:: S n a p s h o t s ::

::Snapshots:: 3rd Edition

2007-12-26T02:38:00.000+02:00

الان بجاليرى طاو

الطبعة الثالثة من

Snapshots

15أ شارع المرعشلى - الزمالك

Now available at Taw Gallery

The 3rd Edition

Snapshots

15A Mar3ashly Street, Zamalek

*Taw Gallery Group on Facebook

Battle

2007-10-16T15:26:00.000+02:00

He

2007-10-16T12:46:00.000+02:00

ٱللَّهُ نُورُ ٱلسَّمَـٰوَٲتِ وَٱلۡأَرۡضِ‌ۚ

2007-10-04T14:41:00.000+02:00

ٱللَّهُ نُورُ ٱلسَّمَـٰوَٲتِ وَٱلۡأَرۡضِ‌ۚ مَثَلُ نُورِهِۦ كَمِشۡكَوٰةٍ۬ فِيہَا مِصۡبَاحٌ‌ۖ ٱلۡمِصۡبَاحُ فِى زُجَاجَةٍ‌ۖ ٱلزُّجَاجَةُ كَأَنَّہَا كَوۡكَبٌ۬ دُرِّىٌّ۬ يُوقَدُ مِن شَجَرَةٍ۬ مُّبَـٰرَڪَةٍ۬ زَيۡتُونَةٍ۬ لَّا شَرۡقِيَّةٍ۬ وَلَا غَرۡبِيَّةٍ۬ يَكَادُ زَيۡتُہَا يُضِىٓءُ وَلَوۡ لَمۡ تَمۡسَسۡهُ نَارٌ۬‌ۚ نُّورٌ عَلَىٰ نُورٍ۬‌ۗ يَہۡدِى ٱللَّهُ لِنُورِهِۦ مَن يَشَآءُ‌ۚ وَيَضۡرِبُ ٱللَّهُ ٱلۡأَمۡثَـٰلَ لِلنَّاسِ‌ۗ وَٱللَّهُ بِكُلِّ شَىۡءٍ عَلِيمٌ۬

سُوۡرَةُ النُّور - 35

زهور

2007-09-20T16:03:00.000+02:00

كررررررررررررك
ارفع فرامل يد السيارة ثم أغادرها مسرعاٌ وأتأكد من أغلاقها قبل أن أعبر الطريق قاصداٌ محل الزهور الذى أعتدت أن أذهب اليه فى المناسبات السعيدة أوالتعيسة على السواء ، لطالما تسألت كيف أرتبطت الزهور بالمحبين وبالمرض رغم تناقضهما

أسلم على البائع وانا لست متأكداٌ من أنه يتذكرنى فهويتظاهر بمعرفتى منذ أول مرة دخلت فيها محله الزجاجى الصغير
يسألنى الأسئلة التقليدية "المناسبة أيه يا باشا؟" ، "فى حدود كام سيادتك؟"
أرتبك، فليس لدى غرض محدد من الشراء ولا أمانع من أن أدفع كثيرأٌ أو قليلاٌ
أدعى بعض المناسبات المحيرة غير ذات الدلالة ، ثم أطلق رقمأٌ يبدو كبيرأٌ بعض الشيئ

أحدق كثيراٌ فى الزهور البيضاء ، لطالما كان لى ذكريات محببة مع الزهور البيضاء ، تشعرك الزهور البيضاء دائماٌ بالألفة ، ولكننى اعلم جيداٌ أن الألفة وحدها لا تصنع صحبة جميلة ، يخبرنى البائع أن أى من الألوان يمكن أضافتها للأبيض ، دائما ما كان يبهرنى صحبة الورد الأبيض مع القرنفل الأحمر القنى ، لتناقض لونيهما سحر خاص
لكننى أيضاٌ تجتاحنى رغبة تغيير المعتاد حتى لو كان محبباٌ ، تلفت نظرى الزهور الحديثة الخضراء والزرقاء ، تبدو جذابة لكنها غير أصيلة
تطوف بى الخواطر والألوان والرجل لا يكف عن الأقتراحات وعرض الأشكال المختلفة ويطلق على مسامعى اسماء لا أعرفها فلا يزيد حيرتى الا حيرة
لكنى لم أكن اكترث لكلماته بقدر ما يحيرنى ما تثيره زهوره فى نفسى من أنطباعات مختلفة
من خلف الزجاج الذى ينساب عليه الماء فيتلألأ بفعل الأضواء تبدو الزهور الحمراء مغرية حقاٌ ، وتشعرنى الزرقاء بأنها تعكس ما فى داحلى ، أعتقد دائما أن داخلى أزرق ، كذلك تبدو الصفراء شقية بشكل محبب.....
أعلم جيداق أنه لا يمكننى جمع كل الزهور، وأن باقتى لن تحمل سوى لونين أو ثلاثة على الأكثر

