Cousas de Imeneo

O obxectivo no horizonte

2008-05-07T21:21:00.004+02:00

Dende 2004 até as eleccións de marzo houbo unha confrontación moi forte entre o PSOE e o PP, o que produciu, non o desgaste dalgún deles, senón o afortalamento do bipartidismo, que se traduciu nun aumento de votos e escanos dos dous partido maioritarios que ocupan, entre os dous, máis do 90% dos escanos do Congreso dos Deputados.

Despois das eleccións foi sintomática a resistencia do PSOE a pactar con ningún partido "minoritario" a investidura de Zapatero como Presidente do Goberno, que foi elixido en segunda volta, algo inédito na corta democracia española.

O outro partido maioritario, o PP, está inmerso nuna aparente crise, pero, ou moito me equivoco, ou o que está sucedendo neste partido é que os artífices da cripación están abandonando a escea política e tamén mediática deixando a Rajoy, unha persoa de cariz máis moderada e coa que se pode chegar a acordos, rodeado dun equipo de similares características (Gallardón, Soraya, Camps, ...).

E hoxe, logo de ver o anuncio da Vicepresidenta do Goberno, María Teresa Fernández de la Vega, de que se ía inicar a reforma da Constitución e reformar a lei electoral, co obxectivo de converter o estado español nun estado bipartidista ao máis puro estilo ianqui, con primarias incluídas, eliminando aos partidos pequenos no estado, pero cunha representación máis ou menos importantes nas distintas nacións. Pero para iso necesita chegar a acordos, acadar un consenso "amplo" coas forzas políticas, e que maior consenso, dende unha optica centralista e españolista, que pactar estas reformas co seu alter ego político, o PP. Ao tempo!!

Xustiza de dúas velocidades

2008-05-03T16:58:00.004+02:00

Xustiza tipo AVE: O xuíz Baltasar Garzón envía a prisión á alcaldesa de Arrasate, Inocencia Galparsoro, por “desobediencia e colaboración con ETA” por non suspender as actividades de ANV.

Xustiza tipo tren Rexional: Santiago del Valle campa as súas anchas pola xeografía do estado con sentenzas firmes por abuso sexual e ningún xuíz se entera de nada até que o encerran por presunto asesino de Mari Luz, unha nena de cinco anos.

Non apto para todos os "públicos"

2008-05-02T00:26:00.007+02:00

O martes 29 o xornal Público dedicaba a súa portada a un vídeo xogo, o GTA4, que saía á venda ese día. Do xogo non sei nada, só sei que non é apto para todos os públicos, e o xornal non dubida en sacar en portada este evento, facéndolle con este feito a máxima publicidade que se lle pode facer a un produto comercial de entretemento, e supoño que isto non foi gratis, claro.

O director do Xornal, Ignacio Escolar, non dubida en catalogar o videoxogo como "cultura", aínda que non é para todos os públicos nin para todos os bolsillos, como outras artes, como por exemplo, a literatura que é máis asequíbel, e dependendo da temática, si é para todos os públicos.

Efectivamente pódese catalogar a portada como "atrevida", que vai cos tempos, ou pódese chegar a dicir tamén que as portadas dos xornais non son só para os políticos ou para a política, que hai outras cousas. Pode!!. Pero se quixeran ser "atrevidos" de verdade, e dada a crise alimentaria que sacude a medio mundo, eu poñería a seguinte imaxe.

Evidentemente non me sorprende que público saque unha portada así, xa que os medios hoxe en día entreteñen máis que informan, non hai máis que ver os informativos da tele, e os xornais non ían ser menos. A fin de contas son empresas que viven das vendas, dos beneficios, e ao "público" hai que molestalo o menos posíbel.

A Guerra sen fin

2008-05-01T16:39:00.004+02:00

Recomendo o seguinte documental. Fai un repaso dos pasos dados por Estados Unidos dende a invasión até a ocupación de Irak, e de como todos estes pasos conduciron a este país ao caos máis absoluto de xeito consciente e premeditado, e mentres os iraquís saqueaban o país e se mataban entre elese, nos días posteriores á invasión, os americanos protexían a peza de caza máis valiosa: o ministerio do petróleo.

Monstros

2008-04-29T16:19:00.003+02:00

É imposíbel imaxinarse o inferno sen ter en conta a situación na que viviu a muller austríaca secuestrada e violada polo seu propio pai durante 20 anos, do cal tivo sete fillos que correron idéntica sorte. Este crime horrendo aparecerá en todos os informativos durante días, e o home que cometeu este horríbel crime será xulgado e condenado, pasando a historia dos monstros como tantos outros.

