Lajareu por Barlovento

CALENDARIO DE REGATAS

2008-04-10T20:22:00.004+02:00

REGATAS DE DORNAS A VELA 2008

HOLA A TODOS COMPAÑEIROS:

Ahí vos poño o calendario de regatas para vos ir facendo á idea. Como sempre suxeitos a suspensións e aprazamentos polos caprichos da meteoroloxía. Sorte e bo vento

DATA	REGATA	ORGANIZACIÓN
29/03/08	TROFEO PRIMAVERA 1ª	A.C. LAJAREU
12/04/08	TROFEO PRIMAVERA 2ª	A.C. LAJAREU
26/04/08	TROFEO PRIMAVERA 3ª	A.C. LAJAREU
10/05/08	TROFEO PRIMAVERA 4ª	A.C. LAJAREU
24/05/08	TROFEO PRIMAVERA 5ª	A.C. LAJAREU
19/07/08	REGATA DA DORNA	A.C. LAJAREU
6/09/08	VOLTA A RÚA-PALMEIRA	A.C. LAJAREU

Port de la Selva

2008-03-04T20:29:00.027+01:00

Ola de novo mariñeiros. Vámoslle dar unha pouca "vidilla" ao noso blog con outra pequena reportaxe; esta vez na miña segunda terra, ou mellor dito, no meu segundo mar: o Mediterráneo bravo da Costa Brava catalana, donde boto algunhas semanas ao ano polo feliz motivo que todos coñecedes. Concretamente o meu destino é o Port de la Selva.

La "Selva" (A Fraga) é unha viliña agochada atras dun monte un par de kilómetros terra adentro. Aquí estiveron aturando os ataques dos piratas berberiscos unha chea de anos. As vilas estaban apartadas do mar e tiñan torres de defensa. No porto, no "Port", os da Selva non tiñan máis que as barcas e catro barracas para os aparellos. Cos tempos e co expolio dos tesouros das américas, os piratas marcharon para o Caribe e para os mares de Cádiz e Sevilla, e a Costa Brava quedou en paz. Daquela moitos da Selva instalárose no Porto, que chegou a ser unha preciosa vila mariñeira.

Pola sua situación afastada (case chegando a Francia), as dificuldades de acceso, e a falta de grandes areales - como os das praias veciñas do Golfo de Rosas- o Port de la Selva tivo un crecemento urbanístico razoable e un turismo contido e reservado a unhas cantas familias ben ou veraneantes "de toda a vida". Este feito, sumado ao de lindar có parque natural de Cap de Creus, fixo que, nestes tempos de aberracións urbanísticas e degradación das costas, o Port de la Selva inda conserve un aspecto xeitoso e auténtico. Aquí vemos o Port de la Selva dende o mosteiro románico de Sant Pere de Rodes, que domina a badía e dominou noutro tempo aquelas terras. Xa eles navegaban este mar e outros antes...

A Costa Brava é brava nas pedras e cantiles duros da costa, case sen abrigos, e brava no mar da Tramontana que sopla, cada cando en cando, cinco ou dez días seguidos a cen kilómetros por hora constantes; vento duro de Centro-Europa que se acanala entre os Alpes e os Pirineos e sale por aquí con toda a furia levantando un mar que hai que velo.

E para eses mares eses barcos: os Llauts: a tipoloxía tradicional do Mediterraneo: barcos fortes, poderosos, duas proas, francobordo bo e o aparello de latina, que alí dominaron ao máximo, chegando a velear con manobras e posicións imposibles e cheas de plasticidade; pero que tamén perderon axiña, pola ceda industrialización daquel país.

Pero pese a todo aquí están, recuperados por eses tolos lúcidos, coma nos, namorados do seu mar, das suas embarcacións tradicionáis, e do seu velear. Cada vez se ven máis barcas aparelladas a vela latina, mesmo recuperaron máis dun barco sardiñeiro, "llauts quillats" de vinte metros, co seu esforzo colectivo.