كان البائع قد أفرغ ما فى جعبته وأنا صامت منذ البداية ، فساد صمت موقع ، ما لبث أن قطعه سؤال من احد مشترى اخر بدا اكثر جدية وتحديداٌ ، فتراجعت خطوتين للخلف كى أفسح لهما المجال وانا اغرق فى الأشكال والألوان مجدداٌ
تمر دقائق طوال والبائع المنشغل يرمقنى بنظرة متسائلة بين الحين والأخر فأتراجع اكثر ، وأخيراٌ يسألنى "مفيش حاجه لسه يا ياشا؟" فأرد بأجابات غير مفهومة ، فيشير هو الى الساعة المعلقة على الحائط ويقول شيئاق عن ميعاد الأغلاق
أشير بيدى معتذراٌ وأشيح بنظرى عنه وأبتعد بينما يشير هو للصبى بأغلاق المحل
أبتعد أكثر وعيناى معلقتان بالزهور الكثيرة المتراصة خلف الزجاج

كررررررررررك

ينزلق الباب الحديدى وتختفى كل الزهور عن ناظرى

Little Girl

2007-08-19T21:25:00.001+03:00

بخصوص فرح عمر :-)

2007-08-17T03:04:00.000+03:00

أضغط الصورة لمعرفة التفاصيل :-)

وأنا كمان

2007-08-13T01:02:00.000+03:00

كان ثلاثتنا جالسين على السور العريض للمدرسه التى يستخدم اولاد حينا والاحياء المجاوره ملعبها ، جلسنا فوق السور نشاهد إحدى المباريات بنصف أهتمام ونتسامر ، كنا ما بين الثانية عشر والثالثة عشر عاماٌ

تسامرنا حتى قال أحدنا لسبب لا أذكره : " بابا مبيشتمش أبداٌ .. لايمكن يقول اى لفظ وحش" ثم عدد بعض فضائل ابوه وأستشهد ببعض المواقف الساذجه .

ثم تكلمت أنا فقلت " بابا نادر اوى لما بيقول لفظ وحش ، بس لما حد يستفزه جدا"

أما ثالثنا - وكعادة حلقات الحكى فى هذا السن - فقد استشعر ان دوره قد حان ليتكلم، مفاخرا بأباه بالطبع، وكان ابوه رجل استقال من وظيفته الحكوميه وافتتح محلا متوسط الحجم للبقاله ولوازم المنزل و المدارس، وقد اشتهرالأب بأنه رجل عصبى سليط اللسان، يتشاجر مع الماره من الأطفال العابرين لمدارسهم او المراهقين الصغار الذين يتسكعون فى الطريق حول المدرسه، كان يثور بسبب او بدون سبب ، فيطلق سيول من السباب القذر وقد يسعده حظه المريض احيانا فيمسك بأحد الصبية الصغار فيوسعه ضرباٌ، غير أنه كان رغم ذلك جبانا ولا يختلق هذه المشاكل الا مع الاولاد الصغار ويتجنب المراهقين الكبار ولا يشترك أبدا فى اى شجار جاد فى الحى.

وكان صاحبنا يعلم هذا جيدا، ويعلم اننا نعلمه جيدا، أشفقت عليه من حرج الموقف ولكننى لم أفعل شيئا

سكت ثلاثتنا دهرٌا، وساد صمت وترقب، ثم فجأه قال صاحبنا : وأنا كمان أبويا مبيشتمش ..

Welcome to Machine

2007-08-02T16:53:00.000+03:00

I've seen it all

2007-08-01T01:01:00.000+03:00

وجدتهااااااااااااااا

البوست مفتوح للتعليق

I've seen it all
Bjork - I've Seen It All

I've seen it all,
I have seen the trees, I've seen the willow leaves dancing in the breeze
I've seen a friend killed by a friend,
And lives that were over before they were spent.
I've seen what I was - I know what I'll be
I've seen it all - there is no more to see!

