Blog da Casa da Cultura de O Vicedo

Fotografías da actividade "Atardecer no Río Sor"

2009-07-16T10:44:00.002+02:00

O mércores 15 de xullo celebrouse a primeira das rutas de kayaks polo Río Sor cunha boa participación tanto de xente do propio municipio como foráneos. A actividade consistia en remontar o río aproveitando a subida da marea partindo do porto pesqueiro do Vicedo, pasando polo Barqueiro e remontando o Río Sor ata as Ribeiras do Sor. En apenas 2 horas se completou a actividade organizada polo Concello de O Vicedo a un prezo de 15€ por persoa.
BubbleShare: Share photos - Play some Online Games.

Ruta de kayaks polo Río Sor

2009-07-13T10:40:00.008+02:00

O próximo mércores 15 de xullo ás 19h celebrarase a ruta de kayaks entre o Porto do Vicedo e Ribeiras do Sor. Esta ruta, que dura unhas 2 horas, percorre un primeiro tramo marítimo, onde se cruza a ría, para logo adentrarse no Río Sor ata o lugar de Ribeiras do Sor. Esto fai que a ruta sexa moi variada e divertida. O prezo por persoa é de 15 euros e a actividade é apta para maiores de 8 anos e non ten risco porque se realiza en canoas insumerxibles e os participantes van dotados de equipos de seguridade. A inscrición debe facerse no teléfono 982 59 01 95.

BubbleShare: Share photos - Easy Photo Sharing

Ruta de sendeirismo Costa de O Vicedo

2009-07-08T19:56:00.002+02:00

O próximo sábado 11 de xullo a partir das 9:30h (saíndo da casa da cultura) todos aqueles que queiran poderán percorrer gratuitamente e acompañados de guías a ruta de sendeirismo Costa de O Vicedo, que comeza na praia de Caolín e remanta na praia de Area Grande. Durante esta ruta percorrerase boa parte da Costa do Vicedo e, como novidade, percorrerase un tramo novo recén aberto entre a zona das Laxes (cerca de Xilloi) e a praia de Tixoso. Así, pasarase por un punto moi cercano á Illa Coelleira.
O total do percorrido será duns 10 km que se espera completar nunhas 3 horas.

Programación mes de xullo

2009-07-02T13:30:00.004+02:00

-----Rutas de sendeirismo e canoas
-11 xullo (sábado): Ruta Costa de O Vicedo (10km) Praia de Caolín-Praia de Area Grande. Percorrerase o novo tramo entre Xilloi e tixoso pola costa cunha espectacular vista sobre a Illa Coelleira.
-15 de xullo: Atardecer no Río Sor en canoas. Porto do Vicedo-Ribeiras do Sor. Saída do porto do Vicedo ás 19h (Regreso en vehículos da empresa de actividades)
-29 xullo: Ruta mixta sendeirismo e canoas. Praia de Xilloi - Porto do Barqueiro (sendeirismo) e Porto do Barqueiro -Praia de Xilloi (Canoas). Saída de Xilloi: 10h (Hai a posibilidade de facer só a ruta de sendeirismo gratuitamente.
Canoas: Prezo por persoa: 15 €. Teléfono de información e inscrición: 982 59 01 95

-----Obradoiro de hip-hop e bailes de salón
Hip hop e danza moderna: Do 27 de xullo ó 7 de agosto de 11h a 13h (a partir de 5 anos)
Bailes de salón: Do 27 de xullo ó 7 de agosto de 20:30h a 21:30h
Venres 7 agosto. 20h. Exhibición cos alumnos participantes e grupos profesionais de baile.
Actividade gratuita.

-----Festa Turismo Rural: Misa de campaña, degustación de productos típicos, campeonato ecuestre, festa...
Domingo 19 de xullo a partir das 13h no parque eólico de Riobarba.

-----Cine Infantil: A Caixiña dos mistos: Proxeccións de entre 5 e 20 minutos para nenos de 0 a 14 anos nunha caravana adaptada para actividade (actividade subvencionada pola Deputación de Lugo)
Martes 21 de xullo de 11h a 13h e de 16h a 19h.

Avance actividades verán 09

2009-06-29T20:19:00.002+02:00

En poucos dias anunciaremos a programación cultural prevista para o verán que consistirá basicamente en Rutas de sendeirismo, kaiaks, bailes de salón e hip hop, cine, teatro, a tradicional festa do cabalo, castelos de area, dúas actividades sobre sexualidade organizadas polo centro Quérote, etc... Informaremos proximamente

Gala fin de curso da APA

2009-06-25T10:12:00.007+02:00

O mércores 24 de xuño celebrouse na Casa de Cultura a gala de fin de curso das actividades da APA. Ante un moi bo número de espectadores, houbo exhibición dos alumnos de ximnasia rítmica, karate e gaitas.