Pero o que máis me chama atención do Port de la Selva, e é o que vos quero amosar, non son as suas iniciativas a prol da recuperación das embarcacións tradicionáis, senón o pantalán do Náutico.
Velahí o tedes: cheo de embarcacións modernas de fibra (algunhas tamén de madeira) perfectamente adaptadas ao seu uso de lecer actual, pero que recrean no seu tipo e fasquía os tradicionáis llauts cataláns. Ocupan máis de dous terzos dos amarres do Clube Náutico e a escena repítese en cada Náutico e cada Mariña da costa catalana. ¿Non vos acae unha fonda reflexión? Coa nosa inmensa riqueza en tipoloxías de embarcacións tradicionáis, coa singularidade e excepcionáis cualidades mariñeiras da nosa dorna, ¿cómo é que nos clubes náuticos de Galicia hai o que hai, e nada do outro? A resposta está, como todo, na xente, na mentalidade, na sociedade, na cultura.

Porque as clases medias e altas de alá queren un barco de recreo propiamente catalán, con todas as comodidades modernas, pero cunha fasquía e unhas liñas nas que se podan identificar: "a identidade", da que fala o noso ben querido Stafan Mörling. Esta xente identifícase nas súas propias manifestacións culturales, como tamén o é a lingua, porque os socios do Náutico de Port de la Selva falan maioritariamente catalán. ¿E nos? ¿Qué se ve nos clubes náuticos da nosa costa? ¿E qué se fala?. Igual por eso a eles lles vai así e a nos... así nos vai!. Pero non desesperar, que ao fin e ao cabo é unha cuestión de atraso socioeconómico e cultural e, ha de custar, pero habemos chegar... ou non...

Axuda da S. X. de Comunicación da Xunta

2007-11-26T10:45:00.000+01:00

Esta páxina web en galego tivo unha axuda outorgada pola Dirección Xeral de Comunicación Audiovisual da Xunta de Galicia.

Por eses mares de Dios

2007-10-18T18:32:00.000+02:00

Vista das Illas Alicudi e Filicudi dende a Illa de Salina (Illas Eolias, Sicilia)

Ola de novo mariñeiros.
Por se non vo-lo dixen, Ingrid e eu acabamos de volver das nosas vacacións, dunha preciosa viaxe a Sicilia, a Illa mais grande e central do mar Mediterraneo que foi noutro tempo centro do mundo. Na sua costa xónica, na cidade de Siracusa, a cultura grega clásica acadou o seu maior esplendor, e hoxe podemos admirar os seus marabillosos templos dóricos, teatros, urbes e castelos nun excelente estado de conservación.
Templo grego clásico da Concordia, Agrigento (Sicilia)

Romanos, bizantinos, árabes e normandos deixaron alí magníficas mostras do seu paso sobrevivindo a terremotos e volcáns ainda hoxe fumeantes. E, como non podia ser doutro xeito, andando por eses mares de Dios, tamén poidemos achegarnos ao seu patrimonio cultural marítimo, do que vos traemos esta pequena mostra:
Porto Mariñeiro de Ognina (Catania, Sicilia)

Aquí tedes unha vista da porto de Ognina, nunha esquiniña da grande urbe de Catania, cheo de embarcacións tradicionais de diversa tipoloxía. Sorprendente o enorme pichón da embarcación de cuberta vermella (no centro, ao fondo).

Porto mariñeiro de Acicastello (Sicilia)

Neste porto de Acicastello, moi cerca de Catania, o reporteiro exhibe fachendoso o emblema do Lajareu na sua camiseta mentres posa ao lado da "Pietro", magníficamente decorada ao estilo tradicional. Ao fondo os "Faralloni" (non deixei de sorprenderme das coincidencias lingüísticas co galego).
Porto mariñeiro de Acicastello (Sicilia)

E aquí temos esta preciosa embarcación do mesmo tipo esquisitamente decorada no estilo tradicional e aparellada coa sua vela latina. Felicidades a quen teña levado a cabo esta labor de conservación do patrimonio mariñeiro siciliano.

