه ما يأثر
وحاليا قلبى مو مشتهى ينسى

ياما حاولت الفراق

ابتسم !!

2008-07-07T08:07:00.002+03:00

ليش ابتسم ؟؟

مانى فاهمه!!ؤ

صابك غرور والغرور لما يصيب مشكله !!!

2008-07-02T18:27:00.003+03:00

فى ظاهره اسمها حديثين النعمه اتوقع مرت على الكثر ، هذول سلمكم الله الى اييهم الخيروالفلوس والحريه من عدم فجأه ، وتنطلق ويصير لهم صييت بعد ما كانوا متحسرين بحياتهم .. فتلاقيهم مو قادرين يسوون كنترول على روحهم والناس تنفر من مقاعدهم وملعوزين الى حواليهم فى انا وانا وسوينا وحطينا ورحنا ويينا وكل الى يعرفهم شكانوا اول وشصاروا بلاحظون التغير ويقولون الله ارحم
هالناس اذا قعدت معاهم اتحمد ربك ،و ودك تكفخهم بكبر ما عندك ... بس المشكله الى تحبهم وتدرى فقلوبهم طيبه اتحاول تبلعها وتجامل وتبتسم !!!ؤ

***********

فى ظاهره يديده الحيين طاافحه بالمجتمع اهى ظاهره حديثيين الشهره
هذى الحاله كسييفه جداجداجداااا هذول الى مالهم وجود بالمجتمع خذولهم جم شهاده وقاموا يطلعون بالتلفزيون والصحف والمجلالات وعااشو دور الشهره
تلاقيهم يمشون ويتلفتون ويتبوسمون حق خلق الله
فتستغرب من الوضع !!! وتقول شفيها فلانه ولا شفيه فلالان يمشى ويتلفت ويضحك
تكتشف بعدين ان لهم برامج تلفزيونيه ويحطونهم بالصحف والمجلات
بحضورهم يبون الكل يسكت الا اهم الى يتكلمون
ويبدون بالمقاعد يعيشون الدور ويسكتون الكل بس اهم الى يتكلمون
بس اهم الى يفهمون وبس اهم الى خذوا شهادات
هذوول ما ودك بس تكفخهم بكبر ما عندك لالالا
هذوول ودك تحذفهم من الدريشه

********************

العيال كبرت

اليوم دمعه انزلت من عينى ما انساها لان كانت غير، اول مره تنزل من عينى دمعه شعورها واحساسها ياخذنى الى شريط يمر جدامى شريط طفوله بنت قاعد تكبر جدام عينى واسمع سوالفها من واهى صغيره والسوالف مع كل سنه تتغير وتنضج لما يه اليوم الى اتسولفلى امها انها كبرت ومعالم البلوغ قاعد اتبين عليها !!! انا مو مستوعبه ان الياهل فزت وكبرت وصارت مره
ما حسيييت بنفسى الا شريط طويل مر على بذكرياتى مع امها القريبه من قلبى وروحى
وعن كل سالف سولفتلى اياها عن ابنيتها ... اااخ يا قلبى اسم الله عليها الرحمن الرحيم :))
السنين تركض يا ام يوسف والله يبلغج فيها عروس ويحفظها من كل شر

سكنت الحنايا ...

2008-06-29T17:56:00.007+03:00

غديت أنا وانتي .. أنا وانتي طفلة وطفل ..

تبكين ف وداعي وأنا كني مفارق أهل

بيتٍ صغير ودربٍ كهل ..