You haven't seen elephants, kings or Peru!
I'm happy to say I had better to do
What about China? Have you seen the Great Wall?
All walls are great, if the roof doesn't fall!
And the man you will marry?The home you will share?
To be honest, I really don't care...
You've never been to Niagara Falls?
I have seen water, its water, that's all...
The Eiffel Tower, the Empire State?
My pulse was as high on my very first date!
Your grandson's hand as he plays with your hair?
To be honest, I really don't care...
I've seen it all, I've seen the dark
I've seen the brightness in one little spark.
I've seen what I chose and I've seen what I need,
And that is enough, to want more would be greed.
I've seen what I was and I know what I'll be
I've seen it all - there is no more to see!
You've seen it all and all you have seen
You can always review on your own little screen
The light and the dark, the big and the small
Just keep in mind - you need no more at all
You've seen what you were and know what you'll be
You've seen it all - there is no more to see!

tagged

2007-07-22T00:26:00.000+03:00

أولاٌ يسعدنى أعلان غلق التعليقات على البلوج وذلك لعدم جدواها على الأطلاق سواء سلباٌ أو أيجاباٌ ، وكذلك حرصاٌ منى على الخصوبة العامة ، وأتجه بأعتذار خاص ل AZ لأنى لم أتفهم أغلاقها للتعليقات الا مؤخراٌ ، مع الأبقاء على عنوان بريدى الألكترونى للتواصل والأراء الجادة بخصوص التصميمات

ثانياٌ : علشان خاطر مى وبرغم أعتراضى على كتير من الأسئلة ...

أحب شخص لقلبك فى الدنيا ؟
مقدرش أقول كده على شخص واحد فى الدنيا ، كمان أنا فقدت اللى كان ممكن أسميه أحب شخص ، أنما أكيد عايلتى تيجى فى الصدارة

انسان مستعد تضحي بحياتك – ركز فى كلمة حياتك - عشانه؟
سؤال نظرى جداٌ مظنش أننا نعرف نجاوب ألا لمل نتحط فى التجربة ، ساعات أفكر أن ميتهيأليش ساعة الجد هاضحى بحياتى علشان حد ، ماعدا عايلتى برضه

وساعات أفكر أنى منيش ميت على الدنيا أوى كدة فممكن أضحى بحياتى علشان ناس كتير أوى أو حتى حد معرفهوش

الأجابة محتاجة أنك تتحط فى فيلم أمريكانى وزعيم العصابة بينشن على حد بتحبه ، أو فيلم عربى ويكون مفروض تتبرع بكليتك علشان الشخص اللى بتحبه كان ساكن فى الدور العاشر وعاش عمره يشرب مية الخزان ، أو فيلم هندى يكون الشخص اللى بتحبه مدلدل من فوق جسر والتماسيح هتقرمه فى لامؤخذته وانت ترمى نفسك علشان تشاغل التماسيح

انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك ؟
ياه ، دول قوايم مش واحد ، أنما يتصدر القائمة واحدة ست كبيرة أتسببتلى فى أذى شنيع ، و بعدها يجى كام ظابط شرطة وكام مدرس و كام دكتور من معدومى الضمير

وعموماٌ تصورك ده مخفف جداٌ بالنسبه للى ناوى أعمله .. نيهاهاهاه

ما هو اسم أجمل كتاب كتبه بشر قرأته ومحتفظ به حتى الان ؟ انت متعلق بيه وبتقرأه كل فترة ؟
اصعب برضه حكاية ألأفضل على الأطلاق دى ، بس ممكن اقول كام حاجة : الأعمال الكاملة لأمل دنقل وده معايا فى شنطة سفرى دائماٌ ، رباعيات صلاح جاهين ، النبى لجبران خليل جبران ، عيون البنفسج لعلاء الديب ، أصداء السيرة الذاتية لنجيب محفوظ ، العجوز والبحر لهمنجواى ، الأم الكبيرة لماركيز .. يعنى

اهم جهاز منزلى انت متعلق بيه او بتستخدمه كتير؟
لو أعتبرناه جهاز منزلى... الكومبيوتر ... متهيائلى الوحيد كمان .. حتى التليفزيون ماليش فيه

شىء تحس بالراحة النفسية عندما تنظر اليه؟
طفل أقل من 3 سنين

مكان تحس فيه بالحنين الى شىء لا تدرى ماهو و ذكريات جارفة الى لاشىء؟
كل الأماكن اللى قضيت فيها وقت جميل بحس ناحيتها بحنين