Porto mariñeiro de Acicastello (Sicilia)

Estas embarcacións reciben o nome xenérico de "gozzo" (plural "gozzi") e polo que vin gardan un enorme parecido coas nosas bucetas e os llaguts cataláns.Velaquí o detalle da "Acitrezza". Vese na proa o ollo do deus exipcio "Ra", que extenderon os fenicios por todo o Mediterraneo. Nos nosos Encontros de Embarcacións Tradicionáis puidémolo ver na barca de xábega magaleña.
Peirao na boca do canal de Siracusa (Sicilia)

En Siracusa quiteille esta foto aos equivalentes sicilianos dun bote polveiro e unha buceta de pouca manga, das que chamaban no Freixo "canoas". Observade os corredores so de meo a proa.

Porto de Lingua, Illa de Salina (Illas Eolias, Sicilia)

Na Illa de Salina, nas Eolias, perto da cinematográfica Stromboli co seu volcán activo, puiden ver esta variedade de menor manga. Fixádevos na varada. Como se nota que alí non hai mareas...

Varadeiro en Pollara, Illa de Salina (Illas Eolias, Sicilia)

E xa para rematar, unha foto en detalle destes curiosos imbornais triangulares.

Hai moito mais pero non me colle. Unha aperta a todos. Vémonos na próxima regata!

Pais, Fillos e Aljún Irmán

2007-09-17T21:19:00.000+02:00

A Fiuza

A Áncora

A Sandra

A Xarda

Fotos Primavera 2007

As Saídas

2007-09-09T20:52:00.000+02:00

Sonche espectaculares. ¡Ai os nervios! ¿Estou onde teño que estar? ¿Por que se me cruza deste xeito este mal amigo, mala persoa?

“¡Estribor, estribor!”

“¡¿Non ves que teño dereito de paso?!”

“¡Veña, veña!”

“¡Amigos en terra, eh!”

Sonche as saídas.

Foto Primavera 2007

Pincha na foto e verás detalles impresionantes. No duelo a Tixosa de José Bermo -- American -- e Xesus Cadaveira -- Santiajés-- e a Papoula de Carlos Otero -- Arsua -- e Jorge Ramos -- Ribeira.

VIII Encontro de Embarcacións Tradicionáis de Galicia

2007-07-11T18:43:00.000+02:00

Os pasados dias 5, 6, 7, e 8 de xullo celebrouse en Ferrol o esperado VIII Encontro de Embarcacións Tradicionáis de Galicia. O Lajareu estivo dignamente representado pola Moura, a Adoa, a Ardentía e a Stella e as súas respectivas tripulacións. A primeira en chegar a Ferrol foi a Moura patroneada como ven sendo habitual a medias polos irmaos Cadaveira, e tripulada polo noso bo amigo Miguel, ao que agradecemos dende aquí a sua presenza e xenerosa colaboración na loxística. A Moura atravesou o golfo ártabro a vela, partindo dende o coruñés castelo de San Antón nunha preciosa travesía con ventos pola amura pola Ría da Curuña, a Costa de Dexo, o paso da Marola, a boca da Ria de Ares, e a espectacular entrada na Ría de Ferrol en popa redonda. Un saudo dende aquí aos compañeiros de travesía dos veleiros holandés e canadiano, da mugardesa do galeón coruñés aos que agradecemos a sua colaboración e calideza.
Na tarde do venres incorporáronse á nosa delegación as tripulacións da Adoa, Ardentía e a Stella que contribuiron a deixar o pabillón do Lajareu ben alto; mellor dito os catro pabillóns do lajareu que estrenamos para a ocasión vestindo de festa os mástiles da nosa flotiña.
Xa o domingo tivemos a honra de contar coa compañía dunha máis nutrida representación encabezada polo noso presidente Adelino, con Fernando, Charli e os dous Josés, que puideron disfrutar duns bordos pola Ría e compartir o xantar mariñeiro .