ياللي على خدك كحل .. ما للبكا داعي

ياللي سنا عيونك أمل .. لا تقتليه تتألمي ما للبكا داعي

يا أول مواعيدي .. يا آخر مواعيدي

انتي فرح عمري .. جرحي وتسهيدي

أفارقك ليلة .. يا طولها ليلة

وأجيك أنا باكر وقلبي على ايدي

ومدري سبب خوفك .. وانتي العمر شوفك

ياللي على خدك كحل .. ما للبكا داعي

ياللي سنا عيونك أمل .. لا تقتليه تتألمي

ما للبكا داعي

وغديت أنا وانتي .. طفلة وطفل

تبكين .. تبكين .. تبكين في وداعي

بدر بن عبدالمحسن

عبدالمجيد عبدالله - طفلة وطفل

بما ان عسرتنى الاغنيه ما لقيتها عشان تسمعونها

فبكسر فيكم كسرة واهديكم

على بن محمد

عجييبه بصوته

سكنت الحنايا

فلاشات .. هم يضحك وهم يبجى

2008-06-25T21:26:00.004+03:00

الام : ليش صاكه عليج غرفتج وشايله الدنيا على راسج ، كل هذا عشان سياره
الى يقدر عليه ابوج اعرضه لج والسياره الى تبينها فوق طاقته ! لا تنسين عندج خوات وخوان لهم حق بالفلوس معاج ، مو معقوله بتاخذين حق خوانج
المثل يقول مد ريلك على قد الحافج والسياره الى عرضها عليج ابوج ما فيها
خلى عندج قناعه لا تلتفتين على غيرج ! عمرها السياره ما نزلت من قدر بنى ادم
ولا صعدته واحترام الناس لج ومحبتهم ما ايى من مظاهر

***********

الله كريم حبيبتى لا اضيقين خلقج ، كل الى ايى من الله حياه الله وهذا رزق من رب العالمين
اى بس هذا البنت السادسه !!
ومن شكى لج الحال
ادرى ان بخاطرك الولد وانا ما يبته لك

**********

ابى ادرس بره لى متى هالتخلف والجهل الى انتو فييه
اصص ولا كلمه خوفنا علييج مو جهل ، اشفيهم جامعات الكويت
خليج قريبه منا احنا انحاتيج ولا نبيج اتغربين

*****

الولد طلع فيه كانسر بالدم تعرف يعنى شنو كانسر بالدم يعنى ولدى الوحيد بيموت بيروح من ايدى واحنا نتفرج عليه
شطالع بيدى اسوى اذا ودينا تقاريره فرنسا وطلع العلاج هناك مثل الكويت
خل نبدى العلاج قبل لا يفوت الفوت
لالالا ولدى اتسفره يعنى اتسفره
من ويين بسفره اذا الديره مو ملتفته لنا ، ابووق يعنى

****************

اقولج حب 4 سنين باعه ونسااه بتزوجه امه وحده ثانيه !!! امه ماا تبينى
انتى من صجج مو نهاية العاالم هالرياال !!! لا ترخصيين نفسج ولا تكدرين عمرج
الى ما يبيج وباعج بيعيه ما يسوى الموضوع كل الى مسويته بنفسج

****************

انا اقولك تزوج !! روح تزوج صارلى معاك 15 سنه ومالله رازقنه
والعيب فينى وانت تدرى رووح تزوج العمر يركض فينا واحنه ما نحس
لا تشيل همى انا اتمنى اليوم الى اشوف بيبى بيدك

***************

ليش ما انسافر حالنه حال العالم الحين الى عنده والى ما عنده يسافرون
يا اخى اقترض
شلون اقترض وعلى اقساط السياره ووالبييت
ليش كل سنه لازم انسافر ليش انتكسف يعنى
مو شغلى انا اسافر هالسنه يعنى اسافر

***************

مر على وفاتها سنتيين ولى الحين انتى محزنه
مانى قادره انساها ولانى قادره افرح
بس مالله امر تدفنين روحج بالحزن حرام علييج
التفتاى حق عيالج وبيتج ترى لهم حق علييج

*****************

تخيلى يكلم معاى 2 غيرى!!! الله فضحه
انا معورنى قلبى على عمرى الى راح مع انسان ما يستااهل!!
ولى متى هالحاله لا اكل لا شرب لا نوم صحتج كل مالها وبالنازل على شنوو