اجمل مدينة زرتها داخل مصر؟
بحب اسكندرية لسبب غير معروف

أجمل مكان طبيعي رأيته داخل مصر؟
سينا فيها حتت حلوة كتير

شخصية كارتونية بتحبها؟
دونالد دك بطوط - جيرى

نوع هاتفك المحمول؟
ايه الهيافة دى

سرعة بروسيسور جهازك؟
3.01 ghz

أصلى مغير قريب

تقريباٌ السؤال هايف برضه بس أنا مبسوط بالجهاز شوية

حجم ذاكرة –هارد- جهازك؟
160 G

المساحة التى تشغلها المواد الاسلامية على جهازك؟
بداية الأسئلة المستفزة

نفس المساحة السالف ذكرها فى قلبك-الاجابة لنفسك عشان الرياء يا اخواننا-؟
تانى سؤال مستفز ، يخص مين الكلام ده

أهم هدف انت واضعه لحياتك دلوئتى؟
شغلى

مواصفات فتاة الأحلام بالنسبة لك ؟
أى واحدة أبقى مبسوط معاها

صف ما يأتى
شعورك لما بتسمع كلمة مصر ؟
وجع

شعورك لما بتسمع كلام عن اليهود؟

للمرة المليون اليهود ناس أصحاب ديانة ، مشكلتنا مع الأسرائيليين أو أغلبهم ، وعموماٌ مبقتش بحس بحاجة برضه ، جثث الأطفال بس هى اللى لسه بتعمل تأثير ، يجى نص ساعة أو ساعة الأ ربع كده

شعورك لما بتشوف ظابط شرطة؟
غثيان .. أفضل ما قيل فى الشعور ده كتبه الشاعر على سلامة هابقى أحطها

لون البطانية اللى بتتغطى بيها فى الشتاء؟
يا رب أرحمنى

لون الجورب-الشراب- المفضل لديك؟
هو السؤال الجاى هيبقى عن ايه بالظبط

احساسك اذا داست قدمك فى الطريق على مخلفات اخراج حيوان- *** ولا مؤاخذة-؟
هو أنا مش فاهم ايه معنى السؤال ده بس أكيد مش هحس بأنفتاح فى الشهية

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟

مالو ده؟ هو كده بقى جاب الديب من ديله؟!

أنا عرفت شخصيات كتير مفيدة للدين عمر ما كان واحد فيهم شكله كده ، حد فينا يعرف عالم شكله كده ، فقيه ، قاضى عادل ، مناضل ... مظنش

احساس يراودك فى اشارة مرور مغلقة بسبب مسئول كبير؟
أحساس أى حد بياخد 40 قفا ورا بعض

مين اكتر ست اشخاص بتحبهم ؟؟؟
عائلتى و قليل من الأصدقاء

هل أنت سعيد ؟
غالباٌ لأ

لو اجتمعت مع حسنى مبارك فى مكان واحد هتعمل ايه ؟
والله انا جربت وطبعاٌ معملتش حاجة (وعموماٌ أنا بحس أن المشكلة مش فيه) مقتع أنا بالأغنية بتاعة منير : طول العمر العسكر عسكر بس الناس ، الناس كانت ناس

لو معايا مليون ونص أعمل ايه ؟
شقة حلوة وعربية لطيفة وأفتح مكتبى بقى ولو أتبقى حاجة أعمل رحلة حلوة ، هما المليون ونص ما بقوش كتير

بتحب مصر ؟
مش عارف

أنت مسلم ؟
ملكش دعوة

ليه ؟
ميخصكش

مين أكتر شخصية متقدرش تستغنى عنها ؟
محدش بيموت ورا حد

ايه أكتر موقف محرج ؟
كتير فعلاٌ ، أكيد مش هفضح نفسى

الأمنية اللى اتمنى تحقيقها ؟
أبقى مبسوط أنا واللى يهمونى

التاج بقى يتمرر لمين ؟
جاسر ويسرا ومويا وسلمى البنا ونور Az وشيماء وفنجان قهوة وخلخال

It's probably me

2007-07-13T19:21:00.000+03:00

If the night turned cold and the stars looked down
And you hug yourself on the cold cold ground
You wake the morning in a stranger's coat
No one would you see
You ask yourself, who's watched for me
My only friend, who could it be
it's hard to say it
I hate to say it, but it's probably me

When your belly's empty and the hunger's so real
And you're too proud to beg and too dumb to steal
You search the city for your only friend
No one would you see
You ask yourself, who could it be
A solitary voice to speak out and set me free
I hard to say it
I hate to say it, but it's probably me

You're not the easiest person I ever got to know
And it's hard for us both to let our feelings show
Some would say I should let you go your way
You'll only make me cry
If there's one guy, just one guy
Who'd lay down his life for you and die
It's hard to say it
It's hate to say it, but it's probably me