O encontro estivo magníficamente organizado. Felicitacións dende aquí aos Amigos do Clube do Mar de Ferrol polo ben que o fixeron e o mellor que nos trataron. Mesmo se ocuparon de encargar un ventiño chulo para os catro dias do que disfrutamos o cento longo de embarcacións que alá acodimos a encher a Ría de velas de relinga, latinas, místicas, de martelo, ao terzo, cangrexas e de propia colleita: qué espectáculo!

Sen desmerecer a todas as magníficas embarcacións que alí velearon, resultou salientable a presenza dun baleeiro dos Açores, de espectaculares liñas estilizadas,

do noso parente o carocho do miño,

dun precioso cutter inglés de 94 anos

e, como non, da espectacular a goleta de velacho "Recoubrance" réplica dun "aviso" da armada francesa de 1817 representante da cidade de Brest que veu para invitarnos á festa do mar que celebra a cidade bretona o ano que ven.

Do maior interés foron as xornadas técnicas sobre unha futura lexislacións das embarcacións tradicionáis celebradas a bordo do Hidria con ponentes do máximo nivel que inaugurou o noso querido Morling que nos honrou coa sua presenza durante os catro dias.
Un saudo aos amigos vascos da traineira Ameriketatik, ás delegacións catalana e cartajenera e aos nosos amigos de Monforte que fixeron navegar pola ria de Ferrol a sua ancestral "barca de dornas".
E para todos: Ata o próximo encontro, mariñeiros!

Calendario de Regatas de Dornas a Vela

2007-05-31T13:31:00.000+02:00

Ollo, segundo avisounos Suso, tíñamos un erro no noso calendario, xa que os do Fasquía cambiaran a súa regata para o día 9. A REGATA FASQUÍA NON É PARA O VINDEIRO SÁBADO.

Hoxe o vimos tamén na edición de Arousa de La Voz de Galicia: "Fasquía espera superar o medio cento de dornas no seu trofeo. A proba disputarase o día 9 de xuño e sairá do peirao do Xufre ás catro da tarde. A asociación da Illa tamén estará presente nos Encontros de Embarcaciáns Tradicionais"

Máis abaixo pódese ver o calendario, pero tamén podedes verlo aquí. Se queredes, tamén pódense ver outras actividades da FGCMF como encontros etc. Para iso só tedes que picar en cal xeral.

Se alguén quere apuntarse a algunha das actividades organizadas ca Federación deberá poñerse en contacto ben con nós en lajareu[arroba]gmail.com ou ainda mellor na FGCMF.

Por certo avísannos da FGCMC do seguinte:

Pregamos lle fagades a maxima distribución entre os asociados, AS SAIDAS O EXTERIOR: PORTUGAL, CATALUÑA OU FRANCIA, teñen "bonificación", consideránse como promoción do VIII Encontro e nesa medida ou ben se organiza un transporte colectivo (trailer, como Cadques o Malaga) si fora preciso, que pagaría a FGCMF ou de non darse este caso veríase de pagarlle os que se desplacen os gastos de Kmetraxe, como xa se fixo cando foi do encontro de Cambados.

Lembrar que para o Encontro de Ferrol para embarcacións significativas ou de interés (como minimo) organizaránse transportes para subir (e baixar) a Ferrol, paga o VIII Encontro. Podedes ir dando conta do voso interés para trazar os puntos de carga e descarga. Lembrade que como motivo de celebrarse o Encontro en Coruña unha semán antes, veríamos a conveniencia de levalas primeiro a Coruña, lóxicamente co consentimento do armador.