************

انتى موظفه وعندج معاشج
معاشى ما يكفى والجنطه الى ابيها 900 دينار
اى مالله امر تشترين جنطه بهالسعر وانتى معاشج 400
مو حاله هذى يا نعطيج يا بتضربيين بوز

*************

ساعدنى ابطل شرب مانى قادر
اليهال قاعد يكبرون والمره الى بالبيت ما تستاهل الى اسوى فيها
تعبان ولايعه جبدى من نفسى

************

قاعده اذلنى وقاعد اتعاملنى اردى معامله ومانى قادر استوعب انها ما تصلح لى
تعبان منها ولا اقدر افج عنها حبها يجرى بدمى
وحتى المر منها والمذله صار لها طعم
تعبااان ولا ادرى شسوى

*****************

وينك يا خوى ما نشوفك اعتزلت الدنيا والناس
انت مو اول واحد يخسر فلوسه بس تحبس نفسك بهالطريقه وتدفن روحك ترى ما يرجع الى راح

**************

الدكاتره قالوا ما فى امل ترد تمشى بعد الحادث
لازم نكون اقويه جدامها عشان تتقبل اترد للحياة بهالاعاقه
اهى بعمر الورد والصدمه عليها قويه

************

ماكو دراسه اطول اكثر من 10 سنيين روح شوف الولد الى حلتله القعده شوفه شمقبر هناك راح وقال عدولى انا لا ليلى ليل ولا نهارى نهار وانت ولا هامك ما جنه اولدك

**************

يمه انا قتلج عشان لا تنصدمييين فينى بعد العمليه
يا بنتى ويهج ما فيه شى لا اتغيريين خلقة رب العالمين
توج تافخه براطمج والحين درتى على خشمج وشديتى جسمج
بعد شبقى ما سويتيييه
تعبتينى معاج كل عمليه اشوفج من سيىء لى اسوء

***************

الحياة معاه مستحيييله يشك حتى بروحه
ما فكرتى باليهال من بعد طلاقج
الطلاق مو اخر الدنيا بس انا تعبت مانى قادره اتحمل اهانات اكثر من جذى
الحياة صايره جحييم معاه

*************************

كل المواقف الى ذكرتها واقع يضحك ويبجى
بحياتنا اليوميه يمرون علينا
الحمدالله على كل حال
الى مر عليه موقف من هالمواقف والى ما مر عليه
ناس تاافهه ونااس صابره ناس مو مقدره معنى الصحه والعافيه
ناس لاهيه بعالم ثانى وناس اتعذب
دنيا

وانا اكتب هالبوست ذكرت هالاغنيه

متى ودك الارض تنشق وتبلعك .. :P

2008-06-22T00:59:00.001+03:00

تمر علينا مواقف ودنا الارض تنشق وتبلعنا فيهاا
وانا فينى عيله وطفاقه ومرات ما احاسب على كلامى

ماره مركز سلطان ماخذه شامبو ما القاه الا عندهم وزحمه طوابيييييييييير على الكاشير
واقفه معاى صديقتى بس بيدى الشامبو بسرعه بحاسب وبطلع
جدامى هندى وعرباانته متروووووووووسه جان تقولى صديقتى وااى يا ريت هالهندى يطوفنا جدامه
جان ارد عليها مالج امل وشكله نحييس جان تقولى جربي كلمييه قتلها ليش انتى ما تكلمييينه
وقعدنا انتناااجر ما وعييت الا الى ملتفت جان يقولنا تفظلوا حاسبو قبلى
طلع كوييييييييييييييييتيييييييييييييييييييييييييييييييييييي
تسمرت ابييه من الفشله ودى اقط الى بيدى واطلع
قتله عفوا والله اخوى ما ادرى
التفت على الحلوه الى يمى الا منحاااشه
*********