Sen embargo, outros crimes tamén horrendos, que afectan a miles (por non dicir millóns) de persoas, e que foron perpetrados por persoas elixidas democraticamente como representantes dun pobo, como o foi Hitler, só ocuparán uns segundos nos informativos, e os executores e/ou os seus instigadores nunca pasarán a historia como criminais que son.

Todos ao centro que máis quenta

2008-04-28T23:42:00.004+02:00

"Zapatero sitúa al PSOE en la centralidad progresista".
E pensar que nas pasadas eleccións moit@s votaron ao PSOE porque pensaban que era de esquerdas.

Guerra preventiva

2008-04-28T18:14:00.001+02:00

Israel mata a unha muller e a catro dos seus fillos. Non pasaban por alí, o proxectil caeu directamente na súa casa mentres almorzaban.

Crise alimentaria

2008-04-28T17:14:00.001+02:00

Revoltas en Haití polo aumento de prezos dos produtos básicos. En Estados Unidos raciónase o arroz para evitar a súa suba.... as causas desta escalada de prezos nos alimentos está no prezo do petróleo, o desvío de cereais para a produción de agro-combustíbeis, a especulación, o incremento do consumo e parece ser que tamén inflúe o cambio climático. As consecuencias: pois como dixen ao principio, revoltas, morte e emigracións masivas nos países máis pobres do planeta.

A situación é preocupante porque ademais esta situación estase a dar nun período de recesión económica, que aínda falta por ver que consecuencias terá para todos. Pero máis preocupante é ver como os medios do sistema (Cuatro, La Ser, El Mundo, La Voz de Galicia...) falan de crise alimentaria sen o menor disimulo, e xa se sabe, cando estes falan de crise, a crise aínda é maior do que nos contan.

No Estado Español todo apunta, logo de ver como se re-organizou o Ministerio de Agricultura e Pesca (así era antes), que a política que vai a seguir este “super-ministerio” non vai ir cara a unha agricultura que produce alimentos para a xente, senón alimentos para a industria dos agro-combustibles, que se nos venden como produtos ecolóxicos, e a realidade é moi distinta, xa que está demostrado que para producir esta enerxía “ecolóxica” gástase o dobre de enerxía procedente de carburantes fósiles.

Snuff Movie de Israel

2008-04-18T08:27:00.002+02:00

Como se dunha “snuff movie” se tratara, un reporteiro de Reuters gravou a súa propia morte cando un tanque israelí disparou sobre el e sobre dous nenos un proxectil cargado de milleiros de dardos metálicos. O proxectil é “legal” segundo exército israelí.

Ninguén condena este atentado, que se os asesinos foran outros dirían que é un atentado contra a liberdade de prensa, pero como se trata dos primos de zumosol dos USA, todos calan.

O PSOE quere uns pisos de merda para a xente

2008-04-15T08:22:00.001+02:00

O PSOE ataca unha medida da Consellaría de Vivenda consistente en regular a calidade das construcións en Galiza. Para elo utiliza un duplo xogo, -algo habitual neste partido-, onde, por un lado Touriño apoia (daquela maneira) as normas, e pola outra, utilizan outras institucións, a FEGAMP, para atacar esta normativa. Segundo a FEGAMP hai aspectos lesivos na norma que vulneran as competencias municipais. Pola súa parte o BNG defende a Norma de Hábitat Galego por iso regulará unha calidade das vivendas postas á venda, algo que, se se cumpre, irá en beneficio de todos; bueno, de todos non, menos dos construtores que queren gañar máis a costa de vender pisos de merda, e parece que sempre atopan quen os defendan.

Made in China

2008-04-14T16:41:00.002+02:00

Din que China é a fábrica do mundo. Un país enorme, con enormes contrastes, pero que paseniñamente estase a converter -se non o é xa-, nunha potencia de primeiro orde non só no económico, senón tamén noutros aspectos, así que a presión internacional sobre o seu papel no Tíbet pode ser debida en grande medida a esta cuestión, porque non doutro xeito se pode entender a pasividade internacional sobre outras conflitos nacionais como a do Sáhara, Palestina, Chechenia... nacións asoballadas, cuxos dereitos son ignorados pola “comunidade internacional”.