Resultados da X Regata de Primavera de Dornas a Vela

2007-05-30T13:10:00.000+02:00

Xa podedes ver no Internet os resultados do X Campionato de Dornas a Vela Lajareu por barlovento do ano 2007, que como sabedes gañou a Volandeira con Victor Rincón e José Antonio Alvarez.

Fotos da quinta regata do X Campionato de Primavera

2007-05-29T20:53:00.000+02:00

Xa temos subidas ó web as fotos da última regata do "X Campionado de Primavera de Dornas a Vela Lajareu por Barlovento" do ano 2007. As podedes ver como unha presentación de diapositiva ou cos detalles e comentarios. Son moitas así que tede paciencia.

Na foto, os brillantes campións e tripulantes da Volandeira amosan o seu trofeo.

Clasificación do X Campionato de Primavera

2007-05-10T19:58:00.000+02:00

Poden vostedes ver a clasificación do campionato nesta folla de cálculo.

Como ven a cousa está decidida no primeiro posto, pero os trofeos que ven a continuación haberán de disputarse na derradeira regata do campionato.

Tenme que perdoar pola foto, pero non digan que non temos un bo fotógrafo (ademais de xuíz) que ata se permite facer fotos aéreas.

Galiza non se vende

2007-05-04T00:37:00.000+02:00

Es opinión do que escribe isto, que o libre acceso a ribeira do mar, o seu libre uso, e a paisaxe costeira tamén forman parte da cultura mariña, porque o territorio no que vivimos e no que desenvolvemos as nosas actividades condiciona a nosa vida e o noso xeito de entendela.

Nos últimos anos estamos a ver un como un urbanismo salvaxe e insostible está a comer a nosa terra. Dito urbanismo faise sentir dun xeito especial nas nosas costas, e está a destruír o noso patrimonio cultural, a biodiversidade e a paisaxe.

Aínda é posible desenvolver unha política de ordenamento do territorio respectuosa; por iso, eu o próximo domingo, vou á manifestación en Santiago convocada por moitos colectivos de Galiza. Se os animades, vémonos alá:

Manifestación Galiza Non se Vende: Terra Viva e Vida Digna para todos

6 de maio ás 12:00. Santiago de Compostela

Saída dende a Alameda

A terceira regata de primavera do 2007 na prensa

2007-04-19T09:53:00.000+02:00

La Voz de Galicia: "La Volandeira tiene a tiro el título tras su tercera victoria

Dominó la regata pese a que protagonizó una pésima salida

La Papoula plantó una dura batalla en el tramo decisivo, pero marró en la última maniobra"

Masmar.com: Volandeira: Tres de Tres: "TERCERA PRUEBA DEL X CAMPEONATO DE PRIMAVERA DE DORNAS A VELA"

Volandeira: Tres de Tres"

Terceira Regata Primavera de Dornas a Vela 2007

2007-04-18T19:51:00.000+02:00

Xa temos subidas ó Flickr as fotos da Terceira Regata Primavera de Dornas a Vela 2007.

Podesé ver o detalle con algún comentario do que ocurrió na regata, e tamén pódese ver unha presentación de diapositivas das dornas.

A Volandeira vai que voa

2007-04-12T01:00:00.000+02:00

Pois xa se celebrou a segunda regata de dornas a vela do campionato de primavera, e a Volandeira volveu a gañar. Eu, humilde tripulante da Jolfiña, chejei a meta pero no último posto. E iso que pensabamos que íamos gañar. Mais, se a flota vai toda nunha dirección, entón o que vai só e por libre, está a equivocarse. Pero nós, non damos aprendido. E iso vai con todo na vida. Un non pode ir nunca afastado do resto da flota. De seguro que está a equivocarse.
Pero vexan o que aconteceu na segunda regata. Vieiros cóntao de marabilla. Tamén aparece na Voz de Galicia, e Masmar.