موقف ثانى
مسويه عمليه السنه الى فاتت وزايرينى بنات الدوام
يايين يخطونى السو دشت بنت معانا بس علاقتى فيها مو كلوز يزاها الله خير
سلمت وقعدت ما اعرف اسمها بس طبعا ما بينت ولا قلت هللت ورحبت
الدار متروووسه وصل بوكيه ورد يابتلى اختى البطاقه
الحين البنت قاعده جبالى جان اقولها يا ربى بنات الدوام كثروا ما قمنا انثبتهم
الحييين يسلمج شتطلع فلالانه الفلانى ما اذكرهاا
جان تقولى انا
هههههههههههههههههه
صعب اوصف شعورى بهاللحظه
ليتكم شايفين اهلى شصار فيهم
لووووووووووووووووووول
مشكله والله المواقف هذى يحوشنى فيها شلل من الحيا على تانيب الضمير على الفشله على الغباااااااااء الى احس فيه شرقع شقوووووووووووووووول وشحجى

********

اكيد مرت عليكم مواقف ودكم الارض تنشق وتبلعكم
خل نضحك لانى بموت من القمته وكل شى حوالى صاير يكدر

كان ياماكان حب ....

2008-06-15T13:52:00.003+03:00

يقولون : في الليل المنخور بالوجع

تنمو بذرة النسيان وتصير غابة تحجب وجهك عن ذاكرتي ...

لكن وجهك

يسكن داخل جفوني

وحين أغمض عيني : أراك !..

عشنا أياما مسحورة

كمن يسبح في بحيرة من زئبق وعطور

ويركب قاربا في انهار الألوان لقوس قزح

مبحر من الأفق إلى نجمة الرعشة ...

كان ياما كان !..

وكانت السعادة تصيبني بالارتباك ..

وحدها تخيفني لأنني لم اعتدها ..

فأنا امرأة ألفت الغربة

وحفظت أرصفة الوحشة

والصقيع وأتقنت أبجدية العزلة والنسيان...

وأعرف ألف وسيلة ووسيلة لأحتمل هجرك

أو كل الألم الممكن أن تسببه لي ...

ما لا أعرف كيف أواجهه هو سعادتي معك ...

وحينما أصير مثل آنية كريستال شفافة ممتلئة برحيق الغيطة

وبكل الفرح الممكن أرتجف خوفا أمام السعادة ...

مثل طفل منحوه أرنبا أبيض

ليقبض عليه للمرة الأولى في حياته ..!

وكنت دوما أصلي : رب ارحمني من سعادتي

أما تعاستي فأنا كفيلة بها .. آه !..

كان ياما كان حب ...

وكنت بعد أن أفارقك مباشرة يخترقني مقص الشوق اليك ...

وتزدحم في قلبي كل سحب المخاوف والأحزان ..

وأشعر بأن البكاء لا يملك لي شيئا فأضحك !!

وتركض الي حروفي فأكتبها وأستريح قليلا بعد أن أكتب ..

وأفكر بحنان بملايين العشاق مثلي

الذين يتعذبون في هذه اللحظة بالذات

دون أن يملكوا لعذابهم شيئا

وأصلي لأجلي و لأجلهم

وأكتب لأجلي ولأجلهم ...

وأترك دموعهم تنهمر من عيني

وصرختهم تشرق من حنجرتي ...

وحكايتهم تنبت على حد قلمي ..

مع حكايتي ..

وأقول عني وعنهم : كان ياما كان حبّ ...

غاده السمان

كان ياما كان

دندنه ....

2008-06-12T17:48:00.004+03:00

صوت عبدالمجيد عبدالله احبه وايد واحسه بسرعه يدش روحى صوته حنون وكلمات اغانيه قويه
بس ما انكر بالفتره الاخيره قام يخوره ما يعجبنى باختياراته مو مثل اول
وبالفتره الاخيره وين وين ما نسمع شى زين
المهم اليوم مودى كان مجيد ما ادرى ليش فتحت مدونتى ودى اكتب الكلمات القريبه الى تحمل معاها اجمل ذكرياتى
صارلى ثلاث ايام بالبيت تعبانه ومتملله من قعده البيت بس ما باليد حيله قلت اتسلى