When the world's gone crazy and it makes no sense
There's only one voice that comes to your defense
The jury's out and your eyes search the room
And one friendly face is all you need to see
If there's one guy, just one guy
Who'd lay down his life for you and die
It's hard to say it
I hate to say it, but it's probably me
I hate to say it
I hate to say it, but it's probably me

It's probably me - Sting

أشمعنى يعنى النهارده

2007-07-13T02:12:00.000+03:00

عمر الزمن ما كمل الحدوتة
أشمعنى يعنى النهارده

للى بيحلم أقول "توتة توتة"
فوق يا أبن أدم واستمع واهدا

احنا قلوب بس القلوب شايبه
متعلقه سايبه فى حبال دايبه

كله يوصل للمفيش
حياة رخيصة متساويش

اوعى تراهن ع الزمن
عمر الزمن ما كمل الحدوتة

كلمات : عبد الرحمن الأبنودى
ألحان وتوزيع : منير الوسيمى
غناء : محمد منير

اللقاء الثانى

2007-07-03T17:51:00.000+03:00

صندوق أكاذيب

2007-07-01T14:09:00.000+03:00

....لم يعد لدينا مسرح أو سينما أو بحث علمي أو تعليم… لدينا فقط مهرجانات ومؤتمرات… وصندوق أكاذيب… لم تعد لدينا صناعة أو زراعة أو صحة أو عدل… تفشى الفساد والنهب ومن يعترض يتعرض للامتهان والضرب والتعذيب… انتزعت القِلة المستغِلة منا الروح… الواقع مرعب. وفي ظل هذا الواقع لا يستطيع الكاتب أن يغمض عينيه أو يصمت. لا يستطيع أن يتخلى عن مسؤوليته. لن أطالبكم بإصدار بيان يستنكر ويشجب، فلم يعد هذا يجدي، لن أطالبكم بشيء. فأنتم أدرى مني بما يجب عمله....
من كلمة صنع الله ابراهيم بعد رفضه أستلام جائزة ملتقى الرواية العربية

تجتاحنى مؤخراٌ رغبة فى "طق حنك" ، لم أجد أفضل من كلمات صنع الله أبراهيم لتعبر عنها ، وتحديدأٌ لفظ "صندوق الأكاذيب" ليصف الوضع الحالى ، لكننى كذلك قررت أن أفعلها هذه المرة وأتكلم ..
وليكن كلامى بلا ترتيب ..
ساقنى القدر ورغبتى فى سماع الموسيقى الى حفل سعاد ماسى بالقلعة ، ويا ريتنى ما رحت ...
مثال حى لفشلنا فى تنظيم أى شيئ ولو حفلة موسيقية صغيرة ، الأبلغ تعبيرأ كان الموقف التالى :
بعد أن قرر أبله ما أن تقام الحفلة المتوقع لها حضور جماهيرى ضخم فى أضيق مكان بالقلعة على طريقة "سايبين الشقة كلها وقاعدين فى أوضة" ، ثم تلاه أبله أخر وضع عدد محدود من الكراسى أمام خشبة المسرح فى حفل "ع الواقف" ، تدخل الفنانة فيقوم الجالسين على مجموعة الكراسى بالوقوف فوقها "والباقى يولعوا" فلا يشاهد باقى الحضور غير سلويت لمؤخرات البهوات الواقفين على الكراسى..
وبعدين.. يثور مشاهدى المؤخرات الواقفين بالخلف فيقوموا يرشوا الواقفين على الكراسى بالمياه المعدنية فى مشهد لم أشاهده الا فى مدرجات الدرجة التالتة باستاد القاهرة (ده طبعاٌ قبل ظهور موضة مزز الأستاد اللاتى أكتشفن فجاة رياضة حديثة أسمها كرة القدم)
السادة أبطال المشهد المفترض انهم صفوة المجتمع ،" المسكفين"، اللى بيسمعوا مزيكا ، وأزايز الميه اللى فضوها على بعض ب 10 جنيه الأزازه...
واحدة من الواقفين ورا خبطت على كتف واحدة من اللى واقفين على حاجة وقالتلها "لو سمحت ممكن تنزلى احنا مش شايفين حاجة" ردت الأنسة "هيا أنانية بس أنا عايز أشوف" !!!!!!!!!!

وفى الحفلة المشئومة ولأنى كنت واقف مع أتنين أعرفهم (وهما بالصدفة بلوجرز) ، حد معرفوش تماماٌ سألنى "وكريم بأه البلوج بتاعك أيه"...