Primeira regata de primavera

2007-03-24T11:18:00.000+01:00

Xa vai unha semana dende que se celebrara a nosa primeira regata da temporada, e temos esquecido este o noso blog. Foi unha regata moi importante, non solo por ser a primeira, mais tamén porque nela estabamos a estrear a nosa nova vela axustada ó deseño tradicional.

Os que a tiñan probada dixeran que a vela era boa, pero os que a estreabamos por primeira vez tíñamos medo. A vella vela era máis grande e nós estabamos xa afeitos a ela. Agora non tiñamos nin idea de como ía a traballar. Por riba de todo, o vento non acompañaba demasiado. Sopraba unha brisiña suave do nordés.

Os nosos medos quedaron superados rapidamente. A pesar da escasa velocidade do vento, a vela tiña potencia de abondo. E coido que todos quedaramos contentos ca experiencia. Os comentarios foran moi satisfactorios á volta da regata.

O que alí aconteceu podedes lelo na Voz de Galicia, en Masmar e en Prensa das Rías.

E esta tarde, ás catro, temos a nosa segunda regata. Parece que imos ter un vento moi similar ó de fai quince días segundo as previsións. ¡Non importa! Seguro que imos gozar de novo.

Agradeceríamos que alguén trouxese unha cámara fotográfica ou vídeo para deixar constancia do evento e poder ver como locen as novas velas.

Sobre o acordo dos clubs de dornas a vela

2007-03-06T02:59:00.000+01:00

Intentei insertar a seguinte menxase no foro da F.G.C.M.F pero non se me permite. Aparéceme una mexase que din "Non ten autorización para acceder a este foro". Coido que é de interese como para que sea insertada, e gostariame que o leeran todos os socios de dita Federación. Por iso publícoa aquí.

Veño de publicar na páxina web do Lajareu o acordo que no ano 2000 fora alcanzado polos clubs e asociacións máis representativas no deporte da vela en aquel momento.

Hoxe en día dito acordo xa non está a levarse a cabo; pero publiqueino, porque coido que foi feito con moita intelixencia y moito sentidiño, e convén que non se esqueza o que entonces aconteceu para que hoxe non volva a repetirse.

Eu por aquel tempo era só un amante platónico do deporte da vela, e un cántabro de corazón que “flipaba” cas dornas. Por sorte, coñecín a xentes moi comprometidas con dito deporte, e cedo fixéronme un oco na Asociación Cultural Lajareu por Barlovento para participar neste belo deporte.

Pois ben, no ano 2000 fíxose este regulamento para protexer o noso querido deporte de xentes que viñan a organizaren as competicións das dornas sen contar ca maioría dos deportistas socios das outras asociacións.

Eu non sei cal era o interese que estaban a perseguir co mangoneo das competicións de dornas a vela. Esas persoas, segundo me contan, querían preparar grandes campionatos en moitos dos portos de Galiza. Que se o Campionato Galego, que se a Copa Galiza, que se o Campionato do Mundo (e un dicir). A cuestión era facer que os regatistas se moveran cas súas dornas por toda a xeografía galega para poder puntuar nestes “importantísimos” trofeos. O certo é que as competicións de dornas a vela víronse moi prexudicadas porque os regatistas acababan fartos de tanta regata e tanto y tan custoso desprazamento.

Por outra banda, estes organizadores de eventos, xestionaban as axudas públicas que as distintas administracións prestaban ó noso deporte autóctono, e logo as distribuían ó seu gusto entre os distintos clubs. A maior parte das veces os clubs tíñanse que conformar con un pequeno obsequio para os seus asociados, mentres, por outra banda tiñan que facer fronte ós gastos que supoñía participar en moitas regatas por puntos moi afastados dos peiraos base das dornas.

Todo isto facíase ca conivencia da Federación Galega de Vela, que copiaba as competicións dos veleiros modernos na clase Dorna, e por outra banda, dotaba ós distintos Clubs Náuticos da posibilidade de exhibir esta “nova e enxebre” clase Dorna. É de subliñar que moitos Clubs Náuticos apuntáronse ó filón das embarcacións tradicionais por este motivo.