**********

محسب يجينى يوم اكذب احساسى ولا اقول للليل طولت يا قاسى
سقى الله امسى العاشق ونورك بالسما شارق
تعاطينا المحبه شوق تساقينا هوانا ذوق
نقول للليل لا ترحل ترى الباقى معك اجمل
سرينا والوعد باكر حضرت ولا حضر باكر
وانا انا انتظرت ازمان

*************

انتى فى عينى جميله وانتى فى قلبى اصيله
وانت قصه الف ليله من حكايات الخيال
والله ايه بالجمال
يا بعد عينى وروحى يا معاناتى وجروحى
اتبعك لو قلت روحى واشترى بعمرى وصال
والله ايه بالجمال

***********
انا لى مكان بين النجوم فوق السحاب اغسل بالوان الفرح كل العذاب
متواعدين انا وهنا روحى متواعدين انداوى اجروحى
يروى ضماى والقى هناى ، فى سنا فجرى وحبنا يسرى
يا منى عمرى انا لى مكان بين النجوم فوق السحاب اغسل بالوان الفرح كل العذاب
للمستحيل خذنى معك مره للمستحيل بحلوه وبمره
خذنى بيدى معك ابتدى فى سنا فجرى وحبنا يسرى

*******

تصدق الاحلام
انتى الى بنتظرك عمر وانتى الى بصحالك وانام
حبينى بس خلينى احس ان الهوى ماهو كلام وان الامل ماهو كلام
وتصدق الاحلام
اضحك وحيد وابكى وحيد انتى الى بالدنيا معى وانت البعيد
يا نجومها والله بعيده انجومها يا همومها واشكثر احب اهمومها
حبينى بس خلينى احس ان الهوى ماهو كلام وان الامل ماهو كلام
وتصدق الاحلام

****************

الشمس في تالي نهاري ضعيفه خلت رسايلها وراحت خفيفه

وليف ودع خافقه مع وليفه الله يعين القلب بالليل وان طال

بالله يا شمس العصر لا تغيبين الغيم والورده وانا لك حبيبين

متى على خير وسلامه تعودين ميعادنا باكر على ميله ظلال

**************

لقيت بك عمرى الى ضاع ولقيت انا فيك الامان
لو بيدى يا حبيبى جان اعرفك من زمان
لحظة الى تلتقى بى يبتسم حظى ونصيبى
ومثل انا ما اقول احبك انت قول انك حبيبى
هو صحيح انى قدرت اوصلك لكن مانى عارف وين ابوصل بالمحبه
فوق هذا الحب احبك

****************

شائت الاقدار يا زين الطباع فى فؤادى تطبعك
اذكر الماضى وحسك من ضياع قلبى ما بعد ضيعك
قد حفظ عهدك وصانك الله الله بالامانه
يوم امنتك بقلبى الله الله بالامانه
انت محبوبى بحق وبلا نزاع من يدى ويش انزعك
بعت لك حريتى الى ما تباع دوب امشى واتبعك
ما افترق منك بنانا
وان بعدت اليوم بكره الاجتماع الزمن با يجمعك
بالوطن هذا بخير البقاع باوصلك ما اقطعك

****************

يا عزة نفس خانتنا سببها يوم تعاندنا ولا فكرنا نخفيها
يا قلوب صغيره ودتنا طريق الشوك وهدتنا
خبرة حب ما فيهاا تندمنا تالمنا بعد من الفرصه فاتتنا فى كل لحظه نعانيها
وتغربنا تباعدنا

************************

هذاك اول اذا قلت بتخلينى تبين دمعتى بعينى
ما عاد يهمنى بعادك ما عاد اهتم مثل اول
انا قلبى ترى اتحول
اذا بتزعل يا اخى ازعل ولا اتسامح
انا قصدى كذا واضح ترى اتسوى الجروح اكثر
ما عاد اهتم مثل اول

************************

والله فاضى جاى تحكيلى همومك وانت تحسبنى من الهم فاضى
بس تدرى شلون انا ما راح الومك محد فى عيشته يا عمرى راضى
خلنى فى يومى اعيش وعيش يومك والقدر ما عليه اى اعتراضى
وان كان ماضى قلبك منسيك نومك منهو فينا يا حبيبى ماله ماضى

***********************

وهذى لكم

أتبعك

احتاج توضيح ....