مفهمتش ليه لازم أكون بلوجر، ولا ان البلوج جزء من تعريفى بنفسى ، ولا انو أهم من أنا بشتغل أيه ولا أعرف الناس منين، ولكل الأسباب دى بالأضافة انى مش من اصحاب البلوجز السياسية أو الجاهيرية وكمان بالأضافة للغتاتة الفطرية اللى عندى ، رديت "لأ أنا ماليش فى الحاجات دى"

وبعدها بكام يوم سمعت قال أيه ... هيعملوا نقابة للبلوجرز... يا حلاوة..

الموقف الأظرف على الأطلاق هو الذى حدث مع أحد أصدقائى بالأمس ، فاتحتها صديقة أخرى بأن "عندى ليكى عريس ، عايز واحدة متفتحة وملتزمة وبلوجر" !!!!!!!!!!!!!!!!!!!!!!!!!!!!

يمكننى أن أتفهم أشياء مثل لقاء المدونين أو ندوة عن التدوين فى مصر لكن نقابة ، هل نفهم حقاٌ ما هى النقابة ؟ ثم هل نفهم ما هى البلوجز؟ هل حدث فى أى دولة أن أنشئت نقابة للبلوجرز ؟؟ متى سنقيم نقابة مستخدمى ال msn وأعضاء ال facebook ؟

يا جدعان البلوج ده على ما فاهم خدمة ظريفة واحد يحط عليها كتاباته ، ارائه ، مزيكا ... مساحة لطيفة تعبر بيها عن نفسك والناس يشاركوك ، بس خلصت.... أنما أنا معنديش تفسير للتهويلات دى غير ان الناس مش عارفه تلاقى نفسها ولا تعبر عنها ولا تحقق نجاحات ولا شهرة ولا تلفت النظر الا من خلال صفحة على الأنترنت ، أنا مش بهاجم الناس دى ، لكن انا شايف أن ده جزء من صندوق الأكاذيب ، أحنا مش عارفين نعيش فى البلد فقررنا نعيش على الأنترنت ، قعدينا بنغنى على بعض ونصقف لبعض واللى يعمل فنان والى يعمل مناضل ، صدقنا نفسنا ، قالها مرة "lonewolf" زمان واصفاٌ المظاهرات : شوية كلاب بتهوهو فى أوضة ضلمة ...

البلوجز وغيرها وهم عملناه لنفسنا ، أفيونة كل يوم .. الناس بتكتب قصايد ركيكة وكلها أخطاء أملائية ولغوية وأخش ألاقى الناس نازلة أشادة وتهييص ، عيال قريت كتابين بنص جنيه من ألأتوبيس بتفتى فى الدين وتدى محاضرات ، مناضلين أيه بأه مأقولكش، تكتشف أنك ابن الكلب الوحيد الصايع هنا وأن كل الناس مهمة ، وان عندنا عرابى ومانديلا و ميل جيبسون فى القلب الشجاع بس احنا اللى جهلة ...

أنا مش بكتب ده علشان انا عارف اللى الناس مش عارفاه ، وأنا واقع فى نفس الوهم ، بس أنا عايز أفوق ... حد عايز يفوق ؟!!

البلوجز وحفلة سعاد ماسى و الشوارع المرور والفن بتاع اليومين دول والمؤتمرات وغيره ، كله جزء من صندوق الأكاذيب ومؤشر واضح للأنهيار اللى وصلناله واللى لسه هنوصله ، ليه متشائم ؟! علشان الأسوء أن الناس مبسوطة ومشاركة بكل قوة فى صناعة الأنهيار والأكاذيب .. خش ببوز عربيتك .. قوم اقف واللى وراك يولع .. يلا نهول وننفخ فى صورة بعض ...

لذلك فالأسوء لم يأتى بعد ...

ألا أذا كنت طبعاٌ من منتظرى النهضة اللتى يعد بها عمرو خالد خلال 20 سنة ،أو أنك أشتركت بأمسيات أبراهيم الفقى أو غيره لتشعر أن كله تمام وأن الطاقة العصبية البتنجانية داخلك ستغير العالم (تذكرنى موضة التنمية الذاتية بفيلم النوم فى العسل عندما خرج وزير الصحة على الناس ليطلب منهم الوقوف أمام المرأة وترديد "أنا كويس أنا جامد أنا بمب")

ونحن الأن فى الطريق للتحول لمجموعات صغيرة مفتتة ، كل مجموعة ترتاح لأكذوبة معينة ويصفقون ويهللون لبعضهم البعض وبالطبع .. الأخرون فى النار

مجموعة المسكفين ، مجموعة البلوجرز ، مجموعة اللادينين ، البنات التى ترتدى الخلاخيل وملابس الغجر ، الرجال الذين يرتدون الشبشب أبو الصباع ، البنات اللى بتسب الدين...