Ante este panorama, as asociacións de dornas a vela plantáronse e fixeron o regulamento mencionado para a organización das súas competicións. Con isto pretendíase que todos os participantes con intereses lexítimos nas dornas tiveran a súa oportunidade de dicir algo sobre as competicións, e o mesmo tempo, que os clubs cunha abafadora maioría de regatistas non puidesen impoñerse ós demais.

Con este regulamento, as asociacións de dornas pensabamos que ninguén podería de novo mangonear o noso deporte. Ademais decataramos de que a Clase Dorna tiña o seu peso na Federación Galega de Vela. O número de regatistas nesta clase era tan importante que tiñamos a chave para a elección dun novo presidente da Federación. ¡Que equivocados estabamos!

Convencidos con boas palabras optamos polo cambio na presidencia da Federación. E a nosa delicia durou o tempo que transcorreu ata a primeira asemblea da Federación. Alí, decataramos da traizón da nova xunta directiva da Federación. A pesar de ter accedido á presidencia cos nosos votos, botaron por terra os acordos acadados por as asociacións da clase dorna e traizoándoos, acordaron facer os Campionatos Galegos, Copas Galiza, e Campionatos do Mundo que demandaban os Clubs Náuticos e aqueles que non estaban por favorecer ás embarcacións tradicionais se non outros intereses pouco claros.

Agora, a nosa Asociación teme que a historia se repita. É por iso que queremos facela pública. Xa sabedes, os que non coñecen a historia están condenados as repetila. Nós pensamos que os acordos acadados no ano 2000 seguen aínda a ser validos. O único que non serve es a Federación Galega de Vela que ten que ser substituída por unha Federación Deportiva de Embarcacións tradicionais.

Nos pensamos que có deporte pódese facer moito ben á cultura mariña. A nosa Asociación que fai 12 regatas no ano, varias pasantías, e está a organizar cursiños para cantos os demande cun custe simbólico, é a demostración viva de que imos polo camiño axeitado. Como sabedes contamos cun galpón de 458 metros cadrados dividido en dúas plantas que non chega para albergar ás dornas dos nosos socios.

E en canto as nosas actividades, non tedes máis que botar unha ollada á nosa páxina web. Alí atoparedes o noso calendario de regatas do 2007; estades todos invitados a participar.

Unha aperta,

Ignacio Jorganes
A.C. Lajareu por Barlovento

Calendario de regatas do 2007

2007-03-06T00:03:00.000+01:00

CALENDARIO DE REGATAS 2.007

Data	Regata	ORGANIZACIÓN
10/03/07	Trofeo primavera 1ª	A.C. LAJAREU
24/03/07	Trofeo primavera 2ª	A.C. LAJAREU
14/04/07	Trofeo primavera 3ª	A.C. LAJAREU
5/05/07	Trofeo primavera 4ª	A.C. LAJAREU
19/05/06	Trofeo primavera 5ª	A.C. LAJAREU
02/06/2007	R. Fasquía -Illa Arousa	ACDX Fasquía
16/06/2007	R. Area Seba - O Grobe	Amigos Dorna Meca
30/06/2007	Volta Illa de Arousa	ACD. Dorna
5-6-7-8/07/2007	VIII Encontro de Embarcacións Tradicionais de Galicia	Clube do Mar de Ferrol - F.G.C.M.F.
14/07/2007	R. Dos Faros - O Grobe	Amigos Dorna Meca
21/07/2007	R. da Dorna - Riveira	A.C. Lajareu Barlovento
04/08/2007	R. do Bao - Illa Arousa	ACD. Dorna
18/08/2007	R. do Albariño - Cambados	CM. Salnés
25/08/2007	R. da Calmoseira - Camb-Illa	Asociación Calmoseira
01/09/2007	R. Palmeira - Palmeira	A. C. Lajareu Barlovento
Outubro	R. do Marisco - O Grobe	Amigos Dorna Meca
6/10/07	Trofeo outono 1ª	A.C. Lajareu Barlovento
27/10/07	Trofeo outono 2ª	A.C. Lajareu Barlovento
10/11/07	Trofeo outono 3ª	A.C. Lajareu Barlovento
24/11/07	Trofeo outono 4ª	A.C. Lajareu Barlovento
15/12/07	Trofeo outono 5ª	A.C. Lajareu Barlovento