2008-06-10T08:33:00.003+03:00

من كثر ما الموضوع حارنى ومكدرنى مانى قادره اطول فيه وبحاول اختصر واييبها من الاخر

سؤال موجه لمحبى التلفاز الى يجابلون ويعرفون بالبرامج

قط مره شفتو فضائيات دوله تتفنن وتتنافس فى نشر غسيلها؟؟

ليش كل شينا طالع للعالم وزينه مخشوش؟؟

هالامور الى الجماعه الاعلامييين ينشرونه للعلن موجود بكل الدول ، اتحدى واحد يقولى هالديره ما فيها هالامور

بس ما اشوفهم تكلموا بشكل اوووفر وقالوا دولتنا فيها وما فيهاا

احنا ما تعودنا على هالشى ودولتنا صغيره ماهى كبيره بتحل المشكله عن طريق طرحها حلها بطريقه افضل

نفتح التلفزيون نحتر على ديرتنا وانتحسر عليها ،الكل يلطلط فينا وما فيناا وقناااة الوطن بالذاااات حدث ولالا حرج

مطلعيين ديرتنا بطريقه مأساويه

خلصنا من مسلسلات فجر السعيد وبينا للعالم بان اسرنا متفككه وتلفانه

ييناك حق خالد العبدالجليل ابدااع بالفضيحه ولالا عاد خالد قام يطلع بره الكويت ينبر ويدور اغلاط الكوتيين وينشرها

من ينافسك يا خالد ايييك نبيل العوضى

ليش ما نتكلم عن محاسنا قبل عيوبنا

ليش انفر الناس منا ؟ ليش لما ينقال الكويت لازم اييك وراها وعليه والكويت ماهى امان والكويت فيها وما فيها

والشعب تلفان و و و كل الصور الدراميه المأساويه منسوبه لنا

وما الوومهم هذا الكلام يطلع من اعلامنا والناس لها الظاهر

اذا انا غلطانه فهمونى يمكن انا ما افهم

اضحك خل الدنيا تضحكلك ..

2008-06-07T02:01:00.004+03:00

من منا لا يرغب فى ترك افضل الانطباعات فى اول لقاء لنا فى حفله او من خلال مقابلة عمل او وظيفه جديده؟
*******
فى دراسة قام بها باحثون فى قسم الدراسات العليا فى جامعة

city university

فى مدينه نييورك اظهرت النتائج ردود فعل ايجابيه عند رؤية الاشخاص لوجوه باسمة حيث انها عند رؤيتها تعطى

شعورا بالدفء والقدره على التواصل مع ذلك الوجه الباسم

وفى ردود فعل مماثله وجد ان ذوى الشفاة الباسمه بطبيعتها يميلون الى ترك الانطباع بالوديه والطيبه وسهولة المعشر ،

فباختصار يعتبر الوجه الباسم مدخلا لصداقه محتمله.

منقول

*****

عادتا اذا مسكت مجله خصوصا للازياء والفاشن اول ما يشدنى الملابس والصور

هالمره وقفنى هالكلام الى نقلته لان فسر لى سر تازمى الاسبوع الى فات بالدواام

كنت متأزمه لان جابلتنى موظفه يديده توها تعينت الاسبوع الى فات وحطوها جبالى لان زميلى الى يقعد جبالى ماخذ اجازه

قعدت الحلوه جبالى ، اوصل الصبح اسلم ما ترد السلام براحتج السلام لله

اكلمها ترد على منفسه هاااا

ابتسم ماا ترد على الابتسامه ،

اعطيها ككاو لوووووووووووووووول تقولى ما ابى وهى عاقده النونه جنى معطيتها السم الهارى