De todos os xeitos, e na miña opinión, esta presión internacional é debida a un pataleo momentáneo do imperio decadente, que aproveita a repercusión mediática de China a nível mundial por mor da celebración do xogos olímpicos, e o máis probábel é que non irá máis alá, porque non hai que esquecer que China é a grande fábrica do mundo e grande proveedora de man de obra barata cuxos beneficios sonlle moi rendíbeis ás transnacionais. Despois destes meses a cuestión do Tibet quedará relegada ao olvido, como ata hai un días, porque o que importan son os cartos (os que xeneran o xogos tamén, por suposto) non os dereitos humanos.

En can flaco todo son pulgas

2008-04-08T00:02:00.004+02:00

En can flaco todo son pulcas. Acabo de ver en 20minutos.com que a Alcaldesa de Córdoba, Rosa Aguilar, de IU, votou ao PSOE nas pasadas eleccións. Sinceiramente paréceme tremendo a falta de compañeirismo desta muller, que utiliza (neste caso emprego o verbo "utilizar" non senso máis pexorativo do termo) unhas siglas para gobernar unha cidade como Córdoba, onde militantes e simpatizantes depositaron a súa "confianza" nesta persoa para ser alcaldesa e ela devolve o "favor" non votando ao seu propio partido, aos seus compañeiros de partido.

Este comportamento pódese entender que o faga un simpatizante ou mesmo un militante de base, pero que o faga unha representante institucional paréceme lamentábel.

Pradolongo

2008-04-04T18:55:00.001+02:00

A nosa industria é practicamente inexistente. Dende que Chano Piñeiro nos deixou aquelas xoias como Sempre Xonxa ou Mamasunción nada aportamos ao panorama cinematográfico deste país. Recomendáronme, e así o fago eu tamén, esta película cuxo trailer (moi lonxe dos trailers made in Hollywood) vos deixo a continuación. O argumento é sinxelo: tres amigos cuxa amizade ven de moi noviños, crébase polos intereses persoais e sentimentais dos mesmos. Gravada na comarca de Valdeorras, ten como trasfondo o despoboamento do rural, do noso rural.

Desde logo poida que a súa factura sexa un pouco artesanal, pero con alternativas tipo “Papa por sorpresa” e elección téñoa clara, espero que vos tamén. Nesta ligazón poderedes ver en que sitios e en que datas se estrea esta película.

6.000.000.000.000 de dólares

2008-03-31T16:55:00.003+02:00

Confeso que cando vin esta cifra tiven que pararme e ver realmente a dimensión da mesma. Demasiados ceros á dereita. 6 billóns de dólares é o custe da guerra que os USA están a levar a cabo en Irak, segundo cálculos feitos por Joseph Stiglitz, Premio Nóbel de Economía de 2001.

Unha cifra mareante que os ianquis levan gastado desde que se iniciou a invasión de Irak en 2004. No estudo contemplaron o desprazamento das tropas, as armas, as contratas (loxística, exércitos privados, etc.), os custes das terapias para os soldados malferidos, ... e unha morea de cousas que hai que ter en conta para ir a unha guerra e gañala. E quen paga todo isto? Os americanos, claro, que ven como cos seus impostos no canto de establecer unha seguro médico universal para todo o mundo e aínda lle sobraban cartos (por exemplo), os seus dirixentes empréganos nunha guerra que fará máis ricos aos que xa eran ricos antes de 2004, mentres 28 millóns de americanos pide literalmente para comer.

Dwight David Eisenhower, presidente americano dende 1953 a 1961 e pouco sospeitoso de ser un "conspiranoico", xa advertía no seu último discurso como americano dos perigos da influencia do complexo industrial militar americano nas decisións políticas, que xa daquela se deixaban sentir polos pasillos de Washinton. Hoxe vemos que esa advertencia é unha triste realidade neste país cuxas consecuencias séntense en todo o planeta.

6 billóns de dólares para a guerra mentres que “só” farían falta 582 millóns para o Programa Mundial de Alimentos da ONU.

Non somos inocentes

2008-03-26T09:57:00.003+01:00

Os xitanos son particulares como “el patio de mi casa”. Iso é así, teñen un forma de ser, de vivir que os diferencia dos demais. Con todo, non podemos xeneralizar, hai moitas familias xitanas perfectamente integradas e non dan maiores problemas aos seu veciños. De todos os xeitos, en determinados sitios están estigmatizados porque presuntamente son vendedores de droga; o barrio do Vao en Poio é coñecido precisamente por iso, por ser un pequeno supermercado de venda de estupefacientes. Do mesmo xeito tamén hai moitos paios que viven en chalés e conducen cochazos de grande cilindrada que son coñecidos por “comerciar” con drogra; recordar que todos os grandes “capos” da droga en Galiza son paios e viven perfectamente integrados na sociedade, e non viven en chabolas.