مجموعة "واعدوا" ، مجموعة المسلمين الشيك (يتحدثون الأنجليزية بطلاقة تجدهم فى امسيات التنمية الذاتية ونوادى الصفوة وجامعات الصفوة) ، مجموعة فقراء المسلمين، مجموعة "جزاك الله خيراٌ يا أختاه والأدعية اللازمة للتعجيل بالعريس"

أو تنضم للقاعدة العريضة من المصريين وشعارها "محدش فاهم حاجة يبقى يلا كلنا نفتى" و "لقمة العيش" و"ان كان ليك عند الكلب..."

أنا ضد فكر ال stereo typing ولا أحب أن أفكر فى الناس طبقاٌ لتصنيفات مسبقة و كنت أظن اننا يجب ان نحارب فكر ال stereo typing لكن الحقيقة اننا قتلنا قيم الفردية والتميزوأصبح لزاماٌ على كل انسان الأنضمام قلباٌ وقالباٌ لأحد الجماعات وألا عانى من النبذ وأصبح لزاماٌ على الأخر ان يصنف الأخرين حتى يقبل أو يرفض الأنضمام للجماعة الذين ينتمون اليها

تبأٌ .. جعلتمونى أنساناٌ أسوء

لذلك فأنا انصح نفسى وأياكم بأن نصمت قليلأ ونفكر كثيراٌ ، وكل واحد مع نفسه ، ممكن كل واحد مع نفسه ؟!!

حالة كده .. معرفش إيه

2007-06-23T13:11:00.000+03:00

معرفش ليه تنّحت للدنيا كده
فجأة لقيتني مسكون بالملل
لا عندي رغبة في البكا ولا في الكلام ولا عارف أنام
ولا حتى بسأل إيه ده إيه و أخرتها إيه و إيه العمل

و أخاف أقول لأي حد
أحسن يقوم يقلبها جد
حد صاحبي ينزعج
يمد إيده في قلبه من باب الكرم
عشان يشاركني الألم
أو يستلفلي من لئيم حبّة أمل
حالة كده .. معرفش إيه

حالة كده ملهاش معالم
ساعات تزورني في الربيع .. في الحر .. و في عز الشتا
و تجيب حاجات لا فيها روح ولا ميتة
لكني برجع منّها بعد السكات .. فاهم شوية في اللي فات
حاسس أوي بحزن الصحاب .. محظوظ أنا
ساعات أشاور ينفتحلي ألف باب
لكنّي بغلط في الحساب
معرفش ليه

على سلامة

My Way

2007-06-19T18:13:00.000+03:00

My sister :-)

2007-06-09T19:09:00.000+03:00

Invitation to View Exhibition

Glass Art, Sculpture & Egyptian Paste Museum

Sakkara Road, in front of Cataract Resort, Haraneya, Haram, Giza
Mobile : +2 010 55 22 757 Tel. & Fax: +202 38 15 955

E-mail: elkhonani@glassartm useum.com
www.glassartmuseum.com

Will kindly inaugurate the "View" exhibition for
Artist Prof. Dr. Aida Abd El-Karim
Supervisor of the Glass Art, Sculpture & Egyptian Paste Museum

On the Occasion of the
7th Annual exhibition dedicated to the memory
of the fused glass pioneer Zakaria El-Khonani

Daily from 10 a.m. to 5 p.m. - Closed on friday

-----------------------------------------------------------------------------------

some shots for my sister's artwork : Nehal Mahmoud

كنت أود الحديث عن الفنانة الكبيرة عايدة عبد الكريم لكن السيدة ( المرشحة لجائزة الدولة التقديرية) تستحق ما هو أكثر مما أستطيع أن أكتب فى مدونة ، السيدة التى تربى أجيالاٌ من الفنانين كشقيقتى ولا مجال لذكر حجم مساعدتها لهم ، تضع أسمها الكبير القيمة بالترتيب الأبجدى مع فنانين مبتدئين منهم من فى عمر أحفادها (أضغط صورة الأعلان للتكبير)، قيمتها الفنية تحتاج لمدونات وأخلاق هذة السيدة نحتاج ما هو أكثر من ذلك

