tag:blogger.com,1999:blog-12425666252662109952009-03-02T13:46:30.797-06:00പിച്ചും പേയുംതുടലഴിച്ചു വിട്ട മനസിന്റെ ജല്പനങ്ങള്! ഒന്നും കാര്യമായിട്ടെടുക്കല്ലേ!!Eldho Thomashttp://www.blogger.com/profile/04405176862749853568noreply@blogger.comBlogger1125tag:blogger.com,1999:blog-1242566625266210995.post-58600121700617184762008-04-03T21:07:00.000-05:002008-04-04T11:31:16.312-05:00കുടുംബയോഗംനമ്മുടെ നാട്ടില് ഇപ്പോള് ഒരു ഫാഷനാണല്ലോ കുടുംബയോഗങ്ങള്! എല്ലാവര്ക്കും തങ്ങളുടെ പാരമ്പര്യം ചികഞ്ഞെടുത്ത് തൂത്തു മിനുക്കി അതു നോക്കിയിരുന്നു അഭിമാനം കൊള്ളാന് പെട്ടെന്നൊരു ആഗ്രഹം. ചികഞ്ഞെടുക്കുമ്പോള് കിട്ടുന്ന അസ്ഥികൂടങ്ങള് സൗകര്യപൂര്വം മറയ്ക്കാന് ആര്ക്കും മടിയില്ല, കേട്ടോ.<br /><br />കഴിഞ്ഞ തലമുറയില് ഒരു ചെറിയ വിഭാഗം ജനങ്ങള് ലയണ്സ് ക്ലബ്, റോട്ടറി ക്ലബ് എന്നീ പേരുകളില് ഒത്തുകൂടി നടത്തിക്കൊണ്ടിരുന്ന കലാപരിപാടികള് ഇപ്പോള് കുടുംബയോഗങ്ങളുടെ പേരിലാണു നടത്തുന്നത്. കുടുംബത്തിന്റെ അഭിമാനസ്തംഭമായ പള്ളീലച്ചന്റെ പ്രാര്ത്ഥനയോടെ തുടങ്ങുന്ന യോഗം കുട്ടികളുടെ കലാപരിപാടികളോടെ തുടര്ന്ന് അഭിമാനത്താല് fit ആയ പുരുഷന്മാരുടെ കലാപരിപാടികളില് അവസാനിക്കുന്നു. ഇതിനിടയില് നമ്മുടെ ദേശീയ കലാപരിപാടികളായി അംഗീകരിക്കപെട്ടിട്ടുള്ള ചാക്കിടീല്, പാരവയ്പ്, പരദൂഷണം എന്നീ ഐറ്റംസും അരങ്ങേറുന്നു.<br /><br />കഴിഞ്ഞ രണ്ടു മൂന്നു തലമുറയായി, എന്തിനാണ് വഴക്ക് എന്നു ചോദിച്ചാല് ഉത്തരം പൊലുമില്ലാത്ത വിധത്തില്, ഒറ്റ വരമ്പത്തു എതിരെ വന്നാല് പോലും മുഖത്തു നോക്കാന് വയ്യാത്ത വിധത്തിലുള്ള വഴക്കുള്ള ചില കുടുംബങ്ങളില് ഇത്തരം യോഗങ്ങള് ഒരു വല്ലാത്ത സ്ഥിതിവിശേഷമാണ് സൃഷ്ടിച്ചിരിക്കുന്നത്. Fevicol ന്റെ ചിഹ്നത്തിലെ ആനകളേ പോലെ എതിര് തിരിഞ്ഞു ബലം പിടിച്ചു നില്ക്കുന്ന ചിലര് ഒരു വശത്ത് . മറുവശത്തോ, ഈ കുടുംബത്തെ എങ്ങനെയെങ്കിലും ഒരു കുടക്കീഴില് കൊണ്ടുവരണമെന്ന ആശയോടെ സമധാനധൂതുമായി പരക്കം പായുന്ന ചില അഭ്യുദയകാംഷികള്! കലാലയ രാഷ്ട്രീയത്തിന് പ്രസക്തി നഷ്ടപെട്ട സ്ഥിതിയ്ക്ക് കുട്ടി നേതാക്കള്ക്ക് ഒന്നു ഷൈന് ചെയ്യാനുള്ള വേദിയാണോ ഈ യോഗങ്ങള് എന്നും സംശയമില്ലാതില്ല.<br /><br />PS: രണ്ടു വര്ഷം മുന്പ് നാട്ടില് പോയപ്പോള് പരിചയമുള്ള ഒരു കാര്ന്നോരെ കണ്ടുമുട്ടി. ഒരു വലിയ ചുരുളും കക്ഷത്തില് വെച്ചു എങ്ങോട്ടോ ധൃതിയില് പോവുകയാണ് ഇഷ്ടന്. 'എങ്ങോട്ടാ വല്ല്യപ്പാ' ഞാന് ചോദിച്ചു. 'ഓ! മോനെ. ഞാനാ ഈ വര്ഷം കുടുംബയോഗത്തിന്റെ പ്രസിഡന്റ്. ഈ ചാര്ട്ട് ഒന്നു വിപുലീകരിക്കണം.' മുഖത്തു അമേരിക്കന് പ്രസിഡന്റിനു പോലുമില്ലാത്ത ഒരു തിരക്കു ഭാവം. ഈ വര്ഷം വല്ല്യപ്പനെ കണ്ടപ്പോള് ഞാന് ചോദിച്ചു, 'എങ്ങിനെയുണ്ടു വല്ല്യപ്പാ കുടുംബയോഗമൊക്കെ?'. 'ഓ! ഒന്നും പറയണ്ട മോനെ! അതു പിരിച്ചു വിട്ടു. കുറച്ചു ഗവേഷണം നടത്തിയപ്പോ ഞങ്ങടെ വല്ല്യാപ്പന്റെ തനി കഥകളൊക്കെ പുറത്തു വന്നു. പലയിടത്തുനിന്നും ആളുകള് അവകാശം പറഞ്ഞ് കുടുംബയോഗത്തില് ചേരാനായി വരാന് തുടങ്ങി. ഇനി കൂടുതല് വഷളാക്കണ്ട എന്നു വച്ചു'. പോരേ പൂരം!<div class="blogger-post-footer"><img width='1' height='1' src='https://blogger.googleusercontent.com/tracker/1242566625266210995-5860012170061718476?l=www.eldho.com%2Fblogs%2Fpichum_peyum%2Findex.htm'/></div>Eldho Thomashttp://www.blogger.com/profile/04405176862749853568noreply@blogger.com1