Por outra banda os paios, os que recibimos aos xitanos realoxados polas administracións, que teñen a obriga de non discriminar a ningunha persoa pola súa raza, tamén somos uns hipócritas, porque se ven é certo que non queremos a droga no noso barrio, e menos que a venda un xitano, tampouco nos preocupa moito que esta se venda, por exemplo, no Vao; ollos que non ven, corazón que non sinte, dí o refrán.

O conflito que se vive en Poio xa traspasou hai moitos días a liña que separa unha manifestación lexítima e pacífica de cidadáns a converterse nunha manifestación incontrolada de persoas, e nunca mellor dito, xa que segundo Mario Lago “nosotros vamos a dejar que las movilizaciones se produzcan indiscriminadamente “. E así ocorreu onte, onde rebentaron un Pleno do Concello de Poio e o Alcalde tivo que sair do Concello escoltado pola Garda Civil. E o conflito esténdese agora tamén a A Coruña, de momento pacificamente, veremos por canto tempo.

O diñeiro é débeda

2008-03-22T21:30:00.002+01:00

Non sei se recordades que os billetes antigos tiñan unha lenda na que se nos dicía que o valor dese billete podería trocarse por ouro, o que nos garantía que os cartos que tiñamos no peto tiñan algún valor. Hoxe, como ben sabemos, esa lenda desapareceu e o valor da moeda depende do que digan os bancos centrais que soben e baixan o valor das moedas en función da necesidade de cartos que teña o sistema financieiro, que, tendo en conta o que está pasando nos últimos meses, anda moi necesitado de cartos, cartos, que poñemos todos e todas para que o sistema non crebe.

Sen débeda non hai cartos. Parece raro, incríbel diría eu, pero é así. Aquí vos deixo este interesante documental que nos explica como e quen "fabrica" os cartos.

Votamos como galegos

2008-03-10T01:45:00.004+01:00

Nesta ocasión Galiza empeñouse en non ficar á marxe, e non só quere ter voz propia, senón que quere contar e ser decisiva en Madrid da man do BNG.

Nunhas eleccións fortísimamente polarizadas polo PP-PSOE, que arrasou a IU, a EA, a ERC, e partidos como CiU e PNV perden votos e representación no Congreso, o BNG mantén a súa representación sube sensibelmente no cómputo galego e estatal.

En democracia non votan as persoas votan as bombas e as pistolas

2008-03-07T14:34:00.002+01:00

Outro atentando antes dunhas eleccións. Xa é casualidade. Hai catro anos pasou o mesmo. Hoxe volta a pasar. Alguén, aínda que todo apunta a ETA, acaba de tirotear a un concelleiro vasco do PSOE.

O peor de todo é que dá a impresión de que hai alguén, non sei quen, que xa sabe como gañar eleccións, e non apunto a ninguén: a golpe de atentados. É triste, pero eu percibo así.

Sen ánimo de valorar unhas mortes encima doutras, -todas elas dramáticas-, pero está claro que atenten contra un ex-concelleiro é máis importante que que morra unha muller a mans do seu “compañeiro sentimental”, porque no primeiro caso suspéndese a campaña e no segundo todo continúa como se nada.

Deputados inútiles para Galiza

2008-03-03T20:27:00.003+01:00

Facendo un repaso do traballo realizado por algún dos deputados elixidos por algunhas das circunscripcións galegas podemos levarnos algunha sorpresa:

Antón Louro, cabeza de lista do PSOE por Pontevedra:

Ana Pastor, cabeza de lista do PP por Pontevedra:

Opinión de la Vicepresidenta Primera del Gobierno y Ministra de la Presidencia sobre si el Presidente está cumpliendo su compromiso de hacer de ésta "la Legislatura del diálogo y del entendimiento"
Iniciativas SPAM: ollando as iniciativas que presetou esta deputada do PP, atopeime cun cousa curiosa, que presenta as iniciativas por cada unha das provincias do estado español, así por exemplo, Medidas previstas por el Gobierno para que en la Campaña de Navidad, los juguetes reúnan todos los requisitos de etiquetado y seguridad en la provincia de Vizcaya,.. de Logroño, de A coruña, de Teruel que tamén existe, etc, etc.

Logo dirán o PP e, sobre todo, o PSOE que o útil é votarlles a eles, pois eu coido que para Galiza é bastante inútil.