لالالالالالا ما اعبر جذى ما قمت احب اقعد على مكتبى قام اينى القامت

الابتسامه فى وجه اخيك صدقه ابتسمى

اضحك خل الدنيا تضحكلك

يخرب بيت الى زعلك يا بنتى

قلت يمكن بس معاى ، ذكرت كلام وحده من صديقاتى الله يذكرها بالخير

كانت كل تقولى كريزما مو الا كل الناس اتحبج وتتقبلج لا اتعبين حالج

قلت يمكن ما ابلعتنى يجووز بعد كل شى وارد

لالالا اثرى اهى هذا سلكها ما تضحك مع الكل

مره سمعت عن علم الطاقه ان الانسان يتاثر بالى يجابله

وياخذ منه طاقه سالبه او موجبه

انا الاسبوع الى فاات اخذت كل الطاقه السالبه

ههههههههههههههه

بس فعلا هذى الدراسه صحيحه

سبحان الله الابتسامه تبعث الود والراحه

والطمانينه والسماحه والشراحه وكل شى حلو

حتى يومج تحسينه حلو واذا مودج مو زين تشوفين ابتسامه لو من شخص ما تعرفينه تسرج وتعدل يومج

********

هذا سر اعجابى فى

kati holmes

دايما محافظه على ابتسامتها

... المها

2008-06-05T11:19:00.003+03:00

بمغربيه كنت ارتشف فنجان قهوه تركيه بيت صديقتى العزيزه الملح وقبله

ونتسامر ونضحك ، انا خلصت القهوه ورديت الفنيال ومشتطه اسولف الا مملوحه صفنت جاان تقولى طلعتلج اصخله هههههههههههههه انا اخترعت وما فهمت شكو الصخله بالسالفه

جان تقولى كريزماا فى فنيالج صخله واااضحه وضووح الشمس، بدون ما ترفعين الفنيال شوفيهاا

اناا شفت فنيالى وله صج رسمه صخله ومو بس حيوان واحد بالفنيال لالالا طلعلى يم الصخله بونى

الحصان الصغير

بعد ما وثقت الحدث، عرضت صورة الفنيال ووريته معارفى جان يقولون لى هذى المها

وريمه ايضا قالتلى هذى المهاا

فرحت بالمها وايد هههههههههههه

لان ضاق خلقى ليش تطلعلى صخله يعنى شتبى منى الصخله

لوووووووووووووول

المها ارقى شوى

***********

وبما ان نحب انوثق الحدث فهم هذا فنيال ريمه

هم موثقته بصوره طلعت لها وجوه بره الفنيال واضحه

بعد 17 سنه !!! ترى مو بعيد وايد ...

2008-06-03T08:38:00.005+03:00

موضوع امس تكلموا فيه بنات الدوام وشدنى ، ان معهد الابحاث يوزعون دوش يتركب على حنفيات المنزل للتقليل من تدفق الماى !!

فانظميت لهم اسال عن الموضوع ، ولا معهد الابحاث يعطى كل بيت 6 دوشات ... ويزاها الله خير هالبنت ان تكلمت عن هالموضوع

وفعلا لازم يصير عندنا درايه ووعى بهالموضوع لان الماي كل ماله ويقل

بافريقيا حاليا يموت اكثر من 30 الف شخص يوميا من نقص الماى

يحفرون تحت الشجره ويمصون الماى من جذورها

وبعد 17 سنه بيعانى ثلاث مليارات من سكان العالم من نقص الماء

ويقولك الكويت تعتبر من اكثر الاماكن جفافا بخريطه العالم

كثير منا غير مدرك الى بنمر فيه وترى 17 سنه مو بعيد !!