Horario de verán da casa da cultura

2009-06-18T13:20:00.002+02:00

Desde o pasado 15 de xuño e ata o 15 de setembro o horario da Casa da Cultura será de 10h a 14h e de 19h a 21h.

2 novas incorporacións á biblioteca de O Vicedo

2009-06-17T13:42:00.003+02:00

A Biblioteca de O Vicedo ven de incorporar 2 libros de moito éxito en castelán como son LA SOLEDAD DE LOS NÚMEROS PRIMOS (unha novela sobre unha parella que sofre unha conmovedora e dolorosa historia) e ANATOMIA DE UN INSTANTE (Unha especie de crónica sobre o 23F que está sendo un éxito de ventas)

festa fin obradoiros

2009-06-13T10:20:00.007+02:00

Celebrouse a festa final de despedida dos obradoiros de actividades na praia de Xilloi e houbo xogos tradicionais como a chave e a billarda, camisetas para tódolos nenos, un pequeno lote de libros e moita diversión. Asistiron os nenos que participaron durante todo o curso nos obradoiros de Vicedo e Folgueiro organizados polo Concello de O Vicedo.

Festa fin de obradoiros de actividades

2009-06-10T13:32:00.002+02:00

Este venres 12 de xuño a partir das 17h na praia de Xilloi terá lugar a festa de fin de curso dos obradoiros de actividades que se veñen celebrando os luns, mércores e venres no Vicedo e Folgueiro para nen@s entre 3 e11 anos.
Nesta pequena festa haberá xogos e actividades na propia praia, agasallos, etc e colaborará persoal de Protección Civil de O Vicedo.

Éxito do obradoiro de coñecemento da flora de Abrela

2009-06-08T18:05:00.005+02:00

Uns 15 nenos e nenas de primaria de O Vicedo participaron no obradoiro celebrado na praia de Abrela e no mesmo puideron participar nun pequeno xogo e na elaboración dun mural onde plasmaron as diferentes especies da flora dunar da praia de Abrela.

obradoiro de coñecemento da flora de Abrela

2009-06-04T11:13:00.001+02:00

Mañá venres 5 de xuño, a partir das 17h na recentemente galardonada coa Bandeira azul PRAIA DE ABRELA, celebrarase un obradoiro de coñecemento da flora dunar desa praia. Haberá un pequeno xogo de búsqueda de plantas típicas do sistema dunar, despois elaboración de fichas, etc.

Nesta actividade participarán alumnos de Primaria de O Vicedo e está encadrada nas actividades de difusión medioambiental que organiza o Concello de O Vicedo para a consecución do galardón BANDEIRA AZUL, para as súas praias.

obradoiros medioambientais

2009-05-28T10:38:00.005+02:00

Celebrouse o mércores a xornada adicada á limpeza na praia de Abrela e o venres na praia de Vidreiro. Posteriormente procedeuse á separación do lixo nos contenedores adecuados. Participaron nenos de primaria do colexio do Vicedo que participan habitualmente nos Obradoiros de xogos.

Concedida a bandeira azul para as praias de Xilloi e Abrela

2009-05-27T16:46:00.006+02:00

Ven de informarse desde a ADEAC, entidade que otorga as bandeiras azuis en España, que as praias de Xilloi e Abrela lucirán este verán 2009 a BANDEIRA AZUL.

Obradoiros de difusión medioambiental

2009-05-25T13:11:00.004+02:00

Esta semana celebrarase a primeira parte dos obradoiros da campaña do uso responsable dos recursos naturais. Consistirá nuns obradoiros de recollida e separación de lixo polas praias de Abrela (o mércores 27 ás 17:30h) e Xilloi (o venres 29 ás 17:15h) onde se tratará de mostrar ós nenos de primaria do Colexio de O Vicedo que o lixo que se tira no mar acaba chegando á costa e contaminando as praias que habitualmente usamos. Tamén se aproveitará para concienciar ós nenos para un uso axeitado dos colectores de recollida de lixo para facer a separación correcta por tipo de lixo (plásticos, orgánicos...)