Que faran coas persoas...

2008-03-03T14:35:00.002+01:00

Se fan isto cos animais que faran coas persoas fóra de cámara.

Matanza en Gaza

2008-03-01T13:17:00.003+01:00

O exército israelí mata en catro días a 66 palestinos, a metade deles son civís. E algúns, dende a "esquerda" dirán que é en lexítima defensa.

O Debate

2008-02-27T23:24:00.001+01:00

Hoxe houbo o esperado debate televisado entre os tres líderes políticos de Galiza, emitido pola Televisión e Radio públicas. Touriño, que se amosou moi inseguro, sempre lendo os papeis, e Feijoo o único que fixeron foi tirarse os trastos un ao outro continuamente, e actuando como meros xefes de sucursais que falan unicamente das consignas que só lle interesa as súa central en Madrid, un aspecto este, quizais máis acentuado no caso de Touriño, que, case ao final, recordoulle a Feijoo que se centrara en “España”.

Quintana pola contra, aínda que centrou os seus dardos en Feijoo (non podía facer outra cousa), pero non olvidaba desgranar o programa do BNG, e unha e outra vez, en cada un dos apartado nos que se dividiu o debate, resaltaba a importancia de que o BNG sexa decisivo en Madrid.

“O compromiso con Galiza demóstrase nas ocasións, e o BNG desmóstrao sempre que ten a ocasión”

Esta frase coido que sintetiza moi ben o que unha e outra vez repetía Quintana no debate con Feijoo e Touriño, e polo que a min respecta, o portavoz nacional do BNG foi o que soubo aproveitar mellor o debate, e coido que as súa mensaxe resultou máis clarificadora para a meirande parte dos espectadores, que o “eu fixen e ti non fixeches” de Touriño e Feijoo. Por outra parte, vin a un Touriño lamentábel, lendo continuamente nos papeis, encorsetado no seu papel de “delegado de zona” cando el, é o presidente do galegos e galegas, e aínda que hoxe estaba como Secretario Xeral do PsdeG, debeu centrar máis o debate no marco galego.

Perversidade

2008-02-26T08:34:00.004+01:00

Eu onte non vin o debate, teño que confesalo. Durante o mesmo estiven a ver unha película de Fritz Lang, Perversidade, onde tres personaxes están abocados á desgraza por mor dos seus soños e dos seus sentimentos. Non hai final feliz. No debate de onte tampouco hai final feliz, os dous din ganar e os dous din que perdeu o outro. No medio, a sociedade, que viu como un e outro se tiraban os trastos sen o menor rubor perante unha audiencia masiva e obrigada, como se foran os tempos do NO-DO e da televisión de dúas canles, un retorno ao pasado a toda cor e alta definición, onde se falaron de cousas que a meirande parte da poboación non lle afecta na súa vida diaria, e que só servirá para xerar máis confusión e desilusión entre a sociedade.

De que falaron, pois do mesmo do que levan falado os últimos catro anos: de terrorismo deixando un paréntese para a economía, como si ambos puideran ofrecer algo distinto do que a economía capitalista occidental pode permitirlles.

A gran ausente? Galiza, que nin sequera foi nomeada polo “gallego” Mariano Rajoy.

Vídeos de campaña

2008-02-24T23:07:00.003+01:00

O PSOE utiliza a publicidade comparativa, non ten reparos en amosar un cartel do PP. Os vídeos están feitos por Isabel Coixet, que dirixiu entre outras, A Vida Segreda das Palabras.

O PP tamén o fai, e non dubida en utilizar o humor, que se agradece.

Pero mentras unhs e outros se comparan nos vídeos só o BNG fala de Galiza.

Deputados cuatriplicados

2008-02-23T19:19:00.003+01:00

Sabedes quen encabeza a lista de candidatos do PP por Lugo? e por Pontevedra?. O cabeza de lista polo PSOE pola Coruña é o Ministro Molina, pero vistes algún cartaz deste señor nas rúas da Coruña ou nas vilas desta provincia?.

Está ben que os partidos potencien aos seus referentes máis coñecidos, pero de aí a reducir a meras comparsas os seus cabezas de lista, vai un abismo. Iso é precisamente o que están facendo tanto PP como o PSOE, que, ocultan literalmente os seus candidatos a deputados, que a fin de contas son os que elixen o Presidente do Goberno; pero polo visto, parece máis ben ao contrario que é o Presidente do Goberno o que elixe os seus deputados, que son logo os que lle farán gobernar con maior ou menor facilidade.