The Last 7

2007-06-08T01:36:00.000+03:00

Too much love will kill you

2007-06-04T13:02:00.000+03:00

I'm just the pieces of the man I used to be
Too many bitter tears are raining down on me
I'm far away from home
And I've been facing this alone
For much too long

I feel like no-one ever told the truth to me
About growing up and what a struggle it would be
In my tangled state of mind
I've been looking back to find
Where I went wrong

Too much love will kill you
If you can't make up your mind
Torn between the lover
And the love you leave behind
You're headed for disaster
'cos you never read the signs
Too much love will kill you
Every time

I'm just the shadow of the man I used to be
And it seems like there's no way out of this for me
I used to bring you sunshine
Now all I ever do is bring you down

How would it be if you were standing in my shoes
Can't you see that it's impossible to choose
No there's no making sense of it
Every way I go I'm bound to lose
Too much love will kill you
Just as sure as none at all
It'll drain the power that's in you
Make you plead and scream and crawl
And the pain will make you crazy
You're the victim of your crime
Too much love will kill you
Every time

Too much love will kill you
It'll make your life a lie
Yes, too much love will kill you
And you won't understand why
You'd give your life, you'd sell your soul
But here it comes again
Too much love will kill you
In the end...
In the end...

Hurt

2007-06-01T14:13:00.000+03:00

I hurt myself today
to see if I still feel
I focus on the pain
the only thing that's real
the needle tears a hole
the old familiar sting
try to kill it all away
but I remember everything
what have I become?
my sweetest friend
everyone I know
goes away in the end
and you could have it all
my empire of dirt

I will let you down
I will make you hurt

I wear this crown of thorns
upon my liar's chair
full of broken thoughts
I cannot repair
beneath the stains of time
the feelings disappear
you are someone else
I am still right here

what have I become?
my sweetest friend
everyone I know
goes away in the end
and you could have it all
my empire of dirt

I will let you down
I will make you hurt

if I could start again
a million miles away
I would keep myself
I would find a way

Johnny Cash - Hurt

the new new 7

2007-05-29T22:32:00.000+03:00

High from above

Butterfly flowers

Hidden Beauty

Birth

Creation

Life Behind sliding doors

Simply French

The New 7

2007-05-20T22:41:00.000+03:00

العبور

French Night

" I used to be a sailor

sailor across the seas

now i'm just an island
since the took my boat away from me "

Tracy Chapman

Modrn Touch

Flowers

Support

One

ما اقدرش اقول..ما اقدرش ابوح

2007-05-17T16:57:00.000+03:00

يا بخت من يقدر يقول
واللي ف ضميره يطلَّعه
يا بخت من يقدر يفضفض بالكلام
وكل واحد يسمعه
يقف في وسط الناس ويصرخ : آه يا ناس
ولا ملام
ييجى الطبيب يحكي له ع اللي بيوجعه
يكشف مكان الجرح ويحط الدوا
ولو انكوى
يقدر ينوح
وانا اللي مليان بالجروح
ما اقدرش اقول
ما اقدرش ابوح
والسهم يسكن صدري ما اقدرش انزعه

شوفي قد إيه؟
احنا النهارده إيه في أيام السنه
شتا والا صيف
وفين أنا
إيه اللي وصّلنى هنا
أنا صاحب البيت والا ضيف
صوتي انحبس
ما اقدرش اقول
ما عرفش حاجه عشان اقول
ما اعرفش غيرك انتي بس
يا بت ياللي في حبك العقل اتهوس

مكان غريب
كأنه سجن كأنه مخدع لحبيب
كأنه بير
شباك حديد وعليه ستاير من حرير
والريح بينفد منه زي المسامير
الريح عوى
قلبى انقبض
قلبى اتلوى
الشمس تلج اصفر شعاعها صاروخ هوا
الضلمه تلج اسود كتير
ألوف ألوف القناطير
خبيني في شعورك يا بت
أحسن عروقى اتخشِّبت
شعرك خشن زى الحِرام الصوف يا بت
خبيني فيه م الزمهرير ..
ونَيِّميني في السرير

دخل النبى بردان خديجه لَفِّته
حَطِّت عليه غطيان لحد ما دَفِّته
دخل النبى بردان وقال: فين الغطا
البسمة غطت شفِّته

شوفي قد إيه - صلاح جاهين

حاله كده معرفش ايه

2007-05-10T17:36:00.000+03:00

العنوان من قصيدة للشاعر على سلامة*