احنا اعتمادنا الكلى على مياه البحر وماى البحر كل ماله ويزيد فيه التلوث الى ان يصبح غير صالح للشرب حتى بعد التصفيه

والماى العذب يمثل 1% بخريطه العالم بس

وللعلم ان معدل استهلال الفرد الكويتى باليووم 500 لتر مااى

انا شخصيا من الناس الى ما افكر وانا اسبح ولا اغسل عموما لما افتح الحنفيه ما افكر ان هذا الماى بيوم من اللايام

بنعانى من نقصه فعلا احنا مو حاسيين بضروره الاقتصاد بالماى

غير الا خيير هالعماله الى فى ابيوتنا عااد حدث ولا حرج

انا شوف عينى ينظف الحوش بهوز الماى ، يعنى ما يخم وبعدين يغسل الحوش لالا يخمه بالماى يدز الوصخ وانتو

بكرامه بالماى لييين يوصله السكه

يعنى مصخره غير طريقة تنظيف السيارات وغير وغير

ليش ما نذكر رسولنا الكريم ونخليه قدوتنا فى التوفير

يروى عن سعد بن أبي وقاص عن النبي -صلى الله عليه وسلم- أنه نهى عن الإسراف ولو كان على نهر جارٍ

وأن نكون من الشاكرين كما قال الله تعالى في كتابه «وكلوا واشربوا ولا تسرفوا إنه لا يحب المسرفين».

وانا اسوى بحث عن هالموضوع

لقيت مقاله عن الاسراف بالمياه الى يحب يقرى فيها هذا اللنك

الاسراف بالمياه

دعوة للتفاؤل ...

2008-06-01T09:16:00.003+03:00

lets enjoy the begining of the week

**********

I can show you the world

Shining, shimmering, splendid

Tell me, princess, now when did

You last let your heart decide?

I can open your eyes

Take you wonder by wonder

Over, sideways and underOn a magic carpet ride

A whole new world

A new fantastic point of view

No one to tell us noOr where to goOr say we're only dreaming

A whole new world

A dazzling place I never knew

But when I'm way up hereIt's crystal clear

That now I'm in a whole new world with you

Now I'm in a whole new world with you

Unbelievable sights

Indescribable feeling

Soaring, tumbling, freewheeling

Through an endless diamond sky

A whole new world

Don't you dare close your eyes

A hundred thousand things to see

Hold your breath - it gets better

I'm like a shooting starI've come so far

I can't go back to where I used to be

A whole new world

Every turn a surprise

With new horizons to pursue

Every moment red-letterI'll chase them anywhere

There's time to spare

Let me share this whole new world with you

A whole new world

That's where we'll be

A thrilling chase

A wondrous place

For you and me

He`s wow abdaa3 la yfotkom .....

LOVE -- is a trick of the Heart to Fool the MIND!

2008-05-28T10:32:00.004+03:00

عدنا من جديد

********

هالايام الكل ما حجوته الا مسلسل نور ويا طلابت نور مع صديقاتى نور مع اهلى نور مع امى نور

حتى الامهات هابيييين كل وحده فينا امها اجابل نور بالخش والدس ههههههههههههههههههههههه

عاد بالنهايه قررت اشوف شسالفه نور ... ويا ليتنى ما شفت

بالضبط صارلى اسبوع من بديت اتابع وعرفت كل القصه

والحين واصله الحلقه بالخمسينات مو هاذى سالف

السااالفه كلها فى مهند ابيييه رديت مراهقه غصبن على مو بيدى

ارهقت على كبررررررررر

المسلسل ذكرنى بمراهقتى وروايات عبيييير

سويت لى طقوس مع المسلسل الالالا وهى مطارة زعتر او زنجبيل ودارسين

وهدووووء ولالالا نفس الساعه العاشره مساءا

لما يخلص المسلسل تحطين راسج وتنامييين حق الدوام

وهذى حالتى واتمنى ما اطول هالحاله لان بنصدم بواقع مرير عقبها

هههههههههههههههههههههههههههه

peace

2008-05-19T23:11:00.002+03:00

اجازه من كل شى روتينى

الدوام

الديره

الناس

فاصل اسبوع

القاكم على خير

الزين يفرض نفسه

زيونه كل ما اسمعها اذكرج

اهديكم هالاغنيه بما ان مودى عبدالمجيد اليوم