En vermello están as regatas organizadas polo Lajareu. En principio, e salvo que se avise doutra cosa, todas elas terán a saída as catro da tarde, polo que convén que esteades polo galpón as tres da tarde para ir baixando as dornas. Tal e como se quedou na asemblea, contaremos nas regatas con embarcacións de apoio e un xuíz para dar as saídas, controlar as chegadas e dirimir calquera incidencia.

Sería unha boa cousa contar cun fotógrafo nas regatas. Se alguén dos que le esta páxina está interesado en colaborar desinteresadamente, nós prestarémoslle o apoio necesario para que poda tomar unhas boas fotografías ou vídeo.

Regulamento de relacións entre os distintos clubs, asociacións e agrupacións de regatistas en referencia a clase “Dorna”

2007-03-05T19:30:00.000+01:00

Regulamento de relacións entre os distintos clubs, asociacións e agrupacións de regatistas en referencia a clase “Dorna”

O presente regulamento ten por obxecto que as representacións dos distintos clubs, asociacións e agrupacións de regatistas teñan un maior carácter democrático para a toma de acordos, decisións, actuacións, calendario, etcétera nos que participen os representantes da clase “Dorna”, e o mesmo tempo sirva tamén como incentivo de crecemento dos distintos clubs, asociacións, e agrupacións de deportistas.

Artigo 1

Establécese un sistema de voto ponderado, onde cada club, asociación ou agrupación de regatistas terá un número de votos en función das súas dornas participantes e cos seus correspondentes tripulantes debidamente federados.

Artigo 2

Establecerase un censo de regatistas de clase, onde para ser incluído en dito censo, cada dorna terá que haber participado ó menos en dúas regatas do “Calendario oficial de regatas da Federación Galega de Vela”. Estas dúas regatas deberán ser organizadas polo club ou asociación distinta a que pertence a dorna.

Artigo 3

O censo establecerase polos distintos representantes nunha reunión celebrada anualmente, o secretario da clase “Dorna” aportará a documentación das distintas regatas que os distintos clubs ou asociacións remitan a Federación Galega de Vela sobre as súas regatas celebradas no ano anterior. O secretario de clase actuará como secretario da reunión, levantando acta firmada polos distintos representantes, despois das deliberacións levadas a cabo na antedita reunión.

Artigo 4

Os votos establécense da seguinte maneira:

- As primeiras dúas: 1 voto

- As seguintes tres dornas: 1 voto

- As seguintes catro dornas: 1 voto

- As seguintes cinco dornas: 1 voto, e así sucesivamente

Artigo 5

En ningún caso un club, asociación ou agrupación de regatistas aínda que teña maioría absoluta non será vinculante para a toma de acordos, si ó menos non conta co apoio doutro club, asociación ou agrupación de regatistas.

Se aproba o presente regulamento na reunión celebrada na A.C.D. Dorna da Illa de Arousa en fecha de vintenove de outubro de 2.000. Asisten os representantes dos clubs e asociacións seguintes:

- A.C.D. Dorna – Felipe Vázquez Abal

- A.C. Lajareu Adelino Formoso Dosil

- C.N. Illa de Arousa – José Antonio Dorado Outeda

- A.D.C. Rabandeira – José Luis Iglesias García

[Seguen as firmas e DNI de todos eles]