éxito da II ruta de pinchos

2009-05-18T10:58:00.006+02:00

Rematou a Segunda ruta de pinchos do Concello de O Vicedo. Esta segunda parte percorreu os establecementos do núcleo do Vicedo onde se puido observar un moi bon ambiente e animación para disfrutar da gastronomía da zona. Finalmente, polo mal tempo, non se celebrou a pequena festa anunciada na rúa Cidade de Mondoñedo.
Podedes votar neste mesmo blog sobre o mellor pincho e opinar tanto neste post no apartado comentarios como no foro aberto pinchando aquí

Segundo fin de semana da ruta de pinchos

2009-05-15T10:39:00.002+02:00

O sábado 16 e o domingo 17 de maio celebrarase a segunda parte da ruta dos pinchos. Neste caso a maioría dos establecementos participantes están no núcleo de O Vicedo e está previsto tamén que se celebre unha pequena festa na rúa Cidade de Mondoñedo a partir das 23h. Pódese consultar a relación dos locais participantes máis abaixo pinchando na imaxe do cartel da ruta.

primeira xornada ruta de pinchos

2009-05-11T11:54:00.005+02:00

Este pasado fin de semana celebrouse a primeira parte da ruta de pinchos polo Concello de O Vicedo. Tanto o sábado como o domingo houbo unha boa afluencia de participantes polos distintos bares de Abrela, Folgueiro, S. Román e Cabanas. Para este próximo fin de semana está prevista a segunda parte no núcleo do Vicedo ademais coa novidade dunha actuación musical na rúa Cidade de Mondoñedo.

programación maio 2009

2009-05-05T18:59:00.002+02:00

Este mes de maio estará marcado pola ruta de pinchos (ver cartel) e polos obradoiros de medio ambiente que consistirán nas seguintes actividades:
-obradoiro de informática: Creación de guía sobre a flora das praias do Vicedo. Venres 15 e 22 de maio ás 17h no Telecentro de O Vicedo
-Recollida de lixo nas praias e uso axeitado dos contenedores. Mércores 27 de maio na Abrela (17:30h) e Venres 29 de maio no Vidreiro (17:15h)

fotos segunda tarde noite videoconsolas e xogos

2009-04-27T11:21:00.006+02:00

Celebrouse o pasado venres unha nova edición das tardes-noites de xogos. Foi un éxito de participación e seguro que se volverá a repetir unha vez pase o verán.

Xornada de videoconsolas, scalextric, subbuteo

2009-04-21T17:00:00.002+02:00

O vindeiro venres 24 de abril celebrarase unha nova edición das tardes-noites de xogos, neste caso con videoconsolas (Xbox, PlayStation e Wii) e cos xogos Scalextric e Subbuteo. Comezaremos de 17h a 20h con estes xogos dirixidos a menores de 14 anos e continuaremos ás 21:30h para xóvenes maiores de 14 anos.
Mostramos aqui un pequeno video de como se xoga ó subbuteo, a principal novidade desta edición.

2ª Ruta de Pinchos

2009-04-20T16:48:00.003+02:00

Inicio exposición fotográfica "Con pés no mar"

2009-04-14T19:24:00.002+02:00

Entre o 14 e o 27 de abril está instalada na Sala de Exposicións da Casa da Cultura a Exposición da Xunta de Galicia "Con pés no mar". É a primeira dun total de 3 exposicións con esta temática que se instalarán na Casa da Cultura ó longo do ano. Na exposición poden verse fotografías de toda a costa galega, nesta ocasión relacionadas co marisqueo, a chegada a porto, redeiras...

Acondicionamento da Ruta de sendeirismo Morgallón-Río Sor-Morgallón

2009-04-03T18:09:00.002+02:00

Tras o temporal de xaneiro e o duro inverno, ven de rematarse a limpeza do sendeiro e repintado das marcas de sendeirismo da ruta de sendeirismo homologada pola Federación Galega de Montañismo MORGALLÓN - RÍO SOR - MORGALLÓN (PR-G 8), polo que xa pode utilizarse nestas vindeiras vacacións de semana santa.
Máis información sobre a ruta pinchando aquí

programación cultural abril

2009-03-30T17:21:00.004+02:00

-Noites de xogos:
Venres 17 abril a partir das 21:30h. Xogos de mesa: Scrabble, Party & Co, Superpoly, Scattergories...
Venres 24 abril a partir das 21:30h: Videoconsolas: Wii, PlayStation, Xbox e xogos Scalextric, Subbuteo...
(Este venres 24 haberá unha edición infantil para nen@s de 8 a 14 anos de 17:15h a 20h)

-Exposición fotográfica: "Cos pés no mar".Do 14 ó 27 de abril.

“A exposición Cos pés no mar amosa un mar representado como vía de comunicación e de recursos máis que como un mundo descoñecido ou mesmo fronteira insorteable. Escenas plásticas de buques, descargas, subastas de peixe, redeiras...”

Máis información: www.memoriadomar.com